Bosqichlar

Subyektlar

Tadbirlar

Bajarish muddatlari

1-bosqich

Talabgor

O‘zbekiston Respublikasi Yagona interaktiv davlat xizmatlari (keyingi o‘rinlarda — YIDXP) portalidan ro‘yxatdan o‘tadi va so‘rovnoma to‘ldiradi.

O‘z xohishiga ko‘ra

2-bosqich

YIDXP

Tijoriy elektron xizmatlar ko‘rsatilishi uchun so‘rovnomani vakolatli organga yuboradi.

Avtomatik tarzda

3-bosqich

Vakolatli organ

Talabgor tomonidan taqdim etilgan ma’lumotlar (hujjatlar) asosida “Yagona milliy mehnat tizimi” idoralararo dasturiy-apparat kompleksida ma’lumotlarni shakllantiradi.

Pasportlarning 6-bandida belgilangan muddatlarda

4-bosqich

Ma’lumotlar shakllantirilgani haqida QR-kod qo‘yilgan ma’lumotnomani talabgorga elektron shaklda YIDXP orqali yuboradi.

1. Tijoriy elektron xizmat nomi

Xodimlar bilan mehnat shartnomalarini tuzish, bekor qilish va ularga kiritilgan o‘zgartirish va qo‘shimchalar haqidagi ma’lumotlarni “Yagona milliy mehnat tizimi” idoralararo dasturiy-apparat kompleksiga kiritish.

2. Tijoriy elektron xizmatdan foydalanuvchilar toifasi

Talabgor (ish beruvchi).

3. Tijoriy elektron xizmatni ko‘rsatuvchi vakolatli organ

O‘zbekiston Respublikasi Kambag‘allikni qisqartirish va bandlik vazirligi huzuridagi “Yagona milliy mehnat tizimi” idoralararo dasturiy-apparat kompleksini boshqarish direksiyasi.

4. Tijoriy elektron xizmatdan foydalanish uchun talab etiladigan ma’lumotlar

1. So‘rovnomada quyidagi ma’lumotlar ko‘rsatiladi:

soliq to‘lovchining identifikatsiya raqami (STIR);

yuridik shaxs nomi;

yuridik shaxs joylashgan manzil;

yuridik shaxs rahbarining F.I.O.;

yuridik shaxs rahbarining/kadrlar bo‘yicha mas’ul xodimining telefon raqami;

elektron pochta manzili (mavjud bo‘lsa);

mehnat faoliyati to‘g‘risidagi ma’lumotlar shakllantirilishi lozim bo‘lgan xodimlar soni.

2. Ish beruvchining ERI kaliti, xodimlarning ishga qabul qilinishi, mehnat shartnomasiga qo‘shimchalar va o‘zgartirishlar kiritilishi yoki bekor qilinishi haqidagi buyruqlar va mehnat shartnomalari nusxalari PDF, PNG yoki JPEG formatda ilova qilinadi.

5. Tijoriy elektron xizmatni ko‘rsatganlik uchun undiriladigan yig‘im miqdori

Bazaviy hisoblash miqdorining 2 foizi (bir nafar xodimning ma’lumotlarini shakllantirish uchun).

6. Tijoriy elektron xizmatni ko‘rsatish muddati

3 ish kuni.

7. Izoh

Talabgor ushbu xizmatdan foydalanish uchun xodimlari bilan mehnat shartnomasi tuzilgan yoki mehnat shartnomasiga o‘zgartirish kiritilgan yoki bekor qilingan kundan boshlab 2 ish kuni davomida vakolatli organga murojaat qilishi lozim.

1. Tijoriy elektron xizmat nomi

Xodimlarining avvalgi ish joy(lar)i to‘g‘risidagi mehnat daftarchasidagi yozuvlarni “Yagona milliy mehnat tizimi” idoralararo dasturiy-apparat kompleksiga kiritish orqali elektron mehnat daftarchasini shakllantirish.

2. Tijoriy elektron xizmatdan foydalanuvchilar toifasi

Talabgor (ish beruvchi).

3. Tijoriy elektron xizmatni ko‘rsatuvchi vakolatli organ

O‘zbekiston Respublikasi Kambag‘allikni qisqartirish va bandlik vazirligi huzuridagi “Yagona milliy mehnat tizimi” idoralararo dasturiy-apparat kompleksini boshqarish direksiyasi.

4. Tijoriy elektron xizmatdan foydalanish uchun talab etiladigan ma’lumotlar

1. So‘rovnomada quyidagi ma’lumotlar ko‘rsatiladi:

soliq to‘lovchining identifikatsiya raqami (STIR);

yuridik shaxs nomi;

yuridik shaxs joylashgan manzil;

yuridik shaxs rahbarining F.I.O.;

yuridik shaxs rahbarining/kadrlar bo‘yicha mas’ul xodimining telefon raqami;

elektron pochta manzili (mavjud bo‘lsa);

mehnat faoliyati to‘g‘risidagi ma’lumotlar shakllantirilishi lozim bo‘lgan xodimlar soni.

2. Ish beruvchining ERI kaliti, xodimlarning mehnat daftarchasi nusxasi va mehnat stajini tasdiqlovchi boshqa ma’lumotlar PDF, PNG yoki JPEG formatda ilova qilinadi.

5. Tijoriy elektron xizmatni ko‘rsatganlik uchun undiriladigan yig‘im miqdori

Bazaviy hisoblash miqdorining 5 foizi (bir nafar xodimning ma’lumotlarini shakllantirish uchun).

6. Tijoriy elektron xizmatni ko‘rsatish muddati

15 ish kuni.

7. Izoh

Ish beruvchi vakolatli organ tomonidan “Yagona milliy mehnat tizimi” idoralararo dasturiy-apparat kompleksiga kiritilgan 2005-yil 1-yanvargacha bo‘lgan davr uchun mehnat staji to‘g‘risidagi ma’lumotlarni mehnat daftarchasidagi yozuvlar asosida ERI bilan tasdiqlab berishga, 2005-yil 1-yanvardan keyingi davr uchun ma’lumotlarning to‘g‘riligini tasdiqlash uchun xodim avval ishlagan ish beruvchilarning “Tashkilot kabineti”ga elektron shaklda so‘rov yuborilishiga mas’ul hisoblanadi.

1. Tijoriy elektron xizmat nomi

“Yagona milliy mehnat tizimi” idoralararo dasturiy-apparat kompleksida tashkilotning tuzilmasini shakllantirish.

2. Tijoriy elektron xizmatdan foydalanuvchilar toifasi

Talabgor (ish beruvchi).

3. Tijoriy elektron xizmatni ko‘rsatuvchi vakolatli organ

O‘zbekiston Respublikasi Kambag‘allikni qisqartirish va bandlik vazirligi huzuridagi “Yagona milliy mehnat tizimi” idoralararo dasturiy-apparat kompleksini boshqarish direksiyasi.

4. Tijoriy elektron xizmatdan foydalanish uchun talab etiladigan ma’lumotlar

1. So‘rovnomada quyidagi ma’lumotlar ko‘rsatiladi:

soliq to‘lovchining identifikatsiya raqami (STIR);

yuridik shaxs nomi;

yuridik shaxs joylashgan manzil;

yuridik shaxs rahbarining F.I.O.;

yuridik shaxs rahbarining/kadrlar bo‘yicha mas’ul xodimining telefon raqami;

elektron pochta manzili (mavjud bo‘lsa).

2. So‘rovnomaga quyidagilar ilova qilinadi:

ish beruvchining ERI kaliti;

tashkilotning barcha bo‘linmalari to‘g‘risidagi ma’lumotlar, yuridik shaxsning alohida STIRga ega bo‘lgan va alohida yuridik shaxs bo‘lganlaridan tashqari;

ish beruvchining (budjet tashkilotlari va budjetdan mablag‘ oluvchilarning) tasdiqlangan shtat jadvali;

ish beruvchining fuqarolik javobgarligi majburiy sug‘urta qilingani bo‘yicha sug‘urta polisi sanasi va raqamlari;

ma’muriy, ishlab chiqarish va texnik xodimlar bilan birgalikda tashkilotdagi barcha ish o‘rinlari, shu jumladan, bo‘sh ish o‘rinlari, ijtimoiy muhofazaga muhtoj, ish topishda qiynalayotgan va mehnat bozorida teng shartlarda raqobatlasha olmaydigan shaxslarni ishga joylashtirish uchun belgilangan zaxiraga qo‘yilgan ish o‘rinlarining toifalari va soni (agar qonunchilik talablari tatbiq etilsa) haqidagi ma’lumotlar;

 noqulay va zararli mehnat sharoitlari bo‘yicha lavozim va kasblar ro‘yxati (mavjud bo‘lsa).

5. Tijoriy elektron xizmatni ko‘rsatganlik uchun undiriladigan yig‘im miqdori

Bazaviy hisoblash miqdorining 50 foizi.

6. Tijoriy elektron xizmatni ko‘rsatish muddati

5 ish kuni.

Izoh

Vakolatli organ tashkilot kabinetini shakllantirishda talabgor tomonidan ushbu pasportning 4-bandiga muvofiq taqdim etilgan barcha ma’lumotlarni kiritishi shart.

Elektron hujjatning identifikatsiya raqami

O‘zbekiston Respublikasi Davlat gerbi tasviri

_____________________________________________________________________________________

^{(vakolatli organning nomi)}

Sizning 20___ yil “____” _________________dagi ____________________-son murojaatingiz belgilangan tartibda va muddatlarda ko‘rib chiqildi va “Yagona milliy mehnat tizimi” idoralararo dasturiy-apparat kompleksida mehnat faoliyatiga oid ma’lumotlar shakllantirildi.

Mas’ul ijrochining F.I.O.

QR-kod