Oʻzbekiston Respublikasi Prezidentining “Oʻzbekiston Respublikasi vazirliklari, idoralari va tashkilotlarining formali kiyim-boshlarini ishlab chiqish, standartlashtirish, tasdiqlash va tayyorlash mexanizmini tartibga solish chora-tadbirlari toʻgʻrisida” 2017-yil 27-fevraldagi PQ-2800-son qarori ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi (keyingi oʻrinlarda — Oʻzenergoinspeksiya) xodimlarining idoraviy formali kiyim-boshlari hamda farqlash belgilari namunalari va tavsifi ilovaga muvofiq tasdiqlansin.

2. Belgilansinki, Oʻzenergoinspeksiya xodimlarining idoraviy formali kiyim-boshlari hamda farqlash belgilari uchun zarur xarajatlar Oʻzenergoinspeksiya xodimlarini zamonaviy talablar va iqlim xususiyatlariga javob beradigan qulay idoraviy formali kiyim-boshlari hamda farqlash belgilari namunalari va tavsifi asosida Oʻzenergoinspeksiyaning budjetdan tashqari mablagʻlari hisobidan amalga oshiriladi.

3. Oʻzenergoinspeksiya 2025-yil yakuniga qadar:

idoraviy formali kiyim-boshlarni tikish uchun belgilangan tartibda xarid qilish tartib-taomillarining oʻtkazilishini;

Oʻzenergoinspeksiya xodimlarining idoraviy formali kiyim-boshlari tayyorlanishini va ularga toʻliq oʻtilishini taʼminlasin.

4. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov va Oʻzenergoinspeksiya boshligʻi v.v.b X.M. Eshqoʻziyev zimmasiga yuklansin.

1. Erkaklar uchun idoraviy formali kiyim-bosh:

a) old qismida kokardasi boʻlgan toʻq koʻk kepka;

b) kalta yengli, koʻkrak choʻntaklari tugmali, lavozimni farqlash belgili, yozuvli (nashivkali), Inspeksiya belgisi (logotip) tushirilgan toʻq sariq rangli koʻylak;

v) pastki qismida qoʻshimcha choʻntaklari boʻlgan toʻq koʻk shim;

g) shim uchun kamar;

d) qora rangli charm poyabzal.

2. Ayollar uchun idoraviy formali kiyim-bosh:

a) old qismida kokardasi boʻlgan toʻq koʻk kepka;

b) kalta yengli, koʻkrak choʻntaklari tugmali, lavozimni farqlash belgili, yozuvli (nashivkali), Inspeksiya belgisi (logotip) tushirilgan toʻq sariq rangli bluzka;

v) toʻq koʻk yubka (shim);

g) qora rangli charm poyabzal.

Kuzgi va bahorgi mavsumiy idoraviy formali kiyim-bosh

1. Erkaklar uchun idoraviy formali kiyim-bosh:

a) old qismida kokardasi boʻlgan toʻq koʻk kepka;

b) koʻkrak qismida yozuvli (nashivkali), chap yelkasida Inspeksiya belgisi (logotip) tushirilgan qora rangli futbolka;

v) yenglari ajratib olinadigan, toʻq koʻk rangli, ikkita koʻkrak choʻntakli, lavozimni farqlash belgili, yozuvli (nashivkali), yon pastki tomonlari choʻntakli, chiziqli, yelkalariga shevron va Inspeksiya belgisi (logotip) tushirilgan yengil kurtka;

g) pastki qismida qoʻshimcha choʻntaklari boʻlgan toʻq koʻk shim;

d) shim uchun kamar;

e) qora rangli charm poyabzal.

2. Ayollar uchun idoraviy formali kiyim-bosh:

a) old qismida kokardasi boʻlgan toʻq koʻk kepka;

b) koʻkrak qismida yozuvli (nashivkali), chap yelkasida Inspeksiya belgisi (logotip) tushirilgan qora rangli bluzka;

v) yenglari ajratib olinadigan, toʻq koʻk rangli, ikkita koʻkrak choʻntakli, lavozimni farqlash belgili, yozuvli (nashivkali), yon pastki tomonlari choʻntakli, chiziqli, yelkalariga shevron va Inspeksiya belgisi (logotip) tushirilgan yengil kurtka;

g) toʻq koʻk yubka (shim);

d) qora rangli charm poyabzal.

1. Erkaklar uchun idoraviy formali kiyim-bosh:

a) old qismida kokardasi boʻlgan qishki toʻq koʻk moʻynali kepka;

b) yenglari uzun, koʻkrak choʻntaklari tugmali, lavozimni farqlash belgili, yozuvli (nashivkali), Inspeksiya belgisi (logotip) tushirilgan qora rangli futbolka;

v) yenglari ajratib olinadigan, toʻq koʻk rangli, ikkita koʻkrak choʻntakli, lavozimni farqlash belgili, yozuvli (nashivkali), yon pastki tomonlari choʻntakli, Inspeksiya belgisi (logotip) tushirilgan yengil kurtka;

g) toʻq koʻk rangli, yoqa qismi moʻynali, koʻkrak yozuvli va lavozimni farqlash belgili, Inspeksiya belgisi (logotip) tushirilgan, chap yengi logotip ostida choʻntakli, plashsifat issiq kurtka;

d) toʻq koʻk issiq shim;

e) qora charmdan shim kamari;

j) qora rangli etik.

2. Ayollar uchun idoraviy formali kiyim-bosh:

a) old qismida kokardasi boʻlgan qishki toʻq koʻk moʻynali kepka;

b) yenglari uzun, koʻkrak choʻntaklari tugmali, lavozimni farqlash belgili, yozuvli (nashivkali), Inspeksiya belgisi (logotip) tushirilgan qora rangli bluzka;

v) yenglari ajratib olinadigan, toʻq koʻk rangli, ikkita koʻkrak choʻntakli, lavozimni farqlash belgili, yozuvli (nashivkali), yon pastki tomonlari choʻntakli, Inspeksiya belgisi (logotip) tushirilgan yengil kurtka;

g) toʻq koʻk rangli, yoqa qismi moʻynali, koʻkrak yozuvli va lavozimni farqlash belgili, Inspeksiya belgisi (logotip) tushirilgan, chap yengi logotip ostida choʻntakli, plashsifat issiq kurtka;

d) toʻq koʻk yubka;

e) qora rangli etik.

1. Kokarda

Kokarda toʻq koʻk rangdagi alyumin metalldan yasalgan, bosh kiyim uchun kokardada qirrali yorqinlik bilan oʻralgan, Oʻzbekiston Respublikasi Davlat gerbi aks ettirilgan boʻladi.

Orqa tomonida 0,8 — 1 mm qalinlikdagi poʻlat sim boʻlib, ular yordamida kokarda bosh kiyimning oʻrtasiga oʻrnatiladi. Kokardaning markazi burun koʻprigidan yuqorida boʻlishi kerak.

2. Inspeksiya belgisi (logotip)

Inspeksiya belgisi (yeng tikilgan chokdan 120 mm masofada) 90x75 mm oʻlchamdagi toʻq koʻk-oq qalqon shakliga ega.

Qalqon ichida markazda davlat ramzi — Oʻzbekiston Respublikasining Davlat gerbi tasvirlangan. Qalqonning ichidagi gerb ustki qismida lotin alifbosida bir qatorli harf ranglari oq rangda “OʻZBEKISTON RESPUBLIKASI”, ushbu soʻzlarning ostida lotin alifbosida “VAZIRLAR MANKAMASI NUZURIDAGI”, undan keyingi qatorda “OʻZENERGOINSPEKSIYA” lotin alifbosidagi yozuvlar joylashgan.

Ramka kumush rangdan iborat.

Belgi matoga tushirilgan holda tayyorlanadi. Belgi matosi toʻq koʻk rangda.

3. Shevron

Shevron idoraviy formaning chap yengida (yeng tikilgan chokdan 120 mm masofada) 90x75 mm oʻlchamdagi koʻk dumaloq shaklga ega boʻladi.

Shevronda davlat ramzlari — oʻrtada Oʻzbekiston Respublikasining Davlat gerbi tasvirlangan. Shevronning ichidagi gerb ustki qismida lotin alifbosida choʻziq shaklda “OʻZENERGOINSPEKSIYA” yozuvlari joylashgan.

Ramka naqshinkor kumush rangdan iborat.

Shevron matoga tushirilgan holda tayyorlanadi. Shevron matosi koʻk rangda.

4. Yozuv (nashivka)

Oʻng choʻntak tepasida joylashtiriladi, yozuv (nashivka) “OʻZENERGOINSPEKSIYA” yozuvi 125x25 mm toʻgʻri burchakli, chetki qismi kumushrang, toʻq koʻk rangli matoga lotin alifbosidagi harflari kumush rangli ip bilan tikiladi.

Chap choʻntak tepasida “F.I.O” yozuvi 125x25 mm toʻgʻri burchakli, chetki qismi kumushrang, toʻq koʻk rangli matoga lotin alifbosidagi harflari kumush rangli ip bilan tikiladi.

Yozuv (nashivka) idoraviy formaning koʻkrak choʻntaklariga tikiladi.