O‘zbekiston Respublikasining “O‘zbekiston Respublikasi fuqarolarini, chet el fuqarolarini hamda fuqaroligi bo‘lmagan shaxslarni yashash joyi va turgan joyi bo‘yicha ro‘yxatdan o‘tkazish to‘g‘risida”gi Qonuniga muvofiq buyuraman:

1. O‘zbekiston Respublikasi Ichki ishlar vazirligi tomonidan qabul qilingan ayrim idoraviy normativ-huquqiy hujjatlarga ilovaga muvofiq o‘zgartirishlar kiritilsin.

2. Mazkur buyruq rasmiy e’lon qilingan kundan e’tiboran kuchga kiradi.

1. O‘zbekiston Respublikasi ichki ishlar vazirining 2018-yil 14-yanvardagi 13-son buyrug‘i (ro‘yxat raqami 2972, 2018-yil 16-fevral) (Qonun hujjatlari ma’lumotlari milliy bazasi, 16.02.2018-y., 10/18/2972/0710-son) bilan tasdiqlangan Xorijiy davlatlar ta’lim tashkilotlarida o‘qish uchun tanlov o‘tkazish tartibi to‘g‘risidagi nizomda:

a) 18-bandning yettinchi xatboshisidagi “doimiy ro‘yxatda turgan” degan so‘zlar “yashash joyi bo‘yicha ro‘yxatdan o‘tgan” degan so‘zlar bilan almashtirilsin;

b) 25-bandning ikkinchi xatboshisidan “doimiy” degan so‘z chiqarib tashlansin.

2. O‘zbekiston Respublikasi ichki ishlar vazirining 2018-yil 17-apreldagi 106-son “O‘zbekiston Respublikasida siyosiy boshpana berish to‘g‘risidagi iltimosnoma shaklini tasdiqlash haqida”gi buyrug‘iga (ro‘yxat raqami 3008, 2018-yil 10-may) (Qonun hujjatlari ma’lumotlari milliy bazasi, 10.05.2018-y., 10/18/3008/1191-son) ilovaning matnidagi “doimiy yashash” degan so‘zlar “yashash” degan so‘z bilan almashtirilsin.

3. O‘zbekiston Respublikasi ichki ishlar vazirining 2018-yil 20-oktabrdagi 286-son buyrug‘i (ro‘yxat raqami 3089, 2018-yil 22-noyabr) (Qonun hujjatlari ma’lumotlari milliy bazasi, 23.11.2018-y., 10/18/3089/2222-son) bilan tasdiqlangan O‘zbekiston Respublikasi Ichki ishlar vazirligining ixtisoslashtirilgan maktab-internatiga o‘quvchilarni o‘qishga qabul qilish uchun tanlovlar o‘tkazish va ularning hujjatlarini rasmiylashtirish tartibi to‘g‘risidagi nizomning 10-bandi birinchi xatboshisidan “doimiy” degan so‘z chiqarib tashlansin.

4. O‘zbekiston Respublikasi ichki ishlar vazirining 2019-yil 23-martdagi 67-son buyrug‘i (ro‘yxat raqami 3159, 2019-yil 20-may) (Qonun hujjatlari ma’lumotlari milliy bazasi, 20.05.2019-y., 10/19/3159/3151-son) bilan tasdiqlangan O‘zbekiston Respublikasi Ichki ishlar vazirligi tergov hibsxonalari va jazoni ijro etish muassasalarida saqlanayotgan shaxslarning tibbiy-sanitariya ta’minoti bo‘yicha qoidalarning 86-bandidan “doimiy” degan so‘z chiqarib tashlansin.

5. O‘zbekiston Respublikasi ichki ishlar vazirining 2019-yil 2-maydagi 71-son buyrug‘i (ro‘yxat raqami 3168, 2019-yil 19-iyun) (Qonun hujjatlari ma’lumotlari milliy bazasi, 19.06.2019-y., 10/19/3168/3304-son) bilan tasdiqlangan Muayyan yashash joyiga ega bo‘lmagan shaxslarni ma’muriy javobgarlikdan ozod etish va identifikatsiya ID-kartasini rasmiylashtirishda davlat bojini qoplash uchun tegishli hujjatlarni rasmiylashtirish hamda sudlarga va mahalliy ijro etuvchi hokimiyat organlariga taqdim etish tartibi to‘g‘risidagi nizomda:

a) 1-bandning uchinchi xatboshisidagi “doimiy yoki vaqtincha yashash joyi bo‘yicha” degan so‘zlar “yashash joyi yoki turgan joyi bo‘yicha” degan so‘zlar bilan almashtirilsin;

b) 7-bandning birinchi xatboshisi, 8 va 10-bandlardan “doimiy” degan so‘z chiqarib tashlansin.

6. O‘zbekiston Respublikasi ichki ishlar vazirining 2021-yil 3-noyabrdagi 415-son buyrug‘i (ro‘yxat raqami 3342, 2021-yil 14-dekabr) (Qonunchilik ma’lumotlari milliy bazasi, 14.12.2021-y., 10/21/3342/1158-son) bilan tasdiqlangan O‘zbekiston Respublikasi Ichki ishlar vazirligi Malaka oshirish institutining kasbiy tayyorgarlik fakultetiga qabul qilish tartibi to‘g‘risidagi nizomning 19-bandidan “doimiy” degan so‘z chiqarib tashlansin.

7. O‘zbekiston Respublikasi Ichki ishlar vazirining 2022-yil 23-iyundagi 200-son buyrug‘i (ro‘yxat raqami 3374, 2022-yil 28-iyun) (Qonunchilik ma’lumotlari milliy bazasi, 28.06.2022-y., 10/22/3374/0582-son) bilan tasdiqlangan O‘zbekiston Respublikasi Ichki ishlar vazirligi harbiy tuzilmalariga kontrakt bo‘yicha harbiy xizmatga nomzodlarni saralash tartibi to‘g‘risidagi nizomning 14-bandning birinchi xatboshisidagi “doimiy yashash joyi yoki vaqtincha turgan joyidagi” degan so‘zlar “yashash joyi yoki turgan joyidagi” degan so‘zlar bilan almashtirilsin.

8. O‘zbekiston Respublikasi ichki ishlar vazirining 2025-yil 19-iyuldagi 403-son buyrug‘i (ro‘yxat raqami 3670, 2025-yil 20-avgust) (Qonunchilik ma’lumotlari milliy bazasi, 22.08.2025-y., 10/25/3670/0767-son) bilan tasdiqlangan Probatsiya nazoratidagi shaxslarning xulq-atvori ustidan nazoratni amalga oshirish tartibi to‘g‘risidagi yo‘riqnomaning 91-bandidan “doimiy” degan so‘z chiqarib tashlansin.