T/r

Qonunchilik hujjati loyihasi

Qonunchilik hujjati loyihasida nazarda tutilgan tadbirlar

Ijro muddati

Masʼul ijrochilar

I. Tadbirkorlikni moliyaviy qoʻllab-quvvatlash

1.

Tadbirkorlik subyektlarini yangicha yondashuvlar asosida qoʻllab-quvvatlash chora-tadbirlari toʻgʻrisida

Oʻzbekiston Respublikasi Prezidentining farmoni loyihasi

Loyihada quyidagilar nazarda tutiladi:

(a) 2026-2027-yillarda “Tadbirkorlikni rivojlantirish kompaniyasi” AJ tomonidan kamida 5 mingta tadbirkorlik loyihalarini amalga oshirish uchun 4 trillion soʻmlik moliyaviy qoʻllab-quvvatlash choralarini taqdim etish;

(b) tadbirkorlarni “chempion tadbirkor” toifasiga olib chiqishga koʻmaklashish uchun ishlab chiqarish va xizmat koʻrsatish loyihalariga banklar orqali 10 milliard soʻmgacha milliy va xorijiy valyutada kreditlar ajratish uchun resurs joylashtirish;

(v) ishlab chiqarish, servis, “yashil” iqtisodiyot yoʻnalishidagi mikroloyihalarga tijorat banklari tomonidan 500 million soʻmgacha bozor stavkasida ajratilgan kreditlarni qayta moliyalashtirish;

(g) avval kafillikdan ijobiy foydalangan va yaxshi kredit tarixiga ega boʻlgan tadbirkorlik subyektlariga kafillik miqdorini 1,5 baravargacha oshirish;

(d) yirik tadbirkorlik subyektlariga ham 10 milliard soʻmgacha kafillik taqdim etish.

2025-yil sentabr

Vazirlar Mahkamasi

(Qoʻchqorov),

Iqtisodiyot va moliya vazirligi

(Norqulov),

Markaziy bank

(Ishmetov)

2.

Yoshlarning startap loyihalarini qoʻllab-quvvatlash chora-tadbirlari toʻgʻrisida

Oʻzbekiston Respublikasi Prezidentining qarori loyihasi

Loyihada yoshlarning startap va biznes loyihalarini qoʻllab-quvvatlashning quyidagi chora-tadbirlari nazarda tutiladi:

(a) yoshlarning mingtagacha startap gʻoyalarini tijoratlashtirish, shundan 200 tasini xalqaro bozorga olib chiqish;

(b) eng ilgʻor texnologiyalarni olib kelib, 100 ta mahalliy startaplarni xalqaro miqyosda jozibador biznesga aylantirish va buning uchun 10 million AQSH dollari miqdorida mablagʻlar ajratish;

(v) “Yosh tadbirkorlar” chempionatini tashkil qilish. Bunda:

(i) eng yaxshi 100 tagacha gʻoyani tanlab olish va har bir startap va biznes loyihasi uchun 1 milliard soʻmgacha investitsiya kiritish;

(ii) startap va biznes loyihalarini brendga aylantirish uchun moliyaviy va marketing xizmatlari boʻyicha ekspertlarning xarajatlarini qoplab berish;

(iii) gʻoliblarni 20-avgust — Tadbirkorlar kuni arafasida taqdirlash.

2025-yil oktabr

Vazirlar Mahkamasi

(Qoʻchqorov),

Yoshlar ishlari agentligi

(Saʼdullayev),

Iqtisodiyot va moliya vazirligi

(Norqulov),

Savdo-sanoat palatasi

(Vaxabov),

Investitsiyalar, sanoat va savdo vazirligi

(Kudratov)

3.

Moliyaviy texnologiyalar sohasidagi startaplarni rivojlantirish strategiyasi toʻgʻrisida

Oʻzbekiston Respublikasi Prezidentining qarori loyihasi

Loyihada quyidagilar nazarda tutiladi:

(a) moliyaviy texnologiyalar sohasidagi startaplarni qoʻllab-quvvatlash boʻyicha 5 yillik strategiyani ishlab chiqish;

(b) banklar, moliyaviy texnologiyalar sohasidagi tashkilotlar va startaplar oʻrtasida koʻprik vazifasini bajaruvchi “Open banking” tizimini joriy etish.

2025-yil oktabr

Vazirlar Mahkamasi

(Qoʻchqorov),

Markaziy bank

(Ishmetov),

Raqamli texnologiyalar vazirligi

(Shermatov),

Iqtisodiyot va moliya vazirligi

(Norqulov)

4.

“Kichik biznesni uzluksiz qoʻllab-quvvatlash” kompleks dasturini takomillashtirish boʻyicha

Oʻzbekiston Respublikasi Prezidentining qarori loyihasi

Loyihada “Kichik biznesni uzluksiz qoʻllab-quvvatlash” kompleks dasturining tashkiliy-institutsional tuzilmasi va mutasaddi tashkilotlarning asosiy vazifalari, dastur ishtirokchilarini qoʻllab-quvvatlash instrumentlari va ulardan foydalanish shartlarini takomillashtirish nazarda tutiladi.

2025-yil noyabr

Vazirlar Mahkamasi

(Qoʻchqorov),

Iqtisodiyot va moliya vazirligi

(Norqulov),

Markaziy bank

(Ishmetov)

5.

Tadbirkorlik uyushmalarining dasturlarini davlat tomonidan qoʻllab-quvvatlash toʻgʻrisida

Vazirlar Mahkamasining qarori loyihasi

Loyihada ishlab chiqarish (xizmat koʻrsatish)ni va eksportni oshirish, tadbirkorlarga koʻmaklashish, muammolarni hal qilish va tegishli sohani rivojlantirishga qaratilgan tadbirkorlik uyushmalarining faoliyat dasturlarini ulardan koʻzlangan aniq natijalari (KPI) asosida tanlab olish, moliyalashtirish, ularning monitoringi va hisobini yuritish tartibi belgilanadi.

Bunda aniq natijaga qaratilgan dasturlar, loyihalar va tadbirlarni moliyalashtirish uchun har yili 20 million AQSH dollari miqdorida mablagʻ ajratish nazarda tutiladi.

2025-yil noyabr

Vazirlar Mahkamasi

(Qoʻchqorov),

Iqtisodiyot va moliya vazirligi (Norqulov),

Savdo-sanoat palatasi

(Vaxabov),

tarmoq uyushmalari

6.

Moliyaviy qoʻllab-quvvatlash choralarini taqdim etishni raqamlashtirish chora-tadbirlari toʻgʻrisida

Oʻzbekiston Respublikasi Prezidentining qarori loyihasi

Loyihada tadbirkorlarga barcha moliyaviy qoʻllab-quvvatlash choralarini (imtiyoz, preferensiya, subsidiya, ssuda) taqdim etish va hisobini yuritishni “bir darcha” tamoyili asosida yagona raqamli platforma orqali amalga oshirish mexanizmini joriy etish nazarda tutiladi.

2025-yil noyabr

Vazirlar Mahkamasi

(Qoʻchqorov),

Iqtisodiyot va moliya vazirligi

(Norqulov),

Kambagʻallikni qisqartirish va bandlik vazirligi

(Zaxidov),

Soliq qoʻmitasi

(Kudbiyev),

manfaatdor idoralar

7.

Lizing munosabatlarini takomillashtirish boʻyicha

qonun loyihasi

Loyihada lizing obyekti lizing oluvchi balansida hisobga olinishi haqidagi talabni yakka tartibdagi tadbirkorlar uchun bekor qilish nazarda tutiladi.

2025-yil oktabr

Vazirlar Mahkamasi

(Qoʻchqorov),

Iqtisodiyot va moliya vazirligi

(Norqulov)

8.

Shakar oʻrnini bosuvchi moddalarni ishlab chiqarishni mahalliylashtirish chora-tadbirlari toʻgʻrisida

Oʻzbekiston Respublikasi Prezidentining qarori loyihasi

Loyihada quyidagilar nazarda tutiladi:

(a) shakar oʻrnini bosuvchi moddalarni ishlab chiqarishni mahalliylashtirishni yoʻlga qoʻyish, shuningdek, oziq-ovqat mahsulotlarini shu kabi komponentlar bilan boyituvchi korxonalarni davlat grantlari, innovatsion dasturlar va imtiyozli kreditlarni joriy qilish orqali qoʻllab-quvvatlash;

(b) tarkibida shakar yoki boshqa shirinlashtiruvchi yoki xushboʻylashtiruvchi moddalar boʻlgan gazlangan ichimliklar, energetik va tetiklashtiruvchi ichimliklarni ichki bozordan sotib olib, eksport qilgan korxonalarga ushbu ichimliklar boʻyicha aksiz soligʻini qaytarish imkoniyatini yaratish. Bunda mablagʻlarni toʻlangan aksiz soligʻi tushumlaridan qaytarish.

2025-yil noyabr

Vazirlar Mahkamasi

(Qoʻchqorov),

Iqtisodiyot va moliya vazirligi

(Norqulov),

Soliq qoʻmitasi

(Kudbiyev),

Qishloq xoʻjaligi vazirligi

(Abdurahmonov),

Investitsiyalar, sanoat va savdo vazirligi

(Kudratov),

Oʻzbekiston texnik jihatdan tartibga solish agentligi

(Jumanazarov)

II. Soliq tizimini takomillashtirish

9.

Aylanmadan olinadigan soliq toʻlovidan qoʻshilgan qiymat soligʻi toʻloviga oʻtgan tadbirkorlarni ragʻbatlantirishga qaratilgan

qonun loyihasi

Loyihada aylanmadan olinadigan soliq toʻlovidan ilk marta qoʻshilgan qiymat soligʻi toʻloviga oʻtgan tadbirkorlarga quyidagi imkoniyatlarni berish nazarda tutiladi:

(a) 1 yil davomida foyda soligʻini toʻlashdan ozod qilish;

(b) bir yil davomida qoʻshilgan qiymat soligʻi toʻlovchisi sifatida soliq organlarida hisobga qoʻyish tartibini buzganlik uchun moliyaviy jarima qoʻllamaslik;

(v) 6 oy davomida buxgalteriya xizmatlari xarajatlarining har oyda mehnatga haq toʻlashning eng kam miqdorining 3,5 baravaridan oshmagan qismini toʻlayotgan soliq toʻlovlari hisobidan chegirib tashlash.

2025-yil noyabr

Vazirlar Mahkamasi

(Qoʻchqorov),

Iqtisodiyot va moliya vazirligi

(Xaydarov),

Soliq qoʻmitasi

(Kudbiyev)

10.

Soliq majburiyatlarini bajarishning proaktiv tartibini joriy etishga qaratilgan

qonun va Vazirlar Mahkamasining qarori loyihalari

Loyihada quyidagilar nazarda tutiladi:

(a) yuridik shaxslardan olinadigan mol-mulk soligʻi va yer soligʻi, jismoniy shaxslardan olinadigan daromad soligʻi va ijtimoiy soliq boʻyicha soliq hisobotlarini shakllantirish vazifasini soliq organlariga oʻtkazish va ushbu majburiyatni soliq toʻlovchilar uchun bekor qilish;

(b) yuridik shaxslardan olinadigan mol-mul soligʻi va yer soligʻi boʻyicha avtomatik tarzda shakllantirilgan soliq hisobotlarini soliq toʻlovchining shaxsiy kabinetiga yuborish;

(v) soliq toʻlovchiga shakllantirilgan hisobotlarga yuborilgan kundan eʼtiboran 5 kun ichida tuzatish kiritish huquqini berish;

(g) 5 kun ichida tuzatish kiritilmasligi soliq toʻlovchining soliq organlari tomonidan shakllantirilgan hisobotga roziligini bildirishi;

(d) jismoniy shaxslardan olinadigan daromad soligʻi va ijtimoiy soliq boʻyicha hisobotlarni soliq toʻlovchining shaxsiy kabinetidagi interaktiv xizmatga kiritilgan hisoblangan ish haqi va boshqa daromadlar, imtiyozlar va boshqa maʼlumotlar asosida soliq organlari tomonidan avtomatik tarzda shakllantirish;

(j) soliq organlari tomonidan shakllantirilgan soliq hisobotlariga soliq toʻlovchi tomonidan zarur tuzatishlarni kiritish va tuzatish kiritilgan soliq hisobotini taqdim etish huquqini saqlab qolish.

2025-yil noyabr

Vazirlar Mahkamasi

(Qoʻchqorov),

Soliq qoʻmitasi

(Kudbiyev),

Iqtisodiyot va moliya vazirligi

(Xaydarov)

11.

Soliq maʼmurchiligini takomillashtirishga qaratilgan

qonun loyihasi

Loyihada quyidagilar nazarda tutiladi:

(a) foyda soligʻi boʻyicha har oy boʻnak toʻlovlarini toʻlashi lozim boʻlgan tadbirkorlik subyektlari daromadining chegaraviy miqdorini 10 milliard soʻmdan 20 milliard soʻmga oshirish;

(b) tadbirkorlik subyektlari tomonidan oʻz mablagʻlari hisobidan ijtimoiy infratuzilma tarmoqlarini qurib, begʻaraz topshirilganda, ushbu obyektlar uchun qilingan xarajatlarni foyda soligʻi bazasidan kamaytirish;

(v) tadbirkorlik subyektlarining soliq auditi natijalari boʻyicha moliyaviy sanksiyalarni 6 oy ichida teng ulushlarda toʻlash huquqini sayyor soliq tekshiruvi natijalari boʻyicha moliyaviy sanksiyalarga ham tatbiq etish.

2025-yil oktabr

Vazirlar Mahkamasi

(Qoʻchqorov),

Iqtisodiyot va moliya vazirligi

(Xaydarov),

Soliq qoʻmitasi

(Kudbiyev)

12.

Sayyor soliq tekshiruvini oʻtkazish tartibini takomillashtirish boʻyicha

Vazirlar Mahkamasining qarori loyihasi

Loyihada sayyor soliq tekshiruvini oʻtkazishda mobil videokameradan foydalanish tartibi nazarda tutiladi.

2025-yil oktabr

Vazirlar Mahkamasi

(Qoʻchqorov),

Soliq qoʻmitasi

(Kudbiyev),

Iqtisodiyot va moliya vazirligi

(Xaydarov)

13.

Soliq hisobotlarini taqdim etmaganlik uchun javobgarlik choralarini maqbullashtirish boʻyicha

qonun loyihasi

Loyihada quyidagilar nazarda tutiladi:

(a) soliq hisobotini oʻz vaqtida taqdim etmaganlik uchun maʼmuriy jarima miqdorini kichik tadbirkorlik subyektlarining mansabdor shaxslariga nisbatan bazaviy hisoblash miqdorining 10 baravaridan 3 baravariga tushirish, fuqarolar uchun bazaviy hisoblash miqdorining 3 baravaridan 1 baravariga tushirish;

(b) hisobot davrida bir nechta soliq turlari boʻyicha soliq hisobotlari taqdim etilmagan holatda barcha taqdim etilmagan hisobotlar boʻyicha umumiy bitta jarima qoʻllash;

(v) oxirgi 3 oyda soliq hisobotlarini oʻz vaqtida taqdim etib kelgan tadbirkorlik subyektlariga soliq hisobotini oʻz vaqtida taqdim etmaganlik uchun maʼmuriy jarimani 5 kungacha qoʻllamaslik.

2025-yil oktabr

Vazirlar Mahkamasi

(Qoʻchqorov),

Soliq qoʻmitasi

(Kudbiyev),

Iqtisodiyot va moliya vazirligi

(Xaydarov)

14.

Soliq toʻlovlarini amalga oshirishda soliq toʻlovchilarga qulayliklar yaratish boʻyicha

Vazirlar Mahkamasining qarori loyihasi

Loyihada soliqlar boʻyicha toʻlovlarni amalga oshirish, ortiqcha toʻlov va qarzdorlik summalarini yagona gʻaznachilik hisobvaragʻi orqali oʻzaro hisobga olish tizimini joriy qilish nazarda tutiladi.

2026-yil aprel

Vazirlar Mahkamasi

(Qoʻchqorov),

Soliq qoʻmitasi

(Kudbiyev),

Iqtisodiyot va moliya vazirligi

(Xaydarov)

15.

Qishloq xoʻjaligi mahsulotlarini xarid qilishda qulayliklar yaratish boʻyicha

Vazirlar Mahkamasining qarori loyihasi

Loyihada umumiy ovqatlanish korxonalari va qishloq xoʻjaligi mahsulotlarini eksport qiluvchi korxonalar uchun belgilangan jismoniy shaxslardan qishloq xoʻjaligi mahsulotlari naqd pulga xarid qilinganda, ushbu tovarlar uchun kirim hujjatlarini elektron shaklda rasmiylashtirish tartibini barcha tadbirkorlik subyektlariga tatbiq etish nazarda tutiladi.

2025-yil oktabr

Vazirlar Mahkamasi

(Qoʻchqorov),

Soliq qoʻmitasi

(Kudbiyev),

Iqtisodiyot va moliya vazirligi

(Xaydarov)

16.

Qoʻshilgan qiymat soligʻini toʻlashga oʻtgan tadbirkorlarga guvohnoma berishni soddalashtirish boʻyicha

Vazirlar Mahkamasining qarori loyihasi

Loyihada korxonaning balansida koʻchmas mulk mavjud boʻlganda, joyiga chiqqan holda oʻrganmasdan qoʻshilgan qiymat soligʻi toʻlovchisi sifatida maxsus roʻyxatdan oʻtkazish nazarda tutiladi.

2025-yil sentabr

Vazirlar Mahkamasi

(Qoʻchqorov),

Soliq qoʻmitasi

(Kudbiyev),

Iqtisodiyot va moliya vazirligi

(Xaydarov)

17.

Qishloq xoʻjaligi sohasida qoʻshilgan qiymat soligʻini hisoblashni takomillashtirish boʻyicha

Oʻzbekiston Respublikasi Prezidentining qarori loyihasi

Loyihada qishloq xoʻjaligi sohasida qoʻshilgan qiymat soligʻini qoʻllashning soddalashtirilgan tartibi nazarda tutiladi.

2025-yil oktabr

Vazirlar Mahkamasi

(Qoʻchqorov),

Iqtisodiyot va moliya vazirligi

(Xaydarov),

Soliq qoʻmitasi

(Kudbiyev)

18.

Soliq majburiyatlari bajarilishini taʼminlash mexanizmlarini takomillashtirish boʻyicha

qonun loyihasi

Loyihada quyidagilar nazarda tutiladi:

(a) soliq qarzini soliq toʻlovchining debitorlari hisobidan undirish imkoniyati;

(b) qurilishi tugallanmagan obyektlar uchun mol-mulk soligʻini hisoblab chiqarish muddati va tartibini takomillashtirish.

2025-yil noyabr

Vazirlar Mahkamasi

(Qoʻchqorov),

Soliq qoʻmitasi

(Kudbiyev),

Iqtisodiyot va moliya vazirligi

(Xaydarov)

19.

Soliq maʼmurchiligini takomillashtirish chora-tadbirlari toʻgʻrisida

qonun va Vazirlar Mahkamasining qarori loyihalari

Loyihada quyidagilar nazarda tutiladi:

(a) kameral soliq tekshiruvi oʻtkazilgan davrda aynan bir xil holat boʻyicha qayta kameral soliq tekshiruvi hamda soliq auditi oʻtkazilgan yoki oʻtkazilayotgan davrda tekshiruvdan oldingi tahlil oʻtkazmaslik;

(b) kameral soliq tekshiruvi natijasida yuborilgan talabnomaga javob xatini shaxsiy kabinet orqali yuborish tartibi;

(v) qoʻshilgan qiymat soligʻi toʻlovchisi guvohnomasining amal qilishini 30 kungacha — soliq organi tomonidan, 30 kundan ortiq boʻlgan muddatga sud tomonidan toʻxtatib turish.

2025-yil noyabr

Vazirlar Mahkamasi

(Qoʻchqorov),

Soliq qoʻmitasi

(Kudbiyev),

Iqtisodiyot va moliya vazirligi

(Xaydarov),

Adliya vazirligi

(Tashkulov),

Oliy sud

(Islamov)

20.

Tadbirkorlik subyektlarining barqarorlik reytingini takomillashtirish toʻgʻrisida

Vazirlar Mahkamasining qarori loyihasi

Loyihada quyidagilar nazarda tutiladi:

(a) Tadbirkorlik subyektlarining barqarorlik reytingida tadbirkorning umumiy reyting koʻrsatkichini oxirgi 30 kunda amalda boʻlgan ballardan kelib chiqib belgilash;

(b) qonunchilik talablariga rioya etib faoliyat koʻrsatayotgan tadbirkorlarga qoʻshimcha ballar berish nuqtai nazaridan baholash mezonlarini takomillashtirish.

2025-yil sentabr

Vazirlar Mahkamasi

(Qoʻchqorov),

Savdo-sanoat palatasi

(Vaxabov),

Soliq qoʻmitasi

(Kudbiyev)

21.

Qoʻshilgan qiymat soligʻi summasi oʻrnini qoplashni kengaytirish boʻyicha

qonun va Vazirlar Mahkamasining qarori loyihalari

Loyihada milliy va xorijiy marketpleyslarda xorijiy davlatlarga sotilgan tovarlarga eksport operatsiyalari boʻyicha qoʻshilgan qiymat soligʻi summasi oʻrnini qoplash tartibini tatbiq etish; Bojxona qoʻmitasi tomonidan bu toʻgʻrisidagi maʼlumotlarni Soliq qoʻmitasiga elektron ravishda taqdim qilib borish nazarda tutiladi.

2025-yil noyabr

Vazirlar Mahkamasi

(Qoʻchqorov),

Iqtisodiyot va moliya vazirligi

(Xaydarov),

Soliq qoʻmitasi

(Kudbiyev)

22.

Turizm korxonalarini soliqqa tortishni takomillashtirish boʻyicha

Vazirlar Mahkamasining qarori loyihasi

Loyihada mehmonxona xizmatlarini koʻrsatuvchi tadbirkorlik subyektlariga budjetga toʻlangan qoʻshilgan qiymat soligʻining 20 foizini qaytarishda mehmonxona xizmatlarini koʻrsatishdan tushgan umumiy tushumi jami tovarlarni (xizmatlarni) realizatsiya qilishdan olingan daromadining kamida 90 foizini tashkil etishi haqidagi talabni mehmonxonaning yulduzli toifasidan kelib chiqib, qayta koʻrib chiqish nazarda tutiladi.

2025-yil oktabr

Vazirlar Mahkamasi

(Qoʻchqorov),

Soliq qoʻmitasi

(Kudbiyev),

Savdo-sanoat palatasi

(Vaxabov)

23.

Xususiy tibbiy xizmatlarni rivojlantirish boʻyicha

Oʻzbekiston Respublikasi Prezidentining qarori loyihasi

Loyihada xususiy tibbiy xizmatlar aylanmasini yillar kesimida tahlil qilish natijalari boʻyicha sohada “xufiyona iqtisodiyot” ulushini kamaytirish nuqtai nazaridan tibbiy xizmatlarni koʻrsatuvchi tadbirkorlik subyektlariga budjetga toʻlangan qoʻshilgan qiymat soligʻining bir qismini qaytarib berish mexanizmini tatbiq etish qilish boʻyicha takliflar nazarda tutiladi.

2025-yil dekabr

Vazirlar Mahkamasi

(Qoʻchqorov),

Soliq qoʻmitasi

(Kudbiyev),

Iqtisodiyot va moliya vazirligi

(Xaydarov),

Sogʻliqni saqlash vazirligi

(Xudayarov)

24.

Nogironligi boʻlgan shaxslar bandligini taʼminlagan tadbirkorlarni qoʻllab-quvvatlash boʻyicha

qonun loyihasi

Loyihada 2026-yil 1-yanvardan 2028-yil 1-yanvarga qadar hisobot yili yakuniga koʻra oʻrtacha xodimlari umumiy sonining kamida 25 foizi, biroq kamida 4 nafarini nogironligi boʻlgan shaxslar tashkil etgan hamda ularga mehnatga haq toʻlashning eng kam miqdoridan kam boʻlmagan miqdorda oylik ish haqi toʻlaydigan yuridik shaxslarga (bundan yirik soliq toʻlovchilar, doimiy muassasalar, budjet tashkilotlari va davlat korxonalari, ustav fondida (ustav kapitalida) davlat ulushi 50 foiz miqdorida va undan ortiq boʻlgan yuridik shaxslar, ustav fondining (ustav kapitalining) 50 foizi va undan ortigʻi ustav fondida (ustav kapitalida) davlat ulushi 50 foiz miqdorida va undan ortiq boʻlgan yuridik shaxsga tegishli yuridik shaxslar mustasno) hisoblangan mol-mulk soligʻi summasini toʻliq hamda yer soligʻi summasining 90 foiz qismini nogironligi boʻlgan xodimlariga hisoblangan ish haqiga teng miqdorda kamaytirilgan holda toʻlash huquqini berish nazarda tutiladi. Bunda ushbu soliq imtiyozlari bolalikdan nogironligi boʻlgan shaxslar, shuningdek I va II guruh nogironligi boʻlgan shaxslarni asosiy ish joyi sifatida ishga qabul qilganda hamda mol-mulk va yer soligʻi boʻyicha hisoblangan umumiy soliq summasidan oshmagan miqdorda qoʻllanadi.

2025-yil sentabr

Ijtimoiy himoya milliy agentligi

(Olloyorov),

Iqtisodiyot va moliya vazirligi

(Xaydarov)

III. Turizm va xizmatlar sohasini rivojlantirish

25.

Turizmni rivojlantirish dasturini amalga oshirish toʻgʻrisida

Vazirlar Mahkamasining qarori loyihasi

Loyihada mazkur Farmonning 4- va 5-bandlarida nazarda tutilgan Turizmni rivojlantirish dasturini amalga oshirish tartibi nazarda tutiladi.

2025-yil noyabr

Vazirlar Mahkamasi

(Qoʻchqorov),

Ekologiya, atrof-muhitni muhofaza qilish va iqlim oʻzgarishi vazirligi

(Abduxakimov),

Iqtisodiyot va moliya vazirligi

(Norqulov),

Davlat aktivlarini boshqarish agentligi

(Ortiqov),

Turizm qoʻmitasi

(Shadiyev),

Savdo-sanoat palatasi

(Vaxabov)

26.

Joylashtirish vositalariga sayyohlar oqimini koʻpaytirish uchun qulayliklar yaratish boʻyicha

Vazirlar Mahkamasining qarori loyihasi

Loyihada quyidagilar nazarda tutiladi:

(a) turistik (mehmonxona) yigʻimni hisoblash va toʻlash tartibini respublika tuman va shaharlarida (viloyatlar markazlari, Toshkent va Nukus shaharlari, Vazirlar Mahkamasi tomonidan tasdiqlanadigan roʻyxatga kiritilgan turizm salohiyati yuqori boʻlgan tuman (shahar)lar va turistik zonalar bundan mustasno) joylashgan joylashtirish vositalari uchun bekor qilish;

(b) turizm salohiyati yuqori boʻlgan tuman (shahar)lar roʻyxatini belgilash;

(v) oilaviy mehmon uyi sifatida tan olish uchun bir vaqtning oʻzida vaqtincha yashash va (yoki) ovqatlanish boʻyicha xizmatlar koʻrsatish mumkin boʻlgan tashrif buyuruvchilar (turistlar) soni boʻyicha belgilangan chegara miqdorini 2 baravar oshirish.

2025-yil oktabr

Vazirlar Mahkamasi

(Qoʻchqorov),

Ekologiya, atrof-muhitni muhofaza qilish va iqlim oʻzgarishi vazirligi

(Abduxakimov),

Iqtisodiyot va moliya vazirligi

(Norqulov)

Turizm qoʻmitasi

(Shadiyev),

Savdo-sanoat palatasi

(Vaxabov)

27.

Mehmonxona biznesini yuritish uchun yanada qulay shart-sharoit yaratish toʻgʻrisida

Oʻzbekiston Respublikasi Prezidentining qarori loyihasi

Loyihada tadbirkorlik subyektlarining yangi mehmonxona qurish va jihozlash uchun ketgan xarajatlarining bir qismini Davlat budjetidan qoplab berish tizimini mehmonxonani qoʻshimcha bino va inshootlar qurish orqali kengaytirish yoki mavjud bino va inshootlarning ixtisoslashishini mehmonxona faoliyatiga oʻzgartirishga ham tatbiq etish nazarda tutiladi.

2025-yil oktabr

Vazirlar Mahkamasi

(Qoʻchqorov),

Ekologiya, atrof-muhitni muhofaza qilish va iqlim oʻzgarishi vazirligi

(Abduxakimov),

Iqtisodiyot va moliya vazirligi

(Norqulov)

28.

Turizm infratuzilmasini yaxshilashga qaratilgan chora-tadbirlar toʻgʻrisida

Oʻzbekiston Respublikasi Prezidentining farmoni loyihasi

Loyihada turizm sohasidagi tadbirkorlik subyektlariga faoliyatini amalga oshirish uchun zarur boʻlgan tovarlarni, shu jumladan transport vositalarini import qilishda qulayliklar yaratish nazarda tutiladi.

2025-yil oktabr

Vazirlar Mahkamasi

(Qoʻchqorov),

Ekologiya atrof-muhitni muhofaza qilish va iqlim oʻzgarishi vazirligi

(Abduxakimov),

Iqtisodiyot va moliya vazirligi

(Xaydarov),

Turizm qoʻmitasi

(Shadiyev),

Savdo-sanoat palatasi

(Vaxabov)

29.

Moddiy madaniy meros obyektlaridan foydalanishda davlat-xususiy sheriklik mexanizmlarini keng joriy qilish toʻgʻrisida

Oʻzbekiston Respublikasi Prezidentining qarori

Loyihada quyidagilar nazarda tutiladi:

(a) tegishli moddiy madaniy meros obyektlarini davlat-xususiy sheriklik asosida uzoq muddatga ijaraga berishning yagona “Heritage Hotels of Uzbekistan” dasturini ishga tushirish;

(b) davlat sherigi sifatida “Heritage Hotels of Uzbekistan direksiyasi” davlat muassasasini tashkil etish;

(v) obyektlarda restavratsiya-tiklash ishlarini davlat sherigi orqali Davlat budjeti mablagʻlari hisobidan amalga oshirish;

(g) xalqaro yuqori toifali mehmonxona tarmoqlarini jalb qilish, butik mehmonxonalar tashkil qilishni davlat tomonidan ragʻbatlantirish;

(d) dastur ishtirokchilarini foyda soligʻi, mol-mulk soligʻi va yer soligʻidan toʻliq miqdorda muayyan muddatga ozod qilish va bojxona imtiyozlarini taqdim etish boʻyicha qonunchilikni takomillashtirish.

2025-yil noyabr

Turizm qoʻmitasi

(Shadiyev),

Madaniy meros agentligi

(Abdikarimov),

Iqtisodiyot va moliya vazirligi

(Norqulov),

Madaniyat va sanʼatni rivojlantirish jamgʻarmasi

(Umerova)

30.

Madaniy meros obyektlari va muzeylarga tashrif buyuruvchi sayyohlar oqimini oshirish boʻyicha

Vazirlar Mahkamasining qarori loyihasi

Loyihada quyidagilar nazarda tutiladi:

(a) madaniy meros obyektlari va muzeylarga kirish chiptalarini raqamlashtirish va oldindan xarid qilish imkoniyatini yaratish;

(b) turistik obyektlarning tungi vaqtda faoliyat yuritishini yoʻlga qoʻyish.

2025-yil dekabr

Vazirlar Mahkamasi

(Qoʻchqorov),

Madaniy meros agentligi

(Abdikarimov),

Iqtisodiyot va moliya vazirligi

(Xaydarov),

Savdo-sanoat palatasi

(Vaxabov),

Ichki ishlar vazirligi

(Tashpulatov)

31.

Turizm koʻchalarini tashkil qilish chora-tadbirlari toʻgʻrisida

Vazirlar Mahkamasining qarori loyihasi

Loyihada quyidagilar nazarda tutiladi:

(a) gastronomik, savdo, xizmat koʻrsatish, sayilgoh va koʻngilochar yoʻnalishlarga ixtisoslashgan tunu kun faoliyat yuritadigan turizm koʻchalarida davlat-xususiy sheriklik mexanizmlari asosida boshqaruv kompaniyalarini tashkil qilish;

(b) turizm koʻchalarida koʻp qavatli va “aqlli” avtoturargohlar barpo etish dasturini ishlab chiqish;

(v) tungi iqtisodiyot uchun strategik hududlar roʻyxatini tasdiqlash;

(g) turizm koʻchalarida chiqindilarni toʻplash va tashish tizimini takomillashtirish.

2025-yil sentabr

Vazirlar Mahkamasi

(Qoʻchqorov),

Iqtisodiyot va moliya vazirligi

(Norqulov),

Strategik islohotlar agentligi

(Raxmatov),

Ekologiya atrof-muhitni muhofaza qilish va iqlim oʻzgarishi vazirligi

(Abduxakimov),

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

32.

Oʻzbekistonni mintaqadagi yuqori texnologik tibbiy xizmatlar xabiga aylantirish chora-tadbirlari toʻgʻrisida

Oʻzbekiston Respublikasi Prezidentining qarori loyihasi

Loyihada quyidagilar nazarda tutiladi:

(a) chegara hududlarida klinika, reabilitatsiya markazi, mehmonxona va laboratoriyalarni oʻzi ichiga olgan tibbiyot klasterlarini tashkil qilish;

(b) tibbiyot klasterlarini zamonaviy asbob-uskunalar bilan jihozlash uchun xorijiy moliya institutlarining 200 million AQSH dollari miqdoridagi mablagʻlari hisobidan kredit ajratish;

(v) tibbiyot klasterlarini barpo etgan tadbirkorlik subyektlariga loyihaning oʻzini oqlash davriga mos muddatlarga mutanosib ravishda “Tadbirkorlikni rivojlantirish kompaniyasi” AJ hisobidan asosiy stavkaning 1,75 baravaridan oshmagan stavkada ajratiladigan kreditlar boʻyicha asosiy stavkaning 50 foizigacha miqdorda kompensatsiya taqdim etish.

2025-yil oktabr

Vazirlar Mahkamasi

(Qoʻchqorov),

Iqtisodiyot va moliya vazirligi

(Norqulov),

Sogʻliqni saqlash vazirligi

(Xudayarov),

Markaziy bank

(Ishmetov),

Savdo-sanoat palatasi

(Vaxabov)

33.

Tibbiy sugʻurta tizimini takomillashtirish chora-tadbirlari toʻgʻrisida

Oʻzbekiston Respublikasi Prezidentining qarori loyihasi

Loyihada quyidagilar nazarda tutiladi:

(a) nodavlat tibbiyot tashkilotlariga tibbiy litsenziya bilan ruxsat berilgan ixtisosliklar doirasida sugʻurta tizimi orqali barcha kasalliklar boʻyicha xizmat koʻrsatishga ruxsat berish;

(b) nodavlat tibbiyot tashkilotlariga tibbiy sugʻurta tizimida davlat muassasalari bilan bir xil narxlarda koʻrsatilgan xizmatlar uchun 100 foiz xizmat haqi toʻlash tartibini joriy qilish.

2025-yil noyabr

Vazirlar Mahkamasi

(Qoʻchqorov),

Sogʻliqni saqlash vazirligi

(Xudayarov),

Iqtisodiyot va moliya vazirligi

(Norqulov)

34.

Maktabgacha taʼlim qamrovini oshirish chora-tadbirlari toʻgʻrisida

Oʻzbekiston Respublikasi Prezidentining qarori loyihasi

Loyihada maktabgacha taʼlim qamrovi 80 foizdan past boʻlgan tumanlardagi tadbirkorlik subyektlariga quyidagi yengilliklarni berish nazarda tutiladi:

(a) maktabgacha taʼlim tashkilotlari va maktablarning boʻsh yer uchastkalarida davlat-xususiy sheriklik shartlari asosida maktabgacha taʼlim tashkilotlarini tashkil qilishga ruxsat berish. Bunda:

(i) ijara toʻlovlarini 30 yilgacha undirmaslik;

(ii) davlat maktabgacha taʼlim tashkilotlarida har bir bolaga koʻzda tutilgan xarajatning 50 foizi miqdorida subsidiya berish;

(b) 7 yilgacha boʻlgan muddatga yillik Markaziy bank asosiy stavkasidan 4 foizlik punkt yuqori stavkada 5 milliard soʻmgacha kredit berish;

(v) faoliyatini oʻzgartirmaslik sharti bilan yer uchastkalarini tekinga berish;

(g) ijtimoiy soliq stavkasini 1 foiz etib belgilash;

(d) tarbiyachilarga oylik ish haqi toʻlash xarajatlarini davlat maktabgacha taʼlim tashkilotlaridagi tarbiyachilar uchun belgilangan stavkadan oshmagan miqdorda 3 yilgacha qoplab berish.

2025-yil oktabr

Vazirlar Mahkamasi

(Qoʻchqorov),

Maktabgacha va maktab taʼlimi vazirligi

(Karimova),

Iqtisodiyot va moliya vazirligi

(Fozilkarimov),

Davlat aktivlarini boshqarish agentligi

(Ortiqov)

35.

Ilm-fanni qoʻllab-quvvatlash chora-tadbirlari toʻgʻrisida

Oʻzbekiston Respublikasi Prezidentining farmoni loyihasi

Loyihada quyidagilar nazarda tutiladi:

(a) olimlar va tadbirkorlik subyektlariga tajriba-sinov ishlar uchun ketadigan xarajatlarini qoplab berishga 50 milliard soʻm ajratish;

(b) xorijiy tillar boʻyicha kamida S1 darajadagi milliy yoki unga tenglashtirilgan mos darajadagi xalqaro tan olingan sertifikatni olganiga ikki yildan oshmagan yoshlarga olis va borish qiyin boʻlgan hududlarda chet tillariga ixtisoslashgan oʻquv markazlarini ochish uchun olti oylik imtiyozli davr bilan uch yil muddatga bazaviy hisoblash miqdorining 320 baravarigacha miqdorda foizsiz ssuda berish tartibini 30 yoshdan oshgan shaxslarga ham tatbiq etish;

(v) ilmiy loyihalar doirasida asbob-uskunalar xarid qilish uchun grant budjetining kamida 40 foizini yoʻnaltirish haqidagi talabni qayta koʻrib chiqish.

2025-yil oktabr

Vazirlar Mahkamasi

(Qoʻchqorov),

Iqtisodiyot va moliya vazirligi

(Fozilkarimov),

Oliy taʼlim, fan va innovatsiyalar vazirligi

(Sharipov)

36.

Inklyuziv maktabgacha taʼlimni moliyaviy qoʻllab-quvvatlash chora-tadbirlari toʻgʻrisida

Oʻzbekiston Respublikasi

Prezidentining qarori loyihasi

Loyihada quyidagilar nazarda tutiladi:

(a) inklyuziv taʼlim yoʻnalishidagi davlat maktabgacha taʼlim tashkilotlariga ijtimoiy ahamiyatga ega transport xizmatidan foydalanganlik uchun subsidiya berish tartibini nodavlat maktabgacha taʼlim tashkilotlariga ham joriy qilish;

(b) ilgʻor tajribadan kelib chiqib, inklyuziv nodavlat taʼlim tashkilotlariga bolalarni tashish uchun moʻljallangan transport vositalarini ularni boshqa transportlardan ajratib turuvchi sariq miltillovchi chiroqlar bilan jihozlashga ruxsat berish.

2025-yil oktabr

Vazirlar Mahkamasi

(Qoʻchqorov),

Maktabgacha va maktab taʼlimi vazirligi

(Karimova),

Iqtisodiyot va moliya vazirligi

(Norqulov),

Ichki ishlar vazirligi

(Tashpulatov)

37.

Toʻrt bosqichli kompleks startap ekotizimini joriy etish chora-tadbirlari toʻgʻrisida

Oʻzbekiston Respublikasi Prezidentining qarori loyihasi

Loyihada AQSH va boshqa rivojlangan davlatlar tajribasi asosida har bosqichda quyidagi qoʻllab-quvvatlash instrumentlarini oʻz ichiga olgan kompleks startap ekotizimini joriy etish nazarda tutiladi:

(a) gʻoyani shakllantirish (kraudsorsing, maktab va oliygohlarda shart-sharoitlar);

(b) loyihani ishlab chiqish (R&D infratuzilma, kraudfanding, trekerlar tayyorlash dasturi);

(v) loyihani ishga tushirish (akseleratorlar, venchur fondlar, startaplar yagona platformasi);

(g) loyihani masshtablashtirish (viza olish, kapital harakatini yengillashtirish);

(d) startap ekotizimi uchun 100 million AQSH dollari miqdoridagi mablagʻlarni jalb etish.

2025-yil oktabr

Vazirlar Mahkamasi

(Qoʻchqorov),

Iqtisodiyot va moliya vazirligi

(Norqulov),

Raqamli texnologiyalar vazirligi

(Shermatov),

Oliy taʼlim, fan va innovatsiyalar vazirligi

(Sharipov),

Yoshlar ishlari agentligi

(Saʼdullayev),

Tashqi ishlar vazirligi

(Saidov)

38.

Mahalliy brendlarni qoʻllab-quvvatlash chora-tadbirlari toʻgʻrisida

Oʻzbekiston Respublikasi Prezidentining qarori loyihasi

Loyihada quyidagilar nazarda tutiladi:

(a) soliq va muddati oʻtgan debitor qarzdorligi mavjud boʻlmagan hamda Savdo-sanoat palatasining maxsus elektron platformasida roʻyxati eʼlon qilinadigan milliy brend egalari boʻlgan yuridik shaxslarga xorijiy davlatlarda korxonalar (filiallar) tashkil qilish uchun alohida qarorlarsiz chet elga mablagʻlar oʻtkazishga ruxsat berish, bundan Oʻzbekiston Respublikasi Prezidentining farmon va qarorlari hamda Hukumat qarorlari asosida alohida belgilangan tartiblar mustasno;

(b) xorijiy davlatlarda korxonalar (filiallar) tashkil qilish uchun oʻtkaziladigan mablagʻlar miqdorini iqtisodiy asoslantirilgan holda tegishli hisob-kitoblar asosida belgilash;

(v) mahalliy brendni xorijiy davlatlarga franshiza asosida berishdan tushadigan tushumni franshiza taqdim etilgandan boshlab uch yil davomida foyda soligʻidan ozod qilish;

(g) sanoat brendlarini qoʻllab-quvvatlash dasturini xizmatlar sohasidagi brendlarga ham tatbiq etish;

(d) Milliy brendlarni qoʻllab-quvvatlash kompaniyasi va “Mall of Uzbekistan” milliy doʻkonlar tarmogʻini tashkil qilish.

2025-yil dekabr

Vazirlar Mahkamasi

(Qoʻchqorov),

Iqtisodiyot va moliya vazirligi

(Norqulov),

Markaziy bank

(Ishmetov),

Investitsiyalar, sanoat va savdo vazirligi

(Kudratov),

Savdo-sanoat palatasi

(Vaxabov)

39.

Koʻp kvartirali uylarni boshqarish tizimi samaradorligini oshirish va sohada tadbirkorlik muhitini yanada rivojlantirish chora-tadbirlari toʻgʻrisida

Oʻzbekiston Respublikasi Prezidentining farmoni loyihasi

Loyihada quyidagilar nazarda tutiladi:

(a) xonadonlarga ichimlik va issiq suv hisoblagichlarini oʻrnatishda plombalash, qiyoslashdan oʻtkazish uchun yechib olish va qayta oʻrnatish, vakolatlarini vakolatini boshqaruv kompaniyalariga ham berish;

(b) koʻp kvartirali uylarda energiya samaradorligini oshirish, energiya tejovchi texnologiyalardan foydalanish;

(v) koʻp kvartirali uylarni boshqarish hamda tutash hududlarni obodonlashtirishda davlat nazorati va mahalliy hokimiyat organlari masʼuliyatini kuchaytirish;

(g) koʻp kvartirali uylarni boshqarish tizimini raqamlashtirish, uylarni taʼmirlashda ustuvorlik darajasini belgilash;

(d) 1991-yilgacha qurilgan uylarning elektron pasportlarini ishlab chiqish, tutash hududlarni obodonlashtirish, xalqaro moliya institutlari mablagʻlari hisobidan 2026 — 2030-yillarda energiya samaradorlikni oshirishga qaratilgan dasturlarini amalga oshirish.

2025-yil dekabr

Vazirlar Mahkamasi

(Ramatov),

Qurilish va uy-joy kommunal xoʻjaligi vazirligi

(Xidoyatov),

Iqtisodiyot va moliya vazirligi

(Norqulov),

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

40.

“Shaffof qurilish” milliy axborot tizimini takomillashtirish chora-tadbirlari toʻgʻrisida

Vazirlar Mahkamasining qarori loyihasi

Loyihada “Shaffof qurilish” milliy axborot tizimida quyidagilarni belgilash nazarda tutiladi:

(a) tadbirkorlar toʻgʻrisidagi maʼlumotlarni har oyda yangilab borish tartibini joriy qilish;

(b) kichik obyektlarni qurishda kichik tadbirkorlik subyektlarining ishtirokini kengaytirish maqsadida quruvchilarni yirik, oʻrta va kichik toifalarga ajratib, ularni alohida baholashni yoʻlga qoʻyish;

(v) “Lizing toʻgʻrisida”gi Qonunning 7-moddasiga asosan lizing oluvchi boʻlgan pudrat tashkiloti nomiga rasmiylashtirilgan qurilish texnikalariga ham ball berishni yoʻlga qoʻyish.

2025-yil noyabr

Vazirlar Mahkamasi

(Ramatov),

Qurilish va uy-joy kommunal xoʻjaligi vazirligi

(Xidoyatov),

Iqtisodiyot va moliya vazirligi

(Norqulov),

Savdo-sanoat palatasi

(Vaxabov)

41.

Qurilish obyektlarini loyihalashtirish jarayonini raqamlashtirish chora-tadbirlari toʻgʻrisida

Vazirlar Mahkamasining qarori loyihasi

Loyihada quyidagilar nazarda tutiladi:

(a) 2027-yildan boshlab qurilish sohasini rivojlantirish va muammolarni bartaraf etish uchun toʻrtinchi toifali quriladigan binolarga BIM (Building Information Modeling) tizimini bosqichma-bosqich joriy etish, shuningdek, ushbu tizim boʻyicha normativ-huquqiy bazani shakllantirish, mutaxassislar malakasini oshirish;

(b) birinchi va ikkinchi toifali qurilish obyektlari uchun loyiha ishlab chiquvchi mutaxassis yoki tashkilotlardan litsenziya talab qilish tartibini soddalashtirish (raqamlashtirish).

2025-yil dekabr

Vazirlar Mahkamasi

(Ramatov),

Qurilish va uy-joy kommunal xoʻjaligi vazirligi

(Xidoyatov),

Savdo-sanoat palatasi

(Vaxabov)

42.

Tadbirkorlik yoʻnalishida ilmiy salohiyatni oshirishga qaratilgan

Vazirlar Mahkamasining qarori loyihasi

Loyihada yoʻnalishlar boʻyicha birlashgan tadbirkorlik subyektlarining ilmiy-tadqiqot institutlari bilan hamkorlikda loyihalarni amalga oshirishini tashkil qilish, natijalarini Tadbirkorlik subyektlarining barqarorlik reytingida inobatga olish nazarda tutiladi.

2025-yil oktabr

Savdo-sanoat palatasi

(Vaxabov)

IV. Qishloq xoʻjaligi korxonalarini qoʻllab-quvvatlash

43.

Qishloq xoʻjaligi mahsulotlarini yetishtiruvchilarni moliyaviy qoʻllab-quvvatlash toʻgʻrisida

Vazirlar Mahkamasining qarori loyihasi

Loyihada paxta va gʻalla yetishtirishda isteʼmol qilinadigan elektr energiyasi xarajatlarining 50 foizini kompensatsiya qilish tartibini bogʻdorchilik va meva-sabzavotchilik tarmoqlari uchun tatbiq etish. Bunda qishloq xoʻjaligi mahsulotlari yetishtiruvchilarning masʼuliyatini oshirish maqsadida gektariga mahsulot sotishdan tushum miqdorini belgilash nazarda tutiladi.

2025-yil sentabr

Vazirlar Mahkamasi

(Xodjayev),

Qishloq xoʻjaligi vazirligi

(Abdurahmonov),

Iqtisodiyot va moliya vazirligi

(Norqulov)

44.

Qishloq xoʻjaligi korxonalarining debitor qarzdorliklarini kamaytirish toʻgʻrisida

Oʻzbekiston Respublikasi Prezidentining qarori loyihasi

Loyihada qishloq xoʻjaligi korxonalarining debitor qarzdorligi hisobidan mazkur korxonalarning majburiy undiruvga qaratilgan qarzdorliklarini qoplash amaliyotini yoʻlga qoʻyish nazarda tutiladi.

2025-yil oktabr

Vazirlar Mahkamasi

(Xodjayev),

Majburiy ijro byurosi

(Egamberdiyev),

Soliq qoʻmitasi

(Kudbiyev),

Qishloq xoʻjaligi vazirligi

(Abdurahmonov),

Iqtisodiyot va moliya vazirligi

(Norqulov)

45.

Fermer xoʻjaliklari va pillachilik tarmogʻi korxonalari oʻrtasidagi shartnomaviy munosabatlarni tartibga solish boʻyicha

Vazirlar Mahkamasining qarori loyihasi

Loyihada fermer xoʻjaliklari va pillachilik tarmogʻi korxonalari oʻrtasidagi shartnomalarni birja axborot platformasi orqali roʻyxatdan oʻtkazish, shartnomalar boʻyicha belgilangan toʻlovlar boʻyicha 10 kun muddatda fermerlar xoʻjaliklariga kamida 40 foiz miqdorida boʻnak toʻlovini toʻlab berish, yetishtirilgan hosil uchun yakuniy hisob-kitoblarni amalga oshirish muddatini sentabr oyi etib belgilash nazarda tutiladi.

2025-yil dekabr

Vazirlar Mahkamasi

(Xodjayev),

Qishloq xoʻjaligi vazirligi

(Abdurahmonov),

“Oʻzbekipaksanoat” uyushmasi

(Sayfullayev)

V. Tadbirkorlarni ishlab chiqarish maydonlari va infratuzilma bilan taʼminlash

46.

Davlat mulkini ijaraga berish tartibini takomillashtirish boʻyicha

Vazirlar Mahkamasining qarori loyihasi

Loyihada quyidagilar nazarda tutiladi:

(a) davlat koʻchmas mulkidan foydalanganlik uchun ijara toʻlovining eng kam miqdorini hududda shakllangan ijara toʻlovining minimal bozor narxidan kelib chiqib belgilash;

(b) davlat koʻchmas mulkini ijaraga berish muddatini 3 yildan 5 yilgacha oshirish.

2025-yil noyabr

Vazirlar Mahkamasi

(Qoʻchqorov),

Davlat aktivlarini boshqarish agentligi

(Ortiqov),

Iqtisodiyot va moliya vazirligi

(Xaydarov),

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

47.

Ijara toʻgʻrisidagi qonunchilikni yangilashga qaratilgan

qonun loyihasi

Loyihada ijaraga beruvchi va ijaraga oluvchi huquqlarini birdek himoya qiladigan qoidalarni belgilash nazarda tutiladi.

2025-yil dekabr

Vazirlar Mahkamasi

(Qoʻchqorov),

Davlat aktivlarini boshqarish agentligi

(Ortiqov),

Iqtisodiyot va moliya vazirligi

(Norqulov),

Adliya vazirligi

(Tashkulov)

48.

Hunarmandlarni sotuv joylari bilan taʼminlash boʻyicha

Vazirlar Mahkamasining qarori loyihasi

Loyihada hunarmandlarga mehmonxonalar, bozorlar, mahalla guzarlari va shu kabi aholi gavjum boʻladigan boshqa joylarda davlat koʻchmas mulk obyektlaridan joylarni 50 foizga pasaytirilgan stavkada elektron onlayn auksion orqali hunarmandchilik faoliyati uchun realizatsiya qilish nazarda tutiladi.

2025-yil noyabr

Vazirlar Mahkamasi

(Qoʻchqorov),

Davlat aktivlarini boshqarish agentligi

(Ortiqov),

Savdo-sanoat palatasi

(Vaxabov)

49.

“GDP” sertifikatiga ega boʻlgan omborxonalardan foydalanishni kengaytirish boʻyicha

Vazirlar Mahkamasining qarori loyihasi

Loyihada dori vositalari ulgurji savdosi bilan shugʻullanuvchi “GDP” sertifikati mavjud korxonalarga “GDP” sertifikati bor omborxonalardan ijara asosida mahsulot, tovar va uskunalarni vaqtinchalik saqlash uchun foydalanishga ruxsat berish nazarda tutiladi.

2025-yil noyabr

Vazirlar Mahkamasi

(Qoʻchqorov),

Sogʻliqni saqlash vazirligi

(Xudayarov)

VI. Biznes uchun toʻsiq va gʻovlarni yanada qisqartirish

50.

Tadbirkorlik faoliyatini davlat tomonidan tartibga solish yukini kamaytirish chora-tadbirlari toʻgʻrisida

Oʻzbekiston Respublikasi Prezidentining farmoni va qonun loyihalari

Loyihada quyidagilar nazarda tutiladi:

(a) 10 turdagi litsenziya va ruxsat berish tartib-taomillarini bekor qilish;

(b) litsenziyalash, ruxsat berish va xabardor qilish tartib-taomillari sohasidagi huquqbuzarliklarni sodir etganlik uchun yuridik shaxslarga jarima qoʻllanganda, ularning mansabdor shaxslarini maʼmuriy javobgarlikka tortishni bekor qilish;

(v) tadbirkorlik faoliyatini “Biznesni 15 daqiqada boshlash” tamoyili asosida yoʻlga qoʻyish. Bunda tadbirkorni davlat roʻyxatidan oʻtkazishda:

(i) elektron raqamli imzo kalitini berish;

(ii) bankda hisobvaraq ochish;

(iii) xabarnoma, litsenziya va ruxsatnoma olish;

(iv) koʻchmas mulk ijara shartnomasini rasmiylashtirish;

(v) onlayn nazorat yoki virtual kassa mashinalarini soliq organlarida roʻyxatdan oʻtkazish kabi davlat xizmatlarini kompleks shaklda koʻrsatish imkoniyati yaratiladi.

2025-yil sentabr

Vazirlar Mahkamasi

(Qoʻchqorov),

Adliya vazirligi

(Tashkulov),

Iqtisodiyot va moliya vazirligi

(Norqulov),

Raqobat qoʻmitasi

(Turaxodjayev),

Biznes-ombudsman

(Urunov),

Savdo-sanoat palatasi

(Vaxabov)

51.

Muvofiqlikni baholash tartibotlarini soddalashtirishga qaratilgan

Vazirlar Mahkamasining qarori loyihasi

Loyihada sanitariya-epidemiologiya, veterinariya xizmati, oʻsimliklar karantini nazoratidagi ayrim tovarlarni majburiy tartibda muvofiqligi baholanishi lozim boʻlgan mahsulotlar roʻyxatidan chiqarish nazarda tutiladi.

Bunda 32 toifadagi mahsulotlar uchun muvofiqlik sertifikati bekor qilinadi, majburiy sertifikatlanadigan tovarlar roʻyxati 288 taga kamaytiriladi.

2025-yil sentabr

Vazirlar Mahkamasi

(Qoʻchqorov),

Oʻzbekiston texnik jihatdan tartibga solish agentligi

(Jumanazarov),

Savdo-sanoat palatasi

(Vaxabov)

52.

Oziq-ovqat mahsulotlari xavfsizligi boʻyicha yagona nazorat tizimini joriy etish toʻgʻrisida

Oʻzbekiston Respublikasi Prezidentining qarori loyihasi

Loyihada quyidagilar nazarda tutiladi:

(a) sanitariya, fitosanitariya va veterinariya (SPS) sohasida yagona davlat boshqaruvini tashkil etish, “daladan dasturxongacha” tamoyili asosida samarali nazorat tizimini joriy etish, ruxsat berish hujjatlarini “xavfni tahlil qilish” tizimi asosida “bir darcha” tamoyili orqali rasmiylashtirish, barcha jarayonlarni raqamlashtirish;

(b) texnik tartibga solish sohasini tubdan isloh qilish, xalqaro standartlarga mos texnik reglamentlar va deklaratsiya tizimini keng joriy etish, nufuzli xalqaro laboratoriyalar faoliyatini yoʻlga qoʻyish uchun sharoitlar yaratish.

2025-yil oktabr

Vazirlar Mahkamasi

(Qoʻchqorov)

53.

Mahsulotlarni sertifikatlash muddatlari va toʻlovlarini kamaytirish toʻgʻrisida

Vazirlar Mahkamasining qarori loyihasi

Loyihada quyidagilar nazarda tutiladi:

(a) sertifikatlashtirish muddatlarini qisqartirish va sertifikatlashtirish uchun belgilangan toʻlov tariflari miqdorini pasaytirish;

(b) qurilish oynalarini import qilishda majburiy sertifikatsiyadan oʻtkazish talabini bekor qilish.

2025-yil noyabr

Vazirlar Mahkamasi

(Qoʻchqorov),

Oʻzbekiston texnik jihatdan tartibga solish agentligi

(Jumanazarov)

Davlat xaridlari sohasidagi qonunchilikni takomillashtirish boʻyicha

qonun loyihasi

Loyihada quyidagilar nazarda tutiladi:

(a) davlat xaridlarida sotilgan tovarlar (xizmatlar) toʻgʻrisidagi maʼlumotlarni hududlar kesimida eʼlon qilib borish;

(b) davlat xaridlarida parlament nazoratini oʻrnatish maqsadida davlat budjeti ijrosi toʻgʻrisidagi hisobotlar tarkibiga davlat buyurtmachilari tomonidan amalga oshirilgan davlat xaridlari natijalarini, shu jumladan toʻgʻridan-toʻgʻri shartnomalar haqidagi maʼlumotlarni kiritish.

2025-yil noyabr

Vazirlar Mahkamasi

(Qoʻchqorov),

Iqtisodiyot va moliya vazirligi

(Raximova)

54.

Tashqi savdo operatsiyalari monitoringini takomillashtirish toʻgʻrisida

qonun va Vazirlar Mahkamasining qarori loyihalari

Loyihada tashqi savdo operatsiyalari boʻyicha ommaviy ofertalar va xalqaro platformalarda elektron imzolangan kelishuvlarni tashqi savdo shartnomalari sifatida tan olinishi nazarda tutiladi.

2025-yil oktabr

Vazirlar Mahkamasi

(Xodjayev),

Markaziy bank

(Ishmetov),

Bojxona qoʻmitasi

(Mavlonov),

Istiqbolli loyihalar milliy agentligi

(Pak)

55.

Tashqi savdo faoliyatini yanada erkinlashtirish chora-tadbirlari toʻgʻrisida

Vazirlar Mahkamasining qarori loyihasi

Loyihada muntazam ravishda tovarlar, ishlar va xizmatlar eksportini amalga oshiruvchi va barqarorlik reytingida “BB” va undan yuqori toifadagi tadbirkorlik subyektlariga eksport boʻyicha muddati oʻtgan debitor qarzdorlik yuzaga kelganda, istisno tariqasida, oldindan toʻlov, ochilgan akkreditiv, rasmiylashtirilgan bank kafolati va eksport kontraktini siyosiy va tijorat tavakkalchiliklaridan sugʻurta qilish boʻyicha polis mavjud boʻlmasdan eksport qilishga ruxsat berish nazarda tutiladi.

2025-yil oktabr

Vazirlar Mahkamasi

(Xodjayev),

Bojxona qoʻmitasi

(Mavlonov),

Investitsiyalar, sanoat va savdo vazirligi

(Kudratov),

Markaziy bank

(Ishmetov),

Iqtisodiyot va moliya vazirligi

(Xaydarov),

Istiqbolli loyihalar milliy agentligi

(Pak),

Savdo-sanoat palatasi

(Vaxabov),

Soliq qoʻmitasi

(Kudbiyev)

56.

Tadbirkorlik subyektlarini ixtiyoriy tugatish tartibini soddalashtirish boʻyicha

Oʻzbekiston Respublikasi Prezidentining qarori loyihasi

Loyihada aylanmasi 10 milliard soʻmgacha boʻlgan, soliq xavfi oʻrta darajadagi tadbirkorlik subyektlarini soliq maslahatchilari va auditorlik tashkilotlari xulosasi asosida ixtiyoriy tugatish tartibini joriy qilish nazarda tutiladi.

2025-yil oktabr

Vazirlar Mahkamasi

(Qoʻchqorov),