Keyingi yillarda mamlakatimizda fuqarolik jamiyatini rivojlantirish, nodavlat notijorat tashkilotlarining faoliyatini qo‘llab-quvvatlash, ularning samarali faoliyat yuritishi uchun qulay shart-sharoitlar yaratish, davlat va jamiyat boshqaruvidagi rolini oshirish, shuningdek jamoatchilik nazoratini, ijtimoiy sheriklikni takomillashtirish borasida bir qator ishlar amalga oshirildi.

Shu bilan birga ijtimoiy-iqtisodiy sohada jamoatchilik nazoratini kuchaytirish, nodavlat notijorat tashkilotlari faoliyatining erkinligi kafolatlarini mustahkamlash hamda homiylik xayriyalarini yig‘ish tartibini aniq belgilash zaruriyati yuzaga kelmoqda.

Mazkur Qonun bilan O‘zbekiston Respublikasining Ma’muriy javobgarlik to‘g‘risidagi kodeksida nodavlat notijorat tashkilotlarining faoliyatiga qonunga xilof ravishda aralashganlik, jamoatchilik nazoratini amalga oshirish natijalari bo‘yicha tayyorlangan yakuniy hujjatni ko‘rib chiqmaganlik, homiylik to‘g‘risidagi qonunchilik talablarini buzganlik uchun javobgarlik belgilanmoqda, shuningdek nodavlat notijorat tashkilotlarining faoliyatni amalga oshirish tartibini buzganligi uchun javobgarligi qayta ko‘rib chiqilmoqda.

“Ijtimoiy sheriklik to‘g‘risida”gi, “Nodavlat notijorat tashkilotlari faoliyatining kafolatlari to‘g‘risida”gi O‘zbekiston Respublikasi qonunlariga fuqarolik jamiyati institutlarini davlat tomonidan qo‘llab-quvvatlash tizimini takomillashtirishni nazarda tutuvchi o‘zgartirish va qo‘shimchalar kiritilmoqda. Shuningdek fuqarolik jamiyati institutlariga davlat organlari tomonidan bevosita davlat ijtimoiy buyurtmalari berilishining yangi mexanizmlari belgilanmoqda.

O‘zbekiston Respublikasining ayrim qonunlaridagi nodavlat notijorat tashkilotlarining majburiyatlari, ularni davlat ro‘yxatidan o‘tkazishni rad etish asoslari qayta ko‘rib chiqilmoqda, qayta ro‘yxatdan o‘tkazganlik uchun davlat boji miqdori, shuningdek homiylik faoliyatini amalga oshirish tartibi aniqlashtirilmoqda.

“Jamoat fondlari to‘g‘risida”gi O‘zbekiston Respublikasi Qonuniga jamoat fondi muassisligiga bo‘lgan talablar kuchaytirilishini, jamoat fondini davlat ro‘yxatidan o‘tkazish shartlari va tartibi aniqlashtirilishini, jamoat fondining mol-mulkidan foydalanish yanada erkinlashtirilishini nazarda tutuvchi o‘zgartirish va qo‘shimchalar kiritilmoqda.

Bir kalendar yilda bank hisobvaraqlarida pul aylanmasi mavjud bo‘lmagan jamoat fondi uchun ushbu kalendar yilda o‘z faoliyatini auditorlik tekshiruvidan o‘tkazish ixtiyoriy tartibda amalga oshirilishi belgilanmoqda.

Ushbu Qonun fuqarolik jamiyati institutlarini davlat tomonidan qo‘llab-quvvatlash tizimini yanada takomillashtirishga, uning samaradorligini oshirishga, ijtimoiy sheriklik munosabatlarini rivojlantirishga, jamoat fondlari faoliyatidagi ortiqcha byurokratik talablarni bartaraf etishga, shuningdek homiylik tashkilotlari faoliyatining shaffofligini ta’minlashga xizmat qiladi.

1-modda. O‘zbekiston Respublikasining 1994-yil 22-sentabrda qabul qilingan 2015-XII-sonli Qonuni bilan tasdiqlangan O‘zbekiston Respublikasining Ma’muriy javobgarlik to‘g‘risidagi kodeksiga (O‘zbekiston Respublikasi Oliy Kengashining Axborotnomasi, 1995-yil, № 3, 6-modda; O‘zbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 23-modda, № 9-10, 165, 182-moddalar; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda, № 9-10, 149-modda; 2004-yil, № 1-2, 18-modda, № 5, 90-modda, № 9, 171-modda; 2005-yil, № 1, 18-modda; O‘zbekiston Respublikasi Oliy Majlisi palatalarining Axborotnomasi, 2005-yil, № 9, 312-modda, № 12, 413, 417, 418-moddalar; 2006-yil, № 6, 261-modda, № 9, 498-modda, № 10, 536-modda, № 12, 656, 659-moddalar; 2007-yil, № 4, 158, 159, 164, 165-moddalar, № 9, 416, 421-moddalar, № 12, 596, 604, 607-moddalar; 2008-yil, № 4, 181, 189, 192-moddalar, № 9, 486, 488-moddalar, № 12, 640, 641-moddalar; 2009-yil, № 1, 1-modda, № 9, 334, 335, 337-moddalar, № 10, 380-modda, № 12, 462, 468, 470, 472, 474-moddalar; 2010-yil, № 5, 175, 179-moddalar, № 6, 231-modda, № 9, 335, 339, 341-moddalar, № 10, 380-modda, № 12, 468, 473, 474-moddalar; 2011-yil, № 1, 1-modda, № 4, 104, 105-moddalar, № 9, 247, 252-moddalar, № 12/2, 365-modda; 2012-yil, № 4, 108-modda, № 9/1, 242-modda, № 12, 336-modda; 2013-yil, № 4, 98-modda, № 10, 263-modda; 2014-yil, № 1, 2-modda, № 5, 130-modda, № 9, 244-modda, № 12, 341, 343-moddalar; 2015-yil, № 6, 228-modda, № 8, 310, 312-moddalar, № 12, 452-modda; 2016-yil, № 1, 2-modda, № 4, 125-modda, № 9, 276-modda, № 12, 383, 385-moddalar; 2017-yil, № 4, 137-modda, № 6, 300-modda, № 9, 510-modda, № 10, 605-modda; 2018-yil, № 1, 1, 4, 5-moddalar, № 4, 224-modda, № 7, 430, 431, 432-moddalar, № 10, 671, 673, 679-moddalar; 2019-yil, № 1, 1, 3, 5-moddalar, № 2, 47-modda, № 3, 161, 165, 166-moddalar, № 5, 259, 261, 267, 268-moddalar, № 7, 386-modda, № 8, 469, 471-moddalar, № 9, 591, 592-moddalar, № 10, 674, 676-moddalar, № 11, 787, 791-moddalar, № 12, 880, 891-moddalar; 2020-yil, № 1, 4-modda, № 3, 203, 204-moddalar, № 7, 449-modda, № 9, 539, 540-moddalar, № 10, 593, 596-moddalar, № 11, 651-modda, № 12, 691-modda; 2021-yil, № 1, 5, 7, 12, 13, 14-moddalar, № 2, 142-modda, № 3, 217-modda, № 4, 290, 293-moddalar, 4-songa ilova, № 8, 800, 802, 803-moddalar, № 9, 903-modda, № 10, 966, 967, 968, 973-moddalar, № 11, 1066-modda; 2022-yil, № 1, 1, 2-moddalar, № 2, 80, 81-moddalar, № 3, 215, 216-moddalar, № 4, 337-modda, № 5, 464, 465, 466, 467-moddalar, № 8, 787-modda, № 10, 981, 984-moddalar, № 12, 1188-modda; 2023-yil, № 3, 184, 185, 188, 189-moddalar, № 4, 265, 266, 268-moddalar, № 5, 319, 320-moddalar, № 7, 533, 534, 535, 537, 539-moddalar, № 8, 634-modda, № 10, 798-modda, № 11, 921, 923, 924-moddalar, № 12, 1004-modda; 2024-yil, № 1, 5, 7, 8, 9-moddalar, № 2, 102, 111, 115, 116-moddalar, № 3, 243, 245-moddalar, № 6, 530, 532-moddalar, № 7, 629-modda, № 8, 826, 829, 831-moddalar, № 9, 954, 964, 965-moddalar, № 10, 1070, 1071, 1073, 1077, 1078, 1083, 1084-moddalar, № 11, 1187, 1188, 1189-moddalar, № 12, 1279, 1280, 1282, 1286, 1287-moddalar; 2025-yil, № 1, 5, 8-moddalar, № 2, 187, 188, 196, 198, 201-moddalar, № 3, 368, 376-moddalar) quyidagi qo‘shimcha va o‘zgartirishlar kiritilsin:

1) quyidagi mazmundagi 197⁸-modda bilan to‘ldirilsin:

Davlat organlarining mansabdor shaxslari tomonidan nodavlat notijorat tashkilotlarining faoliyatiga qonunga xilof ravishda aralashish, —

bazaviy hisoblash miqdorining yetti baravaridan o‘n baravarigacha miqdorda jarima solishga sabab bo‘ladi.

Xuddi shunday huquqbuzarliklar ma’muriy jazo chorasi qo‘llanilganidan keyin bir yil davomida takror sodir etilgan bo‘lsa, —

bazaviy hisoblash miqdorining o‘n baravaridan o‘n besh baravarigacha miqdorda jarima solishga sabab bo‘ladi”;

2) quyidagi mazmundagi 198⁷-modda bilan to‘ldirilsin:

Jamoatchilik nazorati natijalariga ko‘ra, qonunchilik hujjatlarida nazarda tutilgan shakllarda jamoatchilik nazorati subyektlari tomonidan tayyorlangan yakuniy hujjatni ko‘rib chiqmaslik yoki uni ko‘rib chiqish muddatini uzrli sabablarsiz buzish, —

mansabdor shaxslarga bazaviy hisoblash miqdorining uch baravaridan besh baravarigacha miqdorida jarima solishga sabab bo‘ladi”;

3) 239-moddaning matni quyidagi tahrirda bayon etilsin:

“Nodavlat notijorat tashkilotlari (bundan diniy tashkilotlar mustasno), shuningdek ularning vakolatxonalari va filiallarining davlat ro‘yxatidan o‘tmasdan faoliyatni amalga oshirishi, —

bazaviy hisoblash miqdorining o‘n baravaridan yigirma besh baravarigacha miqdorda jarima solishga sabab bo‘ladi.

Bosh tashkiloti O‘zbekiston Respublikasidan tashqarida joylashgan xalqaro va chet el nodavlat notijorat tashkilotlarining vakolatxonalari va filiallari hamda ularning chet el fuqaroligi bo‘lgan va fuqaroligi bo‘lmagan xodimlarining, boshqa nodavlat notijorat tashkilotlarining chet el fuqaroligi bo‘lgan va fuqaroligi bo‘lmagan xodimlarining biror-bir siyosiy faoliyatda hamda mazkur nodavlat notijorat tashkilotlarining ustavlarida belgilangan maqsadlari va vazifalariga muvofiq bo‘lmagan boshqa faoliyatda ishtirok etishi, xuddi shuningdek ularning siyosiy partiyalar va ommaviy harakatlar tomonidan o‘tkaziladigan amaliy harakatlar hamda tadbirlarni moliyalashtirishi, bunday tashkilotlarni tuzish tashabbusi bilan chiqishi va bunday tashkilotlarni tuzishni qo‘llab-quvvatlashi, —

bazaviy hisoblash miqdorining o‘n besh baravaridan o‘ttiz baravarigacha, mansabdor shaxslarga esa — o‘ttiz baravaridan ellik baravarigacha miqdorda jarima solishga yoki o‘n besh sutkagacha muddatga ma’muriy qamoqqa olishga sabab bo‘ladi.

Nodavlat notijorat tashkilotlarining belgilangan tartibda ro‘yxatdan o‘tkazilmagan ramziy belgilarni ishlatishi, —

mansabdor shaxslarga bazaviy hisoblash miqdorining uch baravaridan yetti baravarigacha miqdorda jarima solishga sabab bo‘ladi.

Nodavlat notijorat tashkilotlari (bundan siyosiy partiyalar mustasno), ularning vakolatxonalari va filiallari tomonidan tadbirlar o‘tkazish haqida xabardor qilish tartibiga rioya etmaslik yoki qonunchilikda taqiqlangan tadbirlar o‘tkazish, xuddi shuningdek nodavlat notijorat tashkilotlari o‘tkazayotgan tadbirlarga ro‘yxatdan o‘tkazuvchi organ vakilining erkin kirishini rad etish, —

mansabdor shaxslarga bazaviy hisoblash miqdorining yigirma baravaridan qirq baravarigacha miqdorda jarima solishga sabab bo‘ladi.

Nodavlat notijorat tashkilotlarining chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirig‘iga binoan boshqa shaxslardan ro‘yxatdan o‘tkazuvchi organning roziligisiz pul mablag‘lari va mol-mulk olishi yoxud ushbu manbalardan olingan pul mablag‘laridan va mol-mulkdan foydalanish to‘g‘risidagi axborotni, shuningdek ushbu manbalar hisobidan O‘zbekiston Respublikasi hududida amalga oshirilgan loyihaning natijasi to‘g‘risidagi ma’lumotni belgilangan tartibda e’lon qilmasligi, —

mansabdor shaxslarga bazaviy hisoblash miqdorining o‘n baravaridan yigirma besh baravarigacha miqdorda jarima solishga sabab bo‘ladi.

Nodavlat notijorat tashkilotlarining o‘z faoliyati to‘g‘risidagi hisobotlarni ro‘yxatdan o‘tkazuvchi organga taqdim etmasligi, o‘z vaqtida taqdim etmasligi yoki belgilanmagan shaklda taqdim etishi, o‘z faoliyati to‘g‘risida bila turib noto‘g‘ri ma’lumotlar taqdim etishi, xuddi shuningdek nodavlat notijorat tashkilotlarining axborotni, shu jumladan ular tomonidan mol-mulk va pul mablag‘laridan foydalanilishi to‘g‘risidagi tasdiqlovchi hujjatlarni taqdim etmasligi, —

mansabdor shaxslarga bazaviy hisoblash miqdorining o‘n baravaridan yigirma besh baravarigacha miqdorda jarima solishga sabab bo‘ladi”;

4) 239¹-modda:

birinchi qismining sanksiyasidagi “o‘ttiz baravaridan ellik baravarigacha” degan so‘zlar “yigirma baravaridan qirq baravarigacha” degan so‘zlar bilan almashtirilsin;

ikkinchi qismining sanksiyasidagi “o‘n besh baravaridan o‘ttiz baravarigacha” degan so‘zlar “o‘n baravaridan yigirma besh baravarigacha” degan so‘zlar bilan almashtirilsin;

5) quyidagi mazmundagi 239²-modda bilan to‘ldirilsin:

Homiylik xayriyalarini yig‘ish tartibini buzish, —

fuqarolarga bazaviy hisoblash miqdorining uch baravaridan besh baravarigacha, mansabdor shaxslarga esa — besh baravaridan yetti baravarigacha miqdorda jarima solishga sabab bo‘ladi.

Xayriya qutisini o‘rnatish va undan foydalanish tartibini buzish, —

fuqarolarga huquqbuzarlik ashyolarini musodara qilib, bazaviy hisoblash miqdorining uch baravaridan besh baravarigacha, mansabdor shaxslarga esa — besh baravaridan yetti baravarigacha miqdorda jarima solishga sabab bo‘ladi.

Homiylik tashkiloti tomonidan o‘z ta’minoti (shu jumladan faoliyati bilan bog‘liq barcha xarajatlari) uchun moliya yilida sarflaydigan moliyaviy mablag‘larning qonunchilikda belgilangan miqdordan oshirib yuborilishi, basharti jinoyat alomatlari mavjud bo‘lmasa, —

mansabdor shaxslarga bazaviy hisoblash miqdorining uch baravaridan besh baravarigacha miqdorda jarima solishga sabab bo‘ladi”;

6) 245-moddaning birinchi qismidagi:

“197⁷” raqami “197⁷, 197⁸” raqamlari bilan almashtirilsin;

“198⁶” raqami “198⁶, 198⁷” raqamlari bilan almashtirilsin;

“239¹” raqami “239¹, 239²” raqamlari bilan almashtirilsin;

7) 245²-moddaning ikkinchi qismidagi:

“198³ va 198⁴-moddalarida” degan so‘zlar “197⁸, 198³, 198⁴, 239, 239¹-moddalarida” degan so‘zlar bilan almashtirilsin;

“nazarda tutilgan” degan so‘zlar “239²-moddasining uchinchi qismida nazarda tutilgan” degan so‘zlar bilan almashtirilsin;

8) 248-modda to‘rtinchi qismining to‘rtinchi xatboshisidagi “185¹-moddasida (bundan bojxona to‘g‘risidagi qonunchilikni buzish bilan bog‘liq huquqbuzarliklar mustasno)” degan so‘zlar “185¹-moddasida (bundan bojxona to‘g‘risidagi qonunchilikni buzish bilan bog‘liq huquqbuzarliklar mustasno), 239²-moddasining birinchi va ikkinchi qismlarida” degan so‘zlar bilan almashtirilsin.

2-modda. O‘zbekiston Respublikasining 1999-yil 14-aprelda qabul qilingan “Nodavlat notijorat tashkilotlari to‘g‘risida”gi 763-I-sonli Qonuniga (O‘zbekiston Respublikasi Oliy Majlisining Axborotnomasi, 1999-yil, № 5, 115-modda; 2004-yil, № 5, 90-modda; O‘zbekiston Respublikasi Oliy Majlisi palatalarining Axborotnomasi, 2007-yil, № 12, 608-modda; 2008-yil, № 12, 640-modda; 2012-yil, № 4, 106-modda; 2014-yil, № 12, 343-modda; 2016-yil, № 4, 125-modda; 2019-yil, № 9, 591-modda; 2021-yil, 4-songa ilova; 2024-yil, № 2, 105-modda) quyidagi o‘zgartirish va qo‘shimchalar kiritilsin:

1) 8-moddaning birinchi qismi quyidagi tahrirda bayon etilsin:

“Nodavlat notijorat tashkiloti:

qonunchilik va ta’sis hujjatlariga rioya etishi;

o‘z mol-mulki va pul mablag‘laridan foydalanishi, shu jumladan moliyalashtirish manbalari hamda maqsadlari to‘g‘risidagi axborot bilan tanishish erkinligini ta’minlashi;

chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirig‘iga binoan boshqa shaxslardan olingan pul mablag‘lari va mol-mulkdan foydalanish to‘g‘risidagi axborotni har chorakda o‘z rasmiy veb-saytida, ommaviy axborot vositalarida yoxud ijtimoiy tarmoqlardagi sahifalarida yoki nodavlat notijorat tashkilotlariga davlat xizmatlari ko‘rsatiladigan maxsus elektron platformasida O‘zbekiston Respublikasi Adliya vazirligi tomonidan tasdiqlagan shaklda e’lon qilib borishi;

ro‘yxatdan o‘tkazuvchi organni o‘tkazilishi rejalashtirilayotgan tadbirlar haqida xabardor qilishi (bundan siyosiy partiyalar mustasno) va uning vakiliga o‘tkazilayotgan tadbirlarga erkin kirish imkonini berishi;

nodavlat notijorat tashkiloti vakillarining chet mamlakatlarga nodavlat notijorat tashkilotining faoliyati bilan bog‘liq tashriflari uyushtirilishi haqida ro‘yxatdan o‘tkazuvchi organni xabardor qilishi;

chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirig‘iga binoan boshqa shaxslardan pul mablag‘lari va mol-mulk olishni ro‘yxatdan o‘tkazuvchi organ bilan kelishib olishi, shuningdek ushbu manbalar hisobidan O‘zbekiston Respublikasi hududida amalga oshirilgan loyihaning natijasi to‘g‘risidagi ma’lumotni belgilangan tartibda e’lon qilishi;

ro‘yxatdan o‘tkazuvchi organga, davlat soliq xizmati organlariga va davlat statistikasi organlariga o‘z faoliyati to‘g‘risida belgilangan tartibda hisobotlar taqdim etishi shart”;

2) 9-moddaning uchinchi qismidagi “bo‘lishi mumkin” degan so‘zlar “bo‘ladi” degan so‘z bilan almashtirilsin;

3) 21-moddaning:

ikkinchi qismidagi “viloyatlararo” degan so‘z chiqarib tashlansin;

uchinchi qismidagi “Viloyat, tuman, shahar, shaharcha, qishloq va ovul hududlarida faoliyat olib boradigan” degan so‘zlar “Hududiy” degan so‘z bilan almashtirilsin;

4) 22-modda:

birinchi qismining:

uchinchi xatboshisidagi “yuridik shaxs bo‘lgan” degan so‘zlar chiqarib tashlansin;

beshinchi xatboshisidagi “va viloyatlararo” degan so‘zlar chiqarib tashlansin;

to‘rtinchi qismi quyidagi tahrirda bayon etilsin:

“Nodavlat notijorat tashkilotining vakolatxonalari va filiallarini davlat ro‘yxatidan o‘tkazish nodavlat notijorat tashkilotining markaziy rahbar organi tomonidan taqdim etilgan va tasdiqlangan hujjatlar asosida, shuningdek nodavlat notijorat tashkiloti davlat ro‘yxatidan o‘tganligi to‘g‘risidagi guvohnomaning ko‘chirma nusxasi asosida tegishli adliya organlari tomonidan amalga oshiriladi”;

beshinchi qismi chiqarib tashlansin;

oltinchi qismi beshinchi qism deb hisoblansin;

5) 25-moddaning birinchi qismi:

ikkinchi xatboshisi quyidagi tahrirda bayon etilsin:

“nodavlat notijorat tashkilotining ta’sis hujjatlari O‘zbekiston Respublikasining konstitutsiyaviy tuzumini zo‘rlik bilan o‘zgartirish, O‘zbekistonning davlat suverenitetiga, hududiy yaxlitligiga va xavfsizligiga qarshi chiquvchi, urushni, ijtimoiy, milliy, irqiy hamda diniy adovatni targ‘ib qiluvchi, fuqarolarning konstitutsiyaviy huquqlari va erkinliklariga, aholining sog‘lig‘iga, ijtimoiy axloqqa tajovuz qiluvchi maqsadlarga ega bo‘lsa”;

quyidagi mazmundagi uchinchi va to‘rtinchi xatboshilar bilan to‘ldirilsin:

“tashabbuskorlari (ta’sischilari, muassislari) yoki rahbar organi a’zolari qonunchilik hujjatlariga ko‘ra terrorchilik faoliyatida yoki ommaviy qirg‘in qurolini tarqatishda ishtirok etayotgan yoki ishtirok etishda gumon qilinayotgan shaxslar ro‘yxatiga kiritilgan, shuningdek sud tartibida ekstremistik deb topilgan tashkilotlarning a’zolari va rahbar organlari a’zolari bo‘lgan shaxslar bo‘lsa;

tashabbuskorlari (ta’sischilari, muassislari) yoki rahbar organi a’zolari o‘zlashtirish yoki rastrata yo‘li bilan talon-toroj qilish yoxud firibgarlik jinoyatlarini sodir etganligi uchun sudlanganlik holati tugallanmagan yoki olib tashlanmagan shaxslar bo‘lsa (jamoat fondlari tashkil etilayotganda)”;

uchinchi — to‘qqizinchi xatboshilari tegishincha beshinchi — o‘n birinchi xatboshilar deb hisoblansin;

6) 29-modda:

quyidagi mazmundagi to‘rtinchi xatboshi bilan to‘ldirilsin:

“chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirig‘iga binoan boshqa shaxslardan olinadigan pul mablag‘lari va mol-mulk”;

to‘rtinchi, beshinchi va oltinchi xatboshilari tegishincha beshinchi, oltinchi va yettinchi xatboshilar deb hisoblansin;

7) 30-moddaning:

ikkinchi qismi quyidagi tahrirda bayon etilsin:

“Bosh tashkiloti O‘zbekiston Respublikasidan tashqarida joylashgan xalqaro va chet el nodavlat notijorat tashkilotlarining vakolatxonalari va filiallari hamda ularning chet el fuqarolari bo‘lgan va fuqaroligi bo‘lmagan xodimlari, shuningdek boshqa nodavlat notijorat tashkilotlarining chet el fuqarolari va fuqaroligi bo‘lmagan xodimlari O‘zbekiston Respublikasi hududida biror-bir siyosiy faoliyatda hamda mazkur nodavlat notijorat tashkilotlarining ustavlarida belgilangan maqsadlari va vazifalariga muvofiq bo‘lmagan boshqa faoliyatda ishtirok etishga haqli emas. Ularning siyosiy partiyalar va ommaviy harakatlar tomonidan o‘tkaziladigan amaliy harakatlar hamda tadbirlarni moliyalashtirishiga, bunday tashkilotlarni tuzish tashabbusi bilan chiqishiga va bunday tashkilotlar tuzishni qo‘llab-quvvatlashiga yo‘l qo‘yilmaydi”;

quyidagi mazmundagi uchinchi qism bilan to‘ldirilsin:

“Nodavlat notijorat tashkilotlari tomonidan O‘zbekiston Respublikasi hududida chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirig‘iga binoan boshqa shaxslardan olinadigan pul mablag‘lari va mol-mulk hisobidan quyidagilarni amalga oshirish taqiqlanadi:

referendum va saylov natijalariga ta’sir o‘tkazish yoki ta’sir o‘tkazishga urinish;

O‘zbekiston Respublikasida tuzilgan siyosiy partiyalarning saylovoldi kampaniyalarini qo‘llab-quvvatlash”;

uchinchi qismi to‘rtinchi qism deb hisoblansin.

3-modda. O‘zbekiston Respublikasining 2003-yil 29-avgustda qabul qilingan “Jamoat fondlari to‘g‘risida”gi 527-II-sonli Qonuniga (O‘zbekiston Respublikasi Oliy Majlisining Axborotnomasi, 2003-yil, № 9-10, 141-modda; O‘zbekiston Respublikasi Oliy Majlisi palatalarining Axborotnomasi, 2007-yil, № 12, 592-modda; 2008-yil, № 12, 640-modda; 2012-yil, № 4, 106-modda; 2016-yil, № 4, 125-modda; 2019-yil, № 12, 880-modda; 2021-yil, 4-songa ilova; 2024-yil, № 2, 105-modda) quyidagi o‘zgartirish va qo‘shimchalar kiritilsin:

1) 2-moddaning ikkinchi qismidagi “Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondining” degan so‘zlar “Fuqarolik jamiyati institutlarini qo‘llab-quvvatlash jamoat fondining” degan so‘zlar bilan almashtirilsin;

2) 10-modda:

quyidagi mazmundagi ikkinchi qism bilan to‘ldirilsin:

“O‘zlashtirish yoki rastrata yo‘li bilan talon-toroj qilganligi yoxud firibgarlik jinoyatlarini sodir etganligi uchun sudlanganlik holati tugallanmagan yoki olib tashlanmagan shaxslar fond muassislari (muassisi) yoki rahbar organi a’zolari bo‘lishi mumkin emas”;

ikkinchi qismi uchinchi qism deb hisoblansin;

3) 13-moddaning:

nomi va birinchi qismi quyidagi tahrirda bayon etilsin:

Fondni hamda uning vakolatxonalari va filiallarini davlat ro‘yxatidan o‘tkazish adliya organlari (bundan buyon matnda ro‘yxatdan o‘tkazuvchi organ deb yuritiladi) tomonidan amalga oshiriladi”;

to‘rtinchi qismi chiqarib tashlansin;

4) 14-modda:

nomidagi “va hisobga qo‘yish” degan so‘zlar chiqarib tashlansin;

birinchi qismining:

ikkinchi xatboshisi “ko‘rsatilgan” degan so‘zdan keyin “belgilangan shakldagi” degan so‘zlar bilan to‘ldirilsin;

to‘rtinchi xatboshisi “(respublika fondi uchun tegishli vakolatxonalar va filiallarni tashkil etish, ularning rahbar organlari hamda boshqa organlari to‘g‘risidagi ma’lumotlar ham ko‘rsatiladi)” degan so‘zlar bilan to‘ldirilsin;

beshinchi xatboshisidagi “yuridik shaxs bo‘lgan vakolatxona” degan so‘zlar “fondning vakolatxonasi” degan so‘zlar bilan almashtirilsin;

beshinchi qismi chiqarib tashlansin;

5) 15 va 16-moddalar quyidagi tahrirda bayon etilsin:

Fondni yoki uning vakolatxonalari va filiallarini davlat ro‘yxatidan o‘tkazish uchun hujjatlarni qabul qilgan ro‘yxatdan o‘tkazuvchi organ davlat ro‘yxatidan o‘tkazish to‘g‘risida yoxud davlat ro‘yxatidan o‘tkazishni rad qilish haqida bir oy ichida qaror chiqarishi shart.

Ro‘yxatdan o‘tkazilgan fondga, uning vakolatxonasi va filialiga, bosh tashkiloti O‘zbekiston Respublikasidan tashqarida joylashgan xalqaro fondning va chet el fondining vakolatxonasiga yoki filialiga ro‘yxatdan o‘tkazuvchi organ tomonidan davlat ro‘yxatidan o‘tkazilganligi to‘g‘risidagi guvohnoma hamda fondning ro‘yxatdan o‘tkazuvchi organ muhri bilan tasdiqlangan, ro‘yxatga olinganligi haqida belgi qo‘yilgan ustavi (nizomi) beriladi.

Fondni, uning vakolatxonalari va filiallarini davlat ro‘yxatidan o‘tkazish qonunda nazarda tutilgan hollarda rad qilinishi mumkin.

Davlat ro‘yxatidan o‘tkazishni rad qilish asoslantirilgan bo‘lishi kerak. Fondni, uning vakolatxonalari va filiallarini tashkil etish maqsadga muvofiq emas degan vaj bilan davlat ro‘yxatidan o‘tkazishni rad qilishga yo‘l qo‘yilmaydi.

Ro‘yxatdan o‘tkazuvchi organning fondni, uning vakolatxonalari va filiallarini davlat ro‘yxatidan o‘tkazishni rad qilish to‘g‘risidagi qarori ustidan, shuningdek mazkur organning davlat ro‘yxatidan o‘tkazish muddatlarini buzganligi ustidan sudga shikoyat qilish mumkin”;

6) 24-moddaning uchinchi qismidagi “yigirma” degan so‘z “o‘ttiz” degan so‘z bilan almashtirilsin;

7) 25-modda ikkinchi qismining uchinchi xatboshisi quyidagi tahrirda bayon etilsin:

“fondning yillik moliyaviy hisobotini, auditorlik tashkilotining xulosasini ko‘rsatgan holda (bundan hisobot davrida bank hisobvaraqlarida pul aylanmasi mavjud bo‘lmagan fondning o‘z faoliyatini auditorlik tekshiruvidan o‘tkazmaganligi hollari mustasno)”;

8) 33-modda quyidagi mazmundagi to‘rtinchi qism bilan to‘ldirilsin:

“Bir kalendar yilda bank hisobvaraqlarida pul aylanmasi mavjud bo‘lmagan fond uchun ushbu kalendar yilda o‘z faoliyatini auditorlik tekshiruvidan o‘tkazish ixtiyoriy tartibda amalga oshiriladi”.

4-modda. O‘zbekiston Respublikasining 2007-yil 3-yanvarda qabul qilingan “Nodavlat notijorat tashkilotlari faoliyatining kafolatlari to‘g‘risida”gi O‘RQ-76-sonli Qonuniga (O‘zbekiston Respublikasi Oliy Majlisi palatalarining Axborotnomasi, 2007-yil, № 1, 2-modda; 2008-yil, № 12, 634-modda; 2017-yil, № 9, 510-modda; 2020-yil, № 7, 449-modda; 2021-yil, 4-songa ilova) quyidagi o‘zgartirishlar kiritilsin:

1) 11-moddaning uchinchi qismidagi “Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi” degan so‘zlar “Fuqarolik jamiyati institutlarini qo‘llab-quvvatlash jamoat fondi va uning alohida bo‘linmalari” degan so‘zlar bilan almashtirilsin;

2) 12-moddaning matni quyidagi tahrirda bayon etilsin:

“Davlat subsidiyasi O‘zbekiston Respublikasining respublika budjetidan, Qoraqalpog‘iston Respublikasining respublika budjetidan, viloyatlarning viloyat budjetlaridan va Toshkent shahrining shahar budjetidan, davlat maqsadli jamg‘armalari mablag‘lari hisobidan nodavlat notijorat tashkilotlarini qo‘llab-quvvatlash uchun beriladigan va maxsus loyihalar bilan bog‘liq bo‘lmagan moliyaviy yoki boshqa moddiy ko‘makdir.

Nodavlat notijorat tashkilotlariga davlat subsidiyalarini ajratish tartibi va shartlari O‘zbekiston Respublikasi Oliy Majlisi palatalari tomonidan belgilanadi”;

3) 13-moddaning matni quyidagi tahrirda bayon etilsin:

“Davlat granti nodavlat notijorat tashkilotlariga ijtimoiy foydali maqsadlarga erishishga qaratilgan loyihalarni amalga oshirish uchun tanlov asosida O‘zbekiston Respublikasining respublika budjeti, Qoraqalpog‘iston Respublikasining respublika budjeti, viloyatlarning viloyat budjetlari va Toshkent shahrining shahar budjeti mablag‘lari hisobidan beriladigan pul mablag‘lari va moddiy resurslardir.

Nodavlat notijorat tashkilotlariga davlat grantlarini ajratish tartibi va shartlari O‘zbekiston Respublikasi Oliy Majlisi palatalari tomonidan belgilanadi”;

4) 14-moddaning ikkinchi, uchinchi va to‘rtinchi qismlari quyidagi mazmundagi ikkinchi — beshinchi qismlar bilan almashtirilsin:

“Nodavlat notijorat tashkilotlariga davlat ijtimoiy buyurtmasini berish tartibi va shartlari O‘zbekiston Respublikasi Oliy Majlisi palatalari tomonidan belgilanadi.

Davlat organlari har yili sotsial va ijtimoiy ahamiyatga molik loyihalarni amalga oshirish uchun nodavlat notijorat tashkilotlariga budjetdan tashqari mablag‘lari hisobidan bevosita davlat ijtimoiy buyurtmasini berish bo‘yicha tanlovlar tashkil etadi.

Nodavlat notijorat tashkilotlari tegishli sohalar va tarmoqlardagi muammolarning yechimini nazarda tutuvchi tashabbusli loyihalarni amalga oshirish uchun davlat ijtimoiy buyurtmasini olish to‘g‘risida davlat organiga taklif kiritishi mumkin. Tashabbusli loyiha belgilangan tartibda davlat organi huzuridagi jamoatchilik kengashi tomonidan ijobiy baholangan taqdirda, uning tashabbuskoriga davlat organining budjetdan tashqari mablag‘lari hisobidan bazaviy hisoblash miqdorining ming baravarigacha miqdordagi davlat ijtimoiy buyurtmasi to‘g‘ridan-to‘g‘ri shartnoma tuzish yo‘li bilan berilishi mumkin.

Sotsial va ijtimoiy ahamiyatga molik loyihalarni amalga oshirish uchun davlat organlari tomonidan nodavlat notijorat tashkilotlariga davlat ijtimoiy buyurtmasi berish, shuningdek tanlov shartlari va uni o‘tkazish tartibi O‘zbekiston Respublikasi Vazirlar Mahkamasi tomonidan belgilanadi”;

5) 17-moddaning uchinchi xatboshisidagi “davlat boshqaruvi organlari” degan so‘zlar “respublika ijro etuvchi hokimiyat organlari” degan so‘zlar bilan almashtirilsin.

5-modda. O‘zbekiston Respublikasining 2007-yil 2-mayda qabul qilingan “Homiylik to‘g‘risida”gi O‘RQ-96-sonli Qonuniga (O‘zbekiston Respublikasi Oliy Majlisi palatalarining Axborotnomasi, 2007-yil, № 5, 218-modda; 2008-yil, № 12, 640-modda; 2015-yil, № 8, 312-modda; 2016-yil, № 4, 125-modda; 2021-yil, 4-songa ilova; 2022-yil, № 5, 464-modda; 2024-yil, № 10, 1079-modda; 2025-yil, № 2, 188-modda) quyidagi qo‘shimcha va o‘zgartirishlar kiritilsin:

1) 3-modda:

quyidagi mazmundagi uchinchi xatboshi bilan to‘ldirilsin:

“xayriya qutisi — naqd pul shaklidagi homiylik xayriyalarini yig‘ish uchun mo‘ljallangan idish bo‘lib, undan foydalanish huquqi homiylik tashkilotlariga, homiylikni amalga oshiruvchi yoki homiylik oluvchi yuridik shaxslarga tegishli bo‘ladi”;

uchinchi — sakkizinchi xatboshilari tegishincha to‘rtinchi — to‘qqizinchi xatboshilar deb hisoblansin;

sakkizinchi xatboshisi quyidagi tahrirda bayon etilsin:

“homiylik tashkiloti — homiylik faoliyatini amalga oshirish uchun tuzilgan nodavlat notijorat tashkiloti”;

2) 5¹-modda:

birinchi xatboshisidagi “va yakka tartibdagi tadbirkorlar” degan so‘zlar chiqarib tashlansin;

uchinchi xatboshisi “veb-saytlarida” degan so‘zlardan keyin “yoki ijtimoiy tarmoqlardagi sahifalarida” degan so‘zlar bilan to‘ldirilsin;

quyidagi mazmundagi ikkinchi qism bilan to‘ldirilsin:

“Homiylik oluvchi jismoniy shaxslar homiylik xayriyalarining miqdori va ulardan maqsadli foydalanilganligi to‘g‘risidagi ma’lumotni ushbu xayriyalarni bergan shaxslarning talabiga ko‘ra taqdim etadi”;

3) quyidagi mazmundagi 5² va 5³-moddalar bilan to‘ldirilsin:

Homiylik xayriyalarini yig‘ish muayyan homiylik oluvchilarning manfaatlarini ko‘zlab, oldindan e’lon qilingan muddat davomida amalga oshiriladi.

Homiylik xayriyalari homiylik tashkilotlari, homiylikni amalga oshiruvchi yoki homiylik oluvchi yuridik shaxslar tomonidan o‘z bank hisobvaraqlariga pul mablag‘larini o‘tkazish orqali, naqd pul yoki mol-mulk shaklida yig‘ilishi mumkin.

Homiylik tashkilotlari, homiylikni amalga oshiruvchi yoki homiylik oluvchi yuridik shaxslar tomonidan homiylik xayriyalarini naqd pul shaklida yig‘ish faqat xayriya qutisi yordamida amalga oshiriladi, bundan naqd pul shaklidagi homiylik xayriyalarini ularning bank hisobvaraqlariga qonunchilikda belgilangan tartibda o‘tkazish hollari mustasno.

Homiylik tashkilotlari, homiylikni amalga oshiruvchi yoki homiylik oluvchi yuridik shaxslar tomonidan homiylik xayriyalari mol-mulk shaklida yig‘ilgan taqdirda, qabul qilib olingan mol-mulk ro‘yxati shakllantirilib, mol-mulkning turi, miqdori (hajmi) ko‘rsatilgan holda dalolatnoma tuziladi.

Homiylik xayriyalarini yig‘ish jarayoni boshlanishidan kamida bir kun oldin homiylik tashkilotlari, homiylikni amalga oshiruvchi yoki homiylik oluvchi yuridik shaxslar homiylik xayriyalarini yig‘ish shakllariga qarab, ular yig‘iladigan bank hisobvaraqlari, xayriya qutilari joylashtiriladigan va mol-mulk yig‘iladigan manzillar, homiylik xayriyalarini yig‘ishning maqsadi, muddatlari, zarur bo‘lgan pul mablag‘ining (mol-mulkning) miqdori to‘g‘risida va homiylik tashkilotlari, homiylikni amalga oshiruvchi yoki homiylik oluvchi yuridik shaxslar bilan bog‘lanish uchun ma’lumotlarni ommaviy axborot vositalarida yoki o‘z rasmiy veb-saytida yoxud ijtimoiy tarmoqlardagi sahifalarida e’lon qiladi.

Homiylik tashkilotlari va homiylikni amalga oshiruvchi yuridik shaxslar yig‘ilgan homiylik xayriyalari miqdori to‘g‘risidagi ma’lumotni homiylik xayriyalari yig‘ish jarayoni tugagach bir kun ichida ommaviy axborot vositalarida yoki o‘z rasmiy veb-saytida yoxud ijtimoiy tarmoqlardagi sahifalarida e’lon qiladi.

Homiylik tashkilotlari, homiylikni amalga oshiruvchi yoki homiylik oluvchi yuridik shaxslar yig‘ilgan homiylik xayriyalaridan homiylik maqsadlarida foydalanilganligi to‘g‘risidagi batafsil ma’lumotni tegishli soliq hisobotida aks ettirishi shart.

Jismoniy shaxs homiylik xayriyalarini faqat o‘zi yoki yaqin qarindoshlari (ota-onasi, tug‘ishgan va o‘gay aka-ukasi va opa-singillari, eri (xotini), farzandi, shu jumladan farzandlikka olingan bolalari, bobosi, buvisi, nevaralari, shuningdek erning (xotinning) ota-onasi, tug‘ishgan va o‘gay aka-uka va opa-singillari) uchun o‘z bank hisobvaraqlariga yoki shaxsiy bank kartasiga pul o‘tkazish orqali, naqd pul yoki mol-mulk shaklida yig‘ishga haqli.

Ko‘ngillilar homiylik oluvchilarning manfaatlarini ko‘zlab, homiylik xayriyalarini yig‘ishga faqat e’lon berish orqali ko‘maklashadi, bundan ushbu moddaning sakkizinchi qismida nazarda tutilgan hollar mustasno. Bunda homiylik xayriyalarini yig‘ish homiylik oluvchi jismoniy shaxslar yoki ularning yaqin qarindoshlari nomlariga ochilgan bank hisobvaraqlariga yoki shaxsiy bank kartalariga pul o‘tkazish orqali yoki ularga bevosita naqd pul (mol-mulk) berish orqali, shuningdek homiylik oluvchi yuridik shaxslarning bank hisobvaraqlariga pul mablag‘larini o‘tkazish yoki ularga mol-mulk berish orqali amalga oshiriladi.

Jismoniy shaxslar tomonidan homiylik oluvchilarning manfaatlarini ko‘zlab homiylik xayriyalarini yig‘ishga hamda pul yig‘ish uchun o‘ziga tegishli bo‘lgan bank hisobvaraqlari va bank kartalari raqamlari haqida e’lon berishiga yo‘l qo‘yilmaydi, bundan ushbu moddaning sakkizinchi qismida nazarda tutilgan hollar mustasno.

Homiylik xayriyalarini yig‘ish uchun xayriya qutilaridan faqat homiylik tashkilotlari, homiylikni amalga oshiruvchi va homiylik oluvchi yuridik shaxslar foydalanadi.

Xayriya qutisi shaffof bo‘lishi va uni ochish joyi homiylik tashkilotining, homiylikni amalga oshiruvchi yoki homiylik oluvchi yuridik shaxsning rahbari yoki u vakolat bergan shaxs tomonidan imzolangan hamda homiylik tashkilotining, homiylikni amalga oshiruvchi yoki homiylik oluvchi yuridik shaxsning muhri bilan muhrlangan qog‘ozli plomba yoki raqamlangan plomba bilan plombalangan bo‘lishi shart.

Homiylik tashkiloti, homiylikni amalga oshiruvchi yoki homiylik oluvchi yuridik shaxs tomonidan xayriya qutisida homiylik xayriyalarini yig‘ish maqsadi to‘g‘risidagi axborot, o‘zining rasmiy nomi va yuridik manzili, u bilan aloqa bog‘lashga doir ma’lumotlar, shuningdek rasmiy veb-sayti yoki ijtimoiy tarmoqlardagi sahifalari haqidagi ma’lumotlar joylashtirilishi shart.

Xayriya qutisini o‘rnatish ko‘chmas mulk egasi yoki u vakolat bergan shaxs va homiylik tashkiloti, homiylikni amalga oshiruvchi yoki homiylik oluvchi yuridik shaxs o‘rtasida yozma shaklda tuzilgan shartnoma asosida amalga oshiriladi (bundan ko‘chmas mulk homiylik tashkilotining, homiylikni amalga oshiruvchi yoki homiylik oluvchi yuridik shaxsning egaligida yoki foydalanishida bo‘lgan hollar, shuningdek xayriya qutisining homiylik tashkiloti, homiylikni amalga oshiruvchi yoki homiylik oluvchi yuridik shaxs tomonidan tashkil etiladigan tadbir joyida va tadbir vaqtida o‘rnatilganligi hollari mustasno). Xayriya qutisini ko‘chmas mulk hududida saqlash shartlari shartnomada ko‘rsatiladi.

Xayriya qutisidagi yig‘ilgan pul mablag‘lari xayriya qutisi to‘lganda, to‘plangan mablag‘lardan foydalanish ehtiyoji yuzaga kelganda yoki homiylik xayriyalarini yig‘ish muddatlari tugaganda olinadi.

Xayriya qutisi homiylik tashkilotining, homiylikni amalga oshiruvchi yoki homiylik oluvchi yuridik shaxsning vakolatli xodimi tomonidan kamida ikki nafar xolis hozirligida xayriya qutisi o‘rnatilgan joyda ochiladi va hisoblab chiqiladi. Xayriya qutisini ochish va mablag‘larni hisoblab chiqish jarayoni videoyozuvga olinadi.

Xayriya qutisidan olingan pul mablag‘larining miqdori homiylik tashkilotining, homiylikni amalga oshiruvchi yoki homiylik oluvchi yuridik shaxsning vakolatli xodimi va kamida ikki nafar xolis tomonidan imzolanadigan dalolatnomada qayd etiladi.

Dalolatnoma va videoyozuv homiylik tashkilotida, homiylikni amalga oshiruvchi yoki homiylik oluvchi yuridik shaxsda saqlanadi hamda dalolatnoma tuzilgan kundan e’tiboran bir kun ichida dalolatnomadagi ma’lumotlar ommaviy axborot vositalarida yoki ularning rasmiy veb-saytida yoxud ijtimoiy tarmoqlardagi sahifalarida e’lon qilinadi.

Pul mablag‘lari homiylik tashkiloti, homiylikni amalga oshiruvchi yoki homiylik oluvchi yuridik shaxs tomonidan xayriya qutisidan olingan kunda yoki keyingi ish kunida homiylik tashkilotining, homiylikni amalga oshiruvchi yoki homiylik oluvchi yuridik shaxsning bankdagi hisobvarag‘iga o‘tkazilishi shart.

Ushbu moddaning qoidalari ehson qutilarini o‘rnatgan diniy tashkilotlarga va ular tomonidan tashkil etilgan jamoat fondlariga nisbatan tatbiq etilmaydi”;

4) 9-moddaning uchinchi qismidagi “20” raqami “30” raqami bilan almashtirilsin;

5) 11-moddaning uchinchi qismidagi “80” raqami “70” raqami bilan almashtirilsin;

6) 14-modda quyidagi mazmundagi uchinchi qism bilan to‘ldirilsin:

“Homiylik oluvchilar tomonidan homiylik xayriyalarining olinishi ularning qonunchilikda belgilangan boshqa yordam turlaridan, to‘lovlardan yoki imtiyozlardan foydalanishini cheklash yoki to‘xtatish uchun asos bo‘lmaydi”.

6-modda. O‘zbekiston Respublikasining 2014-yil 25-sentabrda qabul qilingan “Ijtimoiy sheriklik to‘g‘risida”gi O‘RQ-376-sonli Qonuniga (O‘zbekiston Respublikasi Oliy Majlisi palatalarining Axborotnomasi, 2014-yil, № 9, 247-modda; 2017-yil, № 9, 510-modda; 2018-yil, № 1, 8-modda; 2020-yil, № 7, 449-modda; 2021-yil, 4-songa ilova) quyidagi o‘zgartirishlar kiritilsin:

1) 3-moddaning:

birinchi qismidagi “davlat organlarining nodavlat notijorat tashkilotlari va fuqarolik jamiyatining boshqa institutlari bilan” degan so‘zlar “davlat organlarining fuqarolik jamiyati institutlari, shu jumladan jamoat birlashmalari va boshqa nodavlat notijorat tashkilotlari, fuqarolarning o‘zini o‘zi boshqarish organlari, ommaviy axborot vositalari (bundan buyon matnda fuqarolik jamiyati institutlari deb yuritiladi) bilan” degan so‘zlar bilan almashtirilsin;

ikkinchi qismidagi “nodavlat notijorat tashkilotlari va fuqarolik jamiyatining boshqa institutlari” degan so‘zlar “fuqarolik jamiyati institutlari” degan so‘zlar bilan almashtirilsin;

2) 6-moddaning:

ikkinchi xatboshisidagi “nodavlat notijorat tashkilotlarining va fuqarolik jamiyati boshqa institutlarining” degan so‘zlar “fuqarolik jamiyati institutlarining” degan so‘zlar bilan almashtirilsin;

uchinchi xatboshisidagi “nodavlat notijorat tashkilotlarining va fuqarolik jamiyati boshqa institutlarining” degan so‘zlar “fuqarolik jamiyati institutlarining” degan so‘zlar bilan almashtirilsin;

to‘rtinchi xatboshisidagi “nodavlat notijorat tashkilotlari va fuqarolik jamiyati boshqa institutlari” degan so‘zlar “fuqarolik jamiyati institutlari” degan so‘zlar bilan almashtirilsin;

3) 7-modda:

nomidagi “nodavlat notijorat tashkilotlarining va fuqarolik jamiyati boshqa institutlarining” degan so‘zlar “fuqarolik jamiyati institutlarining” degan so‘zlar bilan almashtirilsin;

birinchi qismidagi “nodavlat notijorat tashkilotlarini va fuqarolik jamiyatining boshqa institutlarini” degan so‘zlar “fuqarolik jamiyati institutlarini” degan so‘zlar bilan almashtirilsin;

ikkinchi qismidagi “nodavlat notijorat tashkilotlaridan va fuqarolik jamiyatining boshqa institutlaridan” degan so‘zlar “fuqarolik jamiyati institutlaridan” degan so‘zlar bilan almashtirilsin;

uchinchi qismidagi “nodavlat notijorat tashkilotlari va fuqarolik jamiyatining boshqa institutlarini” degan so‘zlar “fuqarolik jamiyati institutlarini” degan so‘zlar bilan almashtirilsin;

to‘rtinchi qismining birinchi xatboshisi quyidagi tahrirda bayon etilsin:

“Fuqarolik jamiyati institutlari”;

beshinchi qismidagi “nodavlat notijorat tashkilotlarining va fuqarolik jamiyati boshqa institutlarining” degan so‘zlar “fuqarolik jamiyati institutlarining” degan so‘zlar bilan almashtirilsin;

4) 8-modda:

nomidagi “Nodavlat notijorat tashkilotlari va fuqarolik jamiyati boshqa institutlari” degan so‘zlar “Fuqarolik jamiyati institutlari” degan so‘zlar bilan almashtirilsin;

birinchi qismidagi “Nodavlat notijorat tashkilotlari va fuqarolik jamiyati boshqa institutlarining” degan so‘zlar “Fuqarolik jamiyati institutlarining” degan so‘zlar bilan almashtirilsin;

ikkinchi qismining birinchi xatboshisi quyidagi tahrirda bayon etilsin:

“Fuqarolik jamiyati institutlari”;

5) 9-moddaning ikkinchi qismidagi “nodavlat notijorat tashkilotlari va fuqarolik jamiyatining boshqa institutlari” degan so‘zlar “fuqarolik jamiyati institutlari” degan so‘zlar bilan almashtirilsin;

6) 12-moddaning:

ikkinchi xatboshisidagi “nodavlat notijorat tashkilotlarini va fuqarolik jamiyatining boshqa institutlarini” degan so‘zlar “fuqarolik jamiyati institutlarini” degan so‘zlar bilan almashtirilsin;

uchinchi xatboshisidagi “nodavlat notijorat tashkilotlariga va fuqarolik jamiyatining boshqa institutlariga” degan so‘zlar “fuqarolik jamiyati institutlariga” degan so‘zlar bilan almashtirilsin;

to‘rtinchi xatboshisidagi “nodavlat notijorat tashkilotlariga va fuqarolik jamiyatining boshqa institutlariga” degan so‘zlar “fuqarolik jamiyati institutlariga” degan so‘zlar bilan almashtirilsin;

7) 13-moddaning:

birinchi qismidagi “nodavlat notijorat tashkilotlariga va fuqarolik jamiyatining boshqa institutlariga” degan so‘zlar “fuqarolik jamiyati institutlariga” degan so‘zlar bilan almashtirilsin;

ikkinchi qismidagi “Nodavlat notijorat tashkilotlariga va fuqarolik jamiyatining boshqa institutlariga” degan so‘zlar “Fuqarolik jamiyati institutlariga” degan so‘zlar bilan almashtirilsin;

8) 14-moddaning:

birinchi xatboshisidagi “nodavlat notijorat tashkilotlarini va fuqarolik jamiyatining boshqa institutlarini” degan so‘zlar “fuqarolik jamiyati institutlarini” degan so‘zlar bilan almashtirilsin;

uchinchi xatboshisidagi “nodavlat notijorat tashkilotlarining va fuqarolik jamiyati boshqa institutlarining” degan so‘zlar “fuqarolik jamiyati institutlarining” degan so‘zlar bilan almashtirilsin;

9) 15 va 16-moddalar quyidagi tahrirda bayon etilsin:

Mamlakatda demokratik o‘zgarishlarni yanada rivojlantirishga hamda bunda fuqarolik jamiyati institutlarining ishtirok etishiga ko‘maklashish maqsadida O‘zbekiston Respublikasi Oliy Majlisi huzurida Fuqarolik jamiyati institutlarini qo‘llab-quvvatlash jamoat fondi (bundan buyon matnda Oliy Majlis huzuridagi jamoat fondi deb yuritiladi) va uning alohida bo‘linmalari tuziladi.

Oliy Majlis huzuridagi jamoat fondi:

O‘zbekiston Respublikasining respublika budjetidan, Qoraqalpog‘iston Respublikasining respublika budjetidan, viloyatlarning viloyat budjetlaridan va Toshkent shahrining shahar budjetidan, qonunchilikda taqiqlanmagan boshqa manbalardan olinadigan mablag‘larni jamlaydi, bu mablag‘lar fuqarolik jamiyati institutlari faoliyatini rivojlantirishni rag‘batlantirish hamda qo‘llab-quvvatlashga, ijtimoiy, iqtisodiy, gumanitar masalalarni hal etishda ularning ishtirok etishiga qaratilgan dasturlarni amalga oshirish uchun taqsimlanishini tashkil etadi;

fuqarolik jamiyati institutlarining moddiy-texnika bazasini mustahkamlash, ularga huquqiy maslahat, tashkiliy, texnik jihatdan va boshqa xil yordam ko‘rsatish bilan bog‘liq dasturlar hamda loyihalarni amalga oshirishda ko‘maklashadi.

Oliy Majlis huzuridagi jamoat fondining tashkil etilishi, faoliyati, qayta tashkil etilishi hamda tugatilishining o‘ziga xos xususiyatlari O‘zbekiston Respublikasi Oliy Majlisi palatalari tomonidan belgilanadi.

O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi mablag‘larini boshqarish bo‘yicha parlament komissiyasi (bundan buyon matnda Parlament komissiyasi deb yuritiladi) fuqarolik jamiyati institutlarini rivojlantirish hamda ularning mamlakatda demokratik o‘zgarishlarni amalga oshirishda va jamiyatni erkinlashtirishda ishtirok etishiga ko‘maklashish maqsadida tuziladi.

Parlament komissiyasi O‘zbekiston Respublikasi Oliy Majlisining palatalari tomonidan O‘zbekiston Respublikasi Oliy Majlisi Qonunchilik palatasining deputatlari va Senatining a’zolaridan iborat tarkibda shakllantiriladi.

Parlament komissiyasining tarkibiga rais, rais o‘rinbosari, mas’ul kotib va komissiya a’zolari kiradi. Parlament komissiyasiga uning tarkibiga kiritilgan O‘zbekiston Respublikasi Oliy Majlisi Qonunchilik palatasining deputati va Senatining a’zosi har yili navbatma-navbat raislik qiladi.

Parlament komissiyasi o‘z faoliyatiga vazirliklar va idoralar mutaxassislarini hamda jamoatchilik vakillarini jalb etishi mumkin.

Parlament komissiyasi:

Oliy Majlis huzuridagi jamoat fondi mablag‘larining fuqarolik jamiyati institutlarini qo‘llab-quvvatlash uchun taqsimlanishini tashkil etadi, fuqarolik jamiyati institutlari va davlat organlarining takliflarini o‘rganish asosida aniq ijtimoiy-iqtisodiy masalalarni hal etishga, fuqarolarning ijtimoiy faolligini yanada oshirishga qaratilgan sotsial va ijtimoiy ahamiyatga molik dasturlar hamda loyihalarni moliyalashtirish dasturlarini ishlab chiqadi;

Oliy Majlis huzuridagi jamoat fondi mablag‘larini taqsimlashda ochiqlik va shaffoflikni ta’minlaydi, fuqarolik jamiyati institutlarini rivojlantirish hamda ular faoliyatining samaradorligini oshirish, ularning o‘tkazilayotgan sotsial-iqtisodiy va ijtimoiy-siyosiy islohotlarda, demokratik qadriyatlarning, fuqarolar huquqlari, erkinliklari va qonuniy manfaatlarining himoya qilinishini ta’minlashda ishtirok etishi masalalarini muhokama qilishga jamoatchilikni jalb etadi;

joylardagi fuqarolik jamiyati institutlarini qo‘llab-quvvatlash uchun mablag‘larning hajmlarini Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar Kengashlari huzuridagi ijtimoiy sheriklik bo‘yicha jamoat komissiyalarining (bundan buyon matnda jamoat komissiyalari deb yuritiladi) takliflari asosida aniqlaydi hamda taqsimlaydi, ushbu komissiyalar faoliyatiga uslubiy rahbarlikni ta’minlaydi;

Oliy Majlis huzuridagi jamoat fondi mablag‘laridan maqsadli va samarali foydalanilishi, moliyalashtirilgan dasturlar hamda loyihalar ustidan nazoratni (monitoringni) amalga oshiradi, o‘z majlislarida moliyalashtirilayotgan dasturlar hamda loyihalar amalga oshirilishining borishi va natijalari to‘g‘risida fuqarolik jamiyati institutlarining hisobotlarini, mahalliy davlat hokimiyati organlarining axborotini eshitadi, ijtimoiy sheriklikni yanada rivojlantirishga doir zarur tavsiyalarni ishlab chiqadi va topshiradi;

sotsial va ijtimoiy ahamiyatga molik dasturlar va loyihalarni amalga oshirishda fuqarolik jamiyati institutlarining davlat organlari bilan hamkorligini chuqurlashtirishga, ijtimoiy hayotni demokratlashtirishda fuqarolik jamiyati institutlarining rolini kuchaytirish jarayonlariga ko‘maklashadi;

ijtimoiy-iqtisodiy rivojlantirish dasturlari va normativ-huquqiy hujjatlar loyihalarining jamoatchilik muhokamasini, jamoatchilik ekspertizasini tashkil etishda davlat organlariga yordam ko‘rsatadi, mamlakatda amalga oshirilayotgan demokratik o‘zgarishlarning mohiyati va ahamiyatini aholiga tushuntirish bo‘yicha tizimli ishlar olib boradi;

ijtimoiy sheriklik sohasida ko‘rib chiqilayotgan masalalar yuzasidan qarorlar qabul qiladi va ularning bajarilishi ustidan nazoratni amalga oshiradi;

bajarilgan ishlar to‘g‘risida har yili O‘zbekiston Respublikasi Oliy Majlisining Qonunchilik palatasiga va Senatiga axborot taqdim etadi;

o‘z faoliyati to‘g‘risida jamoatchilikni xabardor qiladi.

Parlament komissiyasi Oliy Majlis huzuridagi jamoat fondining vasiylik kengashi vazifasini bajaradi.

Parlament komissiyasi qonunchilikka muvofiq boshqa vakolatlarni ham amalga oshirishi mumkin.

Parlament komissiyasining faoliyatini tashkil etish tartibi O‘zbekiston Respublikasi Oliy Majlisining palatalari tomonidan belgilanadi”;

10) 17-modda chiqarib tashlansin;

11) 18-modda:

birinchi qismidagi “nodavlat notijorat tashkilotlarining va fuqarolik jamiyati boshqa institutlarining” degan so‘zlar “fuqarolik jamiyati institutlarining” degan so‘zlar bilan almashtirilsin;

ikkinchi qismining:

ikkinchi xatboshisidagi “nodavlat notijorat tashkilotlarining va fuqarolik jamiyati boshqa institutlarining” degan so‘zlar “fuqarolik jamiyati institutlarining” degan so‘zlar bilan almashtirilsin;

uchinchi va to‘rtinchi xatboshilari quyidagi tahrirda bayon etilsin:

“fuqarolik jamiyati institutlarining joylarda ijtimoiy, sotsial-iqtisodiy masalalarni hal etishga qaratilgan sotsial hamda ijtimoiy ahamiyatga molik dasturlari va loyihalarini qo‘llab-quvvatlashga, ularni amalga oshirish uchun mablag‘larning zarur hajmlarini aniqlashga doir takliflarni ishlab chiqadi hamda ularni Parlament komissiyasiga taqdim etib boradi;

joylarda fuqarolik jamiyati institutlari tomonidan davlat subsidiyasi, grantlari va ijtimoiy buyurtmalari doirasida amalga oshirilayotgan faoliyat samaradorligini o‘rganish, tahlil qilish va baholash borasida Parlament komissiyasiga ko‘maklashadi”;

uchinchi qismi chiqarib tashlansin;

to‘rtinchi — yettinchi qismlari tegishincha uchinchi — oltinchi qismlar deb hisoblansin;

beshinchi qismi chiqarib tashlansin;

oltinchi qismi beshinchi qism deb hisoblansin;

12) 19-moddaning matni quyidagi tahrirda bayon etilsin:

“Davlat subsidiyasi sotsial va ijtimoiy ahamiyatga molik faoliyatni amalga oshirayotgan fuqarolik jamiyati institutlarini qo‘llab-quvvatlash uchun O‘zbekiston Respublikasining respublika budjeti, Qoraqalpog‘iston Respublikasining respublika budjeti, viloyatlarning viloyat budjetlari va Toshkent shahrining shahar budjeti, davlat maqsadli jamg‘armalari mablag‘lari hisobidan beriladigan hamda aniq loyihalar bilan bog‘liq bo‘lmagan moliyaviy yoki boshqa moddiy ko‘makdir.

Davlat subsidiyalaridan faqat fuqarolik jamiyati institutlarining ustavida belgilangan maqsad va vazifalarni bajarish, moddiy-texnika bazasini mustahkamlash hamda ijtimoiy foydali maqsadlarga erishish uchungina foydalaniladi.

Fuqarolik jamiyati institutlari davlat subsidiyasini olish uchun Oliy Majlis huzuridagi jamoat fondiga buyurtmalar bilan murojaat etadi.

Oliy Majlis huzuridagi jamoat fondi fuqarolik jamiyati institutlarining buyurtmalarini umumlashtiradi, subsidiyalash hajmlariga doir takliflarni tayyorlaydi hamda ularni Parlament komissiyasiga kiritadi.

Parlament komissiyasi Oliy Majlis huzuridagi jamoat fondi tomonidan taqdim etilgan hujjatlarni o‘rganib chiqib, subsidiyalashning maqsadga muvofiqligi va zarur hajmlari to‘g‘risida belgilangan tartibda qaror qabul qiladi.

Oliy Majlis huzuridagi jamoat fondi navbatdagi yil uchun O‘zbekiston Respublikasining Davlat budjeti tasdiqlanganidan keyin Parlament komissiyasiga davlat subsidiyalarini taqsimlashga doir takliflarni taqdim etadi.

Parlament komissiyasi Oliy Majlis huzuridagi jamoat fondining takliflari olinganidan keyin fuqarolik jamiyati institutlariga ajratiladigan davlat subsidiyalarining hajmlarini aniqlaydi.

Davlat subsidiyalarini ajratish tartibi va shartlari O‘zbekiston Respublikasi Oliy Majlisi palatalari tomonidan belgilanadi.

Qonunchilikda ayrim fuqarolik jamiyati institutlari uchun davlat tomonidan subsidiyalashning boshqacha tartibi ham nazarda tutilishi mumkin”;

13) 20-moddaning matni quyidagi tahrirda bayon etilsin:

“Davlat granti ijtimoiy foydali maqsadlarga erishishga qaratilgan loyihalarni amalga oshirish uchun O‘zbekiston Respublikasining respublika budjeti, Qoraqalpog‘iston Respublikasining respublika budjeti, viloyatlarning viloyat budjetlari va Toshkent shahrining shahar budjeti, shuningdek Oliy Majlis huzuridagi jamoat fondining mablag‘lari hisobidan fuqarolik jamiyati institutlariga tanlov asosida beriladigan pul mablag‘lari va moddiy resurslardir.

Davlat grantlarini ajratish Oliy Majlis huzuridagi jamoat fondi va uning alohida bo‘linmalari orqali amalga oshiriladi.

Oliy Majlis huzuridagi jamoat fondi davlat grantini taqsimlash maqsadida grant tanlovlarini tashkil etadi.

Grant tanlovlarida ijtimoiy foydali maqsadlarga erishishga qaratilgan loyihalarni taqdim etgan fuqarolik jamiyati institutlari ishtirok etishga haqlidir.

Grant tanlovlariga taqdim etilgan loyihalarni tanlab olish va g‘oliblarni aniqlash Parlament komissiyasi tomonidan amalga oshiriladi.

Davlat granti ajratilayotganda grant beruvchi va grant oluvchi o‘rtasida grant ajratilganligi to‘g‘risida shartnoma tuziladi.

Fuqarolik jamiyati institutlariga davlat grantlarini ajratish tartibi va shartlari O‘zbekiston Respublikasi Oliy Majlisi palatalari tomonidan belgilanadi”;

14) 21-moddaning matni quyidagi tahrirda bayon etilsin:

“Davlat ijtimoiy buyurtmasi davlat organi va fuqarolik jamiyati instituti o‘rtasida shartnoma tuzish yo‘li bilan sotsial va ijtimoiy ahamiyatga molik loyihalarni amalga oshirish uchun ishlar bajarishga yoki tadbirlar o‘tkazishga doir davlat topshirig‘idan iborat bo‘ladi.

Davlat ijtimoiy buyurtmalarini berish Oliy Majlis huzuridagi jamoat fondi, uning alohida bo‘linmalari orqali yoki bevosita davlat organlari tomonidan amalga oshiriladi.

Davlat ijtimoiy buyurtmalari Oliy Majlis huzuridagi jamoat fondi yoki uning alohida bo‘linmalari orqali berilgan taqdirda, davlat organlari ushbu Qonunda nazarda tutilgan ijtimoiy sheriklik sohalari doirasida o‘z faoliyatining fuqarolik jamiyati institutlari qo‘llab-quvvatlashini talab etadigan ustuvor yo‘nalishlarini belgilaydi va kelgusi moliya yili uchun davlat ijtimoiy buyurtmalarini berish to‘g‘risida Oliy Majlis huzuridagi jamoat fondiga yoki uning alohida bo‘linmalariga buyurtmalar yuboradi. Buyurtmada davlat organi faoliyatining ustuvor yo‘nalishlari, ishlar bajarishga yoki tadbirlar o‘tkazishga doir topshiriqning maqsadlari, vazifalari va shartlari, shuningdek talab etiladigan mablag‘lar miqdori, unda davlat organining ulushi ko‘rsatiladi.

Oliy Majlis huzuridagi jamoat fondi, uning alohida bo‘linmalari davlat organlarining buyurtmalarini umumlashtiradi hamda Parlament komissiyasiga ko‘rib chiqish uchun kiritadi. Parlament komissiyasi buyurtmalarda nazarda tutilgan tadbirlarning dolzarbligini va ijtimoiy ahamiyatini baholaydi, shuningdek buyurtmalarni moliyalashtirish maqsadga muvofiqligi, har bir buyurtma uchun ajratiladigan mablag‘lar miqdori va tanlovlarni tashkil etish to‘g‘risida belgilangan tartibda qaror qabul qiladi.

Oliy Majlis huzuridagi jamoat fondi davlat ijtimoiy buyurtmalarini berish bo‘yicha tanlov tashkil etadi, bunda davlat buyurtmachilari, buyurtmalarning maqsadlari, vazifalari va shartlari, ajratiladigan mablag‘lar miqdori haqidagi ma’lumotlarni o‘zining veb-saytida, maxsus elektron platformasida, shuningdek ommaviy axborot vositalarida hamda ijtimoiy tarmoqlarda e’lon qiladi.

Fuqarolik jamiyati institutlari davlat ijtimoiy buyurtmalari loyihalarini ishlab chiqadi hamda ularni ko‘rib chiqish uchun Oliy Majlis huzuridagi jamoat fondiga taqdim etadi.

Oliy Majlis huzuridagi jamoat fondi fuqarolik jamiyati institutlari tomonidan taqdim etilgan davlat ijtimoiy buyurtmalari loyihalarini umumlashtiradi va ko‘rib chiqish uchun Parlament komissiyasiga kiritadi.

Parlament komissiyasi Oliy Majlis huzuridagi jamoat fondi tomonidan kiritilgan fuqarolik jamiyati institutlarining davlat ijtimoiy buyurtmalari loyihalarini ko‘rib chiqadi, baholaydi va g‘oliblarni aniqlaydi.

Davlat ijtimoiy buyurtmasi berilayotganda davlat ijtimoiy buyurtmasini berish to‘g‘risida buyurtma yuborgan davlat organi, fuqarolik jamiyati instituti va Oliy Majlis huzuridagi jamoat fondi o‘rtasida uch tomonlama shartnoma tuziladi.

Davlat organlari Parlament komissiyasi tomonidan qo‘llab-quvvatlangan davlat ijtimoiy buyurtmalari loyihalarini budjetdan tashqari mablag‘lar hisobidan qo‘shimcha moliyalashtirishni amalga oshirishi mumkin. Bunda qo‘shimcha moliyalashtirish miqdori umumiy moliyalashtirish summasining yigirma foizidan oshmasligi lozim.

Oliy Majlis huzuridagi jamoat fondi, uning alohida bo‘linmalari orqali davlat ijtimoiy buyurtmasini berish tartibi va shartlari O‘zbekiston Respublikasi Oliy Majlisi palatalari tomonidan belgilanadi.

Davlat organlari har yili sotsial va ijtimoiy ahamiyatga molik loyihalarni amalga oshirish uchun budjetdan tashqari mablag‘lari hisobidan fuqarolik jamiyati institutlariga bevosita davlat ijtimoiy buyurtmasi berish bo‘yicha tanlovlar tashkil etadi. Tanlovlar haqidagi axborot davlat organining veb-saytida, ommaviy axborot vositalarida, shu jumladan elektron ommaviy axborot vositalarida oldindan e’lon qilinadi.

Davlat organlariga fuqarolik jamiyati institutlaridan kelib tushadigan loyihalarni ko‘rib chiqish, umumlashtirish va ularni baholash davlat organlari huzuridagi jamoatchilik kengashlari tomonidan amalga oshiriladi. Davlat ijtimoiy buyurtmalarini berish bo‘yicha tanlov g‘olibi loyihalarni ko‘rib chiqish, umumlashtirish va ularni baholash natijalariga ko‘ra aniqlanadi. Davlat organi va tanlovda g‘olib deb topilgan fuqarolik jamiyati instituti o‘rtasida shartnoma tuziladi.

Fuqarolik jamiyati instituti tegishli sohalar va tarmoqlardagi mavjud muammolarning yechimini nazarda tutuvchi tashabbusli loyihalarni amalga oshirish uchun davlat ijtimoiy buyurtmasini olish to‘g‘risida tegishli davlat organiga taklif kiritishi mumkin.

Fuqarolik jamiyati institutining davlat ijtimoiy buyurtmasini olish uchun kiritgan tashabbusli loyihasi tegishli davlat organi huzuridagi jamoatchilik kengashi tomonidan belgilangan tartibda ko‘rib chiqiladi va baholanadi.

Davlat organi huzuridagi jamoatchilik kengashi tomonidan tashabbusli loyihani moliyalashtirish maqsadga muvofiqligi haqida qaror qabul qilingan taqdirda, uni kiritgan fuqarolik jamiyati institutiga mazkur davlat organining budjetdan tashqari mablag‘lari hisobidan bazaviy hisoblash miqdorining ming baravarigacha miqdordagi davlat ijtimoiy buyurtmasi to‘g‘ridan-to‘g‘ri shartnoma tuzish yo‘li bilan berilishi mumkin.

Sotsial va ijtimoiy ahamiyatga molik loyihalarni amalga oshirish uchun davlat organlari tomonidan fuqarolik jamiyati institutlariga davlat ijtimoiy buyurtmasini berish, shuningdek tanlov shartlari va uni o‘tkazish tartibi O‘zbekiston Respublikasi Vazirlar Mahkamasi tomonidan belgilanadi”;

15) 23-modda:

nomidagi “Nodavlat notijorat tashkilotlarining va fuqarolik jamiyati boshqa institutlarining” degan so‘zlar “Fuqarolik jamiyati institutlarining” degan so‘zlar bilan almashtirilsin;

birinchi qismining birinchi xatboshisidagi “Nodavlat notijorat tashkilotlari va fuqarolik jamiyatining boshqa institutlari” degan so‘zlar “Fuqarolik jamiyati institutlari” degan so‘zlar bilan almashtirilsin;

ikkinchi qismidagi “Nodavlat notijorat tashkilotlari va fuqarolik jamiyatining boshqa institutlari” degan so‘zlar “Fuqarolik jamiyati institutlari” degan so‘zlar bilan almashtirilsin;

16) 24-modda:

nomidagi “Nodavlat notijorat tashkilotlarining va fuqarolik jamiyati boshqa institutlarining” degan so‘zlar “Fuqarolik jamiyati institutlarining” degan so‘zlar bilan almashtirilsin;

birinchi qismining birinchi xatboshisi quyidagi tahrirda bayon etilsin:

“Fuqarolik jamiyati institutlari”;

ikkinchi qismidagi “Nodavlat notijorat tashkilotlari va fuqarolik jamiyatining boshqa institutlari” degan so‘zlar “Fuqarolik jamiyati institutlari” degan so‘zlar bilan almashtirilsin;

17) 25-modda birinchi qismining:

ikkinchi xatboshisidagi “nodavlat notijorat tashkilotlarini va fuqarolik jamiyatining boshqa institutlarini” degan so‘zlar “fuqarolik jamiyati institutlarini” degan so‘zlar bilan almashtirilsin;

uchinchi xatboshisi quyidagi tahrirda bayon etilsin:

“fuqarolik jamiyati institutlari bilan birgalikda ishchi guruhlar va komissiyalar tuzishga, shu jumladan ular vakillarining o‘z vakolatlariga kiradigan masalalar bo‘yicha davlat organlari huzuridagi jamoatchilik-maslahat organlari ishida ishtirok etishini ta’minlashga”;

to‘rtinchi xatboshisidagi “nodavlat notijorat tashkilotlari va fuqarolik jamiyatining boshqa institutlari” degan so‘zlar “fuqarolik jamiyati institutlari” degan so‘zlar bilan almashtirilsin;

18) 26-moddaning birinchi qismi quyidagi tahrirda bayon etilsin:

“Davlat organlari ijtimoiy sheriklik sohasida:

faoliyatning fuqarolik jamiyati institutlarini qo‘llab-quvvatlashni talab qiladigan ustuvor yo‘nalishlarini, shu jumladan ular bilan maslahatlashuvlar o‘tkazish orqali aniqlashi;

fuqarolik jamiyati institutlariga ijtimoiy sheriklikda ishtirok etishi uchun shart-sharoitlar yaratishi;

fuqarolik jamiyati institutlarining tashabbuslari hamda takliflarini, shu jumladan ijtimoiy-iqtisodiy rivojlantirish dasturlari va normativ-huquqiy hujjatlar loyihalarini ishlab chiqish bo‘yicha tashabbuslari hamda takliflarini ko‘rib chiqishi;

ijtimoiy-iqtisodiy rivojlantirish dasturlari va normativ-huquqiy hujjatlar ishlab chiqilishi hamda amalga oshirilishining borishi bo‘yicha zarur hollarda jamoatchilik muhokamasini tashkil etishi, shuningdek fuqarolik jamiyati institutlarining ularni amalga oshirish samaradorligini yuksaltirishga doir takliflarini ko‘rib chiqishi;

fuqarolik jamiyati institutlari bilan oldindan maslahatlashuvlar va muzokaralar o‘tkazilishini ta’minlashi;

sohaviy va hududiy fuqarolik jamiyati institutlari vakillari bilan har yili kamida bir marta ochiq muloqot o‘tkazishi;

ijtimoiy sheriklik sohasidagi bitimlar va shartnomalar, dasturlar hamda loyihalar bo‘yicha majburiyatlarning bajarilishini ta’minlashi shart”;

19) 29-moddaning uchinchi xatboshisidagi “davlat boshqaruvi organlari” degan so‘zlar “respublika ijro etuvchi hokimiyat organlari” degan so‘zlar bilan almashtirilsin.

7-modda. O‘zbekiston Respublikasining 2018-yil 12-aprelda qabul qilingan “Jamoatchilik nazorati to‘g‘risida”gi O‘RQ-474-sonli Qonunining (O‘zbekiston Respublikasi Oliy Majlisi palatalarining Axborotnomasi, 2018-yil, № 4, 222-modda; 2021-yil, 4-songa ilova) 17-moddasi quyidagi mazmundagi to‘rtinchi qism bilan to‘ldirilsin:

“Yakuniy hujjat davlat organiga kelib tushgan kundan e’tiboran bir oygacha bo‘lgan muddatda ko‘rib chiqiladi, bundan qo‘shimcha o‘rganishni talab etadigan yakuniy hujjatlar mustasno bo‘lib, bu haqda yakuniy hujjatni kiritgan jamoatchilik nazorati subyektiga o‘n kunlik muddatda yozma shaklda xabar qilinadi”.

8-modda. O‘zbekiston Respublikasining 2019-yil 30-dekabrda qabul qilingan O‘RQ-599-sonli Qonuni bilan yangi tahrirda tasdiqlangan O‘zbekiston Respublikasining Soliq kodeksi (O‘zbekiston Respublikasi Oliy Majlisi palatalarining Axborotnomasi, 2019-yil, 12-songa 1-ilova; 2020-yil, № 3, 198-modda, № 10, 593-modda, № 11, 652-modda, № 12, 690, 691-moddalar; 2021-yil, № 1, 6-modda, № 4, 294-modda, 4-songa ilova, № 8, 800-modda, № 9, 901-modda, № 10, 968, 969, 972, 973-moddalar, № 12, 1199-modda; 2022-yil, № 2, 79-modda, № 3, 215, 216-moddalar, № 5, 461, 464, 467-moddalar, № 6, 570-modda, № 7, 664, 666-moddalar, № 12, 1190-modda; 2023-yil, № 6, 444, 446-moddalar, № 7, 540-modda, № 12, 1011-modda; 2024-yil, № 2, 106, 110, 111-moddalar, № 4, 346-modda, № 5, 458, 459-moddalar, № 8, 822, 831-moddalar, № 9, 958-modda, № 10, 1076-modda, № 11, 1190-modda, № 12, 1283, 1284, 1296, 1297-moddalar; 2025-yil, № 2, 188, 194-moddalar) 22-moddasiga quyidagi qo‘shimcha va o‘zgartirish kiritilsin:

quyidagi mazmundagi to‘rtinchi va beshinchi qismlar bilan to‘ldirilsin:

“Chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirig‘iga binoan boshqa shaxslardan pul mablag‘larini yoki mol-mulkni quyidagi maqsadlarda olgan yuridik shaxslar tegishli soliq hisobotida, jismoniy shaxslar esa jami yillik daromad to‘g‘risidagi deklaratsiyada olingan pul mablag‘lari yoki mol-mulki haqidagi ma’lumotni aks ettirishi shart:

jamoatchilik fikrini o‘rganish bo‘yicha tadqiqotlar, so‘rovlar o‘tkazish (bundan tijorat maqsadlarida o‘tkaziladigan tadqiqot va so‘rovlar mustasno);

ma’lumotlarni yig‘ish, tahlil qilish va tarqatish (bundan ushbu faoliyat tijorat maqsadlariga qaratilgan hollar mustasno).

Ushbu moddaning to‘rtinchi qismida belgilangan majburiyat quyidagilarga nisbatan tatbiq etilmaydi:

davlat organlari, tashkilotlari va muassasalariga;

nodavlat notijorat tashkilotlarga;

chet el diplomatik vakolatxonalariga hamda ularga tenglashtirilgan vakolatxonalar va konsullik muassasalariga;

O‘zbekiston Respublikasi a’zo bo‘lgan xalqaro tashkilotlarning ixtisoslashtirilgan muassasalariga”;

to‘rtinchi, beshinchi va oltinchi qismlar tegishincha oltinchi, yettinchi va sakkizinchi qismlar deb hisoblansin.

9-modda. O‘zbekiston Respublikasining 2020-yil 6-yanvarda qabul qilingan “Davlat boji to‘g‘risida”gi O‘RQ-600-sonli Qonuniga (O‘zbekiston Respublikasi Oliy Majlisi palatalarining Axborotnomasi, 2020-yil, № 1, 1-modda, № 3, 201-modda, № 5, 298-modda, № 10, 593-modda, № 12, 691-modda; 2021-yil, № 1, 13-modda, 4-songa ilova, № 7, 661-modda, № 8, 800, 803-moddalar, № 10, 968-modda; 2022-yil, № 2, 76-modda, № 3, 214, 216-moddalar, № 4, 340-modda, № 5, 463, 464, 467-moddalar, № 12, 1186-modda; 2023-yil, № 2, 103-modda, № 3, 186-modda, № 4, 265, 269-moddalar, № 6, 444, 445-moddalar, № 7, 538-modda, № 9, 710-modda; 2024-yil, № 1, 5, 6, 7-moddalar, № 2, 101, 105, 107, 108, 111, 112-moddalar, № 7, 628-modda, № 8, 819, 823, 831-moddalar, № 9, 958-modda, № 10, 1076, 1079-moddalar, № 11, 1191-modda, № 12, 1279, 1280, 1285-moddalar; 2025-yil, № 1, 4, 6-moddalar, № 2, 188, 189, 195, 197-moddalar) quyidagi o‘zgartirishlar kiritilsin:

1) 5-moddaning 11-bandidagi “xalqaro jamoat tashkilotlarini ro‘yxatga olganlik, nodavlat notijorat tashkilotlarini, shu jumladan diniy tashkilotlar, xalqaro va chet el nodavlat notijorat tashkilotlarining vakolatxonalari va filiallari xodimlarini, shuningdek ularning qaramog‘ida bo‘lgan oila a’zolarini akkreditatsiya qilganlik” degan so‘zlar “nodavlat notijorat tashkilotlarini, shu jumladan xalqaro nodavlat notijorat tashkilotlarini, xalqaro va chet el nodavlat notijorat tashkilotlarining vakolatxonalari va filiallarini hamda diniy tashkilotlarni davlat ro‘yxatidan va qayta ro‘yxatdan o‘tkazganlik, shuningdek bunday tashkilotlarning chet el fuqarolari bo‘lgan xodimlarini, ularning qaramog‘ida bo‘lgan oila a’zolarini akkreditatsiyadan o‘tkazganlik” degan so‘zlar bilan almashtirilsin;

2) 14-moddaning 5-bandidagi “xorijiy” degan so‘z “chet el” degan so‘zlar bilan almashtirilsin;

3) ilova 7-bandining:

“a” kichik bandi quyidagi tahrirda bayon etilsin:

“g” kichik bandi quyidagi tahrirda bayon etilsin:

“d” kichik bandi chiqarib tashlansin.

10-modda. O‘zbekiston Respublikasining 2021-yil 25-fevralda qabul qilingan “Auditorlik faoliyati to‘g‘risida”gi O‘RQ-677-sonli Qonuni (O‘zbekiston Respublikasi Oliy Majlisi palatalarining Axborotnomasi, 2021-yil, № 2, 146-modda; 2022-yil, № 3, 216, 217-moddalar, № 4, 340-modda; 2023-yil, № 1, 2-modda, № 11, 923-modda; 2024-yil, № 2, 105-modda, № 11, 1193-modda; 2025-yil, № 2, 188-modda) 35-moddasi birinchi qismining yettinchi xatboshisi “boshqa fondlar” degan so‘zlardan keyin “(bundan bir kalendar yilda bank hisobvaraqlarida pul aylanmasi mavjud bo‘lmagan jamoat fondlari mustasno)” degan so‘zlar bilan to‘ldirilsin.

11-modda. O‘zbekiston Respublikasi Adliya vazirligi, Bosh prokuraturasi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi o‘rtasida tushuntirilishini ta’minlasin.

12-modda. O‘zbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid bo‘lgan o‘z normativ-huquqiy hujjatlarini qayta ko‘rib chiqishlari va bekor qilishlarini ta’minlasin.

13-modda. Ushbu Qonun rasmiy e’lon qilingan kundan e’tiboran kuchga kiradi.

Ushbu Qonunning 1-moddasi 5-bandi, 6-bandi to‘rtinchi xatboshisi, 7-bandi uchinchi xatboshisi, 8-bandi va 5-moddasi mazkur Qonun kuchga kirgan kundan e’tiboran uch oy o‘tgach amalga kiritiladi.