Iqtisodiy islohotlarni jadallashtirish uchun xorijiy investitsiyalarni jalb etishning muhimligini hisobga olib, shuningdek, O‘zbekiston Respublikasining Birlashgan Millatlar Tashkiloti va BMTning sanoat rivojlanishi bo‘yicha Tashkiloti (YuNIDO) bilan hamkorligini yanada rivojlantirish maqsadida Vazirlar Mahkamasi qaror qiladi:

1. Xorijiy investitsiyalarni jalb etish uchun zarur bo‘lgan infrastrukturani shakllantirish bo‘yicha BMT/YuNIDO bilan birgalikdagi texnikaviy yordam loyihasi doirasida O‘zbekiston Respublikasi Vazirlar Mahkamasi huzuridagi Sarmoyalarga ko‘maklashish xizmati (SKX) tashkil etilsin.

2. SKX to‘g‘risidagi Nizom ilovaga muvofiq tasdiqlansin.

3. Ma’lumot uchun qabul qilinsinki, SKX ishini mablag‘ bilan ta’minlash, ofis uchun joyni ijaraga olish harakatlaridan tashqari, birinchi uch yilda BMT rivojlantirish Dasturi mablag‘lari hisobiga amalga oshiriladi.

4. SKXga quyidagi manzildagi binodan ofis uchun 5 ta xona berilsin: Toshkent shahri, Buyuk Ipak yo‘li ko‘chasi, 42-uy.

5. Moliya vazirligi uch yil mobaynida respublika budjetidan SKX ofisini saqlash uchun zarur mablag‘ ajratilishini nazarda tutsin.

6. Aloqa vazirligi SKX ofisi uchun uchta shahar telefon nomeri va hukumat ATSi telefoni ajratilishini nazarda tutsin.

7. SKX rasmiy hukumat qarorlari yuborilishi shart bo‘lgan tashkilotlar ro‘yxatiga kiritilsin.

8. Mazkur qarorning bajarilishini nazorat qilish Bosh vazir o‘rinbosari O‘. T. Sultonov zimmasiga yuklansin.

1. O‘zbekiston Respublikasi Vazirlar Mahkamasi huzuridagi Sarmoyalarga ko‘maklashish xizmati (keyingi o‘rinlarda — SKX deb ataladi) O‘zbekiston Respublikasiga xorijiy investitsiyalarni jalb etish uchun zapyp bo‘lgan infrastrukturani shakllantirish bo‘yicha BMT/YuNIDO bilan birgalikdagi texnikaviy yordam loyihasi doirasida tashkil etilgan hamda xorijiy va mamlakatimiz firmalariga, shu jumladan, kichik va o‘rta biznes sohasida, respublika va chet el bozorlarida investitsiyalarni amalga oshirish uchun sheriklar izlashda ko‘maklashishga da’vat etilgan.

2. SKXning to‘liq nomi:

3. SKX yuridik shaxs hisoblanadi, mustaqil balansga, bank muassasalarida hisob-kitob va boshqa (shu jumladan, valyuta) schyotlariga, o‘z nomi o‘zbek va ingliz tillarida yozilgan muhrga va shtampga ega bo‘ladi.

Quyidagilar SKXning asosiy funksiyalari hisoblanadi:

investitsiya muhitini tadqiq etish, xorijiy investitsiyalarni tartibga solishga qaratilgan qonunchilik va normativ hujjatlarni ishlab chiqishda qatnashish;

xorijiy investitsiyalarni jalb etish masalalari, bo‘yicha BMT, boshqa xalqaro va milliy tashkilotlar tomonidan ko‘rsatiladigan texnikaviy yordam dasturlarini ro‘yobga chiqarishda qatnashish;

respublika iqtisodiyoti ishlab chiqarish sohasiga investitsiyalarni jalb etish uchun xorijiy sheriklarni izlashda o‘zbekistonlik tadbirkorlarga yordam ko‘rsatish;

xorijiy investorlarga O‘zbekiston Respublikasida investitsiya muhitining turli jihatlari bo‘yicha axborot xizmati ko‘rsatish;

o‘zbekistonlik sheriklar bilan amaliy hamkorlikni taklif etuvchi xorijiy firmalarning to‘lovga qobilligi va ishonchliligini baholash;

ehtimol tutilgan xorijiy sheriklar uchun amaliy, shu jumladan, investitsiya takliflarini tayyorlashda o‘zbekistonlik tadbirkorlarga yordam. ko‘rsatish;

xorijiy insestitsiyalarni jalb etish va tartibga solishning turli muammolari bo‘yicha forumlar tashkil etishda qatnashish;

o‘zbekistonlik mutaxassislarning chet el investitsiyalarga ko‘maklashish xizmatlarida stajirovkada bo‘lishlarini tashkil etish;

xorijiy investitsiyalarni jalb etishga qaratilgan hamda O‘zbekiston Respublikasi qonunchiligiga zid bo‘lmagan boshqa faoliyatni amalga oshirish.

1. SKX O‘zbekiston Respublikasi Vazirlar Mahkamasining Tashqi iqtisodiy majmui tarkibiga kiradi.

2. SKXning joriy faoliyatiga rahbarlikni YuNIDOning xalqaro eksperti maqomiga ega bo‘lgan Direktor amalga oshiradi.

SKX direktori O‘zbekiston Respublikasi Vazirlar Mahkamasi bilan kelishgan holda YuNIDO Bosh direktori tomonidan lavozimga tayinlanadi va ozod qilinadi.

3. Direktor:

SKX nomidan faoliyatni ishonchnomasiz amalga oshiradi;

yarim yilda bir marta Vazirlar Mahkamasining Tashqi iqtisodiy faoliyatni muvofiqlashtirish bo‘limiga SKX faoliyati to‘g‘risida yozma hisobot taqdim etadi;

banklarda schyotlar, shu jumladan, valyuta schyotlari ochadi, o‘z vakolatlari doirasida kontraktlar, shartnomalar tuzadi hamda ularning bajarilishini ta’minlaydi;

o‘z vakolatlari doirasida SKX mol-mulkini tasarruf etadi;

SKXning barcha xodimlari uchun bajarish majburiy bo‘lgan buyruqlar chiqaradi va ko‘rsatmalar beradi;

mazkur Nizomdan kelib chiquvchi boshqa funksiyalarni bajaradi.

4. SKX xodimlari lavozimga SKX Direktori tomonidan taqdim etiladilar va belgilangan tartibda YuNIDO tomonidan tasdiqlanadilar.

1. SKXning balansida bo‘lgan, shu jumladan, O‘zbekiston Respublikasi qonunchiligiga muvofiq sotib olingan binolar, inshootlar, asbob-uskunalar va boshqa mulk uning mol-mulkini tashkil etadi.

2. SKX mablag‘lari budjet mablag‘lari, BMT (PROON) rivojlantirish Dasturining texnikaviy yordami, SKXga mamlakatimiz va xorijiy homiylar tomonidan beriladigan mablag‘lar, ko‘rsatiladigan xizmatlar, shuningdek, O‘zbekiston Respublikasi qonunlar hisobidan shakllanadi.

3. SKX faoliyatidan olingan daromad mazkur Nizomdan kelib chiquvchi vazifalarni bajarishga yo‘naltiriladi.

1. SKX faoliyati muddati O‘zbekiston Respublikasi Hukumati va BMT/YuNIDOning qo‘shma loyihasi uch yilni tashkil etadi.

2. Uch yil tamom bo‘lgandan keyin O‘zbekiston Respublikasi Hukumati va BMT/YuNIDO muddatlarni uzaytirish yoki loyihani amalga oshirishni tugallash to‘g‘risida qo‘shma qaror qabul qiladilar.