T/r

Chora-tadbirlar nomlanishi

Amalga oshirish mexanizmi

Ijro muddati

Moliyalash-tirish manbasi

Mas’ul ijrochilar

I. Mehnat munosabatlarini takomillashtirish

1.

Ish beruvchilarga amaliy bilim va ko‘nikmalarga ega mutaxassislarni topib berishda mehnat organlari tomonidan ko‘maklashish tizimini joriy etish

1. Kambag‘allikni qisqartirish va bandlik vazirligi huzuridagi “Kambag‘allik va mehnat sohasidagi loyihalarni boshqarish markazi” MCHJda to‘g‘ridan-to‘g‘ri shartnoma asosida rekruting tashkilotini yoki rekruterlarni yollash orqali malakali mutaxassislardan iborat loyiha guruhini tashkil etish.

2025-yil avgust

Bandlikka ko‘maklashish davlat jamg‘armasi

Kambag‘allikni qisqartirish va bandlik vazirligi

2. Loyiha guruhi:

Toshkent shahridagi ish beruvchilarning talabini aniqlash orqali bo‘sh (vakant) ish o‘rinlari bazasini shakllantirib, maxsus platformaga joylashtiradi;

maxsus platforma faoliyati to‘g‘risida ma’lumotlarni ommaviy axborot vositalarida yoritadi;

talabgorlardan ular to‘g‘risidagi ma’lumotlarni maxsus platforma orqali oladi;

ish qidiruvchilar orasidan amaliy bilim va ko‘nikmalarga ega mutaxassislarni tanlab oladi;

ish beruvchilarga malakasi to‘g‘ri keladigan mutaxassislarning rezyumelarini yuboradi;

talabgorlar bilan suhbat o‘tkazib, ish beruvchilarga maqbul keladigan mutaxassislarni tanlab olishda ko‘maklashadi;

ish beruvchining talabidan kelib chiqib, vazirlikka kasbga o‘qitish yo‘nalishlari bo‘yicha taklif kiritadi.

Doimiy

3. Loyihani respublikaning boshqa hududlarida joriy etish.

2026-yildan boshlab

2.

Ish o‘rinlarini zaxiralash tizimini takomillashtirish

1. Ish o‘rinlarini zaxiralash tizimini xodimlar soni 100 nafardan ortiq bo‘lgan xo‘jalik yurituvchi subyektlariga tatbiq etish (davlat ulushi 50 foizdan yuqori bo‘lgan korxonalar bundan mustasno).

Bunda majburiy zaxiralanadigan ish o‘rinlari soni umumiy xodimlar sonining uch foizidan oshmasligi zarur.

2026-yildan boshlab

Mablag‘ talab etilmaydi

Tuman (shahar) kambag‘allikni qisqartirish va bandlikka ko‘maklashish bo‘limlari, tuman (shahar) hokimliklari

2. Budjet tashkilotlari hamda davlat ulushi 50 foizdan yuqori bo‘lgan korxonalar uchun zaxiralashning amaldagi tizimini saqlab qolgan holda zaxiralanadigan ish o‘rinlarini nogironligi bo‘lgan shaxslar, oilaviy (maishiy) zo‘ravonlikdan jabrlangan shaxslar, Ijtimoiy reyestrdagi oilalarning a’zolari, muqobil joylashtirish shakllarida tarbiyalangan yetim, ota-ona qaramog‘idan mahrum bo‘lgan shaxslar, jazoni ijro etish muassasalaridan ozod qilingan shaxslar va odam savdosidan jabrlangan shaxslargagina tatbiq etish.

Bunda xodimlar soni 20 nafardan ortiq bo‘lganda tashkilotlarda majburiy zaxiralanadigan ish o‘rinlari soni umumiy xodimlar sonining yetti foizidan oshmasligi zarur.

3. Tuman (shahar) kambag‘allikni qisqartirish va bandlikka ko‘maklashish bo‘limlari zaxira ish o‘rni yaratadigan ish beruvchilar ro‘yxatini shakllantirib, tuman (shahar) hokimliklariga taqdim etish.

Har yili 1-oktabrga qadar

4. Xalq deputatlari mahalliy kengashlari qarori bilan ish o‘rinlarining eng kam sonini belgilash.

Har yili 1-noyabrga qadar

5. Tashkilotlar tomonidan ish o‘rinlarini zaxiraga qo‘yish.

2026-yildan boshlab

3.

Kambag‘allikni qisqartirish va bandlik vazirligi faoliyatini isloh qilish hamda ish beruvchilarning faoliyatini rivojlantirish

1. Mehnat bozorini prognozlash, mavjud ma’lumotlarni tahlil qilishni yo‘lga qo‘yish, bandlik va kasbiy ta’limni rivojlantirishda yo‘nalishlarni belgilash uchun “katta to‘rtlik” (Deloitte, PwC, EY, KPMG) tashkilotlaridan birini shartnoma asosida jalb etish.

2026-yil yakuniga qadar

Bandlikka ko‘maklashish davlat jamg‘armasi

Kambag‘allikni qisqartirish va bandlik vazirligi

2. Kambag‘allikni qisqartirish va bandlik vazirligi faoliyatini isloh qilish hamda ish beruvchilarning faoliyatini rivojlantirishga ko‘maklashish uchun xalqaro va milliy ekspertlarni (kompaniyalarni) to‘g‘ridan-to‘g‘ri shartnoma asosida jalb qilish hamda ular tomonidan amalga oshiriladigan xizmatlarni muvofiqlashtirish va samaradorligini oshirish maqsadida “Kambag‘allik va mehnat sohasidagi loyihalarni boshqarish markazi” MCHJda loyiha guruhini tashkil etish.

Loyiha guruhi xalqaro va milliy ekspertlarning (kompaniyalarning):

faoliyatini va uni bajarish muddatlarini, resurslarini qamrab olgan ish reja asosida muvofiqlashtirish ishlarini tashkil etadi;

faoliyatni amalga oshirish uchun zarur bo‘lgan inson resurslari, asbob-uskunalar va materiallarni taqsimlaydi;

doimiy ravishda kuzatadi, grafikdan og‘ishlarni aniqlaydi va zarur bo‘lganda tuzatishlar kiritadi;

barcha amalga oshirayotgan ishlarining natijalari va yuzaga keladigan muammolar haqida vazirlikka muntazam ravishda hisobot berib boradi.

2025 — 2027-yillarda

II. Kasbga o‘qitish va malaka oshirish tizimini takomillashtirish

4.

Kasb-hunarga o‘qitishni bosqichma-bosqich uch bosqichli (videodarsliklar, kasbga o‘qitish hamda malaka oshirish) tizimga o‘tkazish

1. “Kambag‘allik va mehnat sohasidagi loyihalarni boshqarish markazi” MCHJ tarkibida videodarsliklar va o‘qitishning nazariy qismini tashkil etish bo‘yicha loyiha guruhi tuziladi hamda unga quyidagi vazifalar yuklanadi:

2025-yil avgust

Bandlikka ko‘maklashish davlat jamg‘armasi

Kambag‘allikni qisqartirish va bandlik vazirligi

bepul videodarsliklar, qisqa metrajli videoroliklar yaratish va kasb-hunarga o‘qitishning nazariy qismini yaratish rejasini vazirlik bilan birgalikda ishlab chiqish va tasdiqlash;

videodarsliklar va kasb-hunarga o‘qitishning nazariy qismini yaratish jarayoniga shartnoma asosida xususiy sektorni jalb etish;

videodarsliklarni ommalashtirish va keng targ‘ib qilish maqsadida xalq orasida mashhur, o‘z sohasining yetuk mutaxassislarini shartnomaviy asosda jalb etish;

videodarsliklar va kasb-hunarga o‘qitishning nazariy qismini tasvirga olish uchun maxsus studiya tashkil etish va zarur uskunalarni xarid qilish.

2025-yil avgust

2. O‘quv dasturlarini yo‘nalishlar bo‘yicha bosqichma-bosqich nazariy va amaliy qismlariga ajratish va zarur hollarda ekspertlarni jalb qilish.

2025 — 2027-yillarda

3. Xususiy sektor vakillari bilan hamkorlikda kasbiy ko‘nikmalar markazlarida zamonaviy nazorat tizimi (proktoring)ni joriy qilish orqali nazariy bosqichning imtihon jarayonini tashkil etish.

2026-yil fevral

4. Nazariy bosqichni muvaffaqiyatli o‘zlashtirgan ishsiz va ish qidirayotgan tinglovchilar uchun vaucher olish va o‘quv muassasasini mustaqil tanlash imkoniyatini yaratish.

2026-yil fevral

5. Stipendiya tayinlash, o‘quv va imtihon jarayonini nazorat qilish bo‘yicha dasturiy ta’minotlarni takomillashtirish.

2025-yil yakuniga qadar

6. Kasb-hunarga o‘qitishga jalb etishni kengaytirish maqsadida yirik ish beruvchilar va assotsiatsiyalar bilan hamkorlikda professional ta’limning afzalliklari haqida videoroliklar ishlab chiqish.

2025 — 2027-yillarda

7. Kasb-hunarga tegishli, shu jumladan, stipendiya tayinlash va to‘lash, imtihon o‘tkazishni kuzatish imkoniyatini beruvchi dasturiy ta’minotni yaratish, ishga tushirish va saqlash yuzasidan YAMMT direksiyasi bilan shartnoma tuzish.

2025-yil yakuniga qadar

8. Kasb-hunarni uch bosqichli o‘qitish tizimiga (videodarsliklar, kasbga o‘qitish hamda malakani oshirish) o‘tkazish bilan bog‘liq vazifalarni, shu jumladan, tizimni targ‘ibot qilish, ommaviy axborot vositalari bilan ishlash, jamoatchilik fikrini o‘rganishni vazirlik va “Kambag‘allik va mehnat sohasidagi loyihalarni boshqarish markazi” MCHJ o‘rtasida tuziladigan shartnomaga asosan amalga oshirish.

2025-yildan boshlab har yili

5.

“Kasb vaucheri” asosida o‘qitish to‘lovlarini ssuda shakliga o‘tkazish

1. “Kasb vaucheri” asosida o‘qitish uchun foizsiz ssuda ajratilayotganligi va uning afzalliklarini ommaviy axborot vositalari orqali targ‘ib qilish. Bunda nogironligi bo‘lgan shaxslar va kambag‘al oilalar reyestridagi oilalarning a’zolariga “Kasb vaucheri” to‘lovlarining qaytarilmaslik shartida amalga oshirilishiga alohida e’tibor qaratish.

2025-yil oktabr

Bandlikka ko‘maklashish davlat jamg‘armasi

Kambag‘allikni qisqartirish va bandlik vazirligi

2. Talabgorlar “Kasb vaucheri”ni olganda ssudani qaytarish yoki ishga joylashgandan so‘ng, uning bank kartasidan mablag‘larni 24 oy davomida avtomatik ravishda Bandlikka ko‘maklashish davlat jamg‘armasiga o‘tkazilishi yuzasidan roziligini taqdim etuvchi hujjatni rasmiylashtirish.

2025-yil noyabr

3. Ta’lim muassasalari “kasb vaucheri” tizimi orqali fuqarolarni o‘qitishlari uchun vazirlikning elektron reyestri ro‘yxatidan o‘tishlarini talab etish. Bunda o‘quv jarayonini CRM tizimi orqali hamda o‘quvchilarning monitoringi (davomati)ni FACE-ID tizimi orqali amalga oshirish.

4. “Kasb vaucheri”ni hisobga olish va mablag‘larni qaytarish tartibi bo‘yicha dasturiy ta’minotni ishlab chiqish va amaliyotga joriy etish.

2025-yil yakuniga qadar

5. YAMMT direksiyasi bilan “kasb vaucheri”ni joriy etish va hisobini yuritish bo‘yicha dasturiy ta’minotni yaratish, ishga tushirish va saqlash yuzasidan shartnoma tuzish.

2025-yil avgust

6.

Kasb va xorijiy tillarga o‘qitishda vaucher tizimini to‘liq joriy etish

1. Vaucher tizimini Toshkent shahri va Samarqand viloyati tajribasidan kelib chiqib, respublika miqyosida keng joriy etish bo‘yicha Vazirlar Mahkamasining qarorini qabul qilish.

2025-yil sentabr

Bandlikka ko‘maklashish davlat jamg‘armasi

Kambag‘allikni qisqartirish va bandlik vazirligi

2. Kasbiy ko‘nikmalar markazlarida vaucher tizimini joriy etishni Bandlikka ko‘maklashish davlat jamg‘armasi mablag‘lari hisobidan amalga oshirish.

3. Vaucher tizimi asosida o‘qitishga o‘tgan kasbiy ko‘nikmalar markazlarini saqlash xarajatlarini qoplash imkoni bo‘lmaganda, ularni moliyalashtirish bo‘yicha Vazirlar Mahkamasiga takliflar kiritish.

Bunda kasbiy ko‘nikmalar mintaqaviy markazlarining ham vaucher tizimida ishtirok etish huquqi bo‘lib, amaldagi moliyalashtirish mexanizmi saqlab qolinadi.

2025-yil noyabr

4. YAMMT direksiyasi bilan vaucher tizimini respublika miqyosida to‘liq joriy etish va hisobini yuritish bo‘yicha dasturiy ta’minotni takomillashtirish va saqlash yuzasidan shartnoma tuzish.

2025-yil avgust

7.

Stipendiya to‘lovlarini takomillashtirish

1. Muddati uch oydan ortiq davom etadigan kasb-hunar kurslarida ta’lim olayotgan nogironligi bo‘lgan shaxslar, Ijtimoiy reyestrga kiritilgan oilalarning a’zolari, shuningdek, boshqa hududdan qatnab ta’lim oladigan shaxslarga stipendiya to‘lash. Bunda boshqa hududdan qatnab ta’lim oladigan shaxslar deganda quyidagilar nazarda tutiladi:

ta’lim olayotgan hududga boshqa ma’muriy hududdan qatnaydigan shaxslar;

ta’lim olayotgan hududda yotoqxona yoki boshqa turar joylarda yashab, kurslarda tahsil oladigan shaxslar.

Farmon qabul qilingan kundan

Bandlikka ko‘maklashish davlat jamg‘armasi

Kambag‘allikni qisqartirish va bandlik vazirligi

2. Jamg‘arma hisobidan mehnatga haq to‘lashning eng kam miqdorining bir baravari miqdorida stipendiya to‘lash. Bunda ishsizlik nafaqasi oluvchi o‘quvchilarga stipendiya tayinlanmaydi va ishsizlik nafaqasi to‘lanishi to‘xtatilmaydi.

3. Farmon e’lon qilingunga qadar tayinlangan stipendiyalarni muddati tugagunga qadar to‘lash.

8.

Kasbiy ko‘nikmalar markazini muayyan kasbga ixtisoslashtirish

1. Hududlar ixtisoslashuvi va imkoniyatlarining tahlili asosida kamida bittadan kasbiy ko‘nikmalar markazini muayyan kasbga ixtisoslashtirish chora-tadbirlarini tasdiqlash.

Uch oy muddatda

Bandlikka ko‘maklashish davlat jamg‘armasi, xalqaro tashkilotlarning grant va qarz mablag‘lari hamda qonunchilik bilan taqiqlanmagan boshqa manbalar

Kambag‘allikni qisqartirish va bandlik vazirligi

2. Vazirlik xususiy sektor bilan hamkorlikda hamda yirik ish beruvchilarni kadrlar tayyorlash jarayoniga jalb qilgan holda ixtisoslashuvni tashkil qilish.

2025 — 2027-yillarda

3. Vazirlik kasbiy ko‘nikmalar markazlarida mutaxassislarni chuqurlashtirilgan holda tayyorlash, mahorat darslari o‘tkazish, kasblar bo‘yicha malaka oshirishni hamda ushbu kasblar bo‘yicha xususiy sektor bilan hamkorlikda malakani baholash markazlarini tashkil etish.

9.

Inson resurslarini rivojlantirish va boshqarish bo‘yicha xalqaro va milliy sertifikatlash tizimini tashkil etish

1. Olmazor tumani Kasbiy ko‘nikmalar markazi binosida Inson resurslarini rivojlantirish va boshqarish bo‘yicha mutaxassislar tayyorlash markazini tashkil etish.

2026-yil avgust

Bandlikka ko‘maklashish davlat jamg‘armasi

Kambag‘allikni qisqartirish va bandlik vazirligi,

manfaatdor vazirlik va idoralar, tijorat banklari va davlat korxonalari

2. Xalqaro va mahalliy ekspertlarni jalb etgan holda inson resurslarini rivojlantirish va boshqarish (CIPDning rasmiy vakili sifatida PwC bilan) hamda mehnatni muhofaza qilish yo‘nalishlarida kasbiy standartlar va malakani baholash dasturlarini ishlab chiqish.

2026-yil fevral

Bandlikka ko‘maklashish davlat jamg‘armasi

3. Inson resurslarini rivojlantirish va boshqarish yuzasidan kasbiy standartlar, o‘qitish dasturlari va sertifikatlash tizimini joriy etish bo‘yicha PwC bilan to‘g‘ridan-to‘g‘ri shartnoma tuzish.

2025-yil sentabr

Bandlikka ko‘maklashish davlat jamg‘armasi

4. Mehnatni muhofaza qilish yo‘nalishlarida kasbiy standartlar va malakani baholash dasturlarini ishlab chiqish jarayonida eng maqbul taklifni tanlab olish asosida kompaniyalarni (mustaqil ekspertlar) jalb etish yoki ushbu standartlar va dasturlarni ishlab chiqishga xususiy sektorni bevosita jalb qilish.

2025-2026-yillarda

Bandlikka ko‘maklashish davlat jamg‘armasi hamda xo‘jalik yurituvchi subyektlar mablag‘lari

5. Xalqaro miqyosda tan olingan sertifikatlash tizimi bo‘yicha o‘qitishni PwC bilan birgalikda tashkil qilish.

2025-yil oktabr

Vazirlik va idoralarning budjetdan tashqari mablag‘lari hamda xo‘jalik yurituvchi subyektlar mablag‘lari

Bunda vazirlik tomonidan kamida 200 nafar CIPD sertifikatini olishi talab etiladigan mutaxassislar bo‘yicha vazirlik va idoralar, tijorat banklari va davlat korxonalari taqsimotini tasdiqlash.

Vazirlik va idoralar, tijorat banklari va davlat korxonalarining inson resurslarini rivojlantirish va boshqarish tuzilma rahbarlarini reja bo‘yicha o‘qitishni ta’minlash.

2025-2026-yillarda

6. Xususiy sektordan hamkor tanlash orqali inson resurslarini rivojlantirish va boshqarish bo‘yicha malakani baholash markazini tashkil etish.

2025-2026-yillarda

-

7. Olmazor tumani Kasbiy ko‘nikmalar markazi binosini Bandlikka ko‘maklashish davlat jamg‘armasining ishsizlik bo‘yicha nafaqalar, ishsizlarga kompensatsiyalar, stipendiyalar, moddiy yordam va boshqa to‘lovlarni to‘lash uchun rejalashtirilgan mablag‘lari hisobidan jamg‘armaning yillik rejasiga o‘zgartirishlar kiritgan holda rekonstruksiya ishlarini amalga oshirish.

2026-yil may oyiga qadar

Bandlikka ko‘maklashish davlat jamg‘armasi

10.

Kasbiy ko‘nikmalar markazlari ishini tashkil etish, muvofiqlashtirish va o‘quv-metodik ta’minlash markazini tashkil qilish

Kasbiy ko‘nikmalar markazlaridagi marketolog shtatlarini maqbullashtirgan holda Respublika kasbiy ko‘nikmalar markazidagi 10 ta shtatdan iborat boshqarmaning shtatlari sonini 5 taga oshirib qayta tashkil etish.

Bunda Respublika kasbiy ko‘nikmalar markazi rahbari hamda kasbiy ko‘nikmalar markazlarini muvofiqlashtirayotgan boshqarma (15 shtat):

barcha kasbiy ko‘nikmalar markazlari va o‘quv dasturlarini muvofiqlashtiradi;

kasb-hunarga o‘qitishni uch bosqichli tizimga o‘tish grafigi bo‘yicha vazifalarning bajarilishi monitoringini yuritadi;

ayrim kasbiy ko‘nikmalar markazlarining ixtisoslashuviga ko‘maklashadi;

vaucher bilan bog‘liq mablag‘lar hisobidan saqlanmaydi va ularning mehnatiga haq to‘lashda vazirlik xodimlariga qo‘llaniladigan ko‘p yillik xizmati uchun rag‘batlantirish koeffitsiyenti tatbiq etiladi hamda faoliyati bilan bog‘liq xizmat safarlariga mablag‘lar ajratiladi.

2025-yil oktabr

Bandlikka ko‘maklashish davlat jamg‘armasi

Kambag‘allikni qisqartirish va bandlik vazirligi

III. Mehnat huquqlarini himoya qilish choralari samaradorligini oshirish

11.

Mehnat munosabatlarini rasmiylashtirishni soddalashtirish

Mehnat munosabatlarini rasmiylashtirishni soddalashtirish maqsadida Mehnat kodeksiga quyidagilarni nazarda tutuvchi o‘zgartirish va qo‘shimchalar kiritish to‘g‘risidagi qonun loyihasini belgilangan tartibda O‘zbekiston Respublikasi Oliy Majlis Qonunchilik palatasiga kiritish:

a) yozma shaklda rasmiylashtiriladigan hujjatlar elektron raqamli imzo yoki biometrik identifikatsiya qilish (Face-ID) tizimi orqali tasdiqlanganda, qog‘oz shaklidagi hujjatga qo‘lda shaxsan qo‘yilgan imzo bilan bir xil ahamiyatga ega ekanligini belgilash;

b) ishga qabul qilish va doimiy boshqa ishga o‘tkazishni faqat mehnat shartnomasini tuzish yoki o‘zgartirish va qo‘shimcha kiritish yo‘li bilan rasmiylashtirish, bunda buyruq bilan rasmiylashtirish tartibini bekor qilish;

v) mikrofirmalar jumlasiga kiritilgan ish beruvchilarda xodimlar mehnatini huquqiy jihatdan tartibga solishning o‘ziga xos xususiyatlarini xodimlar soni 50 nafargacha bo‘lgan tadbirkorlik subyektlariga nisbatan qo‘llash;

g) elektron shakldagi mehnat daftarchasi shakllantirilgan xodimlarga nisbatan qog‘oz shakldagi mehnat daftarchasini yuritishni bekor qilish;

d) mehnat shartnomasini bekor qilishga olib kelishi mumkin bo‘lgan mehnat majburiyatlarining bir marta qo‘pol ravishda buzilishlari ro‘yxatini barcha toifadagi tashkilotlar uchun mehnat shartnomasida ham belgilashga ruxsat berish;

j) Kasaba uyushmasi qo‘mitasi tomonidan xodim bilan mehnat shartnomasini bekor qilishga rozilik berish to‘g‘risidagi qaror qabul qilingan kundan e’tiboran, bir oydan kechiktirmay ish beruvchi mehnat shartnomasini bekor qilishi talabini bekor qilish.

2025-yil avgust

-

Kambag‘allikni qisqartirish va bandlik vazirligi,

Kasaba uyushmalari federatsiyasi,

Savdo-sanoat palatasi,

Adliya vazirligi

12.

Ish beruvchilar bilan o‘zaro hamkorlikni yo‘lga qo‘yish

1. Mehnat munosabatlarini “bandlik organlari — ish beruvchilarning hamkori” tamoyili asosida tashkil etish maqsadida qonunchilikka quyidagilarni bekor qilishni nazarda tutuvchi o‘zgartirish va qo‘shimchalar kiritish to‘g‘risidagi qonun loyihasini O‘zbekiston Respublikasi Oliy Majlis Qonunchilik palatasiga kiritish:

bo‘sh ish o‘rinlari mavjudligi to‘g‘risidagi hisobotlarni taqdim etish tartibi;

bo‘sh ish o‘rinlariga mehnat organlari tomonidan yuboriladigan shaxslarni ishga qabul qilmaganlik uchun javobgarlik chorasini bekor qilish.

2025-yil avgust

-

Kambag‘allikni qisqartirish va bandlik vazirligi,

Kasaba uyushmalari federatsiyasi,

Savdo-sanoat palatasi,

Adliya vazirligi

2. Budjet va budjetdan mablag‘ oluvchi tashkilotlarning o‘z dasturlarini integratsiya qilish orqali bo‘sh ish o‘rinlari mavjudligini aniqlash imkoniyatini yaratish.

2025-yil oktabr

-

Kambag‘allikni qisqartirish va bandlik vazirligi,

Iqtisodiyot va moliya vazirligi

13.

Norasmiy bandlikni qisqartirish hisobiga xodimlarning ijtimoiy himoyasini kuchaytirish

Qurilish sohasida norasmiy bandlik bo‘yicha qonunbuzilishi holatlariga yo‘l qo‘ygan ish beruvchilarning “Shaffof qurilish” milliy axborot tizimidagi reyting ballarini pasaytirish tizimini joriy etish.

2026-yildan boshlab

-

Qurilish

va uy-joy kommunal

xo‘jaligi vazirligi,

Raqamli texnologiyalar vazirligi,

Kambag‘allikni qisqartirish va bandlik vazirligi

14.

Mehnat va mehnatni muhofaza qilish to‘g‘risidagi qonunchilikni buzish uchun javobgarlikka tortish tizimini soddalashtirish

Mehnat va mehnatni muhofaza qilish to‘g‘risidagi qonunchilikni buzganlik uchun ma’muriy javobgarlikni keltirib chiqarishi mumkin bo‘lgan qonun buzilishlarining aniq ro‘yxatini tasdiqlashni nazarda tutuvchi Hukumat qarori loyihasini Vazirlar Mahkamasiga kiritish.

2025-yil dekabr

-

Kambag‘allikni qisqartirish va bandlik vazirligi,

Adliya vazirligi,

Biznes-ombudsman

15.

Ma’muriy huquqbuzarliklarni soddalashtirilgan tartibda ko‘rib chiqish tizimini yaratish

1. YAMMT orqali qayd etilgan mehnat qonunchiligi buzilishini ish beruvchi ishtirokisiz ko‘rib chiqish hamda qonun buzilishi holatlari bo‘yicha elektron ma’muriy qaror qabul qilish tizimini joriy etish to‘g‘risidagi qonun loyihasini O‘zbekiston Respublikasi Oliy Majlis Qonunchilik palatasiga kiritish.

2025-yil oktabr

-

Kambag‘allikni qisqartirish va bandlik vazirligi,

Kasaba uyushmalari federatsiyasi,

Savdo-sanoat palatasi,

Adliya vazirligi

2. Elektron shaklda qo‘llanilgan ma’muriy qarorlar hamda mehnat inspektorlari tomonidan yuboriladigan boshqa barcha hujjatlarni YAMMT orqali ish beruvchining shaxsiy kabinetiga yuborish va xabarlarni qabul qilish imkoniyatini yaratish.

2025-yil oktabr

-

Kambag‘allikni qisqartirish va bandlik vazirligi,

Raqamli texnologiyalar vazirligi

3. Istisno tariqasida, 2026-yil 1-yanvargacha “Yagona milliy mehnat tizimi” idoralararo dasturiy-apparat kompleksida mehnat shartnomalarini tuzish, o‘zgartirish va bekor qilish to‘g‘risidagi qaydlarni 15 kungacha ma’muriy jazo qo‘llamagan holda qabul qilish tizimini joriy etish.

-

-

Kambag‘allikni qisqartirish va bandlik vazirligi

16.

Davlat mehnat inspektorlari tomonidan tekshiruvlar o‘tkazish tartibini qonunchilikda belgilash

Davlat mehnat inspektorlari tomonidan tekshiruvlar o‘tkazish tartibini tasdiqlash to‘g‘risidagi Hukumat qarori loyihasini Vazirlar Mahkamasiga kiritish.

Bunda:

tadbirkorlik subyekti nomi aniq bo‘lmagan holatlarda tekshiruv tayinlash to‘g‘risidagi buyruqda huquqbuzarlik sodir etilgan obyektni (manzilni) ko‘rsatgan holda tekshiruv o‘tkazish;

davlat mehnat inspektorlarining qonun buzilishini bartaraf etish to‘g‘risidagi yozma ko‘rsatmalarini belgilangan muddatlarda bajarmagan ish beruvchilarda tekshiruv o‘tkazish;

ish beruvchini tekshiruv tayinlanganligi to‘g‘risidagi buyruqdan uning YAMMTdagi shaxsiy kabineti orqali xabardor qilish;

tekshiruv davomida faoliyati legallashtirilgan ishchilarga ish haqi hisoblanmasligi qayta tekshiruv o‘tkazishga asos bo‘lishini nazarda tutish.

2025-yil dekabr

-

Kambag‘allikni qisqartirish va bandlik vazirligi,

Adliya vazirligi

17.

Davlat mehnat inspeksiyasi faoliyatini takomillashtirish

Quyidagilar bo‘yicha belgilangan tartibda taklif kiritish:

tuman (shahar) kambag‘allikni qisqartirish va bandlikka ko‘maklashish bo‘limlaridagi davlat mehnat inspektorlarining shtat birliklarini hududiy boshqarmaning Davlat mehnat inspeksiyasi shtat birligiga o‘tkazish;

Davlat mehnat inspeksiyasida mazkur shtat birliklari doirasida qishloq xo‘jaligi bo‘yicha davlat mehnat inspektorlari lavozimini joriy etish.

2025-yil avgust

-

Kambag‘allikni qisqartirish va bandlik vazirligi

18.

Norasmiy bandlikka yo‘l qo‘ygan ish beruvchilarga nisbatan javobgarlikni kuchaytirish

Norasmiy bandlikka yo‘l qo‘ygan ish beruvchilarga nisbatan birinchi marta bazaviy hisoblash miqdorining 30 baravari, takroran sodir etilganda bazaviy hisoblash miqdorining 100 baravari miqdorida ma’muriy javobgarlik choralarini joriy etish yuzasidan qonun loyihasini Vazirlar Mahkamasiga kiritish.

2025-yil avgust

-

Kambag‘allikni qisqartirish va bandlik vazirligi,

Adliya vazirligi,

Savdo-sanoat palatasi

19.

Qisqarayotgan ish o‘rinlarini raqamli monitoring qilish va bandlikni ta’minlash

1. Bandlik organlari tomonidan ish beruvchilarning tugatilishi to‘g‘risidagi xabarni olgan kundan boshlab ish o‘rinlari qisqarayotgan fuqarolarga ish taklif qilish amaliyotini joriy etish.

2026-yil yanvar

Bandlikka ko‘maklashish davlat jamg‘armasi

Kambag‘allikni qisqartirish va bandlik vazirligi

2. YAMMT direksiyasi bilan dasturiy ta’minotni yaratish, amaliyotga joriy etish va texnik qo‘llab-quvvatlash bo‘yicha shartnoma tuzish.

20.

Xalqaro konvensiyalar ijrosi bo‘yicha ma’lumot berish tizimini takomillashtirish

Xalqaro Mehnat Tashkilotining konvensiyalari ijrosi yuzasidan hisobotlarni tizimli va muvofiqlashtirilgan tarzda tayyorlash, shuningdek, mazkur hisobotlarni Xalqaro Mehnat Tashkilotining tegishli Qo‘mitalariga o‘z vaqtida taqdim etib borish maqsadida Respublika idoralararo ishchi guruhini tashkil etish.

Ishchi guruhning mas’ul idorasi sifatida Kambag‘allikni qisqartirish va bandlik vazirligini belgilash.

2026-yil yanvar

-

Kambag‘allikni qisqartirish va bandlik vazirligi

IV. Vazirlik faoliyatini takomillashtirish va raqamlashtirish

21.

Kambag‘allik va mehnat bozori tadqiqotlari institutini yangi bosqichga olib chiqish

1. Kambag‘allik va mehnat bozori tadqiqotlari instituti faoliyatini takomillashtirish maqsadida mustaqil tashkilotni yollash hamda institut nizomini qayta ishlab chiqish va tasdiqlash.

2025-yil oktabr

Bandlikka ko‘maklashish davlat jamg‘armasi

Kambag‘allikni qisqartirish va bandlik vazirligi

2. Institut rahbar va xodimlarining mehnatiga haq to‘lash shartlarini Kambag‘allikni qisqartirish va bandlik vazirligi xodimlari uchun belgilangan shartlarga tenglashtirish va Bandlikka ko‘maklashish davlat jamg‘armasi hisobidan saqlanishini davom ettirish bo‘yicha taklif kiritish.

-

22.

Vazirlik faoliyatini yanada takomillashtirish maqsadida yangi loyihani amalga oshirish

Kambag‘allikni qisqartirish va bandlik vazirligi faoliyatini yanada takomillashtirish, tuman (shahar) kambag‘allikni qisqartirish va bandlikka ko‘maklashish bo‘limlari xodimlarining ish samaradorligini oshirish, vaucherlar asosida moliyalashtirish tizimini malaka oshirishga tatbiq etish, o‘zini o‘zi band qilganlarning xodimdan ish beruvchiga aylanishiga ko‘maklashishga qaratilgan loyiha konsepsiyasini ishlab chiqib, Investitsiyalar, sanoat va savdo vazirligiga kiritish.

2025-yil sentabr

-

Kambag‘allikni qisqartirish va bandlik vazirligi

Investitsiyalar, sanoat va savdo vazirligi tomonidan ushbu loyiha konsepsiyasida ko‘rsatilgan chora-tadbirlarni moliyalashtirish maqsadida Jahon banki bilan muzokaralar o‘tkazish.

Muzokaralar natijasiga ko‘ra

-

Investitsiyalar, sanoat va savdo vazirligi

23.

Ish beruvchilar va yollanma ishchilar o‘rtasidagi jarayonni raqamlashtirish

1. “Mening ishim” platformasini ishga tushirish va platforma orqali:

yollanma ishchilarning taklifiga muvofiq xo‘jalik yurituvchi subyektlar hamda jismoniy shaxslar tomonidan ularni ishga yollash imkoniyatini yaratish;

yollanma ishchilarning kasb va malaka sertifikatlari, ularning ish tajribasi hamda malakasini tasdiqlovchi hujjatlarini ko‘rish imkoniyatini yaratish;

ish beruvchi va yollanma ishchilar o‘rtasida o‘zaro hisob-kitoblarni amalga oshirish mexanizmini joriy etish.

2026-yil iyun

Bandlikka ko‘maklashish davlat jamg‘armasi

Kambag‘allikni qisqartirish va bandlik vazirligi,

Markaziy bank,

Soliq qo‘mitasi

2. “Mening ishim” platformasini yaratish, ishga tushirish va saqlash yuzasidan YAMMT direksiyasi bilan shartnoma tuzish.

Kambag‘allikni qisqartirish va bandlik vazirligi

24.

“Yagona milliy mehnat tizimi” idoralararo dasturiy-apparat kompleksini takomillashtirish

1. Ish beruvchilarga chet ellik fuqarolar uchun mehnat faoliyatini amalga oshirish huquqini beruvchi tasdiqnomani olishni davlat xizmatlari markazlari yoki Yagona interaktiv davlat xizmatlari portali bilan birgalikda YAMMT kompleksidan ish beruvchining shaxsiy kabineti orqali murojaat qilish imkoniyatini yaratish.

Bunda ish beruvchining shaxsiy kabinetida quyidagi amallarni bajarishga ruxsat beriladi:

a) chet ellik fuqarolar bilan mehnat munosabatlarini tuzishdan avval elektron mehnat shartnoma loyihasini shakllantirgan holda O‘zbekiston Respublikasi hududida mehnat faoliyatini amalga oshirish huquqini beruvchi tasdiqnomani olish bo‘yicha ariza berish;

b) mehnat faoliyatini amalga oshirish huquqini beruvchi tasdiqnoma muddatini uzaytirish bo‘yicha elektron shaklda ariza berish. Bunda ariza yuborilgandan so‘ng ish beruvchiga chet ellik fuqaro bilan mehnat shartnomasi muddatini uzaytirish imkoniyati nazarda tutiladi.

2. YAMMT kompleksi orqali yuborilgan murojaatlarni ko‘rib chiqish uchun to‘lov miqdoridan 20 foizini YAMMT direksiyasiga, qolgan qismini Mehnat organlari xodimlarining mehnatini rag‘batlantirish hamda moddiy-texnika bazasini mustahkamlash jamg‘armasiga o‘tkazish.

3. O‘zbekiston Respublikasi hududida mehnat faoliyatini amalga oshirish huquqini beruvchi tasdiqnomaning tugash muddati yaqinlashganda, tasdiqnoma muddatini uzaytirish yoki chet ellik fuqaro bilan tuzilgan mehnat shartnomasini bekor qilish bo‘yicha ish beruvchining shaxsiy kabinetiga eslatma yuborish.

4. Tashkilot tugatilganligi yoki faoliyat yuritmayotganligi sababli ish beruvchi bilan mehnat shartnomasini bekor qilish imkoni bo‘lmaganda, YAMMT direksiyasiga fuqaroning murojaatiga asosan mehnat munosabatlari haqiqatda tugaganligi to‘g‘risidagi qaydlarni YAMMTga kiritish vakolatini berish. Bunda tashkilot tugatilganligi yoki faoliyat yuritmayotganligi soliq organlarining ma’lumotlar bazasiga muvofiq aniqlanadi.

5. Ushbu xizmatlarni ishga tushirish va ishlashini ta’minlash maqsadida YAMMT direksiyasi bilan shartnoma tuzish va moliyalashtirish.

2025-yil yakuniga qadar

Bandlikka ko‘maklashish davlat jamg‘armasi

Kambag‘allikni qisqartirish va bandlik vazirligi

25.

Tizimda bo‘layotgan islohotlarni va rasmiy bandlikning afzalliklarini yoritish

Ommaviy axborot vositalari orqali targ‘ibot-tashviqot ishlarini amalga oshirish, xususan, fuqarolar va ish beruvchilarni rasmiy bandlikning afzalliklari, ish beruvchilar uchun yengilliklar to‘g‘risida xabardor qilish, bu borada jamoatchilik fikrini o‘rganish, “Kasb egalla — kelajakni ta’minla” hamda “Har bir halol mehnat — barqaror kelajak poydevori” yo‘nalishlarida videokontentlar yaratish bilan bog‘liq xizmatlar ko‘rsatish bo‘yicha “Kambag‘allik va mehnat sohasidagi loyihalarni boshqarish markazi” MCHJ bilan shartnoma tuzish.

Doimiy

Bandlikka ko‘maklashish davlat jamg‘armasi

Kambag‘allikni qisqartirish va bandlik vazirligi