Bosqichlar

Subyektlar

Tadbirlar

Muddatlar

1-bosqich

Zo‘ravonlikdan jabrlangan yoki o‘ziga nisbatan zo‘ravonlik sodir etilishi xavfi ostida bo‘lgan bolalar yoxud ularning qonuniy vakillari, qarindoshlari yoki boshqa shaxslar

Zo‘ravonlik holati to‘g‘risida “Inson” ijtimoiy xizmatlar markazi (keyingi o‘rinlarda — “Inson” markazi), ichki ishlar organlari, shuningdek, bolalarni zo‘ravonlikning barcha shakllaridan himoya qilishga doir faoliyatni amalga oshiruvchi davlat organlari va tashkilotlarga murojaat qiladi.

Zo‘ravonlik holati yuz berganda

2-bosqich

Bolalarni zo‘ravonlikning barcha shakllaridan himoya qilishga doir faoliyatni amalga oshiruvchi davlat organlari va tashkilotlar

Zo‘ravonlikdan jabrlangan bolalar yoki o‘ziga nisbatan zo‘ravonlik sodir etilishi xavfi ostida bo‘lgan bolalar to‘g‘risidagi murojaat kelib tushgan yoki faktlar aniqlangan taqdirda, belgilangan shakldagi xabarnomani to‘ldirgan holda bu haqida ushbu hududdagi “Inson” markazi hamda ichki ishlar organiga xabar beradi.

Murojaat kelib tushgan yoki faktlar aniqlangandan so‘ng darhol

3-bosqich

“Inson” markazi, ichki ishlar organi

1. Zo‘ravonlik sodir etilganligi fakti to‘g‘risidagi axborotni olgan paytdan e’tiboran zo‘ravonlikdan jabrlangan bolaning, shuningdek, o‘ziga nisbatan zo‘ravonlik sodir etilishi xavfi ostida bo‘lgan bolaning hayotiy vaziyatini zudlik bilan dastlabki baholashdan o‘tkazadi.

1 kun ichida

2. Dastlabki baholash natijasi bo‘yicha bolaning hayotiga yoki sog‘lig‘iga xavf “past” darajada deb hisoblanganda, “mahalla yettiligi”ning qolgan a’zolari, ta’lim va sog‘liqni saqlash muassasalari bilan birgalikda oiladagi vaziyat yomonlashuvining oldini olish, vaqtincha yuzaga kelgan qiyinchiliklarni bartaraf etish va zo‘ravonlik xavfini bartaraf etish yuzasidan mahalla darajasida ishlarni tashkil etadi.

3. Dastlabki baholash natijasida bolaga nisbatan zo‘ravonlik holati aniqlanmagan hollarda, bu to‘g‘risida xulosa tuzadi hamda xulosani murojaatchiga taqdim etadi.

Xulosa tuzilgan kunda

4. Bolaning hayotiga yoki sog‘lig‘iga xavf “yuqori” darajada deb hisoblanganda, bolaning hayotiga yoki sog‘lig‘iga bevosita tahdid soluvchi omillarni bartaraf etish bo‘yicha kechiktirib bo‘lmaydigan choralarni ko‘radi hamda bolaning hayotiy vaziyatini kompleks baholashdan o‘tkazadi.

14 kalendar kun ichida

4-bosqich

“Inson” markazi, bolalarni zo‘ravonlikning barcha shakllaridan himoya qilishga doir faoliyatni amalga oshiruvchi davlat organlari va tashkilotlar

1. Kompleks baholash natijalariga ko‘ra zo‘ravonlikdan jabrlangan bola yoki o‘ziga nisbatan zo‘ravonlik sodir etilishi xavfi ostida bo‘lgan bolaning hamda uning qonuniy vakilining (bundan bolaning hayoti va sog‘lig‘iga tahdid soluvchi harakatlarni (harakatsizlikni) sodir etgan qonuniy vakillar mustasno) ishtirokida himoya qilish rejasini ishlab chiqadi.

3 ish kuni ichida

2. Himoya qilish rejasida belgilangan chora-tadbirlarni amalga oshiradi.

Himoya qilish rejasida belgilangan muddatlarda

NAMUNA

Zo‘ravonlikdan jabrlangan bolalar yoki o‘ziga nisbatan zo‘ravonlik sodir etilishi xavfi ostida bo‘lgan bolalar to‘g‘risidagi faktlar aniqlanganligi to‘g‘risida

XABARNOMA

I. YUBORUVCHI:

1. Tashkilot nomi.

2. Xodimning F.I.O., va lavozimi.

Yuborilgan vaqt va sana:

Raqam*:

II. QABUL QILUVCHI:

1. _______________ tuman (shahar) “Inson” ijtimoiy xizmatlar markazi.

2. Mas’ul xodimning F.I.O.

III. JABRLANGAN BOLA HAQIDA MA’LUMOTLAR:

Bolaning F.I.O.

Yoshi

Jinsi:

□ A

□ E

IV. HODISA HAQIDA MA’LUMOTLAR:

Hodisa kuni/vaqti:

Hodisa joyi:

Hodisaning qisqa tafsilotlari:

V. HODISANI SODIR ETGAN SHAXS HAQIDA MA’LUMOTLAR:

F.I.O:

Manzil:

Telefon raqam

1. Jabrlangan bola bilan munosabat:

□ ota-ona; □ qarindosh; □ mahalladosh; □ boshqa bola;

□ notanish shaxs; □ boshqa shaxs _________ (ko‘rsatiladi).

2. Bolaga yaqinligi: □ doimiy; □ ba’zan; □ yaqinligi yo‘q.

VI. BOLANI HIMOYA QILISH BO‘YICHA HARAKATLAR ZARURLIGINI ANIQLASH MEZONLARI (savollar hodisa haqida xabar bergan shaxsga beriladi)

1. Bolani urish, uloqtirish/turtish, bolaga og‘ir jismlarni otish.

□

2. Bolani bo‘g‘ish.

□

3. Bolani qasddan issiq jismlar yoki boshqa yo‘llar bilan kuydirish.

□

4. Jinsiy zo‘ravonlik belgilari.

□

5. Bolaga e’tiborsizlik/g‘amxo‘rlik ko‘rsatmaslikning aniq belgilari.

□

VII. BOLA XAVFSIZLIGINI ZUDLIK BILAN TA’MINLASH BO‘YICHA AMALGA OSHIRILADIGAN HARAKATLAR

1. Bolaga nisbatan zo‘ravonlik sodir etgan shaxs izolyatsiya qilingan (manzil ko‘rsatiladi).

□

2. Bola xavfsiz joyga joylashtirilgan (manzil, telefon raqami ko‘rsatiladi).

□

3. Bola zo‘ravonlikka aloqasi bo‘lmagan ota yoki ona bilan birga bo‘lsa, belgilanadi.

□

4. Boshqa muhim tafsilotlar.

□

“

5-bosqich

Profilaktika inspektori

1. Xotin-qizlarga himoya orderini rasmiylashtirish hamda zaruratga ko‘ra ularni birlamchi ko‘mak xonalariga joylashtirish uchun tegishli dalolatnomani rasmiylashtirish choralarini ko‘radi.

2. Tazyiq va zo‘ravonlikni sodir etgan shaxs bilan suhbat o‘tkazadi.

Xabar kelib tushganidan so‘ng 24 soat ichida

Ijtimoiy xodim

1. Xotin-qizlar va ularning voyaga yetmagan farzandlari profilaktika inspektori tomonidan birlamchi ko‘mak xonasiga joylashtirilganda, ularning holatini dastlabki tarzda baholash choralarini ko‘radi.

Birlamchi ko‘mak xonasiga joylashtirilgandan so‘ng 24 soat ichida

2. Xotin-qizlar va ularning voyaga yetmagan farzandlarining holatini dastlabki tarzda baholaydi hamda zarur hollarda ularning roziligi asosida birlamchi ko‘mak xonasiga joylashtiradi.

Xabar kelib tushganidan so‘ng bir ish kuni davomida

”;