T/r

Xarajat yo‘nalishlari

Shartlari va miqdori

1.

Taniqli xorijiy brendlarning zargarlik buyumlari dizaynidan foydalanish huquqini sotib olish yoki ular bilan franshiza asosida hamkorlik qilish xarajatlarini qoplash.

Bitta tadbirkorlik subyekti uchun 30 000 AQSH dollarigacha

2.

Zargarlik buyumlarini ishlab chiqarish jarayonlarini xalqaro tizimlarda sertifikatsiyadan o‘tkazish xarajatlarini qoplash.

Bitta xalqaro sertifikat bo‘yicha 30 000 AQSH dollarigacha

3.

Xorijdan jalb qilingan dizayner, texnolog, marketolog va gemmologlarga ish haqi to‘lash xarajatlarini qoplash.

Bir oyda bitta mutaxassis uchun mehnatga haq to‘lashning eng kam miqdorining 25 baravarigacha, biroq 1 yildan ko‘p bo‘lmagan muddatga*

4.

Mahalliy mutaxassislarni xorijiy ta’lim va ishlab chiqarish tashkilotlarida o‘qitish, malaka oshirish va stajirovkaga yuborish xarajatlarini qoplash.

Bitta mutaxassis uchun mehnatga haq to‘lashning eng kam miqdorining 60 baravaridan ko‘p bo‘lmagan miqdorda*

5.

Zargarlik buyumlarini “O‘zbekiston oltini” shiori ostida ommaviy axborot vositalari, internet va ijtimoiy tarmoqlar orqali, shu jumladan, xorijda targ‘ib etish xarajatlarini qoplash.

Xarajatlarning 50 foizi miqdorida, lekin bitta tadbirkorlik subyektiga 5 000 AQSH dollaridan ko‘p bo‘lmagan miqdorda

6.

Zargarlik sanoatini rivojlantirishning 5 yilga mo‘ljallangan strategiyasini ishlab chiqish xarajatlarini qoplash.

To‘liq miqdorda

T/r

Chora-tadbirlar nomlanishi

Amalga oshirish mexanizmi

Ijro muddati

Mas’ul ijrochilar

I. Zargarlik buyumlarining raqobatdoshligini oshirish

1.

Zargarlik sanoatini rivojlantirishning 5 yillik strategiyasini ishlab chiqish.

1. Strategiyani ishlab chiqish uchun xalqaro konsalting kompaniyasini jalb qilish.

2025-yil 1-sentabr

Savdo-sanoat palatasi,

“O‘zbekzargarsanoati” uyushmasi,

Iqtisodiyot va moliya vazirligi

2. Strategiyani ishlab chiqish va tasdiqlash uchun Vazirlar Mahkamasiga kiritish.

2026-yil 1-mart

2.

Qimmatbaho metallar va qimmatbaho toshlardan yasalgan zargarlik va boshqa buyumlar (keyingi o‘rinlarda — zargarlik buyumlari) ishlab chiqaruvchilarning zamonaviy asbob-uskuna va ehtiyot qismlarga bo‘lgan ehtiyojini ta’minlash.

1. O‘zbekiston Respublikasi Prezidentining 2024-yil 23-iyuldagi PF-104-son Farmonida nazarda tutilgan Tiklanish va taraqqiyot jamg‘armasining maqsadli resurslarini tijorat banklariga depozitga joylashtirish bilan bir qatorda Markaziy bankning asosiy stavkasidan 3 foiz bandga past foiz stavkasida 5 yilgacha muddatga lizing tashkilotlariga ham kredit liniya sifatida ajratish.

2. Lizing tashkilotlari tomonidan kredit liniya sifatida ajratilgan resurslar hisobidan zargarlik sanoatida ishlatiladigan asbob-uskuna, ehtiyot qismlar va butlovchi buyumlarni 2 yillik imtiyozli davr bilan 5 yilgacha bo‘lgan muddatga Markaziy bankning asosiy stavkasida, foizlarni qarzdorlik qoldiq qismiga hisoblash tartibida lizingga berish amaliyotini joriy etish.

Talabga muvofiq

Tiklanish va taraqqiyot jamg‘armasi,

Iqtisodiyot va moliya vazirligi,

Markaziy bank

3.

Zargarlik buyumlarini ishlab chiqarish va sotishga ixtisoslashgan majmualarga zargarlik markazi maqomini berish tartibini ishlab chiqish.

Zargarlik buyumlarini ishlab chiqarish va sotishga ixtisoslashgan, shu jumladan, xususiy sektor tomonidan tashkil etilgan majmualarga zargarlik markazi maqomini berish tartibini belgilovchi Hukumat qarori loyihasini Vazirlar Mahkamasiga kiritish.

2025-yil 1-oktabr

Iqtisodiyot va moliya vazirligi,

Savdo-sanoat palatasi,

“O‘zbekzargarsanoati” uyushmasi

4.

Zargarlik markazlarida faoliyat yurituvchi zargarlik buyumlari ishlab chiqaruvchilarga o‘z brendini yaratishga ko‘maklashish.

1. Termiz shahrida tadbirkorlik subyekti tomonidan tashkil etilgan majmuaga zargarlik markazi maqomini berish masalasini ko‘rib chiqish.

2026-yil 1-yanvar

Surxondaryo viloyati hokimligi,

Savdo-sanoat palatasi,

“O‘zbekzargarsanoati” uyushmasi

2. Zargarlik markazlarida kamida bittadan zargarlik brendlarini yaratish. Bunda zargarlik markazlarida faoliyat yuritayotgan zargarlik buyumlari ishlab chiqaruvchilarga quyidagilar bo‘yicha ko‘maklashish:

(a) kredit va lizing asosida zargarlik sanoatida ishlatiladigan asbob-uskuna, ehtiyot qismlar va butlovchi buyumlarni sotib olish;

(b) xomashyoga bo‘lgan talabni to‘liq ta’minlash;

(v) xorijdan dizayner, marketolog va gemmologlarni olib kelish va ularga ish haqini to‘lash bilan bog‘liq xarajatlarni belgilangan tartibda qoplash;

(g) zargarlik buyumlarini ishlab chiqarish jarayonlarini xalqaro tizimlarda sertifikatsiyadan o‘tkazish va bu bilan bog‘liq xarajatlarni belgilangan tartibda qoplash;

(d) ishlab chiqarilgan zargarlik brendlari bilan xalqaro ko‘rgazmalarda qatnashish hamda xorijda ularning reklamasini tashkil qilish.

2026-yil 1-sentabr

Andijon, Buxoro, Namangan, Samarqand, Surxondaryo, Farg‘ona, Xorazm viloyatlari va Toshkent shahri hokimliklari,

Savdo-sanoat palatasi,

“O‘zbekzargarsanoati” uyushmasi,

Iqtisodiyot va moliya vazirligi

3. Zargarlik markazlariga turistlarni jalb qilishga qaratilgan chora-tadbirlarni amalga oshirish. Bunda:

(a) turoperator va turagentlar bilan hamkorlikda zargarlik markazlarini turistik yo‘nalishlar (marshrutlar)ga kiritish;

(b) zargarlik markazlarining imkoniyatlari to‘g‘risida targ‘ibot materiallari tayyorlash;

(v) har yilgi “Ipak yo‘lida turizm” Toshkent xalqaro turizm ko‘rgazmasi, xorijiy hamda mahalliy turizm yarmarkalari va ko‘rgazmalarida zargarlik markazlari faoliyatini namoyish qilib borish.

2026-yil dekabrdan boshlab doimiy

Turizm qo‘mitasi,

Andijon, Buxoro, Namangan, Samarqand, Surxondaryo, Farg‘ona, Xorazm viloyatlari va Toshkent shahri hokimliklari,

“O‘zbekzargarsanoati” uyushmasi,

Savdo-sanoat palatasi

5.

Zargarlik buyumlari ishlab chiqaruvchilarning xomashyoga bo‘lgan ehtiyojini ta’minlash.

1. “O‘zmilliybank” AJning Qoraqalpog‘iston Respublikasi, viloyatlar va Toshkent shahridagi mintaqaviy filiallari omborxonalarida talabdan kelib chiqqan holda qimmatbaho metallar zaxiralarini shakllantirish.

Talabga muvofiq

“Navoiy KMK” AJ,

“O‘zmilliybank” AJ

2. Qimmatbaho metallar bevosita “Navoiy KMK” AJ va “Olmaliq KMK” AJning omborxonalaridan olib ketilganda, ularning 1 kun muddatda to‘liq hajmda yuklab berilishini ta’minlash.

Talabga muvofiq

“Navoiy KMK” AJ,

“Olmaliq KMK” AJ,

“O‘zbekiston respublika tovar-xom ashyo birjasi” AJ

6.

O‘zbekiston Respublikasida ishlab chiqarilmaydigan hamda zargarlik sohasida foydalaniladigan asbob-uskunalar, ehtiyot qismlar, butlovchi buyumlar va sarflov vositalarini bojxona bojidan ozod etish.

1. O‘zbekiston Respublikasida ishlab chiqarilmaydigan hamda zargarlik sohasida foydalaniladigan asbob-uskunalar, ehtiyot qismlar, butlovchi buyumlar va sarflov vositalari ro‘yxatini shakllantirish hamda “Loyihalar va import kontraktlarini kompleks ekspertiza qilish markazi” DUKga kiritish.

2025-yil 1-avgust

Savdo-sanoat palatasi,

“O‘zbekzargarsanoati” uyushmasi,

Bojxona qo‘mitasi

2. O‘zbekiston Respublikasida ishlab chiqarilmaydigan hamda zargarlik sohasida foydalaniladigan asbob-uskunalar, ehtiyot qismlari, butlovchi buyumlar va sarflov vositalarini ekspertizadan o‘tkazish.

2025-yil 1-sentabr

“Loyihalar va import kontraktlarini kompleks ekspertiza qilish markazi” DUK

3. Ekspertiza natijalaridan kelib chiqib, O‘zbekiston Respublikasi hududiga chetdan olib kirishda bojxona bojlaridan ozod qilinadigan O‘zbekiston Respublikasida ishlab chiqarilmaydigan hamda zargarlik sohasida foydalaniladigan asbob-uskunalar, ehtiyot qismlar, butlovchi buyumlar va sarflov vositalari ro‘yxatini tasdiqlashni nazarda tutuvchi Hukumat qarori loyihasini Vazirlar Mahkamasiga kiritish.

2025-yil 1-noyabr

Savdo-sanoat palatasi,

“O‘zbekzargarsanoati” uyushmasi

7.

Zargarlik buyumlarini O‘zbekiston Respublikasi hududiga olib kirish tartibini takomillashtirish.

1. Quyidagilarni nazarda tutuvchi normativ-huquqiy hujjat loyihasini Vazirlar Mahkamasiga kiritish:

(a) import qilingan zargarlik buyumlarini Davlat asillik darajasi nazorati inspeksiyasida tamg‘alash uchun undiriladigan yig‘im miqdorini mahalliy ishlab chiqaruvchilar uchun belgilangan miqdorga tenglashtirish;

(b) Davlat asillik darajasi nazorati inspeksiyasiga xorijda ishlab chiqarilgan zargarlik buyumlarining, basharti ular bo‘yicha bojxona to‘lovlari amalga oshirilganligini tasdiqlovchi hujjatlar bo‘lmasa, asillik darajasini tekshirish va tamg‘alashni man etish.

2025-yil 1-sentabr

Davlat asillik darajasi nazorati inspeksiyasi,

Savdo-sanoat palatasi,

“O‘zbekzargarsanoati” uyushmasi

2. Tajriba tariqasida Toshkent shahridagi “Toshkent-AERO” ixtisoslashtirilgan bojxona kompleksi hududida Davlat asillik darajasi nazorati inspeksiyasining zargarlik buyumlarining asillik darajasini tekshirish va ularni tamg‘alash bo‘yicha filialini tashkil qilish.

2026-yil 1-mart

Iqtisodiyot va moliya vazirligi,

Davlat asillik darajasi nazorati inspeksiyasi,

Transport vazirligi,

Bojxona qo‘mitasi

8.

Zargarlik sohasida faoliyat yuritayotgan mutaxassislar malakasini oshirish.

1. Zargarlik sohasida faoliyat yuritayotgan mutaxassislarning malakasini oshirish uchun “HRD Antwerp” (Belgiya) va “IIGJ” (Hindiston) kabi xorijiy ta’lim tashkilotlar bilan muzokaralar o‘tkazish.

2025-yil noyabr

Savdo-sanoat palatasi,

“O‘zbekzargarsanoati” uyushmasi

2. Zargarlik sohasida faoliyat yuritayotgan kamida 100 nafar mutaxassisni, shu jumladan, dizayner, texnolog va qimmatbaho toshlar bilan ishlaydigan gemmologlarni xorijga qisqa muddatli malaka oshirishga yuborish.

2025-2026-yillarda tanlov asosida

9.

Kasbiy ko‘nikmalar va zargarlik markazlarida zargarlik sanoati yo‘nalishidagi qisqa muddatli o‘quv kurslarini tashkil qilish.

1. Kasbiy ko‘nikmalar va zargarlik markazlarida zargarlik sanoati yo‘nalishidagi qisqa muddatli o‘quv kurslarini tashkil qilish.

2. Qisqa muddatli o‘quv kurslarida zamonaviy ta’lim dasturlarini joriy qilish hamda malakali xorijiy va mahalliy mutaxassislarni jalb qilish.

2025-yil sentabr

Savdo-sanoat palatasi,

“O‘zbekzargarsanoati” uyushmasi,

Kambag‘allikni qisqartirish va bandlik vazirligi

10.

Zargarlik sohasida respublika ko‘rik-tanlovlarini tashkil etish.

Zargarlik sohasida respublika ko‘rik-tanlovlarini tashkil etish bo‘yicha Hukumat qarori loyihasini Vazirlar Mahkamasiga kiritish. Bunda qaror loyihasida quyidagilarni nazarda tutish:

(a) zargarlik sohasida “Eng yaxshi zargar”, “Eng yaxshi dizayner”, “Yil brendi” kabi nominatsiyalar bo‘yicha respublika ko‘rik-tanlovlarini tashkil etish;

(b) “Uzbek jewelery fair” ko‘rgazmasi doirasida ko‘rik-tanlov g‘oliblarini Tarmoqlarni qo‘llab-quvvatlash jamg‘armasi mablag‘lari hisobidan mukofotlash.

2025-yil 1sentabr

Savdo-sanoat palatasi,

“O‘zbekzargarsanoat” uyushmasi

II. Zargarlik sohasida xufiyona iqtisodiyot ulushini kamaytirish

11.

Yakka tartibdagi tadbirkorlarga zargarlik buyumlarini sotish faoliyati bilan shug‘ullanishga ruxsat etish.

Yakka tartibdagi tadbirkorlarga zargarlik buyumlarini sotish bilan shug‘ullanishga ruxsat berishni nazarda tutuvchi Hukumat qarori loyihasini Vazirlar Mahkamasiga kiritish.

2025-yil 1-avgust

Savdo-sanoat palatasi,

Iqtisodiyot va moliya vazirligi,

Soliq qo‘mitasi

12.

Zargarlik buyumlarining noqonuniy aylanmasini qisqartirish.

1. Zargarlik buyumlarining noqonuniy aylanmasini qisqartirish bo‘yicha nazorat tadbirlarini o‘tkazish, shu jumladan:

(a) qimmatbaho metallar va qimmatbaho toshlarni noqonuniy qazib olish va sotish, shuningdek, zargarlik buyumlarini noqonuniy realizatsiya qilish faoliyati bilan shug‘ullanayotgan shaxslarni aniqlash va ularga nisbatan qonunchilikda belgilangan choralar ko‘rish;

(b) zargarlik buyumlarini bojxona chegarasi orqali O‘zbekiston Respublikasi hududiga noqonuniy olib kirish holatlarining oldini olish;

(v) qimmatbaho metallar va zargarlik buyumlarining noqonuniy bozorlarini aniqlash va ularning faoliyatiga chek qo‘yish;

(g) zargarlik buyumlari ishlab chiqaruvchilar tomonidan “Navoiy KMK” AJ va “Olmaliq KMK” AJdan sotib olingan qimmatbaho metallarning samarali va maqsadli ishlatilishini o‘rganish;

(d) qimmatbaho metallar va qimmatbaho toshlar aylanmasi va muomalasi sohasida huquqbuzarliklarning oldini olish bo‘yicha keng qamrovli tushuntirish va profilaktik ishlarni amalga oshirish.

2025-yil iyul — dekabr oylari

Davlat asillik darajasi nazorati inspeksiyasi,

Soliq qo‘mitasi,

Bojxona qo‘mitasi,

Tog‘-kon sanoati va geologiya vazirligi,

Ichki ishlar vazirligi,

Iqtisodiy jinoyatlarga qarshi kurashish departamenti,

Savdo-sanoat palatasi,

“O‘zbekzargarsanoati” uyushmasi

2. Qimmatbaho metallar va qimmatbaho toshlarni noqonuniy qazib olish va sotish, shuningdek, zargarlik buyumlarini noqonuniy realizatsiya qilish bilan shug‘ullanayotgan shaxslarning rasmiy faoliyat yuritishiga ko‘maklashish.

2025-yil 1-dekabr

13.

Toshkent va Nukus shaharlari hamda viloyatlar markazlarida zargarlik buyumlarining asillik darajasini tekshirish va ularni tamg‘alash bo‘yicha sayyor xizmat ko‘rsatish amaliyotini yo‘lga qo‘yish.

1. Toshkent va Nukus shaharlari hamda viloyatlar markazlarida Davlat asillik darajasi nazorati inspeksiyasining zargarlik buyumlarining asillik darajasini tekshirish va ularni tamg‘alash bo‘yicha sayyor xizmat ko‘rsatish amaliyotini yo‘lga qo‘yish.

2025-yil 1-sentabr

Davlat asillik darajasi nazorati inspeksiyasi,

Iqtisodiyot va moliya vazirligi

2. Zargarlik buyumlarining asillik darajasini tekshirish va ularni tamg‘alash bo‘yicha sayyor xizmat ko‘rsatish natijalaridan kelib chiqib, hududlarda Davlat asillik darajasi nazorati inspeksiyasining filiallarini ochish bo‘yicha O‘zbekiston Respublikasi Prezidenti Administratsiyasiga taklif kiritish.

2026-yil 1-yanvar

14.

Aholidan zargarlik buyumlarini, qimmatbaho metallar va qimmatbaho toshlarni, ularning parchalari va chiqindilarini sotib olishni tartibga solish.

1. Aholidan zargarlik buyumlarini, qimmatbaho metallar va qimmatbaho toshlardan ishlab chiqarilgan yarim tayyor mahsulotlarni, qimmatbaho metallar va qimmatbaho toshlarning parchalari va chiqindilarini sotib olishni tartibga solish bo‘yicha Hukumat qarori loyihasini Vazirlar Mahkamasiga kiritish.

2025-yil 1-noyabr

Davlat asillik darajasi nazorati inspeksiyasi,

Savdo-sanoat palatasi,

“O‘zbekzargarsanoati” uyushmasi,

Soliq qo‘mitasi

2. Aholidan sotib olingan zargarlik buyumlari, qimmatbaho metallar va qimmatbaho toshlardan ishlab chiqarilgan yarim tayyor mahsulotlar, qimmatbaho metallar va qimmatbaho toshlarning parchalari va chiqindilari to‘g‘risidagi ma’lumotlarning tadbirkorlik subyektlari tomonidan elektron shaklda soliq organlari ma’lumotlar bazasida aks ettirilishini soliq solish maqsadlarida kirim hujjatlariga tenglashtirish.

2025-yil 1-noyabr

15.

Savdo markazlari, do‘konlar va bozorlarda zargarlik buyumlari bilan savdo qilishni tartibga solish.

1. Savdo markazlari, do‘konlar va bozorlarda quyidagi nazorat tadbirlarini o‘tkazish:

(a) zargarlik buyumlari bilan chakana savdo qilish va ularni tamg‘alash qoidalariga rioya qilinishini o‘rganish;

(b) chet elda ishlab chiqarilgan zargarlik buyumlari bo‘yicha bojxona to‘lovlari to‘langanligini tasdiqlovchi hujjatlari mavjudligini o‘rganish.

2. Nazorat tadbirlarini o‘tkazish jarayonlariga “O‘zbekzargarsanoati” uyushmasi mutaxassislarini jalb etish.

2025-yil 1-sentabrdan boshlab muntazam ravishda

Davlat asillik darajasi nazorati inspeksiyasi,

Soliq qo‘mitasi,

Savdo-sanoat palatasi,

“O‘zbekzargarsanoati” uyushmasi

3. Bozorlarda zargarlik buyumlarining noqonuniy aylanmasi yo‘lga qo‘yilgan joylarni obodonlashtirish va barcha qulayliklarga ega zamonaviy savdo rastalarini tashkil qilish hamda amalga oshirilgan ishlar yuzasidan O‘zbekiston Respublikasi Prezidenti Administratsiyasiga axborot kiritish.

2025-yil 1-dekabr

Qoraqalpog‘iston Respublikasi Vazirlar Kengashi, viloyatlar va Toshkent shahri hokimligi

4. Zargarlik buyumlarini sotish faoliyati bilan shug‘ullanayotgan shaxslarning zargarlik buyumlarini ishlab chiqaruvchilar bilan to‘g‘ridan-to‘g‘ri aloqalar o‘rnatishiga ko‘maklashish.

5. Qonunchilik hujjatlarida zargarlik sohasi ishtirokchilari uchun yaratilgan imtiyoz va imkoniyatlar, rasmiy faoliyatning afzalliklari va raqamli marketing asoslari bo‘yicha bevosita joylarda o‘quv seminarlar o‘tkazish.

2025-yil iyul — sentabr oylari

Savdo-sanoat palatasi,

“O‘zbekzargarsanoati” uyushmasi

16.

Zargarlik buyumlarini ishlab chiqarish yoki ularni sotish faoliyati bilan shug‘ullanuvchi tadbirkorlik subyektlari tomonidan qo‘shilgan qiymat solig‘i to‘lashni tartibga solish.

1. Quyidagilarni nazarda tutuvchi normativ-huquqiy hujjat loyihalarini Vazirlar Mahkamasiga kiritish:

(a) qimmatbaho metallar va qimmatbaho toshlardan ishlab chiqarilgan zargarlik buyumlari va yarim tayyor mahsulotlarni realizatsiya qilish bo‘yicha aylanmani qo‘shilgan qiymat solig‘idan ozod qilishga oid imtiyozni bekor qilish;

(b) zargarlik buyumlarini ishlab chiqarish yoki ularni sotish faoliyati bilan shug‘ullanuvchi tadbirkorlik subyektlarini, ularning daromadidan qat’i nazar, qo‘shilgan qiymat solig‘ini to‘lovchilar deb e’tirof etish;

(v) 2028-yil 1-yanvarga qadar qo‘shilgan qiymat solig‘i bazasini zargarlik buyumlari va yarim tayyor mahsulotlarni realizatsiya qilish narxi hamda ular tarkibidagi import qilingan qimmatbaho toshlar, shuningdek, sanoat usulida qazib oluvchilardan to‘g‘ridan-to‘g‘ri shartnomalar va birja savdolari orqali hamda boshqa subyektlardan birja savdolari orqali sotib olingan qimmatbaho metallar narxi o‘rtasidagi ijobiy farqdan kelib chiqib aniqlash. Bunda:

(i) zargarlik buyumlarini ishlab chiqaruvchilar zimmasiga realizatsiya qilinayotgan zargarlik buyumlari va yarim tayyor mahsulotlar bo‘yicha elektron hisobvaraq fakturalarni rasmiylashtirishda Soliq qo‘mitasining axborot tizimiga ushbu buyum va mahsulotlarning asillik darajasi, ular tarkibidagi qimmatbaho metallar hamda qimmatbaho toshlar miqdori va qiymati to‘g‘risidagi ma’lumotlarni kiritish vazifasi yuklanadi;

(ii) zargarlik buyumlari va yarim tayyor mahsulotlar tarkibidagi qimmatbaho metallar va qimmatbaho toshlar qiymati Soliq qo‘mitasining rasmiy veb-saytida e’lon qilib boriladigan narxlardan kelib chiqib hisoblanadi;

(g) 2028-yil 1-yanvarga qadar zargarlik buyumlarini ishlab chiqarish yoki ularni sotish faoliyati bilan shug‘ullanuvchi tadbirkorlik subyektlari tomonidan budjetga to‘langan qo‘shilgan qiymat solig‘ining 80 foizini har oyning 25-sanasigacha avtomatik ravishda O‘zbekiston Respublikasining respublika budjetidan qaytarish;

(d) oltindan yasalgan zargarlik buyumlarini chakana savdoda sotganlik uchun yig‘imni bekor qilish.

2025-yil 1-dekabr

Iqtisodiyot va moliya vazirligi,

Soliq qo‘mitasi

2. Qimmatbaho metallar narxlarini hisobot oyidan oldingi oydagi o‘rtacha birja narxlardan kelib chiqib belgilash va Soliq qo‘mitasining rasmiy veb-saytida e’lon qilib borish.

2026-yil 1-yanvardan boshlab har oyning 25 sanasigacha

Soliq qo‘mitasi,

“O‘zbekzargarsanoati” uyushmasi,

Iqtisodiyot va moliya vazirligi

3. Qimmatbaho toshlar narxlarini jahon bozorida shakllangan narxlardan kelib chiqib aniqlash va Soliq qo‘mitasining rasmiy veb-saytida e’lon qilib borish.

2026-yil 1-yanvardan boshlab har oyning 25 sanasigacha

4. Qimmatbaho metallar va qimmatbaho toshlar narxlari to‘g‘risidagi ma’lumotlarni hududiy soliq organlariga va shaxsiy kabinet orqali soliq to‘lovchilarga yetkazib borish.

2026-yil 1-yanvardan boshlab har oyning 27 sanasigacha

5. Zargarlik buyumlari va yarim tayyor mahsulotlarni realizatsiya qilish bo‘yicha aylanmani qo‘shilgan qiymat solig‘idan ozod qilishga oid imtiyozni bekor qilish va to‘langan qo‘shilgan qiymat solig‘ining 80 foizini har oyning 25 sanasigacha avtomatik ravishda O‘zbekiston Respublikasining respublika budjetidan qaytarish tartibining natijadorligi bo‘yicha O‘zbekiston Respublikasi Prezidenti Administratsiyasiga axborot kiritish.

2026-yil 1-noyabr

Iqtisodiyot va moliya vazirligi,

“O‘zbekzargarsanoati” uyushmasi

17.

Qimmatbaho metallarni oltin izlovchilar usulida qazib olishga doir faoliyatni amalga oshiruvchi tadbirkorlik subyektlari (keyingi o‘rinlarda — oltin izlovchilar) hamda affinaj korxonalariga qimmatbaho metallarni birja savdolari orqali realizatsiya qilish uchun zarur sharoit yaratish.

Oltin izlovchilar hamda affinaj korxonalari tomonidan qimmatbaho metallarni birja savdolari orqali realizatsiya qilish tartibini ishlab chiqish.

2025-yil 1-noyabr

“O‘zbekiston respublikasi tovar-xom ashyo birjasi” AJ,

Davlat asillik darajasi nazorati inspeksiyasi,

“O‘zbekzargarsanoati” uyushmasi,

Soliq qo‘mitasi

18.

Hududlarda qazib olingan ma’dan tarkibidagi oltin miqdorini tez hamda ishonchli aniqlash funksiyalariga ega mustaqil shoxobchalarni tashkil etish.

1. Xorijiy tajribani o‘rganish va shoxobchalar faoliyatini yo‘lga qo‘yish.

2026-yil 1-sentabr

Davlat asillik darajasi nazorati inspeksiyasi,

“O‘zbekzargarsanoati” uyushmasi,

Savdo-sanoat palatasi

2. Tashkil etilgan shoxobchalarni zargarlik sanoatining yagona elektron platformasiga ulash.

2026-yil 1-noyabr

19.

Qimmatbaho metallarni oltin izlovchilar usulida qazib olish faoliyatida xufiyona iqtisodiyot ulushini kamaytirish.

Qimmatbaho metallarni oltin izlovchilar usulida qazib olish faoliyatida xufiyona iqtisodiyot ulushini kamaytirish bo‘yicha normativ-huquqiy hujjat loyihalarini Vazirlar Mahkamasiga kiritish.

2025-yil 1-avgust

Tog‘-kon sanoati va geologiya vazirligi,

Soliq qo‘mitasi,

Iqtisodiyot va moliya vazirligi,

Davlat asillik darajasi nazorati inspeksiyasi,

Savdo-sanoat palatasi,

“O‘zbekzargarsanoati” uyushmasi

20.

Zargarlik buyumlarini ishlab chiqarish va sotish faoliyati bilan shug‘ullanuvchi tadbirkorlik subyektlari va affinaj korxonalari ro‘yxati bilan tanishish imkoniyatini yaratish.

1. Zargarlik buyumlarini ishlab chiqarish va sotish faoliyati bilan shug‘ullanuvchi tadbirkorlik subyektlari va affinaj korxonalarining ro‘yxatini shakllantirish va zargarlik sanoatining yagona elektron platformasida e’lon qilib borish.

Har oyda

Davlat asillik darajasi nazorati inspeksiyasi,

“O‘zbekzargarsanoati” uyushmasi,

Savdo-sanoat palatasi,

Raqamli texnologiyalar vazirligi,

Soliq qo‘mitasi,

Bojxona qo‘mitasi,

“O‘zbekiston respublikasi tovar-xom ashyo birjasi” AJ

2. Zargarlik sanoatining yagona elektron platformasini Savdo-sanoat palatasi, Davlat asillik darajasi nazorati inspeksiyasi, Soliq qo‘mitasi, Bojxona qo‘mitasi, “O‘zbekiston respublikasi tovar-xom ashyo birjasi” AJ va boshqa manfaatdor tashkilotlar axborot tizimlari bilan bepul integratsiya qilish.

2026-yil 1-yanvar

21.

Jismoniy shaxslar tomonidan naqd chet el valyutasini O‘zbekiston Respublikasining bojxona chegarasi orqali olib chiqib ketish tartibini takomillashtirish.

Jismoniy shaxslar tomonidan naqd chet el valyutasini O‘zbekiston Respublikasining bojxona chegarasi orqali olib chiqib ketish tartibini takomillashtirishga oid Hukumat qarori loyihasini Vazirlar Mahkamasiga kiritish. Bunda qaror loyihasida quyidagilarni nazarda tutish:

(a) “Termiz xalqaro savdo markazi” erkin savdo zonasida zargarlik buyumlarini chet el valyutasiga sotishga ruxsat berish;

(b) norezidentlar tomonidan O‘zbekiston Respublikasiga kirish chog‘ida belgilangan tartibda deklaratsiya qilingan zargarlik buyumlarni sotishdan olingan naqd chet el valyutasini ularning qonuniyligini tasdiqlovchi hujjatlar asosida chetga olib chiqib ketishga ruxsat etish.

2025-yil 1-noyabr

Markaziy bank,

Bojxona qo‘mitasi,

Soliq qo‘mitasi,

Savdo-sanoat palatasi

22.

Zargarlik buyumlarining noqonuniy aylanmasini qisqartirishga qaratilgan keng qamrovli mediarejani amalga oshirish.

Qimmatbaho metallar va qimmatbaho toshlar hamda zargarlik buyumlarining noqonuniy aylanmasi uchun belgilangan javobgarlik, rasmiy faoliyatning afzalliklari, davlat tomonidan zargarlik sohasi ishtirokchilari uchun yaratilgan shart-sharoitlar va qo‘llab-quvvatlash choralari bo‘yicha ommaviy axborot vositalari va internet resurslarda targ‘ibot ishlarini tashkil etish, shu jumladan:

(a) aholi orasida asillik tamg‘asi yoki zarur sertifikatlari bo‘lmagan (qimmatbaho toshlar uchun) kontrafakt zargarlik buyumlarini xarid qilmaslik haqida keng ko‘lamli tushuntirish ishlarini olib borish;

(b) zargarlik buyumlarini noqonuniy ishlab chiqarish hamda sotish holatlari, shuningdek, asillik belgisiga mos kelmaydigan zargarlik buyumlarini sotish keng tarqalgan hududlar to‘g‘risidagi materiallarni e’lon qilib borish.

2025-yil iyul — sentabr oylari

Savdo-sanoat palatasi,

“O‘zbekzargarsanoati” uyushmasi,

Davlat asillik darajasi nazorati inspeksiyasi,

O‘zbekiston milliy axborot agentligi,

O‘zbekiston milliy teleradiokompaniyasi