So‘nggi yillarda mamlakatimizda amalga oshirilayotgan islohotlar doirasida O‘zbekiston Respublikasi Qurolli Kuchlarining faoliyati samaradorligini oshirish bo‘yicha tizimli choralar ko‘rilmoqda.

Shu bilan birga, O‘zbekiston Respublikasi Mudofaa vazirligining harbiy-tibbiy muassasalari harbiy xizmatchilari va fuqaro xodimlari samarali mehnat qilishi uchun munosib shart-sharoitlar yaratish, ularning o‘z kasbiy darajasini oshirib borishdan manfaatdorligini ta’minlash maqsadida harbiy-tibbiy muassasalarda ko‘rsatiladigan pulli tibbiy xizmatlardan tushgan mablag‘larning asosiy qismini kadrlarni moddiy jihatdan qo‘llab-quvvatlash uchun yo‘naltirish taqozo etilmoqda.

O‘zbekiston Respublikasi Mudofaa vazirligining harbiy-tibbiy muassasalari harbiy xizmatchilari va fuqaro xodimlarining ijtimoiy himoyasini kuchaytirish maqsadida Vazirlar Mahkamasi qaror qiladi:

1. O‘zbekiston Respublikasi Hukumatining ilovaga muvofiq ayrim qarorlariga Mudofaa vazirligining harbiy-tibbiy muassasalarida pulli tibbiy xizmatlar ko‘rsatishdan tushgan mablag‘larning 75 foizdan ortiq bo‘lmagan qismini ushbu muassasalarning harbiy xizmatchilari va fuqaro xodimlarini moddiy qo‘llab-quvvatlashga, kamida 25 foizini moddiy-texnik bazasini mustahkamlashga yo‘naltirishni nazarda tutuvchi o‘zgartirishlar kiritilsin.

2. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — iqtisodiyot va moliya vaziri J.A. Qo‘chqorov hamda O‘zbekiston Respublikasi mudofaa vaziri Sh.G‘. Xalmuxamedov zimmasiga yuklansin.

2. Vazirlar Mahkamasining “O‘zbekiston Respublikasi Mudofaa vazirligi qo‘shinlarining tibbiy ta’minot tizimini yanada takomillashtirish chora-tadbirlari to‘g‘risida” 2018-yil 7-noyabrdagi 915-son qarorining rus tilidagi matnida 3-bandning “g” kichik bandi quyidagi tahrirda bayon etilsin:

“g) sredstva, poluchennie voyenno-meditsinskimi uchrejdeniyami Ministerstva oboroni Respubliki Uzbekistan ot okazaniya platnix meditsinskix uslug posle vospolneniya sovokupnix zatrat po proizvodstvu i realizatsii dannix uslug napravlyayutsya na:

razvitiye materialno-texnicheskoy bazm, remont, zakupku oborudovaniya, lekarstvennix sredstv i izdeliy meditsinskogo naznacheniya — ne meneye 25 protsentov;

premirovaniye voyennoslujashix po kontraktu i grajdanskogo personala voyenno-meditsinskix uchrejdeniy Ministerstva oboroni Respubliki Uzbekistan — ne boleye 75 protsentov”.