1. “O‘zbekiston SSJ xalq hofizi” faxriy unvoni ta’sis etilsin.

2. “O‘zbekiston SSJ xalq hofizi” faxriy unvoni to‘g‘risidagi Nizom hamda ushbu faxriy unvon nishoni tasviri tasdiqlansin.

3. “O‘zbekiston SSJ xalq hofizi” faxriy unvoni ta’sis etilishi munosabati bilan O‘zbekiston SSJ davlat mukofotlari to‘g‘risidagi Nizomga quyidagi o‘zgarishlar kiritilsin:

10-moddaning “d” bo‘limi “O‘zbekiston SSJ xalq artisti” so‘zlaridan so‘ng “O‘zbekiston SSJ xalq hofizi” so‘zlari bilan to‘ldirilsin;

12-modda “O‘zbekiston SSJ xalq artisti” bo‘limidan so‘ng quyidagi mazmundagi bo‘lim bilan to‘ldirilsin:

“O‘zbekiston SSJ xalq hofizi” — ashulachilarga yuksak ijrochilik mahorati, klassik musiqiy merosni, O‘zbekiston musiqiy-nazm san’atining an’anaviy shakllarini o‘zlashtirganlik va rivojlantirganlik va faol targ‘ib etganlik uchun”.

1. “O‘zbekiston SSJ xalq hofizi” faxriy unvoni ashulachilarga yuksak ijrochilik mahorati, klassik musiqiy merosni hamda O‘zbekiston musiqiy-nazm san’atining an’anaviy shakllarini o‘zlashtirganlik va rivojlantirganlik, faol targ‘ib etganlik uchun beriladi.

2. “O‘zbekiston SSJ xalq hofizi” faxriy unvoni O‘zbekiston SSJ Vazirlar Kengashining, O‘zbekiston SSJ Madaniyat vazirligining, O‘zbekiston Davlat televideniye va radioeshittirish qo‘mitasining, O‘zbekiston Kompartiyasi viloyat qo‘mitalarining, Qoraqalpog‘iston MSSJ Oliy Kengashining va Qoraqalpog‘iston MSSJ Vazirlar Kengashining, xalq deputatlari viloyat va Toshkent shahar Sovetlari ijroiya qo‘mitalarining taqdimnomasiga muvofiq O‘zbekiston SSJ Prezidenti tomonidan beriladi.

3. “O‘zbekiston SSJ xalq hofizi” faxriy unvonini berish to‘g‘risida odatda faxriy unvon berishga taqdim etilayotgan shaxs ishlayotgan kollektiv ma’muriyati tomonidan partiya, kasaba uyushmasi, komsomol tashkilotlari bilan birgalikda iltimos qilinadi.

Shahar, rayon partiya idoralari, xalq deputatlari shahar, rayon, shahar, rayon Sovetlarining ijroiya qo‘mitalari ham iltimos qilishlari mumkin.

4. “O‘zbekiston SSJ xalq hofizi” faxriy unvoni berilgan kishilarga belgilangan namunadagi guvohnoma va ko‘krak nishoni topshiriladi.

“O‘zbekiston SSJ xalq hofizi” faxriy unvoni egalari huquqlari va imtiyozlari jihatdan “O‘zbekiston SSJ xalq artisti” faxriy unvoniga sazovor bo‘lgan shaxslarga tenglashtiriladi.

5. “O‘zbekiston SSJ xalq hofizi” nishoni ko‘krakning o‘ng tomoniga taqiladi.

6. “O‘zbekiston SSJ xalq hofizi” guvohnomasi va ko‘krak nishoni O‘zbekiston SSJ Prezidenti nomidan tantanali va keng oshkoralik vaziyatida topshiriladi.

7. Faqat O‘zbekiston SSJ Prezidenti “O‘zbekiston SSJ xalq hofizi” faxriy unvonidan mahrum etishi mumkin.

Diametri 30 millimetrli doira shaklidagi ko‘krak nishoni kumush hal berilgan neyzilbergdan yasaladi.

Nishonning biroz botiq yuzida parda ochilgan teatr sahnasining bir qismi, o‘ng chetida Dafna shoxi tasviri bor. Parda ostida, nishon markazining chaprog‘ida, silliq yuzida “Xalq hofizi” va uning tagida “Narodniy xofiz” yozuvi bor.

Nishonning orqa tomonida markazdan yuqorida quyosh nurlarida “O‘zSSJ” yozuvi, pastida paxta shoxidan chambar tasviri bo‘lib, uning ustida nishon raqami yozilgan tasma tasviri bor.

Tasvir va yozuvlar bo‘rtiqdir.

Ko‘krak nishoni teshikcha va halqa yordamida kolodka bilan tutashtirilgan bo‘lib, kolodkaning ichki qismi O‘zbekiston SSJ davlat bayrog‘i rangidagi lenta bilan qoplangan.

Ko‘krak nishoni to‘g‘nog‘ich bilan qadaladi va ko‘krakning o‘ng tomonida taqib yuriladi.