Bosqichlar

Mas’ullar

Tadbirlar

Muddatlar

1-bosqich

O‘zkomnazorat inspeksiyasi

Respublika va mahalliy ijro etuvchi hokimiyat organlarining aloqa markazlarini xatlovdan o‘tkazadi.

Har yili 15-fevralga va 15-avgustga qadar

2-bosqich

O‘zkomnazorat inspeksiyasi

Reyestrni shakllantiradi va muntazam ravishda dolzarbligini ta’minlaydi.

Har yili 1-martga va 1-sentabrga qadar

3-bosqich

O‘zkomnazorat inspeksiyasi

Respublika va mahalliy ijro etuvchi hokimiyat organlari aloqa markazlarining texnik faoliyatini nazorat qiladi.

Har chorakda

4-bosqich

O‘zkomnazorat inspeksiyasi

Aloqa markazlarining texnik faoliyatini  baholaydi.

Har chorak yakunidan keyingi oyning 10-sanasiga qadar

5-bosqich

O‘zkomnazorat inspeksiyasi

Baholash natijalarini Internet jahon axborot tarmog‘idagi rasmiy sahifalari hamda “Raqamli nazorat” kompleks axborot tizimi orqali e’lon qiladi.

Har chorak yakunidan keyingi oyning 15-sanasiga qadar

6-bosqich

O‘zkomnazorat inspeksiyasi

Aloqa markazlarining texnik faoliyatini baholash natijalari yuzasidan Vazirlar Mahkamasiga takliflar kiritish uchun Raqamli texnologiyalar vazirligi baholash natijalarini kiritadi.

Har chorak yakunidan keyingi oyning 20-sanasiga qadar

T/r

Baholash mezonlari

Ballar

Izoh

1.

Aloqa markazidan (ishonch telefonlari, Call-markazlar, dispetcherlik aloqa xizmati) (keyingi o‘rinlarda — aloqa markazi) foydalanish.

15

Aloqa markazidan foydalanish (D) hisobot davrida kelib tushgan chaqiruvlarning umumiy soniga nisbatan xizmat ko‘rsatilgan foydalanuvchi chaqiruvlarining foiziga ko‘ra aniqlanadi. Bunda:

N_o — aloqa markazi tomonidan har chorak davomida xizmat ko‘rsatilgan chaqiruvlar soni;

N — hisobot davrida kelib tushgan, shu jumladan, ishonch telefonlari, aloqa markaziga kelib tushgan chaqiruvlar soni, IVR (interaktiv ovozli menyu) orqali javob olganlar bundan mustasno.

Yuqoridagi formula natijasidan kelib chiqib, aloqa markazidan foydalanish darajasi quyidagicha baholanadi:

100 foizdan 85 foizgacha — 15 ball;

84 foizdan 70 foizgacha — 10 ball;

69 foizdan 55 foizgacha — 5 ball;

54 foiz va undan past bo‘lsa — 0 ball.

2.

Aloqa markazi operatorining foydalanuvchi bilan so‘zlashuvi davomida foydalanuvchi chaqiruvini liniyada ushlab turish vaqti (hold)ni qo‘shib hisoblaganda, o‘rtacha so‘zlashish davomiyligi.

10

Operatorning foydalanuvchi bilan so‘zlashuvi davomida foydalanuvchi chaqiruvini liniyada ushlab turish vaqti (hold)ni qo‘shib hisoblaganda, o‘rtacha so‘zlashish davomiyligi vaqti (T) hisobot davrida aloqa markazi barcha operatorlari so‘zlashuvi umumiy davomiyligining ushbu davr uchun xizmat ko‘rsatilgan chaqiruvlar soniga nisbatiga ko‘ra aniqlanadi va T_norma — 360 sekunddan ortiq bo‘lmagan normalangan qiymat bilan taqqoslanadi. Bunda:

ΣT_davom — hisobot davrida chaqiruvlarni liniyada kutish rejimida ushlab turish vaqti (hold)ni qo‘shib hisoblaganda, aloqa markazi barcha operatorlari so‘zlashuvining umumiy davomiyligi;

N — hisobot davrida xizmat ko‘rsatilgan chaqiruvlar soni;

T_norma — 360 soniyadan ortiq bo‘lmagan normalangan qiymat.

Aloqa markazi operatorining foydalanuvchi bilan so‘zlashuvi davomida foydalanuvchi chaqiruvini liniyada ushlab turish vaqti (hold)ni qo‘shib hisoblaganda, o‘rtacha so‘zlashish davomiyligi darajasi quyidagicha baholanadi:

360 soniyadan ko‘p bo‘lmaganda — 10 ball;

360 soniyadan ko‘p bo‘lganda — 0 ball.

3.

Aloqa markazi axborot tizimining tayyorlik koeffitsiyenti.

15

Aloqa markazi apparat-dasturiy kompleksining tayyorlik koeffitsiyenti (K_t) hisobot davri uchun aloqa markazi apparat-dasturiy kompleksining umumiy vaqtidan jami bekor turib qolgan vaqti ayirmasining umumiy ish vaqtiga nisbatiga ko‘ra aniqlanadi.

Umumiy vaqt — bu tahlil qilinayotgan davr (har chorak) uchun aloqa markazi apparat-dasturiy kompleksi ish holatida bo‘lishi kerak bo‘lgan vaqt (rejadagi uzilishlar bundan mustasno). Bunda:

T_umumiy — hisobot davri uchun aloqa markazi apparat-dasturiy kompleksi ish holatida bo‘lishi kerak bo‘lgan umumiy vaqt;

T_b — hisobot davri uchun aloqa markazi apparat-dasturiy kompleksining jami bekor turib qolgan (ishdan chiqqan) vaqti.

Yuqoridagi formula natijasidan kelib chiqib, aloqa markazi apparat-dasturiy kompleksining tayyorlik koeffitsiyenti darajasi quyidagicha baholanadi:

100 foizdan 99 foizgacha — 15 ball;

98 foizdan 70 foizgacha — 10 ball;

69 foizdan 55 foizgacha — 5 ball;

54 foiz va undan past bo‘lsa — 0 ball.

4.

Foydalanuvchining aloqa markazi operatori bilan o‘rtacha ulanish vaqti.

15

Foydalanuvchining aloqa markazi operatori bilan o‘rtacha ulanish vaqti T_oʻ aloqa markazi apparat-dasturiy kompleksi (serveri)ning chaqiruvlarga xizmat ko‘rsatish statistikasi asosida quyidagi formula bo‘yicha aniqlanadi. Bunda:

 — hisobot davri uchun foydalanuvchilarning ularni chaqiruvlarini navbatga qayd etishdan boshlab, aloqa markazi operatori bilan ulanishgacha bo‘lgan umumiy kutish vaqti yig‘indisi;

N_ulanish — hisobot davri uchun aloqa markazi operatorlari javob bergan barcha chaqiruvlarning umumiy soni;

k — aloqa markazi operatori tomonidan xizmat ko‘rsatilgan barcha foydalanuvchi murojaatlarining umumiy soni, miqdoriy jihatdan bu qiymat N_ulanish ga teng.

Ushbu ko‘rsatkich operatorlarning foydalanuvchiga xizmat ko‘rsatish va yangi chaqiruvlarga javob berishda tezkorlik darajasini ko‘rsatadi.

Yuqoridagi formula natijasidan kelib chiqib, foydalanuvchining aloqa markazi operatori bilan o‘rtacha ulanish vaqti quyidagicha baholanadi:

180 sekundda — 15 ball;

181 — 210 soniyagacha — 10 ball;

211 — 240 soniyagacha — 5 ball;

241 — 300 soniyagacha — 3 ball;

301 — 360 soniyagacha — 1 ball;

360 soniyadan oshsa — 0 ball.

5.

Operator bilan bog‘lanish uchun urinishlar soni.

15

Birinchi qo‘ng‘iroqda muvaffaqiyatli bog‘lanishlar soni jami qo‘ng‘iroqlar sonining 86 — 100 foizini tashkil etganda — 15 ball;

ikkinchi urinishda muvaffaqiyatli bog‘lanishlar soni jami qo‘ng‘iroqlar sonining 71 — 85 foizini tashkil etganda — 10 ball;

uchinchi urinishda muvaffaqiyatli bog‘lanishlar soni jami qo‘ng‘iroqlar sonining 55 — 70 foizini tashkil etganda — 5 ball;

to‘rt va undan ortiq urinishda muvaffaqiyatli bog‘lanishlar soni jami qo‘ng‘iroqlar sonining 0 — 54 foizini tashkil etganda — 0 ball.

6.

Aloqa markazining ish tartibi.

10

Tunu-kun, 24/7 rejimida ishlasa — 10 ball;

boshqa rejimlarda — 5 ball.

7.

Aloqa markazi texnik faoliyati yuzasidan asosli e’tiroz va shikoyatlar mavjud emasligi.

10

Hisobot davrida aloqa markazi texnik faoliyati yuzasidan asosli e’tiroz va shikoyatlar ko‘rsatkichi (S) jami shikoyatlar sonining umumiy qo‘ng‘iroqlar soniga nisbatan foizi bilan aniqlanadi. Bunda:

Sh — hisobot davrida kelib tushgan shikoyatlar soni;

N — hisobot davrida kelib tushgan, shu jumladan ishonch telefonlari, Call-markazlar, dispetcherlik aloqa xizmatiga kelib tushgan chaqiruvlar soni, IVR orqali javob olganlar bundan mustasno.

S = 0 bo‘lsa — 10 ball;

0 ≤ S < 0,5 bo‘lganda — 8 ball;

0,5 ≤ S < 1 bo‘lganda — 6 ball;

1  ≤ S < 1,5 bo‘lganda — 4 ball;

1,5 ≤ S < 2 bo‘lganda — 2 ball;

2 ≤ S bo‘lganda — 0 ball.

8.

Aloqa markazlarining texnik-tashkiliy holati

10

10 ball quyidagicha hisoblanadi:

hududlardan qo‘ng‘iroq qilish imkoniyatini yaratilganligi — 2 ball;

so‘rovlarni boshqa idoraviy aloqa markazlariga yo‘naltirish imkoniyati mavjudligi — 3 ball;

foydalanuvchilarga onlayn-konsultatsiyalar va tegishli tushuntirishlar berish — 5 ball.

Jami

100