1.

Ruxsat etish xususiyatiga ega hujjatning nomi:

Parvozlar xavfsizligiga xavf solishi mumkin bo‘lgan faoliyatni amalga oshirish uchun ruxsatnoma

2.

Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar):

Parvozlar xavfsizligiga xavf solishi mumkin bo‘lgan faoliyatni amalga oshirish

3.

Ariza beruvchilar toifasi:

Yuridik va jismoniy shaxslar (yakka tartibdagi tadbirkor)

4.

Ruxsat etish tartib-taomillari sohasidagi vakolatli organ:

O‘zbekiston Respublikasi Transport vazirligi huzuridagi Fuqaro aviatsiyasi agentligi (“O‘zaviatsiya” agentligi)

5.

Ruxsat etish xususiyatiga ega hujjatni olish uchun taqdim qilinadigan hujjatlar:

a) ruxsatnoma olish uchun obyektning nomi, maqsadi va manzili ko‘rsatilgan ariza.

Arizada quyidagilar ko‘rsatiladi:

yuridik shaxs bo‘lgan talabgor uchun — soliq to‘lovchining identifikatsiya raqami (STIR), telefon raqami, elektron pochta manzili (mavjud bo‘lganda);

jismoniy shaxs bo‘lgan talabgor uchun — familiyasi, ismi va otasining ismi, jismoniy shaxsning shaxsini tasdiqlovchi hujjat ma’lumotlari yoki jismoniy shaxsning shaxsiy identifikatsiya raqami (JSHSHIR), telefon raqami, elektron pochta manzili (mavjud bo‘lganda);

b) obyekt joylashgan joydagi yerning dengiz sathidan mutlaq balandligi, obyektning balandligi, eng yaqin aerodrom uchish-qo‘nish yo‘lagining ikki tarafi boshlanish joyidan X va U bo‘yicha koordinatalari haqidagi ma’lumotlar;

v) obyektning 1984-yilgi butunjahon geodeziya koordinatalar tizimi WGS-84dagi geografik koordinatalari (kenglik va uzunlik);

g) radioaloqa liniyalari va elektr uzatish liniyalari (shu jumladan, yuqori voltli), radio va elektromagnit nurlanishlar tarqatuvchi obyektlar, elektr yoritish obyektlari, shuningdek, ish jarayonida samoviy hududda elektromagnit, yorug‘lik, akustik, korpuskulyar va boshqa turdagi nurlanishlar paydo bo‘lishiga sabab bo‘ladigan obyektlarning texnik parametrlari;

d) radioaloqa liniyalari va elektr uzatish liniyalarining nomlari, elektr uzatish liniyalarining kuchlanishi, aerodromlarning nazorat nuqtasidan 46 km radiusdagi barcha tayanch ustunlarining balandligi va koordinatalari, ular o‘tadigan tuman va viloyatlar, shuningdek, ularning boshlang‘ich va tugash punktlari haqidagi ma’lumotlar.

6.

Arizani ko‘rib chiqish uchun to‘lanadigan yig‘im miqdori:

Yig‘im undirilmaydi

7.

Ruxsat etish xususiyatiga ega hujjat berilganligi uchun undiriladigan yig‘im:

Har bir obyektga ruxsatnoma berish uchun bazaviy hisoblash miqdorining 23 baravariga teng bo‘lgan miqdorda yig‘im shartnoma tuzmasdan undiriladi.

Yig‘im summasi quyidagi tartibda taqsimlanadi:

10 foizi — O‘zbekiston Respublikasi Adliya vazirligining Davlat xizmatlarini rivojlantirish jamg‘armasiga;

11,25 foizi — Yagona interaktiv davlat xizmatlari portali orqali davlat xizmatlarini ko‘rsatganlik uchun, shuningdek, 0,5 foizi Yagona billing tizimi orqali davlat xizmatlari ko‘rsatganlik uchun Axborot-kommunikatsiya texnologiyalarini rivojlantirish jamg‘armasining elektron hukumat va raqamli iqtisodiyotning idoralararo loyihalarini moliyalashtirish bo‘yicha maxsus hisobvarag‘iga;

qolgan mablag‘larning 60 foizi — vakolatli organning hisobvarag‘iga, 40 foizi — O‘zbekiston Respublikasi Transport vazirligi huzuridagi Transport va logistikani rivojlantirish jamg‘armasiga yo‘naltiriladi.

8.

Arizani ko‘rib chiqish muddati:

15 kun

9.

Ruxsat etishga oid talab va shartlar:

Quyidagilarni loyihalashtirish, qurish, kengaytirish, rekonstruksiya qilish va texnik qayta jihozlash uchun ruxsatnoma olish zarur:

aerodrom nazorat nuqtasidan 46 km radiusda joylashtiriladigan binolar, inshootlar, shuningdek, odamlar, qushlar hamda yovvoyi hayvonlar (kemiruvchilar) ko‘plab to‘planishiga sabab bo‘ladigan obyektlar;

aerodrom nazorat nuqtasidan 46 km radiusda joylashtiriladigan radioaloqa liniyalari va elektr uzatish liniyalari (shu jumladan, yuqori kuchlanishli), radio va elektromagnit nurlanishli boshqa obyektlar, shuningdek, yoritish texnikasi obyektlari;

aerodrom nazorat nuqtasidan 15 km radiusda joylashtiriladigan portlash xavfi bo‘lgan obyektlar (balandligidan qat’i nazar);

joylashtiriladigan joyidan qat’i nazar, chiqarib yuboriladigan gazlarni favqulodda yoqish uchun mash’ala qurilmalari;

aerodrom nazorat nuqtasidan 46 km radiusda joylashtiriladigan sanoat va boshqa korxonalar hamda inshootlar, parvoz ko‘rinishini va aerodrom uchish maydonlarining holatini yomonlashtiruvchi obyektlar;

joylashtiriladigan yeridan qat’i nazar, mutlaq balandligi 50 m va undan ortiq bo‘lgan obyektlar.

10.

Ruxsat etish xususiyatiga ega hujjatni berishda kelishiladigan organlar:

O‘zbekiston Respublikasi Mudofaa vazirligi

11.

Ruxsat etish xususiyatiga ega hujjatning amal qilish muddati:

Cheklanmagan

12.

Izoh:

1. O‘zbekiston Respublikasi Mudofaa vazirligi joylashtiriladigan joyidan qat’i nazar, mutlaq balandligi 50 m va undan ortiq bo‘lgan obyektlar bo‘yicha taqdim etilgan hujjatlarni ko‘rib chiqadi va hujjatlar qabul qilingan sanadan boshlab 5 kun muddat ichida kelishadi.

2. Ruxsatnoma Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari to‘g‘risidagi yagona nizomning 4-bobida ko‘rsatilgan hollarda va belgilangan tartibda qayta rasmiylashtiriladi.

Har bir obyektga ruxsatnomani qayta rasmiylashtirish uchun mazkur Pasportning 7-bandida nazarda tutilgan yig‘imning yarmi undiriladi.

3. Vakolatli organ arizani ko‘rib chiqish muddati davomida amalga oshiriladigan o‘rganishlarni o‘tkazishi uchun xarajatlar (xizmat safari va yo‘lda bo‘lgan vaqt uchun kundalik xarajatlar, mehmonxonalarda yashash xarajatlari, transport xarajatlari, kirish vizasini rasmiylashtirish va sug‘urta polisini sotib olish xarajatlari) haqiqiy xarajatlar summasi bo‘yicha talabgor (ariza beruvchi) tomonidan yozma shartnomaga ko‘ra qoplanadi.

4. Arizaning namunaviy shakli

O‘zbekiston Respublikasi Transport vazirligi huzuridagi Fuqaro aviatsiyasi agentligiga

Parvozlar xavfsizligiga xavf solishi mumkin bo‘lgan faoliyatni amalga oshirish uchun ruxsatnoma berish haqida

ARIZA

Izoh. Jismoniy shaxslar uchun familiyasi, ismi, otasining ismi, fuqaroning shaxsini tasdiqlovchi hujjat to‘g‘risidagi ma’lumotlar ko‘rsatiladi.

5. Arizaga ilova etiladigan ma’lumotnomaning namunaviy shakli

Ruxsatnoma olinishi zarur bo‘lgan obyektning joylashgan joyi haqida

MA’LUMOTLAR

Izoh. Mazkur ma’lumotnoma ushbu yo‘nalishda tegishli litsenziyaga ega geodeziya tashkiloti tomonidan tayyorlanadi va tasdiqlanib, arizaga ilova qilingan holatda ariza beruvchi tomonidan taqdim etiladi.

6. Ruxsatnomaning namunaviy shakli

Ariza beruvchiga

1.

Ruxsat etish xususiyatiga ega hujjatning nomi:

O‘zbekiston Respublikasi fuqaro aviatsiyasida ekspluatant sertifikati

2.

Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar):

Fuqaro aviatsiyasi xalqaro tashkiloti (IKAO) standartlari talablariga va tavsiya qilingan amaliyotga muvofiq yuridik yoki jismoniy shaxslar tomondan fuqaro havo kemasidan foydalanish bilan bog‘liq fuqaro aviatsiyasidagi faoliyatni amalga oshirish

3.

Ariza beruvchilar toifasi:

Yuridik yoki jismoniy shaxslar

4.

Ruxsat etish tartib-taomillari sohasidagi vakolatli organ:

O‘zbekiston Respublikasi Transport vazirligi huzuridagi Fuqaro aviatsiyasi agentligi (“O‘zaviatsiya” agentligi)

5.

Ruxsat etish xususiyatiga ega hujjatni olish uchun taqdim qilinadigan hujjatlar:

a) Ekspluatant sertifikatini olish uchun ariza.

Arizada quyidagilar ko‘rsatiladi:

1. yuridik shaxsning to‘liq nomi yoki jismoniy shaxsning F.I.O.

2. Quyidagilarni belgilash:

ekspluatant sertifikatini berish;

ekspluatant sertifikatining amal qilish muddatini uzaytirish;

ekspluatant sertifikatini qayta rasmiylashtirish;

ekspluatant sertifikatining amal qilishini tiklash;

ekspluatant sertifikatining dublikatini berish;

ekspluatant sertifikatining amal qilishini to‘xtatish;

ekspluatant sertifikatini bekor qilish.

3. Ariza beruvchi to‘g‘risidagi ma’lumotlar:

yuridik shaxslar uchun:

1) Tashkilotning tashkiliy-huquqiy shakli ko‘rsatilgan to‘liq nomi;

2) Joylashgan joyi (pochta manzili);

3) Telefon raqamlari;

jismoniy shaxslar uchun:

1) Familiyasi, ismi, otasining ismi;

2) Fuqaroning shaxsini tasdiqlovchi hujjat ma’lumotlari;

3) Turar joy manzili;

4) Telefon raqamlari.

4. Ilova (hujjatlar nomi, ularning raqamlari, imzolangan sana, varaqlar soni, taqdim qilish shakli);

b) Arizaga ilova qilinadigan hujjatlar ro‘yxati.

Yuridik shaxslar uchun:

1. Havo kemasi joylashgan manzil, taklif qilinadigan parvozlar va faoliyat turlari, foydalanish geografik zonalari (regionlari) haqida ma’lumotlar.

2. Ariza beruvchi tashkilotning tasdiqlangan tarkibiy sxemasi.

3. Havo kemasiga egalik huquqini tasdiqlovchi hujjatlar.

4. Mazkur Pasportning 9-pozitsiyasidagi talablar va shartlarning 5-bandida ko‘rsatilgan boshqaruv xodimlari bo‘yicha ularning o‘rnini bosuvchi shaxslar lavozimlari, familiyasi, ismi, otasining ismi, ularning malakalari va fuqaro aviatsiyasida tegishli rahbarlik ishidagi tajribasi ko‘rsatilgan ma’lumotlar.

5. Aviatsiya ekipajlari tarkibi va texnik-muhandis xodimlarning malakalari va ruxsatnomalari to‘g‘risida nomma-nom ma’lumotlar.

6. Foydalaniladigan havo kemalarining turi, modeli, seriyasi, tanish belgilari, parvozga yaroqlilik holati ko‘rsatilgan ma’lumotlar.

7. Havo kemalari joylashgan aeroportda parvozlarni ta’minlash turlari uchun shartnomalar nusxalari.

8. Barcha turdagi majburiy sug‘urtalash bo‘yicha sug‘urta polislari nusxalari.

9. Parvozlarni amalga oshirishga doir qo‘llanma, havo kemasi ekspluatantining texnik xizmat ko‘rsatishni boshqarishga doir qo‘llanmasi, havo kemasiga yer ustida xizmat ko‘rsatishga doir qo‘llanma, xavfli yuklarni tashish bo‘yicha ta’lim va tartibotlarga doir qo‘llanma, havo kemasi og‘irligi va markazlanishini rostlashga doir qo‘llanma, ekipajning yer ustida va parvozdagi tayyorgarlik dasturi, ekspluatantning aviatsiya xavfsizligini ta’minlash dasturi.

10. Havo kemasidan foydalanishga doir qo‘llanma (har bir turdagi havo kemasi uchun), aviatsiyada havo kemasidan foydalanishga doir qo‘llanma (har bir turdagi havo kemasi uchun), texnik xizmat ko‘rsatish dasturi (har bir turdagi havo kemasi uchun), minimal uskunalar ro‘yxati (har bir turdagi havo kemasi uchun), asosiy minimal uskunalar ro‘yxati (har bir turdagi havo kemasi uchun), konfiguratsiyadan og‘ishlar ro‘yxati (har bir turdagi havo kemasi uchun).

Jismoniy shaxslar uchun:

1. Havo kemasi joylashgan manzil, taklif qilinadigan parvozlar, parvozlarning geografik zonalari (regionlari) haqida ma’lumotlar.

2. Havo kemasiga egalik huquqini tasdiqlovchi hujjatlar.

3. Ariza beruvchining havo kemasida parvozlarni bajarish uchun malakalari va ruxsatnomalari to‘g‘risida ma’lumotlar.

4. Havo kemalarining turi, modeli, seriyasi, tanish belgilari, parvozga yaroqlilik holati ko‘rsatilgan ma’lumotlar.

5. Havo kemalariga texnik xizmat ko‘rsatish bo‘yicha tashkilot bilan tuzilgan shartnoma nusxalari.

6. Havo kemalari joylashgan aeroportda parvozlarni ta’minlash turlari uchun shartnomalar nusxalari.

7. Barcha turdagi majburiy sug‘urtalash bo‘yicha sug‘urta polislari nusxalari.

8. Parvozlarni amalga oshirishga doir qo‘llanma, havo kemasining ekspluatatsiyasiga doir qo‘llanma, havo kemasining uchish ekspluatatsiyasi bo‘yicha qo‘llanma, havo kemasiga texnik xizmat ko‘rsatish dasturi, ekspluatantining aviatsiya xavfsizligini ta’minlash dasturi.

6.

Arizani ko‘rib chiqish uchun to‘lanadigan yig‘im miqdori:

Yig‘imlar summasi quyidagi tartibda taqsimlanadi:

10 foizi — O‘zbekiston Respublikasi Adliya vazirligining Davlat xizmatlarini rivojlantirish jamg‘armasiga;

11,25 foizi — Yagona interaktiv davlat xizmatlari portali orqali davlat xizmatlarini ko‘rsatganlik uchun, shuningdek, 0,5 foizi Yagona billing tizimi orqali davlat xizmatlari ko‘rsatganlik uchun Axborot-kommunikatsiya texnologiyalarini rivojlantirish jamg‘armasining elektron hukumat va raqamli iqtisodiyotning idoralararo loyihalarini moliyalashtirish bo‘yicha maxsus hisobvarag‘iga;

qolgan mablag‘larning 60 foizi — vakolatli organning hisobvarag‘iga, 40 foizi — O‘zbekiston Respublikasi Transport vazirligi huzuridagi Transport va logistikani rivojlantirish jamg‘armasiga yo‘naltiriladi.

7.

Ruxsat etish xususiyatiga ega hujjat berilganligi uchun undiriladigan yig‘im:

Bazaviy hisoblash miqdorining 57,3 baravari.

Yig‘im summasi quyidagi tartibda taqsimlanadi:

10 foizi — O‘zbekiston Respublikasi Adliya vazirligining Davlat xizmatlarini rivojlantirish jamg‘armasiga;

11,25 foizi — Yagona interaktiv davlat xizmatlari portali orqali davlat xizmatlarini ko‘rsatganlik uchun, shuningdek, 0,5 foizi Yagona billing tizimi orqali davlat xizmatlari ko‘rsatganlik uchun Axborot-kommunikatsiya texnologiyalarini rivojlantirish jamg‘armasining elektron hukumat va raqamli iqtisodiyotning idoralararo loyihalarini moliyalashtirish bo‘yicha maxsus hisobvarag‘iga;

qolgan mablag‘larning 60 foizi — vakolatli organning hisobvarag‘iga, 40 foizi — O‘zbekiston Respublikasi Transport vazirligi huzuridagi Transport va logistikani rivojlantirish jamg‘armasiga yo‘naltiriladi.

8.

Arizani ko‘rib chiqish muddati:

60 ish kuni

9.

Ruxsat beruvchi talablar va shartlar:

Ekspluatant tomonidan faoliyatni amalga oshirishda ruxsat beruvchi talablar va shartlar quyidagilardan iborat:

a) qonunchilik hujjatlariga majburiy rioya qilish;

b) ariza beruvchi o‘zgargan (yuridik shaxs uchun — uning nomi yoki joylashgan manzili (pochta manzili) o‘zgargan, jismoniy shaxs uchun — uning familiyasi, ismi, otasining ismi yoki faoliyat joyi o‘zgargan) holatda qayta ro‘yxatdan o‘tkazilgandan so‘ng yetti ish kuni mobaynida “O‘zaviatsiya” agentligini xabardor qilish;

v) havo kemasi ekspluatantining belgilangan ruxsat beruvchi talablar va quyida keltirilgan shartlarga muvofiqligi:

yuridik shaxslar uchun:

1. Ekspluatant havo kemasiga (mulkka egalik huquqlarida yoki ekipajsiz ijara shartlarida), parvozlarni tashkil etish, amalga oshirish va ta’minlash uchun aviatsiya xodimlariga va ishlab chiqarish bazasiga ega bo‘lishi shart. Ekspluatantning asosiy faoliyat yuritish va havo kemasini joylashtirish manzili O‘zbekiston Respublikasi hududida bo‘lishi shart.

2. Ekspluatantning havo kemasi belgilangan turlardagi va mintaqalardagi parvozlarni amalga oshirishi uchun tegishli ravishda jihozlangan bo‘lishi, aviatsiya xodimlari esa zarur malakaga va tayyorgarlikka ega bo‘lishlari shart.

3. Ekspluatant belgilangan turdagi faoliyatni amalga oshirish uchun yetarlicha moliyaviy resurslar mavjudligini tasdiqlashi shart.

4. Ekspluatant quyidagilarga ega bo‘lishi shart:

aviatsiya xizmati;

texnik xizmat;

ishlab chiqarish-dispetcherlik bo‘linmasi yoki parvozlarni tashkiliy ta’minlash bo‘yicha tegishli ravishda tayyorlangan xodim (dispetcher);

parvozlar xavfsizligi bo‘yicha inspeksiya yoki parvozlar xavfsizligi bo‘yicha ekspluatant rahbarining o‘rinbosari (maslahatchisi);

aviatsiya xavfsizlik xizmati yoki aviatsiya xavfsizligi bo‘yicha ekspluatant rahbarining o‘rinbosari;

havoda tashishlar va/yoki aviatsiya ishlarini tashkil etish xizmati yoki havoda tashishlar va/yoki aviatsiya ishlarini tashkil etish uchun mas’ul tegishli ravishda tayyorlangan xodim;

tibbiy bo‘linma yoki parvozlarning tibbiy ta’minotini tashkil etish uchun mas’ul shifokor;

parvozlarning qidiruv, avariya-qutqaruv ta’minot xizmati yoki parvozlarning avariya-qutqaruv ta’minoti uchun tegishli ravishda tayyorlangan mas’ul xodim;

aeronavigatsion ta’minot xizmati yoki aeronavigatsiya ta’minotini tashkil etish uchun tegishli ravishda tayyorlangan mas’ul xodim.

5. Ekspluatant quyidagilar uchun mas’ul boshqaruv xodimlariga ega bo‘lishi shart:

havo kemasidan aviatsiyada foydalanish va aviatsiya ishlarini tashkil etish qoidalariga rioya etish (fuqaro aviatsiyasi uchuvchisining amaldagi guvohnomasi bilan);

havo kemasiga texnik xizmat ko‘rsatishni tashkil etish va uning qoidalariga rioya etish;

parvozlarni tashkil etish, rejalashtirish va amalga oshirishning operativ nazoratini ta’minlash;

havoda tashishlar va/yoki aviatsiya ishlari ta’minlanishini tashkil etish;

aviatsiya xavfsizligini ta’minlash;

parvozlar xavfsizligini ta’minlash nazoratini tashkil etish.

6. Ekspluatant havo kemasining ekipajini tashkil etuvchi, ekspluatantning belgilangan parvozlar dasturini bajarish uchun yetarli miqdorda xodimlarga va havo kemasi ekspluatantining texnik xizmat ko‘rsatishni boshqarishga doir qo‘llanmasiga muvofiq havo kemasiga texnik xizmat ko‘rsatishni tashkil etish va bajarish uchun texnik-muhandis xodimlarga ega bo‘lishi shart.

7. Aviatsiya tarkibi va ekipajning xizmat ko‘rsatuvchi xodimlari, ekspluatantning texnik-muhandis xodimlari aviatsiya mutaxassisining kerakli malakaviy belgilar va ruxsatlar qayd etilgan amaldagi guvohnomalari bilan tasdiqlangan tegishli maxsus tayyorgarlikka va malakaga ega bo‘lishlari shart.

8. Ekspluatant normativ-huquqiy hujjatlarni, shuningdek, parvozlar xavfsizligini va aviatsiya xavfsizligini ta’minlashga doir axborotni olish, o‘z aviatsiya xodimlariga yetkazish hamda ularning ijrosini nazorat qilish tizimiga ega bo‘lishi shart.

9. Ekspluatant parvozlarning xavfsizligini boshqarish tizimiga ega bo‘lishi kerak. Ekspluatant parvozlarning xavfsizligini boshqarish tizimi doirasida rahbarlik va o‘z aviatsiya xodimlari tomonidan foydalanish uchun mo‘ljallangan parvozlarning xavfsizligiga doir hujjatlar tizimiga ega bo‘lishi shart.

Maksimal sertifikatlangan 27 000 kg dan ko‘proq og‘irlikdagi havo kemasi ekspluatanti parvozlarning xavfsizligini boshqarish tizimining tarkibiy qismi sifatida parvoz ma’lumotlarini tahlil qilish dasturini ishlab chiqishi va bajarishi shart.

10. Ekspluatant havoda tashishlar va/yoki aviatsiya ishlarini operativ boshqarish uchun har bir havo kemasi bilan aloqa mavjud bo‘lishini ta’minlashi kerak. Havo kemasi bilan aloqa ekspluatant tomonidan mustaqil ravishda yoki tegishli ishlarni bajarish huquqiga ega tashkilot bilan shartnoma asosida ta’minlanishi mumkin.

11. Ekspluatant xavfli yuklarni tashish uchun quyidagilarga ega bo‘lishi kerak:

xavfli yuklarni tashish qoidalari bo‘yicha malaka darajasini tasdiqlovchi sertifikatga, shuningdek, ekspluatant nomidan aviatsiyada xavfli yuklarni tashish uchun ruxsat berish (ruxsat berishni rad etish) hamda xavfli yuklarning sinfiga (toifasiga) qarab ularni tashish shartlari to‘g‘risida qaror qabul qilish huquqiga ega mas’ul mutaxassis;

aviatsiya tarkibi va ekipajning xizmat ko‘rsatuvchi xodimlarida xavfli yuklarni tashish qoidalari bo‘yicha malaka darajasini tasdiqlovchi sertifikat;

“O‘zaviatsiya” agentligi tomonidan tasdiqlangan xavfli yuklarni tashish bo‘yicha ta’lim va tartibotlarga doir qo‘llanma.

12. Ekspluatant o‘zi foydalanayotgan har bir havo kemasi:

parvozga yaroqli holatda saqlanishini;

rejalashtiriladigan parvoz uchun kerakli ishga yaroqli foydalanish va avariya uskunalariga ega bo‘lishini;

fuqaro havo kemasi parvozga yaroqliligining amaldagi sertifikatiga ega bo‘lishini ta’minlashi shart.

13. Ekspluatant quyidagi axborot hisobga olinishi va saqlanishini ta’minlashi shart:

havo kemasi hamda cheklangan resursli va xizmat muddatli barcha agregatlaridan umumiy foydalanish vaqti (tegishli ravishda soatlar, kalendar vaqti va sikllar);

barcha majburiy axborotning muvofiqligi, parvozga yaroqlilikni saqlash to‘g‘risidagi joriy ma’lumotlar;

modifikatsiyalar va ta’mirlashlar to‘g‘risida tegishli batafsil ma’lumotlar;

havo kemasi yoki uning agregatlari so‘nggi kapital ta’mirlashdan keyin ulardan foydalanish vaqti (tegishli ravishda soatlar, kalendar vaqti va sikllar) to‘g‘risida ma’lumotlar;

havo kemasiga texnik xizmat ko‘rsatish dasturining bajarilishi to‘g‘risida joriy ma’lumotlar;

texnik xizmat ko‘rsatish to‘g‘risidagi dalolatnomani imzolashda barcha talablar bajarilganligini tasdiqlovchi texnik xizmat ko‘rsatish to‘g‘risida batafsil ma’lumotlar.

Mazkur bandning yettinchi xatboshisidan tashqari axborot tegishli agregat foydalanishdan butkul olib tashlangandan so‘ng 90 kundan kam bo‘lmagan muddatda saqlanishi kerak. Ushbu bandning yettinchi xatboshisida ko‘rsatilgan axborot texnik xizmat ko‘rsatish to‘g‘risidagi dalolatnoma imzolangandan so‘ng eng kamida bir yil saqlanishi shart.

Ekspluatant o‘zgargan holatda, mazkur bandda qayd etilgan axborot yangi ekspluatantga taqdim qilinishi shart.

14. Maksimal sertifikatlangan og‘irligi 5 700 kg dan ko‘proq bo‘lgan havo kemasi ekspluatanti texnik xizmat ko‘rsatish va foydalanish tajribasini nazorat qilishi, umumlashtirishi va baholashi hamda havo kemasini ishlab chiquvchiga havo kemasining parvozga yaroqliligini ta’minlashga salbiy ta’sirni yuzaga keltiradigan yoki yuzaga keltirishi mumkin bo‘lgan ishdan chiqishlar, nosozliklar, nuqsonlar va boshqa hodisalar to‘g‘risidagi axborotni taqdim qilishi shart. Ekspluatant havo kemasini ishlab chiqaruvchidan parvozga yaroqliligini ta’minlashga doir barcha zarur ma’lumotlar va tavsiyalarni olib, ularni atroflicha tahlil qiladi va tegishli harakatlarni “O‘zaviatsiya” agentligi tomonidan belgilangan talablarga muvofiq amalga oshiradi.

15. Ekspluatantning havo kemasini barcha modifikatsiyalari va ta’mirlash ishlari havo kemasining parvozga yaroqliligiga doir talablarga javob berishi shart.

16. Ekspluatant havo kemasiga texnik xizmat ko‘rsatilgan va texnik xizmat ko‘rsatish to‘g‘risidagi tegishli dalolatnoma “O‘zaviatsiya” agentligi tasdiqlagan tashkilot tomonidan rasmiylashtirilgan holatda, havo kemasida parvozlarni amalga oshiradi.

Agar havo kemasiga texnik xizmat ko‘rsatish shartnomaga asosan havo kemasiga texnik xizmat ko‘rsatish tashkiloti tomonidan bajarilsa, ushbu shartnomaning texnik sohalari “O‘zaviatsiya” agentligi bilan o‘zaro muvofiqlashtirilishi shart.

17. Havo kemasi parvozga yaroqlilik me’yorlariga asosan va aviatsiyada havo kemasidan foydalanishga doir qo‘llanmadagi foydalanish cheklanishlari doirasida ishlatilishi shart.

18. Havo kemasi ekipajning uchuvchilar tarkibiga havo kemasi parvozining trayektoriyasini nazorat qilish, qoidalar bilan talab qilinadigan har qanday harakatlarni bajarish, kutilgan foydalanish sharoitlarida ushbu havo kemasiga tegishli foydalanish cheklovlariga rioya etish imkonini beradigan asbob-uskunalar bilan jihozlangan bo‘lishi shart.

19. Ekspluatant havo kemasining yuklanishini parvozlarni amalga oshirishga doir qo‘llanmaga va ekspluatantning tegishli foydalanish hujjatlariga qat’iy muvofiq ravishda amalga oshiradi.

20. Ekspluatant aviatsiya xodimlarining o‘z funksional vazifalari doirasida aviatsiya xavfsizligi chora-tadbirlari bilan tanishib chiqishlarini ta’minlaydi va ekspluatantning aviatsiya xavfsizligini ta’minlash dasturi xodimlar tomonidan bajarilishini tashkil etadi.

21. Ekspluatant ekipajining aviatsiya tarkibi xorijiy mamlakatlarning o‘z vazifalariga tegishli va uchib o‘tiladigan hududlarga, foydalaniladigan aerodromlarga va tegishli aeronavigatsion vositalarga (xalqaro parvozlarni bajarish uchun) qo‘llaniladigan qonunlari, qoidalari va tartibotlari bilan tanishib chiqishi shart.

22. Ekspluatant har bir foydalaniladigan havo kemasi ekipajining uchuvchilar tarkibini havo kemasidan foydalanishga doir qo‘llanma va aviatsiyada havo kemasidan foydalanishga doir qo‘llanma bilan ta’minlashi shart.

23. Ekspluatant ekipajining uchuvchilar tarkibi havo kemasi bortida ularning havo kemasi uchib o‘tadigan hududda qidiruv-qutqaruv xizmatlariga tegishli barcha zarur axborotga ega bo‘lishi shart.

24. Ekspluatant ekipajining uchuvchilar tarkibi radiotelefon aloqa yuritishda ishlatiladigan ingliz tilida so‘zlashishi va uni tegishli darajada tushunishi shart (xalqaro parvozlarni bajarish uchun).

25. Ekspluatant ekipajining uchuvchilar tarkibi va xizmat ko‘rsatuvchi tarkibi o‘zining muayyan vazifalari va javobgarliklari yuzasidan instruktajdan o‘tishlari shart.

26. Ekspluatant tashkiliy tuzilmani, boshqaruv va nazorat metodikasini o‘z ichiga oladigan yer ustida xizmat ko‘rsatish tizimiga ega bo‘lishi shart.

27. Ekspluatant O‘zbekiston Respublikasi qonunchilik hujjatlariga muvofiq majburiy turdagi sug‘urtalanishlarni ta’minlaydi.

28. Ekspluatant quyidagilarga ega bo‘lishi va ularni bajarishi shart:

“O‘zaviatsiya” agentligi tomonidan tasdiqlangan parvozlarni amalga oshirishga doir qo‘llanma, havo kemasi ekspluatantining texnik xizmat ko‘rsatishni boshqarishga doir qo‘llanmasi, parvozlarning xavfsizligini boshqarish tizimiga doir qo‘llanma, havo kemasidan foydalanishga doir qo‘llanma (har bir turdagi havo kemasi uchun), havo kemasi og‘irligi va markazlanishini rostlashga doir qo‘llanma, havo kemasiga yer ustida xizmat ko‘rsatishga doir qo‘llanma;

“O‘zaviatsiya” agentligi tomonidan tasdiqlangan aviatsiyada havo kemasidan foydalanishga doir qo‘llanma (har bir turdagi havo kemasi uchun), texnik xizmat ko‘rsatish dasturi (har bir turdagi havo kemasi uchun), ekipaj a’zolarining yer ustida va parvozdagi tayyorgarlik dasturi, minimal uskunalar ro‘yxati (har bir turdagi havo kemasi uchun), aviatsiya xavfsizligini ta’minlash dasturi.

Hujjatlar inson omili sohalari hisobga olingan holda, ishlab chiqiladi, ularning tuzilishi va mazmuni esa standartlar talablariga va Fuqaro aviatsiyasi xalqaro tashkiloti (IKAO) tomonidan tavsiya etiladigan amaliyotga muvofiq bo‘lishi shart.

29. Agar ekspluatant boshqa davlatda ro‘yxatdan o‘tkazilgan havo kemasidan foydalansa, u havo kemasi ro‘yxatdan o‘tkazilgan davlatga tegishli standartlar talablarini va Fuqaro aviatsiyasi xalqaro tashkiloti (IKAO) tomonidan tavsiya etiladigan amaliyotni bajarishi shart.

30. Ekspluatant o‘z faoliyatini amalga oshirishda O‘zbekiston Respublikasi fuqaro aviatsiyasi faoliyatini tartibga soluvchi normativ-huquqiy hujjatlar talablarini bajarishi shart;

jismoniy shaxslar uchun:

1. Ekspluatant havo kemasiga mulkka egalik huquqlarida yoki ekipajsiz ijara shartlarida ega bo‘lishi shart. Ekspluatantning asosiy faoliyat yuritish va havo kemasini joylashtirish manzili O‘zbekiston Respublikasi hududida bo‘lishi shart.

2. Ekspluatant fuqaro aviatsiyasi uchuvchisining kerakli malaka belgilari va ruxsatlar qayd etilgan amaldagi guvohnomalari bilan tasdiqlangan tegishli maxsus tayyorgarlikka va malakaga ega bo‘lishi shart.

3. Yuqoridagi talab va shartlarning 12, 15, 22, 23, 27 va 30-bandlari talablariga javob berishi va ularni bajarishi shart.

4. Ekspluatant “O‘zaviatsiya” agentligi tomonidan tasdiqlangan parvozlarni amalga oshirishga doir qo‘llanma, havo kemasidan foydalanishga doir qo‘llanma, aviatsiyada havo kemasidan foydalanishga doir qo‘llanma, havo kemasiga texnik xizmat ko‘rsatish dasturi va aviatsiya xavfsizligini ta’minlash dasturiga ega bo‘lishi va ularni bajarishi shart.

10.

Ruxsat etish xususiyatiga ega hujjatni berishda kelishiladigan organlar:

Mavjud emas

11.

Ruxsat etish xususiyatiga ega hujjatning amal qilish muddati:

3 yil

12.

Izoh:

1. Ekspluatant sertifikati “O‘zaviatsiya” agentligi tomonidan havo kemasidan foydalanish bilan bog‘liq fuqaro aviatsiyasida faoliyatni amalga oshirish uchun beriladi.

Ekspluatant sertifikati jismoniy shaxsga faqat uning shaxsiy ehtiyojlari uchun beriladi.

2. Vakolatli organ arizani ko‘rib chiqish muddati davomida amalga oshiriladigan o‘rganishlarni o‘tkazish uchun xarajatlar (xizmat safari va yo‘lda bo‘lgan vaqt uchun kundalik xarajatlar, mehmonxonalarda yashash xarajatlari, transport xarajatlari, kirish vizasini rasmiylashtirish va sug‘urta polisini sotib olish xarajatlari) talabgor (ariza beruvchi) tomonidan amalga oshiriladi.

3. Xalqaro fuqaro aviatsiyasi tashkilotining (IKAO) standartlari talablariga va tavsiya qilingan amaliyotga muvofiq “O‘zaviatsiya” agentligi talabgorga ruxsat etish xususiyatiga ega hujjatni berganlik uchun yig‘im to‘langan sanadan e’tiboran bir ish kunidan kechiktirmay, ekspluatant sertifikati asl nusxasini beradi.

4. Ekspluatant sertifikati “O‘zaviatsiya” agentligi direktori yoki “O‘zaviatsiya” agentligi direktorining buyrug‘i bilan vakolat berilgan mansabdor shaxs tomonidan imzolanadi va “O‘zaviatsiya” agentligining muhri bilan tasdiqlanadi.

5. Xalqaro parvozlarni amalga oshiruvchi fuqaro havo kemasi uchun ekspluatant sertifikati matni ingliz tilida bo‘lishi lozim.

6. Havo kemasining hujjati hisoblangan ekspluatant sertifikati nusxasi “O‘zaviatsiya” agentligining mas’ul mutaxassisi imzosi bilan tasdiqlanadi.

7. Ekspluatant sertifikatiga muvofiq rasmiylashtirilgan foydalanish xususiyatlari ilova qilinadi. Spetsifikatsiyalar tavsiflarning har bir varag‘i “O‘zaviatsiya” agentligi direktori yoki “O‘zaviatsiya” agentligi direktorining buyrug‘i bilan vakolat berilgan mansabdor shaxs tomonidan imzolanadi va “O‘zaviatsiya” agentligining muhri bilan tasdiqlanadi.

8. Ekspluatant sertifikati ikki yoki undan ko‘p yuridik (jismoniy) shaxslarga berilishi mumkin emas va boshqa shaxsga berilmaydi.

9. Ekspluatant faqat amaldagi ekspluatant sertifikati mavjud bo‘lgan holatda va foydalanish xususiyatlaridagi shartlar hamda cheklanishlarga muvofiq havo kemasidan fuqaro aviatsiyasida faoliyatni amalga oshirish maqsadlarida foydalanishi mumkin.

10. “O‘zaviatsiya” agentligi belgilangan tartibda ekspluatant sertifikatini berish uchun kerakli hujjatlarni va O‘zbekiston Respublikasining boshqa davlat organlaridagi ma’lumotlarni axborot hamkorligi tizimi vositasida, shu jumladan, elektron hujjat shaklida oladi.

11. Ekspluatant faoliyatini nazorat qilish ekspluatant sertifikatini berish uchun belgilangan ekspluatantning ruxsat beruvchi talablar va shartlarga muvofiqligini baholash maqsadida inspeksiya tekshiruvlarini o‘tkazish shaklida amalga oshiriladi.

Inspeksiya tekshiruvi “O‘zaviatsiya” agentligi tomonidan amalga oshiriladi. Inspeksiya tekshiruvining natijalari qonunchilikda belgilangan tartibda rasmiylashtiriladi.

12. Ekspluatant sertifikatini berish yoki uning berilishini rad qilish to‘g‘risida qaror qabul qilish uchun “O‘zaviatsiya” agentligi arizaga ilova qilinadigan hujjatlar baholanishini va ariza beruvchining sertifikatlash tekshiruvini amalga oshiradi.

13. Hujjatlarning baholanishida ularning butligi hamda ekspluatantga belgilangan faoliyatga doir ruxsat beruvchi talablar va shartlarga muvofiqligi tekshiriladi.

14. Sertifikatlash tekshiruvi ariza beruvchining havo kemasi joylashgan manzilda ruxsat beruvchi talablar va shartlarga muvofiqligini aniqlash maqsadida amalga oshiriladi.

15. Sertifikatlash tekshiruvi “O‘zaviatsiya” agentligi direktorining buyrug‘i bilan tayinlangan komissiya tomonidan o‘tkaziladi, ushbu buyruqda komissiya tarkibi, dasturi va tekshiruvni o‘tkazish muddatlari ko‘rsatiladi.

16. Hujjatlar va sertifikatsiyaviy tekshiruv baholanishi natijalariga asosan “O‘zaviatsiya” agentligi ariza beruvchiga ekspluatant sertifikatini beradi (yuboradi) yoki uni ekspluatant sertifikatini berish rad etilganligi haqida tegishli qaror qabul qilingan sanadan e’tiboran bir ish kunidan kechiktirmagan holda yozma shaklda xabardor qiladi.

17. Ekspluatant sertifikatining amal qilishini to‘xtatish uchun asos hisoblangan bir martalik qo‘pol qoida buzilishiga quyidagi holatlar tegishlidir:

havo kemasidan, dvigatellar yoki ularning agregatlaridan belgilangan resurslar va xizmat muddatlaridan yuqori foydalanish;

nosoz havo kemasida parvozlarni amalga oshirish;

maxsus tayyorgarlikka va/yoki tegishli amaldagi aviatsiya mutaxassisi guvohnomasiga ega bo‘lmagan shaxslarga parvozlarni amalga oshirish yoki aviatsiya texnikasiga xizmat ko‘rsatish uchun ruxsat berish;

uchuvchi ekipaj tarkibi a’zolari tomonidan belgilangan parvoz ish vaqti va dam olish vaqti me’yorlarining buzilishi;

havo kemasini tashkil etish, ta’minlash, undan foydalanish va parvozlarni amalga oshirish qoidalarining aviatsiya hodisasiga olib kelgan buzilishi;

uchuvchi ekipaj tarkibi a’zolarini tayyorlash, ta’minlash va malakasini oshirishga doir belgilangan majburiy talablarning buzilishi;

fuqaro aviatsiyasida tekshirilishi lozim bo‘lgan aviatsiya hodisalari va noxush voqealarni yashirish;

belgilangan tartibotlar buzilgan holda, havo kemasining tuzilishiga parvozlar xavfsizligiga ta’sir etuvchi o‘zgartishlarni kiritish;

aviatsiya xavfsizligi yuzasidan parvozdan oldingi tekshiruvdan o‘tkazilmagan yo‘lovchilarni, qo‘ldagi yuklarni, bagajni, yuklarni, pochtani, bort zaxiralarini tashish;

yo‘lovchilarni, bagajni yoki yuklarni tashish bo‘yicha foydalanish cheklovlari buzilishi, havo kemasining yuk ortish yoki yo‘lovchilar kabinalarining me’yordan yuqori yuklanishi.

18. Ekspluatantlar inspeksiya tekshiruvlari quyida belgilanganidan kam bo‘lmagan muddatlarda amalga oshiriladi:

perrondagi inspeksiya — uch oyda bir marta;

marshrutdagi (parvozdagi) inspeksiya — uch oyda bir marta;

asosiy obyektlar inspeksiyasi — yiliga bir marta.

19. Vakolatli organ arizani ko‘rib chiqish muddati davomida amalga oshiriladigan o‘rganishlarni o‘tkazish uchun xarajatlar (xizmat safari va yo‘lda bo‘lgan vaqt uchun kundalik xarajatlar, mehmonxonalarda yashash xarajatlari, transport xarajatlari, kirish vizasini rasmiylashtirish va sug‘urta polisini sotib olish xarajatlari) haqiqiy xarajatlar summasi bo‘yicha talabgor (ariza beruvchi) tomonidan yozma shartnomaga ko‘ra qoplanadi.

1.

Ruxsat etish xususiyatiga ega hujjatning nomi:

Fuqaro havo kemasi ro‘yxatdan o‘tkazilganligi to‘g‘risidagi guvohnoma

2.

Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar):

Fuqaro havo kemasini uchishga yaroqlilik sertifikatni olish chog‘ida taqdim etish

3.

Ariza beruvchilar toifasi:

Yuridik yoki jismoniy shaxslar

4.

Ruxsat etish tartib-taomillari sohasidagi vakolatli organ:

O‘zbekiston Respublikasi Transport vazirligi huzuridagi Fuqaro aviatsiyasi agentligi (“O‘zaviatsiya” agentligi)

5.

Ruxsat etish xususiyatiga ega hujjatni olish uchun taqdim qilinadigan hujjatlar:

1. Fuqaro havo kemasi ro‘yxatdan o‘tkazilganligi to‘g‘risidagi guvohnomani olish uchun:

a) ariza;

arizada quyidagilar aks ettiriladi:

1) (talabgorning) yuridik shaxsning to‘liq nomi yoki jismoniy shaxsning familiyasi, ismi, otasining ismi;

2) havo kemasi to‘g‘risidagi ma’lumotlar:

havo kemasining turi;

zavodda berilgan raqami;

ishlab chiqarilgan sanasi;

havo kemasini ishlab chiqaruvchi;

maksimal uchish vazni;

o‘rnatilgan dvigatellarning ishlab chiqaruvchisi (tashkilot nomi), turi va soni;

bazasi joylashgan manzil;

3) mulkdor to‘g‘risidagi ma’lumot:

yuridik shaxslar uchun:

tashkilotning tashkiliy-huquqiy shaklini ko‘rsatgan holda to‘liq nomi;

joylashgan joyi (pochta manzili);

telefon raqami / e-mail;

jismoniy shaxslar uchun:

familiyasi, ismi, otasining ismi;

fuqaroning shaxsini tasdiqlovchi hujjat ma’lumotlari;

yashash joyi manzili;

telefon raqami / e-mail;

b) havo kemasi turining sertifikati;

v) jismoniy yoki yuridik shaxsning fuqaro havo kemasiga bo‘lgan mulkiy huquqini yoki boshqa ashyoviy huquqni tasdiqlovchi hujjatlarning nusxalari (shu jumladan, shartnomalar);

g) havo kemasi xorijiy davlat havo kemalari reyestridan chiqarilganligi to‘g‘risida hujjat;

d) havo kemasi xorijiy davlatdan O‘zbekiston Respublikasiga kelganda, uchishga yaroqlilik eksport sertifikati.

2. Fuqaro havo kemasini O‘zbekiston Respublikasi Fuqaro havo kemalarining davlat reyestridan chiqarish uchun:

a) ariza;

arizada quyidagilar aks ettiriladi:

1) (talabgorning) yuridik shaxsning to‘liq nomi yoki jismoniy shaxsning familiyasi, ismi, otasining ismi;

arizani berish sababi:

2) havo kemasi to‘g‘risidagi ma’lumotlar:

havo kemasining turi;

milliy va ro‘yxatga olish belgilari;

zavodda berilgan raqami;

havo kemasini ishlab chiqaruvchi;

maksimal uchish vazni;

o‘rnatilgan dvigatellarning ishlab chiqaruvchi, turi va soni;

yangi egasi/mulkdorning nomi agar havo kemasi sotilsa yoki topshirilsa;

yangi ro‘yxatga oluvchi davlat, agar havo kemasi sotilsa yoki topshirilsa;

3) mulkdor to‘g‘risidagi ma’lumot:

yuridik shaxslar uchun:

tashkilotning tashkiliy-huquqiy shaklini ko‘rsatgan holda to‘liq nomi;

joylashgan joyi (pochta manzili);

telefon raqami / e-mail;

jismoniy shaxslar uchun:

familiyasi, ismi, otasining ismi;

fuqaroning shaxsini tasdiqlovchi hujjat ma’lumotlari;

yashash joyi manzili;

telefon raqami / e-mail;

b) ilgari berilgan hujjatlarning asl nusxalari:

fuqaro havo kemasi ro‘yxatdan o‘tkazilganligi to‘g‘risidagi guvohnoma;

fuqaro havo kemasining uchishga yaroqlilik sertifikati;

fuqaro havo kemalariga shovqinlar bo‘yicha sertifikat;

fuqaro havo kemalarining radio jihozlari uchun sertifikat;

v) fuqaro havo kemasining 24-bitli manzili (Fuqaro aviatsiyasi xalqaro tashkiloti (IKAO) identifikatsiya kodi) fuqaro havo kemasining radiojihozlar tizimidan chiqarilganligini tasdiqlovchi hujjat;

g) SELCAL tizimi ASRI (Aviation Spectrum Resources) kompaniyasining ro‘yxatidan chiqarilganligini tasdiqlovchi hujjat (agar ushbu tizim havo kemasida mavjud bo‘lsa);

d) avariya radiomayoqlari KOSPAS-SARSAT tizimining ro‘yxatidan chiqarilganligini tasdiqlovchi hujjat.

6.

Arizani ko‘rib chiqish uchun to‘lanadigan yig‘im miqdori:

Yig‘imlar summasi quyidagi tartibda taqsimlanadi:

10 foizi — O‘zbekiston Respublikasi Adliya vazirligining Davlat xizmatlarini rivojlantirish jamg‘armasiga;

11,25 foizi — Yagona interaktiv davlat xizmatlari portali orqali davlat xizmatlarini ko‘rsatganlik uchun, shuningdek, 0,5 foizi Yagona billing tizimi orqali davlat xizmatlari ko‘rsatganlik uchun Axborot-kommunikatsiya texnologiyalarini rivojlantirish jamg‘armasining elektron hukumat va raqamli iqtisodiyotning idoralararo loyihalarini moliyalashtirish bo‘yicha maxsus hisobvarag‘iga;

qolgan mablag‘larning 60 foizi — vakolatli organning hisobvarag‘iga, 40 foizi — O‘zbekiston Respublikasi Transport vazirligi huzuridagi Transport va logistikani rivojlantirish jamg‘armasiga yo‘naltiriladi.

7.

Ruxsat etish xususiyatiga ega hujjat berilganligi uchun undiriladigan yig‘im:

Bazaviy hisoblash miqdorining 7,8 baravari.

Yig‘im summasi quyidagi tartibda taqsimlanadi:

10 foizi — O‘zbekiston Respublikasi Adliya vazirligining Davlat xizmatlarini rivojlantirish jamg‘armasiga;

11,25 foizi — Yagona interaktiv davlat xizmatlari portali orqali davlat xizmatlarini ko‘rsatganlik uchun, shuningdek, 0,5 foizi Yagona billing tizimi orqali davlat xizmatlari ko‘rsatganlik uchun Axborot-kommunikatsiya texnologiyalarini rivojlantirish jamg‘armasining elektron hukumat va raqamli iqtisodiyotning idoralararo loyihalarini moliyalashtirish bo‘yicha maxsus hisobvarag‘iga;

qolgan mablag‘larning 60 foizi — vakolatli organning hisobvarag‘iga, 40 foizi — O‘zbekiston Respublikasi Transport vazirligi huzuridagi Transport va logistikani rivojlantirish jamg‘armasiga yo‘naltiriladi.

8.

Arizani ko‘rib chiqish muddati:

10 ish kuni.

Fuqaro havo kemasini xorijiy davlat hududida tekshirish amalga oshirilgan hollarda, muddat 30 ish kunigacha uzaytirilishi mumkin.

9.

Ruxsat etishga oid talab va shartlar:

a) fuqaro havo kemasining turiga tegishli bo‘lgan fuqaro havo kemasining uchishga yaroqliligi normalariga muvofiqligini ta’minlash;*

b) belgilangan resurslar va xizmat muddati doirasida fuqaro havo kemasidan foydalanish;*

v) fuqaro havo kemasida uning parvozlar xavfsizligiga tahdid solishi mumkin bo‘lgan konstruktiv o‘zgartirishlar yo‘qligini ta’minlash;*

g) O‘zbekiston Respublikasining aviatsiya qoidalariga rioya qilish.*

10.

Ruxsat etish xususiyatiga ega hujjatni berishda kelishiladigan organlar:

Mavjud emas

11.

Ruxsat etish xususiyatiga ega hujjatning amal qilish muddati:

Cheklanmagan

12.

Izoh:

1. Ushbu Pasportning qoidalari davlat va eksperimental havo kemalari, deltaplanlar, paraplanlar, parashyutlar, boshqarilmaydigan uchuvchisiz aerostatlar, uchuvchisiz uchish qurilmalari hamda meteorologik maqsadlarda ishlatiladigan uchuvchi sharlariga nisbatan tatbiq etilmaydi.

2. Guvohnomani berish yoki berishni rad etish to‘g‘risidagi qarorni qabul qilish uchun “O‘zaviatsiya” agentligining vakolatli shaxsi fuqaro havo kemasida tekshiruvni o‘tkazib, fuqaro havo kemasining texnik holatini tekshirish dalolatnomasini rasmiylashtiradi.

3. Vakolatli organ arizani ko‘rib chiqish muddati davomida o‘rganishlarni o‘tkazish uchun xarajatlar (xizmat safari va yo‘lda bo‘lgan vaqt uchun kundalik xarajatlar, mehmonxonalarda yashash xarajatlari, transport xarajatlari, kirish vizasini rasmiylashtirish va sug‘urta polisini sotib olish xarajatlari) talabgor (ariza beruvchi) tomonidan amalga oshiriladi.

4. Xalqaro fuqaro aviatsiyasi tashkilotining (IKAO) standartlari talablariga va tavsiya qilingan amaliyotga muvofiq “O‘zaviatsiya” agentligi talabgorga ruxsat etish xususiyatiga ega hujjatni berganlik uchun yig‘im to‘langan sanadan e’tiboran bir ish kunidan kechiktirmay guvohnomaning asl nusxasini beradi.

5. Xalqaro parvozlarni amalga oshiruvchi fuqaro havo kemasi uchun guvohnomaning matni ingliz tilida bo‘lishi lozim.

6. Parvozlarni amalga oshirish vaqtida guvohnoma havo kemasida bo‘lishi lozim. Amaldagi guvohnoma bo‘lmagan hollarda havo kemasida parvozlarni amalga oshirish taqiqlanadi.

7. O‘zbekiston Respublikasi hududidan tashqarida joylashgan fuqaro havo kemasiga guvohnoma quyidagi hollarda berilishi mumkin:

a) O‘zbekiston Respublikasi hududidan tashqarida fuqaro havo kemasini ekspluatatsiya qilishda;

b) havo kemasini sotib olishda (ijaraga olish).

8. Guvohnomani berish tartib-taomillari talabgorning yozma murojaati asosida “O‘zaviatsiya” agentligi direktorining buyrug‘i bilan vakolat berilgan mutaxassis tomonidan O‘zbekiston Respublikasi hududidan tashqarida amalga oshiriladi.

9. O‘zbekiston Respublikasi hududidan tashqarida guvohnomani berish tartib-taomillari bajarilgan taqdirda, talabgor oldindan taqdim qilmagan ushbu pasportning 5-bandiga muvofiq guvohnomani berish uchun arizaga ilova qilinadigan (talabgor tomonidan havo kemasini qabul qilganidan keyin rasmiylashtiriladigan) hujjatlar tekshiruv o‘tkaziladigan joyda talabgorning vakolatli mutaxassislari tomonidan taqdim etilishi mumkin.

10. Guvohnoma fuqaro havo kemasi O‘zbekiston Respublikasi Fuqaro havo kemalarining davlat reyestriga (keyingi o‘rinlarda — davlat reyestri) kiritilganligini va O‘zbekiston Respublikasining milliy mansubligiga ega ekanligini tasdiqlovchi hujjat hisoblanadi.

11. “O‘zaviatsiya” agentligi davlat reyestrini yuritadi.

12. Davlat reyestri qog‘oz va elektron shaklda yuritiladi. Qog‘oz shaklidagi yozuvlar bilan elektron shakldagi yozuvlar o‘rtasida nomuvofiqlik mavjud bo‘lgan taqdirda, qog‘oz shaklidagi yozuvlar ustuvorlikka egadir.

13. Davlat reyestrida mavjud bo‘lgan ma’lumotlar “O‘zaviatsiya” agentligining rasmiy veb-saytida joylashtiriladi va tanishib chiqish uchun ochiq bo‘ladi.

14. Fuqaro havo kemasi to‘g‘risidagi ma’lumotlar davlat reyestriga kiritilganda, fuqaro havo kemasiga ushbu kemaga qayd etiladigan davlat tanish va ro‘yxat belgilari tayinlanadi. Davlat tanish belgisi lotin alifbosining “UK” ikkita harfidan, ro‘yxat belgisi besh arab raqamlaridan tashkil topadi.

Fuqaro havo kemasiga tayinlangan davlat tanish va ro‘yxat belgilari, havo kemasining modifikatsiyasi va/yoki egasi o‘zgarishidan qat’i nazar, havo kemasini ekspluatatsiya qilinishi, butun muddati davomida saqlanib qoladi.

15. Davlat reyestriga kiritilgan fuqaro havo kemasi talabgorning murojaati asosida davlat reyestridan chiqariladi.

16. Taqdim etilgan hujjatlar asosida “O‘zaviatsiya” agentligi fuqaro havo kemasini davlat reyestridan chiqaradi va talabgorga fuqaro havo kemasi davlat ro‘yxatidan chiqarilganligi to‘g‘risidagi guvohnomani beradi. Fuqaro havo kemasi davlat reyestridan chiqarilgan taqdirda, fuqaro havo kemasi ro‘yxatdan o‘tkazilganligi to‘g‘risida guvohnoma avtomatik ravishda bekor qilinadi.

17. Talabgor fuqaro havo kemasi davlat ro‘yxatidan chiqarilganligi to‘g‘risida guvohnomani olganidan keyin fuqaro havo kemasiga qayd etilgan davlat tanish va ro‘yxat belgilarini havo kemasidan o‘chirib tashlaydi (yo‘q qiladi).

18. Fuqaro havo kemasi mulkdorining yozma murojaatiga ko‘ra Harakatlanuvchi uskunalarga nisbatan xalqaro kafolatlar to‘g‘risidagi konvensiya (Keyptaun, 2001 yil 16 noyabr) asosida fuqaro havo kemasini davlat reyestridan chiqarish tartib-taomillari amalga oshirilishi mumkin.

19. Hujjatlar qabul qilingan sanadan boshlab besh ish kunidan oshmagan muddatda fuqaro havo kemasini davlat reyestridan chiqarish va havo kemasi davlat ro‘yxatidan chiqarilganligi to‘g‘risida guvohnomani berish tartib-taomillari amalga oshiriladi.

20. Fuqaro havo kemasi ro‘yxatdan o‘tkazilganligi to‘g‘risidagi guvohnomada ko‘rsatilgan havo kemasi egasi/mulkdorining ma’lumotlari o‘zgartirilgan taqdirda, talabgor tomonidan fuqaro havo kemasi ro‘yxatdan o‘tkazilganligi to‘g‘risidagi guvohnomani qayta rasmiylashtirish uchun tasdiqlovchi hujjatlarni ilova qilgan holda, ariza berilishi shart.

21. Vakolatli organ arizani ko‘rib chiqish muddati davomida amalga oshiriladigan o‘rganishlarni o‘tkazish uchun xarajatlar (xizmat safari va yo‘lda bo‘lgan vaqt uchun kundalik xarajatlar, mehmonxonalarda yashash xarajatlari, transport xarajatlari, kirish vizasini rasmiylashtirish va sug‘urta polisini sotib olish xarajatlari) haqiqiy xarajatlar summasi bo‘yicha talabgor (ariza beruvchi) tomonidan yozma shartnomaga ko‘ra qoplanadi.

*Qo‘pol ravishda buzish deb hisoblanadigan talab va shartlar.

1.

Ruxsat etish xususiyatiga ega hujjatning nomi:

Fuqaro havo kemasining uchishga yaroqlilik sertifikati

2.

Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar):

Fuqaro aviatsiyasi xalqaro tashkiloti (IKAO) standartlari talablariga va tavsiya qilingan amaliyotga muvofiq fuqaro havo kemasidan foydalanish

3.

Ariza beruvchilar toifasi:

Yuridik yoki jismoniy shaxslar

4.

Ruxsat etish tartib-taomillari sohasidagi vakolatli organ:

O‘zbekiston Respublikasi Transport vazirligi huzuridagi Fuqaro aviatsiyasi agentligi (“O‘zaviatsiya” agentligi)

5.

Ruxsat etish xususiyatiga ega hujjatni olish uchun taqdim qilinadigan hujjatlar:

1. Uchishga yaroqlilik bo‘yicha standart sertifikatni olish uchun:

a) ariza;

arizada quyidagilar aks ettiriladi:

1) (talabgorning) yuridik shaxsning to‘liq nomi yoki jismoniy shaxsning familiyasi, ismi, otasining ismi;

2) havo kemasi:

3) arizani berish sababi;

4) havo kemasi to‘g‘risidagi ma’lumotlar:

havo kemasining turi;

davlat tanish va ro‘yxat belgilari;

zavodda berilgan raqami;

ishlab chiqarilgan joyi va sanasi;

dvigatellar / havo vintlari turi;

havo kemasi toifasi va/yoki qo‘llanilishi;

ta’mirlashlarning soni, joyi va oxirgi ta’mirlash sanasi;

havo kemasi bazirovka (arenda) joyi;

havo kemasi vaznini oxirgi o‘lchash sanasi va joyi;

bo‘sh havo kemasi vazni, kg Sentrovkasi (CAX), %;

jihozlangan havo kemasining bo‘sh vazni (Basic Empty Weight), kg Sentrovkasi (CAX), %;

maksimal uchish vazni, kg;

tayinlangan resurs va xizmat qilish muddati uzaytirishlarini hisobga olgan holda (soat/sikl/sana);

ta’mirlararo resursi va xizmat qilish muddati uzaytirishlarini hisobga olgan holda (soat/sikli/sana);

ekspluatatsiya boshlangan vaqtdan e’tiboran havo kemasining ishlagan vaqti (soat/sikli);

oxirgi ta’mirdan keyin havo kemasining ishlagan vaqti (soat/sikli);

5) dvigatellar to‘g‘risidagi ma’lumotlar: