O‘zbekiston Respublikasi Prezidentining “Ichimlik suv ta’minoti va oqova suv tizimini yanada takomillashtirish bo‘yicha qo‘shimcha chora-tadbirlar to‘g‘risida” 2023-yil 24-oktabrdagi PQ-343-son qaroriga muvofiq ichimlik suv ta’minoti va oqova suv tizimini yanada takomillashtirish bo‘yicha qo‘shimcha chora-tadbirlar belgilanishi munosabati bilan qonunchilik hujjatlarini muvofiqlashtirish maqsadida Vazirlar Mahkamasi qaror qiladi:

1. O‘zbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi o‘zgartirish va qo‘shimchalar kiritilsin:

ichimlik va oqova suv bo‘yicha xizmatlar uchun tariflarga ichimlik suv ta’minoti tashkilotining saqlash xarajatlarini kiritish;

Davlat budjeti hamda O‘zbekiston Respublikasi Tiklanish va taraqqiyot jamg‘armasi, shu jumladan, Sanoatni rivojlantirish jamg‘armasi mablag‘lari hisobidan amalga oshirilayotgan ichimlik va oqova suv yo‘nalishidagi loyihalar ekspertizasini takomillashtirish;

ichimlik suv ta’minoti va oqova suv sohasidagi investitsiya loyihalari ishlab chiqilishini takomillashtirish.

2. “O‘zsuvta’minot” AJ o‘n kun muddatda xalqaro moliya institutlari ishtirokida amalga oshirilayotgan loyihalarni jadallashtirish maqsadida jalb qilingan mablag‘larning maqsadli va samarali yo‘naltirilishi hamda ishlab chiqarish quvvatlari belgilangan muddatlarda ishga tushirilishi bo‘yicha “Yo‘l xaritasi”ni ishlab chiqib, tasdiqlash uchun Vazirlar Mahkamasiga kiritsin.

3. Mazkur qarorning bajarilishini nazorat qilish O‘zbekiston Respublikasi qurilish va uy-joy kommunal xo‘jaligi vaziri vazifasini bajaruvchi Sh.S. Xidoyatov zimmasiga yuklansin.

1. Vazirlar Mahkamasining 2014-yil 15-iyuldagi 194-son qarori bilan tasdiqlangan Iste’molchilarga suv ta’minoti va oqova suvni chiqarish xizmatlari ko‘rsatish qoidalarida:

a) 71-bandning uchinchi xatboshisi quyidagi mazmundagi jumla bilan to‘ldirilsin:

“Bunda yangi qurilayotgan ko‘p kvartirali uylarning sovuq suv hisoblagichlarini xonadon (kvartira)larning tashqarisida (zinapoyalar, yerto‘lalar va boshqa qismida) o‘rnatilgan holatlarda, javobgarlik ISKX tashkilotiga yuklanadi”;

b) 108-bandning birinchi xatboshisi quyidagi tahrirda bayon etilsin:

“108. I guruh iste’molchilari avans tariqasida kommunal xizmatlar uchun 2 oydan ko‘p bo‘lmagan muddatga to‘lovlarni avvaldan amalga oshirib qo‘ygan bo‘lsalar, ular shu vaqt mobaynida tariflarning o‘zgarishi tufayli to‘lanadigan qo‘shimcha to‘lovlardan ozod etiladilar”.

2. Vazirlar Mahkamasining 2015-yil 3-fevraldagi 19-son qarori bilan tasdiqlangan Aholi punktlarida davlat kapital qo‘yilmalari hisobiga moliyalashtiriladigan ichimlik suv ta’minoti va oqova suv xizmati obyektlarini qurish va rekonstruksiya qilishni tashkil etish tartibi to‘g‘risidagi nizom quyidagi tahrirdagi 11¹-band bilan to‘ldirilsin:

“11¹. Davlat budjeti va davlat tomonidan jalb qilingan barcha mablag‘lar hisobidan amalga oshirilayotgan ichimlik va oqova suv yo‘nalishidagi loyihalar “Loyihalar va import kontraktlarini kompleks ekspertiza qilish markazi” DUK tomonidan majburiy ravishda ekspertizadan o‘tkaziladi.

Barcha loyihalarda ichimlik va oqova suv inshootlari hamda tarmoqlaridagi suv hisobini raqamlashtirish bo‘yicha yechimlar, suv inshootlari va tarmoqlariga suv hisoblagichlarini o‘rnatish, ichimlik suv tarmoqlarini aholi xonadonlarigacha yetkazib berishda ushbu xonadonlarni yagona billing tizimiga ulagan holda hisoblagichlar o‘rnatishni aks ettirish majburiy ko‘rsatiladi.

Loyihalar bo‘yicha texnik topshiriq shartlarini ishlab chiqishda eng maqbul texnik yechimlar, o‘zioqar usuli, energiya tejaydigan zamonaviy materiallar va texnologiyalar keng qo‘llaniladi”.

3. Vazirlar Mahkamasining “Toshkent shahrining uy-joy kommunal infratuzilmasini boshqarishni takomillashtirish bo‘yicha qo‘shimcha chora-tadbirlar to‘g‘risida” 2019-yil 4-yanvardagi 5-son qarori 8-bandining to‘rtinchi xatboshisi chiqarib tashlansin.

4. Vazirlar Mahkamasining “Yevropa tiklanish va taraqqiyot banki ishtirokida “Xorazm viloyatida suv ta’minoti va kanalizatsiya tizimlarini modernizatsiya qilish” loyihasini amalga oshirish chora-tadbirlari to‘g‘risida” 2019-yil 7-maydagi 383-son qarorining 1-bandi “v” kichik bandidagi “4” va “2022” raqamlari tegishlicha “7” va “2025” raqamlari bilan almashtirilsin.

5. Vazirlar Mahkamasining “Yevropa tiklanish va taraqqiyot banki ishtirokida “Namangan viloyatida suv ta’minoti va kanalizatsiya tizimlarini modernizatsiya qilish” loyihasini amalga oshirish chora-tadbirlari to‘g‘risida” 2019-yil 7-maydagi 384-son qarorining 1-bandi “v” kichik bandidagi “4” va “2022” raqamlari tegishlicha “7” va “2025” raqamlari bilan almashtirilsin.

6. Vazirlar Mahkamasining “Koson va Muborak tumanlari markazlari hamda Kitob-Shahrisabz yerosti suv konidan suv olish quvuriga yaqin bo‘lgan qishloq aholi punktlarining suv ta’minoti tizimini rekonstruksiya qilish” loyihasini amalga oshirish chora-tadbirlari to‘g‘risida” 2019-yil 23-maydagi 427-son qarorining 1-bandi “g” kichik bandidagi “5” va “2023” raqamlari tegishlicha “7” va “2025” raqamlari bilan almashtirilsin.

7. Vazirlar Mahkamasining “Osiyo taraqqiyot banki ishtirokida “Toshkent viloyatining shahar va tumanlarida suv ta’minoti hamda kanalizatsiya tizimini rekonstruksiya qilish va qurish (2 bosqich)” loyihasini amalga oshirish chora-tadbirlari to‘g‘risida” 2019-yil 20-iyundagi 516-son qarorining 1-bandi to‘rtinchi xatboshisidagi “7” va “2025” raqam tegishlicha “8” va “2026” raqam bilan almashtirilsin.

8. Vazirlar Mahkamasining “Yevropa tiklanish va taraqqiyot banki ishtirokida “Toshkent shahrida suv quvurlari va kanalizatsiya tizimlarini modernizatsiya qilish” loyihasini amalga oshirish chora-tadbirlari to‘g‘risida” 2020-yil 27-yanvardagi 38-son qarorining 1-bandi “v” kichik bandidagi “4” va “2023” raqam tegishlicha “6” va “2025” raqam bilan almashtirilsin.

9. Vazirlar Mahkamasining “Yevropa tiklanish va taraqqiyot banki ishtirokida “Qashqadaryo viloyatining Qarshi shahri kanalizatsiya tizimini rekonstruksiya qilish va qurish” loyihasini amalga oshirish chora-tadbirlari to‘g‘risida” 2020-yil 14-apreldagi 220-son qarorining 1-bandi “v” kichik bandidagi “4” va “2023” raqamlari tegishlicha “6” va “2025” raqamlari bilan almashtirilsin.

10. Vazirlar Mahkamasining “Yevropa tiklanish va taraqqiyot banki ishtirokida “Xorazm viloyatining kanalizatsiya tizimini rekonstruksiya qilish va qurish” loyihasini amalga oshirish chora-tadbirlari to‘g‘risida” 2020-yil 14-apreldagi 221-son qarorining 1-bandi “v” kichik bandidagi “4” va “2023” raqamlari tegishlicha “6” va “2025” raqamlari bilan almashtirilsin.

11. Vazirlar Mahkamasining “Osiyo infratuzilma investitsiyalari banki ishtirokidagi “Buxoro viloyatining suv ta’minoti va kanalizatsiya tizimlarini rivojlantirish va modernizatsiya qilish” loyihasini amalga oshirish chora-tadbirlari to‘g‘risida” 2020-yil 12-avgustdagi 482-son qarorining 1-bandi “v” kichik bandidagi “4” va “2023” raqamlari tegishlicha “7” va “2026” raqamlari bilan almashtirilsin.

13. Vazirlar Mahkamasining 2023-yil 14-yanvardagi 16-son qarori bilan tasdiqlangan O‘zbekiston Respublikasi Investitsiya dasturini shakllantirish va amalga oshirish tartibi to‘g‘risidagi nizomning 13-bandi quyidagi mazmundagi uchinchi xatboshi bilan to‘ldirilsin:

“Ichimlik suv ta’minoti va oqova suv sohasida investitsiya loyihasi takliflari mahalliy hokimiyat vakillik organlari deputatlari tomonidan hududiy ichimlik suv ta’minoti tashkilotlari bilan birgalikda joylarga chiqqan holda tegishli aholi punktlarining faollari bilan muhokama qilinib, Qoraqalpog‘iston Respublikasi Jo‘qorg‘i Kengesi, xalq deputatlari viloyatlar hamda Toshkent shahar Kengashlarida muhokama qilishga kiritiladi”.