Organning nomi‎

Kichik biznesni rivojlantirishni qo‘llab-quvvatlash bo‘yicha vazifalari‎

Kichik va xususiy tadbirkorlikni rivojlantirishni rag‘batlantirish bo‘yicha respublika muvofiqlashtiruvchi kengashi ‎

‎‎Kichik biznesni hamda xususiy tadbirkorlikni rivojlantirishni rag‘batlantirish davlat siyosati amalga oshirilishini ta’minlash.
‎Davlat boshqaruvi organlari va bozor infratuzilmasining kichik biznesni hamda xususiy tadbirkorlikni rivojlantirishni qo‘llab-quvvatlash bo‘yicha faoliyatini muvofiqlashtirish:
‎investitsiya loyihalarini mablag‘ bilan ta’minlash, shu jumladan, xorijiy kredit liniyalari hisobiga mablag‘ bilan ta’minlash uchun kredit resurslaridan foydalanishda ularning kafolatlariga va imtiyozlariga rioya qilish.
‎Monitoringni tashkil etish va investitsiya loyihalarini va takliflarni tanlov asosida tanlab olish mexanizmini ishlab chiqish.
‎Investitsiya loyihalarini va takliflarini mablag‘ bilan ta’minlash mexanizmini ishlab chiqish, kreditlashning muammoli masalalarini hal qilish, bunda sansalorlik, buyruqbozlik va salbiy holatlarni bartaraf etish yuzasidan qattiq nazorat o‘rnatishni ta’minlash.
‎Mablag‘ bilan ta’minlash uchun qabul qilingan investitsiya loyihalarini hisobga olish tizimini tashkil etish, ularning amalga oshirilishini, ajratilgan kredit resurslarining samaradorligini va ulardan maqsadli foydalanilishini muntazam ravishda tahlil qilish. ‎

Qoraqalpog‘iston Respublikasi Vazirlar Kengashi, viloyatlar, shaharlar va tumanlar hokimliklari‎

‎Kichik biznes subyektlari uchun mahalliy soliqlar hamda yig‘imlar bo‘yicha imtiyozlar belgilash.
‎Kichik biznesni rivojlantirishning hududiy dasturlarini ishlab chiqish.
‎Kichik biznes korxonalari uchun turar-joy bo‘lmagan binolarni ijaraga berish va ularni sotuvga qo‘yish. ‎

O‘zbekiston Respublikasi Savdo-sanoat palatasi

O‘zbekiston Respublikasida tadbirkorlikni, eng avvalo kichik va xususiy tadbirkorlikni rivojlantirishga ko‘mak berish.
‎Xorijiy sheriklar bilan amaliy muzokaralar va aloqalarni kengaytirishda, eksportbop mahsulotlarini tashqi bozorlarga olib chiqishda, shuningdek raqobatbardosh tayyor mahsulotlar ishlab chiqarishni ta’minlaydigan yangi ishlab chiqarishlarni tashkil etish hamda faoliyat ko‘rsatayotgan ishlab chiqarishlarni texnik jihatdan qayta jihozlash uchun xorijiy investitsiyalarni to‘g‘ridan-to‘g‘ri jalb qilishda tadbirkorlarga yordam ko‘rsatish.
‎Boshqa davlatlarning savdo-sanoat palatalari hamda tadbirkorlar jamoat birlashmalari bilan hamkorlikni yo‘lga qo‘yish va rivojlantirish.
‎Tadbirkorlarga keng xizmat turlarini ko‘rsatish, jumladan axborot ta’minoti va konsultativ yordam berish, O‘zbekiston Respublikasi ishlab chiqaruvchilari, ular tomonidan ishlab chiqarilgan mahsulotlar hamda investitsiya imkoniyatlari to‘g‘risida axborotlar, shuningdek salohiyatli sheriklari va zamonaviy texnologiyalarni sotib olish imkoniyatlari to‘g‘risida ma’lumotlar kiritilgan biznes-kataloglar nashr etilishini tashkil qilish.
‎Tadbirkorlikni rivojlantirish uchun qulay muhitni shakllantirish, biznes yuritishning umum qabul qilingan xalqaro huquq va normalari tajribasini joriy etish chora-tadbirlarini amalga oshirish, tadbirkorlik faoliyatini amalga oshirishda huquqiy va iqtisodiy shart-sharoitlarni yaxshilashga yo‘naltirilgan qonunchilikni takomillashtirish yuzasidan takliflar tayyorlash.
‎Tadbirkorlarni ifodalash va ularning huquqlari hamda qonuniy manfaatlarini, shu jumladan ularning davlat va xo‘jalik boshqaruvi organlari bilan munosabatlarida, shuningdek sudda himoya qilish. Tadbirkorlik faoliyati uchun ta’lim tizimini rivojlantirish va kadrlar tayyorlashda, tadbirkorlar o‘qishini tashkil etish hamda malakasini oshirishda ularni qo‘llab-quvvatlash.

Tashqi iqtisodiy faoliyat milliy banki, “Asaka banki”, “Mikrokreditbank”, kredit beruvchi va kredit liniyalariga xizmat ko‘rsatuvchi tijorat banklari‎

Kichik biznes subyektlarini kreditlash uchun xorijiy kredit liniyalarini jalb etish.
‎O‘z mablag‘lari va jalb qilingan kredit resurslari, budjetdan tashqari jamg‘armalar, xalqaro moliya tashkilotlari va xorijiy banklar kredit liniyalari hisobidan kreditlar berish.
‎Investitsiya loyihalarini kompleks ekspertiza qilish.
‎Kredit mablag‘laridan maqsadli foydalanilishini nazorat qilish. Keng ko‘lamda bank xizmatlari ko‘rsatish (faktoring, lizing, kredit, kafolatlar berish va boshqalar).‎‎
‎

Budjetdan tashqari jamg‘armalar ‎

‎‎Kichik biznes subyektlariga kreditlar berish uchun tijorat banklarida kredit liniyalari ochish.
‎Kichik korxonalarning ustav kapitalida qatnashish.
‎Maslahat va axborot xizmatlari ko‘rsatish shaklida texnik yordam ko‘rsatish.
‎Infratuzilmani rivojlantirishga ko‘maklashish.
‎Olinadigan kreditlar va qo‘llab-quvvatlashning boshqa shakllari uchun kafolatlar, majburiyatlar va kafilliklar berish.‎‎

“Kafolat”, ‎“O‘zagrosug‘urta” sug‘urta kompaniyalari va boshqalar‎

‎‎Kichik biznes subyektlari tavakkalchiliklarini, shu jumladan, tuzilgan kontraktlarga oid tavakkalchiliklarni sug‘urta qilish.
‎Kreditlar olish, shu jumladan, xorijiy tijorat banklari kreditlarini olish uchun zarur bo‘lgan sug‘urta kafolatlari berish. ‎

O‘zbekiston Respublikasi Davlat aktivlarini boshqarish agentligi

Qo‘shma korxonalar tashkil etish, eksport mahsulotlarini sotish bozorlarini, jahon bozori konyunkturasi, mahsulot ishlab chiqarishning ilg‘or texnologiyalari to‘g‘risidagi axborot bilan ta’minlash uchun xorijiy sheriklar izlab topishda ko‘maklashish. Xo‘jalik yurituvchi subyektlarning qonuniy huquqlarini, manfaatlarini nohalol raqobatchilardan, davlat boshqaruvi organlarining, mahalliy davlat hokimiyati organlarining hamda ularning to‘lovga qobiliyatsizlik to‘g‘risidagi qonunchilikni buzgan mansabdor shaxslarining hujjatlari va harakatlaridan himoya qilishni o‘z vakolati doirasida amalga oshiradi.

O‘zbekiston Respublikasi Davlat soliq qo‘mitasi‎

‎‎Kichik tadbirkorlik subyektlariga ularning soliqlarni to‘g‘ri hisoblashida va buxgalteriya hisobini yuritishida yordam ko‘rsatish.
‎O‘zbekiston Respublikasi Prezidentining “Tekshirishlarni tartibga solish va nazorat qiluvchi organlar faoliyatini muvofiqlashtirishni takomillashtirish to‘g‘risida” 1996-yil 8-avgustdagi PF-1503-son Farmonining kichik biznes subyektlarini tekshirishlarni muvofiqlashtirish, xo‘jalik yurituvchi subyektlarni asossiz ravishda ko‘p martalab tekshirishlar tufayli korxonalarni ishlab chiqarish faoliyatidan uzoq vaqt chalg‘itilishiga yo‘l qo‘ymaslikka oid qismida qat’iy rioya qilinishini ta’minlash, shuningdek, kichik biznes va xususiy tadbirkorlik subyektlariga soliq solishning soddalashtirilgan tizimini joriy etish.‎

‎‎Yangi tashkil etilgan kichik biznes korxonalarini davlat registriga kiritish va ularga davlat ro‘yxatidan o‘tkazishning tegishli raqamini berish.
‎Kichik biznes subyektlari bo‘yicha davlat statistika hisobotini yuritish.
‎Tashkiliy-huquqiy shakllari va hududlar hamda tarmoqlar bo‘yicha kichik biznes korxonalarini tashkil etish, tugatish dinamikasini ular faoliyatining asosiy ko‘rsatkichlarini aks ettirgan holda tahlil qilish.‎

O‘zbekiston Respublikasi Markaziy banki ‎

‎‎Tijorat banklarida kichik biznes subyektlarining hisob-kitob schyotlarini ochishning, naq pul tushumi sifatida kichik biznes korxonalariga tushadigan naqd valyutalarni inkassatsiya qilishning umumiy tartibini belgilash.
‎Kichik biznes korxonalarini kreditlashning umumiy qoidalarini belgilash.‎

O‘zbekiston Respublikasi Adliya vazirligi‎

‎‎Adliya vazirligida, uning joylardagi organlarida davlat ro‘yxatidan o‘tkazish va vazirliklar, davlat qo‘mitalari, idoralar va joylardagi davlat hokimiyati organlarining kichik tadbirkorlik masalalariga oid me’yoriy hujjatlarini ommaviy axborot vositalarida e’lon qilish.
‎Qonunchilikning, shu jumladan, kichik biznesni rivojlantirish bilan bog‘liq masalalar bo‘yicha qonunchilikning bajarilishini nazorat qilishni ta’minlash.‎

O‘zbekiston Respublikasi Monopoliyaga qarshi kurashish qo‘mitasi

Xo‘jalik yurituvchi subyektlarning qonunchilikni, manfaatlarini nohalol raqobatchilardan, davlat boshqaruvi organlarining, mahalliy davlat hokimiyati organlarining hamda ularning raqobat to‘g‘risidagi, tabiiy monopoliyalar to‘g‘risidagi, iste’molchilarning huquqlarini himoya qilish to‘g‘risidagi, reklama to‘g‘risidagi qonunchilikni buzgan mansabdor shaxslarining hujjatlari va harakatlaridan himoya qilishni o‘z vakolati doirasida amalga oshiradi.