Oʻzbekiston Respublikasining “Qurol toʻgʻrisida”gi hamda 2022-yil 14-martdagi OʻRQ-759-son “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi qonunlari, Oʻzbekiston Respublikasi Prezidentining 2023-yil 31-maydagi PF-81-son “Ekologiya va atrof-muhitni muhofaza qilish sohasini transformatsiya qilish va vakolatli davlat organi faoliyatini tashkil etish chora-tadbirlari toʻgʻrisida”gi Farmoniga muvofiq Ekologiya, atrof-muhitni muhofaza qilish va iqlim oʻzgarishi vazirligi va Ichki ishlar vazirligi qaror qiladi:

1. Oʻzbekiston Respublikasi Tabiatni muhofaza qilish davlat qoʻmitasi va Ichki ishlar vazirligining 2012-yil 29-martdagi 3, 9-son qarori (roʻyxat raqami 2368, 2012-yil 22-may) (Oʻzbekiston Respublikasi qonun hujjatlari toʻplami, 2012-y., 21-son, 240-modda) bilan tasdiqlangan Qarovsiz qolgan hayvonlarni otib tashlash tartibi toʻgʻrisidagi yoʻriqnomaga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 1-banddagi “hayvonot dunyosidan maxsus foydalanish ruxsatnomalari” degan soʻzlar “yovvoyi hayvonlarni ovlash uchun ruxsatnomalar” degan soʻzlar bilan almashtirilsin.

2. 2-band quyidagi tahrirda bayon etilsin:

“2. Yovvoyi hayvonlarni ovlash uchun ruxsatnomalar Vazirlar Mahkamasining 2022-yil 22-fevraldagi 86-son qarori bilan tasdiqlangan Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari toʻgʻrisidagi yagona nizomga muvofiq beriladi.”.

3. 8-bandning “b” kichik banddagi “Mahalla posbonlari” jamoatchilik tuzilmalari aʼzolari” degan soʻzlar “profilaktika inspektorining jamoat tartibini saqlash boʻyicha yordamchisi va “Fidokor yoshlar” jamoatchilik patrul guruhlari aʼzolari” degan soʻzlar bilan almashtirilsin.

4. 12-bandidagi “Qoraqalpogʻiston Respublikasi Ichki ishlar vazirligi, viloyat ichki ishlar boshqarmasi yoki Toshkent shahar ichki ishlar bosh boshqarmasining (bundan buyon matnda ichki ishlar boshqarmalari deb yuritiladi) patrul-post xizmati va jamoat tartibini saqlash boʻlinmalari” degan soʻzlar “Qoraqalpogʻiston Respublikasi Ichki ishlar vazirligining, Toshkent shahar va Toshkent viloyati ichki ishlar bosh boshqarmalarining hamda viloyatlar ichki ishlar boshqarmalarining (bundan buyon matnda viloyat ichki ishlar boshqarmalari deb yuritiladi) jamoat xavfsizligi xizmati jamoat tartibini saqlash boshqarmasi” degan soʻzlar bilan almashtirilsin.

5. 13-bandning birinchi xatboshisi quyidagi tahrirda bayon etilsin:

“13. Hayvonlarni bevosita otib tashlash brigada tarkibiga kiritilgan ovchilik jamiyatlari xodimlari, havaskor ovchilar tomonidan ularga tegishli boʻlgan fuqaroviy oʻqotar ov quroli, oʻrmon, ovchilik, oʻrmon-ovchilik xoʻjaliklari, shuningdek muhofaza etiladigan tabiiy hududlari vakillari tomonidan ularga topshirilgan hududda, xizmat quroli orqali amalga oshiriladi.”.

6. 14-bandning ikkinchi xatboshisidagi “kesma stvolli (kombinatsiyalashtirilgan) oʻqotar ov qurolidan” degan soʻzlar “soyli stvolli oʻqotar ov qurolidan hamda kombinatsiyalangan (soyli stvolli va silliq stvolli) oʻqotar ov qurolidan, shu jumladan almashtiriladigan va joylashtiriladigan soyli stvolli oʻqotar ov qurolidan” degan soʻzlar bilan almashtirilsin.

7. 16-bandda:

“z” kichik banddagi “hayvonot dunyosidan maxsus foydalanish ruxsatnomalari” degan soʻzlar “yovvoyi hayvonlarni ovlash uchun ruxsatnomalar” degan soʻzlar bilan almashtirilsin.

“l” kichik banddagi “kesma stvolli (kombinatsiyalashtirilgan) oʻqotar ov qurolidan” degan soʻzlar “soyli stvolli oʻqotar ov qurolidan hamda kombinatsiyalangan (soyli stvolli va silliq stvolli) oʻqotar ov qurolidan, shu jumladan almashtiriladigan va joylashtiriladigan soyli stvolli oʻqotar ov qurolidan” degan soʻzlar bilan almashtirilsin;

8. 20-bandning birinchi xatboshisidagi “Mahalla posbonlari” jamoatchilik tuzilmalari aʼzolari” degan soʻzlar “profilaktika inspektorining jamoat tartibini saqlash boʻyicha yordamchisi va “Fidokor yoshlar” jamoatchilik patrul guruhlari aʼzolari” degan soʻzlar bilan almashtirilsin.

9. 22-bandi “a” kichik bandining toʻrtinchi xatboshisidagi “oʻqotar ov qurolining va unga oʻq-dorilarning” degan soʻzlar “oʻqotar ov quroli va uning oʻq-dorilari” degan soʻzlar bilan almashtirilsin.

10. 26-bandda:

yettinchi xatboshidagi “hayvonot dunyosidan maxsus foydalanish ruxsatnomasida” degan soʻzlar “yovvoyi hayvonlarni ovlash uchun ruxsatnomada” degan soʻzlar bilan almashtirilsin;

oʻn ikkinchi xatboshidagi “ekologiya va atrof-muhitni muhofaza qilish organlari” degan soʻzlar “ekologiya, atrof-muhitni muhofaza qilish va iqlim oʻzgarishi organlari” degan soʻzlar bilan almashtirilsin.

11. 27-bandda:

uchinchi xatboshi quyidagi tahrirda bayon etilsin:

“oʻzida ovchilik guvohnomasi hamda oʻqotar ov qurolini saqlash va olib yurish huquqini beruvchi tegishli ruxsatnomaga ega boʻlishga”;

yettinchi xatboshidagi “hayvonot dunyosidan maxsus foydalanish ruxsatnomasida” degan soʻzlar “yovvoyi hayvonlarni ovlash uchun ruxsatnomada” degan soʻzlar bilan almashtirilsin.

12. 28-bandda:

uchinchi xatboshidagi “Mahalla posbonlari” jamoatchilik tuzilmalari aʼzolari” degan soʻzlar “profilaktika inspektorining jamoat tartibini saqlash boʻyicha yordamchisi va “Fidokor yoshlar” jamoatchilik patrul guruhlari aʼzolari” degan soʻzlar bilan almashtirilsin;

beshinchi xatboshidagi “qurolni olib yurish, saqlash va qoʻllash” degan soʻzlar “oʻqotar ov qurolini saqlash va olib yurish” degan soʻzlar bilan almashtirilsin;

yettinchi xatboshidagi “hayvonot dunyosidan maxsus foydalanish ruxsatnomasida” degan soʻzlar “yovvoyi hayvonlarni ovlash uchun ruxsatnomada” degan soʻzlar bilan almashtirilsin.

13. 31-banddagi “patrul-post xizmati va jamoat tartibini saqlash boʻlinmalarining” degan soʻzlar “jamoat xavfsizligi xizmati jamoat tartibini saqlash boshqarmasi” degan soʻzlar bilan almashtirilsin.

14. 32-band quyidagi tahrirda bayon etilsin:

“32. Brigadalarga patronlarni taqsimlash va berish hududiy ekologiya, atrof-muhitni muhofaza qilish va iqlim oʻzgarishi organlari (Qoraqalpogʻiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, viloyatlar va Toshkent shahar Ekologiya, atrof-muhitni muhofaza qilish va iqlim oʻzgarishi vazirligi boshqarmalari), qishloq xoʻjaligi boshqarmalari (Qoraqalpogʻiston Respublikasi Qishloq xoʻjaligi vazirligi, viloyat qishloq xoʻjaligi boshqarmalari) hamda ovchilik jamiyati tomonidan tasdiqlanadigan taqsimlash normalariga muvofiq amalga oshiriladi. Taqsimlash normalarida brigada ixtiyoriga beriladigan patronlar turlari va soni koʻrsatilishi kerak.”.

15. 33-banddagi “Patrul-post xizmati va jamoat tartibini saqlash boshqarmasiga” degan soʻzlar “Jamoat xavfsizligi departamenti jamoat tartibini saqlash xizmatiga” degan soʻzlar bilan almashtirilsin.

16. 44-banddagi “Ekologiya va atrof-muhitni muhofaza qilish davlat qoʻmitasi, Qishloq va suv xoʻjaligi vazirligi” degan soʻzlar “Ekologiya, atrof-muhitni muhofaza qilish va iqlim oʻzgarishi vazirligi, Qishloq xoʻjaligi vazirligi” degan soʻzlar bilan almashtirilsin.

17. 46-banddagi “patrul-post xizmati va jamoat tartibini saqlash boʻlinmasi” degan soʻzlar “jamoat xavfsizligi xizmati jamoat tartibini saqlash boshqarmasi” degan soʻzlar bilan almashtirilsin.

18. 47-band quyidagi tahrirda bayon etilsin:

“47. Hisobotning birinchi va ikkinchi nusxalari viloyat (Qoraqalpogʻiston Respublikasi, Toshkent shahar) ovchilik jamiyatida hamda ichki ishlar boshqarmasining jamoat xavfsizligi xizmati jamoat tartibini saqlash boshqarmasida qoladi, uchinchi, toʻrtinchi va beshinchi nusxalari — tahlil qilish, umumlashtirish va mavjud materiallarga qoʻshib qoʻyish uchun hisobot yilidan keyingi yilning 30-yanvaridan kechikmay Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligiga, Ichki ishlar vazirligining Jamoat xavfsizligi departamenti jamoat tartibini saqlash xizmatiga, shuningdek ragʻbatlantirish choralarini koʻrish uchun Oʻzbekiston ovchi va baliqchilar sport birlashmasiga beriladi.”.

19. 48-bandning ikkinchi xatboshisidagi “Ekologiya va atrof-muhitni muhofaza qilish davlat qoʻmitasi” degan soʻzlar “Ekologiya, atrof-muhitni muhofaza qilish va iqlim oʻzgarishi vazirligi” degan soʻzlar bilan almashtirilsin.

20. 1-ilovaning uchinchi ustuni quyidagi tahrirda bayon etilsin:

“Patronlarni olgan shaxs F.I.O., lavozimi, pasportining yoki identifikatsiyalovchi ID-kartasining seriyasi, raqami, berilgan sanasi”.