2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasida O‘zbekiston Respublikasining konstitutsiyaviy tuzumi, suvereniteti, hududiy yaxlitligini muhofaza qilish, davlatning mudofaa qobiliyatini mustahkamlash, O‘zbekiston Respublikasi Qurolli Kuchlarining jangovar qudrati va salohiyatini oshirish xavfsizlik, millatlararo totuvlik va diniy bag‘rikenglikni ta’minlash hamda chuqur o‘ylangan, o‘zaro manfaatli va amaliy tashqi siyosat sohasidagi ustuvor yo‘nalishlar etib belgilangan.

O‘tgan davr mobaynida O‘zbekiston Respublikasi Qurolli Kuchlari nufuzini oshirish, shuningdek, harbiy xizmatchilarning o‘z muqaddas burchini sidqidildan ado etib, har qanday xavf-xatarga munosib zarba bera oladigan qudratli, tezkor va samarali kuchga aylanishiga qaratilgan keng ko‘lamli ishlar amalga oshirildi.

Bularning barchasi O‘zbekiston xalqida, ayniqsa, yoshlarda milliy armiya bilan faxrlanish tuyg‘usini, Vatan himoyachisidek sharafli kasbga hurmat-ehtirom hissini uyg‘otmoqda.

Shu bilan birga, bu borada belgilangan keng ko‘lamli islohotlarning muvaffaqiyatli amalga oshirilishi ma’lum darajada Qurolli Kuchlarning jangovar tayyorgarligi va salohiyatiga, shuningdek, sohaga oid qonunchilik bazasining takomillashtirib borilishiga bog‘liq.

O‘zbekiston Respublikasi Qurolli Kuchlari safini har tomonlama yetuk, sog‘lom, jismonan baquvvat, intellektual salohiyatli, vatanparvar harbiy xizmatchilar bilan butlash, ularning ongida milliy g‘urur, ona yurtga sadoqat va vatanparvarlik tuyg‘usini kuchaytirish, harbiy xizmatni o‘tash tartibini optimallashtirish, amalga oshirilayotgan islohotlarning huquqiy jihatdan ta’minlanishini takomillashtirish, shuningdek, Harakatlar strategiyasida belgilangan vazifalarni izchil ro‘yobga chiqarish maqsadida:

1. O‘zbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan O‘zbekiston Respublikasi fuqarolarining harbiy xizmatni o‘tash tartibi to‘g‘risidagi nizomga ilovaga muvofiq quyidagilarni nazarda tutuvchi o‘zgartirish va qo‘shimchalar kiritilsin:

Nizomda belgilangan qoidalarni fuqarolar tomonidan harbiy xizmatni o‘tash sohasidagi amaldagi qonunchilik hujjatlari bilan o‘zaro muvofiqlashtirish;

fuqarolar tomonidan harbiy xizmatni o‘tash sohasida korrupsiyaga sharoit yaratuvchi normalarni aniqlash va bartaraf etish mexanizmlarini takomillashtirish;

harbiy xizmatchilarni ijtimoiy himoya qilish mexanizmlarini, kafolat, imtiyoz va kompensatsiyalarni aniq belgilash.

2. Belgilansinki, mazkur qarorni amalga oshirish bilan bog‘liq xarajatlar O‘zbekiston Respublikasi Qurolli Kuchlari tarkibiga kiruvchi vazirlik va idoralarga har yili ajratiladigan budjet mablag‘lari, budjetdan tashqari mablag‘lar hamda qonunchilikda taqiqlanmagan boshqa manbalar hisobidan qoplanadi.

3. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.

1. 1-bandning to‘rtinchi xatboshisi quyidagi tahrirda bayon etilsin:

“fuqarolarning O‘zbekiston Respublikasi Qurolli Kuchlari (keyingi o‘rinlarda — Qurolli Kuchlar) safida, harbiy xizmatni o‘tash nazarda tutilgan vazirliklar, qo‘mitalar va idoralarda (keyingi o‘rinlarda — vazirliklar) chaqiruv va kontrakt bo‘yicha haqiqiy harbiy xizmatni o‘tashi, shuningdek, Qurolli Kuchlar rezervi (zaxirasi)dagi fuqarolar bilan bog‘liq munosabatlarni tartibga soladi”.

2. 2-bandda:

a) oltinchi va to‘qqizinchi xatboshilardagi “O‘zbekiston Respublikasi fuqarosi” so‘zlari “fuqaro” so‘zi bilan almashtirilsin;

b) o‘ninchi xatboshidagi “xizmat muddati” so‘zlari “xizmat yillari” so‘zlari bilan almashtirilsin;

v) o‘n birinchi xatboshidagi “vazirliklar tomonidan davlat va O‘zbekiston Respublikasi fuqarosi o‘rtasida” so‘zlari “vazirliklar orqali davlat bilan fuqaro o‘rtasida” so‘zlari bilan almashtirilsin;

g) o‘n to‘rtinchi xatboshi quyidagi tahrirda bayon etilsin:

“tashkiliy-shtat tadbirlari — shtat birligi (shu jumladan, harbiy xizmatchi lavozimini xodim (xizmatchi) lavozimiga yoki aksincha), harbiy unvon, lavozimning nomi, lavozim bo‘yicha harbiy-hisob ixtisosligi va tarif razryadining o‘zgarishi, tarkibiy yoki hududiy bo‘linmalarni (ushbu bo‘linmalarning tuzilmaviy birliklarini) qayta nomlash, qayta tashkil etishni (qo‘shib yuborish, birlashtirish, bo‘lib yuborish, qayta tuzish, ajratish) yoki tugatishni, shuningdek yangi shtatga o‘tkazishni nazarda tutuvchi chora-tadbirlar majmui”;

d) o‘n beshinchi xatboshidagi “O‘zbekiston Respublikasi Qurolli Kuchlarining nufuzini” so‘zlari “Qurolli Kuchlarning nufuzini” so‘zlari bilan almashtirilsin;

e) quyidagi mazmundagi o‘n oltinchi xatboshi bilan to‘ldirilsin:

“yozma ko‘rsatma — harbiy xizmatchining (harbiy xizmatga majbur fuqaroning) zimmasiga belgilangan muddatda tegishli harbiy qismga (mudofaa ishlari organiga) yetib borish majburiyatini yuklovchi rasmiy hujjat. Uning shakli, rasmiylashtirish tartibi va talablari vazirliklar tomonidan belgilanadi”.

3. 4-bandning ikkinchi va uchinchi xatboshilari, 41, 42 va 43-bandlar, 44-bandning birinchi xatboshisi, 47-band, 67-bandning “b” kichik bandi yettinchi xatboshisi, 92-bandning ikkinchi xatboshisi, 95-bandning “v” kichik bandi, 132, 188, 195, 201 va 208-bandlar, 220-bandning “a” kichik bandi, 246-bandning “j” kichik bandi, 278, 303, 305 va 308-bandlar, 316-bandning “b” kichik bandidagi tegishli son va kelishikdagi “muddatli harbiy xizmatchi” so‘zlari tegishli son va kelishikdagi “muddatli harbiy xizmat harbiy xizmatchisi” so‘zlari bilan almashtirilsin.

4. 4-bandda:

birinchi xatboshidagi “O‘zbekiston Respublikasi Qurolli Kuchlari” so‘zlari “Qurolli Kuchlar” so‘zlari bilan almashtirilsin;

to‘rtinchi xatboshi quyidagi tahrirda bayon etilsin:

“serjantlar tarkibiga mansub kontrakt bo‘yicha harbiy xizmatchilar ma’nan yetuk, harbiy burchni bajarishga ruhan tayyor bo‘lishi, harbiy kasbni mukammal bilishi, qurol-aslaha va harbiy texnikani mohirona qo‘llay olishi hamda uni saqlash va undan foydalanishda ehtiyotkor bo‘lishi kerak. Ularga bo‘linmalarda yuksak jangovar ruh, sog‘lom ma’naviy-ruhiy muhit yaratish, bo‘ysunuvchilarda Vatanga sodiqlik va vatanparvarlik tuyg‘ularini doimiy ravishda tarbiyalab borish, zarur ko‘nikmalarni hosil qilish va harbiy bilimlarini oshirib borish vazifalari yuklatiladi”.

5. 6-band quyidagi tahrirda bayon etilsin:

“6. Qurolli Kuchlarni kontrakt bo‘yicha harbiy xizmatchilar bilan butlash nomzodlarni harbiy-kasbiy saralash yo‘li bilan amalga oshiriladi, O‘zbekiston Respublikasi Prezidenti tomonidan tayinlanadigan shaxslar bundan mustasno.

Kontrakt bo‘yicha harbiy xizmatchilar lavozimlarini butlash uchun yuksak kasbiy tayyorgarlik va faoliyatida katta tajribaga ega bo‘lgan, harbiy xizmatda bo‘lishning belgilangan yosh chegarasiga yetmagan fuqarolarni, agar qonunchilikda boshqacha tartib nazarda tutilmagan bo‘lsa, O‘zbekiston Respublikasi Prezidenti huzuridagi Xavfsizlik kengashi apparati bilan kelishilgan holda vazirlik rahbarining qaroriga ko‘ra harbiy-kasbiy saralashdan o‘tkazmasdan, kontrakt bo‘yicha harbiy xizmatga qabul qilish mumkin.

Fan, madaniyat va sport arboblari orasidan nomzodlar hamda tor ixtisoslikdagi yuqori malakali mutaxassislar belgilangan tartibda saralashdan o‘tmasdan, kontrakt bo‘yicha harbiy xizmatga qabul qilinishi mumkin.

O‘zbekiston Respublikasi oliy harbiy ta’lim muassasalarining boshqaruv, ilmiy va professor-o‘qituvchilar tarkibidagi lavozimlarni malakali mutaxassislar bilan to‘ldirish uchun ilmiy darajaga (ilmiy unvonga) hamda kamida besh yillik ilmiy va pedagogik ish tajribasiga ega bo‘lgan fuqarolar harbiy-kasbiy saralashdan o‘tmasdan kontrakt bo‘yicha harbiy xizmatga qabul qilinishi mumkin”.

6. 11-band quyidagi tahrirda bayon etilsin:

“11. Kontrakt bo‘yicha harbiy xizmat — Qurolli Kuchlar safidagi haqiqiy harbiy xizmatga ixtiyoriy ravishda, harbiy xizmat nazarda tutilgan vazirliklar orqali davlat bilan tuziladigan kontraktga binoan kirgan fuqarolar bajaradigan harbiy xizmat turidir”.

7. 13-band quyidagi tahrirda bayon etilsin:

“13. Harbiy xizmatga birinchi marta chaqirilgan yoki ixtiyoriy ravishda (kontrakt bo‘yicha) kirgan fuqarolar davlat bayrog‘i oldida O‘zbekiston Respublikasining “Umumiy harbiy majburiyat va harbiy xizmat to‘g‘risida”gi Qonuniga muvofiq Vatanga qasamyod qabul qiladilar”.

8. 19-bandning “v” kichik bandi quyidagi tahrirda bayon etilsin:

“v) xizmat bo‘yicha cheklash ko‘rinishidagi jazo muddatini o‘tash davri, ushbu davrni harbiy xizmat muddatiga qo‘shish to‘g‘risida harbiy sud ajrimi mavjud bo‘lgan holatlar bundan mustasno”.

9. 22-band quyidagi tahrirda bayon etilsin:

“22. Harbiy xizmatchilar uchun quyidagi davrlarning bir kuni imtiyozli ravishda harbiy xizmatning uch kuniga teng hisoblanadi:

jangovar harakatlarda, jangovar vazifalarni bajarishda, terrorchilikka qarshi maxsus operatsiya o‘tkazishda yoki favqulodda holat rejimini ta’minlashda (saqlab turishda) ishtirok etgan davri;

jangovar harakatlarda, jangovar vazifalarni bajarishda, terrorchilikka qarshi maxsus operatsiya o‘tkazishda yoki favqulodda holat rejimini ta’minlashda (saqlab turishda) bevosita ishtirok etish natijasida shikastlanish (yaradorlik, jarohatlanish) va kasallanish sababli davolash muassasalarida uzluksiz bo‘lgan davri;

qonunga xilof ravishda ozodlikdan mahrum etish jazosiga hukm qilingan va keyinchalik reabilitatsiya etilganlarga — ushlab turilgan, ehtiyot chorasi sifatida qamoqda saqlangan yoki tibbiy muassasaga joylashtirilgan davri”.

10. 27 va 28-bandlar quyidagi tahrirda bayon etilsin:

“27. Muddatli harbiy xizmatga chaqirilgan zaxiradagi ofitserga mudofaa ishlari organi tomonidan harbiy xizmatni o‘tash joyi va yetib borish muddati ko‘rsatilgan yozma ko‘rsatma va zaruratga ko‘ra harbiy tashish hujjatlari taqdim etiladi.

28. Mudofaa ishlari organi boshlig‘ining yozma ko‘rsatmasiga muvofiq harbiy xizmatni o‘tash joyiga yetib kelgan zaxiradagi ofitser shu kunning o‘zida harbiy qism komandirining buyrug‘iga muvofiq shaxsiy tarkib ro‘yxatiga kiritiladi va barcha ta’minot turlariga qo‘yiladi”.

11. 31-bandning sakkizinchi xatboshisi chiqarib tashlansin.

12. 32-bandda:

ikkinchi xatboshidagi “xizmatchi nomzodlarini” so‘zlari “xizmatga nomzodlarni” so‘zlari bilan almashtirilsin;

uchinchi xatboshi chiqarib tashlansin.

13. 39-bandning “d” kichik bandi quyidagi tahrirda bayon etilsin:

“d) fuqaroga nisbatan jinoiy ish qo‘zg‘atilgan, tergovga qadar tekshiruv o‘tkazilayotgan, dastlabki tergov yoki surishtiruv olib borilayotgan, jinoiy ish sudda ko‘rilayotgan bo‘lsa (bu holatlarda nomzodni qayta ko‘rib chiqish tergovga qadar tekshiruv yoki jinoiy ish bo‘yicha yakuniy qaror qabul qilingandan so‘ng amalga oshiriladi)”.

14. 4-bobning 3-paragrafi nomidagi “xizmatchilari” so‘zi “xizmatchilari” so‘zi bilan almashtirilsin.

15. 44-bandning “a” kichik bandi quyidagi tahrirda bayon etilsin:

“a) unga nisbatan jinoiy ish qo‘zg‘atilgan, tergovga qadar tekshiruv o‘tkazilayotgan, dastlabki tergov yoki surishtiruv olib borilayotgan, jinoiy ish sudda ko‘rilayotgan bo‘lsa, tergovga qadar tekshiruv yoki jinoiy ish bo‘yicha yakuniy qaror qabul qilingunga qadar”.

16. 48-bandda:

birinchi xatboshidagi “quyidagilarni” so‘zi “quyidagi tadbirlarni” so‘zlari bilan almashtirilsin;

“b” kichik band o‘z kuchini yo‘qotgan deb hisoblansin;

“d” kichik band quyidagi tahrirda bayon etilsin:

“d) nomzodning kasbiy nuqtai nazardan muhim sifatlarini o‘rganish bo‘yicha vazirlik tomonidan belgilanadigan sinov (tekshiruv)ning boshqa turlari”.

17. 51 va 52-bandlar quyidagi tahrirda bayon etilsin:

“51. Saralash komissiyasining bayonnomasi u tasdiqlangan vaqtdan boshlab kadrlar organlari tomonidan bir yil davomida, harbiy-tibbiy komissiya tomonidan chiqarilgan xulosa tibbiy ko‘rikdan o‘tkazish sanasidan boshlab olti oy davomida amalga oshirish uchun haqiqiy hisoblanadi.

Saralash natijalari nomzodni saralashning o‘rnatilgan shakldagi kartasida aks ettiriladi.

52. Saralashdan muvaffaqiyatli o‘tgan nomzodlar garnizon (hududiy) harbiy-tibbiy komissiyalari tomonidan O‘zbekiston Respublikasi Qurolli Kuchlarida tinchlik va urush davrida tibbiy ko‘rikdan o‘tkazish to‘g‘risidagi nizom va sohaga oid boshqa qonunchilik hujjatlarida belgilangan tartibda tibbiy ko‘rikdan o‘tkaziladi. Bunda garnizon (hududiy) harbiy-tibbiy komissiyalariga harbiy qism yoki mudofaa ishlari organi tomonidan quyidagi hujjatlar taqdim etiladi:

saralash komissiyasi bayonnomasidan ko‘chirma;

shaxsini tasdiqlovchi hujjat (biometrik pasport yoki identifikatsiyalovchi ID-karta yoxud harbiy guvohnoma) nusxasi;

ruhiy-asab, teri-tanosil kasalliklari va narkologik dispanserlar, ftiziatriya va pulmonologiya (silga qarshi dispanserlar) hamda OITSga qarshi kurashish markazlari, shuningdek, Sanitariya-epidemiologik osoyishtalik va jamoat salomatligi xizmatining hududiy boshqarmalaridan ma’lumotnomalar;

ambulator ravishda davolangan bemorning tibbiy varaqasidagi oxirgi besh yil davomida olib borilgan qaydlardan ko‘chirma”.

18. 56-banddagi “vazirlik vakillari” so‘zlari “vazirliklar” so‘zi bilan almashtirilsin.

19. 57-bandning birinchi xatboshisi quyidagi tahrirda bayon etilsin:

“57. Nomzod vazirliklar tomonidan belgilangan tartibda muvofiqlashtirishdan (maxfiy ma’lumotlar bilan ishlash uchun belgilangan shakldagi ruxsatnomaga ega nomzodlar bundan mustasno) yoki maxsus tekshiruvdan o‘tadi, zarurat tug‘ilganda esa — davlat siri bo‘lgan ma’lumotlar bilan ishlash uchun ruxsatnoma rasmiylashtiriladi”.

20. 64-banddagi “yo‘llanma” so‘zi “yozma ko‘rsatma” so‘zlari bilan almashtirilsin.

21. 67-bandning birinchi xatboshisidagi “Fuqarolarni (harbiy xizmatchilarni) kontrakt” so‘zlari “Kontrakt” so‘zi bilan almashtirilsin.

22. 70-bandning uchinchi xatboshisidagi “darajadagi” so‘zi “darajali” so‘zi bilan almashtirilsin.

23. 71-band quyidagi tahrirda bayon etilsin:

“71. Kontrakt yozma shaklda mazkur Nizomga ilovalarda keltirilgan harbiy xizmatni o‘tash to‘g‘risidagi namunaviy kontraktlarga muvofiq quyidagi tartibda tuziladi:

1-ilovaga muvofiq — ofitserlar tarkibi bilan;

2-ilovaga muvofiq — oddiy askar va serjantlar tarkibi bilan;

3-ilovaga muvofiq — kursantlar tarkibi bilan.

Harbiy xizmat uchun tuzilgan kontraktning kuchga kirgani komandirning (boshliqning) buyrug‘i bilan e’lon qilinadi”.

24. 73-bandning ikkinchi va uchinchi xatboshilari chiqarib tashlansin.

25. 75-bandda:

ikkinchi xatboshidagi “, O‘zbekiston Respublikasi Prezidenti tomonidan lavozimga tayinlangan harbiy xizmatchilar bundan mustasno” so‘zlari chiqarib tashlansin;

beshinchi xatboshi quyidagi tahrirda bayon etilsin:

“attestatsiya komissiyasining qaroriga ko‘ra”.

26. 83-banddagi ikkinchi jumla chiqarib tashlansin.

27. 92-band quyidagi tahrirda bayon etilsin:

“92. Kontrakt oliy harbiy ta’lim muassasasiga o‘qishga kirgan fuqarolar bilan ular ushbu ta’lim muassasasining shaxsiy tarkibi ro‘yxatiga kiritilgan kuni tuziladi.

Oliy harbiy ta’lim muassasalari kursantlari o‘qishga qabul qilingan yili boshlang‘ich harbiy tayyorgarlik dasturi bo‘yicha yig‘inlarni o‘tagandan so‘ng O‘zbekiston Respublikasining “Umumiy harbiy majburiyat va harbiy xizmat to‘g‘risida”gi Qonuniga muvofiq Vatanga qasamyod qabul qiladilar.

Oliy harbiy ta’lim muassasalarining kursantlari o‘qish muddati davomida muddatli harbiy xizmat harbiy xizmatchilari uchun qonunchilikda belgilangan huquq va imtiyozlardan foydalanadilar.

Kontrakt bo‘yicha harbiy xizmatchilar orasidan bo‘lgan oliy harbiy ta’lim muassasalarining oilali yoki qaramog‘ida shaxslari bo‘lgan kursantlarida oila a’zolari va qaramog‘idagi shaxslarning ular bilan birgalikda yashash sharti bilan, turarjoy xonalarining ijarasi uchun har oyda to‘lanadigan pul badalini o‘qish joyi bo‘yicha olish huquqi saqlanib qoladi”.

28. 95-bandning “a” kichik bandidagi “yo‘llanma” so‘zi “yozma ko‘rsatma” so‘zlari bilan almashtirilsin.

29. 97-band quyidagi mazmundagi “d”, “e” va “j” kichik bandlar bilan to‘ldirilsin:

“d) oddiy askar va serjantlar tarkibiga mansub kontrakt bo‘yicha harbiy xizmatchilarga boshlang‘ich ofitserlik harbiy unvoni berilganda;

e) oliy harbiy ta’lim muassasalaridan o‘qishdan chetlashtirilgan:

kontrakt bo‘yicha harbiy xizmatchilar bilan — harbiy xizmatni davom ettirish uchun harbiy qismga kelganda;

kursantlar bilan — oddiy askarlar tarkibi lavozimlarida kontrakt bo‘yicha harbiy xizmatni davom ettirish uchun harbiy qismga kelganda;

j) harbiy xizmatchilar uch oydan ortiq bo‘lgan muddatda xorijiy davlatlarning ta’lim muassasalarida tahsil olib kelganda”;

oltinchi xatboshi o‘n birinchi xatboshi deb hisoblansin;

o‘n birinchi xatboshidagi “hududidan tashqariga” so‘zlaridan keyin “uch oydan ko‘p bo‘lgan muddatga” so‘zlari bilan to‘ldirilsin.

30. 100-bandda:

a) “b” kichik banddagi “yo‘llanma” so‘zi “yozma ko‘rsatma” so‘zlari bilan almashtirilsin;

b) quyidagi mazmundagi “v”, “r” va “d” kichik bandlar bilan to‘ldirilsin:

“v) boshlang‘ich ofitserlik harbiy unvoni berilgan oddiy askar va serjantlar tarkibiga mansub kontrakt bo‘yicha harbiy xizmatchilar bilan — harbiy unvon berilganligi to‘g‘risida shaxsiy tarkib bo‘yicha buyruq harbiy qismga kelgandan so‘ng uch kun muddatda;

g) oliy harbiy ta’lim muassasalaridan o‘qishdan chetlashtirilgan:

kontrakt bo‘yicha harbiy xizmatchilar bilan — harbiy xizmatni davom ettirish uchun harbiy qismga yetib kelgandan so‘ng uch kun muddatda;

kursantlar bilan — oddiy askarlar tarkibi lavozimlarida kontrakt bo‘yicha harbiy xizmatni davom ettirish uchun harbiy qismga yetib kelgandan so‘ng uch kun muddatda;

d) xorijiy davlatlarning ta’lim muassasalarida uch oydan ortiq bo‘lgan muddatda tahsil olib kelgan harbiy xizmatchilar bilan — o‘qishni tugatib harbiy qismga yetib kelgandan so‘ng uch kun muddatda”.

31. 102-banddagi “harbiy qism qo‘mondonligi” so‘zlari “komandir (boshliq)” so‘zlari bilan almashtirilsin.

32. 104-bandning ikkinchi xatboshisidagi “to‘g‘risida qaror qabul qilish” so‘zlari chiqarib tashlansin.

33. 105 va 106-bandlar quyidagi tahrirda bayon etilsin:

“105. Komandirning (boshliqning) qarori mazkur Nizomning 177-bandi talablariga muvofiq harbiy xizmatchiga yozma ravishda yetkaziladi.

106. Yangi kontrakt tuzish bo‘yicha qaror qabul qilingan harbiy xizmatchi amaldagi kontrakt muddati tugagan kunning ertasiga kontrakt tuzish va uni imzolash uchun komandir (boshliq) huzuriga taklif etiladi”.

34. 109 va 110-bandlar quyidagi tahrirda bayon etilsin:

“109. Yangi kontrakt tuzish imkoniyatini istisno qiluvchi quyidagi obyektiv holatlarda kontrakt bo‘yicha harbiy xizmatchi oldingi kontrakt bo‘yicha harbiy xizmat o‘tashni davom ettiradi:

asirda bo‘lgan yoki garovda ushlab turilgan davrda;

xizmat safarida bo‘lganda yoki jangovar-xizmat vazifalarini bajarayotganda;

statsionar davolanishda bo‘lgan davrda;

qonunchilikda belgilangan va tomonlarning ixtiyoriga bog‘liq bo‘lmagan boshqa holatlarda.

Ko‘rsatib o‘tilgan holatlar tugagandan so‘ng ushbu kontrakt bo‘yicha harbiy xizmatchilar bilan ikki oy muddat davomida belgilangan tartibda yangi kontrakt tuziladi yoki ular harbiy xizmatdan bo‘shatiladi.

110. Kontrakt bo‘yicha harbiy xizmatchiga o‘tagan xizmat yillaridan (kalendar hisobida) kelib chiqqan holda, kontrakt bo‘yicha uzluksiz harbiy xizmati uchun birinchi uch yilga, agar qonunchilikda boshqacha tartib nazarda tutilmagan bo‘lsa, ikki oylik pul ta’minoti maoshlari (harbiy unvon bo‘yicha maoshi va lavozim maoshi yig‘indisi) miqdorida va uzluksiz xizmatning keyingi yillaridagi har ikki yili uchun xuddi shu miqdorda bir martalik pul mukofoti beriladi”.

35. 111-bandning “v” kichik bandidagi “darajadagi” so‘zi “rang” so‘zi bilan almashtirilsin.

36. 114-band quyidagi tahrirda bayon etilsin:

“114. Harbiy xizmatda bo‘lishning belgilangan yosh chegarasiga yetgan harbiy xizmatchi tibbiy ko‘rikdan o‘tish uchun harbiy qism qo‘mondonligi tomonidan harbiy-tibbiy komissiyaga yuborilishi kerak. Harbiy-tibbiy komissiya xulosasi ushbu harbiy xizmatchining harbiy xizmat muddati tugashidan kamida uch oy oldin harbiy qismga kelib tushishi zarur”.

37. 115-banddagi “, bu to‘g‘rida harbiy xizmatchi yozma ravishda xabardor qilinishi” so‘zlari chiqarib tashlansin.

38. 123-bandning birinchi xatboshisi quyidagi tahrirda bayon etilsin:

“123. Harbiy xizmatchilarni yuqori harbiy lavozimlarga tayinlash ularning kasbiy va axloqiy sifatlari, ishchanlik qobiliyatlari, jangovar-xizmat faoliyatida erishgan natijalariga muvofiq izchillik bilan amalga oshiriladi”.

39. 127-bandda:

“d” kichik band “cheklangan” so‘zidan keyin “holda” so‘zi bilan to‘ldirilsin;

“e” kichik banddagi “belgilangan” so‘zi “belgilanadigan” so‘zi bilan almashtirilsin;

“z” kichik band quyidagi tahrirda bayon etilsin:

“z) intizomiy jazo qo‘llash tartibida lavozimi pastlatilgan harbiy xizmatchilar lavozimi pastlatilgan kundan kamida bir yil o‘tib, tegishli komandir (boshliq)larning iltimosnomasiga asosan ijobiy tavsifnoma bo‘lgan taqdirda, pastlatilganidan oldin egallagan lavozimidan yuqori bo‘lmagan lavozimlarga tayinlanishlari mumkin”;

“l” kichik band “cheklangan” so‘zidan keyin “holda” so‘zi bilan to‘ldirilsin;

“n” kichik bandidagi “tibbiy xulosaga” so‘zlari “harbiy-tibbiy komissiya xulosasiga” so‘zlari bilan almashtirilsin.

40. 128-band quyidagi tahrirda bayon etilsin:

“128. Ofitserlar tarkibini lavozimlarga tayinlashda quyidagi shartlarga amal qilinadi:

a) bakalavriat yo‘nalishlari bo‘yicha oliy (oliy harbiy) ta’lim muassasalari bitiruvchilari ushbu muassasalarni tamomlaganlaridan so‘ng tegishli vakant harbiy lavozimlarga tayinlanadi;

b) magistratura mutaxassisliklari bo‘yicha O‘zbekiston Respublikasi va xorijiy davlatlarning oliy (oliy harbiy) ta’lim muassasalarini tugatgan yoki oliy ta’limdan keyingi ta’limni tugatib, doktorlik dissertatsiyasini (PhD, DSc) himoya qilgan ofitserlar tarkibiga mansub shaxslar mazkur ta’lim muassasalariga kirgunga qadar egallagan lavozimini hisobga olgan holda, vazirliklar rahbarlari tomonidan tasdiqlangan ro‘yxat bo‘yicha, asosan magistr ma’lumotiga yoki ilmiy darajasiga ega bo‘lgan shaxslar egallashi lozim bo‘lgan harbiy lavozimlarga tayinlanadi. Ko‘rsatib o‘tilgan harbiy lavozimlarga tayinlashning imkoni bo‘lmaganda, bunday harbiy xizmatchilar boshqa, ammo avval egallagan lavozimlardan past bo‘lmagan harbiy lavozimlarga tayinlanishi mumkin;

v) zaxiradan muddatli harbiy xizmatga chaqirilgan va tegishli komandirlar (boshliqlar) ixtiyoriga yuborilgan ofitserlar mudofaa ishlari bo‘yicha bo‘lim boshlig‘ining yozma ko‘rsatmasida ko‘rsatilgan harbiy xizmatni o‘tash joyiga jo‘nagan kundan boshlab bir oydan kechikmagan muddatda harbiy lavozimlarga tayinlanadi”.

41. 129-bandda:

“a” kichik band “muassasasi” so‘zidan keyin “(ta’limning sirtqi shakliga o‘qishga qabul qilinganlar bundan mustasno)” so‘zlari bilan to‘ldirilsin;

“b” kichik banddagi “O‘zbekiston Respublikasi Qurolli Kuchlari Akademiyasi hamda respublika va xorijiy davlatlarning unga” so‘zlari “respublika va xorijiy davlatlarning oliy harbiy ta’lim muassasalari hamda ularga” so‘zlari bilan almashtirilsin.

42. 132-band quyidagi tahrirda bayon etilsin:

“132. Muddatli harbiy xizmat harbiy xizmatchilari bir xizmat joyidan boshqasiga ularning roziligisiz o‘tkaziladi. Bunda xizmat joyini o‘zgartirish quyidagi tartibda amalga oshiriladi:

a) harbiy qism doirasida — harbiy qism komandirining buyrug‘i bilan;

b) qo‘shilma doirasida — qo‘shilma komandirining buyrug‘i bilan;

v) birlashma doirasida — birlashma shtabi boshlig‘ining buyrug‘i bilan;

g) bir birlashmadan boshqasiga va Qurolli Kuchlarning bir turidan boshqasiga (bir vazirlik tizimida) — vazirlik rahbari tegishli o‘rinbosarining buyrug‘i bilan;

d) bir vazirlikdan boshqasiga — O‘zbekiston Respublikasi Qurolli Kuchlari Bosh shtabi boshlig‘ining buyrug‘i bilan, O‘zbekiston Respublikasi Prezidentining qarorida nazarda tutilgan hollar bundan mustasno;

e) Qurolli Kuchlar miqyosida — O‘zbekiston Respublikasi Prezidentining qarori bilan”.

43. 135-banddagi “navbatdagi” so‘zi chiqarib tashlansin.

44. 136-band quyidagi tahrirda bayon etilsin:

“136. Oliy harbiy ta’lim muassasasidan, shuningdek, o‘qish harbiy xizmatga tenglashtirilgan ta’lim muassasasidan o‘qishdan chetlashtirilgan kursantlar rezervga bo‘shatiladi yoki iste’foga chiqariladi yoxud ular, agar muddatli harbiy xizmat uchun belgilangan muddatlarni o‘tamagan bo‘lsalar, muddatli harbiy xizmatni o‘tashni davom ettirish uchun qo‘shin qismlariga yuboriladi.

Oliy harbiy ta’lim muassasasidan o‘qishdan chetlashtirilgan kunda chaqirilish yoshiga yetmagan kursantlar harbiy ro‘yxatda turish uchun turar joylaridagi mudofaa ishlari organlariga yuboriladi.

O‘qishning ikkinchi va keyingi yillarida oliy harbiy ta’lim muassasasidan chetlashtirilgan kursantlar (intizomsizligi va sog‘lig‘ining holatiga ko‘ra chetlashtirilganlar bundan mustasno) oddiy askarlar va serjantlar tarkibi lavozimlarida kontrakt bo‘yicha harbiy xizmatni davom ettirishi mumkin”.

45. 137-bandda “bundan mustasno)” so‘zlaridan keyin “va” so‘zi bilan to‘ldirilsin.

46. 144-bandning ikkinchi xatboshisi quyidagi tahrirda bayon etilsin:

“Boshqa hollarda harbiy xizmatchining lavozim majburiyatlarini vaqtincha bajarishni boshqa harbiy xizmatchiga yuklash harbiy qism komandiri yoki bevosita yuqori turuvchi komandir (boshliq) tomonidan amalga oshiriladi”.

47. 146-bandda:

“a” kichik bandning ikkinchi xatboshisi quyidagi tahrirda bayon etilsin:

“Bunda harbiy xizmatchiga quyidagi to‘lovlar amalga oshiriladi: harbiy unvon maoshi, oxirgi egallagan asosiy lavozimi bo‘yicha lavozim maoshi, xizmat yillari uchun ustama, maxsus moddiy rag‘batlantirish jamg‘armasi hisobidan ustama (15 foizgacha), bir yo‘la to‘lanadigan pul ta’minoti, qonunchilikda belgilangan tartibda oziq-ovqat payogi uchun kompensatsiya puli va turar joyni ijaraga olganlik (ijarada turganlik) uchun pul kompensatsiyasi, shuningdek, Mudofaa vazirligida xizmatni o‘tayotganligi uchun ustama”;

“e” kichik band quyidagi tahrirda bayon etilsin:

“e) harbiy xizmatchi olti oydan ko‘proq muddatga tayyorgarlik, qayta tayyorgarlik va malaka oshirish kurslariga, O‘zbekiston Respublikasi oliy (oliy harbiy) ta’lim muassasalariga, shuningdek, O‘zbekiston Respublikasi hududidan tashqariga o‘qishga yuborilganda:

Bunda o‘qishning butun muddati davomida quyidagi to‘lovlar saqlanib qoladi: harbiy unvon maoshi, oxirgi egallagan asosiy lavozimi bo‘yicha lavozim maoshi, xizmat yillari uchun ustama, maxsus moddiy rag‘batlantirish jamg‘armasi hisobidan ustama (15 foizgacha), bir yo‘la to‘lanadigan pul ta’minoti, qonunchilikda belgilangan tartibda oziq-ovqat payogi uchun kompensatsiya puli va turar joyni ijaraga olganlik (ijarada turganlik) uchun pul kompensatsiyasi, shuningdek, Mudofaa vazirligida xizmatni o‘tayotganligi uchun ustama”.

48. 148-bandning ikkinchi xatboshisi “shaxsiy tarkib bo‘yicha” so‘zlaridan keyin “(harbiy xizmatchini komandirning (boshliqning) ixtiyoriga o‘tkazish to‘g‘risida)” so‘zlari bilan to‘ldirilsin.

49. 150-banddagi “boshqa joyga” so‘zlari “davlat hokimiyati va boshqaruvi organlari, boshqa tashkilotlarga (keyingi o‘rinlarda — organlar va tashkilotlar) xizmat safariga” so‘zlari bilan almashtirilsin.

50. 159-banddagi “davlat hokimiyati va boshqaruv organlari, boshqa tashkilotlarga (keyingi o‘rinlarda — organlar va tashkilotlar)” so‘zlari “organlar va tashkilotlarga” so‘zlari bilan almashtirilsin.

51. 165-band quyidagi tahrirda bayon etilsin:

“165. Harbiy xizmatchilarni organlar va tashkilotlarga xizmat safariga yuborish va ular tomonidan harbiy xizmatni o‘tashning boshqa o‘ziga xos xususiyatlari ular harbiy xizmatni o‘tayotgan vazirliklar tomonidan belgilanadi”.

52. 169-band quyidagi tahrirda bayon etilsin:

“169. Quyidagi hollarda harbiy xizmatchilar majburiy ravishda attestatsiyadan o‘tkaziladi:

davlat mukofoti bilan taqdirlash uchun taqdim etilganda;

yangi kontrakt tuzish uchun taqdim etilganda (o‘z xohishiga ko‘ra kontrakt tuzishni rad etganlar bundan mustasno);

muddatli harbiy xizmatni o‘tayotgan ofitserlar kontrakt bo‘yicha harbiy xizmatga qabul qilish uchun taqdim etilganda;

mazkur Nizomning 125-bandi “d” kichik bandiga asosan quyi lavozimga tayinlash uchun taqdim etilganda;

tomonlardan birining tashabbusiga ko‘ra kontrakt muddatidan oldin bekor qilinganligi munosabati bilan hamda harbiy xizmatchi nomiga dog‘ tushiruvchi xatti-harakat sodir etganlar haqiqiy harbiy xizmatdan bo‘shatish uchun taqdim etilganda.

O‘zbekiston Respublikasi Qurolli Kuchlarining Intizom nizomi talablariga muvofiq lavozimda pastlatish hamda harbiy unvonda bir pog‘ona pastlatish intizomiy jazo choralari qo‘llanilgan kontrakt bo‘yicha harbiy xizmatchilar attestatsiyadan o‘tkazilmaydi.

Homiladorlik va tug‘ish, bola parvarishlash ta’tillaridan qaytgan, xizmat joyiga (reabilitatsiya etilganligi munosabati bilan) tiklangan kontrakt bo‘yicha harbiy xizmatchi ilgari tuzilgan kontrakt bo‘yicha harbiy xizmatni davom ettiradi. Bunda kontrakt muddati tugagan yoki mazkur Nizomning 97-bandi “b”, “v”, “d”, “e” va “j” kichik bandlarida ko‘rsatilgan holatlarda yangi kontrakt attestatsiya o‘tkazilmasdan tuziladi.

Harbiy prokuratura organlarining kontrakt bo‘yicha harbiy xizmatchilarining attestatsiyasi ushbu idora xodimlari uchun mo‘ljallangan tartibda amalga oshiriladi”.

53. 184-band quyidagi tahrirda bayon etilsin:

“184. Harbiy xizmatchilar O‘zbekiston Respublikasining Davlat budjeti mablag‘lari hisobidan oziq-ovqat, pul, kiyim-kechak, uy-joy ta’minoti bilan ta’minlanadilar, O‘zbekiston Respublikasi qonunchiligida belgilangan pensiya va tibbiy ta’minot hamda boshqa ijtimoiy kafolat va imtiyozlardan foydalanadilar.

Oddiy askar, serjant va ofitserlar tarkibiga mansub kontrakt bo‘yicha harbiy xizmatchilarga:

yil yakunlariga ko‘ra yanvar oyida qo‘shinlar jangovar shayligini saqlab turgani, xizmat majburiyatlarini vijdonan bajargani uchun mukofot pulini to‘lash to‘g‘risidagi buyruq imzolangan kunda belgilangan me’yorlarga ko‘ra, agar qonunchilikda boshqacha tartib nazarda tutilmagan bo‘lsa, ikki oylik pul ta’minoti maoshi (harbiy unvon bo‘yicha maoshi va lavozim maoshi yig‘indisi) miqdorida bir marta beriladigan pul mukofoti to‘lanadi;

bir yilda bir marta bir oylik pul ta’minoti maoshi (harbiy unvon bo‘yicha maoshi va lavozim maoshi yig‘indisi) miqdorda moddiy yordam puli to‘lab beriladi.

Bunda lavozim maoshlari amaldagi qonunchilikda nazarda tutilgan oshirishlarsiz hisobga olinadi.

Kontrakt bo‘yicha harbiy xizmatchilar va ular oila a’zolarining sanatoriylardagi sanatoriy-kurort davolanishi hamda dam olish uylarida (pansionatlarda) profilaktik dam olishini tashkil etish tartibi vazirlik tomonidan belgilanadi.

Harbiy xizmatga majburlar harbiy yig‘inlarni o‘tash davrida oziq-ovqat, kiyim-kechak bilan ta’minlanadilar, shuningdek, harbiy-tibbiy bo‘linma, harbiy qism va muassasalarda bepul tibbiy ta’minotdan, shu jumladan, dori vositalari va boshqa tibbiy mulk bilan bepul ta’minlanish huquqidan foydalanadilar”.

54. 197-band quyidagi tahrirda bayon etilsin:

“197. Harbiy xizmatni o‘tash davrida halok bo‘lgan (vafot etgan) harbiy xizmatchilar, shuningdek, harbiy xizmatdan (harbiy xizmatda bo‘lishning belgilangan yosh chegarasiga yetgani, sog‘lig‘ining holatiga ko‘ra yoki tashkiliy-shtat tadbirlari o‘tkazilishi munosabati bilan) bo‘shatilgandan so‘ng halok bo‘lgan (vafot etgan) hamda harbiy xizmatning umumiy davomiyligi yigirma yil va undan ortiq bo‘lgan ofitser va generallarning boquvchisini yo‘qotgan oila a’zolarida harbiy xizmatchining hayotligida bo‘lganidek tibbiy yordam ko‘rsatish, sanatoriy-kurortlarda davolanish, ushbu davolanish joyiga borish va qaytishda havo, temir yo‘l va avtomobil (yo‘nalishli va yo‘nalishsiz taksilardan tashqari) transportidan imtiyozli foydalanish bo‘yicha amaldagi huquqlari saqlanib qoladi”.

55. 201-band quyidagi tahrirda bayon etilsin:

“201. Harbiy xizmatchilar harbiy tashish hujjatlari orqali quyidagi transport vositalaridan foydalanish huquqiga ega:

a) havo yo‘llari transportida:

“biznes klass”da — vazirliklarning rahbarlari va ularning o‘rinbosarlari;

“ekonom klass”da — boshqa toifadagi barcha harbiy xizmatchilar;

b) temir yo‘l transportida:

yuqori tezlikda harakatlanuvchi va tezkor toifadagi poyezdlarning “VIP klass” (“lyuks”), tezyurar va yo‘lovchi tashish toifasidagi poyezdlarning “SV” (“lyuks”) vagonlarida — vazirliklarning rahbarlari va ularning o‘rinbosarlari;

yuqori tezlikda harakatlanuvchi va tezkor toifadagi poyezdlarning “biznes klass”, tezyurar va yo‘lovchi tashish toifasidagi poyezdlarning “SV” (“lyuks”) vagonlarida — generallar va polkovniklar;

yuqori tezlikda harakatlanuvchi poyezdlarning “ekonom klass”, tezkor toifadagi poyezdlarning “biznes klass”, tezyurar va yo‘lovchi tashish toifasidagi poyezdlarning “kupe” vagonlarida — “podpolkovnik” va undan quyi harbiy unvondagi ofitserlar, oddiy askar va serjantlar tarkibiga mansub kontrakt bo‘yicha harbiy xizmatchilar;

v) avtomobil transportida (yo‘nalishli va yo‘nalishsiz taksilardan tashqari) — shaharlararo va viloyatlararo yo‘nalishlarda muntazam qatnovchi avtobuslarda barcha toifadagi harbiy xizmatchilar;

g) harbiy xizmatchilarning oila a’zolari va harbiy pensionerlar harbiy xizmatdan bo‘shatilgan vaqtdagi harbiy unvoniga muvofiq mazkur bandning “a”, “b” va “v” kichik bandlarida belgilangan tartibda;

d) yuqori tezlikda harakatlanuvchi va tezkor toifadagi poyezdlarning “ekonom klass”, tezyurar va yo‘lovchi tashish toifasidagi poyezdlarning umumiy yoki platskart vagonlarida — yuqoridagi kichik bandlarda ko‘rsatilmagan boshqa harbiy xizmatchilar.

Bundan tashqari, oddiy askarlar tarkibiga mansub muddatli harbiy xizmat harbiy xizmatchilari, shuningdek, oddiy askarlar va serjantlar tarkibiga mansub kontrakt bo‘yicha harbiy xizmatchilar qo‘shimcha ravishda shahar ichi, shahar atrofi va mahalliy yo‘nalishlarda qatnovchi jamoat transportining barcha turlaridan (yo‘nalishli va yo‘nalishsiz taksilardan tashqari) bepul foydalanish huquqiga ega”.

56. 203-band quyidagi tahrirda bayon etilsin:

“203. Harbiy tashish hujjatlari quyidagi tartib va asoslarga ko‘ra beriladi:

a) harbiy xizmatchilarga respublika hududida va respublika hududidan tashqariga xizmat safariga (o‘qishga) borish va doimiy xizmat joyiga qaytishi uchun;

b) kontrakt bo‘yicha harbiy xizmatchilarga (eri, xotini va farzandlariga) turar joyidan yangi xizmat joyiga yetib borishi uchun;

v) kontrakt bo‘yicha harbiy xizmatchilar va ularning bir nafar oila a’zosiga O‘zbekiston Respublikasi hududida bir yilda bir marta asosiy (kanikulyar) va qo‘shimcha ta’tilni o‘tkazish joyiga borish va doimiy xizmat joyiga qaytish uchun;

g) harbiy xizmatdan rezervga (iste’foga) bo‘shatilgan kontrakt bo‘yicha harbiy xizmatchilarga (eri, xotini va farzandlariga) o‘zi tanlagan yashash yoki chaqiruv joyiga borishi uchun;

d) muddatli harbiy xizmatga chaqirilgan zaxiradagi ofitserlarga muddatli harbiy xizmatni o‘tash joyiga yetib borishi uchun;

e) muddatli harbiy xizmatga chaqirilgan fuqarolarga harbiy xizmatni o‘tash joyiga borish, harbiy xizmatdan rezervga (iste’foga) bo‘shatilganida chaqiruv (yashash) joyiga qaytish uchun;

j) muddatli harbiy xizmatchilarga ta’til va xizmat safari joyiga borish va doimiy xizmat joyiga qaytish uchun;

z) harbiy xizmatga majburlarga harbiy yig‘inni o‘tkazish joyiga borish va ortga qaytishi uchun;

i) harbiy xizmatchilarga davolanish joyiga borish va doimiy xizmat joyiga qaytishi uchun;

k) harbiy-tibbiy komissiyaning xulosasiga ko‘ra harbiy xizmatchini kuzatib boruvchi shaxsga harbiy xizmatchi bilan birga davolanish yoki sanatoriy-kurort muassasasi, kasalligi sababli ta’tilga, harbiy xizmatdan bo‘shatilganda tanlangan yashash joyiga kuzatib borish va doimiy xizmat joyiga qaytishi uchun;

l) halok bo‘lgan (vafot etgan) harbiy xizmatchini dafn etish joyiga yetkazishda uning jasadi solingan tobutning transport vositasidagi joyi uchun;

m) halok bo‘lgan (vafot etgan) harbiy xizmatchining jasadi solingan tobutni dafn etish joyigacha kuzatib borish (tashish) va doimiy xizmat joyiga qaytish uchun harbiy qism komandiri yoki garnizon boshlig‘ining buyrug‘i bilan tayinlangan to‘rt nafar shaxsga;

n) halok bo‘lgan (vafot etgan) harbiy xizmatchini respublika hududidagi dafn etish joyiga borishi va ortga qaytishi uchun uning oila a’zolariga;

o) halok bo‘lgan (vafot etgan) harbiy xizmatchining respublika hududidagi dafn etilgan joyiga ziyorat uchun borishi va ortga qaytishi uchun uning oila a’zolariga (yilda bir marta);

p) harbiy xizmatdan rezervga (iste’foga) bo‘shatilgan, harbiy xizmatining umumiy davomiyligi yigirma yil va undan ortiq bo‘lgan ofitser va generallar uchun harbiy-tibbiy komissiyaning xulosasiga muvofiq statsionar davolanishga yoki sanatoriy-kurort va sog‘lomlashtirish muassasalariga (ko‘rsatib o‘tilgan ofitser va generallar harbiy xizmatining umumiy davomiyligi yigirma besh yil va undan ortiq bo‘lganda ularning oila a’zolariga ham)borish va ortga qaytishga (yiliga bir marta);

r) Havo hujumidan mudofaa qo‘shinlari va Harbiy havo kuchlari qo‘mondonligi harbiy uchuvchi-ko‘tariluvchi tarkib harbiy xizmatchilarining oila a’zolariga O‘zbekiston Respublikasi hududida yiliga bir marta asosiy (kanikulyar) ta’tilni va qo‘shimcha ta’tillarni o‘tkazish joyiga (harbiy xizmatchining bildirgisiga asosan oila a’zolari bilan birgalikda yoki alohida) borish va doimiy xizmat joyiga qaytish uchun.

Mazkur bandda ko‘rsatilgan toifadagi harbiy xizmatchilarga havo, temir yo‘l va avtomobil (yo‘nalishli va yo‘nalishsiz taksilardan tashqari) transportida yurishi bilan bog‘liq xarajatlarni qoplash, harbiy tashish hujjatlari bo‘yicha chiptalarni oldindan rasmiylashtirish uchun komission yig‘imlar va choyshab puli qonunchilik hujjatlariga muvofiq harbiy xizmatchilar va bo‘linmalarni saqlash manbalaridan kelib chiqqan holda vazirliklarga har yili ajratiladigan budjet va budjetdan tashqari mablag‘lar hisobidan amalga oshiriladi”.

57. 205-bandning ikkinchi xatboshisi chiqarib tashlansin.

58. 206 va 207-bandlar quyidagi tahrirda bayon etilsin:

“206. Harbiy xizmatdan bo‘shatilgan, harbiy xizmatining umumiy davomiyligi yigirma yil va undan ortiq bo‘lgan ofitserlar tarkibi harbiy-tibbiy komissiyaning xulosasiga muvofiq statsionar davolanishga yoki sanatoriy-kurort va sog‘lomlashtirish muassasalariga borish va qaytishda (yiliga bir marta) temir yo‘l, havo va avtomobil (yo‘nalishli va yo‘nalishsiz taksilardan tashqari) transportidan bepul foydalanish huquqiga ega. Ko‘rsatib o‘tilgan ofitserlar tarkibi harbiy xizmatining umumiy davomiyligi yigirma besh yil va undan ortiq bo‘lgan taqdirda ularning oila a’zolari ham transportdan foydalanishda shunday huquqqa egadir.

207. Kontrakt bo‘yicha harbiy xizmatchi joriy yilgi navbatdagi ta’tilni o‘tkazish joyiga borish va ortga qaytishda harbiy tashish hujjatlaridan foydalanmagan bo‘lsa, keyingi yildagi navbatdagi ta’tilni berish vaqtida ushbu harbiy tashish hujjatlari uning yana ikki nafar oila a’zolariga (ota-onasi, eri, xotini va farzandlariga) qo‘shimcha ravishda rasmiylashtirib beriladi”.

59. 209-band quyidagi tahrirda bayon etilsin:

“209. Favqulodda holat va favqulodda vaziyat sharoitlarida hamda jangovar harakatlar olib borilayotgan davrda xizmat vazifalarini bajarish vaqtida halok bo‘lgan (vafot etgan) harbiy xizmatchining oila a’zolariga (ota-onasi, eri, xotini, farzandlari va qaramog‘idagi shaxslarga) urush davrida halok bo‘lgan harbiy xizmatchining oila a’zolariga nisbatan belgilangan imtiyoz, kafolat va kompensatsiyalar tatbiq etiladi”.

60. 210-bandning ikkinchi xatboshisidagi “taksidan” so‘zi “yo‘nalishli va yo‘nalishsiz taksilardan” so‘zlari bilan almashtirilsin.

61. 212-bandning oltinchi xatboshisidagi “Umumharbiy nizomlariga” so‘zlari “Intizom nizomiga” so‘zlari bilan almashtirilsin.

62. 214-bandning “b” kichik bandidagi “muddati” so‘zi “yillari” so‘zi bilan almashtirilsin.

63. 222-bandda:

“a” kichik band quyidagi tahrirda bayon etilsin:

“a) vazirliklar tasarrufidagi (yoki xorijiy) ta’lim muassasalarining (o‘quv bo‘linmalarining) tegishli ta’lim olish dasturlari bo‘yicha mutaxassislarni tayyorlash kurslarini tamomlagan kontrakt bo‘yicha harbiy xizmatchilarga”;

“b” kichik banddagi “, shuningdek intizomiy rag‘batlantirish tartibida” so‘zlari chiqarib tashlansin;

quyidagi mazmundagi “g” kichik band bilan to‘ldirilsin:

“g) intizomiy rag‘batlantirish tartibida”.

64. 223-bandda:

“a” kichik band “harbiy xizmatchilarga —” so‘zlaridan keyin “O‘zbekiston Respublikasi yoki xorijiy” so‘zlari bilan to‘ldirilsin;

“b” kichik band quyidagi tahrirda bayon etilsin:

“b) oliy harbiy ta’lim muassasalarida tayyorlanmaydigan, tegishli harbiy-hisob mutaxassislikka yaqin oliy fuqarolik ma’lumotga ega bo‘lgan hamda kontrakt bo‘yicha harbiy xizmatga qabul qilingan fuqarolar — ofitserlar tarkibining lavozimiga tayinlanganidan so‘ng;”

“v” kichik banddagi “oliy harbiy ta’lim muassasalari qoshidagi kurslarni” so‘zlari “vazirliklar qoshidagi tegishli dasturlar bo‘yicha ofitserlarni tayyorlash kurslarini” so‘zlari bilan almashtirilsin;

“g” kichik band quyidagi tahrirda bayon etilsin:

“g) oliy ta’lim muassasalarining harbiy tayyorgarlik o‘quv bo‘linmalarida tahsil olgan, harbiy tayyorgarlik bo‘yicha yakuniy davlat attestatsiyasini topshirgan va bakalavriatning to‘liq kursini muvaffaqiyatli yakunlagan ilgari haqiqiy harbiy xizmatni o‘tamagan fuqarolarga (zaxiradagi leytenant)”;

“d” kichik banddagi “rezerv ofitserlari tarkibiga kiritish uchun attestatsiyadan o‘tkazilgandan so‘ng” so‘zlari “o‘quv dasturi bo‘yicha belgilangan imtihonlarni topshirgandan so‘ng” so‘zlari bilan almashtirilsin.

65. 230 va 231-bandlar quyidagi tahrirda bayon etilsin:

“230. Berilgan harbiy unvonda xizmatning belgilangan kamida ikki muddatini o‘tagan kontrakt bo‘yicha harbiy xizmatchiga xizmat yuzasidan ijobiy tavsiflar berilgan va uning harbiy-hisob ixtisosligi bo‘yicha vakant lavozim yo‘qligi sababli uni yuqori turuvchi lavozimga tayinlash imkoni bo‘lmagan taqdirda, shtatga ko‘ra unga o‘zi egallab turgan harbiy lavozim uchun ko‘zda tutilgan harbiy unvondan bir pog‘ona yuqori harbiy unvon quyidagi tartibda beriladi:

ofitserlar tarkibiga “podpolkovnik” va ungacha bo‘lgan harbiy unvonlar — vazirliklar rahbarining qaroriga binoan;

serjantlar tarkibiga “katta serjant” va ungacha bo‘lgan harbiy unvonlar — vazirliklar miqyosida harbiy unvon berish vakolatiga ega bo‘lgan mansabdor shaxsning qaroriga binoan.

Jangovar harakatlarda yoki terroristik tashkilotlarning qurollangan tuzilmalarini aniqlash va yo‘q qilish bo‘yicha maxsus operatsiyalarni o‘tkazish, milliy xavfsizlik va jamoat tartibini ta’minlash hamda tabiiy va texnogen xususiyatli favqulodda vaziyatlarning oqibatlarini bartaraf etish bilan bog‘liq vazifalarni bajarish vaqtida halok bo‘lgan yoki yuqorida ko‘rsatilgan harakatlarda qatnashish davrida olingan shikastlanish (yaradorlik, jarohatlanish) oqibatida vafot etgan harbiy xizmatchilarga vazirliklar rahbarlarining qaroriga binoan, ushbu Nizomning 224-bandida nazarda tutilgan talablardan qat’i nazar, navbatdagi harbiy unvon berilishi mumkin.

231. “III darajali serjant”, “II darajali serjant”, “1 darajali serjant” va “katta serjant” harbiy unvonlari oldingi harbiy unvonda belgilangan xizmat muddatini o‘tagan, komandirlik va harbiy ish mutaxassisi, bo‘ysunuvdagilarni tayyorlash va tarbiyalash ishida murabbiylik sifatlari va malakalarini namoyon qilgan, jangovar va kasbiy tayyorgarlikda yaxshi ko‘rsatkichlarga ega bo‘lgan, shtat toifasiga ko‘ra tegishli harbiy unvonni berish mumkin bo‘lgan lavozimni egallagan harbiy xizmatchilarga vazirliklar tasarrufidagi (yoki xorijiy) ta’lim muassasalarining (o‘quv bo‘linmalarining) mutaxassislarni tayyorlash kurslarini, agarda bunday kurslarda tegishli mutaxassislarni tayyorlash nazarda tutilmagan bo‘lsa, tegishli ta’lim muassasalarida qayta tayyorlash va malaka oshirish kurslarini tamomlaganidan keyin beriladi”.

66. 235-band quyidagi tahrirda bayon etilsin:

“235. Xizmat va harbiy burchini bajarishda alohida namuna ko‘rsatgan, mamlakatning mudofaa qudratini mustahkamlashga, hududiy yaxlitligini himoya qilishga qo‘shgan hissasi uchun kontrakt bo‘yicha harbiy xizmatchilarga vazirliklar rahbarlari tomonidan navbatdagi harbiy unvonlar muddatidan avval berilishi mumkin. Bunda ofitserlar tarkibi harbiy unvonlarini muddatidan oldin berish O‘zbekiston Respublikasi Prezidenti bilan kelishilgan holda amalga oshiriladi”.

67. 237-bandning ikkinchi xatboshisi quyidagi tahrirda bayon etilsin:

“Harbiy unvonda bir pog‘ona pastlatilgan harbiy xizmatchilar harbiy unvonda pastlatilgandan kamida bir yil o‘tgach, ijobiy tavsifnoma bo‘lgan taqdirda, tegishli komandirlarning (boshliqlarning) tavsiyasiga asosan harbiy unvonda pastlatish to‘g‘risida qaror qabul qilgan boshliqlar, ularga tenglashtirilgan va yuqori turuvchi boshliqlarning buyruqlari bilan oldingi harbiy unvonda qayta tiklanishlari mumkin”.

68. 238-bandda:

birinchi xatboshidagi “vazirlik rahbari tomonidan belgilangan attestatsiyadan qayta o‘tish tartibida” so‘zlari chiqarib tashlansin;

uchinchi xatboshidagi “keyinchalik attestatsiyadan qayta o‘tkazish tartibida” so‘zlari chiqarib tashlansin;

beshinchi xatboshi quyidagi tahrirda bayon etilsin:

“Alohida holatlarda ilmiy daraja, ilmiy unvon yoki faoliyatning tor ixtisoslik turlari bo‘yicha yuqori professional tayyorgarlikka, ko‘p yillik ish tajribasiga ega bo‘lgan va ofitserlar tarkibi lavozimlariga kontrakt bo‘yicha harbiy xizmatga qabul qilingan fuqarolarga “mayor” va ungacha bo‘lgan harbiy unvon berilishi mumkin”;

quyidagi mazmundagi oltinchi xatboshi bilan to‘ldirilsin:

“O‘zbekiston Respublikasi oliy harbiy ta’lim muassasalarining boshqaruv, ilmiy va professor-o‘qituvchilar tarkibidagi lavozimlariga ilmiy darajaga (ilmiy unvonga) hamda kamida besh yillik ilmiy va pedagogik ish tajribasiga ega bo‘lgan fuqarolarni kontrakt bo‘yicha harbiy xizmatga qabul qilishda ularga quyidagi harbiy unvonlar beriladi:

fan nomzodlari, falsafa doktorlariga (PhD) — “kapitan”;

fan doktori (DSc), dotsent ilmiy unvoniga ega bo‘lgan fan nomzodi, falsafa doktorlariga (PhD) — “mayor”;

professor ilmiy unvoniga ega bo‘lgan fan doktorlariga (DSc) — “podpolkovnik”.

69. 239-bandda:

“a” kichik band quyidagi tahrirda bayon etilsin:

“a) “oddiy askar” harbiy unvoni — harbiy unvoni bo‘lmagan fuqarolarga, ular:

muddatli harbiy xizmatga hamda safarbarlik chaqiruvi rezervi oylik harbiy yig‘inlarini o‘tashga chaqirilganda — harbiy qism komandirining buyrug‘i bilan;

kontrakt bo‘yicha harbiy xizmatga kirish vaqtida — vakolatli mansabdor shaxslarning buyrug‘i bilan”.

70. 250-banddagi ikkinchi jumla chiqarib tashlansin.

71. 255-banddagi “sutka bo‘lgan” so‘zlari “sutkadan kam bo‘lmagan” so‘zlari bilan almashtirilsin.

72. 265-band quyidagi tahrirda bayon etilsin:

“265. Kasalligi tufayli ta’til muddati kasallikning xususiyatiga qarab belgilanadi. Tinchlik davrida davolash muassasalarida uzluksiz davolanish va kasalligi tufayli ta’tilda bo‘lishning muddati hammasi bo‘lib to‘rt oydan oshmasligi kerak, O‘zbekiston Respublikasi qonunchiligida belgilangan alohida kasalliklar bo‘yicha uzoqroq muddat davolanishda bo‘lish hollari bundan mustasno. Bu muddat davolash muassasasi harbiy-tibbiy komissiyasining tibbiy xulosasiga asosan vazirliklar rahbarlari yoki ularning birinchi o‘rinbosari qarori bilan uzaytirilishi mumkin. Uzluksiz davolanishda va kasalligi tufayli ta’tilda bo‘lishning belgilangan muddati tugashi bilan harbiy xizmatchilar ularning harbiy xizmatga yaroqliligi masalasini hal qilish uchun harbiy-tibbiy komissiya ko‘rigidan o‘tishi lozim”.

73. 276-bandning “v” kichik bandidagi “favqulodda” so‘zi “alohida” so‘zi bilan almashtirilsin.

74. 283-band quyidagi tahrirda bayon etilsin:

“283. Homiladorlik va tug‘ish ta’tillari vaqti oddiy askar, serjant va ofitserlar tarkibi lavozimlaridagi xizmat muddatiga xizmat yillari uchun foizli ustama haq to‘lash, uzluksiz xizmati uchun bir martalik pul mukofotini to‘lash, shuningdek iqlim sharoiti og‘ir bo‘lgan joylarda xizmat qilganini hisobga olgan holda pensiyani hisoblash uchun xizmat muddatiga qo‘shib hisoblanadi.

Ayol harbiy xizmatchilarning farzandi uch yoshga to‘lgunga qadar bolani parvarishlash uchun jami olti yildan ko‘p bo‘lmagan ta’tilda bo‘lish vaqti oddiy askar, serjant va ofitserlar tarkibi lavozimlaridagi xizmat muddatiga xizmat yillari uchun foizli ustama haq to‘lash, shuningdek ik/1im sharoiti og‘ir bo‘lgan joylarda xizmat qilganini hisobga olmagan holda pensiyani hisoblash uchun xizmat muddatiga qo‘shib hisoblanadi. Bunda ularga uzluksiz xizmati uchun bir martalik pul mukofotini to‘lash uchun xizmat muddati qo‘shib hisoblanmaydi”.

75. 291-bandda:

“a” kichik banddagi “muddati tugashi bilan” so‘zlaridan keyin “yoki uzaytirilgan xizmat muddati mobaynida harbiy xizmatchi harbiy xizmatni davom ettirishni istamaganda” so‘zlari bilan to‘ldirilsin;

quyidagi mazmundagi “b¹” kichik band bilan to‘ldirilsin:

“b¹) muddatli harbiy xizmatning muddati tugamay turib — oilaviy sharoitiga ko‘ra”;

to‘rtinchi — o‘n ikkinchi xatboshilar beshinchi — o‘n uchinchi xatboshilar deb hisoblansin;

quyidagi mazmundagi o‘n to‘rtinchi xatboshi bilan to‘ldirilsin:

“Qonunchilikda belgilangan tartibda vazirliklar, ularning tegishli boshqaruv organlari, qo‘shinlari, harbiy tuzilmalari va muassasalari jangovar shaylikning yuqori darajalarida alohida rejimda xizmat faoliyatini amalga oshirishi davrida kontrakt bo‘yicha harbiy xizmatchilarni haqiqiy harbiy xizmatdan rezervga bo‘shatishga yo‘l qo‘yilmaydi, mazkur bandning “d”, “i”, “k” va “l” kichik bandlariga asosan rezervga (iste’foga) bo‘shatish bundan mustasno”.

76. 292-band quyidagi tahrirda bayon etilsin:

“292. Agar kontrakt bo‘yicha harbiy xizmatchiga nisbatan aybliligi to‘g‘risidagi masalani hal qilmay turib, tergovga qadar tekshiruv materiallari bo‘yicha jinoiy ish qo‘zg‘atish rad etilgan, ozodlikdan (harbiy unvondan) mahrum etish bilan bog‘liq bo‘lmagan jazo choralarini yoki jazodan ozod qilishni nazarda tutuvchi sud hukmi qonuniy kuchga kirgan yoxud uning aybliligi to‘g‘risidagi masalani hal qilmay turib jinoyat ishi tugatilgan yoki yarashilganligi munosabati bilan jinoiy javobgarlikdan ozod qilingan bo‘lsa, uni harbiy xizmatda qoldirish yoki qoldirmaslik to‘g‘risidagi masala attestatsiya komissiyasining qarorini ko‘rib chiqqan holda, haqiqiy harbiy xizmatdan bo‘shatish huquqiga ega mansabdor shaxs tomonidan hal qilinadi.

Ko‘rsatilgan qaror qonuniy kuchga kirgan sud ajrimi yoki hukmi, dastlabki tergov yoki surishtiruv organining qarori kelib tushgan kundan boshlab ikki oy muddatda qabul qilinadi.

Jinoyat sodir etganlik vaqtidan qat’i nazar, harbiy xizmatni o‘tash davrida jinoiy javobgarlikka tortilgan muddatli harbiy xizmat harbiy xizmatchisi O‘zbekiston Respublikasi Qurolli Kuchlari Bosh shtabi boshlig‘ining buyrug‘i bilan muddatli harbiy xizmatni o‘tashdan ozod etiladi va belgilangan tartibda harbiy ro‘yxatga qo‘yish uchun mudofaa ishlari organlariga yuboriladi, sud tomonidan intizomiy qismga jo‘natish jazosi tayinlangan muddatli harbiy xizmat harbiy xizmatchilari bundan mustasno”.

77. 308-band quyidagi tahrirda bayon etilsin:

“308. Muddatli harbiy xizmat harbiy xizmatchisi chaqiruv bo‘yicha belgilangan harbiy xizmat muddati tugamay turib harbiy xizmatdan muddatidan avval bo‘shatilishi mumkin emas, ushbu Nizomning 291, 293 — 295-bandlarida ko‘zda tutilgan asoslar bundan mustasno.

Muddatli harbiy xizmat harbiy xizmatchisi ushbu Nizomning 291-bandi “b¹” kichik bandiga muvofiq yashash joyi bo‘yicha mudofaa ishlari bo‘limi komissiyasining xulosasiga asosan oilaviy sharoitiga ko‘ra (yaqin qarindoshlaridan biri (aka-ukasi, opa-singlisi) harbiy xizmatni o‘tash vaqtida halok bo‘lgan yoki vafot etganda) belgilangan xizmat muddati tugamasdan rezervga bo‘shatilishi mumkin.

Bu hollarda harbiy qism qo‘mondonligining iltimosnomasiga ko‘ra mudofaa ishlari bo‘limi tomonidan asoslantiruvchi hujjatlarga asosan dalolatnoma rasmiylashtiriladi.

Bunda, harbiy xizmatchining roziligi bilan u xizmat muddati tugagunga qadar xizmatni o‘tashni davom ettirishi mumkin”.

78. 310-band quyidagi tahrirda bayon etilsin:

“310. Harbiy xizmatining umumiy davomiyligi yigirma yil va undan ortiq bo‘lgan hamda harbiy xizmatni benuqson o‘tagan kontrakt bo‘yicha harbiy xizmatchilarga harbiy xizmatdan bo‘shatilayotgan vaqtda tegishli buyruqlar bilan harbiy kiyim-kechak kiyish va farqlovchi nishonlarni taqish huquqi beriladi.

Haqiqiy harbiy xizmatdan bo‘shatilayotgan harbiy xizmatchilar ko‘p yillik va vijdonan (benuqson) xizmat qilgani uchun shunday vakolatga ega boshliqlar tomonidan qimmatbaho sovg‘alar yoki pul mukofotlari bilan taqdirlanishi mumkin.

Ularni bo‘shatish va rag‘batlantirish choralari to‘g‘risidagi buyruq harbiy qism komandiri tomonidan tantanali ravishda e’lon qilinadi”.

79. 311-band “prokuror protestiga asosan” so‘zlaridan keyin “qonunchilik hujjatlariga muvofiq” so‘zlari bilan to‘ldirilsin.

80. 324-bandning ikkinchi xatboshisidagi “kiritiladi” so‘zidan keyin “yoki yashash joyidagi mudofaa ishlari bo‘limlariga ro‘yxatga olish uchun yuboriladi” so‘zlari bilan to‘ldirilsin.

81. 337-bandda:

“b” kichik band quyidagi tahrirda bayon etilsin:

“b) muddatli harbiy xizmatni yoki safarbarlik chaqiruvi rezervidagi xizmatni o‘tagan hamda oliy ta’lim muassasalarining harbiy tayyorgarlik o‘quv bo‘linmalarida tahsil olgan fuqarolarga — harbiy tayyorgarlik bo‘yicha yakuniy davlat attestatsiyasini topshirgan va bakalavriatning to‘liq kursini muvaffaqiyatli yakunlaganidan so‘ng”;

“v” kichik banddagi “davlat imtihonlarini” so‘zlari “o‘quv dasturi bo‘yicha belgilangan imtihonlarni” so‘zlari bilan almashtirilsin.

82. 340-bandning birinchi xatboshisi quyidagi tahrirda bayon etilsin:

“340. Qurolli Kuchlar rezervidagi harbiy xizmatga majburlarga tinchlik davrida ushbu Nizomning 339-bandida belgilangan oldingi harbiy unvondagi xizmat muddatlari tugagandan so‘ng ular o‘quv-mashq harbiy yig‘inlaridan o‘tgan va ta’lim dasturi bo‘yicha imtihonlarni muvaffaqiyatli topshirgan taqdirda, “rezervdagi podpolkovnik” va ungacha bo‘lgan navbatdagi harbiy unvonlar berilishi mumkin”.

83. 4-ilovada:

2.1-bandning “d” kichik bandi quyidagi tahrirda bayon etilsin:

“d) ta’lim muassasasining tibbiy bo‘linmasida bepul tibbiy va ambulator davolanish”;

4.1 va 4.2-bandlar quyidagi tahrirda bayon etilsin:

“4.1. Mazkur kontraktning 3.1-bandi “a”, “b”, “v”, “d” kichik bandlarida ko‘zda tutilgan asoslar bo‘yicha, shuningdek tahsil oluvchi sog‘lig‘ining yomonlashishi yoki kasalligi uning aybi bilan olingan jarohatlanish yoxud harbiy xizmat vazifalarini bajarishdan bo‘yin tovlashga yo‘naltirilgan boshqa harakatlar natijasida kelib chiqqan, oilaviy sharoitiga ko‘ra ta’lim olish muddatidan oldin tugatilgan hollarda, tahsil oluvchi tomonidan vazirlikka uning ta’limi uchun sarflangan haqiqiy xarajatlar summasi, shu jumladan, transport va boshqa xarajatlar uch barobar miqdorida qoplanadi. Bunda xalqaro harbiy hamkorlik dasturlari doirasida O‘zbekiston Respublikasi Qurolli Kuchlari harbiy xizmatchilari xorijiy hamkor davlat tomonidan bepul yoki imtiyozli asosda o‘qitilsa (tayyorlansa), u holda mazkur xorijiy davlat tomonidan o‘qitish uchun sarflangan barcha xarajatlar O‘zbekiston Respublikasining xarajatlari hisoblanib, ta’lim oluvchidan tegishli vazirliklar tarkibidagi ta’lim muassasasi tomonidan o‘qitish uchun sarflangan xarajatlar summasiga teng pul mablag‘larining uch barobar miqdori undiriladi.

4.2. Agar o‘qish tugagandan so‘ng harbiy xizmatchi O‘zbekiston Respublikasi Qurolli Kuchlarida besh yillik, to‘rt va undan ortiq kalendar yil davomida tayanch ma’lumotni olgan taqdirda esa — o‘n yillik muddat yakunigacha xizmatni tugatsa, tahsil oluvchi vazirlikka uning ta’limi uchun sarflangan xarajatlarni uch barobar miqdorida qoplaydi, sog‘lig‘ining yomonlashgani sababli (agar kasalligi uning aybisiz olingan jarohatlanish yoxud harbiy xizmat vazifalarini bajarishdan bo‘yin tovlashga yo‘naltirilgan boshqa harakatlar bo‘yicha kelib chiqmagan bo‘lsa); shtatlarning qisqartirilishi munosabati bilan (kelgusi harbiy xizmatda undan foydalanish imkoni bo‘lmasa); davlat siri bo‘lgan ma’lumotlar bilan ishlash uchun ruxsatnomani berish rad etilganda yoki ushbu ruxsatnomadan mahrum qilinganda xizmatdan bo‘shatish holatlari bundan mustasno.

Qoplash summasi o‘qish yoki tayyorgarlik muddati tugagandan so‘ng xizmat vaqtini hisobga olgan holda, majburiy xizmat vaqtining qolgan vaqtiga mutanosib ravishda hisoblab aniqlanadi.

Agar ta’lim oluvchi xorijiy hamkor davlat tomonidan bepul yoki imtiyozli asosda o‘qitilsa (tayyorlansa), u holda mazkur xorijiy davlat tomonidan o‘qitish uchun sarflangan barcha xarajatlar O‘zbekiston Respublikasining xarajatlari hisoblanib, ta’lim oluvchidan O‘zbekiston Respublikasining tegishli normativ-huquqiy hujjatlarida belgilangan tartibda pul mablag‘lari undiriladi”.