1. | Sh.M. G‘aniyev | — | O‘zbekiston Respublikasi Prezidenti maslahatchisining o‘rinbosari, Komissiya raisi |
2. | A.B. Voitov | — | qishloq xo‘jaligi vaziri, Komissiya raisi o‘rinbosari |
3. | Sh.R. Xamrayev | — | suv xo‘jaligi vaziri |
4. | F.J. Po‘latov | — | Kadastr agentligi direktori |
5. | N.J. Bakirov | — | O‘rmon xo‘jaligi agentligi direktori |
6. | Lavozimiga ko‘ra | — | Bosh prokuror o‘rinbosari |
7. | N.Q. Xolmurodov | — | investitsiyalar, sanoat va savdo vazirining birinchi o‘rinbosari |
8. | O.A. Pekos | — | raqamli texnologiyalar vazirining birinchi o‘rinbosari |
9. | D.K. Adilov | — | qurilish va uy-joy kommunal xo‘jaligi vaziri o‘rinbosari |
10. | A.O. Qobilov | — | tog‘-kon sanoati va geologiya vaziri o‘rinbosari |
11. | S.A. Nishanbayev | — | ichki ishlar vaziri o‘rinbosari |
12. | A.N. Karimov | — | adliya vaziri o‘rinbosari |
13. | Lavozimiga ko‘ra | — | Qoraqalpog‘iston Respublikasi Vazirlar Kengashi Raisining, viloyatlar hokimlarining qishloq va suv xo‘jaligi masalalari bo‘yicha o‘rinbosarlari |
14. | Lavozimiga ko‘ra | — | Bosh vazir kotibiyati mas’ul xodimi, Komissiya kotibi |
O‘zbekiston Respublikasi Prezidentining qarori, 27.02.2023 yildagi PQ-78-son
Kuchga kirish sanasi
28.02.2023
Рус
Ўзб
O’zb
O‘zb|Рус
O‘zbekiston Respublikasi Prezidentining 2022-yil 21-dekabrdagi “Yangi O‘zbekiston ma’muriy islohotlarini amalga oshirish chora-tadbirlari to‘g‘risida”gi PF-269-son Farmoniga muvofiq, shuningdek, Qishloq xo‘jaligiga mo‘ljallangan va o‘rmon fondi yerlarining yer fondi toifalarini o‘zgartirish masalalarini ko‘rib chiqish bo‘yicha Hukumat komissiyasi faoliyatini takomillashtirish maqsadida:
1. O‘zbekiston Respublikasi Prezidentining 2022-yil 12-apreldagi “Muhandislik-kommunikatsiya tarmoqlari uchun yer uchastkalarini ajratish tartibini takomillashtirish chora-tadbirlari to‘g‘risida”gi PQ-204-son qaroriga ilovaga muvofiq o‘zgartirishlar kiritilsin.
2. Vazirlar Mahkamasi ikki oy muddatda Qishloq xo‘jaligiga mo‘ljallangan va o‘rmon fondi yerlarining yer fondi toifalarini o‘zgartirish masalalarini ko‘rib chiqish bo‘yicha Hukumat komissiyasi to‘g‘risidagi nizomni tasdiqlasin.
3. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov zimmasiga yuklansin.
1. 3-bandning uchinchi — sakkizinchi xatboshilari quyidagi mazmundagi uchinchi — to‘qqizinchi xatboshilar bilan almashtirilsin:
“O‘zbekiston Respublikasi Prezidenti maslahatchisining o‘rinbosari Hukumat komissiyasi raisi, Qishloq xo‘jaligi vazirligi Hukumat komissiyasining ishchi organi hisoblanadi;
Hukumat komissiyasi ko‘rib chiqishi uchun masalalar Qoraqalpog‘iston Respublikasi Vazirlar Kengashi Raisi, viloyatlar va Toshkent shahri hokimlari, shuningdek, ular bilan kelishgan holda respublika davlat boshqaruvi organlarining birinchi rahbarlari tomonidan ishchi organga Vazirlar Mahkamasi tomonidan belgilanadigan yagona talablar asosida kiritiladi;
ishchi organ Suv xo‘jaligi vazirligi, Qurilish va uy-joy kommunal xo‘jaligi vazirligi va Kadastr agentligi tizimi xodimlari bilan birga joyiga chiqqan holda har bir taklif Yer kodeksining 44 va 45-moddalarida hamda boshqa qonunchilik hujjatlarida belgilangan talablarga muvofiqligini o‘rganadi, o‘rganish yakunlari bo‘yicha o‘z xulosasini Hukumat komissiyasiga taqdim etadi;
Hukumat komissiyasi yig‘ilishi, qoida tariqasida, har oyda bir marotaba uning raisi yoki ishchi organi tashabbusi bilan o‘tkaziladi;
Hukumat komissiyasi har bir taklif va u yuzasidan ishchi organ xulosasini ko‘rib chiqadi va qaror qabul qiladi;
Hukumat komissiyasining qarori bayon shaklida rasmiylashtiriladi, bayonga Yer kodeksining 9-moddasiga muvofiq O‘zbekiston Respublikasi Prezidentining va (yoki) Vazirlar Mahkamasining farmoyishi loyihasi ilova qilinadi, bayon va farmoyish loyihasi uni yoqlab ovoz berganlar tomonidan imzolanadi;
Hukumat komissiyasi a’zolari tomonidan imzolangan O‘zbekiston Respublikasi Prezidentining va (yoki) Vazirlar Mahkamasining farmoyishi loyihasi ishchi organ tomonidan Vazirlar Mahkamasiga kiritiladi, bunda mazkur loyihalarni boshqa idoralar bilan kelishish talab etilmaydi”.