T/r | Pillani qayta ishlash korxonalari nomi | Biriktirilgan tuman (shahar) hokimlari |
Qoraqalpog‘iston Respublikasi | ||
1. | “Jayhun Silk” MChJ | Amudaryo, Qonliko‘l, Nukus, Xo‘jayli, Taxiatosh, Kegayli, Chimboy tumanlari hokimlari |
2. | “Bustan silk” MChJ | Ellikqal’a tumani hokimi |
3. | “Turtkul Silk Carpets” MChJ | To‘rtko‘l tumani hokimi |
4. | “KKR IPAK CLUSTER” MChJ | Beruniy tumani hokimi |
Andijon viloyati | ||
5. | “Andijan silk co” MChJ | Paxtaobod, Izboskan, Andijon, Marhamat tumanlari hokimlari |
6. | “Asaka ipagi” MChJ | Asaka tumani hokimi |
7. | “Oltinko‘l zar ipagi” MChJ | Oltinko‘l tumani hokimi |
8. | “Baliqchi ishonch pillachilik” MChJ | Baliqchi tumani hokimi |
9. | “Ulug‘nor silk 7” MChJ | Ulug‘nor tumani hokimi |
10. | “Bo‘ston investment — silk” MChJ | Bo‘ston tumani hokimi |
11. | “Xarir tola” MChJ | Jalaquduq, Qo‘rg‘ontepa, Buloqboshi tumanlari hokimlari |
12. | “Sapfir sanoat” MChJ | Xo‘jaobod, Shahrixon tumanlari hokimlari |
Buxoro viloyati | ||
13. | “Imastar” MChJ | Peshku tumani hokimi |
14. | “G‘ijduvon ipak tola” MChJ | G‘ijduvon, Shofirkon tumanlari hokimlari |
15. | O‘zbekiston-Amerika-Rossiya “Romstar” MChJ QK | Romitan, Jondor tumanlari hokimlari |
16. | “Kumushkent ipagi” MChJ | Vobkent, Kogon tumanlari hokimlari |
17. | “Silk Service” MChJ | Buxoro tumani hokimi |
18. | “Qorako‘l ipak cluster” MChJ | Olot, Qorako‘l tumanlari hokimlari |
Jizzax viloyati | ||
19. | “Silk expert processing” MChJ | Forish, Do‘stlik, Paxtakor tumanlari hokimlari |
20. | “Al Abbos silk” MChJ | Arnasoy, Mirzacho‘l tumanlari hokimlari |
21. | “Zomin asl ipak tolasi” XK | Baxmal, Zomin, Zarbdor, Sh. Rashidov, Yangiobod tumanlari hokimlari |
22. | “G‘allaorol silk eksport” MChJ | G‘allaorol tumani hokimi |
23. | “Zafarobod pilla cluster” MChJ | Zafarobod tumani hokimi |
Qashqadaryo viloyati | ||
24. | “Radiant silk” MChJ | G‘uzor, Dehqonobod, Qamashi, Qarshi, Mirishkor, Muborak, Nishon tumanlari hokimlari |
25. | “Shakhrisabz silk production” MChJ | Kitob, Shahrisabz tumanlari hokimlari |
26. | “Yakkabog‘ silk production” MChJ | Yakkabog‘ tumani hokimi |
27. | “Chiroqchi-tolasi” MChJ | Chiroqchi tumani hokimi |
28. | “Koson silk” MChJ | Koson tumani hokimi |
29. | “Kasbi silk” MChJ | Kasbi tumani hokimi |
Navoiy viloyati | ||
30. | “Al-aziz ipagi” MChJ | Konimex, Navbahor tumanlari hokimlari |
31. | “Xatirchi pilla xazinasi” XK | Xatirchi tumani hokimi |
32. | “Qiziltepa Pillachilik” MChJ | Qiziltepa tumani hokimi |
33. | “Navoiy silk production 2020” MChJ | Karmana, Nurota tumanlari hokimlari |
Namangan viloyati | ||
34. | “Verigrow ipagi” MChJ XK | Mingbuloq, Chust, Kosonsoy, Uychi tumanlari hokimlari |
35. | “Golden silk” MChJ | Namangan tumani hokimi |
36. | “Fabrictex” MChJ | Norin, Uchqo‘rg‘on tumanlari hokimlari |
37. | “Zilol silk” MChJ | To‘raqo‘rg‘on tumani hokimi |
38. | “Chortoq innovation silk” MChJ | Chortoq tumani hokimi |
39. | “Pop ipak tolasi invest” MChJ | Pop tumani hokimi |
40. | “Yangi zamin ipagi” MChJ | Yangiqo‘rg‘on tumani hokimi |
Samarqand viloyati | ||
41. | “Kumush tola” XK | Kattaqo‘rg‘on tumani hokimi |
42. | “Samarkand silk ao” MChJ | Narpay tumani hokimi |
43. | “Elbek t.r.j” MChJ | Pastdarg‘om, Samarqand, Nurobod tumanlari hokimlari |
44. | “Oqdaryo ipagi” MChJ | Oqdaryo tumani hokimi |
45. | “Ziyovuddin silk” MChJ | Paxtachi tumani hokimi |
46. | “Jomboy silk” MChJ | Jomboy, Qo‘shrabot tumanlari hokimlari |
47. | “Zar oltin pilla” MChJ | Bulung‘ur tumani hokimi |
48. | “Tayloq ipagi” MChJ | Toyloq tumani hokimi |
49. | “Payariq ipagi” MChJ | Payariq tumani hokimi |
50. | “Urgut Silk Fiber Company” MChJ | Urgut tumani hokimi |
51. | “Ishtixon silk” MChJ | Ishtixon tumani hokimi |
Sirdaryo viloyati | ||
52. | “Agro global” MChJ QK | Oqoltin, Boyovut, Sayxunobod, Sardoba, Sirdaryo, Mirzaobod, Xovos, Guliston tumanlari hokimlari |
Surxondaryo viloyati | ||
53. | “Surxon ipagi” MChJ | Angor, Boysun, Qiziriq, Muzrabot, Sherobod, Bandixon tumanlari hokimlari |
54. | “Inter silk pro” MChJ | Termiz, Oltin?oy, Sho‘rchi tumanlari hokimlari |
55. | “Sino silk” MChJ | Denov, Uzun, Sariosiyo tumanlari hokimlari |
56. | “Silk village” MChJ | Jarqo‘rg‘on tumani hokimi |
57. | “Silk town” MChJ | Qumqo‘rg‘on tumani hokimi |
Toshkent viloyati | ||
58. | “Turan silk pro” MChJ | Oqqo‘rg‘on tumani hokimi |
59. | “Tashkent silk pro” MChJ | Bo‘ka tumani hokimi |
60. | “Jinjuz silk co” MChJ XK | Ohangaron, Piskent tumanlari hokimlari |
61. | “Oltin pilla 2020” MChJ | Bekobod, Chinoz, O‘rtachirchiq, Yuqorichirchiq tumanlari hokimlari |
62. | “Movarounnahr silk road” MChJ | Bo‘stonliq tumani hokimi |
63. | “TCT Agro cluster” MChJ | Quyichirchiq tumani hokimi |
64. | “Clean silk” MChJ | Yangiyo‘l tumani hokimi |
Farg‘ona viloyati | ||
65. | “Nurli tong silk” MChJ | O‘zbekiston, Qo‘shtepa, Furqat, Rishton, Bag‘dod, Oltiariq, Buvayda, Yozyovon, So‘x tumanlari hamda Quvasoy shahri hokimlari |
66. | “Beshariq ipagi” MChJ | Beshariq tumani hokimi |
67. | “Dang‘ara ipagi” MChJ | Dang‘ara tumani hokimi |
68. | “Vodil ipak yigiruv” MChJ | Farg‘ona, Quva, Toshloq tumanlari hamda Farg‘ona shahri hokimlari |
69. | “Uchko‘prik ipagi” MChJ | Uchko‘prik tumani hokimi |
Xorazm viloyati | ||
70. | “Khiva silk fabric” MChJ | Gurlan, Qo‘shko‘pir, Xiva, Yangibozor tumanlari hokimlari |
71. | “Xorazm pilla xolding” MChJ | Urganch, Xonqa, Yangiariq, Hazorasp, Tuproqqal’a tumanlari hokimlari |
72. | “Bog‘ot Silk Co” MChJ | Bog‘ot tumani hokimi |
73. | “Shovot silk” MChJ | Shovot tumani hokimi |
O‘zbekiston Respublikasi Prezidentining qarori, 24.02.2023 yildagi PQ-73-son
Kuchga kirish sanasi
24.02.2023
Рус
Ўзб
O’zb
O‘zb|Рус
Yuqori sifatli ipak mahsulotlari ishlab chiqarishni rag‘batlantirish, respublika ipakchilik tarmog‘i korxonalarining barqaror faoliyat yuritishini hamda ipakchilik tarmog‘ini kompleks rivojlantirishni ta’minlash, shuningdek, ipakchilik tarmog‘ida ilmiy salohiyatni oshirish va tarmoq uchun malakali kadrlar tayyorlashda yirik ipakchilik korxonalari va zamonaviy laboratoriyalar bilan hamkorlikni yo‘lga qo‘yish maqsadida:
1. “O‘zbekipaksanoat” hamda “O‘zto‘qimachiliksanoat” uyushmalari ishtirokchilarining tegishincha Ipakchilik ilmiy-tadqiqot institutini va O‘zbekiston tabiiy tolalar ilmiy-tadqiqot institutini Qishloq xo‘jaligi vazirligi huzuridagi Ipakchilik va jun sanoatini rivojlantirish qo‘mitasiga (keyingi o‘rinlarda — Qo‘mita) amaldagi moliyalashtirish tartibini saqlab qolgan holda, shu jumladan ularning mol-mulkini balans qiymatida bepul o‘tkazish to‘g‘risidagi taklifi ma’qullansin.
2. Qishloq xo‘jaligi vazirligi, Oliy ta’lim, fan va innovatsiyalar vazirligi, Davlat aktivlarini boshqarish agentligi hamda “O‘zbekipaksanoat” va “O‘zto‘qimachiliksanoat” uyushmalarining:
Andijon qishloq xo‘jaligi va agrotexnologiyalar institutida Ipakchilik va tutchilik fakultetini tashkil etish hamda 2023/2024 o‘quv yilidan boshlab Toshkent shahri va Samarqand viloyatida joylashgan tegishli oliy ta’lim muassasalarining “Ipakchilik va tutchilik” va “Ipakchilik” ta’lim yo‘nalishlari bo‘yicha qabul kvotalarini ushbu fakultetga o‘tkazish;
Toshkent shahri va Samarqand viloyatida joylashgan tegishli oliy ta’lim muassasalarida qabul to‘xtatiladigan ta’lim yo‘nalishlari va mutaxassisliklarida tahsil olayotgan talabalar o‘qishini ta’lim olish muddatiga mos ravishda davom ettirish;
Oldingi tahrirga qarang.
Andijon qishloq xo‘jaligi va agrotexnologiyalar institutining Ipakchilik va tutchilik fakultetini Andijon viloyati, Marhamat tumani, “Guliston” MFY, Mustaqillik ko‘chasi, 1-A uy manzilida joylashtirish to‘g‘risidagi takliflariga rozilik berilsin.
(2-bandning to‘rtinchi va beshinchi xatboshilari O‘zbekiston O‘zbekiston Respublikasi Prezidentining 2024-yil 16-fevraldagi PF-36-sonli Farmoniga asosan to‘rtinchi xatboshi bilan almashtirilgan — Qonunchilik ma’lumotlari milliy bazasi, 16.02.2024-y., 06/24/36/0130-son)
Oldingi tahrirga qarang.
(3-band O‘zbekiston Respublikasi Prezidentining 2024-yil 16-fevraldagi PF-36-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 16.02.2024-y., 06/24/36/0130-son)
Oldingi tahrirga qarang.
(4-band O‘zbekiston Respublikasi Prezidentining 2024-yil 16-fevraldagi PF-36-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 16.02.2024-y., 06/24/36/0130-son)
Oldingi tahrirga qarang.
(5-band O‘zbekiston Respublikasi Prezidentining 2024-yil 16-fevraldagi PF-36-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 16.02.2024-y., 06/24/36/0130-son)
6. Belgilansinki, O‘zbekiston Respublikasi Prezidentining 2023-yil 10-yanvardagi “Paxta-to‘qimachilik klasterlari faoliyatini qo‘llab-quvvatlash, to‘qimachilik va tikuv-trikotaj sanoatini tubdan isloh qilish hamda sohaning eksport salohiyatini yanada oshirish chora-tadbirlari to‘g‘risida”gi PF-2-son Farmoni 2-bandi “a” kichik bandining ikkinchi xatboshisida nazarda tutilgan mablag‘lar doirasida tijorat banklari tomonidan ipak mahsulotlari eksport qiluvchi korxonalarga 3 yil muddatga yillik 5 foiz stavkada (shu jumladan bank marjasi 1 foizdan oshmagan miqdorda o‘rnatiladi) uzluksiz aylanma mablag‘ bilan ta’minlash uchun revolver kreditlar ajratiladi.
7. Xonadonlarda pilla yetishtiruvchi jismoniy shaxslarga har yili yetishtiriladigan pilla (ho‘l pilla) hosilining bir kilogrammi uchun 5 ming so‘m miqdorida respublika budjeti hisobidan ajratiladigan subsidiya bekor qilinsin.
Shunday tartib o‘rnatilsinki, unga ko‘ra mazkur band bilan bekor qilinayotgan subsidiyaning moliyalashtirish manbalari doirasida 2023-yil 1-martdan boshlab 2026-yil 1-yanvarga qadar pillani qayta ishlash va pilla qurti urug‘ini ishlab chiqaruvchi korxonalarga ular tomonidan bevosita pilla boquvchilarga yetkazib berilgan har bir quti ipak qurti urug‘i uchun 120 ming so‘m miqdorida respublika budjeti hisobidan subsidiya ajratiladi.
8. Qishloq xo‘jaligi vazirligi manfaatdor vazirlik va idoralar bilan birgalikda bir oy muddatda har bir quti ipak qurti urug‘i uchun subsidiya ajratish tartibini ishlab chiqsin va tasdiqlash uchun Vazirlar Mahkamasiga kiritsin.
“O‘zbekipaksanoat” uyushmasi bilan birgalikda Xitoy va Vyetnam davlatlaridan ipak qurtining elita va superelita urug‘ining O‘zbekistonga olib kelinishi hamda hukumatlararo komissiyalarga taklif kiritilishini ta’minlasin;
ipakchilik sanoatini rivojlantirish bo‘yicha ilg‘or tajribani o‘rganish va O‘zbekistonda joriy qilish uchun “O‘zbekipaksanoat” uyushmasi tomonidan tasdiqlanadigan ishchi guruhning xorijiy davlatlarga (Vyetnam, Italiya, Xitoy, Hindiston) doimiy ravishda yuborilishi yuzasidan choralar ko‘rsin;
“O‘zbekipaksanoat” uyushmasiga ipak sanoati rivojlangan xorijiy davlatlarning tadbirkorlik birlashmalari (uyushmalari) bilan yaqin aloqalar va hamkorlik o‘rnatish yo‘nalishida amaliy yordam ko‘rsatsin.
10. Ipakchilik sanoati korxonalarining “Temir daftar”, “Ayollar daftari” va “Yoshlar daftari”ga kiritilgan fuqarolarning bandligini va pilla yetishtirish prognozlari bajarilishini ta’minlash hamda pilla mavsumlarini uyushqoqlik bilan tashkil etish uchun, shuningdek, hokimliklar tomonidan tarmoq korxonalariga doimiy amaliy yordam ko‘rsatilishini ta’minlash maqsadida tumanlar (shaharlar) hokimlariga ipakchilik sanoati korxonalarini ilovaga muvofiq biriktirish to‘g‘risidagi taklifi ma’qullansin.
11. Bosh prokuratura “O‘zdavyerloyiha” davlat ilmiy loyihalash instituti, Qoraqalpog‘iston Respublikasi Vazirlar Kengashi, viloyatlar, tumanlar (shaharlar) hokimliklari bilan birgalikda ikki oy muddatda:
hududiy “Agrorilla” mas’uliyati cheklangan jamiyatlariga ijaraga berilgan tutzorlar joylashgan yer maydonlarini to‘liq xatlovdan o‘tkazsin;
tutzorlar joylashgan yer maydonlarining noqonuniy egallab olinishi holatlari yuzasidan aybdor shaxslarga nisbatan qonuniy choralar ko‘rilishini ta’minlasin;
tutzorlar joylashgan va noqonuniy egallab olingan yer maydonlarini hududiy “Agrorilla” mas’uliyati cheklangan jamiyatlariga qaytarish yuzasidan takliflar tayyorlab, Qoraqalpog‘iston Respublikasi Vazirlar Kengashi, viloyatlar, tumanlar (shaharlar) hokimliklariga kiritsin.
12. Ichki ishlar vazirligi “O‘zbekipaksanoat” uyushmasi bilan birgalikda 2023-yil bahorgi pilla yetishtirish mavsumidan boshlab tajriba tariqasida pillachilik klasterlari hamda Toshkent viloyati Bo‘ka va Ohangaron tumanlarida joylashgan manzil-koloniya tipidagi jazoni ijro etish muassasalari o‘rtasida pilla xomashyosini yetishtirish yuzasidan shartnomalar tuzish amaliyotini yo‘lga qo‘ysin.
13. Qishloq xo‘jaligi vazirligi Qo‘mita bilan birgalikda bir oy muddatda qishloq xo‘jaligi mahsulotlari yetishtirish uchun berilgan yer uchastkalari atroflariga ixota sifatida pilla xomashyosi yetishtirishda ozuqa sifatida foydalaniladigan tut daraxtlarini ekish majburiyatini belgilashni nazarda tutuvchi qonun loyihasini Vazirlar Mahkamasiga kiritsin.
14. 2023-yil 1-apreldan boshlab “O‘zbekipaksanoat” uyushmasi tarkibidagi korxonalar tomonidan o‘zlari ishlab chiqargan ipak mahsulotlarini eksport qilish operatsiyalari bo‘yicha muddati o‘tkazib yuborilgan debitor qarzdorlik hosil bo‘lishini hisoblashning yagona muddati bojxona yuk deklaratsiyasi rasmiylashtirilgan sanadan boshlab 360 kun etib belgilansin.
Iqtisodiyot va moliya vazirligi ikki oy muddatda qonunchilik hujjatlariga ushbu banddan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
15. Kambag‘allikni qisqartirish va bandlik vazirligi Iqtisodiyot va moliya vazirligi bilan birgalikda kiyim-kechak va poyabzal ishlab chiqarish loyihasini amalga oshirish va 2 mingta doimiy ish o‘rinlarini yaratish uchun “Dream Silk” MChJga 2021-yil 5-avgustda ajratilgan 15 mlrd so‘m foizsiz ssudani qaytarish muddatini 2027-yil 31-dekabrgacha uzaytirsin.
16. Investitsiyalar, sanoat va savdo vazirligi 2023-yil 1-martdan boshlab ipak mahsulotlari eksportini amalga oshirishda tadbirkorlik subyektlariga qulay shart-sharoitlar yaratish va bu boradagi byurokratik to‘siqlarni bartaraf qilish maqsadida xom ipakni eksport qilish tartibini soddalashtirsin.
Oldingi tahrirga qarang.
(17-band O‘zbekiston Respublikasi Prezidentining 2024-yil 16-fevraldagi PF-36-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 16.02.2024-y., 06/24/36/0130-son)
18. O‘zbekiston Respublikasi Prezidentining 2022-yil 26-apreldagi “Respublikada go‘sht, jun va sut yo‘nalishidagi mayda shoxli mollarni ko‘paytirish va tarmoq ozuqa bazasini mustahkamlashga qaratilgan qo‘shimcha chora-tadbirlar to‘g‘risida”gi PQ-224-son qarori bilan ipak qurti urug‘i, tut ko‘chatlari va pilla yetishtirish, pillani qayta ishlash va tayyor mahsulotlar ishlab chiqarish hamda qorako‘lchilik bilan shug‘ullanayotgan subyektlar, qorako‘lchilik mahsulotlarini qayta ishlash korxonalari va qorako‘lchilik mahsulotlari ishlab chiqaruvchilar uchun ko‘zda tutilgan soliq va bojxona to‘lovlari bo‘yicha imtiyozlarning amal qilish muddati 2023-yil 1-yanvardan 2026-yil 1-yanvarga qadar uzaytirilganligi ma’lumot uchun qabul qilinsin.
19. Qishloq xo‘jaligi vazirligi, Investitsiyalar, sanoat va savdo vazirligi, Iqtisodiyot va moliya vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan va O‘zbekiston Respublikasi Prezidentining 2022-yil 26-apreldagi “Respublikada go‘sht, jun va sut yo‘nalishidagi mayda shoxli mollarni ko‘paytirish va tarmoq ozuqa bazasini mustahkamlashga qaratilgan qo‘shimcha chora-tadbirlar to‘g‘risida”gi PQ-224-son qaroridan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
20. Mazkur qarorning ijrosini samarali tashkil qilishga mas’ul va shaxsiy javobgar etib qishloq xo‘jaligi vaziri A.B. Voitov hamda investitsiyalar, sanoat va savdo vaziri L.Sh. Qudratov belgilansin.
21. Qaror ijrosini muhokama qilib borish, ijro uchun mas’ul idoralar faoliyatini muvofiqlashtirish va nazorat qilish O‘zbekiston Respublikasining Bosh vaziri A.N. Aripov zimmasiga yuklansin.