13.10.2022 yildagi 590-son

T/r

Chora-tadbirlar nomi

Ijro muddati

Mas’ul ijrochilar

I. Mudofaa vazirligi qo‘shinlaridagi xotin-qizlar va harbiy xizmatchilarning oila a’zolari bilan ishlash bo‘yicha yetakchi mutaxassislar faoliyatini takomillashtirish

1.

Xotin-qizlar va harbiylarning oilalari bilan ishlash bo‘yicha yetakchi mutaxassislarning (keyingi o‘rinlarda — yetakchi mutaxassislar) funksional vazifalarini yangi talablarni hisobga olgan holda qayta ko‘rib chiqish va tasdiqlash.

2022-yil 20-noyabr

Mudofaa vazirligi

2.

Yetakchi mutaxassislarning malakasini oshirish bo‘yicha tizimli ishlarni olib borish maqsadida ular bilan o‘quv-uslubiy yig‘inlar o‘tkazish.

2023-yil 1-yanvardan boshlab o‘quv yili rejasiga asosan

Mudofaa vazirligi, “Oila va xotin-qizlar” ilmiy-tadqiqot instituti

3.

Harbiylar oilasini “xonadonbay” o‘rganishlar natijasida oilalarda sog‘lom muhitni barqarorlashtirish, xotin-qizlar ijtimoiy faolligini qo‘llab-quvvatlash bo‘yicha chora-tadbirlarni amalga oshirish.

2023-yil 1-yanvardan boshlab doimiy

Mudofaa vazirligi, Oila va xotin-qizlar davlat qo‘mitasi

4.

Yetakchi mutaxassislarni boy hayotiy tajribaga ega bo‘lgan, xotin-qizlar va oilalar bilan ishlay oladigan yuqori malakali mutaxassis kadrlardan jamlash.

2023-yil 1-fevral

Mudofaa vazirligi

5.

Harbiylarning oilalarida quyidagi yo‘nalishlar bo‘yicha ijtimoiy-ma’naviy muhitni o‘rganish:

oiladagi ijtimoiy-iqtisodiy holat;

oila a’zolarining bandlik darajasi;

farzandlar ta’lim-tarbiyasi;

nogironligi bo‘lgan oila a’zolarining ijtimoiy qo‘llab-quvvatlanishi.

har yili iyun va dekabr oylarida

Mudofaa vazirligi, Sog‘liqni saqlash vazirligi

6.

Xizmat faoliyatida alohida faollik va tashabbuskorlik ko‘rsatgan, o‘zining samarali xizmati bilan harbiylar oilasining shakllanishi va farovonligi mustahkamlanishiga, onalik va bolalik muhofazasiga munosib hissa qo‘shgan yetakchi mutaxassislarni munosib rag‘batlantirib borish.

2023-yildan boshlab har chorakda

Mudofaa vazirligi, Oila va xotin-qizlar davlat qo‘mitasi

II. Mudofaa vazirligi qo‘shinlari xotin-qizlar va harbiy xizmatchilarning oila a’zolarini ish bilan ta’minlashga ko‘maklashish

7.

Harbiy xizmatchilarning mehnatga layoqatli va ishsiz bo‘lgan oila a’zolarini o‘zini o‘zi band qilish hamda bo‘sh (vakant) ish o‘rinlariga ishga joylashtirishda amaliy yordam ko‘rsatish.

2022-yil 1-noyabrdan boshlab doimiy

Mudofaa vazirligi, Bandlik va mehnat munosabatlari vazirligi, Oila va xotin-qizlar davlat qo‘mitasi

8.

Harbiy xizmatchilarning ishsiz oila a’zolarini kasbga tayyorlash maqsadida “Ishga marhamat” monomarkazlari, kasb-hunarga o‘qitish markazlarida o‘qitish bo‘yicha targ‘ibot-tashviqot ishlarini tashkil etish hamda o‘qitishni tashkil etish.

2022-yil 1-noyabrdan boshlab doimiy

Mudofaa vazirligi, Bandlik va mehnat munosabatlari vazirligi, Oila va xotin-qizlar davlat qo‘mitasi

9.

Harbiy xizmatchilarning ishsiz oila a’zolari uchun bo‘sh ish o‘rinlari mehnat yarmarkalarini tashkil etib borish. Bunda, respublikaning tadbirkor ayollari ishtirokida xotin-qizlar va harbiylarning oilalariga kichik biznes va tadbirkorlikni rivojlantirishda faol ishtirok etishiga ko‘maklashish.

Har chorakda bir marta

Mudofaa vazirligi, Bandlik va mehnat munosabatlari vazirligi, Oila va xotin-qizlar davlat qo‘mitasi

10.

Harbiy xizmatchilarning tadbirkorlik va hunarmandchilik bilan shug‘ullanayotgan oila a’zolari ish faoliyatini targ‘ib qilish orqali band bo‘lmagan xotin-qizlarni ushbu faoliyatga jalb etish maqsadida “Mahorat darslari”ni o‘tkazish.

Har chorakda bir marta

Mudofaa vazirligi, Bandlik va mehnat munosabatlari vazirligi, Oila va xotin-qizlar davlat qo‘mitasi

11.

Xotin-qizlar va harbiylarning oilalarini kasb-hunarga o‘rgatish maqsadida harbiy shaharchalarda turli yo‘nalishdagi to‘garaklarni tashkil etish, ushbu to‘garaklarga oilalarni jalb etish bo‘yicha targ‘ibot ishlarini olib borish.

2023-yildan boshlab har chorakda

Mudofaa vazirligi, Bandlik va mehnat munosabatlari vazirligi, Oila va xotin-qizlar davlat qo‘mitasi

III. Harbiy xizmatchilarning oilalaridagi muhitni yaxshilash

12.

Harbiy xizmatchilarning oilalarida sog‘lom muhitni qaror toptirish, qaynona-kelin, er-xotin o‘rtasidagi munosabatlarni, ularning oiladagi o‘rinlarini to‘g‘ri yo‘lga qo‘yish maqsadida “Qaynona-kelin maktabi” mavzusida uchrashuv va jonli muloqotlarni tashkil etish.

2022-yil 1-noyabrdan boshlab doimiy

Mudofaa vazirligi, Oila va xotin-qizlar davlat qo‘mitasi, Qoraqalpog‘iston Respublikasi Vazirlar Kengashi, viloyatlar va Toshkent shahar xokimliklari, harbiy qism va muassasalar rahbarlari

13.

Yosh harbiy oilalar o‘rtasida sodir etilayotgan ajrimlarni oldini olish maqsadida “Oila-muqaddas qo‘rg‘on”, “Oilalarda nizoli holatlarning oldini olish usullari” mavzularida malakali huquqshunoslar, tibbiyot xodimlari ishtirokida uchrashuvlar tashkil etish.

2022-yil 1-noyabrdan boshlab har yili

Mudofaa vazirligi, Respublika Ma’naviyat va ma’rifat markazi, Oila va xotin-qizlar davlat qo‘mitasi

14.

Soha mutaxassislari bilan hamkorlikda harbiy xizmatchilar oilalarining reproduktiv salomatligiga erishish uchun quyidagi tadbirlarni amalga oshirish:

“Sog‘lom avlod uchun” hukumatga qarashli bo‘lmagan xalqaro xayriya fondi mutaxassislari ishtirokida zamonaviy diagnostika va davolash-tibbiyot uskunalaridan foydalanish;

harbiy xizmatchi ayollar va harbiy xizmatchilarning oila a’zolarini chuqurlashtirilgan tibbiy ko‘rikdan o‘tkazish.

2022-yil 15-noyabrdan boshlab har chorakda

Mudofaa vazirligi, Sog‘liqni saqlash vazirligi, Oila va xotin-qizlar davlat qo‘mitasi

15.

Mamlakatda yuz berayotgan demokratik islohotlarga muvofiq, xotin-qizlarning huquqlarini himoya qilish, ularning ijtimoiy-siyosiy faolligini oshirish ishlarining ahvolini tanqidiy o‘rganib chiqish, baholash va ularni takomillashtirish choralari ko‘rish.

2023-yil 1-yanvarga qadar

Mudofaa vazirligi, Oila va xotin-qizlar davlat qo‘mitasi

16.

Xotin-qizlarning faolligini qo‘llab-quvvatlash, farzand tarbiyasi, oila, xotin-qizlar ma’naviyatini yuksaltirish, ijtimoiy himoyaga muhtoj xotin-qizlarning muammolarini o‘rganish va hal etishga ko‘maklashishda “Oqila ayollar harakati” va mahallalardagi “Ayollar maslahat kengashlari” bilan hamkorlikni amalga oshirish.

doimiy

Mudofaa vazirligi, Oila va xotin-qizlar davlat qo‘mitasi

17.

Harbiy xizmatchilar oila a’zolarining ijodiy salohiyatini rivojlantirish, harbiy oilalarning hayotiy tajribasini ommalashtirish maqsadida “Ibratli harbiylar oilasi” ko‘rik-tanlovini tashkil etish.

har yili mart-may oylarida

Mudofaa vazirligi, Oila va xotin-qizlar davlat qo‘mitasi

18.

Xotin-qizlarning gender tenglik kafolatlarini ta’minlash, huquq va qonuniy manfaatlarini himoya qilish, ularning ijtimoiy-siyosiy hayotdagi o‘rni va faolligini oshirishga qaratilgan tizimli ishlarni olib borish.

har yili alohida reja asosida

Mudofaa vazirligi, Oila va xotin-qizlar davlat qo‘mitasi

19.

Mudofaa vazirligi qo‘shinlaridagi xotin-qizlar o‘rtasida “To‘maris izdoshlari”, harbiy xizmatchilarning rafiqalari o‘rtasida bekalik san’atini rivojlantirishga qaratilgan “Balli ayollar” ko‘rik-tanlovlarini o‘tkazish.

har yili alohida reja asosida

Mudofaa vazirligi, Oila va xotin-qizlar davlat qo‘mitasi

20.

Din vakillarini jalb etgan holda xotin-qizlar va harbiy xizmatchilarning oilalari o‘rtasida oila-nikoh munosabatlarini huquqiy tartibga solish, nikoh bo‘yicha diniy marosimlarni faqat nikoh rasmiy ro‘yxatdan o‘tkazilgandan keyin amalga oshirish masalalari bo‘yicha tushuntirish ishlarini tashkil etish.

2023-yildan boshlab har chorakda

Mudofaa vazirligi, Vazirlar Mahkamasi huzuridagi Din ishlari bo‘yicha qo‘mitasi hududiy boshqarmasi

21.

Xotin-qizlar va harbiy xizmatchilar oila a’zolarining sog‘lig‘ini saqlash, sog‘lom oilani shakllantirish, ayollar va oila sportini rivojlantirish, sog‘lom turmush tarzini targ‘ib qilish bo‘yicha ishlarni amalga oshirish.

2023-yildan boshlab har chorakda

Mudofaa vazirligi, Sog‘liqni saqlash vazirligi, Oila va xotin-qizlar davlat qo‘mitasi

22.

Harbiy qism va muassasalarda oilaviy qadriyatlarni mustahkamlashga bag‘ishlangan “Mustahkam oilani shakllantirishda ota-onaning mas’uliyati”, “Farzandning ota-ona oldidagi burchi”, “Oilaviy hayot saboqlari” mavzularida uchrashuv, seminar va davra suhbatlari o‘tkazish.

har yili alohida rejaga muvofiq

Mudofaa vazirligi, Oila va xotin-qizlar davlat qo‘mitasi, Respublika Ma’naviyat va ma’rifat markazi

23.

Xotin-qizlar va harbiylarning oila a’zolarini ma’naviy-ma’rifiy saviyasini oshirib borish, ularning mazmunli dam olishlarini tashkil etish maqsadida teatr, madaniyat va ma’rifat maskanlariga tashrif uyushtirish.

har yili alohida rejaga muvofiq

Mudofaa vazirligi, Respublika Ma’naviyat ma’rifat markazi