19.09.2022 yildagi 509-son
1-bandining ikkinchi xatboshisiga muvofiq spinal mushak atrofiyasi tashxisi qo‘yilgan bemor bolalar davlat tomonidan tibbiy-ijtimoiy yordam doirasida patogenetik dorilar, tibbiy va ortopediya moslamalari hamda reabilitatsiya qilishning texnik vositalari bilan kafolatli ta’minlanishi;
2-bandining “a” kichik bandi ikkinchi xatboshisiga muvofiq spinal mushak atrofiyasi klinik alomatlariga ega bo‘lgan bolalar, ularning klinik tashxislari, klinik tashxisning molekulyar-genetik usullar bilan tasdiqlangan xulosalari, oila a’zolarining gen tashuvchiligi tasdiqlanganlar hamda ushbu kasallik bilan tug‘ilishning oldini olishga qaratilgan choralar bo‘yicha elektron ma’lumotlar bazasi yuritilishi;
6-bandining birinchi xatboshisiga muvofiq spinal mushak atrofiyasi tashxisi qo‘yilgan bemor bolalarni davolash uchun mablag‘larni jamlash, shu jumladan, xayriya va homiylik mablag‘larini jalb qilish maqsadida Sog‘liqni saqlash vazirligida yuridik shaxs bo‘lmagan Spinal mushak atrofiyasi tashxisi qo‘yilgan bemor bolalarni qo‘llab-quvvatlash jamg‘armasi (keyingi o‘rinlarda — Jamg‘arma) tashkil etilganligi;
9-bandining uchinchi xatboshisiga muvofiq spinal mushak atrofiyasi tashxisi qo‘yilgan uy sharoitida davolanayotgan bemor bolalarni reabilitatsiya texnik vositalari bilan ta’minlash va mazkur vositalarni tekin ijaraga berish tizimini nazarda tutuvchi normativ-huquqiy hujjat loyihasini ishlab chiqish vazifasi belgilanganligi ma’lumot uchun qabul qilinsin.
5. Bemor bolalar ushbu Nizomga 2-ilovada keltirilgan reabilitatsiya qilishning texnik vositalari bilan ularning yashash joyidagi Pediatriya tibbiy-ijtimoiy ekspert komissiyasining (keyingi o‘rinlarda — PTIEK) muhtojlik to‘g‘risidagi tibbiy xulosasi asosida Qoraqalpog‘iston Respublikasi, viloyatlar va Toshkent shahar tibbiy-ijtimoiy xizmatlarni rivojlantirish boshqarmalari (keyingi o‘rinlarda-hududiy boshqarmalar) tomonidan ta’minlanadi, shu jumladan, ularga mazkur vositalar vaqtincha tekin foydalanish uchun beriladi.
6. Mazkur Nizomga 2-ilovaga muvofiq reabilitatsiya qilishning texnik vositalari ushbu vositalarga muhtoj bemor bolalarga reabilitatsiya qilishning texnik vositalarini belgilangan tartibda olishda muayyan muddatlarda kutish imkoni yo‘qligi, davolash, ularning muolajalarini kuzatib boruvchi shifokorlarning xulosasi va PTIEKning tibbiy xulosasiga ko‘ra tekin ijaraga berish tizimi asosida vaqtincha foydalanish uchun beriladi.

Bosqichlar

Subyektlar

Tadbirlar

Bajarish muddatlari

I. Reabilitatsiya qilishning texnik vositalariga muhtoj bemor bolalar ro‘yxatini shakllantirish hamda ularni ta’minlash uchun mablag‘ ajratish

1-bosqich

Tuman (shahar) tibbiy-ijtimoiy xizmatlarni rivojlantirish bo‘limi, Pediatrik tibbiy-ijtimoiy ekspert komissiyasi, tuman (shahar) tibbiyot birlashmalari

Reabilitatsiya qilishning texnik vositalariga muhtoj bemor bolalar ro‘yxatini shakllantiradi va yangilab boradi.

Muntazam ravishda

2-bosqich

Tuman (shahar) tibbiy-ijtimoiy xizmatlarni rivojlantirish bo‘limlari

Tuman (shahar) bo‘yicha muhtoj bemor bolalar ro‘yxatini tegishlicha Qoraqalpog‘iston Respublikasi, viloyatlar va Toshkent shahar tibbiy-ijtimoiy xizmatlarni rivojlantirish boshqarmalariga elektron shaklda taqdim etadi.

Har yili 1-dekabrga qadar

3-bosqich

Qoraqalpog‘iston Respublikasi, viloyatlar va Toshkent shahar tibbiy-ijtimoiy xizmatlarni rivojlantirish boshqarmalari

1. Reabilitatsiya qilishning texnik vositalari o‘rtacha narxlarini keyingi yil uchun shakllantirish.

Har ikki yilda bir marotaba 5-dekabrga qadar

2. Reabilitatsiya qilishning texnik vositalari o‘rtacha narxlarini Qoraqalpog‘iston Respublikasi Moliya vazirligi, viloyatlar va Toshkent shahar moliya boshqarmalari bilan kelishadi hamda tasdiqlaydi.

Har ikki yilda bir marotaba 15-dekabrga qadar

4-bosqich

Qoraqalpog‘iston Respublikasi, viloyatlar va Toshkent shahar tibbiy-ijtimoiy xizmatlarni rivojlantirish boshqarmalari

1. Reabilitatsiya qilishning texnik vositalariga muhtoj bemor bolalar ro‘yxatini umumlashtiradi.

2. Zarur bo‘ladigan yillik mablag‘larni ajratish yuzasidan Qoraqalpog‘iston Respublikasi Moliya vazirligi, viloyatlar va Toshkent shahar moliya boshqarmalariga buyurtmanoma beradi.

Har yili 30-dekabrga qadar

5-bosqich

Qoraqalpog‘iston Respublikasi Moliya vazirligi, viloyatlar va Toshkent shahar moliya boshqarmalari

Zarur bo‘ladigan yillik mablag‘larni Qoraqalpog‘iston Respublikasi, viloyatlar va Toshkent shahar tibbiy-ijtimoiy xizmatlarni rivojlantirish boshqarmalarining asoslangan hisob-kitoblariga ko‘ra ajratadi.

Har yili kelgusi yilning 1-apreliga qadar

II. Bemor bolalarni reabilitatsiya qilishning texnik vositalari bilan ta’minlash

6-bosqich

Qoraqalpog‘iston Respublikasi, viloyatlar va Toshkent shahar tibbiy-ijtimoiy xizmatlarni rivojlantirish boshqarmalari

Reabilitatsiya qilishning texnik vositalarini “Davlat xaridlari to‘g‘risida”gi O‘zbekiston Respublikasining Qonuniga asosan xarid qilish choralarini ko‘radi.

Belgilangan muddatlarda

7-bosqich

Qoraqalpog‘iston Respublikasi, viloyatlar va Toshkent shahar tibbiy-ijtimoiy xizmatlarni rivojlantirish boshqarmalari

1. Bemor bolalarni tegishli reabilitatsiya qilishning texnik vositalari bilan ta’minlaydi.

1. Etkazib beruvchi tashkilotdan qabul qilib olingandan keyin 10 kun muddatda

2. Bemor bolalarga tegishli reabilitatsiya qilishning texnik vositalarini tekin ijara asosida foydalanish uchun beradi.

2. Zaruratga ko‘ra

8-bosqich

Bemor bolaning ota-onasi yoki boshqa qonuniy vakili

1. Reabilitatsiya qilishning texni� vositalaridan foydalanishga zarurat qolmaganda, ularni tegishlicha Qoraqalpog‘iston Respublikasi, viloyatlar va Toshkent shahar tibbiy-ijtimoiy xizmatlarni rivojlantirish boshqarmalariga qaytaradi.

1. 10 kun muddatda

2. Vaqtincha tekin foydalanish uchun berilgan reabilitatsiya qilishning texnik vositalari tegishlicha Qoraqalpog‘iston Respublikasi, viloyatlar va Toshkent shahar tibbiy-ijtimoiy xizmatlarni rivojlantirish boshqarmalariga qaytaradi.

2. 3 oydan oshmagan muddatda

3. Zaruratga ko‘ra tibbiy xulosa asosida vaqtincha foydalanish muddati uzay�iriladi.

3. 2 oygacha muddatga