O‘zbekiston Respublikasi Prezidentining “2022 — 2026-yillarga mo‘ljallangan Yangi O‘zbekistonning taraqqiyot strategiyasi to‘g‘risida” 2022-yil 28-yanvardagi PF-60-son Farmoni ijrosini ta’minlash maqsadida Vazirlar Mahkamasi qaror qiladi:
1. Vazirlar Mahkamasining 2020-yil 24-fevraldagi 109-son qarori bilan tasdiqlangan Qishloq xo‘jaligida foydalanilmayotgan yerlarni foydalanishga kiritishda irrigatsiya va melioratsiya obyektlarini qurish va rekonstruksiya qilish bilan bog‘liq xarajatlarni qoplab berish tartibi to‘g‘risidagi nizomga ilovaga muvofiq o‘zgartirishlar va qo‘shimcha kiritilsin.
2. O‘zbekiston Respublikasi Suv xo‘jaligi vazirligi Qishloq xo‘jaligi vazirligi, manfaatdor vazirlik va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish O‘zbekiston Respublikasi Bosh vazirining agrar va oziq-ovqat sohalarini rivojlantirish masalalari bo‘yicha o‘rinbosari Sh.M. G‘aniyev zimmasiga yuklansin.
1. 1-banddagi “vertikal sug‘orish quduqlarini burg‘ilash va ishga tushirish” so‘zlari “vertikal sug‘orish quduqlarini burg‘ilash, nasos agregatini o‘rnatish hamda ishga tushirish” so‘zlari bilan almashtirilsin.
2. 2-bandning uchinchi xatboshisidagi “ajratilgan yerlarga” so‘zlari “ajratilgan yerlarga, shuningdek, lalmi va adir yerlarga” so‘zlari bilan almashtirilsin.
“5. Qishloq xo‘jaligida foydalanilmayotgan har bir gektar erni foydalanishga kiritish bilan bog‘liq xarajatlarning 50 foizi, biroq bazaviy hisoblash miqdorining 50 barobaridan oshmagan, yerlarni foydalanishga kiritishda vertikal sug‘orish qudug‘ini burg‘ilash va nasos agregatini o‘rnatish hamda ishga tushirish bilan bog‘liq xarajatlarning esa 50 foizi, biroq 120 million so‘mgacha bo‘lgan qismi O‘zbekiston Respublikasi Davlat budjeti (keyingi o‘rinlarda — Davlat budjeti) mablag‘lari hisobidan (subsidiya sifatida) tuzilgan investitsiya shartnomasi yoki davlat-xususiy sheriklik bitimi doirasida bir marta qoplab beriladi”;
“qishloq xo‘jaligida foydalanilmayotgan yerlarni foydalanishga kiritish uchun vertikal sug‘orish qudug‘ini burg‘ilash va nasos agregatini o‘rnatish hamda ishga tushirish bilan bog‘liq xarajatlarning 50 foizi, biroq 120 million so‘mgacha bo‘lgan qismini qoplash uchun ajratiladi”;
oltinchi xatboshidagi “vertikal sug‘orish quduqlarini burg‘ulash va ishga tushirish” so‘zlari “vertikal sug‘orish quduqlarini burg‘ilash va nasos agregatini o‘rnatish hamda ishga tushirish” so‘zlari bilan almashtirilsin.
“11. O‘zbekiston Respublikasi Suv xo‘jaligi vazirligi qishloq xo‘jaligida foydalanilmayotgan yerlarni foydalanishga kiritish bilan bog‘liq bo‘lgan qurish va rekonstruksiya qilish ishlari uchun Davlat budjetidan har bir gektar erga 50 foizi, biroq bazaviy hisoblash miqdorining 50 barobaridan oshmagan, yerlarni foydalanishga kiritishda vertikal sug‘orish qudug‘ini burg‘ilash va nasos agregatini o‘rnatish hamda ishga tushirish bilan bog‘liq xarajatlarning esa 50 foizi, biroq 120 million so‘mgacha qoplanadigan qismini qurish va rekonstruksiya qilish ishlari bo‘yicha tasdiqlangan manzilli dasturiga asosan mazkur maqsadlar uchun markazlashgan xarajatlar smetasida nazarda tutilgan mablag‘lar doirasida aniqlaydi”.