07.06.2022 yildagi 305-son
4. O‘zbekiston Respublikasi Hukumatining 2-ilovaga muvofiq ayrim qarorlari o‘z kuchini yo‘qotgan deb hisoblansin.
Bunda mazkur Reglamentning 12-bandida ko‘rsatilgan yig‘im miqdorining 50 foizi undiriladi.

Bosqichlar

Subyektlar

Tadbirlar

Bajarish muddatlari

1-bosqich

Da’vogar

Aktuariy malaka sertifikatini olish uchun Davlat xizmatlari markaziga o‘zi kelgan holda yoki elektron tarzda YIDXP orqali murojaat qiladi.

O‘z xohishiga ko‘ra

2-bosqich

Davlat xizmatlari markazlari yoki YIDXP

Da’vogar Davlat xizmatlari markaziga murojaat etganda, uning anketasi Davlat xizmatlari markazi xodimi tomonidan to‘ldirilib, da’vogarning ERIsi bilan tasdiqlangandan so‘ng yoki YIDXP orqali murojaat qilganda — anketa da’vogar tomonidan mustaqil ravishda to‘ldirilib, so‘ng vakolatli organga elektron shaklda yuboriladi.

Davlat xizmatlari markazi orqali murojaat qilinganda real vaqt rejimida, biroq bir soatdan oshmagan vaqtda, YIDXP orqali esa avtomatik tarzda

3-bosqich

Sug‘urta bozorini rivojlantirish agentligi

1. Vakolatli organ murojaat kelib tushgandan keyin da’vogarga malaka imtihonini topshirishga ruxsat berish yoki rad etish to‘g‘risida qaror qabul qiladi.

Murojaat elektron ko‘rinishda kelib tushgan kundan boshlab o‘n ish kunida

2. Ruxsat berish yoki rad etish to‘g‘risidagi qaror haqda vakolatli organ da’vogarni elektron shaklda xabardor qiladi.

Qaror qabul qilingan sanadan keyin uch ish kunida

Davlat xizmatlari markazi

3. Malaka imtihonini topshirishga ruxsat berilgan da’vogarlar malaka imtihonini o‘tkazish sanasi, vaqti va joyi to‘g‘risida tegishli Davlat xizmatlari markaziga (o‘zi murojaat etganda) yoki da’vogarga YIDXP orqali (elektron tarzda murojaat etganda) elektron shaklda xabarnoma yuboradi.

Malaka imtihoni o‘tkazilishidan kamida o‘n kun oldin

4. Davlat xizmatlari markazi vakolatli organdan kelib tushgan elektron shakldagi xabarnomani da’vogarga anketada ko‘rsatilgan elektron manzil bo‘yicha yuboradi va da’vogarni bu haqda axborot- kommunikatsiya tizimi orqali xabardor qiladi.

Davlat xizmatlari markazi tomonidan elektron shaklda xabarnoma kelib tushgan kunda

4-bosqich

Da’vogar

1. Malaka imtihonida qatnashishga ruxsat berilgan da’vogar belgilangan sana va vaqtda shaxsini tasdiqlovchi hujjat bilan (pasport, identifikatsiyalovchi ID-karta yoki shaxsini tasdiqlovchi boshqa hujjat) bilan imtihon o‘tkaziladigan joyga yetib keladi.

Imtihon o‘tkazish sanasi uch kishidan iborat guruhning shakllanishiga ko‘ra, lekin kamida uch oyda bir marta belgilanadi

Sug‘urta bozorini rivojlantirish agentligi

2. Malaka imtihoniga kechikkan yoki shaxsini tasdiqlovchi hujjati bo‘lmagan da’vogarlar imtihonga kelmagan deb hisoblanadi va navbatdagi malaka imtihonini topshirishga ruxsat berilgan shaxslar ro‘yxatiga kiritadi.

Malaka imtihoni o‘tkazilgan kundan so‘ng bir ish kuni mobaynida

5-bosqich

Imtihon komissiyasi

1. Malaka imtihonining test sinovi bosqichi.

Test sinovi 40 ta nazariy savoldan iborat.

Test o‘tkaziladigan kunda uch akademik soat davomida

2. Malaka imtihonning yozma va og‘zaki bosqichi.

Imtihon 4 ta nazariy savol va 4 ta amaliy masalalardan iborat.

Imtihon o‘tkaziladigan kunda uch akademik soat davomida

6-bosqich

Sug‘urta bozorini rivojlantirish agentligi

1. QR-kod qo‘yilgan aktuariy malaka sertifikatini rasmiylashtiradi va uni ERIsi bilan tasdiqlab, tegishli Davlat xizmatlari markaziga (o‘zi murojaat etganda) yoki da’vogarga YIDXP orqali (elektron tarzda murojaat etganda) elektron shaklda yuboradi.

Imtihon komissiyasining bayonnomalari qabul qilib olingandan so‘ng keyingi uch ish kuni mobaynida

2. Aktuariy malaka sertifikatini elektron shaklda da’vogarning elektron manziliga yuboradi va da’vogarni bu haqda axborot-kommunikatsiya tizimi orqali xabardor qiladi.

Aktuariy malaka sertifikati elektron shaklda kelib tushgandan so‘ng o‘n daqiqa mobaynida

Davlat xizmatlari markazi yoki YIDXP

3. Davlat xizmatlari markaziga da’vogar o‘zi kelib murojaat qilgan taqdirda, da’vogarning so‘roviga ko‘ra unga aktuariy malaka sertifikatini elektron yoki qog‘oz shaklda beradi.

Da’vogar talab qilgan paytda