“Budjet tizimi toʻgʻrisida”gi Oʻzbekiston Respublikasi Qonuni va Vazirlar Mahkamasining 2004-yil 28-dekabrdagi “Oʻzbekiston Respublikasining 2005-yilgi Davlat budjeti parametrlari toʻgʻrisida”gi 610-sonli qarorining 20-bandiga muvofiq (Oʻzbekiston Respublikasi Qonun hujjatlari toʻplami, 2004-y., 52-son, 523-modda) hamda budjetdan mablagʻ oluvchilar bilan tovar (ishlar, xizmatlar)ni yetkazib beruvchilar oʻrtasidagi shartnomalar (kontraktlar)ni roʻyxatdan oʻtkazish va ularning xarajatlarini toʻlashga budjet mablagʻlarini oʻtkazish ustidan nazorat qilishni tartibga solish maqsadida buyuraman:

1. Ilova* qilinayotgan Moliya organlarida budjetdan tashqari mablagʻ oluvchilar bilan tovar (ishlar, xizmatlar) yetkazib beruvchilar oʻrtasidagi shartnomalarni roʻyxatdan oʻtkazish va ularning xarajatlari toʻlovini nazorat qilish tartibi haqidagi vaqtinchalik nizom tasdiqlansin.

2. Mazkur buyruq Oʻzbekiston Respublikasi Adliya vazirligida davlat roʻyxatiga olinganidan soʻng oʻn kundan keyin amalga kiritilsin.