O‘zbekiston Respublikasi Prezidentining “Termiz agrotexnologiyalar va innovatsion rivojlanish institutini tashkil etish chora-tadbirlari to‘g‘risida” 2021-yil 28-oktabrdagi PQ-5269-son qarori ijrosini ta’minlash maqsadida Vazirlar Mahkamasi qaror qiladi:

1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.

2. Mazkur qarorning bajarilishini nazorat qilish O‘zbekiston Respublikasi Bosh vazirining agrar va oziq-ovqat sohalarini rivojlantirish masalalari bo‘yicha o‘rinbosari Sh.M. G‘aniyev zimmasiga yuklansin.

1. Vazirlar Mahkamasining 2019-yil 9-iyuldagi 571-son qarori bilan tasdiqlangan O‘zbekiston Respublikasi Qishloq xo‘jaligi vazirligi to‘g‘risidagi nizomning 9-bandiga quyidagi mazmundagi to‘qqizinchi va o‘ninchi xatboshilar qo‘shilsin:

“Termiz agrotexnologiyalar va innovatsion rivojlanish instituti;

Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazi”;

to‘qqizinchi — o‘n yettinchi xatboshilar tegishlicha o‘n birinchi — o‘n to‘qqizinchi xatboshilar deb hisoblansin.

2. Vazirlar Mahkamasining 2020-yil 15-dekabrdagi 788-son qarori bilan tasdiqlangan Agrar ta’lim tizimining 2030-yilgacha innovatsion rivojlanish strategiyasining 2-bobida:

birinchi xatboshidagi “Nukus, Termiz va Samarqand filiallari, shuningdek, Andijon qishloq xo‘jaligi va agrotexnologiyalar instituti” so‘zlari “Samarqand filiali, Qoraqalpog‘iston qishloq xo‘jaligi va agrotexnologiyalar instituti, Andijon qishloq xo‘jaligi va agrotexnologiyalar instituti, shuningdek, Termiz agrotexnologiyalar va innovatsion rivojlanish instituti” so‘zlari bilan almashtirilsin;

to‘qqizinchi xatboshidagi “Nukus, Termiz va Samarqand filiallarida” so‘zlari “Samarqand filiali, Qoraqalpog‘iston qishloq xo‘jaligi va agrotexnologiyalar instituti hamda Termiz agrotexnologiyalar va innovatsion rivojlanish institutida” so‘zlari bilan almashtirilsin;

“b” kichik bandining beshinchi xatboshidagi “Nukus filiali” so‘zlari “QQXAI” so‘zi, “Termiz filiali” so‘zlari “TAIRI” so‘zi bilan almashtirilsin;

“g” kichik bandining ikkinchi xatboshidagi “Nukus filiali” so‘zlari “QQXAI” so‘zi, “Termiz filiali” so‘zlari “TAIRI” so‘zi bilan almashtiril sin.

3. Vazirlar Mahkamasining 2021-yil 9-sentabrdagi 563-son qarori bilan tasdiqlangan Hududlarda talabalar turar joylarini qurish uchun oliy ta’lim muassasalariga doimiy foydalanish huquqi asosida ajratilayotgan yer maydonlari ro‘yxatining 46-pozitsiyasi “Oliy ta’lim muassasasi nomi” ustunidagi “Toshkent davlat agrar universiteti Termiz filiali” so‘zlari “Termiz agrotexnologiyalar va innovatsion rivojlanish instituti” so‘zlari bilan almashtirilsin.