Obyekt nomi | O‘lchov birligi | Soni | Amalga oshirish muddati | Buyurtmachi | Limit (mln so‘m) | |
I. Turizm xizmatlari sohasini rivojlantirish — 29,4 mlrd so‘m | ||||||
1. | Yirik turistik salohiyatga ega bo‘lgan tog‘li va tog‘oldi hududlarni geografik, iqlim va boshqa tadqiqotlari, konsepsiyasi, texnik iqtisodiy asoslari, marketing tahlili, tog‘li va tog‘oldi hududlarning transport modeli, arxitektura qiyofasi, loyihani istiqbolini belgilash hamda tibbiy, eko, agro, sport va boshqa turizm turlarini rivojlantirishni o‘z ichiga olgan master-rejalarini ishlab chiqish va moslashtirish.*** | ro‘yxat** | 1 | 2022-yil noyabr | “Binolardan foydalanish va qurilish ta’mirlash ishlari direksiyasi” DUK | 8 000,0 |
2. | “Shahrisabz tarixiy markazi” butunjahon madaniy meros obyektini dastlabki regeneratsiya (tarixiy shaklini qayta tiklash bo‘yicha loyiha smeta hujjatlarini ishlab chiqish va loyihani amalga oshirish uchun dastlabki ishlarni boshlash) ishlarini amalga oshirish. | Tarixiy madaniy hudud | 1 | 2022-yil sentyabr | Madaniy meros agentligi | 10 000,0 |
3. | “Ichan qal’a” hamda “Buxoro tarixiy markazi” butunjahon madaniy merosi joylashgan Xiva va Buxoro shaharlarining boshqaruv rejasini ishlab chiqish. | obyekt | 2 | 2022-yil may | Madaniy meros agentligi | 600,0 |
4. | A373, M39, A380, M37 Xalqaro avtomobil yo‘llari bo‘yida milliy karvonsaroylar uslubidagi 4 turdagi namunaviy loyihalarni ishlab chiqish (Vodiy viloyatlari uchun alohida, Samarqand-Buxoro yo‘nalishi bo‘yicha, Xorazm-Qoraqalpog‘iston Respublikasi, Qashqadaryo-Surxondaryo yo‘nalishi bo‘yicha). Majmuada AYQSh, AGQSh, Dizel, elektr mobillar uchun zaryad olish stansiyalari, motel, savdo rastalari, ona-bola xonasi, sanitariya-gigiyenik shaxobchalar, avtomobillarga texnik xizmat ko‘rsatish, tez tibbiy yordam ko‘rsatish punkti, turistik axborot markazi loyihalarini o‘z ichiga oladi. | loyiha | 4 | 2022-yil may | “Binolardan foydalanish va qurilish ta’mirlash ishlari direksiyasi” DUK | 800,0 |
5. | 2022-yilda “Qo‘qon — Turkiy dunyo turizm poytaxti” maqomini olgani munosabati bilan Qo‘qon shahrining turizm infratuzilmasini zamonaviy shaklga keltirish. Bunda, Turistik obyektlarni bog‘lovchi yo‘llarni sayyohlar gavjum joylarda zamonaviy LED ekranlar, sanitariya-gigiyeniya shaxobchalar, dekorativ soyabonli o‘rindiqlar, reklama shitlari va turistik axborot markazlari, Wi-Fi zonalar, servis nuqtalarni tashkil etish, targ‘ibot materiallarini chop etish, yo‘l ko‘rsatkich belgilarini o‘rnatish. | shahar | 1 | 2022-yil avgust | Farg‘ona viloyati hokimligi | 10 000,0 |
II. Madaniy meros sohasi obyektlarini rivojlantirish — 117,3 mlrd so‘m | ||||||
6. | Qo‘qon shahrida joylashgan madaniy meros obyekti (Istiqlol ko‘chasi, 16-uy) restavratsiya qilish va uni Art rezidensiya sifatidagi faoliyatini yo‘lga qo‘yish. Mazkur madaniy meros hisoblangan binoni Turizm va madaniy meros vazirligi huzuridagi Madaniy meros agentligi tasarrufiga o‘tkazish. | obyekt | 1 | 2022-yil oktyabr | Madaniy meros agentligi | 5 500,0 |
7. | Samarqand shahrida joylashgan “Shoxi-Zinda” majmuasini obodonlashtirish, turniket o‘rnatish, me’moriy yodgorliklardagi bezaklarni qotirish, namlikni qochirish, xatabalarni tiklash.*** | obyekt | 1 | 2022-yil oktyabr | Madaniy meros agentligi | 700,0 |
8. | Samarqand shahrida joylashgan “Bibi-Xonim” majmuasining tom, ravoq panjarasi va poydevor qismini mustahkamlash, suv ketish yo‘llarini tiklash, gumbazlarni va devorlarini ta’mirlash-qayta tiklash, obodonlashtirish.*** | obyekt | 1 | 2022-yil oktyabr | Madaniy meros agentligi | 3 000,0 |
9. | Samarqand shahrida joylashgan “Saroy Mulk Xonim” maqbarasida restavratsiya ishlarini amalga oshirish, obodonlashtirish, yoriqlarni ta’mirlash, suv ketish yo‘llarini ta’mirlash.*** | obyekt | 1 | 2022-yil oktyabr | Madaniy meros agentligi | 300,0 |
10. | Samarqand shahrida joylashgan “Registon” majmuasidagi ko‘chgan koshinlarning analogi bo‘yicha asl holatidek ta’mirlash, tom qismini mustahkamlash.*** | obyekt | 1 | 2022-yil oktyabr | Madaniy meros agentligi | 4 000,0 |
11. | Samarqand shahrida joylashgan “Amir Temur” majmuasida gumbaz va devor old qismi, galereyaning pol qismlari va peshtok mukarnaslarini qayta ta’mirlash.*** | obyekt | 1 | 2022-yil oktyabr | Madaniy meros agentligi | 3 000,0 |
12. | Samarqand shahrida joylashgan “Ashratxona” maqbara majmuasi tashqi va ichki bezaklarini tarixiy foto-hujjatlar asosida ta’mirlash-tiklash, obodonlashtirish.*** | obyekt | 1 | 2022-yil oktyabr | Madaniy meros agentligi | 1 000,0 |
13. | Samarqand shahrida joylashgan “Mahdumi Xorazmiy” masjidi majmuasida arxeologik ilmiy-tadqiqot ishlarini olib borish, namlangan joylarning suvlarini qochirish, obodonlashtirish va tarixiy hovuzni tiklash.*** | obyekt | 1 | 2022-yil oktyabr | Madaniy meros agentligi | 400,0 |
14. | Samarqand shahrida joylashgan “Ruxobod” majmuasining tom va pol qismlarini, suv ketish yo‘llarini ta’mirlash, namlangan joylarning suvlarini qochirish, devor qismlari va minorani ta’mirlash.*** | obyekt | 1 | 2022-yil sentyabr | Madaniy meros agentligi | 200,0 |
15. | Samarqand shahrida joylashgan “Xo‘ja Doniyor” maqbarasining poydevor qismini mustahkamlash, yoriqlarni ta’mirlash va obodonlashtirish.*** | obyekt | 1 | 2022-yil sentyabr | Madaniy meros agentligi | 300,0 |
16. | Samarqand shahrida joylashgan “Sobiq Avliyo Nikolay Cherkovi” bino majmuasining devorlaridagi namlikni qochirish, ichki va tashqi qiyofasini tarixiy foto-hujjatlar asosida qayta tiklash va obodonlashtirish.*** | obyekt | 1 | 2022-yil sentyabr | Madaniy meros agentligi | 800,0 |
17. | Samarqand shahrida joylashgan “Oq Saroy” maqbarasini obodonlashtirish, tom qismlarni mustahkamlash va suv yo‘llarini ta’mirlash.*** | obyekt | 1 | 2022-yil sentyabr | Madaniy meros agentligi | 500,0 |
18. | Samarqand shahrida joylashgan “Dari Zanjir” majmuasining tom va poydevor qismini mustahkamlash, qulab tushgan qismini qayta tiklash, obodonlashtirish.*** | obyekt | 1 | 2022-yil sentyabr | Madaniy meros agentligi | 600,0 |
19. | Samarqand shahrida joylashgan “Qo‘sh-Xavuz” masjidining ayvonidagi yog‘och konstruksiyalarni restavratsiya qilish, tom qismini ta’mirlash, obodonlashtirish.*** | obyekt | 1 | 2022-yil noyabr | Madaniy meros agentligi | 200,0 |
20. | Buxoro viloyati Qorako‘l tumanida joylashgan “Qadimgi Poykent” arxeologiya yodgorligini konservatsiya qilish, atrofini o‘rab olish, obodonlashtirish, turizm axborot markazini tashkil etish. | obyekt | 1 | 2022-yil oktyabr | Madaniy meros agentligi | 3 000,0 |
21. | Buxoro shahrida joylashgan “Abdullazizxon” madrasasining tom va poydevor qismini mustahkamlash, qulab tushgan va unga tutash devor qismlarini ta’mirlash va qayta tiklash, obodonlashtirish. | obyekt | 1 | 2022-yil noyabr | Madaniy meros agentligi | 3 500,0 |
22. | Buxoro shahrida joylashgan “Abdullaxon” madrasasining tom va poydevor qismini mustahkamlash, qulab tushgan devor qismlarini qayta tiklash, namlikni qochirish, bino atrofidagi tuproq sathini tushirish va obi g‘isht bilan qoplash, obodonlashtirish. | obyekt | 1 | 2022-yil oktyabr | Madaniy meros agentligi | 3 000,0 |
23. | Buxoro shahrida “Tosh Saroy” madrasasining tom va poydevor qismini mustahkamlash, qulab tushgan qismlar va ichki hujralarni ta’mirlash-qayta tiklash, obodonlashtirish.*** | obyekt | 1 | 2022-yil oktyabr | Madaniy meros agentligi | 3 000,0 |
24. | Buxoro shahridagi “Masjidi Kalon” (Poi Kalon �ajmuasi) qulab tushgan qismlar va ta’mirtalab devorlarini ta’mirlash-qayta tiklash, atrofini obodonlashtirish.*** | obyekt | 1 | 2022-yil oktyabr | Madaniy meros agentligi | 2 500,0 |
25. | Buxoro “Ark” qo‘rg‘oni majmuasidagi Qushbegi, Saisxona, Salomxona, Taxtxona madaniy meros obyektlarida ta’mirlash tiklash ishlarini olib borish va “Ark” qo‘rg‘oni majmuasi vayronalari qismida “Arxeologik park”ni tashkil qilish hamda obyektda tungi yoritish uskunalari o‘rnatish. | obyekt | 1 | 2022-yil oktyabr | Madaniy meros agentligi | 6 000,0 |
26. | Buxoro shahridagi “Ulug‘bek tamokifurush karvon saroyi” (qoldiqlari) tom va poydevor qismini mustahkamlash, qulab tushgan va unga tutash devor qismlarini ta’mirlash va qayta tiklash, atrofini obodonlashtirish. | obyekt | 1 | 2022-yil oktyabr | Madaniy meros agentligi | 1 500,0 |
27. | Buxoro shahridagi Ahmadjon karvon saroyi tom va poydevor qismini mustahkamlash, qulab tushgan va unga tutash devor qismlarini ta’mirlash va qayta tiklash, obodonlashtirish. | obyekt | 1 | 2022-yil oktyabr | Madaniy meros agentligi | 1 000,0 |
28. | Buxoro viloyati G‘ijduvon tumani “Qadimiy G‘ijduvon qo‘rg‘oni” eski qal’a devorlari va darvozalarini qayta tiklash va unga tutash devor qismlarini ta’mirlash, atrofini obodonlashtirish.*** | obyekt | 1 | 2022-yil oktyabr | Madaniy meros agentligi | 1 000,0 |
29. | Buxoro shahri tarixiy markazi hududidagi turizm obyektlari, mahalla va ko‘chalari hamda xonadonlarga sopoldan tarixiy uslubda ishlangan 1017 ta manzil ko‘rsatkich belgilarini tayyorlash va o‘rnatish. | dona | 1 017 | 2022-yil sentyabr | Madaniy meros agentligi | 500,0 |
30. | Buxoro shahridagi “To‘raqulboy uyi”ning ichki hovli va tashqi hovli qismlarini asl holatida qayta tiklash va unga tutash devor qismlarini ta’mirlash, atrofini obodonlashtirish. | obyekt | 1 | 2022-yil oktyabr | Madaniy meros agentligi | 1 000,0 |
31. | Buxoro shahrida joylashgan “Modarixon” madrasasining tom va poydevor qismini mustahkamlash, qulab tushgan devor qismlarini qayta tiklash, namlikni qochirish, bino atrofidagi tuproq sathini tushirish va obi g‘isht bilan qoplash, atrofini obodonlashtirish.*** | obyekt | 1 | 2022-yil oktyabr | Madaniy meros agentligi | 2 000,0 |
32. | Buxoro shahar “Gavkushon” majmuasidagi “Xoja Kalon” masjidining tom va poydevor qismini mustahkamlash, qulab tushgan va unga tutash devor qismlarini ta’mirlash va qayta tiklash, atrofini obodonlashtirish.*** | obyekt | 1 | 2022-yil oktyabr | Madaniy meros agentligi | 2 500,0 |
33. | Navoiy viloyati Uchquduq tumanidagi “Tosh o‘rmon” tabiiy arxeologiya yodgorligini tevarak atrofini 3D panjara bilan o‘rash, quyosh batareya panellari, kuzatuv kameralari, tungi yoritgich chiroqlari o‘rnatish. | obyekt | 1 | 2022-noyabr | Madaniy meros agentligi | 1 500,0 |
34. | Navoiy viloyati Navbahor tumanida joylashgan “Sarmishsoy” davlat muzey qo‘riqxonasini obodonlashtirish, kirish darvozasi, tosh stella va axborot markazi tashkil etish. | obyekt | 1 | 2022-noyabr | Navoiy viloyati hokimligi | 2 000,0 |
35. | Surxondaryo viloyati Boysun tumanida joylashgan “Uzundara” arxeologiya yodgorligini konservatsiya qilish, atrofini o‘rab olish, obodonlashtirish, turizm axborot markazi va kichik muzey tashkil etish. | obyekt | 1 | 2022-yil oktyabr | Madaniy meros agentligi | 2 000,0 |
36. | Xorazm viloyati “Qibla toza bog‘” madaniy meros obyektini qayta ta’mirlash, qisman konservatsiya qilish, muzeylashtirish hamda turistik marshrutga kiritish uchun kerakli infratuzilmasini yaratish. | obyekt | 1 | 2022-yil sentyabr | Madaniy meros agentligi | 5 000,0 |
37. | Xorazm viloyati “Ibrohimxo‘ja madrasasi” arxeologik yodgorligini qayta ta’mirlash va restavratsiya qilish, tevarak atrofini obodonlashtirish. | obyekt | 1 | 2022-yil sentyabr | Madaniy meros agentligi | 2 000,0 |
38. | Xorazm viloyati “Said mohi ro‘i jahon” maqbarasini qayta ta’mirlash va restavratsiya qilish, tevarak atrofini obodonlashtirish. | obyekt | 1 | 2022-yil sentyabr | Madaniy meros agentligi | 1 500,0 |
39. | Toshkent shahri Sayilgoh ko‘chasida joylashgan “Knyaz Romanov saroyi” va fligeli yo‘qotilgan me’moriy qismlarni tiklash-ta’mirlash, yerto‘la va saroy xonalari, eshik va derazalarni qayta tiklash-ta’mirlash, fligel qismini tarixiy holatiga keltirish, tarixiy hujjatlar asosida obodonlashtirish. | obyekt | 1 | 2022-yil noyabr | Vazirlar Mahkamasi huzuridagi Madaniyat va san’atni rivojlantirish jamg‘armasi | 10 000,0 |
40. | Toshkent shahri Mirobod tumani Amir Temur tor ko‘chasi 6-uy manzilda joylashgan sobiq Toshtramning dizel stansiyasi binosi negizida “Zamonaviy san’at markazi”ni tashkil etish. | obyekt | 1 | 2022-yil noyabr | Vazirlar Mahkamasi huzuridagi Madaniyat va san’atni rivojlantirish jamg‘armasi | 7 000,0 |
41. | Toshkent shahri “Abulqosim Eshon” madrasasini tarixiy va asl holatga keltirish va ta’mirlash, konstruktiv mustahkamlash va obodonlashtirish. | obyekt | 1 | 2022-yil noyabr | Vazirlar Mahkamasi huzuridagi Madaniyat va san’atni rivojlantirish jamg‘armasi | 4 000,0 |
42. | Toshkent shahri Olmazor tumani Langar ko‘chasi 111-uyda joylashgan “Langar ota” masjidi tevarak atrofini obodonlashtirish, yo‘laklarni ta’mirlash va darvoza o‘rnatish. | obyekt | 1 | 2022-yil noyabr | Madaniy meros agentligi | 400,0 |
43. | Toshkent shahri Shayxontoxur tumanida “Azlarxon eshon” maqbarasining tevarak atrofini obodonlashtirish, yo‘laklarni ta’mirlash. | obyekt | 1 | 2022-yil noyabr | Madaniy meros agentligi | 400,0 |
44. | Madaniy boyliklar, rangtasvir asarlarini yuqori aniqlikda fotofiksatsiya, material tarkibi, yaratilgan vaqti bo‘yicha spektr va boshqa usullarda tahlil qilish imkoniyatiga ega rentgen-spektr tahlili uskunalarini sotib olish.*** | ro‘yxat** | 1 | 2022-yil iyun | Madaniy meros agentligi | 2 000,0 |
45. | Madaniy meros obyektlarini restavratsiya qilish va turizm hududlari master-rejalarini loyihalashtirish institutining moddiy — texnik bazasini mustahkamlash va zamonaviy uskuna va jihozlar bilan ta’minlash.*** | ro‘yxat** | 1 | 2022-yil iyun | Madaniy meros agentligi | 4 000,0 |
46. | Madaniy meros obyektlari restavratsiyasi direksiyasi va uning mintaqaviy restavratsiya markazlari moddiy-texnika bazasini shakllantirish, restavratsiya ishlarini olib borish hamda arxeologiya ilmiy-tadqiqot ishlarini olib borish hamda mavjud arxeologiya obyektlarini o‘rganish va konservatsiyasi uchun zarur texnika va uskunalar sotib olish.*** | ro‘yxat** | 1 | 2022-yil may | Madaniy meros obyektlari restavratsiyasi direksiyasi | 15 000,0 |
47. | Madaniy meros obyektlariga shikast yetkazilishining oldini olish va xavfni oldindan aniqlash maqsadida kuzatuv kamerasi, marker, datchik, yoritish va boshqalarni o‘rnatish.*** | ro‘yxat** | 1 | 2022-yil iyun | Madaniy meros agentligi | 10 000,0 |
III. Muzeylar faoliyatini yaxshilash — 43 mlrd so‘m | ||||||
48. | Muzey qo‘riqxonalari va alohida ko‘chmas mulk madaniy meros obyektlarida yong‘in xavfsizligi, videokuzatuv moslamalari va zamonaviy turniket uskunalari bilan ta’minlash va o‘rnatish.*** | ro‘yxat** | 1 | 2022-yil iyul | Madaniy meros agentligi | 12 000,0 |
49. | Xorazm viloyati Urganch shahridagi O‘zbekiston zamonaviy san’at muzeyining tom qismini va isitish-sovutish tizimini ta’mirlash hamda yong‘in xavfsizligi va video kuzatuv moslamalarini o‘rnatish. | obyekt | 1 | 2022-yil iyul | Madaniy meros agentligi | 4 500,0 |
50. | “San’atsevar millat” umummilliy loyihasi doirasida Bo‘stonliq tumani, Buxoro, Jizzax va Surxondaryo viloyatlarida loyiha asosida yengil konstruksiyali galereyani qurish hamda xizmat ko‘rsatish uchun avtobus va maxsus yuk mashinasi sotib olish. | obyekt | 4 | 2022-yil iyun | Madaniy meros agentligi | 16 000,0 |
51. | Muzeylar faoliyatini jonlantirish dasturi doirasida ularning reekspozitsiyasini tashkil qilish va fond saqlash sharoitlarini yaxshilash, eksponatlarni saqlash uchun munosib sharoitlarni yaratish. Bunda, eksponatlar uchun stellaj va vitrinalar bilan jihozlash, muzlatgich xona-dizenfeksiya uchun mo‘ljallangan maxsus kamera, muzey eksponatlari uchun maxsus chang yutgich, elektron havo namlangich, gilam va matolik eksponatlarni saqlash uchun maxsus javonlar, zargarlik buyumlarini saqlash uchun maxsus seyf, nostandart hajmdagi eksponatlarni saqlash uchun stellaj xarid qilish, kuzatuv kameralarini o‘rnatish, zamonaviy turniketlar o‘rnatish.*** | ro‘yxat** | 1 | 2022-yil sentyabr | Madaniy meros agentligi | 10 000,0 |
52. | Toshkent shahridagi “Muqimiy” nomidagi O‘zbekiston davlat musiqali teatrini loyiha-smeta hujjatlarini ishlab chiqish va ta’mirlash. | obyekt | 1 | 2022-yil noyabr | Madaniy meros agentligi | 1 800,0 |
53. | Samarqand shahridagi Samarqand arxeologik tadqiqotlar instituti binosini tashqi fasad qismini ta’mirlash va tevarak atrofini obodonlashtirish. | obyekt | 1 | 2022-yil noyabr | Madaniy meros agentligi | 1 500,0 |
IV. Turizm sohasidagi ta’lim muassasalarini rivojlantirish — 73,1 mlrd so‘m | ||||||
54. | Mamlakatimizning Buyuk Ipak yo‘li va dunyo sivilizatsiyalari chorrahasidagi ahamiyatini ko‘rsatib beruvchi Samarqand shahridagi “ShHT turizm va madaniy meros ta’lim bog‘i”ni barpo etish. | obyekt | 1 | 2022-yil iyun | “Binolardan foydalanish va qurilish ta’mirlash ishlari direksiyasi” DUK | 8 000,0 |
55. | Samarqand shahar Beruniy ko‘chasi 1-uyda joylashgan madaniy meros obyektini qayta ta’mirlab uning negizida “Ipak yo‘li” san’at galereyasini tashkillashtirish. | obyekt | 1 | 2022-yil dekabr | “Binolardan foydalanish va qurilish ta’mirlash ishlari direksiyasi” DUK | 6 500,0 |
56. | Samarqand shahar Mahmud Qoshg‘ariy ko‘chasi 85A-uyda joylashgan madaniy meros obyekti rekonstruksiya qilib, uning negizida “Art rezidensiya” tashkillashtirish. | obyekt | 1 | 2022-yil dekabr | “Binolardan foydalanish va qurilish ta’mirlash ishlari direksiyasi” DUK | 12 000,0 |
57. | 2023-yilda Butunjahon turizm tashkilotining (UNWTO) Bosh assambleyasi 25-sessiyasi doirasida ochilishi rejalashtirilgan Samarqand shahri Boburmirzo ko‘chasi 3-uyda joylashgan madaniy meros obyekti rekonstruksiya qilib, uning negizida “Ipak yo‘li instituti”ni tashkillashtirish. | obyekt | 1 | 2022-yil dekabr | “Binolardan foydalanish va qurilish ta’mirlash ishlari direksiyasi” DUK | 3 000,0 |
58. | Buxoro turizm va madaniy meros texnikumini zamon talabida barcha sharoitlar yaratib rekonstruksiya qilish.*** | obyekt | 1 | 2022-yil dekabr | “Binolardan foydalanish va qurilish ta’mirlash ishlari direksiyasi” DUK | 11 500,0 |
59. | Zomin tuman turizm va servis kollejini rekonstruksiya qilish.*** | obyekt | 1 | 2022-yil dekabr | “Binolardan foydalanish va qurilish ta’mirlash ishlari direksiyasi” DUK | 12 000,0 |
60. | Samarqand turizm va madaniy meros texnikumini kapital ta’mirlash.*** | obyekt | 1 | 2022-yil dekabr | “Binolardan foydalanish va qurilish ta’mirlash ishlari direksiyasi” DUK | 8 600,0 |
61. | Xiva turizm va madaniy meros texnikumini rekonstruksiya qilish.*** | obyekt | 1 | 2022-yil dekabr | “Binolardan foydalanish va qurilish ta’mirlash ishlari direksiyasi” DUK | 11 500,0 |
jami | 300 000,0* |
O‘zbekiston Respublikasi Vazirlar Mahkamasining qarori, 10.03.2022 yildagi 110-son
Kuchga kirish sanasi
11.03.2022
Рус
Ўзб
O’zb
O‘zb|Рус
O‘zbekiston Respublikasi Prezidentining “2022 — 2026-yillarga mo‘ljallangan Yangi O‘zbekistonning taraqqiyot strategiyasi to‘g‘risida” 2022-yil 28-yanvardagi PF-60-son Farmoni hamda “2022 — 2024-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida” 2022-yil 22-yanvardagi PQ-98-son qarori ijrosini ta’minlash maqsadida Vazirlar Mahkamasi qaror qiladi:
1. Turizm obyektlarining muhandislik-kommunikatsiya tarmoqlarini yaxshilash, madaniy meros obyektlarini restavratsiya, konservatsiya qilish va obodonlashtirish hamda turizm infratuzilmasi va yondosh infratuzilmani qurish, rekonstruksiya qilish, kengaytirish va madaniy-ko‘ngilochar infratuzilmalarni rivojlantirish bo‘yicha loyihalar ro‘yxati (keyingi o‘rinlarda — loyihalar ro‘yxat) ilovaga muvofiq tasdiqlansin.
O‘zbekiston Respublikasi Turizm va madaniy meros vazirligi hamda Madaniy meros agentligi rahbarlari, Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari zimmasiga loyihalar ro‘yxatining asosiy parametrlarini belgilangan muddatlarda to‘liq va sifatli amalga oshirilishini ta’minlash, shuningdek, ajratilgan mablag‘larni maqsadli yo‘naltirish hamda samarali foydalanish yuzasidan shaxsiy javobgarlik yuklansin.
2. O‘zbekiston Respublikasi Turizm va madaniy meros vazirligi, Madaniy meros agentligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari loyihalar ro‘yxatiga kiritilgan obyektlar bo‘yicha:
a) moliyalashtirish hajmlarini qurilish-montaj ishlarining kalendar jadvallari bilan uzviy bog‘liqlikda aniqlashtirgan holda, 2022-yil uchun yildan-yilga o‘tuvchi qurilish obyektlarining manzilli ro‘yxatini ikki hafta muddatda O‘zbekiston Respublikasi Moliya vazirligi hamda Iqtisodiy taraqqiyot va kambag‘allikni qisqartirish vazirligiga kelishish uchun kiritsin;
b) ikki oy muddatda 2022-yilda yangidan boshlanadigan loyihalar (obyektlar) bo‘yicha tasdiqlangan loyihaoldi va (yoki) loyiha hujjatlari asosida, belgilangan tartibda tanlov (tender) hujjatlarini ekspertizadan o‘tkazish, xarid qilish tartib-taomillarini yakunlash va tanlov (tender) g‘oliblari bilan pudrat shartnomalarini tuzish choralarini ko‘rsin;
v) xarid qilish tartib-taomillari yakunlangandan so‘ng o‘n kun ichida 2022-yil uchun yangidan boshlanadigan qurilish obyektlarining yakuniy manzilli ro‘yxatini O‘zbekiston Respublikasi Moliya vazirligi hamda Iqtisodiy taraqqiyot va kambag‘allikni qisqartirish vazirligiga kelishish uchun kiritsin;
g) 2022-yil 15-martga qadar loyihalar ro‘yxatining asosiy parametrlarini bajarish, shu jumladan loyihalar (obyektlar) bo‘yicha kapital qo‘yilmalarni o‘zlashtirishning prognoz ko‘rsatkichlarini choraklar kesimida tasdiqlab, Iqtisodiy taraqqiyot va kambag‘allikni qisqartirish vazirligiga taqdim etsin.
3. Vazirliklar, idoralar, xo‘jalik birlashmalari va Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari O‘zbekiston Respublikasi Prezidentning “O‘zbekiston Respublikasida ichki va ziyorat turizmini yanada rivojlantirish chora-tadbirlari to‘g‘risida” 2021-yil 9-fevraldagi PF-6165-son Farmonining 9-bandiga muvofiq joriy yilda qurilishini davom ettirish uchun mablag‘ (limit) nazarda tutilmagan tugallanmagan va foydalanilmayotgan obyektlarni belgilangan tartibda konservatsiya qilish, shuningdek, ularni konservatsiya davrida lozim darajada saqlash va muhofaza qilish choralarini ko‘rsin.
4. O‘zbekiston Respublikasi Turizm va madaniy meros vazirligi Moliya vazirligi hamda Iqtisodiy taraqqiyot va kambag‘allikni qisqartirish vazirligi bilan birgalikda amalga oshirilayotgan loyihalar (obyektlar) doimiy monitoring va tahlil qilib borilishini, mablag‘lar o‘z vaqtida ajratilishi hamda samarali sarflanishi ustidan nazoratni ta’minlasin.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — turizm va madaniy meros vaziri A.A. Abduxakimov zimmasiga yuklansin.
Oldingi tahrirga qarang.
(ilova O‘zbekiston Respublikasi Vazirlar Mahkamasining 2022-yil 15-apreldagi 187-sonli qarori tahririda)