Respublikada quyonchilik sohasini sanoat usulida yanada rivojlantirish, qoʻllab-quvvatlash va toʻgʻridan toʻgʻri investitsiyalar hajmini oshirish, sohada import qilinayotgan mahsulotlar uchun soliq va bojxona imtiyozlari berish maqsadida Vazirlar Mahkamasi qaror qiladi:

1. Quyonchilik xoʻjaliklari tomonidan shakllantiriladigan roʻyxat boʻyicha xorijdan olib kelinadigan uskunalar, qishloq xoʻjaligi texnikalari, butlovchi buyumlar va materiallar, naslli quyon hamda ozuqa qoʻshimchalari, istisno tariqasida, 3 yil muddatga bojxona toʻlovlaridan (qoʻshilgan qiymat soligʻi va bojxona rasmiylashtiruvi yigʻimlaridan tashqari) ozod qilinsin hamda erkin muomalaga chiqarish (import) bojxona rejimiga joylashtirilgan sanadan eʼtiboran qoʻshilgan qiymat soligʻini 1 yil muddatga kechiktirib toʻlashga ruxsat berilsin.

2. Vazirlar Mahkamasining 2021-yil 4-iyundagi 352-son qarori bilan tasdiqlangan Oʻzbekiston Respublikasi hududiga import qilishda bojxona boji va qoʻshilgan qiymat soligʻidan ozod etiladigan, oʻxshashi respublikada ishlab chiqarilmaydigan texnologik asbob-uskunalar roʻyxatiga ilovaga muvofiq oʻzgartirish va qoʻshimcha kiritilsin.

3. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov zimmasiga yuklansin.

1. Quyidagi mazmundagi 79¹-pozitsiya bilan toʻldirilsin:

2. 89-pozitsiya quyidagi tahrirda bayon qilinsin: