11.01.2022 yildagi 17-son
O‘zbekiston Respublikasi Prezidentining “Professional ta’lim tizimini yanada takomillashtirishga doir qo‘shimcha chora-tadbirlar to‘g‘risida” 2019-yil 6-sentabrdagi PF-5812-son Farmonida belgilangan vazifalar ijrosini ta’minlash hamda o‘rta maxsus professional ta’lim bosqichida malakali va raqobatbardosh kadrlar tayyorlash, oliy va professional ta’lim muassasalarining o‘zaro integratsiyasini ta’minlash maqsadida Vazirlar Mahkamasi qaror qiladi:
1. O‘zbekiston Respublikasi Prezidentining “Professional ta’lim tizimini yanada takomillashtirishga doir qo‘shimcha chora-tadbirlar to‘g‘risida” 2019-yil 6-sentabrdagi PF-5812-son Farmoni 3-bandiga muvofiq 2022/2023 o‘quv yili qabulidan boshlab texnikumlarda o‘rta maxsus ta’lim dasturlarini muvaffaqiyatli tamomlagan bitiruvchilar o‘z sohasiga mos bakalavriat ta’lim yo‘nalishlari bo‘yicha kirish imtihonlarisiz yakka tartibdagi suhbat orqali oliy ta’lim muassasalarida 2-bosqichdan o‘qishini davom ettirish huquqiga ega bo‘lishi belgilanganligi ma’lumot uchun qabul qilinsin.
Savollar mazkur Nizomning 15-bandida nazarda tutilgan mavzularga mos tuzilganligi bo‘yicha mas’uliyat qabul komissiyasi raisi zimmasiga yuklatiladi.
17. Suhbat jarayonida Suhbat komissiyasining har bir a’zosiga ushbu Nizomga 2-ilovaga muvofiq namunaviy shakldagi bitiruvchining suhbat natijalarini qayd etish varag‘i (keyingi o‘rinlarda — suhbat natijalarini qayd etish varag‘i) beriladi.
18. Muayyan ta’lim yo‘nalishi (guruh) bo‘yicha suhbat jarayoni yakunlangach Suhbat komissiyasi a’zolari tomonidan to‘ldirilgan suhbat natijalarini qayd etish varaqlaridagi ballar hisoblab chiqiladi va shu asosida ushbu Nizomga 3-ilovaga muvofiq namunaviy shakldagi bitiruvchi bilan o‘tkazilgan suhbatning yakuniy natijalarini qayd etish varag‘i (keyingi o‘rinlarda — suhbatning yakuniy natijalarini qayd etish varag‘i) to‘ldirilib, Suhbat komissiyasi tomonidan tasdiqlanadi.

Bosqichlar

Subyektlar

Tadbirlar

Bajarish muddati

1-bosqich

Texnikumni muvaffaqiyatli tamomlagan (o‘zlashtirish baholari “5 (a’lo)” va “4 (yaxshi)”, biroq baholarning kamida 50 foizi (tibbiyot oliy ta’lim muassasalari uchun kamida 85 foizi) “5 (a’lo)” bo‘lgan) bitiruvchi

Oliy va o‘rta maxsus ta’lim vazirligining rasmiy veb-sayti orqali onlayn ro‘yxatdan o‘tadi.

Har yili 5-iyuldan 25-iyulga qadar

2-bosqich

Oliy ta’lim muassasalari qabul komissiyalari

1. Bitiruvchilarning tizimga yuklangan hujjatlarini o‘rganadi.

2. O‘rganish natijalari bo‘yicha bitiruvchiga shaxsiy kabineti orqali xabar beradi.

Har yili 5-avgustga qadar

3-bosqich

Oliy ta’lim muassasalari rektorlari (filiallar direktorlari)

Bakalavriat ta’lim yo‘nalishlari bo‘yicha 9 nafardan kam bo‘lmagan tarkibda Suhbat komissiyasini tuzadi.

Har yili 10-avgustga qadar

4-bosqich

Oliy ta’lim muassasalari qabul komissiyalari hamda Suhbat komissiyalari

Bitiruvchilarni oliy ta’lim muassasalariga o‘qishga qabul qilish bo‘yicha o‘tkaziladigan suhbat jarayonlarini tashkil etadi.

Har yili 10-avgustdan 25-avgustga qadar

5-bosqich

Oliy ta’lim muassasalari qabul komissiyalari

1. Talabalikka tavsiya etilganlar ro‘yxatini oliy ta’lim muassasasining rasmiy veb-saytida e’lon qiladi.

2. To‘lov-kontrakt blankalarini talabalikka tavsiya etilganlarga beradi.

Suhbat jarayoni to‘liq yakunlangandan so‘ng 1 kun muddatda

6-bosqich

Oliy ta’lim muassasalari rektorlari (filiallar direktorlari)

To‘lov-kontrakt shartlarini to‘liq bajargan talabalarni tegishli bakalavriat ta’lim yo‘nalishining 2-bosqichiga o‘qishga qabul qiladi.

Shartnoma to‘lovi amalga oshirilgandan so‘ng 10 kun muddatda