24.12.2021 yildagi 773-son
O‘zbekiston Respublikasi Prezidentining “Respublikada mavjud yaylovlardan unumli foydalanish, ipak va junni qayta ishlashni qo‘llab-quvvatlash bo‘yicha qo‘shimcha chora-tadbirlar to‘g‘risida” 2021-yil 8-iyuldagi PQ-5178-son qarori ijrosini ta’minlash, shuningdek, pilla yetishtiruvchi jismoniy shaxslarga ular tomonidan yetishtirilgan pilla (ho‘l pilla) hosili uchun subsidiya ajratish sohasidagi munosabatlarni tartibga solish maqsadida Vazirlar Mahkamasi qaror qiladi:

Bosqichlar

Subyektlar

Chora-tadbirlar

Muddatlar

1-bosqich

Ipakchilik va jun sanoatini rivojlantirish qo‘mitasi

“O‘zbekipaksanoat” uyushmasi bilan birgalikda pillachilik klasterlari va ipak qurti urug‘chilik tashkilotlarining takliflariga asosan kelgusi yilda pilla yetishtirish hajmi bo‘yicha prognoz parametrlarini ishlab chiqib, kelgusi yilda yetishtiriladigan pilla (ho‘l pilla) hosili uchun subsidiya ajratish maqsadida budjet parametrlarini shakllantirishda inobatga olish uchun O‘zbekiston Respublikasi Moliya vazirligiga taqdim qiladi.

Har kalendar yilning 20-iyuliga qadar

2-bosqich

Moliya vazirligi

1. Ipakchilik va jun sanoatini rivojlantirish qo‘mitasining (keyingi o‘rinlarda — Qo‘mita) takliflariga ko‘ra kelgusi yil uchun budjet parametrlarini shakllantirishda tegishli mablag‘lar Qo‘mitaga ajratilishini ko‘zda tutadi.

2. Har kalendar yili budjet parametrlarida ko‘zda tutilgan mablag‘larni Qo‘mitaga ajratib boradi.

Har kalendar yilning 1-fevraliga qadar

3-bosqich

Pillachilik klasterlari, ipak qurti urug‘chilik tashkilotlari

1. Subsidiya oluvchilarning tuman (shahar) manzilli ro‘yxatini shakllantiradi va qurt boquvchilar bilan shartnoma tuzadi.

2. Subsidiya oluvchilarning tuman (shahar) manzilli ro‘yxatini imzolangan holda Qo‘mitaning hududiy boshqarmasiga taqdim qiladi.

Har kalendar yilning 25-fevraliga qadar

4-bosqich

Qo‘mitaning hududiy boshqarmasi

1. “O‘zbekipaksanoat” uyushmasi tizimidagi viloyat hududiy “Agropilla” MChJ rahbari bilan birgalikda tuman (shahar) manzilli ro‘yxatlarini tahlil qiladi hamda umumlashtirgan holda subsidiya oluvchilarning tashkilotlar va tumanlar (shaharlar) bo‘yicha hududiy manzilli ro‘yxatini shakllantiradi.

2. Hududiy manzilli ro‘yxat Qo‘mitaning hududiy boshqarmasi boshlig‘i tomonidan tasdiqlanib, Qo‘mitaga taqdim qilinadi.

Har kalendar yilning 1-martiga qadar

5-bosqich

Qo‘mita

Shakllantirilgan ro‘yxat bo‘yicha pillachilik klasterlari va ipak qurti urug‘chilik tashkilotlarida ochilgan maxsus hisobvaraqqa (23202) mablag‘larni subsidiya oluvchilarga ulardan sotib olingan pilla uchun hisob-kitoblarni amalga oshirish vaqtida to‘lab berish maqsadida o‘tkazib beradi.

Har kalendar yilning 10-apreliga qadar

6-bosqich

Pillachilik klasterlari, ipak qurti urug‘chilik tashkilotlari

O‘z maxsus hisobvaraqlaridagi subsidiya uchun tushgan mablag‘larni subsidiya oluvchilarning faqat bank kartalariga, agar bank kartasi ochilmagan bo‘lsa, bankda ularning nomlariga ochilgan bank hisobvaraqlari�a ajratib beradi.

O‘n ish kunida

7-bosqich

Qo‘mita

Etishtirilgan pilla (ho‘l pilla) hosili va ajratilgan subsidiya miqdori bo‘yicha ma’lumotlarni rasmiy veb-saytida, ochiq ma’lumotlar bo‘limida doimiy ravishda taqdim etib boradi.

Doimiy ravishda

8-bosqich

Pillachilik klasterlari, ipak qurti urug‘chilik tashkilotlari

Subsidiya oluvchilardan qabul qilingan pilla xomashyosi hajmlari va ularga ajratilgan subsidiyalar bo‘yicha ma’lumotlarni Qo‘mitaga taqdim etadi.

Birinchi va ikkinchi mavsumlar uchun — 1-iyuliga qadar

Uchinchi va to‘rtinchi mavsumlar uchun — 1-oktabriga qadar

9-bosqich

Qo‘mita

Subsidiya berish maqsadida o‘tkazib berilgan mablag‘ning foydalanilmagan qismini qaytarish yuzasidan pillachilik klasterlari va ipak qurti urug‘chilik tashkilotlariga yozma talabnoma yuboradi.

Pillachilik klasterlari va ipak qurti urug‘chilik tashkilotlari

Ko‘rsatilgan mablag‘larni Qo‘mitaning alohida shaxsiy g‘azna hisobvarag‘iga qaytaradi.

Talabnoma tushgan kundan boshlab 10 ish kuni ichida

 

10-bosqich

Qo‘mita

Pilla yetishtirish mavsumlariga jalb qilingan subsidiya oluvchilar hamda ularga ajratilgan subsidiya mablag‘lari miqdori to‘g‘risidagi ma’lumotlarni Vazirlar Mahkamasiga kiritib boradi.

Har kalendar yilning 1-noyabriga qadar