O‘zbekiston Respublikasi Prezidentining 2021-yil 21-apreldagi “Tadbirkorlikni qo‘llab-quvvatlash tizimini takomillashtirish, ishbilarmonlik muhitini yanada yaxshilash bo‘yicha qo‘shimcha chora-tadbirlar to‘g‘risida”gi PQ-5087-son va 2021-yil 19-iyuldagi “Raqamli ishonch” raqamli iqtisodiyotni rivojlantirishni qo‘llab-quvvatlash jamg‘armasini tugatishga doir chora-tadbirlar to‘g‘risida”gi PQ-5187-son qarorlariga muvofiq:

1. O‘zbekiston Respublikasi Prezidentining ayrim hujjatlariga 1-ilovaga muvofiq o‘zgartirish va qo‘shimchalar kiritilsin.

2. O‘zbekiston Respublikasi Prezidentining ayrim farmonlari 2-ilovaga muvofiq o‘z kuchini yo‘qotgan deb hisoblansin.

3. Mazkur Farmonning ijrosini nazorat qilish O‘zbekiston Respublikasining Bosh vaziri A.N. Aripov zimmasiga yuklansin.

1. O‘zbekiston Respublikasi Prezidentining 2019-yil 10-apreldagi “2019 — 2021-yillarda respublikaning farmatsevtika tarmog‘ini yanada jadal rivojlantirish chora-tadbirlari to‘g‘risida”gi PF-5707-son Farmoni 3-bandining to‘rtinchi xatboshisida:

“O‘zbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni” so‘zlari “Tadbirkorlik faoliyatini” so‘zlari bilan almashtirilsin;

“10” raqami “8” raqami bilan almashtirilsin.

2. O‘zbekiston Respublikasi Prezidentining 2019-yil 18-maydagi “O‘zbekiston Respublikasida zargarlik tarmog‘ini jadal rivojlantirish chora-tadbirlari to‘g‘risida”gi PF-5721-son Farmoni 3-bandining birinchi xatboshisidagi “O‘zbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni” so‘zlari “Tadbirkorlik faoliyatini” so‘zlari bilan almashtirilsin.

3. O‘zbekiston Respublikasi Prezidentining 2019-yil 13-avgustdagi “Xususiy mulkni himoya qilish va mulkdorlar huquqlarining kafolatlarini kuchaytirish, tadbirkorlik tashabbuslarini qo‘llab-quvvatlash borasida ishlarni tashkil qilish tizimini tubdan takomillashtirish bo‘yicha qo‘shimcha chora-tadbirlar, shuningdek, tadbirkorlik subyektlarining moliyaviy resurslar va ishlab chiqarish infratuzilmasidan foydalanish imkoniyatlarini kengaytirish to‘g‘risida”gi PF-5780-son Farmonida:

a) 24-bandning “v” kichik bandida:

to‘rtinchi xatboshi quyidagi tahrirda bayon etilsin:

“savdo (bundan eksportoldi moliyalashtirish mustasno), umumiy ovqatlanish hamda avtomobillarga yonilg‘i quyish shoxobchalari faoliyatini tashkil etish va amalga oshirish”;

beshinchi xatboshi chiqarib tashlansin;

oltinchi va yettinchi xatboshilar tegishincha beshinchi va oltinchi xatboshilar deb hisoblansin;

b) 25-bandning “b” kichik bandida:

birinchi xatboshidan “biznes va” so‘zlari chiqarib tashlansin;

ikkinchi xatboshidagi “1,5” raqami “1,75” raqami bilan almashtirilsin.

4. O‘zbekiston Respublikasi Prezidentining 2020-yil 2-sentabrdagi “O‘zbekiston Respublikasida pillachilik va qorako‘lchilikni yanada rivojlantirish chora-tadbirlari to‘g‘risida”gi PF-6059-son Farmoni 1-bandining yettinchi xatboshisida:

“ajratiladigan” so‘zidan keyin “10 milliard so‘mdan ko‘p bo‘lmagan miqdordagi” so‘zlari bilan to‘ldirilsin;

“hajmi,” so‘zi chiqarib tashlansin.

5. O‘zbekiston Respublikasi Prezidentining 2020-yil 25-sentabrdagi “Ichimlik suvi ta’minoti va oqova suv tizimini yanada takomillashtirish hamda sohadagi investitsiya loyihalari samaradorligini oshirish chora-tadbirlari to‘g‘risida”gi PF-6074-son Farmoni 6-bandining “a” kichik bandida:

birinchi xatboshi “hisobidan” so‘zidan keyin “kichik” so‘zi bilan to‘ldirilsin;

ikkinchi xatboshidagi “1,5” raqami “1,75” raqami bilan almashtirilsin.

6. O‘zbekiston Respublikasi Prezidentining 2021-yil 9-iyundagi “Hududlarning sanoat salohiyatini oshirishga doir qo‘shimcha chora-tadbirlar to‘g‘risida”gi PF-6244-son Farmonining 2-bandida:

a) birinchi xatboshi “amalga oshirayotgan” so‘zlaridan keyin “kichik” so‘zi bilan to‘ldirilsin;

b) “a” kichik bandda:

“15” raqami “8” raqami bilan almashtirilsin;

“kafolatlar” so‘zi “kafilliklar” so‘zi bilan almashtirilsin;

v) “b” kichik bandning birinchi xatboshisi “korxonalariga” so‘zidan keyin “10 milliard so‘mdan ko‘p bo‘lmagan miqdorda” so‘zlari bilan to‘ldirilsin.

7. O‘zbekiston Respublikasi Prezidentining 2021-yil 15-iyuldagi “Respublikada o‘simliklar karantini va himoyasi tizimini tubdan takomillashtirish chora-tadbirlari to‘g‘risida”gi PF-6262-son Farmonining 4-bandida:

birinchi xatboshi “shug‘ullanuvchi” so‘zidan keyin “kichik” so‘zi bilan to‘ldirilsin;

“b” kichik banddagi “10” raqami “8” raqami bilan almashtirilsin.

8. O‘zbekiston Respublikasi Prezidentining 2018-yil 6-noyabrdagi “Baliqchilik sohasini yanada rivojlantirishga doir qo‘shimcha chora-tadbirlar to‘g‘risida”gi PQ-4005-son qarorida:

a) 4-bandning uchinchi xatboshisi quyidagi tahrirda bayon etilsin:

“kichik tadbirkorlik subyektlariga ushbu bandda nazarda tutilgan mablag‘lar evaziga 10 milliard so‘mdan ko‘p bo‘lmagan miqdordagi kreditlar tijorat foiz stavkasi bo‘yicha uning 50 foizini Tadbirkorlik faoliyatini qo‘llab-quvvatlash davlat jamg‘armasi mablag‘lari hisobidan kompensatsiya qilgan holda beriladi”;

b) 5-bandning birinchi xatboshisi quyidagi tahrirda bayon etilsin:

“5. Baliqchilik loyihalari bo‘yicha (akvakultura yo‘nalishidagi) uni amalga oshirish uchun zarur bo‘lgan valyuta turidan qat’i nazar, tijorat banklari tomonidan 2019 — 2022-yillarda ajratilayotgan 10 milliard so‘mdan ko‘p bo‘lmagan miqdordagi kredit foizi uchun Tadbirkorlik faoliyatini qo‘llab-quvvatlash davlat jamg‘armasi hisobidan kompensatsiya berishning quyidagi tartibi o‘rnatilsin:”.

9. O‘zbekiston Respublikasi Prezidentining 2018-yil 21-noyabrdagi “Raqamli iqtisodiyotni rivojlantirish maqsadida raqamli infratuzilmani yanada modernizatsiya qilish chora-tadbirlari to‘g‘risida”gi PQ-4022-son qarorining 7-bandida:

ikkinchi xatboshidagi “ulanish;” so‘zi “ulanish huquqi berilsin.” so‘zlari bilan almashtirilsin;

uchinchi xatboshi chiqarib tashlansin;

to‘rtinchi xatboshi uchinchi xatboshi deb hisoblansin.

10. O‘zbekiston Respublikasi Prezidentining 2018-yil 4-dekabrdagi “Respublikada pillachilik tarmog‘ini jadal rivojlantirishni qo‘llab-quvvatlashga doir qo‘shimcha chora-tadbirlar to‘g‘risida”gi PQ-4047-son qarorining 5-bandida:

a) birinchi xatboshida:

“qiymati,” so‘zi chiqarib tashlansin;

“ajratiladigan” so‘zidan keyin “10 milliard so‘mdan ko‘p bo‘lmagan miqdordagi” so‘zlari bilan to‘ldirilsin;

b) birinchi va ikkinchi xatboshilardagi “O‘zbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni” so‘zlari “Tadbirkorlik faoliyatini” so‘zlari bilan almashtirilsin.

11. O‘zbekiston Respublikasi Prezidentining 2019-yil 18-martdagi “Chorvachilik tarmog‘ini yanada rivojlantirish va qo‘llab-quvvatlash chora-tadbirlari to‘g‘risida”gi PQ-4243-son qarori 2-bandining to‘rtinchi xatboshisi quyidagi tahrirda bayon etilsin:

“Tadbirkorlik faoliyatini qo‘llab-quvvatlash davlat jamg‘armasi mablag‘lari hisobidan ozuqabop ekinlar yetishtiruvchilarga tomchilatib va yomg‘irlatib sug‘orish tizimlarini qurish, rekonstruksiya qilish va ularning butlovchi qismlarini sotib olish uchun 5 yilgacha muddatga ajratiladigan kreditlarning valyuta turidan qat’i nazar, ekvivalenti 10 milliard so‘mdan oshmaydigan qismi bo‘yicha foiz xarajatlari tijorat banklari tomonidan belgilangan foiz stavkasining 50 foizi miqdorida, biroq kredit stavkasining 10 foizlik punktidan oshmagan miqdorda qoplanadi”.

12. O‘zbekiston Respublikasi Prezidentining 2019-yil 23-maydagi “Qurilish materiallari sanoatini jadal rivojlantirishga oid qo‘shimcha chora-tadbirlar to‘g‘risida”gi PQ-4335-son qarori 4-bandining “d” kichik bandida:

birinchi xatboshidagi “O‘zbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni” so‘zlari “Tadbirkorlik faoliyatini” so‘zlari bilan almashtirilsin;

ikkinchi xatboshidagi “summasidan qat’i nazar” so‘zlari “summasi 10 milliard so‘mdan oshmaydigan” so‘zlari bilan almashtirilsin.

13. O‘zbekiston Respublikasi Prezidentining 2019-yil 29-iyuldagi “Qishloq xo‘jaligi mahsulotlarini chuqur qayta ishlash va oziq-ovqat sanoatini yanada rivojlantirish bo‘yicha qo‘shimcha chora-tadbirlar to‘g‘risida”gi PQ-4406-son qarori 7-bandining “b” kichik bandida:

birinchi xatboshidagi “Vazirlar Mahkamasi huzuridagi Tadbirkorlik faoliyatini rivojlantirishni” so‘zlari “Tadbirkorlik faoliyatini” so‘zlari bilan almashtirilsin;

ikkinchi xatboshidagi “1,5” raqami “1,75” raqami bilan almashtirilsin.

14. O‘zbekiston Respublikasi Prezidentining 2019-yil 11-dekabrdagi “Meva-sabzavotchilik va uzumchilik tarmog‘ini yanada rivojlantirish, sohada qo‘shilgan qiymat zanjirini yaratishga doir qo‘shimcha chora-tadbirlar to‘g‘risida”gi PQ-4549-son qarori 5-bandida:

“20” raqami “10” raqami bilan almashtirilsin;

“kredit summasining” so‘zlaridan oldin “8 milliard so‘mgacha miqdordagi kreditlar bo‘yicha” so‘zlari bilan to‘ldirilsin.

15. O‘zbekiston Respublikasi Prezidentining 2020-yil 6-martdagi “G‘alla yetishtirish, xarid qilish va sotishga bozor tamoyillarini keng joriy etish chora-tadbirlari to‘g‘risida”gi PQ-4634-son qarori 6-bandi “b” kichik bandining birinchi xatboshisidagi “50” raqami “10” raqami bilan almashtirilsin.

16. O‘zbekiston Respublikasi Prezidentining 2020-yil 15-sentabrdagi “Xavfsiz, tartibli va qonuniy mehnat migratsiyasi tizimini joriy qilish chora-tadbirlari to‘g‘risida”gi PQ-4829-son qarori 17-bandining “b” kichik bandidagi “1,5” raqami “1,75” raqami bilan almashtirilsin.

17. O‘zbekiston Respublikasi Prezidentining 2020-yil 25-noyabrdagi “Biotexnologiyalarni rivojlantirish va mamlakatning biologik xavfsizligini ta’minlash tizimini takomillashtirish bo‘yicha kompleks chora-tadbirlar to‘g‘risida”gi PQ-4899-son qarori 14-bandining “a” kichik bandi to‘rtinchi xatboshisidagi “1,5” raqami “1,75” raqami bilan almashtirilsin.

18. O‘zbekiston Respublikasi Prezidentining 2021-yil 17-fevraldagi “2021 — 2023-yillarda Surxondaryo viloyati Uzun tumani Bobotog‘ hududini ijtimoiy-iqtisodiy rivojlantirish chora-tadbirlari to‘g‘risida”gi PQ-4995-son qarori 3-bandida:

“Bobotog‘ hududida” so‘zlaridan keyin “kichik” so‘zi bilan to‘ldirilsin;

“1,5” raqami “1,75” raqami bilan almashtirilsin.

19. O‘zbekiston Respublikasi Prezidentining 2021-yil 2-martdagi “Elektrotexnika sanoatini yanada rivojlantirish va mahalliy mahsulotlarning raqobatbardoshligini oshirishga doir qo‘shimcha chora-tadbirlar to‘g‘risida”gi PQ-5011-son qarorining 3-bandidagi “1,5” raqami “1,75” raqami bilan va “20” raqami “10” raqami bilan almashtirilsin.

20. O‘zbekiston Respublikasi Prezidentining 2021-yil 5-avgustdagi “Chavandozlar maktablari faoliyatini tashkil etish chora-tadbirlari to‘g‘risida”gi PQ-5212-son qarori 9-bandining ikkinchi xatboshisidagi “1,5” raqami “1,75” raqami bilan almashtirilsin.

1. O‘zbekiston Respublikasi Prezidentining 2019-yil 26-sentabrdagi “O‘zbekiston Respublikasining soliq siyosatini yanada takomillashtirish chora-tadbirlari to‘g‘risida”gi PF-5837-son Farmoniga ilovaning 7-bandi.

2. O‘zbekiston Respublikasi Prezidentining 2020-yil 31-yanvardagi “Davlat xizmatlari ko‘rsatish milliy tizimini jadal rivojlantirish bo‘yicha qo‘shimcha chora-tadbirlar to‘g‘risida”gi PF-5930-son Farmoniga 4-ilova 5-bandining “b” kichik bandi.

3. O‘zbekiston Respublikasi Prezidentining 2020-yil 8-iyuldagi “O‘zbekiston Respublikasi Prezidentining ayrim hujjatlariga o‘zgartirishlar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi PF-6021-son Farmoniga 1-ilovaning 22-bandi.

4. O‘zbekiston Respublikasi Prezidentining 2021-yil 26-yanvardagi “O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish to‘g‘risida”gi PF-6146-son Farmoniga ilovaning 54-bandi.