Oʻzbekiston Respublikasining ayrim xorijiy mamlakatlardagi diplomatik vakolatxonalari faoliyatini takomillashtirish maqsadida Vazirlar Mahkamasi qaror qiladi:

1. 2003-yil yanvar oyidan boshlab Oʻzbekiston Respublikasining Indoneziyadagi Elchixonasida ikkinchi kotib lavozimini qisqartirish hisobiga Oʻzbekiston Respublikasining Malayziyadagi Elchixonasida ikkinchi kotib lavozimi joriy etilsin.

Oʻzbekiston Respublikasining Malayziyadagi Elchixonasi shtat jadvali 1-ilovaga muvofiq tasdiqlansin.

2. Oʻzbekiston Respublikasining Indoneziyadagi Elchixonasi shtat jadvali 2-ilovaga muvofiq tasdiqlansin.

3. Oʻzbekiston Respublikasi Moliya vazirligi budjetda navbatdagi moliyaviy yilga tasdiqlangan chet eldagi muassasalarni mablagʻ bilan taʼminlash miqdorlaridan kelib chiqib shtat jadvallaridagi oʻzgartirishlarni hisobga olgan holda koʻrsatib oʻtilgan diplomatik muassasalar taʼminotiga mablagʻlar ajratsin.

4. Oʻzbekiston Respublikasi Tashqi ishlar vazirligi Oʻzbekiston Respublikasining Indoneziyadagi Elchixonasi balansidagi moddiy va pul boyliklarini belgilangan tartibda xatlovdan oʻtkazsin hamda ulardan bundan keyin foydalanish boʻyicha taklifni Oʻzbekiston Respublikasi Moliya vazirligi bilan kelishsin.

5. Oʻzbekiston Respublikasi Hukumatining quyidagi qarorlari:

Oʻzbekiston Respublikasi Vazirlar Mahkamasining “Malayziyada Oʻzbekiston Respublikasi Elchixonasini ochish toʻgʻrisida” 1996-yil 22-noyabrdagi 409-son qaroriga 1-ilova;

Oʻzbekiston Respublikasi Vazirlar Mahkamasining “Indoneziya Respublikasida Oʻzbekiston Respublikasining Elchixonasini ochish toʻgʻrisida” 1997-yil 25-iyundagi 322-son qarorining 4-bandi oʻz kuchini yoʻqotgan deb hisoblansin.

6. Mazkur qarorning bajarilishini nazorat qilish Oʻzbekiston Respublikasi Tashqi ishlar vaziri A.H.Komilov zimmasiga yuklansin.