1. | A.N. Aripov | — | O‘zbekiston Respublikasining Bosh vaziri, Ma’muriy kengash raisi |
2. | A.A. Abduxakimov | — | O‘zbekiston Respublikasi Bosh vazirining o‘rinbosari, Ma’muriy kengash raisi o‘rinbosari |
3. | S.O‘. Umurzoqov | — | O‘zbekiston Respublikasi Bosh vazirining o‘rinbosari — investitsiyalar va tashqi savdo vaziri, Ma’muriy kengash raisi o‘rinbosari |
4. | E.A. Saliyev | — | Jizzax viloyati hokimi |
5. | B.I. Zakirov | — | O‘zbekiston Respublikasi qurilish vaziri |
6. | A.I. Maqsudov | — | O‘zbekiston Respublikasi Ekologiya va atrof-muhitni muhofaza qilish davlat qo‘mitasi raisi |
7. | N.J. Bakirov | — | O‘zbekiston Respublikasi O‘rmon xo‘jaligi davlat qo‘mitasi raisi |
8. | F.K. Umarov | — | O‘zbekiston Respublikasi Davlat soliq qo‘mitasi huzuridagi Kadastr agentligi direktori |
9. | A.M. Abdug‘aniyev | — | Zomin tumani hokimi |
10. | B.M. Axmedov | — | O‘zbekiston Respublikasi Vazirlar Mahkamasi shu’ba mudiri, Ma’muriy kengash mas’ul kotibi |
O‘zbekiston Respublikasi Prezidentining Farmoni, 06.04.2021 yildagi PF-6201-son
Kuchga kirish sanasi
07.04.2021
Рус
Ўзб
O’zb
O‘zb|Рус
Tog‘li hududlarning mavjud turistik salohiyatidan samarali foydalanish, tadbirkorlik subyektlari uchun qulay shart-sharoitlarni yaratish, xalqaro umummavsumiy kurortlar, mehmonxona majmualari, madaniy-sog‘lomlashtirish, savdo-ko‘ngilochar va boshqa turizm infratuzilmasi obyektlarini barpo etish, mavjud resurslardan samarali foydalanish hamda qo‘shimcha ish o‘rinlarini yaratish maqsadida:
1. Turizm va sport vazirligi, Investitsiyalar va tashqi savdo vazirligi va Jizzax viloyati hokimligining:
“Zomin” turistik-rekreatsion zonasi direksiyasi” davlat unitar korxonasini (keyingi o‘rinlarda — Direksiya);
Turistik zona hududida zamonaviy mehmonxona majmualari, madaniy-sog‘lomlashtirish, savdo-ko‘ngilochar va turistik ahamiyatdagi boshqa obyektlar qurish, shuningdek, zamonaviy muhandislik infratuzilma obyektlarini;
Turistik zona hududida “Suffa platosi. 2 400” xalqaro umummavsumiy kurorti va “O‘riklisoy” turizm majmuasini tashkil etish to‘g‘risidagi takliflariga rozilik berilsin.
2. Belgilansinki, Turistik zona faoliyat ko‘rsatish muddati keyinchalik uzaytirish imkoniyati bilan 30 yilga tashkil qilinadi.
4. Turizm va sport vazirligi Qurilish vazirligi, Jizzax viloyati hokimligi, manfaatdor vazirlik va idoralar bilan birgalikda 2021-yil 31-dekabrga qadar xorijiy loyiha institutlarini, shuningdek, maslahatchilarni jalb qilgan holda Turistik zonaning bosh rejasi va batafsil rejalashtirish loyihalarini quyidagilarni nazarda tutgan holda ishlab chiqsin va belgilangan tartibda tasdiqlanishini ta’minlasin:
Turistik zona hamda uni boshqa hududlar bilan bog‘lovchi yo‘llarda maxsus piyodalar va velosiped yo‘laklari mavjud bo‘lishi;
hududdagi elektromobillar va boshqa turdagi transport vositalari (quvvat oluvchi gibrid transport vositalari) uchun elektr quvvatlanish stansiyalari nuqtalarini belgilash;
hududda o‘rnatilgan tartibda aeronavigatsiya vositalari va kichik sig‘imdagi havo kemalari (vertolyotlar) uchun uchish-qo‘nish maydonchalarini joylashtirishni belgilash;
sportning ekstremal turlari, shu jumladan ziplayn, fotosuratlar olish uchun manzarali va noyob joylarda selfi zonalar kabi obyektlarni joylashtirish;
hududda o‘rnatiladigan yo‘l ko‘rsatkichlari va namunaviy sanitariya-gigiyena shoxobchalarini joylashtirish hamda chiqindilarni tashlash nuqtalarini belgilash;
turistik ko‘chalarni, shu jumladan suvenir va oziq-ovqat mahsulotlari savdosi obyektlarini joylashtirish.
Turistik zonaning bosh rejasi va batafsil rejalashtirish loyihalarini ishlab chiqish uchun loyihalashtirish va konsalting kompaniyalari, mahalliy va xorijiy ekspertlar hamda boshqaruvchi kompaniyalar xizmatlari uchun haq to‘lash hamda Direksiya faoliyatini moliyalashtirish Tog‘li va olis hududlarda turizm infratuzilmasini rivojlantirish jamg‘armasi (keyingi o‘rinlarda — Jamg‘arma) mablag‘lari hisobidan amalga oshiriladi;
Oldingi tahrirga qarang.
Turistik zonadagi turistik infratuzilmani yaratish imkoniyati bo‘lgan yer uchastkalari keyinchalik samarali foydalanish va (yoki) investorlarga ijaraga berish uchun Direksiyaga doimiy foydalanish huquqi bilan ajratiladi;
(5-bandning uchinchi xatboshisi O‘zbekiston Respublikasi Prezidentining 2023-yil 19-iyundagi PF-99-sonli Farmoni tahririda — Qonunchilik ma’lumotlari milliy bazasi, 20.06.2023-y., 06/23/99/0403-son)
Oldingi tahrirga qarang.
Direksiyaga doimiy foydalanishga berilgan yer uchastkalarini ijaraga olish huquqini realizatsiya qilish Direksiyaning qaroriga asosan elektron onlayn-auksion orqali belgilangan tartibda amalga oshiriladi;
(5-bandning to‘rtinchi xatboshisi O‘zbekiston Respublikasi Prezidentining 2023-yil 19-iyundagi PF-99-sonli Farmoni tahririda — Qonunchilik ma’lumotlari milliy bazasi, 20.06.2023-y., 06/23/99/0403-son)
Oldingi tahrirga qarang.
istisno tariqasida, Turistik zona hududidagi yer uchastkalarini ijaraga berishdan va davlat mulki obyektlarini realizatsiya qilishdan tushgan mablag‘lar Jamg‘armaga yo‘naltiriladi.
(5-bandning beshinchi xatboshisi O‘zbekiston Respublikasi Prezidentining 2023-yil 19-iyundagi PF-99-sonli Farmoni tahririda — Qonunchilik ma’lumotlari milliy bazasi, 20.06.2023-y., 06/23/99/0403-son)
Moliya vazirligi mazkur bandning ikkinchi xatboshisida belgilangan tadbirlarni dastlabki moliyalashtirish uchun O‘zbekiston Respublikasi Prezidentining 2021-yil 9-fevraldagi “O‘zbekiston Respublikasida ichki va ziyorat turizmini yanada rivojlantirish chora-tadbirlari to‘g‘risida”gi PF-6165-son Farmonining 9-bandida belgilangan mablag‘lar hisobidan 10 milliard so‘mni Jamg‘armaga yo‘naltirsin.
Investitsiyalar va tashqi savdo vazirligi bilan birgalikda dor yo‘llarini loyihalashtirish va tog‘-chang‘i ko‘targichlar qurish uchun nufuzli tashkilotlarni, shu jumladan salohiyatli xorijiy va mahalliy investorlarni jalb qilish choralarini ko‘rsin;
2021-yil 1-mayga qadar Turistik zona hududida tadbirkorlik subyektlari va aholi uchun mehmondo‘stlik va xizmat ko‘rsatish etikasi bo‘yicha, shu jumladan masofaviy o‘quv seminarlarini tashkil etish choralarini ko‘rsin;
uch oy muddatda Turistik zonaga xorijiy va mahalliy investorlarni jalb qilish, hududda ko‘rsatiladigan xizmatlarni diversifikatsiya va monetizatsiya qilishga doir targ‘ibot dasturini ishlab chiqsin va Vazirlar Mahkamasiga kiritsin.
7. Investitsiyalar va tashqi savdo vazirligi Turizm va sport vazirligi va Jizzax viloyati hokimligi bilan birgalikda Turistik zona hududidagi istiqbolli va ustuvor loyihalar ro‘yxatlarini shakllantirish hamda dastlabki turizm, yo‘l-transport va kommunikatsiyani rivojlantirish uchun xalqaro moliya institutlarining imtiyozli kreditlari va grant mablag‘larini jalb qilish choralarini ko‘rsin.
8. 2024-yil 1-yanvarga qadar qayta tiklanuvchi energiya manbalarini tashkil etish uchun tadbirkorlik subyektlari tomonidan import qilinadigan asbob-uskunalar, texnika, xomashyo, butlovchi buyumlar, ehtiyot qismlar va boshqa materiallar bojxona to‘lovlaridan (qo‘shilgan qiymat solig‘i va bojxona rasmiylashtiruvi uchun yig‘imlardan tashqari) ozod etilsin.
9. Turizm va sport vazirligi O‘rmon xo‘jaligi davlat qo‘mitasi, Jizzax viloyati hokimligi hamda Ekologiya va atrof-muhitni muhofaza qilish davlat qo‘mitasi bilan birgalikda:
uch oy muddatda Zomin milliy tabiat bog‘i, Zomin davlat o‘rmon xo‘jaligi hamda Baxmal tumanida joylashgan Baxmal davlat o‘rmon xo‘jaligi hududlarida turizm infratuzilmasini barpo etish yuzasidan istiqbolli loyiha takliflarini ishlab chiqib, Vazirlar Mahkamasiga kiritsin;
2021-yil 1-sentabrga qadar ushbu hududlarda tashrif buyuruvchilar uchun, shu jumladan tadbirkorlik subyektlarini jalb etgan holda yengil konstruksiyali turizm axborot markazlarini tashkil etish choralarini ko‘rsin.
10. Axborot texnologiyalari va kommunikatsiyalarini rivojlantirish vazirligi Ichki ishlar vazirligi, manfaatdor vazirlik va idoralar bilan birgalikda uch oy muddatda Turistik zona hududida “Xavfsiz turizm” tizimini joriy etish dasturini tasdiqlasin.
11. Vazirlar Mahkamasi bir oy muddatda “Zomin” turistik-rekreatsion zonasini tashkil etish chora-tadbirlari yuzasidan Hukumat qarorini qabul qilsin.
12. Turizm va sport vazirligi manfaatdor vazirlik va idoralar bilan birgalikda uch oy muddatda ushbu Farmondan kelib chiqib, O‘zbekiston Respublikasining “Maxsus iqtisodiy zonalar to‘g‘risida”gi Qonuniga va boshqa qonun hujjatlariga o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
13. Vazirlik va idoralar ikki oy muddatda o‘zlari qabul qilgan normativ-huquqiy hujjatlarni ushbu Farmonga muvofiqlashtirsin.
14. Ushbu Farmonning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.