‎‎Ushbu shartnoma Ustav hamda Oʻzbekiston Respublikasi Bandlik va mehnat munosabatlari vazirligi tomonidan berilgan 20___ yil “____” _____ dagi ______-son litsenziya asosida faoliyat yurituvchi _______________________
‎______________________________________________________________________________________________

‎‎(yuridik shaxs nomi)

‎‎‎(F.I.O.)

‎‎(yuridik shaxs nomi) ‎‎

‎‎(F.I.O.)

‎‎(keyingi oʻrinlarda Qabul qiluvchi tashkilot deb ataladi), bundan buyon Tomonlar, qonuniylik tamoyillariga asoslangan xolda Qabul qiluvchi tashkilot hududida vaqtinchalik mehnat faoliyatini amalga oshiruvchi Oʻzbekiston Respublikasi fuqarolarining ijtimoiy, iqtisodiy va boshqa huquqlarini kafolatlashga intilib, ularni vaqtincha mehnat faoliyatiga jalb qilish va uyushgan holda kelgan mehnat migrantlarining bandligini taʼminlash ustuvorligini tan olgan holda quyidagilar toʻgʻrisida kelishib oldilar:
‎1. Ushbu Shartnoma uyushgan holda tanlash tartibida Oʻzbekiston Respublikasidan tashqarida ish izlayotgan shaxslarni ishga joylashtirish boʻyicha hamkorlik qilish tartibi va shartlarini belgilaydi.
‎2. Ushbu Shartnomada quyidagi asosiy tushunchalardan foydalaniladi:
‎tanlash va jalb qilish — vaqtinchalik mehnat faoliyatini amalga oshirish uchun Oʻzbekiston Respublikasi fuqarolarini tanlash orqali jalb qilish boʻyicha chora-tadbirlar majmui;
‎vaqtinchalik mehnat faoliyati — mehnat migrantlarining mehnat shartnomasi asosida Qabul qiluvchi tashkilot joylashgan davlat hududida ushbu davlat qonun hujjatlarida, shuningdek, mazkur Shartnomada belgilangan tartib va shartlarda ishlashi;
‎ishga qabul qilish uchun nomzod — Oʻzbekiston Respublikasi hududida doimiy yashovchi, 18 yoshga toʻlgan va Qabul qiluvchi tashkilot hududiga ishga joylashish uchun Yuboruvchi tashkilotga murojaat qilgan shaxs;
‎mehnat migranti — Oʻzbekiston Respublikasi hududida doimiy yashovchi, 18 yoshga toʻlgan, tanlovdan oʻtgan va Qabul qiluvchi tashkilot joylashgan davlat hududida qonuniy ravishda boʻlib turgan va shu hududda vaqtinchalik mehnat faoliyatini tegishli ruxsatnoma asosida amalga oshiruvchi shaxs;
‎mehnat faoliyatini amalga oshirish ruxsatnomasi — Qabul qiluvchi tashkilot davlati qonunchiligi va ushbu Shartnomaning qoidalari asosida tegishli hududning vakolatli organi tomonidan berilgan, mehnat migrantlarining ushbu hududda vaqtinchalik mehnat faoliyatini amalga oshirish huquqini tasdiqlovchi hujjat;
‎chet ellik ish beruvchi — Qabul qiluvchi tashkilot qonunchiligiga muvofiq roʻyxatdan oʻtgan hamda Yuboruvchi tashkilot bilan hamkorlik shartnomasini tuzgan xorijiy davlatning yuridik va jismoniy shaxsi, shu jumladan yakka tartibdagi tadbirkor;
‎chet ellik sherik — Qabul qiluvchi tashkilot qonunchiligiga muvofiq ish bilan taʼminlash xizmatlarini koʻrsatish vakolatiga ega boʻlgan, Yuboruvchi tashkilot bilan hamkorlik shartnomasini tuzgan xorijiy davlatning jismoniy yoki yuridik shaxsi, shu jumladan yakka tartibdagi tadbirkor;
‎mehnat shartnomasi — Qabul qiluvchi tashkilot qonunchiligida belgilangan tartibda ish beruvchi va mehnat migranti oʻrtasida tuzilgan bitim.
‎3. Qabul qiluvchi tashkilot:
‎ishga qabul qilish uchun nomzodlarni _______________________________________________________ (kasb yoki mutaxassislik turi) boʻyicha __________ ta boʻsh ish oʻrinlariga tanlash va jalb qilishni amalga oshiradi;
‎mehnat migrantlarining mehnatiga kasb yoki mutaxassislik turiga qarab _____________________________ miqdorida haq toʻlaydi;
‎ishga qabul qilish uchun nomzod tanishib chiqishi uchun mehnat shartnomasining loyihasini taqdim etadi;
‎Yuboruvchi tashkilotga ishga qabul qilish uchun nomzodlarning sogʻligʻiga boʻlgan talablar toʻgʻrisida maʼlumot taqdim etadi;
‎mehnat migrantlarining sogʻligʻini muhofaza qilishga doir huquqlari kafolatlanishini taʼminlaydi;
‎mehnat migrantlariga oʻzi joylashgan davlat hududida mehnat faoliyatini amalga oshirish ruxsatnomasini rasmiylashtirishda va berishda yordam koʻrsatadi;
‎ish joyigacha va ish joyidan tashish transport xarajatlarini toʻlashni, shuningdek, turar joy, ovqatlanish va Oʻzbekiston fuqarolarini ish bilan taʼminlash uchun boshqa xarajatlarni qoplashni taʼminlaydi;
‎oʻzi joylashgan davlat qonunchiligiga muvofiq mehnat migrantlarining mehnat xavfsizligi kafolatlari, shaxsiy huquq va erkinliklarni himoya qilish, shuningdek, mol-mulki daxlsizligini taʼminlash boʻyicha choralar koʻradi;
‎xodimga ish haqi, mukofotlar va boshqa toʻlovlarni oʻz vaqtida toʻlashni taʼminlaydi;
‎mehnat migrantlari, shu jumladan ularning ish va yashash joylari toʻgʻrisidagi maʼlumotlarni har oyda Yuboruvchi tashkilot tomonidan yaratilgan elektron maʼlumotlar bazasiga kiritadi;
‎mehnat migrantlari bilan mehnat shartnomasi tuzilgan kundan boshlab besh kun ichida uning nusxasini Yuboruvchi tashkilotga taqdim etadi;
‎mehnat migrantlarining mehnat shartnomasi muddati tugagandan soʻng ularni Oʻzbekiston Respublikasiga qaytishiga yordam beradi;
‎ishga qabul qilish uchun nomzodlarga mehnat faoliyatini amalga oshirish ruxsatnomasi berilmagan taqdirda, ularning Oʻzbekiston Respublikasiga qaytishini taʼminlaydi;
‎mehnat migrantlarining ish va yashash joylarini talab qilinadigan standartlarga va sanitariya-gigiyena normalariga, xavfsiz mehnat sharoitlariga va mehnatni muhofaza qilish qoidalariga muvofiq boʻlishini taʼminlay?i.
‎4. Yuboruvchi tashkilot:
‎ishga qabul qilish uchun nomzodlarga tanlash va jalb qilish tartibida Qabul qiluvchi tashkilot joylashgan davlat hududida ishlash imkoniyati toʻgʻrisida maʼlumot beradi;
‎ishga qabul qilish uchun nomzodlar orasidan talab qilinadigan malakaga va ish stajiga ega boʻlganlarini tanlab oladi;
‎ishga qabul qilish uchun nomzodlarni Oʻzbekiston Respublikasining tibbiyot muassasalarida dastlabki tibbiy koʻrikdan oʻtkazishni tashkil etadi;
‎ishga qabul qilish uchun nomzodlarni davlat va nodavlat taʼlim tashkilotlarida kasb-hunarga oʻqitilishini taʼminlaydi, ularni ketishdan oldin moslashtirish tadbirlaridan oʻtkazadi;
‎ishga qabul qilish uchun nomzodlarga Qabul qiluvchi tashkilot bergan mehnat shartnomalarining loyihalarini koʻrib chiqish uchun taqdim etadi;
‎tanlash va jalb qilish tartibida ishga qabul qilish uchun nomzodlarning ish joyiga yetib borishini tashkil etadi;
‎mehnat migrantlarining yashash va ish sharoitlarini yiliga kamida bir marotaba oʻrganib boradi.
‎5. Tanlash tartibida mehnat migrantlarini vaqtinchalik mehnat faoliyatini amalga oshirish uchun jalb qilish Qabul qiluvchi tashkilot joylashgan davlat qonun hujjatlariga muvofiq xorijiy ish beruvchi bilan tuzilgan mehnat shartnomasi asosida amalga oshiriladi.
‎6. Ishga qabul qilish uchun nomzod Qabul qiluvchi tashkilot joylashgan davlatiga borganda, Qabul qiluvchi tashkilotning aybi bilan boshqalarga xavf tugʻdiradigan yuqumli kasalliklarga chalingan xollarda Qabul qiluvchi tashkilot uning davolanishini taʼminlaydi.
‎7. Mehnat migrantlari Qabul qiluvchi tashkilot joylashgan davlat qonunlariga rioya qilishlari shart.
‎8. Mehnat faoliyati davrida, ish haqi va boshqa toʻlovlar mehnat shartnomasi asosida mehnat migranti va xorijiy ish beruvchi oʻrtasida aniq belgilanadi. Mehnat migrantining ish haqi summasi xodimlarning tegishli toifasi uchun ishga joylashtiriladigan davlat fuqarolari uchun qonun hujjatlarida belgilangan ish haqidan kam boʻlmasligi lozim.
‎9. Xodimni ish vaqtidan keyin ishga jalb qilishga yoʻl qoʻyilmaydi. Xodim va ish beruvchi oʻrtasida xodimning roziligi bilan oʻzaro bitim tuzilgan holat bundan mustasno.
‎10. Mehnat migrantining ish vaqti davomiyligi Qabul qiluvchi tashkilot joylashgan davlat qonun hujjatlariga muvofiq “_____” soatni tashkil etadi.
‎11. Mehnat migrantlari Qabul qiluvchi tashkilot joylashgan davlat qonun hujjatlari va mehnat shartnomasi shartlariga muvofiq dam olish huquqiga ega.
‎12. Mehnat migrantlari xorijiy ish beruvchining roziligi bilan Oʻzbekiston Respublikasining rasmiy taʼtil kunlarida mehnat faoliyatidan ozod qilinishi mumkin.
‎13. Qabul qiluvchi tashkilot joylashgan davlat hududida mehnat migrantlarini tibbiy taʼminlash ushbu davlat qonun hujjatlari va Tomonlarning davlatlari ishtirok etgan xalqaro shartnomalarda belgilangan tartibda amalga oshiriladi.
‎14. Qabul qiluvchi tashkilot joylashgan davlat hududida amal qiluvchi sugʻurta tashkiloti bilan mehnat migranti oʻrtasida tuzilgan ixtiyoriy tibbiy sugʻurta shartnomasi (polisi) mavjud boʻlishi mehnat migrantlari tomonidan tashkiliy asosda qabul qilish va jalb etish tartibida vaqtinchalik mehnat faoliyatini amalga oshirishning asosiy sharti hisoblanadi hamda mehnat migrantiga zarur barcha tibbiy xizmatlar haqi ixtiyoriy tibbiy sugʻurta shartnomasi (polisi) asosida qoplanadi.
‎15. Mehnat migrantlarining daromadlariga soliq solish Qabul qiluvchi tashkilot joylashgan davlat qonun hujjatlariga va Tomonlar davlatlari ishtirok etgan soliq solish sohasidagi xalqaro shartnomalarga muvofiq amalga oshiriladi.
‎16. Mehnat migrantining mehnat faoliyatini amalga oshirish ruxsatnomasining amal qilish muddati tugagan yoki bekor qilingan taqdirda, Qabul qiluvchi tashkilot joylashgan davlat hududidan chiqib ketishi shart, Qabul qiluvchi tashkilot joylashgan davlat qonunlarida boshqacha qoida nazarda tutilgan hollar bundan mustasno.
‎17. Mehnat migrantlari Qabul qiluvchi tashkilot joylashgan davlat qonun hujjatlarida nazarda tutilgan boshqa huquq va majburiyatlarga ham ega.
‎18. Mehnat migrantlarining Qabul qiluvchi tashkilot joylashgan davlat qonun hujjatlariga va Tomonlar davlatlari ishtirok etgan xalqaro shartnomalarga muvofiq ijtimoiy sugʻurta, majburiy tibbiy sugʻurta va pensiya olish huquqi kafolatlanadi.
‎19. Ishga qabul qilish uchun nomzodni ish beruvchi ishga qabul qilishni asossiz rad etganida va ish bilan taʼminlanmagan taqdirida (ularga ishdan boʻshatish, mehnat majburiyatlarini bajarmaganlik, xorijiy davlat hududida boʻlish rejimini buzish hollari bundan mustasno) mehnat migrantlarini Oʻzbekiston Respublikasiga qaytarish xorijiy ish beruvchining mablagʻlari hisobidan amalga oshiriladi.
‎20. Mehnat migranti ishidan mahrum boʻlgan (yoki ishdan boʻshatilgan) taqdirda, ijtimoiy himoya qilish (kompensatsiya va boshqa toʻlovlar) Qabul qiluvchi tashkilot qonunchiligiga muvofiq xorijiy ish beruvchining mablagʻlari hisobidan amalga oshiriladi.
‎21. Ishlab chiqarishdagi baxtsiz hodisa yoki kasb kasalligiga chalinish oqibatida mehnat migranti vafot etgan yoki sogʻligʻiga shikast yetgan taqdirda tegishli kafolatlar va tovon pullari Qabul qiluvchi tashkilot joylashgan davlat qonun hujjatlarida belgilangan tartibda taqdim etiladi.
‎22. Ishlab chiqarishdagi baxtsiz hodisa yoki ish beruvchining aybi bilan kasb kasalligiga chalinish oqibatida mehnat migranti vafot etgan yoki sogʻligʻiga shikast yetgan taqdirda, ish beruvchi mehnat migrantini Oʻzbekiston Respublikasiga qaytarish yoki jasadni tashish bilan bogʻliq xarajatlarni qoplaydi.
‎23. Mehnat migranti vafot etgan taqdirda, ish beruvchi oʻlim holati boʻyicha materiallarni taqdim etgan holda, bu haqda Yuboruvchi tashkilotni darhol xabardor qiladi.
‎24. Ushbu Shartnomaning maqsadlari uchun Tomonlar Qabul qiluvchi tashkilot joylashgan davlat hududida mehnat faoliyatini amalga oshirayotgan yoki amalga oshirishni rejalashtirgan Oʻzbekiston Respublikasi fuqarolari uchun tanlash va jalb qilish tartibida qonun hujjatlarida taqiqlanmagan tarzda, ular toʻgʻrisida zarur boʻlgan maʼlumotlarni joylashtirish uchun mavjud boʻlgan axborot resurslaridan foydalanish huquqiga ega.
‎25. Qabul qiluvchi tashkilot quyidagi huquqlarga ega:
‎ishga qabul qilish uchun nomzodlarga qoʻyiladigan talablarni belgilash;
‎ishga qabul qilish uchun nomzodlarning ularga qoʻyilgan talablarga mosligini tekshirish, shu jumladan ulardan imtihonlar olish;
‎mazkur shartnoma Yuboruvchi tashkilot aybi bilan bekor qilinishi natijasida yetkazilgan zararning oʻrni qoplanishini va maʼnaviy ziyon kompensatsiya qilinishini talab qilish;
‎oʻz huquqlari va qonuniy manfaatlari buzilgan taqdirda, tegishli tartibda Yuboruvchi tashkilot davlat organlariga yoki xalqaro tashkilotlarga murojaat qilish.
‎26. Qabul qiluvchi tashkilot quyidagi majburiyatlarga ega:
‎mazkur shartnoma shartlariga rioya etilishini taʼminlash;
‎oʻzaro kelishuv shartlariga muvofiq koʻrsatilgan xizmatlar haqini Yuboruvchi tashkilotga oʻz vaqtida toʻlash;
‎Yuboruvchi tashkilotga oʻz faoliyatini amalga oshirishi uchun zarur boʻlgan ishonchli va toʻliq maʼlumotlarni taqdim etish.
‎27. Yuboruvchi tashkilot quyidagi huquqlarga ega:
‎mazkur shartnomaga muvofiq koʻrsatilgan xizmatlar uchun Qabul qiluvchi tashkilotdan haq olish;
‎ishga qabul qilish uchun nomzodlardan, shuningdek, ish beruvchilardan ishga joylashtirish uchun zarur boʻladigan hujjatlar va axborotni soʻrab olish;
‎ishga qabul qilish uchun nomzodlar va xorijiy ish beruvchilar ishga joylashtirish masalalariga doir hujjatlarni hamda axborotni taqdim etishdan bosh tortgan taqdirda, xizmatlar koʻrsatishni rad etish.
‎28. Yuboruvchi tashkilot quyidagi majburiyatlarga ega:
‎xizmatlar koʻrsatish chogʻida ishga qabul qilish uchun nomzodlardan olingan axborotning maxfiyligini va hujjatlarning but saqlanishini taʼminlash;
‎ishga qabul qilish uchun nomzodlarning Qabul qiluvchi tashkilot tomonidan qoʻyilgan talablarga mosligini tekshirish.
‎29. Ushbu Shartnoma boʻyicha Tomonlar majburiyatlarni bajarmaganligi yoki lozim darajada bajarmaganligi uchun Tomonlar davlatlarining amaldagi qonunchiligiga muvofiq javobgar boʻladilar.
‎30. Ushbu Shartnomadan kelib chiqadigan barcha tortishuvlar va kelishmovchiliklar imkon qadar Tomonlar oʻrtasidagi muzokaralar yoʻli bilan hal etiladi.
‎Muzokaralar davomida hal qilinmagan masalalarni Tomonlar belgilab, yozma ravishda yuboradilar. Daʼvoni olgan Tomon daʼvo kelib tushgan kundan boshlab oʻn ish kuni ichida daʼvo yuborgan Tomonga yozma javob yuboradi.
‎Agar Tomonlar bir qarorga kelmasa, ushbu Shartnoma bilan bogʻliq barcha nizolar sudda koʻrib chiqiladi.
‎31. Tomonlarning oʻzaro kelishuvi bilan ushbu Shartnomaga oʻzgartirish va qoʻshimchalar kiritilishi mumkin. Bunda ular alohida shartnomalar bilan rasmiylashtiriladi va Tomonlar boshqa muddat belgilanmagan boʻlsa, Tomonlar imzolanganidan keyin kuchga kiradi. Qoʻshimcha Shartnomalar ushbu Shartnomaning ajralmas qismi hisoblanadi.
‎32. Ushbu Shartnoma imzolangan kundan boshlab kuchga kiradi.
‎33. Ushbu Shartnoma bir yil muddatga tuziladi. Tomonlarning har biri boshqa Tomonni yozma ravishda xabardor qilish orqali ushbu Shartnomani bekor qilishi mumkin. Bunday holatda, ushbu Shartnoma bunday xabarnoma olingan kundan boshlab kamida bir oy oʻtgach bekor qilinadi.
‎Ushbu Shartnoma 2020-yil “___” ____________da __________ shahrida, har biri oʻzbek/______ tilida ikki asl nusxada tuzildi.

“_________________________”

Rahbar: _____________________

‎

‎”;‎

Uyushgan holda tanlash tartibida Oʻzbekiston Respublikasi fuqarolarini tegishli litsenziya asosida xorijiy davlatga ishga yuborish faoliyatini olib boruvchi yuridik shaxslar tomonidan ishga joylashtirish sohasida axborot va maslahat xizmatlari koʻrsatish toʻgʻrisida
‎NAMUNAVIY SHARTNOMA

_____-son‎‎

______________ shahri (tumani)‎‎

‎‎(yuridik shaxs nomi)

‎‎(F.I.O.)

(F.I.O.)‎

‎

I. Shartnoma predmeti

‎‎1.1. Ishga joylashtirish sohasida axborot va maslahat xizmatlari koʻrsatuvchi tashkilot Ish izlovchi shaxsga mazkur Shartnomaning 1.2-bandida koʻrsatib oʻtilgan xizmatlarni koʻrsatish, Ish izlovchi shaxs esa ushbu xizmatlar uchun pul toʻlash majburiyatini oladi.
‎1.2. Ishga joylashtirish sohasida axborot va maslahat xizmatlari koʻrsatuvchi tashkilot mazkur Shartnomaning 1.3-bandida koʻrsatilgan muddatdan boshlab u tugaguniga qadar Ish izlovchi shaxsga qonun hujjatlariga muvofiq axborot va maslahat xizmatlarini taqdim etish majburiyatini oʻz zimmasiga oladi.
‎1.3. Xizmat koʻrsatish muddati:
‎20__ yil “____” ____________dan 20__ yil “____” ____________gacha.
‎Xizmat koʻrsatish jarayonida Tomonlar yana boshqa muddatlarni ham belgilashlari mumkin. Bunda ushbu muddat qoʻshimcha yozma kelishuvda keltirilgan va asosiy shartnomaga ilova qilingan boʻlishi lozim.

‎‎II. Tomonlarning huquqlari va majburiyatlari‎‎

‎‎2.1. Ishga joylashtirish sohasida axborot va maslahat xizmatlari koʻrsatuvchi tashkilot quyidagilarga majbur:‎
‎2.1.1. Ish izlovchi shaxsni ishlash uchun bormoqchi boʻlgan davlatdagi mehnat munosabatlari va xorijiy fuqarolar maqomiga oid qonunchilik, amaldagi bojxona va valyuta tizimini tartibga soluvchi qoidalar bilan tanishtirish;
‎2.1.2. Ish izlovchi shaxs toʻgʻrisidagi maʼlumotlarni oshkor qilmaslik va ulardan gʻarazli maqsadlarda foydalanmaslik;
‎2.1.3. Ish izlovchi shaxsni ish beruvchi tomonidan taklif qilinayotgan boʻsh ish oʻrinlari va ulardagi mehnat sharoitlari, mehnat shartnomasi, shu jumladan uyushgan holda tanlash tartibida Oʻzbekiston Respublikasidan tashqarida ish izlayotgan shaxslarni ishga joylashtirish boʻyicha chet ellik ish beruvchi va (yoki) chet ellik sherik bilan hamkorligi toʻgʻrisidagi shartnoma bilan tanishtirish;
‎2.1.4. Ish izlovchi shaxs tomonidan taqdim etilgan maʼlumotlar asosida uning tarjimai holini tuzish;
‎2.1.5. Ish izlovchi shaxs tomonidan ushbu shartnoma imzolangan kundan boshlab shartnomada koʻrsatilgan majburiyatlarni bajarishga kirishish.
‎2.2. Ishga joylashtirish sohasida axborot va maslahat xizmatlari koʻrsatuvchi tashkilot quyidagi huquqlarga ega:
‎2.2.1. “Tijorat siri toʻgʻrisida”gi Qonunga asosan Ish izlovchi shaxs koʻrsatilgan xizmatlar uchun toʻlovni amalga oshirmaguncha ish beruvchi haqidagi maʼlumotni taqdim etmaslik;
‎2.2.2. Mazkur shartnomaga muvofiq ishga joylashtirish sohasida taqdim etadigan axborot va maslahat xizmatlari uchun bazaviy hisoblash miqdorining bir baravari miqdorida haq olish.
‎2.3. Ish izlovchi shaxs quyidagilarga majbur:
‎2.3.1. Ushbu shartnoma shartlarini bajarilishiga toʻliq amal qilish;
‎2.3.2. Mazkur Shartnoma asosida koʻrsatilgan axborot va maslahat xizmati uchun bazaviy hisoblash miqdorini�g bir baravari miqdoridagi toʻlovni amalga oshirish;
‎2.3.3. Ishga joylashtirish sohasida axborot va maslahat xizmatlari koʻrsatuvchi tashkilotga ishonchli va toʻliq hujjatlarni taqdim qilish.
‎2.4. Ish izlovchi shaxsning huquqlari:
‎2.4.1. Shartnomada nazarda tutilgan xizmatlar koʻrsatilishi jarayoni haqida maʼlumot olish;
‎2.4.2. Ishga joylashtirish sohasida axborot va maslahat xizmatlari koʻrsatuvchi tashkilot oʻz majburiyatlarini bajarmagan yoki qonunchilikda nazarda tutilgan boshqa holatlarda shartnomani bekor qilishni talab qilish;
‎2.4.3. Ishga joylashtirish sohasida axborot va maslahat xizmatlari koʻrsatuvchi tashkilot aybi bilan shartnoma buzilgan taqdirda yetkazilgan moddiy va maʼnaviy zararni qoplash uchun kompensatsiya talab qilish;
‎2.4.4. Qonuniy huquq va manfaatlari buzilgan taqdirda, davlat organlari, isteʼmolchilar huquqlarini himoya qilish tashkilotlari va sudga murojaat qilish.‎

‎‎III. Hisob-kitoblar miqdori va tartibi

3.1. Ushbu shartnomaga muvofiq ishga joylashtirish sohasida taqdim etiladigan axborot va maslahat xizmatlarining qiymati bazaviy hisoblash miqdorining bir baravari miqdorida boʻlib, ___________________________________

‎‎(summa son va soʻz bilan)

‎‎soʻmni tashkil etadi.
‎ 3.2. Ish izlovchi shaxs Ishga joylashtirish sohasida axborot va maslahat xizmatlari koʻrsatuvchi tashkilot tomonidan taqdim etilgan axborot va maslahat xizmatlari uchun toʻlovni mazkur shartnoma tuzilishi bilan amalga oshiradi.

IV. Nizolarni hal etish tartibi‎

4.1. Ushbu Shartnomada nazarda tutilgan majburiyatlarni bajarish munosabati bilan yuzaga keladigan yoki mazkur majburiyatlarni bajarish chogʻida yuzaga keladigan barcha nizolar Tomonlar oʻrtasida muzokaralar oʻtkazish yoʻli bilan hal etiladi.
‎4.2. Tomonlar oʻrtasida muzokaralar oʻtkazish yoʻli bilan nizolar hal etilmasa, nizolar Oʻzbekiston Respublikasi qonun hujjatlariga muvofiq sudda hal etiladi.‎

V. Fors-major holatlar

‎‎5.1. Tomonlar majburiyatlarning qisman yoki toʻliq bajarilmaganligi uchun, agar bunday holat yengib boʻlmas kuch, yaʼni tabiiy ofatlar, tabiiy va texnogen tusdagi favqulodda holatlar oqibati hisoblansa, javobgarlikdan ozod qilinadi.

Bunda mazkur Shartnoma boʻyicha majburiyatlarni bajarish muddati mutanosib ravishda ushbu hodisalar roʻy bergan muddatga orqaga suriladi.

VI. Yakunlovchi qoidalar

‎‎6.1. Ushbu shartnoma bir xil yuridik kuchga ega boʻlgan ikkita nusxada tuzilgan. Ikkala nusxa aynan bir xil boʻlib, bir xil yuridik kuchga ega.
‎Tomonlarning har birida mazkur Shartnomaning bir nusxasi boʻladi.
‎6.2. Tomonlar roziligi bilan shartnomaga oʻzgartirish va qoʻshimchalar kiritilishi mumkin.
‎6.3. Shartnomaga kiritilgan oʻzgartirish va qoʻshimchalar yozma shaklda rasmiylashtiriladi va shartnomaning ajralmas qismi hisoblanadi.

VII. Tomonlarning manzili va bank rekvizitlari‎

“Ishga joylashtirish sohasida axborot va maslahat xizmatlari koʻrsatuvchi tashkilot”‎‎

“Ish izlovchi shaxs”‎‎‎

__________________________________
‎__________________________________
‎__________________________________
‎__________________________________