Avtomototransport vositalariga ro‘yxatdan o‘tkazish davlat raqami belgilarini berishda qo‘shimcha qulayliklar yaratish maqsadida Vazirlar Mahkamasi qaror qiladi:

1. Vazirlar Mahkamasining “Avtomototransport vositalarini davlat ro‘yxatidan o‘tkazish va ularga ro‘yxatdan o‘tkazish davlat raqami belgilarini berish tartibini takomillashtirish to‘g‘risida” 2017-yil 31-avgustdagi 683-son qaroriga ilovaga muvofiq o‘zgartirish va qo‘shimchalar kiritilsin.

2. O‘zbekiston Respublikasi Ichki ishlar vazirligi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda mazkur qarorga muvofiqlashtirsin.

3. Mazkur qarorning bajarilishini nazorat qilish O‘zbekiston Respublikasi ichki ishlar vaziri P.R. Bobojonov va O‘zbekiston Respublikasi moliya vaziri T.A. Ishmetov zimmasiga yuklansin.

1. 3-bandning oltinchi xatboshisi quyidagi tahrirda bayon etilsin:

“avtotransport vositalari uchun xaridorgir harf va raqamlar kombinatsiyasiga ega bo‘lgan ro‘yxatdan o‘tkazish davlat raqami belgilarini oshirilgan to‘lov stavkalari bo‘yicha berish tartibi Jismoniy va yuridik shaxslarga avtotransport vositalari uchun ro‘yxatdan o‘tkazish davlat raqami belgilarini oshirilgan to‘lov stavkasi bo‘yicha berishda “O‘zbekiston Respublika tovar-xom ashyo birjasi” AJ axborot tizimida auksion o‘tkazish tartibi to‘g‘risidagi nizomning 2-ilovasi 1 — 3-toifalarida ko‘rsatilgan ro‘yxatdan o‘tkazish davlat raqami belgilariga nisbatan qo‘llanilmaydi”.

2. Qarorga 1-ilova 4-bandining birinchi xatboshisi quyidagi tahrirda bayon etilsin:

“4. DYHXX organlarida dvigateli 50 va undan ortiq kub.sm ish hajmiga ega bo‘lgan yoki konstruksiyaviy tezligi soatiga 50 va undan ortiq kilometr bo‘lgan avtomototransport vositalari, elektrodvigatelining quvvati 4 kVt va undan ortiq yoki soatiga 40 va undan yuqori tezlikka ega bo‘lgan elektromobillar (elektromototsikllar, elektroskuterlar va boshqalar), shuningdek, tirkama va yarim tirkamalar davlat ro‘yxatidan o‘tkaziladi”.

3. Qarorga 2-ilovada:

a) quyidagi mazmundagi 3¹-band bilan to‘ldirilsin:

“3¹. Jismoniy va yuridik shaxslarning murojaatlariga asosan oshirilgan to‘lov stavkalari bo‘yicha beriladigan I, IA, III, IIIA tipidagi avtotransport vositalari uchun ro‘yxatdan o‘tkazish davlat raqami belgilarining ro‘yxatida ko‘rsatilgan 1 — 3-toifadagi ro‘yxatdan o‘tkazish davlat raqami belgilari istalgan harf kombinatsiyalari bilan auksionga qo‘yilishi mumkin.

Bunda, ushbu toifadagi ro‘yxatdan o‘tkazish davlat raqami belgilarining auksionga qo‘yiladigan boshlang‘ich narxlari mazkur Nizomning 2a-ilovasiga muvofiq belgilanadi”;

b) quyidagi mazmundagi 18¹-band bilan to‘ldirilsin:

“18¹. Avtotransport vositalari uchun ro‘yxatdan o‘tkazish davlat raqami belgilari auksionga qo‘yilgan kundan boshlab olti oy mobaynida sotilmagan (xaridorlar mavjud bo‘lmagan) taqdirda vakolatli organ tomonidan:

1 va 2-toifadagi ro‘yxatdan o‘tkazish davlat raqami belgilarining boshlang‘ich narxlari bir pog‘onaga avtomatik ravishda tushirilib (harflari bir xil kombinatsiyada bo‘lgan ro‘yxatdan o‘tkazish davlat raqamlari bundan mustasno), mos ravishda 2 va 3-toifalarga doir boshlang‘ich narxlarda auksionga qo‘yiladi;

4 — 6-toifadagi ro‘yxatdan o‘tkazish davlat raqami belgilari auksiondan olinib, auksionga qo‘yilgan boshlang‘ich narxda kunlik shakllantiriladigan oshkora ro‘yxat asosida umumiy tartibda realizatsiya qilinadi. Realizatsiyadan kelib tushgan mablag‘lar ro‘yxatdan o‘tkazish davlat raqami belgilarini auksion o‘tkazish yo‘li bilan oshirilgan to‘lov stavkalari bo‘yicha berish tartibida taqsimlanadi”;

v) Nizom quyidagi mazmundagi 2a-ilova bilan to‘ldirilsin: