Oʻzbekiston Respublikasi Prezidentining “Oʻzbekiston Badiiy Akademiyasini tashkil etish haqida” 1997-yil 23-yanvardagi PF—1701-son Farmonini bajarish maqsadida Vazirlar Mahkamasi qaror qiladi:

1. Oʻzbekiston Badiiy Akademiyasining Nizomi, uning tarkibidagi muassasalar roʻyxati, markaziy apparati shtatlar jadvali 1, 2, 3 va 3a-ilovalarga muvofiq tasdiqlansin.

2. Belgilab qoʻyilsinki:

Oʻzbekiston Badiiy Akademiyasi Oʻzbekiston Rassomlar uyushmasi hamda oʻz tizimiga kiruvchi boshqa tashkilotlarning ilgari qabul qilgan majburiyatlari, tuzgan shartnomalari, kontraktlari, mol-mulklari yuzasidan ularning vorisi hisoblanadi;

Oʻzbekiston Badiiy Akademiyasi oʻz faoliyati toʻgʻrisida Oʻzbekiston Respublikasi Vazirlar Mahkamasiga hisob beradi;

Akademiya raisi va uning oʻrinbosari belgilangan tartibda Vazirlar Mahkamasi tomonidan tayinlanadilar.

maqomi, mehnatga haq toʻlash, ijtimoiy-maishiy, tibbiy va transport xizmati koʻrsatish shartlari borasida Oʻzbekiston Badiiy Akademiyasi raisi Oʻzbekiston Respublikasi vaziriga, uning oʻrinbosarlari Oʻzbekiston Respublikasi vaziri oʻrinbosarlariga tenglashtiriladi.

Badiiy Akademiyaning dastlabki haqiqiy aʼzolari soni 21, faxriy aʼzolari soni 11 kishidan iborat boʻladi va ularga eng kam oylik ish haqining 2,5 baravari miqdorida oylik gonorar toʻlanadi.

3. Oʻzbekiston Badiiy Akademiyasi bir oy muddatda:

Oʻzbekiston Respublikasi Madaniyat ishlari vazirligi, Xalq taʼlimi vazirligi, Oliy va oʻrta maxsus taʼlim vazirligi bilan birgalikda Kamoliddin Behzod nomidagi Milliy rassomlik va dizayn institutini, Qoraqalpogʻiston Respublikasi, viloyatlar va Toshkent shahridagi mavjud sanʼat maktablari negizida bittadan tasviriy va amaliy sanʼat litseylarini tashkil etish hamda 1997/1998 oʻquv yilidan boshlab talaba va oʻquvchilar qabul qilishni taʼminlash chora-tadbirlarini koʻrsin;

Oʻzbekiston Badiiy Akademiyasi tizimiga kiruvchi oʻquv yurtlarining Nizomi, mutaxassisliklar roʻyxati, oʻquv rejalarini, shuningdek, maxsus jamgʻarma Nizomini ishlab chiqsin va tasdiqlasin;

Moliya vazirligi, boshqa tegishli vazirlik va idoralar bilan birgalikda Akademiyaning moddiy-texnik negizini mustahkamlash yuzasidan takliflarni hamda Kamoliddin Behzod nomidagi Davlat mukofoti haqidagi nizom va qoʻmita tarkibini ishlab chiqib, Vazirlar Mahkamasiga taqdim etsin.

4. Oʻzbekiston Respublikasi Madaniyat ishlari vazirligi Moliya vazirligi bilan birgalikda:

Kamoliddin Behzod nomidagi milliy rassomlik va dizayn institutining oʻz binosi toʻliq taʼmirlangunga va 500 oʻrinli yotoqxonasi qurib bitkazilgunga qadar M. Uygʻur nomidagi Toshkent davlat sanʼat institutining rassomlik fakulteti moddiy-texnik negizi hamda yotoqxonasidan foydalanishning joriy tartibini saqlab qolsin;

M. Uygʻur nomidagi Toshkent davlat sanʼat instituti rassomlik fakultetiga tegishli barcha oʻquv-ijodiy jihozlarni Kamoliddin Behzod nomidagi milliy rassomlik va dizayn instituti balansiga oʻtkazib bersin;

5. Toshkent shahar hokimligi:

Badiiy Akademiyaning yangi zamonaviy binosi, Kamoliddin Behzod nomidagi milliy rassomlik va dizayn institutining 500 oʻrinli yotoqxonasi qurilishi uchun bosh buyurtmachi etib belgilansin va moliya vazirligi ajratgan mablagʻlar hisobidan Akademiya buyurtmasiga muvofiq mazkur qurilish ishlarining amalga oshirilishini taʼminlasin;

bir oy muddatda mazkur qurilishlarga shahar markazidan yer maydoni ajratsin va bosh pudratchini aniqlash uchun tender eʼlon qilsin;

Toshkent shahar, Sh. Rashidov koʻchasi, 40-uydagi binoni va unga tutash yer maydonidagi xiyobonni Badiiy Akademiya balansiga oʻtkazib bersin.

6. Qoraqalpogʻiston Respublikasi Vazirlar Kengashi va viloyatlar hokimliklari Akademiyaning joylardagi oʻquv muassasalariga zarur zamonaviy shart-sharoitlarni yaratsinlar, ularni bino, jihoz va texnika, transport vositalari, oʻquv-ijodiy materiallar bilan taʼminlasinlar.

7. Oʻzbekiston Rassomlar uyushmasi aʼzolariga berilgan ijodiy ustaxonalarning oʻz egalari tomonidan bepul xususiylashtirilishiga ruxsat etilsin.

8. Oʻzbekiston Respublikasi Davlat matbuot qoʻmitasi Badiiy Akademiyaning oʻzbek, rus, ingliz tillaridagi oylik rangli jurnali, ilmiy-tadqiqot va boshqa nashrlarini chop etishda yordam koʻrsatsin.

9. Oʻzbekiston Respublikasi Moliya vazirligi:

Oʻzbekiston Badiiy Akademiyasi faoliyatini respublika budjetidan mablagʻlar bilan toʻliq taʼminlasin;

Oʻzbekiston Badiiy Akademiyasi jurnali va boshqa nashrlarini chop etish uchun mablagʻ ajratsin;

Oʻzbekiston Badiiy Akademiyasi markaziy apparatiga xizmat koʻrsatish uchun uchta yengil avtomobilga limit belgilasin;

Badiiy Akademiyaning Markaziy koʻrgazma zali binosini taʼmirlashni 1997-yil rejasiga kiritsin.

10. “Toshshaharyoʻlovchitrans” davlat uyushmasi Akademiyaga ajratilgan limitga muvofiq transport xizmati koʻrsatishni taʼminlasin.

11. Oʻzbekiston Respublikasi Aloqa vazirligi Oʻzbekiston Badiiy Akademiyasini hukumat va shahar telefon aloqasi bilan taʼminlasin.

12. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari A. Azizxoʻjayev zimmasiga yuklansin.

Oʻzbekiston Badiiy Akademiyasi oʻzbek xalqi milliy merosining ajralmas, nodir qismi sifatida Vatanimiz hududida qadim zamonlardan mavjud boʻlgan jahon tasviriy, amaliy, miniatyura sanʼati tarixi va rivojiga buyuk hissa qoʻshgan badiiy maktablarimizning uzviy davomchisidir.

1. Oʻzbekiston Badiiy Akademiyasi (keyingi oʻrinlarda — “Akademiya”) Oʻzbekiston Respublikasi Prezidentining “Oʻzbekiston Badiiy Akademiyasini tashkil etish haqida” 1997-yil 23-yanvardagi Farmoniga muvofiq tashkil etilgan ijodiy, ilmiy, oʻquv va ishlab chiqarish muassasasi hisoblanadi va millatning maʼnaviy mulki sifatida Oʻzbekiston Hukumati homiyligida faoliyat yuritadi.

2. Akademiya oʻz faoliyatida Oʻzbekiston Respublikasining Konstitutsiyasiga, amaldagi qonunlariga, Oʻzbekiston Respublikasi Prezidentining farmonlari va farmoyishlariga, Oʻzbekiston Respublikasi Oliy Majlisi qarorlariga, Vazirlar Mahkamasi qarorlari va farmoyishlariga hamda mazkur Nizomga amal qiladi.

3. Akademiya Nizomi Vazirlar Mahkamasi tomonidan tasdiqlanadi.

4. Akademiya Oʻzbekiston Respublikasining vazirligi maqomiga ega boʻlib, oʻz faoliyati boʻyicha Vazirlar Mahkamasi oldida hisob beradi.

5. Akademiya oʻzining gerbli muhri va boshqa ramziy ashyolariga ega yuridik shaxs hisoblanadi.

6. Akademiya bank muassasalarida belgilangan tartibda oʻz hisob-kitob va valyuta schyotlarini ochadi.

1. Xalqimizning boy madaniy merosini, tasviriy, amaliy, miniatyura sanʼati anʼanalarini rivojlantirish, jahon sanʼati tajribalarini ijodiy oʻzlashtirish.

2. Yosh avlodni milliy madaniyatimizga hurmat va undan chuqur gʻururlanish tuygʻulari ruhida tarbiyalash.

3. Oʻzbekiston xalqlari madaniyati va sanʼatining ravnaqi yoʻlida yuksak professional milliy badiiy ijodiyotni rivojlantirish tasviriy va amaliy sanʼat, dizayn va xalq hunarmandchiligi sohalari boʻyicha yuqori malakali mutaxassislar tayyorlash.

4. Oʻzbek xalqining badiiy merosi, uning jahon sanʼati tarixidagi oʻrni, taraqqiyot bosqichlari va zamonaviy yoʻnalishlarni chuqur oʻrganish hamda rivojlanish istiqbollarini belgilash, milliy mustaqillik gʻoyalariga mos tadqiqotlar, darsliklar, metodik qoʻllanmalar yaratish.

5. Sanʼat nazariyasi va amaliyoti sohasida milliy mutaxassislarni tayyorlash, taʼlim tizimini muntazam ravishda takomillashtirib borish.

6. Tasviriy va amaliy sanʼat ijodkorlarini, eng avvalo, yosh isteʼdodlarni xalqimizning boy maʼnaviy dunyosi, ozod va obod Vatan kelajagi oldida masʼuliyatli boʻlish, milliy oʻzlikni anglash gʻoyalarini tarannum etuvchi yorqin asarlar yaratishga yoʻnaltirish hamda bu harakatlarni ragʻbatlantirish.

7. Ijodkorlarni, iqtidorli yoshlarni ijtimoiy-iqtisodiy muhofaza qilish hamda soha muassasalarining moddiy-texnik negizini mustahkamlashni davlat yoʻli bilan qoʻllab-quvvatlash.

8. Milliy sanʼatimizning kelajagini belgilab beradigan yosh isteʼdodlarni izlab topish va ularni ijodiy oʻstirishning izchil tizimini yaratish.

9. Oliy, oʻrta maxsus va boshlangʻich taʼlim, shuningdek, ilmiy pedagogik kadrlarni tayyorlash sohalari boʻyicha badiiy-metodika va ilmiy yetakchilik qilish.

10. Xalqaro ijodiy, ilmiy aloqalarni mustahkamlash, Oʻzbekistonda va xorijda keng koʻrgazma faoliyati orqali milliy sanʼatimiz yutuqlarini dunyo jamoatchiligiga tanitish, simpoziumlar va boshqa anjumanlar oʻtkazish.

11. Jahondagi yetakchi Badiiy akademiyalar, shu yoʻnalishdagi oʻquv yurtlari, muassasalar, tashkilotlar, jahon madaniyati va sanʼati ustalari bilan ilgʻor tajribalar almashish maqsadida har tomonlama aloqalarni rivojlantirish.

12. Akademiya tarkibidagi muassasalarning tashkiliy, ijodiy moddiy-texnik bazasi zamonaviy texnika hamda zarur anjom, jihoz va materiallar bilan taʼminlanishi uchun tegishli choralar koʻrish.

13. Bu vazifalarni bajarish uchun Akademiya:

ijodiy, ilmiy va oʻquv-metodik masalalar boʻyicha sessiyalar, seminar va kengashlar oʻtkazadi;

Akademiyaning ilmiy-tadqiqot muassasalari va oʻquv yurtlarining faoliyat yoʻnalishlarini belgilaydi;

badiiy ijodiyotning muhim muammolari va yoʻnalishlari boʻyicha tegishli boʻlim, shoʻba va komissiyalar tashkil qiladi;

badiiy ijodiyotning asosiy yoʻnalishlari boʻyicha belgilangan tartibda ilmiy ishlar, oʻquv qoʻllanmalari, uslubiy va ilmiy-ommabop adabiyotlarni nashr qiladi;

yosh, iqtidorli rassomlar, dizaynchilar, xalq ustalari va sanʼatshunoslarga ijodiy faoliyatlarida va tahsil olishlarida maxsus jamgʻarma orqali tegishli yordam koʻrsatadi;

har ikki yilda bir marta tasviriy va amaliy sanʼat, dizayn, xalq hunarmandchiligi, sanʼatshunoslik sohasidagi eng yaxshi asarlar uchun tanlov asosida Akademiyaning oltin va kumush medallarini, diplomlarini beradi;

Oʻzbekistondagi oliy badiiy oʻquv yurtlari bitiruvchilarining eng yaxshi diplom ishlari uchun oltin, kumush va bronza medallari, xorijiy badiiy oliy oʻquv yurtlarining bitiruvchilari uchun esa Oʻzbekiston Badiiy Akademiyasining diplomlarini taʼsis qiladi.

1. Akademiya tarkibida Akademiyaning Qoraqalpogʻiston Respublikasi boʻlimi hamda ijodiy, oʻquv va ilmiy yoʻnalishlar boʻyicha boʻlimlar, Badiiy ijodkorlar uyushmasi, maxsus jamgʻarma, ijodiy, ilmiy-tadqiqot, oʻquv, targʻibot, koʻrgazma, nashr muassasalari va boshqa tashkilotlar faoliyat olib boradi.

2. Akademiya sanʼat va sanʼatshunoslik boʻyicha barcha faoliyatlarni muvofiqlashtirib boruvchi quyidagi boʻlimlarga egadir:

Akademiyaning Qoraqalpogʻiston Respublikasi boʻlimi;

rangtasvir va grafika;

haykaltaroshlik;

amaliy bezak;

dizayn;

sanʼat tarixi va nazariyasi;

3. Akademiyaning boʻlimlari:

ijodiy, ilmiy va oʻquv-metodik boʻgʻinlar hisoblanib, Akademiyaning haqiqiy va faxriy aʼzolarini birlashtiradi;

ilmiy-tadqiqot muassasalari, oliy, oʻrta maxsus oʻquv yurtlari, boshlangʻich badiiy bilim yurtlaridagi oʻquv jarayoniga akademik rahbarlikni amalga oshiradi;

sanʼatning turli yoʻnalishlaridagi ijodiy jarayonning rivojlanishi va ijod, ilm-fan va taʼlim sohalaridagi xalqaro aloqalarning kengayishiga imkon yaratadi.

4. Boʻlim ishlariga Boshqaruv kengashi raisi tomonidan lavozimga tayinlanadigan akademik kotib rahbarlik qiladi.

5. Boʻlimlar oʻz faoliyatini Akademiya raisi tasdiqlagan maxsus dastur va nizom asosida olib boradi.

6. Boʻlimlar oʻz faoliyati yuzasidan Boshqaruv kengashiga hisob beradi.

7. Akademiyaning Qoraqalpogʻiston Respublikasi boʻlimi yuridik shaxs maqomiga ega boʻlib, respublika hududidagi ilmiy, ijodiy, pedagogik faoliyat bilan doimiy shugʻullanuvchi aʼzolarini birlashtiradi va Akademiya Boshqaruv kengashi tomonidan belgilangan tartibda tasdiqlangan Nizom asosida faoliyat yuritadi.

8. Akademiyaning Qoraqalpogʻiston Respublikasi boʻlimining raisi Akademiya raisi tavsiyasiga koʻra Qoraqalpogʻiston Respublikasi Vazirlar Kengashi tomonidan tayinlanadi va lavozimiga koʻra Akademiya raisining oʻrinbosari hisoblanadi.

9. Badiiy ijodkorlar uyushmasi oʻz faoliyatini umumiy yigʻilishda qabul qilingan va Akademiya raisi tasdiqlagan Nizom asosida olib boradi.

muassasalari:

10. Akademiya tarkibiga quyidagi muassasalar kiradi:

— Kamoliddin Behzod nomidagi Milliy rassomlik va dizayn instituti (oʻrta maxsus taʼlim boʻgʻini bilan);

— Qoraqalpogʻiston Respublikasi, viloyatlar va Toshkent shahar tasviriy va amaliy sanʼat litseylari;

— Markaziy koʻrgazma zali;

— “Xamar” xalqaro aloqalar markazi;

— Badiiy koʻrgazmalar direksiyasi;

— maxsus jamgʻarma;

— “Oqtosh” ijod uyi;

— sanʼat va xalq anʼanalari markazi.

— Kamoliddin Behzod memorial bogʻ-muzeyi.

11. Yuqorida qayd etilgan va yangi tashkil etiladigan muassasalar Akademiya raisi tasdiqlagan va belgilangan tartibda roʻyxatdan oʻtkazilgan Nizomlar asosida faoliyat yuritadilar.

12. Akademiya va uning muassasalari qoshida faoliyat yoʻnalishi Akademiyaning maqsadi va vazifalariga mos boʻlgan, mulkchilikning turli shakllaridagi ijodiy, ilmiy, ishlab chiqarish korxona va birlashmalari tashkil etiladi.

13. Akademiya, uning muassasalari, tashkilotlari Oʻzbekiston Respublikasining amaldagi qonun hujjatlari doirasida ijodiy ilmiy, noshirlik, koʻrgazma faoliyati bilan shugʻullanadi, tashqi iqtisodiy aloqalar oʻrnatadi.

1. Akademiyaning Boshqaruv kengashi uning yuqori organi hisoblanadi.

2. Akademiya Boshqaruvi kengashi Akademiya raisi, rais oʻrinbosarlari, bosh ilmiy kotib, akademik-kotiblar, Akademiyaning haqiqiy aʼzolari, Akademiya tarkibidagi yirik muassasalarning rahbarlaridan tashkil topadi.

3. Akademiyaning Boshqaruv kengashi:

Akademiya va uning tasarrufidagi tashkilot, boʻlim ish rejalarni, hisobotlarini, tadbirlarini muhokama qiladi va tasdiqlaydi;

Badiiy ijodkorlar uyushmasi Majlisi hamda tegishli vakolatga ega boʻlgan tashkilotlar tavsiyalariga asosan Akademiyaning haqiqiy va faxriy aʼzolarini saylaydi;

Akademiya faoliyatining istiqbolli ustuvor yoʻnalishlarini belgilaydi, joriy vazifalari boʻyicha konferensiya, seminar, ijodiy simpoziumlar, koʻrgazmalar tayyorlaydi va oʻtkazadi;

noshirlik ishlarini rejalashtiradi;

Akademiya tasarrufidagi boʻlimlar, tashkilotlar, muassasalarni tashkil qilish, qayta tashkil etish va tugatish haqidagi takliflarni ishlab chiqadi va belgilangan tartibda tegishli idoralarga taqdim qiladi;

Akademiyaning Nizomiga zarur oʻzgartirishlar va qoʻshimchalar kiritish yuzasidan takliflar tayyorlaydi;

zarurat boʻlsa Akademiya faoliyatiga taalluqli boshqa masalalarni ham koʻrib chiqadi.

4. Akademiya Nizomiga oʻzgartirish va qoʻshimchalar Boshqaruv kengashi aʼzolarining roʻyxat boʻyicha umumiy sonidan uchdan ikki qismining yoqlab ovoz berishi yoʻli bilan qabul qilinadi va Oʻzbekiston Respublikasi Vazirlar Mahkamasi tomonidan tasdiqlanadi.

5. Akademiyaning Boshqaruv kengashi yigʻilishida roʻyxatdagi aʼzolarning kamida uchdan ikki qismi qatnashib, qabul qilinayotgan qarorga koʻpchilik ovoz bergan taqdirdagina mazkur qaror huquqiy kuchga ega deb hisoblanadi.

6. Yuridik shaxs huquqiga ega ilmiy tadqiqot, oʻquv, nashriyot va ijodiy-xoʻjalik tashkilotlarining roʻyxatini belgilaydi.

1. Akademiya faoliyatiga rais rahbarlik qiladi. Akademiya raisi ayni paytda Akademiya Boshqaruv kengashi va Badiiy ijodkorlar uyushmasining ham raisi hisoblanadi.

2. Akademiya raisi, uning oʻrinbosari, Bosh ilmiy kotib belgilangan tartibda Rassomlar ijodiy birlashmasi yigʻilishi tavsiyanomasiga binoan Vazirlar Mahkamasi tomonidan tayinlanadilar.

3. Akademiya raisi:

Akademiya Nizomi talablari, Boshqaruv qarorlari barcha aʼzolar boʻlim, tashkilot va muassasalar tomonidan bajarilishini taʼminlaydi;

Davlat, jamoat, xalqaro ilmiy-ijodiy tashkilotlar, oʻquv yurtlari va boshqa muassasalar bilan munosabatlarda Akademiya nomidan ish koʻradi;

Akademiya tasarrufidagi barcha boʻlim, muassasa va tashkilotlarning rahbarlarini shartnoma asosida lavozimga tayinlaydi va vazifasidan ozod qiladi;

Akademiya faoliyatiga umumiy va joriy rahbarlikni amalga oshiradi;

davlatning yuqori organlari, ijodiy, ilmiy, oʻquv muassasalari va tashkilotlarida Akademiya nomidan vakillik qiladi hamda uning manfaatlarini himoya qiladi;

Akademiyaning tegishli boʻlimlari tomonidan ishlab chiqilgan va taqdim etilgan ijodiy, ilmiy-tadqiqot va oʻquv-metodik dasturlarni tasdiqlaydi va ularning ijrosini nazorat qiladi;

Akademiyaning noshirlik rejalarini tasdiqlaydi va ularni amalga oshirish ishlariga rahbarlik qiladi;

Boshqaruv kengashi tavsiya etgan mutaxassislardan boʻlimlarning akademik-kotiblarini tanlaydi va tayinlaydi;

Akademiya mablagʻlarini tasarruf qiladi va ularning belgilangan tartibda sarflanishi ustidan nazorat yuritadi;

rais oʻrinbosarlari, Bosh ilmiy kotib, akademik-kotiblarning xizmat vazifalarini taqsimlaydi.

1. Akademiya oʻzining haqiqiy, faxriy va xorijiy aʼzolariga ega.

2. Akademiyaning haqiqiy aʼzolari milliy, tasviriy, amaliy sanʼat, dizayn, sanʼatshunoslik sohalarini oʻzining yirik asarlari bilan boyitgan va oʻz ijodi, ilmiy, pedagogik faoliyati bilan soha taraqqiyoti uchun ulkan hissa qoʻshayotgan, oʻzbek madaniyati va sanʼatining kelajagi uchun munosib, yuqori malakali mutaxassislar tayyorlashda katta yutuqlarga erishgan ijodkorlar Akademiyaning haqiqiy aʼzoligiga saylanishi mumkin.

3. Yoshi 65 dan oshgan soha namoyandalari Akademiyaning faxriy aʼzosi boʻlishi mumkin.

4. Akademiyaning faxriy aʼzolari:

— Vatan va jahon madaniyati, sanʼati oldidagi yuksak xizmatlari uchun saylanishi mumkin;

— belgilangan boshqaruv organlariga saylash va saylanish huquqidan tashqari barcha imtiyozlardan foydalanadilar.

5. Boshqa davlatlarning jahon madaniyati, sanʼati taraqqiyotiga ulkan hissa qoʻshgan arboblari Akademiyaning xorijiy aʼzolari etib saylanishlari mumkin.

6. Akademiyaning haqiqiy va faxriy aʼzosi Oʻzbekiston Respublikasi fuqaroligini boshqa davlat fuqaroligiga oʻzgartirgan taqdirda Akademiyaning xorijiy aʼzosi boʻlib oʻzgartirilishi mumkin. Bu masala belgilangan saylov tartibida hal etiladi.

1. Akademiyaning aʼzolari:

Akademiya raisi — Boshqaruv kengashi va tegishli akademik boʻlimlarning qaror, buyruq, topshiriqlarini bajarishlari;

sanʼatni yuksak, yorqin ijodiy va ilmiy yutuqlar hamda kashfiyotlar bilan boyitishlari;

sanʼat yoki sanʼatshunoslik sohasining har tomonlama rivojlanishi uchun shaxsiy javobgarlikni oʻz zimmasiga olishlari;

sanʼat va sanʼatshunoslik sohalariga tegishli mutaxassislarni tayyorlashda bevosita qatnashishlari lozim.

2. Akademiyaning haqiqiy aʼzolari quyidagi huquqlarga ega:

Akademiya tarkibida yaratilgan sharoitlardan foydalangan holda ijodiy, ilmiy asarlar ustida ishlash;

Akademiyaning ijodiy, ilmiy, oʻquv muassasalaridagi mavjud ilmiy lavozimlarni tanlovda ishtirok etmagan holda egallash;

ijodiy, ilmiy asarlarini taqdim etish, chop ettirish;

Akademiya Boshqaruv kengashiga ijodiy, ilmiy, tashkiliy masalalar, takliflar bilan murojaat qilish va muhokamada ishtirok etish.

3. Akademiyaning haqiqiy aʼzolari akademik unvonlari uchun oylik gonorar oladilar va belgilangan huquq va imtiyozlardan foydalanadilar.

1. Akademiyaning haqiqiy aʼzolarini saylash mazkur Nizom va belgilangan saylov tartibi asosida har ikki yilda bir marta oʻtkaziladi.

2. Akademiyaning haqiqiy aʼzolarini saylash haqidagi maʼlumotlar saylovlar oʻtadigan kundan kam deganda uch oy oldin matbuotda eʼlon qilinadi.

3. Haqiqiy aʼzolikka nomzodlar saylov haqidagi eʼlon chiqqan kundan boshlab ikki oy muddatdan kechikmay tegishli yozma tavsiyanoma bilan boshqaruv kengashida roʻyxatdan oʻtishlari kerak.

4. Haqiqiy aʼzolikka nomzodlar roʻyxati saylovlar kunidan kamida 15 kun oldin matbuotda eʼlon qilinadi.

5. Haqiqiy aʼzolikka saylovlar Badiiy ijodkorlar uyushmasi majlisi va Akademiyaning Boshqaruv kengashida akademik boʻlimlar tavsiyanomalari asosida yashirin ovoz berish yoʻli bilan oʻtkaziladi.

6. Haqiqiy aʼzolikka saylovlarda Akademiyaning haqiqiy aʼzolari ovoz berish huquqiga egadirlar.

7. Saylovlarda haqiqiy aʼzolarning kamida 50 foizining ovozini olgan nomzodlar Akademiya aʼzoligiga saylangan deb hisoblanadi. Ovoz berishda Boshqaruv kengashi aʼzolarining kamida uchdan ikki qismi qatnashishi shart.

8. Haqiqiy aʼzolikka hozirgi zamon Vatan va jahon sanʼat taraqqiyotiga salmoqli hissa qoʻshgan, 65 yoshgacha boʻlgan rassomlar, arxitektorlar, dizaynchilar, sanʼatshunoslar va xalq ustalari sazovor boʻladilar.

9. Davlat, jamoat tashkilotlari va xalqaro tashkilotlar, madaniyat va sanʼat sohasidagi oliy oʻquv yurtlari Akademiyaning haqiqiy va faxriy aʼzoligiga nomzodlar koʻrsatishlari mumkin.

10. Akademiya aʼzolari har yili oʻzlarining ijodiy, ilmiy pedagogik faoliyatlari haqida Akademiya Boshqaruv kengashida, yoʻnalish akademik boʻlimlarida hisobot beradilar.

11. Akademiyaning dastlabki haqiqiy, faxriy va xorijiy aʼzolari Badiiy ijodkorlar uyushmasi Majlisi tavsiyalari asosida Vazirlar Mahkamasida koʻrib chiqiladi va tasdiqlanadi.

Akademiya oʻz maqsadi va vazifalarini amalga oshirishda:

1. Tasarrufidagi barcha mulkka egalik qiladi va ularda belgilangan tartibda foydalanadi.

2. Oʻzbekistonda va chet ellarda badiiy, ijodiy koʻrgazmalar tashkil qiladi va milliy sanʼatimizni keng targʻib etadi.

3. Oʻzbekistonning yetuk rassomlari asarlarini, xalq ustalarining buyumlarini, noyob durdonalarini saqlash hamda respublika hududida va xorijiy mamlakatlarda koʻrgazmalar oʻtkazish maqsadida belgilangan tartibda davlat budjetidan ajratilgan mablagʻlar hisobidan sotib oladi va sanʼat, sanʼatshunoslik sohasida ijodiy, ilmiy asarlar yaratish uchun buyurtma beradi.

4. Belgilangan tartibda noshirlik faoliyatini amalga oshiradi, rassomlar, xalq ustalari va dizaynchilarning ijodini hamda sanʼatshunoslik muammolarini yorituvchi oylik maxsus badiiy jurnal chop etadi.

5. Akademiya xodimlari va taklif etilgan mutaxassislarning turar joy va maishiy sharoitini yaxshilash hamda Nizomda belgilangan ijtimoiy va boshqa vazifalarni hal etish masalalari yuzasidan davlatning tegishli muassasalariga murojaat qiladi.

6. Xoʻjalik faoliyati va kapital qurilishni olib borish maqsadida Akademiyaning tegishli ishlarini tashkil etadi.

7. Amaldagi tartiblar doirasida Oʻzbekistondagi va xorijdagi tegishli auksionlarda qatnashadi.

8. Barcha olgan majburiyatlari boʻyicha faqat oʻz mulki doirasida javob beradi.

9. Akademiya oʻz faoliyatini mustaqil ravishda rejalashtiradi va ishlab chiqarilayotgan mahsulotlarga, ish va xizmatlarga boʻlgan ehtiyojni hisobga olib, rivojlanish istiqbollarini belgilaydi.

10. Akademiya shartnomalar tuzishda, turli shartlarni belgilashda, xoʻjalik aloqalarini oʻrnatishda, agar bu amaldagi qonunlarga zid boʻlmasa, batamom mustaqildir

11 Akademiya oʻz faoliyatini amalga oshirish uchun amaldagi qonunchilik asosida:

— zarur boʻlgan ishlab chiqarish va boshqa shoxobchalar, boʻlim-tashkilotlar, korxonalar tashkil etish;

— turli mol-mulk, inshootlar, binolarni qurish, sotib olish, sotish, ijaraga berish va olish, ajratish;

— qonunga zid boʻlmagan turli oldi-sotdi bitimlarini amalga oshirish;

— oʻz mol-mulki va qonuniy olingan boshqa turli mol-mulk bilan istalgan xoʻjalik subyektlarining faoliyatida ishtirok etish;

— belgilangan tartibda jismoniy va yuridik shaxslarning mol-mulkini, mablagʻlarini, mulkiy huquqlarini, intellektual boyliklarini jalb etib, ulardan foydalanish;

— Oʻzbekistonda va xorijda oʻz hisob-kitob schyotiga ega boʻlgan boʻlimlarini ochish;

— tadbirkorlik faoliyatidan olinadigan foydadan mustaqil ravishda foydalanish;

— belgilangan tartibda qoʻshma korxonalar va chet ellik sheriklar bilan tashkilotlar, korxonalar tashkil etish va ularni ishlatish huquqlaridan foydalanish.

1. Akademiya faoliyatining iqtisodiy asosini unga davlat tomonidan ajratiladigan mablagʻlar, doimiy foydalanishga berilgan asosiy vositalar (fondlar) va boshqa mol-mulk tashkil etadi.

2. Akademiya unga oʻz mulki sifatida yoki vaqtincha foydalanish uchun berilgan davlat fondlari, boshqa mol-mulklardan davlat topshiriqlari asosida va amaldagi qonunlar doirasida foydalanadi.

3. Akademiyaga tegishli bino, inshoot yoki boshqa asosiy vositalarni uning ruxsatisiz yoki amaldagi qonunchilikka zid ravishda olib qoʻyish va ularga oʻzgarishlar kiritish, tegishli yer maydonlarida ishlar olib borishga yoʻl qoʻyilmaydi.

4. Davlat budjetidan ajratiladigan mablagʻlar Akademiyaning asosiy moliyaviy manbai hisoblanadi. Fundamental tadqiqotlar, ijodiy loyihalar uchun davlat budjetidan ajratilgan mablagʻlar alohida satr bilan qayd etiladi va muassasalarga aniq maqsadli yoʻnaltirilishi taʼminlanadi.

5. Ilmiy tadqiqotlarni ragʻbatlantirish turli davlat, jamoatchi va xususiy jamgʻarmalardan ajratilgan yoki turli shartnoma, kontrakt, ahdlashuvlar asosida olingan mablagʻlar Akademiya mulki hisoblanadi, ulardan foydalanish Akademiya ixtiyoridadir.

6. Akademiya tasarrufidagi muassasa va tashkilotlar oʻz ixtiyoridagi asosiy vositalar, inshootlar va mol-mulkdan belgilangan tartibda foydalanadilar

7. Boshqaruv kengashi Akademiya mulki va mablagʻlaridan foydalanish, oʻz tasarrufidagi muassasa, boʻlim va tashkilotlar oʻrtasida taqsimlash tartiblarini amaldagi qonun hujjatlari, ushbu Nizom asosida belgilaydi.

8. Akademiya va uning davlat budjetidan mablagʻ bilan taʼminlanadigan muassasalari oʻz Nizomlari asosida qoʻshimcha xoʻjalik faoliyatlarini tashkil etib, olingan daromad (foyda)dan mustaqil ravishda foydalanishga haqlidirlar.

9. Akademiyaning xoʻjalik hisobidagi mustaqil tashkilotlarining oʻz xoʻjalik va tadbirkorlik faoliyatini olingan daromad (foyda)lar hisobiga amalga oshiradilar.

Akademiya Oʻzbekiston Respublikasining amaldagi qonun hujjatlarida belgilangan tartibda qayta tashkil qilinadi va tugatiladi.

1. Badiiy ijodkorlar uyushmasi (majlisi).

3. Kamoliddin Behzod nomidagi Milliy rassomlik va dizayn instituti.

4. Kamoliddin Behzod nomidagi milliy rassomlik va dizayn instituti huzuridagi rassomlik bilim yurti (Toshkent shahar A.Xoʻjayev nomidagi 12-son milliy hunarmandchilik litseyi negizida).

5. Respublika tasviriy va amaliy sanʼat litseyi (Respublika oʻrta maxsus sanʼat maktab-internati negizida).

6. Qoraqalpogʻiston Respublikasi va viloyatlar tasviriy va amaliy sanʼat litseylari:

Qoraqalpogʻiston Respublikasi tasviriy va amaliy sanʼat litseyi (Nukus shahar, O. Halimov nomidagi 3-son sanʼat maktabi negizida);

Andijon tasviriy va amaliy sanʼat litseyi (Izboskan tumani Toʻrtkoʻl qishlogʻi rassomlik maktab-internati negizida);

Buxoro tasviriy va amaliy sanʼat litseyi (Toʻqimachilik tumani sanʼat maktabi negizida);

Jizzax tasviriy va amaliy sanʼat litseyi (Jizzax shahar sanʼat maktabi negizida);

Namangan tasviriy va amaliy sanʼat litseyi (Namangan viloyati, Uchqoʻrgʻon shahar sanʼat maktabi negizida);

Navoiy tasviriy va amaliy sanʼat litseyi (Qiziltepa tumanidagi M. Ashrafiy nomidagi sanʼat maktabi negizida);

Samarqand tasviriy va amaliy sanʼat litseyi (Pastdargʻom tumanidagi ZO-son sanʼat maktabi negizida);

Sirdaryo tasviriy va amaliy sanʼat litseyi (Guliston tumani sanʼat maktabi negizida);

Qashqadaryo tasviriy va amaliy sanʼat litseyi (Shahrisabz shahridagi 3-son sanʼat maktabi negizida);

Fargʻona tasviriy va Amaliy sanʼat litseyi (Qoʻqon sanʼat bilim yurti negizida);

Xorazm tasviriy va amaliy sanʼat litseyi (Urganch shahridagi K. Otaniyozov nomidagi sanʼat maktabi negizida).

7. Badiiy Akademiyaning Qoraqalpogʻiston Respublikasi boʻlimi.

8. Toshkent fotosuratlar uyi.

9. “Xamar” xalqaro aloqalar markazi.

10. Badiiy koʻrgazmalar direksiyasi.

11. Maxsus jamgʻarma.

12. “Oqtosh” ijod uyi.

13. Sanʼat va xalq anʼanalari markazi.

14. Kamoliddin Behzod memorial bogʻ-muzeyi.