O‘zbekiston Respublikasi Prezidentining “O‘zbekiston Badiiy Akademiyasini tashkil etish haqida” 1997-yil 23-yanvardagi PF—1701-son Farmonini bajarish maqsadida Vazirlar Mahkamasi qaror qiladi:

2. Belgilab qo‘yilsinki:

O‘zbekiston Badiiy Akademiyasi O‘zbekiston Rassomlar uyushmasi hamda o‘z tizimiga kiruvchi boshqa tashkilotlarning ilgari qabul qilgan majburiyatlari, tuzgan shartnomalari, kontraktlari, mol-mulklari yuzasidan ularning vorisi hisoblanadi;

3. O‘zbekiston Badiiy Akademiyasi bir oy muddatda:

O‘zbekiston Respublikasi Madaniyat ishlari vazirligi, Xalq ta’limi vazirligi, Oliy va o‘rta maxsus ta’lim vazirligi bilan birgalikda Kamoliddin Behzod nomidagi Milliy rassomlik va dizayn institutini, Qoraqalpog‘iston Respublikasi, viloyatlar va Toshkent shahridagi mavjud san’at maktablari negizida bittadan tasviriy va amaliy san’at litseylarini tashkil etish hamda 1997/1998 o‘quv yilidan boshlab talaba va o‘quvchilar qabul qilishni ta’minlash chora-tadbirlarini ko‘rsin;

O‘zbekiston Badiiy Akademiyasi tizimiga kiruvchi o‘quv yurtlarining Nizomi, mutaxassisliklar ro‘yxati, o‘quv rejalarini, shuningdek, maxsus jamg‘arma Nizomini ishlab chiqsin va tasdiqlasin;

Moliya vazirligi, boshqa tegishli vazirlik va idoralar bilan birgalikda Akademiyaning moddiy-texnik negizini mustahkamlash yuzasidan takliflarni hamda Kamoliddin Behzod nomidagi Davlat mukofoti haqidagi nizom va qo‘mita tarkibini ishlab chiqib, Vazirlar Mahkamasiga taqdim etsin.

4. O‘zbekiston Respublikasi Madaniyat ishlari vazirligi Moliya vazirligi bilan birgalikda:

Kamoliddin Behzod nomidagi milliy rassomlik va dizayn institutining o‘z binosi to‘liq ta’mirlangunga va 500 o‘rinli yotoqxonasi qurib bitkazilgunga qadar M. Uyg‘ur nomidagi Toshkent davlat san’at institutining rassomlik fakulteti moddiy-texnik negizi hamda yotoqxonasidan foydalanishning joriy tartibini saqlab qolsin;

M. Uyg‘ur nomidagi Toshkent davlat san’at instituti rassomlik fakultetiga tegishli barcha o‘quv-ijodiy jihozlarni Kamoliddin Behzod nomidagi milliy rassomlik va dizayn instituti balansiga o‘tkazib bersin;

5. Toshkent shahar hokimligi:

Badiiy Akademiyaning yangi zamonaviy binosi, Kamoliddin Behzod nomidagi milliy rassomlik va dizayn institutining 500 o‘rinli yotoqxonasi qurilishi uchun bosh buyurtmachi etib belgilansin va moliya vazirligi ajratgan mablag‘lar hisobidan Akademiya buyurtmasiga muvofiq mazkur qurilish ishlarining amalga oshirilishini ta’minlasin;

bir oy muddatda mazkur qurilishlarga shahar markazidan yer maydoni ajratsin va bosh pudratchini aniqlash uchun tender e’lon qilsin;

Toshkent shahar, Sh. Rashidov ko‘chasi, 40-uydagi binoni va unga tutash yer maydonidagi xiyobonni Badiiy Akademiya balansiga o‘tkazib bersin.

6. Qoraqalpog‘iston Respublikasi Vazirlar Kengashi va viloyatlar hokimliklari Akademiyaning joylardagi o‘quv muassasalariga zarur zamonaviy shart-sharoitlarni yaratsinlar, ularni bino, jihoz va texnika, transport vositalari, o‘quv-ijodiy materiallar bilan ta’minlasinlar.

7. O‘zbekiston Rassomlar uyushmasi a’zolariga berilgan ijodiy ustaxonalarning o‘z egalari tomonidan bepul xususiylashtirilishiga ruxsat etilsin.

8. O‘zbekiston Respublikasi Davlat matbuot qo‘mitasi Badiiy Akademiyaning o‘zbek, rus, ingliz tillaridagi oylik rangli jurnali, ilmiy-tadqiqot va boshqa nashrlarini chop etishda yordam ko‘rsatsin.

9. O‘zbekiston Respublikasi Moliya vazirligi:

O‘zbekiston Badiiy Akademiyasi faoliyatini respublika budjetidan mablag‘lar bilan to‘liq ta’minlasin;

O‘zbekiston Badiiy Akademiyasi jurnali va boshqa nashrlarini chop etish uchun mablag‘ ajratsin;

O‘zbekiston Badiiy Akademiyasi markaziy apparatiga xizmat ko‘rsatish uchun uchta yengil avtomobilga limit belgilasin;

Badiiy Akademiyaning Markaziy ko‘rgazma zali binosini ta’mirlashni 1997-yil rejasiga kiritsin.

10. “Toshshaharyo‘lovchitrans” davlat uyushmasi Akademiyaga ajratilgan limitga muvofiq transport xizmati ko‘rsatishni ta’minlasin.

11. O‘zbekiston Respublikasi Aloqa vazirligi O‘zbekiston Badiiy Akademiyasini hukumat va shahar telefon aloqasi bilan ta’minlasin.

12. Ushbu qarorning bajarilishini nazorat qilish O‘zbekiston Respublikasi Bosh vazirining o‘rinbosari A. Azizxo‘jayev zimmasiga yuklansin.