Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasini takomillashtirishga doir qoʻshimcha chora-tadbirlar toʻgʻrisida” 2017-yil 12-iyundagi PQ-3051-son qarorini bajarish yuzasidan Vazirlar Mahkamasi qaror qiladi:

1. Quyidagilar:

Oʻzbekiston Respublikasi Bosh vazirining oʻrinbosari — Iqtisodiy rivojlantirish, tarkibiy oʻzgartirishlar, investitsiyalar, bank va moliya tizimlarini isloh qilish, erkin iqtisodiy va kichik sanoat zonalari faoliyatini muvofiqlashtirish masalalari kompleksi rahbarining funksional vazifalari toʻgʻrisidagi nizom 1-ilovaga muvofiq;

Iqtisodiy rivojlantirish, tarkibiy oʻzgartirishlar, bank va moliya tizimlarini isloh qilish, erkin iqtisodiy va kichik sanoat zonalari faoliyatini muvofiqlashtirish masalalari yigʻma axborot-tahlil departamenti toʻgʻrisidagi nizom 2-ilovaga muvofiq;

Investitsiya dasturlarining shakllantirilishini muvofiqlashtirish, amalga oshirilishi monitoringi va xorijiy investitsiyalarni jalb etish masalalari axborot-tahlil departamenti toʻgʻrisidagi nizom 3-ilovaga muvofiq tasdiqlansin.

2. Oʻzbekiston Respublikasi Bosh vazirining oʻrinbosari J.A. Qoʻchqorov departamentlar rahbarlari va mutaxassislarining funksional vazifalari taqsimotini bir hafta muddatda tasdiqlasin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.

1. Ushbu Nizom Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasini takomillashtirishga doir qoʻshimcha chora-tadbirlar toʻgʻrisida” 2017-yil 12-iyundagi PQ-3051-son qaroriga muvofiq Oʻzbekiston Respublikasi Bosh vazirining oʻrinbosari — Iqtisodiy rivojlantirish, tarkibiy oʻzgartirishlar, investitsiyalar, bank va moliya tizimlarini isloh qilish, erkin iqtisodiy va kichik sanoat zonalari faoliyatini muvofiqlashtirish masalalari kompleksi rahbarining (keyingi oʻrinlarda Bosh vazir oʻrinbosari deb ataladi) funksional vazifalarini belgilaydi.

2. Bosh vazir oʻrinbosari Oʻzbekiston Respublikasi Prezidentiga va Oʻzbekiston Respublikasining Bosh vaziriga hisobot beradi.

3. Bosh vazir oʻrinbosari oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, shuningdek ushbu Nizomga amal qiladi.

4. Bosh vazir oʻrinbosarining faoliyati makroiqtisodiy mutanosiblikni taʼminlash, bank-moliya tizimini yanada isloh etish, tarkibiy oʻzgartirishlarni chuqurlashtirish va iqtisodiyotni modernizatsiya qilish, qulay investitsiya muhitini yaratish, xususiylashtirishni jadallashtirish, xususiy mulk va tadbirkorlikni, erkin iqtisodiy hamda kichik sanoat zonalarini rivojlantirish masalalarini hal etishga yoʻnaltirilgan.

5. Bosh vazir oʻrinbosari maqomiga koʻra, Oʻzbekiston Respublikasi Hukumatining aʼzosi hisoblanadi va Oʻzbekiston Respublikasi Vazirlar Mahkamasi Rayosati tarkibiga kiradi.

Bosh vazir oʻrinbosari Oʻzbekiston Respublikasi Vazirlar Mahkamasi va uning Rayosati majlislarida bevosita ishtirok etadi.

6. Bosh vazir oʻrinbosariga Oʻzbekiston Respublikasi Prezidentining “Mahalliy ijroiya hokimiyati organlari faoliyatini yanada takomillashtirish toʻgʻrisida” 2016-yil 22-dekabrdagi PQ-2691-son qaroriga muvofiq viloyatlar va Toshkent shahri hokimlarining iqtisodiyot va tadbirkorlik masalalari boʻyicha birinchi oʻrinbosarlari boʻysunadi.

7. Quyidagilar Bosh vazir oʻrinbosarining asosiy vazifalari hisoblanadi:

a) makroiqtisodiy rivojlantirish, bank va moliya tizimlarini isloh qilish sohasida:

makroiqtisodiy mutanosiblik, iqtisodiyotning barqaror yuqori oʻsish surʼatlarini, mamlakat aholisining bandligini taʼminlash va turmush darajasini oshirishning strategik vazifalarini hal etishga yoʻnaltirilgan iqtisodiy va ijtimoiy siyosat samaradorligini oshirish chora-tadbirlarini amalga oshirish;

iqtisodiy, tarkibiy, institutsional va maʼmuriy islohotlarning amalga oshirilishini tizimli va kompleks oʻrganish, markaziy iqtisodiy organlar, davlat va xoʻjalik boshqaruvining boshqa organlari, mahalliy davlat hokimiyati organlari, shuningdek Vazirlar Mahkamasi axborot-tahlil departamentlarining axborot-tahliliy faoliyatini muvofiqlashtirish;

Oʻzbekiston Respublikasi Davlat budjeti va davlat maqsadli jamgʻarmalari budjetlarining loyihalari, shuningdek soliq va budjet siyosatining asosiy yoʻnalishlarini ishlab chiqish jarayonlarini muvofiqlashtirish, budjetnoma loyihasining koʻrib chiqilishi va tasdiqlanishini taʼminlash hamda ularni Oʻzbekiston Respublikasi Oliy Majlisi palatalariga taqdim etish;

tegishli davrlar uchun Oʻzbekiston Respublikasi Davlat budjeti va davlat maqsadli jamgʻarmalari budjetlarining ijro etilishi toʻgʻrisidagi hisobotlar koʻrib chiqilishini, shuningdek ularning Oʻzbekiston Respublikasi Oliy Majlisining Qonunchilik palatasiga tasdiqlash uchun taqdim etilishini taʼminlash;

budjet va davlat maqsadli jamgʻarmalariga toʻlovlar intizomini mustahkamlash, hisob-kitoblar mexanizmini takomillashtirish, iqtisodiyot tarmoqlari va sektorlarida debitorlik hamda kreditorlik qarzdorlikni kamaytirish boʻyicha amaliy chora-tadbirlarni ishlab chiqish;

pul muomalasi holatini tahlil qilish, budjetga soliqlar va boshqa majburiy toʻlovlarning oʻz vaqtida tushishini taʼminlash, budjet va davlat maqsadli jamgʻarmalari oldidagi qarzdorlikni kamaytirish va qarzdorlik hosil boʻlishining oldini olish hamda ularning kassa ijrosini taʼminlash;

bank tizimi va moliyaviy infratuzilmani yanada isloh qilish, umumiy qabul qilingan xalqaro normalar, standartlar va baholash koʻrsatkichlariga muvofiq ularning barqarorligini oshirish va yanada yuqori darajaga chiqishini taʼminlaydigan chora-tadbirlarni amalga oshirish ishlarini muvofiqlashtirish;

koʻrsatilayotgan bank-moliya xizmatlari koʻlami, uning infratuzilmasini kengaytirish, aholi va xorijiy investorlarning bank-moliya tizimiga ishonchini yanada mustahkamlash, tijorat banklari va umuman, bank-moliya tizimining faoliyatini yetakchi xalqaro reyting tashkilotlari tomonidan qoʻllaniladigan xalqaro normalar, mezonlar va standartlarga asoslangan baholash hamda tahlil qilishning zamonaviy tizimini joriy etish boʻyicha tizimli chora-tadbirlar ishlab chiqilishi va amalga oshirilishini tashkil etish;

sugʻurta bozorini yanada takomillashtirish, koʻrsatilayotgan sugʻurta xizmatlarining hajmi va turlarini kengaytirish hamda sifatini oshirishga qaratilgan dasturiy chora-tadbirlar amalga oshirilishini kompleks tahlil qilish, ularni ishlab chiqish va monitoringini olib borish ishlarini muvofiqlashtirish;

zamonaviy talablarga hamda umumiy qabul qilingan xalqaro normalar va standartlarga muvofiq bank tizimi va moliyaviy infratuzilmaning normativ-huquqiy bazasini yanada takomillashtirishni taʼminlash;

iqtisodiyotni liberallashtirish va modernizatsiyalash koʻlamlarini, mamlakatda ishbilarmonlik muhitini shakllantirish darajasini baholashning har choraklik indikatorlari tizimini tahlil qilish asosida bozor islohotlarini yanada chuqurlashtirish hamda iqtisodiyotni liberallashtirish chora-tadbirlarini amalga oshirish;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar, shuningdek Vazirlar Mahkamasining axborot-tahlil departamentlari tomonidan tayyorlanadigan muhim iqtisodiy, ijtimoiy muammolar, institutsional va tarkibiy islohotlar boʻyicha maqsadli dasturlar, Oʻzbekiston Respublikasi Prezidenti va Oʻzbekiston Respublikasi Hukumatining hujjatlari loyihalarini respublikaning strategik manfaatlari va maqsadlariga muvofiqligi yuzasidan koʻrib chiqish, ularning makroiqtisodiy koʻrsatkichlarga, iqtisodiyot tarmoqlarining barqaror rivojlanishiga taʼsirini baholash;

makroiqtisodiy holat va iqtisodiyotdagi sifatli tarkibiy oʻzgarishlarning, bank-moliya tizimini rivojlantirish va isloh qilishning kompleks maqsadli dasturlari, bank-moliya tizimini isloh qilish, yangi ish oʻrinlari tashkil etish, aholining bandligi, turmushi darajasi va farovonligini yuksaltirish dasturlari amalga oshirilishining, jumladan tegishli maʼlumotlar bazalarini shakllantirish va ularni tahlil qilish yoʻli bilan monitoringi olib borilishini taʼminlash;

b) aholi bandligi va hayot darajasini oshirish hamda uni ijtimoiy himoya qilish sohasida:

Yangi ish oʻrinlari tashkil etish, aholi bandligini oshirish dasturi ishlab chiqilishini va uning belgilangan tartibda Oʻzbekiston Respublikasi Oliy Majlisi palatalariga taqdim etilishini, aholining turmushi va farovonlik darajasini oshirish dasturlarining shakllantirilishi, tasdiqlanishi va amalga oshirilishining monitoringi olib borilishini taʼminlash;

demografik omillar va iqtisodiyotni rivojlantirish istiqbollarini hisobga olgan holda, ishga joylashtirishning ilgʻor shakllarini joriy etishga yoʻnaltirilgan aholi bandligini taʼminlashning hududiy dasturlarini shakllantirish, pensionerlar, nogironlar va aholining boshqa ijtimoiy nochor guruhlarini ijtimoiy qoʻllab-quvvatlashga doir manzilli dasturlar va samarali tadbirlarni ishlab chiqish boʻyicha davlat hamda xoʻjalik boshqaruvi organlari, mahalliy ijro etuvchi hokimiyat organlari ishlarini muvofiqlashtirish;

mehnat va aholi bandligi, mehnatga haq toʻlashni tartibga solish, fuqarolarning pensiya taʼminoti, ijtimoiy nafaqalar va kompensatsiya toʻlovlarini, ijtimoiy yordamning boshqa turlarini tayinlash, aholining nochor toifalariga koʻrsatilayotgan ijtimoiy yordamning tabaqalashtirilganligi va manzilliligini kuchaytirishga yoʻnaltirilgan ijtimoiy siyosatni amalga oshirish mexanizmlari va usullarini yaxshilash sohasidagi qonunchilikni takomillashtirish yuzasidan takliflar ishlab chiqish;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar, shuningdek Vazirlar Mahkamasining axborot-tahlil departamentlari tomonidan ishlab chiqilgan aholi bandligini taʼminlash va uni ijtimoiy himoya qilishning muhim ustuvor yoʻnalishlarini amalga oshirish boʻyicha maqsadli dasturlar, Oʻzbekiston Respublikasi Prezidenti va respublika Hukumatining hujjatlari loyihalarini koʻrib chiqish;

mehnat, bandlik va aholini ijtimoiy himoya qilish, mehnat munosabatlarini mustahkamlash, moddiy ragʻbatlantirish mexanizmlarini va mehnatni muhofaza qilish sharoitlarini yaxshilash sohasidagi qonunchilikni takomillashtirishga yoʻnaltirilgan maqsadli dasturlar, qabul qilingan qonunlar, Oʻzbekiston Respublikasi Prezidenti va Vazirlar Mahkamasining qarorlari amalga oshirilishini nazorat qilish;

v) tarkibiy oʻzgarishlar va ishlab chiqarishni modernizatsiya qilish sohasida:

sanoatda tarkibiy oʻzgarishlarni yanada chuqurlashtirish sohasida jahon va mintaqa bozorlarida barqaror xaridorgir boʻlgan yuqori qoʻshilgan qiymatga ega raqobatbardoshbardosh mahsulotlarni mineral hamda xomashyo resurslarini chuqur qayta ishlash asosida ishlab chiqarishni taʼminlaydigan ustuvor sanoat tarmoqlarini jadal rivojlantirishga yoʻnaltirilgan kompleks dasturlarni shakllantirish va ularni amalga oshirish ishlarini muvofiqlashtirish;

iqtisodiyotdagi tarkibiy oʻzgarishlar, amalga oshirilayotgan bozor islohotlarini chuqurlashtirish, faol investitsiya siyosatini yuritish, iqtisodiyot tarmoqlarini innovatsion rivojlantirish mexanizmlarini izchil joriy etish chora-tadbirlarini amalga oshirish;

tarkibiy oʻzgarishlarga doir tarmoq va hududiy dasturlar amalga oshirilishini, ishlab chiqarishni modernizatsiyalash va mahalliylashtirish, iqtisodiyotning asosiy tarmoqlari korxonalarida ishlab chiqarish xarajatlari kamaytirilishini taʼminlash va tasdiqlangan parametrlarga soʻzsiz erishish boʻyicha takliflar ishlab chiqish;

sanoat korxonalarini modernizatsiyalash va texnologik jihatdan yangilash, ularda ilgʻor innovatsiya texnologiyalarini jadal joriy etish, mehnat unumdorligini oshirish, sanoat uchun yuqori malakali kadrlarni tayyorlash chora-tadbirlarini amalga oshirish;

ishlab chiqarishni mahalliylashtirish darajasini yanada chuqurlashtirish, raqobatbardoshli va import oʻrnini bosadigan mahsulotlar ishlab chiqarishni tashkil etish, tayyor mahsulotlar, butlovchi buyumlar va materiallar ishlab chiqarishni mahalliylashtirishning oʻrta muddatli dasturlarini bajarish doirasida importni kamaytirishga doir tasdiqlangan parametrlarga erishishni taʼminlash boʻyicha kompleks chora-tadbirlarni amalga oshirish;

ishlab chiqarishni modernizatsiyalash, texnik va texnologik jihatdan yangilashning tarmoq hamda hududiy dasturlariga kiritilgan loyihalarning oʻz vaqtida tayyorlanishi va amalga oshirilishini taʼminlash boʻyicha Vazirlar Mahkamasi axborot-tahlil departamentlari, davlat va xoʻjalik boshqaruvi organlari, mahalliy ijro etuvchi organlarning va boshqa tashkilotlar faoliyatini muvofiqlashtirish;

davlat va xoʻjalik boshqaruvi organlari tomonidan moddiy va qiymat balanslari ishlab chiqilishini muvofiqlashtirish, ularning bajarilishi yuzasidan monitoring olib borish;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar, shuningdek Vazirlar Mahkamasining axborot-tahlil departamentlari tomonidan ishlab chiqilgan muhim tarkibiy islohotlar, iqtisodiyotni modernizatsiyalash, hududlarning iqtisodiy va ijtimoiy muammolari boʻyicha tarmoq va hududiy dasturlar, Oʻzbekiston Respublikasi Prezidenti va Oʻzbekiston Respublikasi Hukumati hujjatlari loyihalarini koʻrib chiqish;

g) xususiylashtirish, raqobat muhiti, xususiy tadbirkorlik va kichik biznesni rivojlantirish sohasida:

iqtisodiyotni boshqarishda davlatning rolini strategik va iqtisodiy asoslangan darajagacha bosqichma-bosqich pasaytirish, mulk tuzilmasini yanada isloh qilish va oʻzgartirish, xususiy mulkning ustuvor roli va ahamiyatini taʼminlash, xususiylashtirish jarayonlarini chuqurlashtirish, iqtisodiyotning nostrategik tarmoqlaridagi aksiyadorlik jamiyatlarining davlat ulushini xususiy investorlarga sotishni tezlashtirish boʻyicha dasturiy chora-tadbirlarni amalga oshirish;

xususiy mulk, kichik va xususiy tadbirkorlik subyektlarining manfaatlarini ishonchli himoya qilish, ularning jadal rivojlanish yoʻlidagi toʻsiq va govlarni bartaraf etish, tadbirkorlik tuzilmalari faoliyatiga toʻsqinlik qilish hamda noqonuniy aralashish uchun masʼuliyatni oshirishga doir dasturiy chora-tadbirlar amalga oshirilishini taʼminlash;

aksiyadorlik jamiyatlarida faoliyat samaradorligini oshirish, ularning boʻlajak investorlar uchun ochiqligi va jozibadorligini taʼminlash, korporativ boshqaruvning zamonaviy usullarini joriy etish, korxonalarni strategik boshqarishda aksiyadorlar rolini kuchaytirish chora-tadbirlarini amalga oshirish;

davlat va xoʻjalik boshqaruvi organlari, mahalliy ijro etuvchi hokimiyat organlari tomonidan qimmatli qogʻozlar bozorini faol shakllantirish va uning faoliyat koʻrsatishini taʼminlash chora-tadbirlari amalga oshirilishini muvofiqlashtirish;

muvaffaqiyatli xorijiy tajriba inobatga olingan holda korporativ boshqaruv tizimini takomillashtirish, uni hayotga tatbiq etishning zamonaviy uslublarini jadal joriy qilish chora-tadbirlarini amalga oshirish;

rentabelligi past va zarar koʻrib ishlayotgan korxonalarning moliyaviy-iqtisodiy ahvolini chuqur tahlil qilish, ularni jumladan, yangi investorlarni jalb qilish, ishlab chiqarishni modernizatsiyalash hamda texnologik qayta jihozlash, mahsulot tannarxini kamaytirish hamda yangi turdagi raqobatbardosh mahsulotlar ishlab chiqarishni oʻzlashtirish hisobiga moliyaviy sogʻlomlashtirish borasida kompleks chora-tadbirlar ishlab chiqish va amalga oshirish ishlarini tashkil etish;

tovar va moliya bozorlarida monopoliyaga qarshi samarali boshqaruv va raqobatning cheklanishiga yoʻl qoʻymaslik chora-tadbirlarini amalga oshirish, shuningdek isteʼmolchilar huquqlarining davlat tomonidan himoya qilinishini tashkil etish;

d) investitsiya loyihalarini shakllantirish va ularning amalga oshirilishi monitoringini olib borish hamda xorijiy investitsiyalarni jalb etish sohasida:

Oʻzbekiston Respublikasi Investitsiya dasturi, iqtisodiyotning asosiy tarmoqlarini modernizatsiyalash, texnik yangilash va texnologik qayta jihozlash dasturlari amalga oshirilishini nazorat qilish, tasdiqlangan parametrlarga soʻzsiz erishish boʻyicha takliflar va tadbirlar ishlab chiqish;

respublikada investitsiya muhitini, xorijiy investorlarga taqdim etilgan preferensiyalar hamda imtiyozlar samarali qoʻllanishining har tomonlama tizimli tahlil etilishini taʼminlash, iqtisodiyotni modernizatsiyalash, ishlab chiqarishni texnik va texnologik yangilashga doir ustuvor loyihalarni amalga oshirish uchun xorijiy investitsiyalar va grantlar, birinchi navbatda, toʻgʻridan toʻgʻri investitsiyalarni jalb qilish boʻyicha yanada qulay muhitni shakllantirishga oid qoʻshimcha chora-tadbirlar ishlab chiqish;

xorijiy investitsiyalar jalb etilishi, xorijiy investorlar ishtirokida investitsiya loyihalarining oʻz vaqtida amalga oshirilishini, shu jumladan xorijiy investorlar va kreditorlarning qabul qilgan majburiyatlarini bajarishini nazorat qilish, yirik hamda strategik muhim investitsiya loyihalarini moliyalashtirish sxemalarini belgilash;

boʻlajak investorlarni Oʻzbekiston Respublikasidagi investitsiya muhiti, shu jumladan investitsiya kiritish jarayonining asosiy tartib-taomil masalalari, shuningdek taklif etiladigan investitsiyalar hajmi toʻgʻrisida xabardor qilish ishlarini muvofiqlashtirish;

xorijiy investitsiyalar va kreditlarni jalb etish uchun investitsiya takliflari yagona bazasini shakllantirish va yangilash jarayonini taʼminlash;

respublikaga texnikaviy koʻmaklashish vositalari va gumanitar yordamni jalb etish, shuningdek davlat hamda xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlarning Oʻzbekiston Respublikasiga grantlar jalb qilish hajmini tizimli asosda koʻpaytirishni taʼminlaydigan mansabdor shaxslarini ragʻbatlantirish choralarini qoʻllash ishlarini muvofiqlashtirish;

Vazirlar Mahkamasining axborot-tahlil departamentlari, davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlarning Investitsiya dasturi, ishlab chiqarishni modernizatsiyalash, texnik hamda texnologik yangilash boʻyicha tarmoq va hududiy dasturlarga kiritilgan investitsiya loyihalarining oʻz vaqtida tayyorlanishi hamda amalga oshirilishini taʼminlash boʻyicha faoliyatini muvofiqlashtirish;

Oʻzbekiston Respublikasi Prezidentining xorijiy davlatlarga tashriflari yakunlari boʻyicha erishilgan bitimlar, xorijiy davlatlar, xalqaro iqtisodiyot hamda moliya institutlari bilan tashqi savdo, investitsiyaviy va moliyaviy hamkorlik boʻyicha qabul qilingan dasturlar amalga oshirilishini nazorat qilish, shuningdek xorijiy mamlakatlar, xalqaro tuzilmalar, chet el kompaniyalari va banklari bilan tashqi iqtisodiy hamda tashqi savdo hamkorligini chuqurlashtirishga doir takliflar ishlab chiqish;

respublikaning davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlarining tashqi iqtisodiy aloqalar sohasidagi faoliyatini muvofiqlashtirish hamda mamlakatni rivojlantirishning strategik maqsadlaridan kelib chiqib, jahon bozoridagi konyunktura oʻzgarishlari asosida xorijiy davlatlar, xalqaro iqtisodiyot hamda moliya institutlari, chet el kompaniyalari va banklari bilan tashqi iqtisodiy hamkorlikning ustuvor yoʻnalishlari boʻyicha takliflar ishlab chiqish;

xalqaro moliya va iqtisodiyot institutlari, boshqa investorlar bilan xorijiy investitsiyalar hamda kreditlarni jalb etish masalalari boʻyicha hamkorlik dasturlarini, shuningdek hamkorlikning ustuvor hamda istiqbolli yoʻnalishlari boʻyicha takliflar ishlab chiqilishini muvofiqlashtirish.

8. Bosh vazir oʻrinbosari oʻz zimmasiga yuklangan vazifalarga muvofiq quyidagi funksiyalarni amalga oshiradi:

Oʻzbekiston Respublikasi Prezidenti Devonining tegishli xizmatlari bilan hamkorlik qiladi;

Oʻzbekiston Respublikasi Bosh vazirining topshiriqlariga binoan respublikaning tegishli hududlari va tarmoqlarida ijtimoiy-iqtisodiy rivojlantirish, i1sgisodiy islohotlarning ustuvor vazifalari hamda dasturlari bajarilishini muvofiqlashtirib boradi;

Iqtisodiy rivojlantirish, tarkibiy oʻzgartirishlar, bank va moliya tizimlarini isloh qilish, erkin iqtisodiy va kichik sanoat zonalari faoliyatini muvofiqlashtirish masalalari yigʻma axborot-tahlil departamentiga, shuningdek Investitsiya dasturlarining shakllantirilishini muvofiqlashtirish, amalga oshirilishi monitoringi va xorijiy investitsiyalarni jalb etish masalalari axborot-tahlil departamentiga bevosita rahbarlik qiladi;

iqtisodiy islohotlarni amalga oshirish borasida mutasaddilik qilinadigan vazirliklar, idoralar, xoʻjalik birlashmalari va hududlar faoliyatini muvofiqlashtiradi hamda nazorat qiladi;

mutasaddilik qilinadigan davlat va xoʻjalik boshqaruvi organlari hamda boshqa tashkilotlarda Oʻzbekiston Respublikasi Prezidenti va Oʻzbekiston Respublikasi Prezidentining Davlat maslahatchilari nomenklaturasiga kiradigan lavozimlarga nomzodlar boʻyicha takliflarni Oʻzbekiston Respublikasi Bosh vaziri bilan kelishgan holda belgilangan tartibda kiritadi;

kompleks yuritadigan sohaga kiruvchi masalalar boʻyicha Oʻzbekiston Respublikasi Vazirlar Mahkamasiga kiritilgan takliflar va hujjatlar loyihalarini koʻrib chiqishda davlat manfaatlariga qatʼiy rioya etilishini taʼminlaydi, hujjatlarning tayyorlangan loyihalariga viza qoʻyadi. Tegishli hujjatlar qabul qilingandan soʻng ularning amalga oshirilishi yuzasidan tizimli nazorat tashkil etilishini taʼminlaydi;

qonun hujjatlari, Oʻzbekiston Respublikasi Prezidentining farmonlari, qarorlari va farmoyishlari, Hukumat qarorlari loyihalarining ekspertizadan oʻtkazilishi va sifatli tayyorlanishini tashkil etish masalalarida Vazirlar Mahkamasi apparati boshqaruvchisi bilan hamkorlik qiladi;

Oʻzbekiston Respublikasi qonunlari, Oʻzbekiston Respublikasi Prezidenti farmonlari, qarorlari, farmoyishlari va topshiriqlari, Hukumat qarorlarining ijro etuvchi hokimiyat organlari tomonidan bajarilishi yuzasidan nazoratni taʼminlaydi;

Vazirlar Mahkamasi apparati boshqaruvchisi bilan birgalikda Iqtisodiy rivojlantirish, tarkibiy oʻzgartirishlar, bank va moliya tizimlarini isloh qilish, erkin iqtisodiy va kichik sanoat zonalari faoliyatini muvofiqlashtirish masalalari yigʻma axborot-tahlil departamentiga, shuningdek Investitsiya dasturlarining shakllantirilishini muvofiqlashtirish, amalga oshirilishi monitoringi va xorijiy investitsiyalarni jalb etish masalalari axborot-tahlil departamentining departament mudiri, shuʼbalar mudirlari, bosh va yetakchi mutaxassislari lavozimlariga kadrlar tanlaydi;

Iqtisodiy rivojlantirish, tarkibiy oʻzgartirishlar, bank va moliya tizimlarini isloh qilish, erkin iqtisodiy va kichik sanoat zonalari faoliyatini muvofiqlashtirish masalalari yigʻma axborot-tahlil departamenti, shuningdek Investitsiya dasturlarining shakllantirilishini muvofiqlashtirish, amalga oshirilishi monitoringi va xorijiy investitsiyalarni jalb etish masalalari axborot-tahlil departamentining mudiri hamda mutaxassislarini qayta tayyorlash, ularning malakasini oshirish, ragʻbatlantirish va ularga nisbatan intizomiy jazo choralarini qoʻllash toʻgʻrisida takliflar kiritadi;

Iqtisodiy rivojlantirish, tarkibiy oʻzgartirishlar, bank va moliya tizimlarini isloh qilish, erkin iqtisodiy va kichik sanoat zonalari faoliyatini muvofiqlashtirish masalalari yigʻma axborot-tahlil departamentida, shuningdek Investitsiya dasturlarining shakllantirilishini muvofiqlashtirish, amalga oshirilishi monitoringi va xorijiy investitsiyalarni jalb etish masalalari axborot-tahlil departamentida kadrlar zaxirasini shakllantirish ishlarini tizimli asosda tashkil qiladi.

9. Bosh vazir oʻrinbosari tegishli komissiyalar (kengashlar)ga rahbarlik qiladi, shuningdek Oʻzbekiston Respublikasining Bosh vaziri rahbarlik qiladigan komissiyalar (kengashlar) faoliyatini, ularning qarorlari bajarilishini tashkil etish yuzasidan nazoratni taʼminlaydi.

10. Bosh vazir oʻrinbosari oʻziga yuklangan vazifalar va funksiyalarni bajarish uchun quyidagi huquqlarga ega:

Vazirlar Mahkamasida koʻrib chiqiladigan masalalarni tahlil qilish va tayyorlash uchun zarur boʻlgan materiallar va maʼlumotlarni davlat va xoʻjalik boshqaruvi organlari, mahalliy ijro etuvchi hokimiyat organlari hamda boshqa organlar va tashkilotlardan belgilangan tartibda soʻrash va olish;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar rahbarlari hamda vakillari ishtirokida yigʻilishlar oʻtkazish;

mutasaddilik qilinadigan vazirliklar, davlat qoʻmitalari va idoralar, xoʻjalik boshqaruvi organlari kollegial organlarining majlislarida, shuningdek Oʻzbekiston Respublikasining Bosh vaziri topshiriqlari boʻyicha — davlat boshqa organlarining, nodavlat notijorat tashkilotlari va boshqa tashkilotlarning kompleks yuritadigan sohaga kiruvchi masalalar boʻyicha oʻtkaziladigan majlislari va yigʻilishlarida qatnashish;

davlat va xoʻjalik boshqaruvi organlari, ilmiy muassasalar va boshqa tashkilotlar rahbarlari hamda vakillarini Vazirlar Mahkamasida koʻrib chiqiladigan masalalarni ishlab chiqish uchun belgilangan tartibda jalb etish, tegishli masalalar boʻyicha vaqtinchalik ishchi guruhlar tuzish;

“Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasi Qonuni va Vazirlar Mahkamasi Reglamenti talablari buzilgan holda keladigan hujjatlarni qaytarish.

Bosh vazir oʻrinbosarining zarur materiallar, maʼlumotlarni taqdim etish, shuningdek Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasi qarorlari va boshqa hujjatlar loyihalarini puxta ishlab chiqish boʻyicha talablari va topshiriqlari uning tomonidan belgilangan muddatlarda bajarilishi shart.

Bosh vazir oʻrinbosarining oʻzi boshqaradigan masalalar boʻyicha vazirliklar, davlat qoʻmitalari, idoralar, xoʻjalik boshqaruvi organlari va boshqa tashkilotlar rahbarlariga beriladigan topshiriqlari belgilangan tartibda bajarilishi majburiydir.

11. Bosh vazir oʻrinbosari:

zimmasiga yuklangan vazifalarning tegishli darajada va sifatli bajarilishi;

oʻzi rahbarlik qiladigan Kompleksdagi ishlarning holati, tegishli davlat va xoʻjalik boshqaruvi organlari, boshqa tashkilotlar faoliyatining muvofiqlashtirilishi va nazorat qilinishi, Kompleks yuritadigan masalalar boʻyicha Vazirlar Mahkamasiga kiritilgan takliflar va hujjatlar loyihalarining har tomonlama koʻrib chiqilishini taʼminlash;

Vazirlar Mahkamasi Reglamentiga muvofiq taqdim etiladigan Hukumat qarorlari loyihalarini respublika manfaatlari, iqtisodiy samaradorlik nazarda tutilib va ulardagi masalalarni barcha manfaatdor tuzilmalar bilan birgalikda puxta ekspertizadan oʻtkazilishi yuzasidan nazoratni taʼminlash;

Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidenti farmonlari, qarorlari, farmoyishlari, Hukumat qarorlari va farmoyishlari, Vazirlar Mahkamasi rahbariyati topshiriqlarining Makroiqtisodiy rivojlantirish, tarkibiy oʻzgartirishlar va xorijiy investitsiyalarni jalb etish masalalari kompleksi tarkibiga kiradigan davlat va xoʻjalik boshqaruvi organlari, boshqa tashkilotlar tomonidan oʻz vaqtida va sifatli bajarilishini taʼminlash;

Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga, shuningdek Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq ijro intizomiga soʻzsiz rioya etilishi uchun javob beradi.

12. Bosh vazir oʻrinbosarining faoliyati “Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasi Qonuniga, Oʻzbekiston Respublikasi Vazirlar Mahkamasi Reglamentiga, ushbu Nizomga, Oʻzbekiston Respublikasi Prezidentining, Oʻzbekiston Respublikasi Bosh vazirining topshiriqlariga muvofiq, shuningdek Vazirlar Mahkamasining ish rejalari hamda Iqtisodiy rivojlantirish, tarkibiy oʻzgartirishlar, investitsiyalar, bank va moliya tizimlarini isloh qilish, erkin iqtisodiy va kichik sanoat zonalari faoliyatini muvofiqlashtirish masalalari kompleksining ish rejasi asosida tashkil etiladi.

Iqtisodiy rivojlantirish, tarkibiy oʻzgartirishlar, investitsiyalar, bank va moliya tizimlarini isloh qilish, erkin iqtisodiy va kichik sanoat zonalari faoliyatini muvofiqlashtirish masalalari kompleksining ish rejasi Oʻzbekiston Respublikasi Vazirlar Mahkamasi Rayosati tomonidan tasdiqlanadi.

13. Bosh vazir oʻrinbosarining Oʻzbekiston Respublikasi qonunlari, Oʻzbekiston Respublikasi Prezidenti farmonlari, qarorlari va farmoyishlari, Hukumat qarorlarining mutasaddilik qilinadigan davlat va xoʻjalik boshqaruvi organlari, mahalliy ijro etuvchi hokimiyat organlarida amalga oshirilishining tizimli monitoringini taʼminlash boʻyicha faoliyati Vazirlar Mahkamasining ish rejasiga, shuningdek Oʻzbekiston Respublikasi Bosh vazirining topshiriqlariga muvofiq kompleks oʻrganishlarni amalga oshirish, Vazirlar Mahkamasining hamda Vazirlar Mahkamasi Rayosatining, Iqtisodiy rivojlantirish, tarkibiy oʻzgartirishlar, investitsiyalar, bank va moliya tizimlarini isloh qilish, erkin iqtisodiy va kichik sanoat zonalari faoliyatini muvofiqlashtirish masalalari kompleksi majlislarida hisobotlarni eshitgan holda tashkil etiladi.

1. Iqtisodiy rivojlantirish, tarkibiy oʻzgartirishlar, bank va moliya tizimlarini isloh qilish, erkin iqtisodiy va kichik sanoat zonalari faoliyatini muvofiqlashtirish masalalari yigʻma axborot-tahlil departamenti (keyingi oʻrinlarda Yigʻma departament deb ataladi) Oʻzbekiston Respublikasi Hukumati Ijro etuvchi apparatining tarkibiy boʻlinmasi hisoblanadi.

2. Yigʻma departamentning faoliyati Vazirlar Mahkamasi, uning Rayosatini, shuningdek Vazirlar Mahkamasi Ijro etuvchi apparatini makroiqtisodiy mutanosiblik, bank-moliya tizimini isloh qilish, aholi hayoti darajasi va sifatini oshirish, ishlab chiqarishni modernizatsiyalash va mahalliylashtirish, iqtisodiyotni tarkibiy oʻzgartirish, xususiylashtirish, raqobatni, kichik va xususiy tadbirkorlikni, erkin iqtisodiy va kichik sanoat zonalarini rivojlantirish masalalari boʻyicha axborot-tahliliy jihatdan taʼminlashga yoʻnaltirilgan.

3. Yigʻma departament oʻz faoliyatida Oʻzbekiston Respublikasi Konstitutsiyasi va qonunlari, Oʻzbekiston Respublikasi Oliy Majlisining palatalari qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek mazkur Nizomga amal qiladi.

4. Yigʻma departament oʻz faoliyatini Oʻzbekiston Respublikasining Bosh vaziri rahbarligida amalga oshiradi.

Yigʻma departament oʻz vakolatiga kiradigan masalalar boʻyicha Oʻzbekiston Respublikasi Bosh vazirining oʻrinbosari — Iqtisodiy rivojlantirish, tarkibiy oʻzgartirishlar, investitsiyalar, bank va moliya tizimlarini isloh qilish, erkin iqtisodiy va kichik sanoat zonalari faoliyatini muvofiqlashtirish masalalari kompleksi rahbariga (keyingi oʻrinlarda Bosh vazir oʻrinbosari deb ataladi) boʻysunadi va bir vaqtning oʻzida uning faoliyati Vazirlar Mahkamasi apparati boshqaruvchisi tomonidan muvofiqlashtirib boriladi.

5. Yigʻma departament oʻz faoliyatini Oʻzbekiston Respublikasi Vazirlar Mahkamasi Ijro etuvchi apparatining boshqa tarkibiy boʻlinmalari, davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar bilan hamkorlikda amalga oshiradi, shuningdek Vazirlar Mahkamasi axborot-tahlil departamentlari, markaziy iqtisodiyot organlarining iqtisodiy islohotlarni amalga oshirishga doir faoliyatini muvofiqlashtiradi.

6. Quyidagilar Yigʻma departamentning asosiy vazifalari hisoblanadi:

a) makroiqtisodiy rivojlantirish, bank va moliya tizimlarini isloh qilish sohasida:

iqtisodiy, tarkibiy, institutsional va maʼmuriy islohotlarning amalga oshirilishini tizimli va kompleks oʻrganishni tashkil etish, markaziy iqtisodiy organlar, davlat va xoʻjalik boshqaruvining boshqa organlari, shuningdek Vazirlar Mahkamasi axborot-tahlil departamentlarining axborot-tahliliy faoliyatini muvofiqlashtirish asosida mamlakatni makroiqtisodiy rivojlantirish tendensiyalari va istiqbollarini tahlil qilish;

makroiqtisodiy mutanosiblik, iqtisodiyotning barqaror yuqori oʻsish surʼatlarini, mamlakat aholisining bandligini taʼminlash va turmush darajasini oshirishning strategik vazifalarini hal etishga yoʻnaltirilgan iqtisodiy va ijtimoiy siyosat samaradorligini oshirish boʻyicha takliflar ishlab chiqish;

Oʻzbekiston Respublikasi Davlat budjeti va davlat maqsadli jamgʻarmalari budjetlarining loyihalari, shuningdek soliq va budjet siyosatining asosiy yoʻnalishlarini ishlab chiqish jarayonlarini muvofiqlashtirish, budjetnoma loyihasining koʻrib chiqilishi va tasdiqlanishini taʼminlash hamda ularni Oʻzbekiston Respublikasi Oliy Majlisi palatalariga taqdim etish;

tegishli davrlar uchun Oʻzbekiston Respublikasi Davlat budjeti va davlat maqsadli jamgʻarmalari budjetlarining ijro etilishi toʻgʻrisidagi hisobotlar koʻrib chiqilishini, shuningdek ularning Oʻzbekiston Respublikasi Oliy Majlisining Qonunchilik palatasiga tasdiqlash uchun taqdim etilishini taʼminlash;

oʻzaro hisob-kitoblar holatini tizimli tahlil qilishni tashkil etish, budjet va davlat maqsadli jamgʻarmalariga toʻlovlar intizomini mustahkamlash, hisob-kitoblar mexanizmini takomillashtirish, iqtisodiyot tarmoqlari va sektorlarida debitorlik hamda kreditorlik qarzdorlikni kamaytirish boʻyicha amaliy chora-tadbirlarni ishlab chiqish;

pul massasi dinamikasi va tuzilmasining tizimli monitoringini olib borish, pul muomalasi holatini tahlil qilish, budjetga soliqlar va boshqa majburiy toʻlovlarning oʻz vaqtida tushishini taʼminlash, budjet va davlat maqsadli jamgʻarmalari oldidagi qarzdorlikni kamaytirish va qarzdorlik hosil boʻlishining oldini olish hamda ularning kassa ijrosini taʼminlash;

bank tizimi va moliyaviy infratuzilmani yanada isloh, umumiy qabul qilingan xalqaro normalar, standartlar va baholash koʻrsatkichlariga muvofiq ularning barqarorligini oshirish va yanada yuqori darajaga chiqishini taʼminlaydigan chora-tadbirlarni amalga oshirish ishlarini muvofiqlashtirish;

koʻrsatilayotgan bank-moliya xizmatlari koʻlami, uning infratuzilmasini kengaytirish, aholi va xorijiy investorlarning bank-moliya tizimiga ishonchini yanada mustahkamlash, tijorat banklari va umuman, moliya-bank tizimining faoliyatini yetakchi xalqaro reyting tashkilotlari tomonidan qoʻllaniladigan xalqaro normalar, mezonlar va standartlarga asoslangan baholash hamda tahlil qilishning zamonaviy tizimini joriy etish boʻyicha tizimli chora-tadbirlar ishlab chiqilishi va amalga oshirilishini tashkil etish;

sugʻurta bozorini yanada takomillashtirish, koʻrsatilayotgan sugʻurta xizmatlarining hajmi va koʻlamini kengaytirish hamda sifatini oshirishga qaratilgan dasturiy chora-tadbirlar amalga oshirilishini kompleks tahlil qilish, ularni ishlab chiqish va monitoringini olib borish ishlarini muvofiqlashtirish;

zamonaviy talablarga hamda umumiy qabul qilingan xalqaro normalar va standartlarga muvofiq bank tizimi va moliyaviy infratuzilmaning normativ-huquqiy bazasini yanada takomillashtirishga doir takliflar ishlab chiqish;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar, shuningdek Vazirlar Mahkamasining axborot-tahlil departamentlari tomonidan tayyorlanadigan muhim iqtisodiy, ijtimoiy muammolar, institutsional va tarkibiy islohotlar boʻyicha maqsadli dasturlar, Oʻzbekiston Respublikasi Prezidenti va Oʻzbekiston Respublikasi Hukumatining hujjatlari loyihalarining respublikaning strategik manfaatlari va maqsadlariga muvofiqligini, makroiqtisodiy koʻrsatkichlarga, iqtisodiyot tarmoqlarining barqaror rivojlanishiga taʼsirini ekspert baholash;

makroiqtisodiy holat va iqtisodiyotdagi sifatli tarkibiy oʻzgarishlarning, bank-moliya tizimini rivojlantirish va isloh qilishning kompleks maqsadli dasturlarining amalga oshirilishi, bank-moliya tizimini isloh qilish, yangi ish oʻrinlari tashkil etish, aholi bandligi, uning turmushi darajasi va farovonligini oshirishning, jumladan tegishli maʼlumotlar bazalarini shakllantirish va ularni tahlil qilish yoʻli bilan monitoringini olib borish tizimini tashkil etish;

b) aholi bandligi va hayoti darajasini oshirish hamda uni ijtimoiy himoya qilish sohasida:

Yangi ish oʻrinlari tashkil etish, aholi bandligini oshirish dasturi ishlab chiqilishini va uning belgilangan tartibda Oʻzbekiston Respublikasi Oliy Majlisi palatalariga taqdim etilishini, aholining turmushi va farovonlik darajasini oshirish dasturlari shakllantirilishi, ularning tasdiqlanishi va amalga oshirilishining monitoringi olib borilishini taʼminlash;

demografik omillar va iqtisodiyotni rivojlantirish istiqbollarini hisobga olgan holda, ishga joylashtirishning ilgʻor shakllarini joriy etishga yoʻnaltirilgan aholi bandligini taʼminlashning hududiy dasturlarini shakllantirish, pensionerlar, nogironlar, kam taʼminlangan oilalar, aholining boshqa ijtimoiy nochor guruhlarini ijtimoiy qoʻllab-quvvatlashga doir manzilli dasturlar va samarali tadbirlarni ishlab chiqish boʻyicha davlat va xoʻjalik boshqaruvi organlari, mahalliy ijro etuvchi hokimiyat organlari ishlarini muvofiqlashtirish;

respublikaning demografik rivojlanish prognozlari va hududlar mehnat resurslarining balanslarini tayyorlash, aholi bandligini taʼminlash hamda uni ijtimoiy himoya qilish boʻyicha samarali kompleks chora-tadbirlar ishlab chiqish maqsadida demografik jarayonlar, mehnat resurslarining soni va tuzilmasining son hamda sifat jihatidan oʻzgarishining chuqur tahlil qilinishi va monitoringi olib borilishini, aholining turmush va farovonlik darajasi tadqiq etilishini tashkil etish;

mehnat va aholi bandligi, mehnatga haq toʻlashni tartibga solish, fuqarolarning pensiya taʼminoti, ijtimoiy nafaqalar va kompensatsiya toʻlovlarini, ijtimoiy yordamning boshqa turlarini tayinlash, aholining zaif toifalariga koʻrsatilayotgan ijtimoiy yordamning tabaqalashtirilganligi va manzilliligini kuchaytirishga yoʻnaltirilgan ijtimoiy siyosatni amalga oshirish mexanizmlari va usullarini yaxshilash sohasidagi qonunchilikni takomillashtirish yuzasidan takliflar ishlab chiqish;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar, shuningdek Vazirlar Mahkamasining axborot-tahlil departamentlari tomonidan ishlab chiqilgan aholi bandligini taʼminlash va uni ijtimoiy himoya qilishning muhim ustuvor yoʻnalishlarini amalga oshirish boʻyicha maqsadli dasturlar, Oʻzbekiston Respublikasi Prezidenti va respublika Hukumatining hujjatlari loyihalarini ekspert baholash;

mehnat, bandlik va aholini ijtimoiy himoya qilish, mehnat munosabatlarini mustahkamlash, moddiy ragʻbatlantirish mexanizmlarini va mehnatni muhofaza qilish sharoitlarini yaxshilash sohasidagi qonunchilikni takomillashtirishga yoʻnaltirilgan maqsadli dasturlar, qabul qilingan qonunlar, Oʻzbekiston Respublikasi Prezidenti va Vazirlar Mahkamasining qarorlari amalga oshirilishini nazorat qilish;

v) tarkibiy oʻzgarishlar va ishlab chiqarishni modernizatsiya qilish sohasida:

sanoatda tarkibiy oʻzgarishlarni yanada chuqurlashtirish sohasida jahon va mintaqa bozorlarida barqaror xaridorgir boʻlgan yuqori qoʻshilgan qiymatga ega raqobatbardoshli mahsulotlarni mineral hamda xomashyo resurslarini chuqur qayta ishlash asosida ishlab chiqarishni taʼminlaydigan ustuvor sanoat tarmoqlarini jadal rivojlantirishga yoʻnaltirilgan kompleks dasturlarni shakllantirish va ularni amalga oshirish ishlarini muvofiqlashtirish;

ishlab chiqarishni mahalliylashtirish darajasini yanada chuqurlashtirish chora-tadbirlarining amalga oshirilishini tizimli tahlil va nazorat qilishni tashkil etish, ishlab chiqarishni mahalliylashtirish loyihalarini hayotga tatbiq etish doirasida importni kamaytirish, import oʻrnini bosadigan raqobatbardoshli mahsulotlar, shuningdek tayyor mahsulot turlari, butlovchi buyumlar hamda materiallar ishlab chiqarishni tashkil etish boʻyicha tasdiqlangan parametrlarga erishishni taʼminlash;

import hajmlari va nomenklaturasini yoʻnalishlar boʻyicha chuqur tahlil qilish asosida mahsulot ishlab chiqarishni yanada mahalliylashtirish dasturlari ishlab chiqilishini, mahalliy ishlab chiqaruvchilar tomonidan oʻzlashtirish uchun tayyor mahsulotlar, butlovchi buyumlar va materiallar roʻyxati boʻyicha takliflar tayyorlashni muvofiqlashtirish;

sanoat korxonalarini modernizatsiyalash va texnologik yangilash, ularda ilgʻor innovatsiya texnologiyalarini jadal joriy etish, mehnat unumdorligini oshirish, sanoat uchun yuqori malakali kadrlarni tayyorlashga qaratilgan chora-tadbirlar amalga oshirilishini tahlil qilish;

iqtisodiyotning barqaror yuqori oʻsish surʼatlarini, mamlakat aholisining bandligini taʼminlash va turmush darajasini oshirish maqsadida iqtisodiyotda tarkibiy oʻzgarishlar, amalga oshirilayotgan bozor islohotlarini chuqurlashtirish, innovatsion taraqqiyot mexanizmini izchil joriy etish boʻyicha takliflar ishlab chiqish;

tarmoqlar va respublika hududlarida tarkibiy islohotlarning amalga oshirilishi toʻgʻrisida maʼlumotlar bazasining monitoringini olib borish hamda uni shakllantirish tizimini, iqtisodiyot asosiy tarmoqlari korxonalarini modernizatsiyalash, texnikaviy yangilash va texnologik qayta jihozlash, ishlab chiqarish xarajatlarini kamaytirish dasturlarining bajarilishini nazorat qilishni tashkil etish;

tarkibiy oʻzgarishlarning tarmoq va hududiy dasturlari amalga oshirilishini, ishlab chiqarishni modernizatsiyalash hamda mahalliylashtirish monitoringi natijalarini umumlashtirish va kompleks tahlil qilish hamda ular asosida tasdiqlangan parametrlarga albatta erishish boʻyicha takliflar va tadbirlar ishlab chiqish;

davlat va xoʻjalik boshqaruvi organlari tomonidan moddiy va qiymat balanslari ishlab chiqilishini muvofiqlashtirish, ularning bajarilishi yuzasidan monitoring olib borish;

Vazirlar Mahkamasining tarkibiy boʻlinmalari bilan birgalikda TIA (TIH) va yirik hamda strategik muhim investitsiya loyihalarini moliyalashtirish sxemalarini koʻrib chiqishda ishtirok etish;

Oʻzbekiston Respublikasi Prezidenti va Oʻzbekiston Respublikasi Hukumatining aniq investitsiya loyihalari boʻyicha hujjatlari loyihalarini har tomonlama tahlilqilish hamda kompleks ekspertizadan oʻtkazish, loyihalarni amalga oshirishning samarali va eng maʼqul sxemalarini tanlash boʻyicha takliflar tayyorlash;

Vazirlar Mahkamasining axborot-tahlil departamentlari, davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlarning ishlab chiqarishni modernizatsiyalash, texnik hamda texnologik yangilash boʻyicha tarmoq va hududiy dasturlarga kiritilgan investitsiya loyihalarining oʻz vaqtida tayyorlanishini hamda amalga oshirilishini taʼminlash boʻyicha faoliyatini muvofiqlashtirish;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar, shuningdek Vazirlar Mahkamasining axborot-tahlil departamentlari tomonidan ishlab chiqilgan muhim tarkibiy islohotlar, iqtisodiyotni modernizatsiyalash, hududlarning iqtisodiy va ijtimoiy muammolari boʻyicha tarmoq va hududiy dasturlar, Oʻzbekiston Respublikasi Prezidenti va Oʻzbekiston Respublikasi Hukumati hujjatlari loyihalarini ekspert baholash;

iqtisodiy islohotlar, iqtisodiy rivojlanish dasturlari, qabul qilingan qonunlar, Oʻzbekiston Respublikasi Prezidenti va Vazirlar Mahkamasining tarmoq hamda hududlar darajasida qabul qilingan qarorlari amalga oshirilishini nazorat qilish;

g) xususiylashtirish, raqobat muhiti, xususiy tadbirkorlik va kichik biznesni rivojlantirish sohasida:

iqtisodiyotda xususiy mulk darajasi va rolini tubdan oshirish, xususiylashtirish jarayonlarini chuqurlashtirish, xususiy investorlarga davlat aktivlarini sotishni tezlashtirish, davlat tasarrufidan chiqarishning yangi shakllari va usullarini joriy etish boʻyicha dasturiy chora-tadbirlar amalga oshirilishini nazorat qilish;

davlat ulushiga ega xoʻjalik birlashmalari faoliyatining monitoringini olib borish va tahlil qilish, shuningdek davlat aktivlarini xususiy mulkdorlarga, jumladan “nol” xarid qiymati boʻyicha sotish borasida qabul qilingan dasturlar hamda tadbirlar amalga oshirilishini nazorat qilish, investorlarning qabul qilgan investitsiya va ijtimoiy majburiyatlarini bajarishini taʼminlash;

xususiylashtirilgan korxonalar faoliyatining moliyaviy-iqtisodiy va ishlab chiqarish koʻrsatkichlarini doimiy asosda chuqur tahlilqilish, avval xususiylashtirilgan korxonalar samaradorligining pastligi hamda faoliyat koʻrsatmasligining sabablari va omillarini aniqlash, ularni, jumladan yangi investorlarni jalb qilish, ishlab chiqarishni modernizatsiyalash hamda texnologik qayta jihozlash, mahsulot tannarxini kamaytirish hamda yangi turdagi raqobatbardoshli mahsulotlar ishlab chiqarishni oʻzlashtirish hisobiga moliyaviy sogʻlomlashtirish borasida kompleks chora-tadbirlar ishlab chiqilishi va amalga oshirilishini tashkil etish;

yangi ish oʻrinlarini yaratish va raqobatbardoshli mahsulotlar ishlab chiqarishni yoʻlga qoʻyish maqsadida xususiylashtirilgan muayyan korxonalarni rivojlantirish, foydalanilmayotgan ishlab chiqarish quvvatlari, boʻsha turgan va qurilishi tugallanmagan obyektlarni samarali ishga tushirishning “yoʻl xaritalari” hamda dasturlarini ishlab chiqish va amalga oshirish, ularga ruxsat beruvchi hujjatlarni olish, kommunikatsiyalarga ulanish hamda tijorat banklarida kreditlar ajratilishiga koʻmaklashish ishlarini muvofiqlashtirish;

kichik biznes va xususiy tadbirkorlikni jadal rivojlantirish, ishonchli himoya qilish, ularga koʻproq erkinlik berish, davlat organlarining ular faoliyatiga aralashuvini tubdan qisqartirish, tadbirkorlikni rivojlantirish yoʻlidagi byurokratik toʻsiqlarni bartaraf etishga doir kompleks dasturiy chora-tadbirlar amalga oshirilishining muvofiqlashtirilishini hamda nazorat qilinishini taʼminlash;

aksiyadorlik jamiyatlari faoliyatining samaradorligini tubdan oshirish, ularning boʻlajak investorlar uchun ochiqligi va jozibadorligini taʼminlash, korporativ boshqaruvning zamonaviy usullarini joriy etish, korxonalarni strategik boshqarishda aksiyadorlar rolini kuchaytirish boʻyicha dasturiy chora-tadbirlar amalga oshirilishini tahlil qilish;

davlat va xoʻjalik boshqaruvi organlari, mahalliy ijro etuvchi hokimiyat organlari tomonidan qimmatli qogʻozlar bozorini faol shakllantirish va uning faoliyat koʻrsatishini taʼminlash chora-tadbirlari amalga oshirilishini muvofiqlashtirish;

iqtisodiyotni liberallashtirish va modernizatsiyalash koʻlamlarini, mamlakatda ishbilarmonlik muhitini shakllantirish darajasini baholashning har choraklik indikatorlari tizimini tahlil qilish asosida bozor islohotlarini yanada chuqurlashtirish hamda iqtisodiyotni liberallashtirish jarayonlarining tizimli monitoringini olib borish hamda tahlil qilish;

tovar va moliya bozorlarida monopoliyaga qarshi samarali boshqaruv va raqobatning cheklanishiga yoʻl qoʻymaslik chora-tadbirlarini amalga oshirish, shuningdek isteʼmolchilar huquqlarining davlat tomonidan himoya qilinishini tashkil etish;

d) erkin iqtisodiy va kichik sanoat zonalarini rivojlantirish sohasida:

erkin iqtisodiy va kichik sanoat zonalarining maʼmuriy kengashlari hamda direksiyalarining, jumladan toʻgʻridan toʻgʻri xorijiy investitsiyalar va mahalliy investorlarni jalb etish masalasida faoliyatini muvofiqlashtirish hamda samaradorligini tahlil qilish, erkin iqtisodiy zonalar maʼmuriy kengashlariga tashqi bozorlarda xaridorgir boʻlgan va yuqori qoʻshilgan qiymatga ega, import oʻrnini bosadigan mahsulot ishlab chiqarish boʻyicha zamonaviy korxonalar tashkil etishga koʻmaklashish;

erkin iqtisodiy va kichik sanoat zonalarida sanoat hamda qishloq xoʻjaligi mahsulotlarini chuqur qayta ishlash, yuqori texnologiyali mahsulotlarni, jumladan mahalliy xomashyo va materiallar asosida ishlab chiqarishni mahalliylashtirish sohasida zamonaviy yangi ishlab chiqarishlarni tashkil etish boʻyicha joylashtirilgan investitsiya loyihalari amalga oshirilishining monitoringi olib borilishi hamda tahlil etilishini tashkil qilish;

investitsiya loyihalarini tahlilqilish va tanlashda, erkin iqtisodiy va kichik sanoat zonalari hududlarida transport, muhandislik-kommunikatsiya hamda ijtimoiy infratuzilmani jadal rivojlantirish va undan samarali foydalanishni taʼminlash dasturlarini ishlab chiqishda ishtirok etish;

erkin iqtisodiy va kichik sanoat zonalarini yanada rivojlantirish, ularda respublika hududlarining mavjud ishlab chiqarish hamda resurs salohiyati hisobga olingan holda, mahalliy xomashyo va materiallarni mahalliylashtirish jarayonlarini chuqurlashtirish asosida yuqori texnologiyali mahsulotlar ishlab chiqarishni taʼminlaydigan loyihalarni joylashtirish boʻyicha takliflar hamda dasturlarni shakllantirish;

7. Yigʻma departament oʻziga yuklangan vazifalarni bajarish uchun quyidagi funksiyalarni bajaradi:

mamlakatni makroiqtisodiy va ijtimoiy rivojlantirish, modernizatsiya va tarkibiy oʻzgarishlar masalalari boʻyicha maʼlumotlar bazalarini tashkil etish, yuritish hamda muntazam yangilab borish, tarmoqlar va hududlarda iqtisodiy islohotlarni hayotga tatbiq etish boʻyicha davlat maqsadli dasturlari amalga oshirilishini taʼminlaydi;

oʻzi yuritadigan sohaga doir masalalar toʻgʻrisidagi axborotni umumlashtiradi va taxliliy qayta ishlaydi, Oʻzbekiston Respublikasi Prezidenti, Oʻzbekiston Respublikasining Bosh vaziri, Bosh vazir oʻrinbosari uchun, shuningdek, Vazirlar Mahkamasida koʻrib chiqish uchun tegishli maʼlumotnoma, taxliliy materiallar hamda takliflar tayyorlaydi;

hududlardagi iqtisodiy va ijtimoiy ahvolni, jumladan joyiga borib oʻrganadi, ijtimoiy-iqtisodiy, tarkibiy va maʼmuriy islohotlar boʻyicha Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasining qarorlari va farmoyishlari ijrosini oʻrganadi hamda Vazirlar Mahkamasi rahbariyatiga hisobot berish uchun tegishli taxliliy materiallar va takliflar tayyorlaydi;

Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasining qarorlari va farmoyishlarining, Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari, Vazirlar Mahkamasi apparati boshqaruvchisi topshiriqlarining bajarilishini nazorat qiladi;

Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasining qarorlari va farmoyishlari hamda boshqa hujjatlarning Vazirlar Mahkamasiga kiritilgan loyihalarini ekspertizadan oʻtkazadi, qayta ishlaydi va kelishadi, ularga zarur taxliliy hamda maʼlumotnoma materiallarining sifatli tayyorlanishini taʼminlaydi;

respublikani ijtimoiy-iqtisodiy rivojlantirish yakunlari boʻyicha Vazirlar Mahkamasi majlislariga tayyorgarlik koʻrish bilan bogʻliq materiallarni ishlab chiqish va qarorlarni rasmiylashtirishda ishtirok etadi, ushbu materiallarni Bosh vazir oʻrinbosari, Vazirlar Mahkamasi apparati boshqaruvchisiga taqdim etadi, shuningdek Vazirlar Mahkamasining tegishli protokol qarorlari ijrosining nazoratini taʼminlaydi;

Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosari oʻtkazadigan yigʻilishlar uchun materiallar tayyorlashda hamda ularda qabul qilinadigan qarorlarni rasmiylashtirishda ishtirok etadi;

materiallar, Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasining qarorlari va farmoyishlarining kompleks ravishda sifatli tayyorlanishi hamda ishlab chiqilishini, shuningdek ularni manfaatdor davlat va xoʻjalik boshqaruvi organlari, mahalliy ijro etuvchi hokimiyat organlari, tashkilotlar, Vazirlar Mahkamasining Ijro etuvchi apparatining tarkibiy boʻlinmalari bilan kelishishni taʼminlaydi;

qonun loyihalarining ishlab chiqilishi va Oʻzbekiston Respublikasi Oliy Majlisiga belgilangan tartibda taqdim etilishini, Yigʻma departament vakolatiga kiradigan masalalar boʻyicha ularni himoya qilishni tashkil etadi;

mutasaddilik qilinadigan davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar faoliyatini ularga yuklangan vazifalarga muvofiq muvofiqlashtiradi;

Oʻzbekiston Respublikasining Bosh vaziri, Bosh vazir oʻrinbosari rahbarlik qiladigan tegishli hukumat va idoralararo komissiyalar hamda kengashlarning samarali ishlashini taʼminlaydi va ular qabul qilgan qarorlarning bajarilishini nazorat qiladi;

jismoniy va yuridik shaxslarning, jumladan elektron shaklda keladigan murojaatlarini koʻrib chiqadi, ularda qoʻyilgan masalalarni hal etishga oid takliflar tayyorlaydi, ushbu murojaatlarni tegishli davlat va xoʻjalik boshqaruvi organlari, mahalliy ijro etuvchi hokimiyat organlari hamda boshqa tashkilotlarga koʻrib chiqish va choralar koʻrish uchun yuboradi, ularning oʻz vaqtida koʻrib chiqilishini nazorat qiladi, jismoniy shaxslarni va yuridik shaxslar vakillarini qabul qiladi;

respublika hududlari boʻyicha makroiqtisodiy rivojlanish, bank-moliya tizimini isloh qilish, iqtisodiyotni modernizatsiyalash va tarkibiy oʻzgartirish, xususiylashtirish, raqobatni, kichik va xususiy tadbirkorlik, erkin iqtisodiy hamda kichik sanoat zonalarini rivojlantirish, aholining hayot darajasi va sifatini oshirish masalalari, shuningdek iqtisodiyot sohalari boʻyicha maqsadli dasturlar, Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasi qarorlari va farmoyishlarining amalga oshirilishini muvofiqlashtirishni taʼminlaydi hamda natijalarini umumlashtiradi;

Departamentga yuklangan boshqa vazifalarni ham belgilangan tartibda amalga oshiradi.

8. Yigʻma departament oʻziga yuklangan vazifalar va funksiyalarni bajarish uchun quyidagi huquqlarga ega:

Vazirlar Mahkamasida koʻrib chiqiladigan masalalarni tahlil qilish va tayyorlash uchun zarur boʻlgan materiallar va maʼlumotlarni Vazirlar Mahkamasi Ijro etuvchi apparatining boshqa tarkibiy boʻlinmalaridan, davlat va xoʻjalik boshqaruvi, mahalliy davlat hokimiyati organlaridan, boshqa organlar va tashkilotlardan belgilangan tartibda soʻrash va olish;

davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlarning, shuningdek Vazirlar Mahkamasi Ijro etuvchi apparati axborot-tahlil departamentlarining makroiqtisodiy rivojlantirish, tarkibiy va institutsional islohotlar, iqtisodiyot tarmoqlari, sektorlari va hududlarni iqtisodiy rivojlantirish strategiyasi va dasturlarini ishlab chiqish masalalari boʻyicha axborot-tahliliy hamda prognozlash faoliyatini muvofiqlashtirish;

davlat va xoʻjalik boshqaruvi, mahalliy ijro etuvchi hokimiyat organlari, boshqa organlar va tashkilotlar rahbarlari hamda vakillari ishtirokida yigʻilishlar oʻtkazish;

markaziy iqtisodiyot organlari, ilmiy-tadqiqot markazlari va institutlari xodimlari, mahalliy va xorijiy ekspertlarni jalb etgan holda axborot-tahliliy tadqiqotlar oʻtkazish uchun ekspert guruhlarini tashkil etish;

xalqaro konferensiyalar, kongresslar, simpoziumlar, seminarlar va kengashlarda, shuningdek iqtisodiy, ijtimoiy, institutsional va tarkibiy islohotlar muammolari boʻyicha axborot-tahliliy tadqiqotlar sohasidagi xalqaro loyihalarda qatnashish;

tashqi iqtisodiy faoliyat masalalari boʻyicha davlat va xoʻjalik boshqaruvi organlari, shuningdek xalqaro, xorijiy moliyaviy va iqtisodiy tashkilotlar, xorijiy hukumat muassasalari bilan belgilangan tartibda yozishmalarni yuritish;

mutasaddilik qilinadigan davlat va xoʻjalik boshqaruvi organlari, boshqa tashkilotlarning kollegial organlari majlislarida, Oʻzbekiston Respublikasining Bosh vaziri, Bosh vazir oʻrinbosarining topshirigʻiga binoan — davlat boshqa organlarining, nodavlat notijorat va boshqa tashkilotlarning Yigʻma departament yuritadigan sohaga kiruvchi masalalar boʻyicha oʻtkaziladigan majlislari va yigʻilishlarida qatnashish;

zarur hollarda, Vazirlar Mahkamasida koʻrib chiqiladigan masalalarni ishlab chiqish uchun davlat va xoʻjalik boshqaruvi organlari, mahalliy ijro etuvchi hokimiyat organlari, ilmiy muassasalar va boshqa tashkilotlarning rahbarlari va mutaxassislarini belgilangan tartibda jalb etish, tegishli masalalar boʻyicha vaqtinchalik ishchi guruhlar tashkil etish;

zarur boʻlganda, “Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasi Qonuni va Vazirlar Mahkamasining Reglamenti va boshqa normativ-huquqiy hujjatlar talablari buzilgan holda kelgan hujjatlarni qaytarish.

Yigʻma departamentning zarur materiallar, maʼlumotlarni taqdim etish, shuningdek Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, boshqa hujjatlar loyihalarini puxta ishlab chiqish boʻyicha talablari, agar Oʻzbekiston Respublikasi Prezidenti, Oʻzbekiston Respublikasining Bosh vaziri, uning oʻrinbosarlari va Vazirlar Mahkamasi apparati boshqaruvchisining topshiriqlarida bajarishning boshqa muddatlari belgilanmagan boʻlsa, departament belgilagan muddatlarda bajarilishi lozim.

9. Yigʻma departament:

oʻziga yuklangan vazifalarning tegishli darajada va samarali bajarilishi;

Vazirlar Mahkamasiga kiritilgan hujjatlar loyihalari, takliflar va masalalarning ekspert jihatidan sifatli ishlab chiqilishini tashkil etish;

Oʻzbekiston Respublikasi qonunlari, Oʻzbekiston Respublikasi Oliy Majlisi palatalari qarorlari, Oʻzbekiston Respublikasi Prezidenti farmonlari, qarorlari va farmoyishlari, Hukumat qarorlari, farmoyishlari, Vazirlar Mahkamasi rahbariyati topshiriqlarining mutasaddilik qilinadigan davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar tomonidan oʻz vaqtida va sifatli bajarilishi yuzasidan nazoratning taʼminlanishi;

Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga, shuningdek Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq ijro intizomiga soʻzsiz rioya etilishi uchun javob beradi.

10. Yigʻma departamentning tuzilmasiga Yigʻma departament mudiri, Yigʻma departament mudirining oʻrinbosari va inspektor, shuningdek:

makroiqtisodiy tahlil va iqtisodiyot rivojlanishini prognozlashtirish shuʼbasi;

bank va moliya tizimlarini isloh qilish shuʼbasi;

tarkibiy oʻzgartirishlar va ishlab chiqarishni modernizatsiya qilish shuʼbasi;

xususiylashtirilgan korxonalarga koʻmaklashish, raqobat muhitini, xususiy tadbirkorlik va kichik biznesni rivojlantirish masalalari shuʼbasi;

erkin iqtisodiy va kichik sanoat zonalarini rivojlantirish masalalari shuʼbasi kiradi.

Har bir shuʼba tarkibiga shuʼba mudiri, bosh va yetakchi mutaxassislar kiradi.

Yigʻma departament tuzilmasi Oʻzbekiston Respublikasi Prezidenti tomonidan tasdiqlanadi.

11. Yigʻma departament ishlariga Yigʻma departament mudiri rahbarlik qiladi.

12. Yigʻma departament mudiri, mudir oʻrinbosari, shuʼbalar mudirlari va mutaxassislari belgilangan tartibda lavozimga tayinlanadi va lavozimdan ozod qilinadi.

13. Yigʻma departament faoliyati “Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasi Qonuniga, Vazirlar Mahkamasining Reglamentiga, Oʻzbekiston Respublikasi Vazirlar Mahkamasining Ijro etuvchi apparati toʻgʻrisidagi Nizom, ushbu Nizomga, Vazirlar Mahkamasi Ijro etuvchi apparatida ish yuritish boʻyicha yoʻriqnomaga, Oʻzbekiston Respublikasi Prezidentining, Oʻzbekiston Respublikasi Bosh vazirining, Bosh vazir oʻrinbosarining topshiriqlariga, Vazirlar Mahkamasi apparati boshqaruvchisining buyruqlari va topshiriqlariga muvofiq, shuningdek Vazirlar Mahkamasining ish rejalari, Yigʻma departamentning ish rejalari, Yigʻma departament mudiri, mudirning oʻrinbosari, shuʼba mudirlari va mutaxassislarining shaxsiy ish rejalari asosida tashkil etiladi.

Departamentning ish rejasi Vazirlar Mahkamasining Vazirlar Mahkamasi Rayosati tomonidan tasdiqlanadigan ish rejasi asosida shakllantiriladi.

Yigʻma departamentning ish rejalari, Yigʻma departament mudirining shaxsiy ish rejasi Vazirlar Mahkamasi apparati boshqaruvchisi bilan kelishiladi va Oʻzbekiston Respublikasi Bosh vazirining oʻrinbosari tomonidan tasdiqlanadi.

Mudir oʻrinbosari, shuʼba mudirlari va mutaxassislarning shaxsiy ish rejalari Yigʻma departament mudiri tomonidan tasdiqlanadi.

Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Hukumat qarorlari va farmoyishlarining mutasaddilik qilinadigan davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlarda amalga oshirilishining tizimli monitoringini olib borish boʻyicha Yigʻma departament faoliyati Vazirlar Mahkamasining ish rejasiga muvofiq kompleks oʻrganishlar asosida, shuningdek Oʻzbekiston Respublikasining Bosh vaziri, Oʻzbekiston Respublikasi Bosh vazirining oʻrinbosari, Vazirlar Mahkamasi apparati boshqaruvchisining topshiriqlariga binoan, Vazirlar Mahkamasi, Vazirlar Mahkamasi Rayosati, Kompleksi, Yigʻma departament majlislarida hisobotlarni eshitish va maʼlumotlarning tegishli bankini yuritish orqali tashkil etiladi.

14. Yigʻma departament mudiri:

Yigʻma departamentga bevosita rahbarlik qiladi, oʻz oʻrinbosari, shuʼbalar mudirlari va mutaxassislar ishlarini tashkil etadi, Yigʻma departamentga yuklangan vazifalar va funksiyalarning bajarilishi uchun shaxsan javob beradi;

Yigʻma departament yuritadigan sohaga oid masalalar boʻyicha Vazirlar Mahkamasiga kiritilgan takliflar va normativ-huquqiy hujjatlar loyihalarini koʻrib chiqishda davlat prinsiplariga qatʼiy rioya etilishini taʼminlaydi, ularning ekspert jihatdan ishlab chiqilishini tashkil etadi va hujjatlarning tayyorlangan loyihalariga viza qoʻyadi. Tegishli normativ-huquqiy hujjatlar qabul qilingandan soʻng ularning amalga oshirilishi yuzasidan tizimli nazoratni taʼminlaydi;

respublikaning tegishli tarmoqlari, sohalari va hududlarida iqtisodiy islohotlarning ahvoli va samaradorligining tizimli monitoringi tashkil etilishi va bu haqdagi maʼlumotlar bankining shakllantirilishini, shuningdek muammoli masalalarni hal etishga doir amaliy chora-tadbirlar ishlab chiqilishi va amalga oshirilishini, respublika tarmoqlari va hududlarini rivojlantirishning istiqbolli vazifalari amalga oshirilishini taʼminlaydi;

Yigʻma departamentning tasdiqlangan tuzilmasi va shtatlar jadvaliga, shuʼba mudirlari va mutaxassislarning kasb darajasi va amaliy malakasini oshirish, ularni ragʻbatlantirish hamda jazolash choralariga muvofiq lavozimlarga tavsiya etilayotgan nomzodlar boʻyicha takliflarni puxta ishlab chiqadi va Vazirlar Mahkamasi apparati boshqaruvchisi bilan kelishgan holda Kompleks rahbariga koʻrib chiqishi uchun kiritadi;

vazifalarning oʻrinbosar, shuʼba mudirlari va mutaxassislar oʻrtasida taqsimlanishini, shuningdek Kompleksning yarim yillik ish rejasi loyihasini ishlab chiqadi va Kompleks rahbariga tasdiqlash uchun kiritadi, Yigʻma departament mudiri oʻrinbosari, shuʼbalar mudirlari va mutaxassislarining ish rejalarini tasdiqlaydi;

Vazirlar Mahkamasiga kelgan va respublika Hukumatining qarori talab etilmaydigan hujjatlarni davlat va xoʻjalik boshqaruvining tegishli organlari, mahalliy ijro etuvchi hokimiyat organlari va boshqa tashkilotlarga koʻrib chiqish uchun yuboradi;

Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri, uning oʻrinbosarlari oʻtkazadigan yigʻilishlarda, Hukumat komissiyalari va idoralararo komissiyalar, kengashlar majlislarida va Yigʻma departament yuritadigan sohaga kiradigan masalalar boʻyicha Vazirlar Mahkamasi apparati boshqaruvchisi oʻtkazadigan yigʻilishlarda qatnashadi;

Yigʻma departament kadrlar zaxirasi shakllantirilishi va yangilanishini, kadrlar zaxirasiga kiritilgan shaxslar bilan tizimli ishlar olib borish tashkil etilishini taʼminlaydi.

Vazirlar Mahkamasi Ijro etuvchi apparatida amalda boʻlgan Yoʻriqnomaga muvofiq ishlarning yuritilishini taʼminlaydi;

chiquvchi xat-xabarlarni imzolaydi.

15. Yigʻma departament mudiri vaqtinchalik boʻlmagan taqdirda uning vazifasini oʻrinbosar bajaradi.

16. Yigʻma departament mudirining oʻrinbosari:

shuʼbalar mudirlari va mutaxassislar faoliyatini muvofiqlashtiradi, oʻziga birkitilgan masalalar boʻyicha Yigʻma departamentga yuklangan vazifalar va funksiyalarning bajarilishi hamda ijro intizomining holati uchun shaxsan javob beradi;

oʻziga birkitilgan masalalar boʻyicha materiallar va hujjatlar loyihalarining sifatli va oʻz vaqtida tayyorlanishini tashkil qiladi, topshiriqlarning bajarilishi yuzasidan nazoratni taʼminlaydi;

tegishli masalalar boʻyicha tizimlashtirilgan maʼlumotlar bazasi yaratilishi va yuritilishi, ularni muntazam yangilab turish yuzasidan nazoratni amalga oshiradi;

materiallar toʻgʻrisida Yigʻma departament mudiriga, shuningdek belgilangan tartibda Bosh vazir oʻrinbosariga, Vazirlar Mahkamasi apparati boshqaruvchisiga axborot beradi;

islohotlarni chuqurlashtirish, respublikani, tarmoqlar va hududlarni yanada ijtimoiy-iqtisodiy rivojlantirish, shuningdek tegishli sohalardagi mavjud kamchiliklarni bartaraf etish boʻyicha takliflar ishlab chiqilishini tashkil qiladi va ularni Yigʻma departament mudiriga taqdim etadi;

Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri, uning oʻrinbosarlari oʻtkazadigan yigʻilishlarda, Hukumat komissiyalari hamda idoralararo komissiyalar va kengashlar majlislarida, oʻzi yuritadigan masalalar boʻyicha Vazirlar Mahkamasi apparati boshqaruvchisi oʻtkazadigan yigʻilishlarda belgilangan tartibda qatnashadi;

Vazirlar Mahkamasi va uning Rayosati majlislarida, Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari, Vazirlar Mahkamasi apparati boshqaruvchisi oʻtkazadigan yigʻilishlarda koʻrib chiqishga materiallar tayyorlash, shuningdek ijroda turgan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarini muhokama qilish uchun oʻziga birkitilgan masalalar boʻyicha davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar rahbarlari, olimlar va mutaxassislar ishtirokida yigʻilishlar oʻtkazadi;

Yigʻma departament mudirining topshirigʻiga binoan chiquvchi xat-xabarlarni imzolaydi;

Yigʻma departament mudiriga tegishli mutaxassislar oʻrtasida vazifalarni taqsimlash boʻyicha takliflar kiritadi;

Yigʻma departament mudiriga mutaxassislarni lavozimga tayinlash va lavozimdan ozod qilish, ularning malakasini oshirish, ragʻbatlantirish hamda jazolash toʻgʻrisida takliflar taqdim etadi.

17. Shuʼba mudiri:

shuʼba mutaxassislari ishlarini muvofiqlashtiradi va shuʼbaga yuklangan vazifalar hamda funksiyalarning bajarilishi uchun shaxsan javob beradi;

shuʼbaga biriktirilgan masalalar boʻyicha mutaxassislar tomonidan maʼlumotnoma, tahliliy, statistika va boshqa materiallarning, shuningdek qonun hujjatlari va boshqa normativ-huquqiy hujjatlar loyihalarining sifatli va oʻz vaqtida tayyorlanishini tashkil etadi;

qabul qilingan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasi qarorlari va farmoyishlarini amalga oshirish boʻyicha mutaxassislar tomonidan tashkiliy chora-tadbirlar yoki nazorat rejalari tayyorlanishini, Oʻzbekiston Respublikasi Bosh vaziri yoki uning oʻrinbosari ularni tasdiqlashini muvofiqlashtiradi, erishilgan natijalarning doimiy monitoringini taʼminlaydi;

masalalarni oʻrganib chiqishni muvofiqlashtirish va Vazirlar Mahkamasi, Yigʻma departamentning tegishli davr uchun ish rejalarida, shuningdek mutaxassislarning shaxsiy ish rejalarida nazarda tutilgan chora-tadbirlar amalga oshirilishini taʼminlaydi, takliflarni tanqidiy tahlil qilish asosida Yigʻma departament mudirining oʻrinbosari, Yigʻma departament mudiri va Bosh vazir oʻrinbosariga koʻrib chiqish uchun kiritadi;

mutaxassislar tomonidan iqtisodiyotning tegishli tarmoqlari, sohalari va sektorlari, shuningdek respublika hududlari boʻyicha tizimlashtirilgan maʼlumotlar bazasining yaratilishi va yuritilishini nazorat qiladi;

maʼlumotnoma materiallar va hujjatlar loyihalari toʻgʻrisida Yigʻma departament mudirining oʻrinbosariga, Yigʻma departament mudiriga, shuningdek belgilangan tartibda Oʻzbekiston Respublikasi Bosh vazirining oʻrinbosariga, Vazirlar Mahkamasi apparati boshqaruvchisiga, Oʻzbekiston Respublikasining Bosh vaziriga axborot beradi;

islohotlarni chuqurlashtirish, respublikani, tarmoqlar va hududlarni yanada ijtimoiy-iqtisodiy rivojlantirish, shuningdek tegishli masalalar boʻyicha mavjud kamchiliklarni bartaraf etish yuzasidan takliflar ishlab chiqilishini tashkil qiladi va ularni Yigʻma departament mudirining oʻrinbosariga, mudiriga taqdim etadi;

Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri, uning oʻrinbosarlari oʻtkazadigan yigʻilishlarda, Hukumat komissiyalari hamda idoralararo komissiyalar va kengashlar majlislarida, shuʼba yuritadigan sohaga oid masalalar boʻyicha Vazirlar Mahkamasi apparati boshqaruvchisi oʻtkazadigan yigʻilishlarda qatnashadi;

Yigʻma departament mudiri topshirigʻiga binoan chiquvchi xat-xabarlarni imzolaydi;

Vazirlar Mahkamasi va uning Rayosati majlislarida, Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari, Vazirlar Mahkamasi apparati boshqaruvchisi oʻtkazadigan yigʻilishlarda koʻrib chiqishga materiallar tayyorlash, shuningdek ijroda turgan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarini muhokama qilish uchun oʻziga birkitilgan masalalar boʻyicha davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar rahbarlari hamda vakillari, olimlar va mutaxassislar ishtirokida yigʻilishlar oʻtkazadi;

vazifalar taqsimotiga muvofiq boshqa funksiyalarni amalga oshiradi.

18. Yigʻma departamentning bosh mutaxassisi:

takliflarning va normativ-huquqiy hujjatlar loyihalarining sifati, ishonchliligi va oʻz vaqtida tayyorlanishi, funksional vazifalarga muvofiq topshiriqlar va qabul qilingan hujjatlar bajarilishi yuzasidan nazoratni taʼminlash uchun shaxsan javob beradi;

tegishli davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar tomonidan taqdim etilgan takliflar hamda hujjatlar loyihalarini har tomonlama tahlil qiladi, ular boʻyicha zarur tahliliy materiallar va ekspert xulosalar tayyorlaydi, shuningdek Oʻzbekiston Respublikasi Vazirlar Mahkamasining Reglamentiga muvofiq ularning kelishilishini taʼminlaydi;

materiallar va hujjatlar loyihalari toʻgʻrisida Yigʻma departament mudiri, uning oʻrinbosari, shuʼba mudiriga, shuningdek belgilangan tartibda Oʻzbekiston Respublikasi Bosh vazirining oʻrinbosariga va Vazirlar Mahkamasi apparati boshqaruvchisiga axborot beradi;

qabul qilingan hujjatlar boʻyicha nazorat rejasini yoki tashkiliy chora-tadbirlarni ishlab chiqadi va tasdiqlash uchun kiritadi, davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar tomonidan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, Oʻzbekiston Respublikasi Prezidentining, Oʻzbekiston Respublikasining Bosh vaziri va uning oʻrinbosarlarining iqtisodiyotning tegishli tarmoqlari va sohalari yoki respublika hududlari boʻyicha topshiriqlari bajarilishi yuzasidan tizimli nazoratni amalga oshiradi;

tegishli funksional masalalar va hujjatlar boʻyicha tizimlashtirilgan maʼlumotlar bazasining shakllantirilishi va yuritilishini, uning muntazam yangilab borilishini tashkil etadi;

tegishli davlat va xoʻjalik boshqaruvi organlarining markaziy apparatlari tarkibiy boʻlinmalari (iqtisodiy, moliyaviy va yuridik xizmatlar), mahalliy ijro etuvchi xokimiyat organlari ishlarining ahvoli va samaradorligini doimiy asosda oʻrganadi, ularning faoliyati samaradorligini oshirish yuzasidan takliflar kiritadi;

oʻziga birkitilgan masalalar boʻyicha oʻtkaziladigan Oʻzbekiston Respublikasi Vazirlar Mahkamasi va uning Rayosati majlislari, Oʻzbekiston Respublikasining Bosh vaziri va uning oʻrinbosarlari oʻtkazadigan yigʻilishlarda, Hukumat komissiyalari va idoralararo komissiyalar hamda kengashlar majlislarida, Vazirlar Mahkamasi apparati boshqaruvchisi oʻtkazadigan yigʻilishlarda belgilangan tartibda qatnashadi;

Vazirlar Mahkamasi va uning Rayosati majlislarida, Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari, Vazirlar Mahkamasi apparati boshqaruvchisi oʻtkazadigan yigʻilishlarda koʻrib chiqishga materiallar tayyorlash, shuningdek ijroda turgan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarini muhokama qilish uchun oʻziga birkitilgan masalalar boʻyicha davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar vakillari, olimlar va mutaxassislar ishtirokida yigʻilishlar oʻtkazadi;

tegishli masalalar boʻyicha yetakchi mutaxassis faoliyatini nazorat qiladi;

vazifalar taqsimotiga muvofiq boshqa funksiyalarni amalga oshiradi.

19. Yigʻma departamentning yetakchi mutaxassisi:

takliflarning va normativ-huquqiy hujjatlar loyihalarining sifati, ishonchliligi va oʻz vaqtida tayyorlanishi, funksional vazifalarga muvofiq topshiriqlar va qabul qilingan hujjatlar bajarilishi yuzasidan nazoratning taʼminlanishi uchun shaxsan javob beradi;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar tomonidan taqdim etilgan takliflar va hujjatlar loyihalarini har tomonlama tahlil qiladi, ular boʻyicha zarur tahliliy materiallar va ekspert takliflarni tayyorlaydi, shuningdek Vazirlar Mahkamasi Reglamentiga muvofiq ularning kelishilishini taʼminlaydi;

materiallar va hujjatlar loyihalari toʻgʻrisida Yigʻma departament mudiri, uning oʻrinbosari, shuʼba mudiri va bosh mutaxassisga, shuningdek belgilangan tartibda Oʻzbekiston Respublikasining Bosh vaziri oʻrinbosariga va Vazirlar Mahkamasi apparati boshqaruvchisiga axborot beradi;

qabul qilingan hujjatlar boʻyicha nazorat rejasini yoki tashkiliy chora-tadbirlarni ishlab chiqadi va tasdiqlash uchun kiritadi, davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar tomonidan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, Oʻzbekiston Respublikasi Prezidentining, Oʻzbekiston Respublikasining Bosh vaziri va uning oʻrinbosarlarining iqtisodiyotning tegishli tarmoqlari va sohalari yoki respublika hududlari boʻyicha topshiriqlari bajarilishi yuzasidan tizimli nazoratni amalga oshiradi;

tegishli funksional masalalar va hujjatlar boʻyicha tizimlashtirilgan maʼlumotlar bazasining shakllantirilishi va yuritilishini, muntazam yangilab borilishini tashkil etadi;

tegishli davlat va xoʻjalik boshqaruvi organlarining markaziy apparatlari tarkibiy boʻlinmalari (iqtisodiy, moliyaviy va yuridik xizmatlar), mahalliy ijro etuvchi hokimiyat organlari, boshqa organlar va tashkilotlar ishlarining ahvoli va samaradorligini doimiy asosda oʻrganadi, ularning faoliyati samaradorligini oshirish yuzasidan takliflar kiritadi;

oʻziga birkitilgan masalalar boʻyicha oʻtkaziladigan Oʻzbekiston Respublikasi Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri va uning oʻrinbosarlari oʻtkazadigan yigʻilishlarda, Hukumat komissiyalari va idoralararo komissiyalar hamda kengashlar majlislarida, Vazirlar Mahkamasi apparati boshqaruvchisi oʻtkazadigan yigʻilishlarda belgilangan tartibda qatnashadi;

shuʼba mudiri bilan kelishgan holda davlat va xoʻjalik boshqaruvi organlari va boshqa tashkilotlar vakillari, olimlar va mutaxassislar bilan ijroda turgan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarini tayyorlash maqsadida ularni muhokama qiladi;

vazifalar taqsimotiga muvofiq boshqa funksiyalarni amalga oshiradi.

20. Inspektor Yigʻma departamentda ish yuritilishini taʼminlaydi, hujjatlarning oʻtishini nazorat qiladi, hujjatlar Yigʻma jildlarining tayyorlanishini va arxivda saqlashga oʻz vaqtida berilishini taʼminlaydi, oʻziga yuklangan boshqa funksiyalarni bajaradi.

1. Investitsiya dasturlarining shakllantirilishini muvofiqlashtirish, amalga oshirilishi monitoringi va xorijiy investitsiyalarni jalb etish masalalari axborot-tahlil departamenti (keyingi oʻrinlarda Yigʻma departament deb ataladi) Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasini takomillashtirishga doir qoʻshimcha chora-tadbirlar toʻgʻrisida” 2017-yil 12-iyundagi PQ-3051-son qaroriga muvofiq tashkil etilgan.

2. Departament Oʻzbekiston Respublikasi Hukumati Ijro etuvchi apparatining tarkibiy boʻlinmasi hisoblanadi, uning faoliyati investitsiya dasturlarini shakllantirish va ularning amalga oshirilishining monitoringini olib borish, xorijiy investitsiyalarni jalb etish sohasida xalqaro hamkorlik masalalari boʻyicha Vazirlar Mahkamasi, uning Rayosatini, shuningdek Vazirlar Mahkamasi Ijro etuvchi apparatini axborot-tahliliy jihatdan taʼminlashga yoʻnaltirilgan.

3. Departament oʻz faoliyatida Oʻzbekiston Respublikasi Konstitutsiyasi va qonunlari, Oʻzbekiston Respublikasi Oliy Majlisining palatalari qarorlari, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlari, shuningdek mazkur Nizomga amal qiladi.

4. Departament oʻz faoliyatini Oʻzbekiston Respublikasining Bosh vaziri rahbarligida amalga oshiradi.

Departament oʻz vakolatiga kiruvchi masalalar boʻyicha Oʻzbekiston Respublikasi Bosh vazirining oʻrinbosari — Iqtisodiy rivojlantirish, tarkibiy oʻzgartirishlar, investitsiyalar, bank va moliya tizimlarini isloh qilish, erkin iqtisodiy va kichik sanoat zonalari faoliyatini muvofiqlashtirish masalalari kompleksi rahbariga (keyingi oʻrinlarda Bosh vazir oʻrinbosari deb ataladi) boʻysunadi va bir vaqtda uning faoliyati Vazirlar Mahkamasi apparati boshqaruvchisi tomonidan muvofiqlashtirib boriladi.

5. Departament oʻz faoliyatini Oʻzbekiston Respublikasi Vazirlar Mahkamasi Ijro etuvchi apparatining boshqa tarkibiy boʻlinmalari, davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar bilan hamkorlikda amalga oshiradi, shuningdek Vazirlar Mahkamasi axborot-tahlil departamentlari, markaziy iqtisodiyot organlarining iqtisodiy islohotlarni amalga oshirishga doir faoliyatini muvofiqlashtiradi.

6. Soha vazirliklari, idoralari va xoʻjalik birlashmalarining investitsiya boʻlinmalari hamda departamentlari boshliqlari, diplomatik vakolatxonalarning savdo-iqtisodiy masalalar boʻyicha maslahatchilari va xalqaro tashkilotlardagi doimiy vakillar lavozimga Departament mudiri bilan kelishgan holda tegishli ravishda ularning rahbarlari tomonidan belgilangan tartibda tayinlanadilar.

7. Quyidagilar Departamentning asosiy vazifalari hisoblanadi:

iqtisodiyot tarmoqlari va hududlarni kompleks rivojlantirish hamda investitsiya siyosati maqsadlariga erishishni taʼminlaydigan davlat va xoʻjalik boshqaruvi organlari, mahalliy ijro etuvchi hokimiyat organlari, boshqa hududlar hamda tashkilotlarning takliflari asosida qisqa va oʻrta muddatli investitsiya dasturlarini shakllantirish ishlarini muvofiqlashtirish;

Vazirlar Mahkamasi axborot-tahlil departamentlari, davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlarning Investitsiya dasturiga kiritilgan investitsiya loyihalarining oʻz vaqtida tayyorlanishi va amalga oshirilishini taʼminlash boʻyicha faoliyatini muvofiqlashtirish;

Oʻzbekiston Respublikasi Investitsiya dasturi, tarmoq hamda hududiy investitsiya dasturlarining bajarilishining tizimli monitoringida, monitoring natijalarini umumlashtirish hamda kompleks tahlil qilishda ishtirok etadi va ular asosida tasdiqlangan parametrlarga albatta erishishga doir takliflar hamda tadbirlar ishlab chiqish;

investitsiya faoliyatining normativ-huquqiy bazasini yanada rivojlantirish va takomillashtirish ishlarini muvofiqlashtirish;

ustuvor investitsiya loyihalarini amalga oshirish uchun xorijiy investitsiyalarni jalb qilish boʻyicha kompleks chora-tadbirlarni ishlab chiqish hamda amalga oshirish;

xalqaro moliya va iqtisodiyot institutlari hamda boshqa investorlar bilan xorijiy investitsiyalar, kreditlar va texnik koʻmaklashish mablagʻlarini (grantlari) jalb qilish masalalari boʻyicha hamkorlik dasturlarini, shuningdek hamkorlikning ustuvor va istiqbolli yoʻnalishlariga doir takliflar ishlab chiqishni muvofiqlashtirish;

xorijiy investitsiyalar va kreditlarni jalb qilish, xorijiy investorlar ishtirokida investitsiya loyihalarining oʻz vaqtida amalga oshirilishi, shu jumladan xorijiy investorlar va kreditorlarning qabul qilgan majburiyatlarini bajarishining monitoringini olib borish va tizimli nazorat qilish;

xorijiy investitsiyalar, kreditlar va texnik koʻmaklashish mablagʻlarini (grantlari) jalb qilish boʻyicha diplomatik vakolatxonalarning savdo-iqtisodiy masalalar boʻyicha maslahatchilari va xalqaro tashkilotlardagi doimiy vakillar faoliyatini muvofiqlashtirish.

8. Departament oʻziga yuklangan vazifalarni amalga oshirish uchun kuyidagi funksiyalarni bajaradi:

a) qisqa va oʻrta muddatli investitsiya dasturlarini shakllantirish ishlarini muvofiqlashtirish sohasida:

Investitsiya dasturi, qisqa va oʻrta muddatli tarmoq hamda hududiy investitsiya dasturlarining loyihalarini shakllantirish tadbirlarini muvofiqlashtirish;

investitsiyalardan samarali va oqilona foydalanish sohasida davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar, shuningdek Vazirlar Mahkamasining axborot-tahlil departamentlari tomonidan ishlab chiqilgan muhim tarkibiy islohotlar, iqtisodiyotni modernizatsiyalash, hududlarning iqtisodiy va ijtimoiy muammolari boʻyicha tarmoq va hududiy dasturlar, Oʻzbekiston Respublikasi Prezidenti va Oʻzbekiston Respublikasi Hukumati hujjatlari loyihalarini koʻrib chiqish;

turli moliyalashtirish manbalari, jumladan toʻgʻridan toʻgʻri xorijiy investitsiyalar hisobidan iqtisodiy oʻsish surʼatlarining va iqtisodiyot tarmoqlari hamda ijtimoiy sohani mutanosib rivojlantirishning investitsiya resurslariga boʻlgan ehtiyoj bilan bogʻliqligini taʼminlashga doir takliflar ishlab chiqish;

davlat va xoʻjalik boshqaruvi organlari tomonidan investitsion moddiy va qiymat balanslarining ishlab chiqilishi, ularni bajarish monitoringini muvofiqlashtirish;

b) Vazirlar Mahkamasining axborot-tahlil departamentlari, davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlarning investitsiya loyihalarining oʻz vaqtida tayyorlanishi hamda amalga oshirilishini taʼminlash boʻyicha faoliyatini muvofiqlashtirish sohasida:

Vazirlar Mahkamasining tarkibiy boʻlinmalari bilan birgalikda yirik va strategik muhim investitsiya loyihalarini moliyalashtirish sxemalarini koʻrib chiqish;

Investitsiya loyihalari va boshqa hujjatlarni, shu jumladan Oʻzbekiston Respublikasi Prezidenti va Oʻzbekiston Respublikasi Hukumatining aniq investitsiya loyihalari boʻyicha hujjatlari loyihalarini koʻrib chiqish, loyihalarni amalga oshirishning samarali va eng maʼqul sxemalarini tanlash boʻyicha takliflar tayyorlash;

Oʻzbekiston Respublikasi Investitsiya dasturiga kiritilgan investitsiya loyihalari, tarmoq va hududiy investitsiya dasturlarining amalga oshirilishini tahlil qilish, monitoringi davomida aniqlangan muammolarni bartaraf etishga oid takliflar kiritish;

v) Oʻzbekiston Respublikasi Investitsiya dasturi, tarmoq va hududiy investitsiya dasturlarining amalga oshirilishining monitoringini olib borish tizimini tashkil etish sohasida:

Investitsiya dasturiga kiritilgan loyihalar, tarmoq va hududiy investitsiya dasturlarining oʻz vaqtida amalga oshirilishi, shuningdek loyihalarni hayotga tatbiq etish hamda mablagʻlarni oʻzlashtirish boʻyicha tasdiqlangan prognoz parametrlar bajarilishining tizimli monitoringini va qatʼiy nazoratini tashkil etish;

investitsiya dasturlariga kiritilgan investitsiya loyihalari boʻyicha maʼlumotlar bazani yaratish, yuritish va uning muntazam yangilanishini taʼminlash;

Investitsiya dasturiga kiritilgan loyihalar, tarmoq va hududiy investitsiya dasturlarini amalga oshirish holatini, jumladan joyiga chiqib oʻrganish, Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlarini, Oʻzbekiston Respublikasi Vazirlar Mahkamasining ularni amalga oshirish masalalari boʻyicha qarorlari va farmoyishlari ijrosini oʻrganish, Vazirlar Mahkamasi rahbariyatiga axborot berish uchun tegishli tahliliy materiallar hamda takliflar tayyorlash;

monitoring natijalarini umumlashtirish va kompleks tahlil qilish, ular asosida tasdiqlangan parametrlarga albatta erishish boʻyicha takliflar hamda tadbirlar ishlab chiqish;

investitsiya loyihalarini amalga oshirishga qaratilgan investitsiyalar samaradorligini oshirish boʻyicha takliflar ishlab chiqish;

g) investitsiya faoliyatining normativ-huquqiy bazasini yanada rivojlantirish va takomillashtirish ishlarini muvofiqlashtirish sohasida:

investitsiya faoliyatini takomillashtirish boʻyicha Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasining qarorlari va farmoyishlari hamda boshqa hujjatlarning Vazirlar Mahkamasiga kiritilgan loyihalarini ishlab chiqish va kelishish, ularga zarur tahliliy hamda maʼlumotnoma materiallarining sifatli tayyorlanishini taʼminlash;

respublikada yaratilgan investitsiya muhitini, xorijiy investorlarga taqdim etilgan preferensiyalar hamda imtiyozlar samarali qoʻllanishini har tomonlama tizimli tahlil etilishini, ustuvor va strategik muhim investitsiya loyihalarini amalga oshirish uchun xorijiy investitsiyalar, birinchi navbatda toʻgʻridan toʻgʻri investitsiyalarni jalb qilish boʻyicha yanada qulay muhitni shakllantirishga oid qoʻshimcha chora-tadbirlar ishlab chiqishni taʼminlash;

qonun loyihalarini ishlab chiqish va ularni Oʻzbekiston Respublikasi Oliy Majlisiga belgilangan tartibda taqdim etish hamda Departament vakolatiga kiradigan masalalar yuzasidan ularni himoya qilishni tashkil etish;

d) ustuvor investitsiya loyihalarini amalga oshirish uchun xorijiy investitsiyalar, birinchi navbatda toʻgʻridan toʻgʻri investitsiyalarni jalb etish boʻyicha kompleks chora-tadbirlar ishlab chiqish hamda amalga oshirish sohasida:

respublika hududida vazirliklar, idoralar, uyushmalar, kompaniyalar, tijorat tuzilmalari, korxonalar va tashkilotlarning xorijiy investitsiyalarni jalb qilish sohasidagi faoliyatini muvofiqlashtirish va kelishishni taʼminlash, buning uchun zarur sharoitlar hamda preferensiyalar yaratish;

mamlakatni rivojlantirishning strategik maqsadlaridan kelib chiqib, xorijiy davlatlar, xalqaro iqtisodiyot va moliya institutlari, chet el kompaniyalari, firmalar va banklari bilan investitsion hamkorlikning ustuvor yoʻnalishlari boʻyicha takliflar ishlab chiqish;

xorijiy investitsiyalar va kreditlarni jalb qilish, shuningdek amalga oshirish uchun taklif etilayotgan investitsiya takliflari toʻgʻrisidagi axborotni boʻlajak xorijiy investorlar va kreditorlarga yetkazish uchun investitsiya takliflari yagona bazasini shakllantirish hamda yangilash jarayoni muvofiqlashtirilishini taʼminlash;

boʻlajak investorlarni Oʻzbekiston Respublikasidagi investitsiya muhiti, shu jumladan investitsiya kiritish jarayonining asosiy tartib-taomil masalalari, shuningdek taklif etiladigan investitsiyalar hajmi toʻgʻrisida xabardor qilish ishlarini muvofiqlashtirish;

e) xorijiy investitsiyalar, kreditlar, grantlar va texnik koʻmaklashish mablagʻlarini jalb qilish masalasi boʻyicha xalqaro moliya hamda iqtisodiyot institutlari, boshqa investorlar bilan hamkorlik dasturlari ishlab chiqilishini muvofiqlashtirish sohasida:

xalqaro moliya institutlari, xorijiy hukumat moliya tashkilotlari va boshqa investorlar bilan qisqa hamda oʻrta muddatli hamkorlik dasturlari ishlab chiqilishini muvofiqlashtirish;

vazirliklar va idoralarning xalqaro moliya institutlari, xorijiy hukumat moliya tashkilotlari va boshqa investorlar bilan tasdiqlangan hamkorlik dasturlarining oʻz vaqtida hamda sifatli bajarishini nazorat qilishni taʼminlash;

xalqaro moliya va iqtisodiyot institutlari va boshqa investorlar bilan hamkorlikning ustuvor hamda istiqbolli yoʻnalishlari boʻyicha takliflar ishlab chiqish;

j) respublikaga grantlar va texnika vositalari jalb etish boʻyicha tadbirlarni muvofiqlashtirish;

xalqaro moliya va iqtisodiyot institutlari bilan hamkorlik dasturiga kiritilgan investitsiya, grant va texnik koʻmaklashish loyihalarining amalga oshirilishi toʻgʻrisida tizimli maʼlumotlar bazasini shakllantirish hamda yuritish, ularning amalga oshirilishining monitoringini olib borish;

9. Departament quyidagi funksiyalarni ham bajaradi:

Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari, farmoyishlari, Oʻzbekiston Respublikasi Vazirlar Mahkamasining qarorlari, Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari, Vazirlar Mahkamasi apparati boshqaruvchining topshiriqlari ijrosini nazorat qiladi;

Materiallar tayyorlash va Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari oʻtkazadigan yigʻilishlarda qabul qilinadigan qarorlarni rasmiylashtirishda ishtirok etadi;

Materiallar, Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari, farmoyishlari, Vazirlar Mahkamasi qarorlari va farmoyishlari loyihalarini kompleks hamda sifatli ishlab chiqish, tayyorlashni, shuningdek ularni manfaatdor davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar hamda tashkilotlar, Vazirlar Mahkamasining Ijro etuvchi apparatining tarkibiy boʻlinmalari bilan kelishinilishini taʼminlaydi;

jismoniy va yuridik shaxslarning, jumladan elektron shaklda keladigan murojaatlarini koʻrib chiqadi, ularda qoʻyilgan masalalarni hal etishga oid takliflar tayyorlaydi, ushbu murojaatlarni tegishli davlat va xoʻjalik boshqaruvi organlari, mahalliy ijro etuvchi hokimiyat organlari hamda boshqa tashkilotlarga koʻrib chiqish va choralar koʻrish uchun yuboradi, ularning oʻz vaqtida koʻrib chiqilishini nazorat qiladi, jismoniy shaxslar va yuridik shaxslar vakillarini qabul qiladi;

respublika hududlari kesimida xorijiy investitsiyalarni jalb qilish sohasida investitsiya dasturlari va hamkorlikni shakllantirish hamda ularning amalga oshirilishining monitoringini olib borish, shuningdek iqtisodiyot sohalari boʻyicha investitsiya dasturlari, Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasi qarorlari va farmoyishlarining amalga oshirilishini muvofiqlashtirishni taʼminlaydi hamda natijalarini umumlashtiradi;

Departament oʻziga yuklatilgan boshqa funksiyalarni ham belgilangan tartibda amalga oshiradi.

10. Departament oʻziga yuklangan vazifalar va funksiyalarni bajarish uchun quyidagi huquqlarga ega:

Vazirlar Mahkamasida koʻrib chiqiladigan masalalarni tahlil qilish va tayyorlash uchun zarur boʻlgan materiallar va maʼlumotlarni Vazirlar Mahkamasi Ijro etuvchi apparatining boshqa tarkibiy boʻlinmalaridan, davlat va xoʻjalik boshqaruvi, mahalliy davlat hokimiyati organlaridan, boshqa organlar va tashkilotlardan belgilangan tartibda soʻrash va olish;

xorijiy investitsiyalarni jalb qilish sohasida investitsiya dasturlari hamda hamkorlikni, iqtisodiyot tarmoqlari, sektorlari va hududlarni iqtisodiy rivojlantirish dasturlarini shakllantirish hamda ularning amalga oshirilishining monitoringini olib borish masalalari boʻyicha davlat va xoʻjalik boshqaruvi organlari, mahalliy ijro etuvchi hokimiyat organlarining va boshqa tashkilotlarning, shuningdek Vazirlar Mahkamasi Ijro etuvchi apparati axborot-tahlil departamentlarining axborot-tahlil va prognozlash faoliyatini muvofiqlashtirish;

davlat va xoʻjalik boshqaruvi, mahalliy davlat hokimiyati organlari, boshqa organlar va tashkilotlar rahbarlari hamda vakillari ishtirokida yigʻilishlar oʻtkazish;

markaziy iqtisodiyot organlari, ilmiy-tadqiqot markazlari va institutlari xodimlarini, mahalliy va xorijiy ekspertlarni jalb etgan holda axborot va tahliliy tadqiqotlar oʻtkazish uchun ekspert guruhlari tashkil etish;

xalqaro konferensiyalar, kongresslar, simpoziumlar, seminarlar va kengashlarda, shuningdek investitsiya muammolari boʻyicha axborot-tahliliy tadqiqotlar sohasidagi xalqaro loyihalarda qatnashish;

investitsion hamkorlik masalalarida davlat va xoʻjalik boshqaruvi organlari, shuningdek xalqaro, xorijiy moliyaviy va iqtisodiy tashkilotlar, xorijiy hukumat muassasalari bilan belgilangan tartibda yozishmalarni yuritish;

mutasaddilik qilinadigan davlat va xoʻjalik boshqaruvi organlari va boshqa tashkilotlarning kollegial organlari majlislarida, Oʻzbekiston Respublikasining Bosh vaziri, Bosh vazir oʻrinbosarining topshirigʻiga binoan — davlat boshqa organlarining, nodavlat notijorat va boshqa tashkilotlarning Departament yuritadigan sohaga kiruvchi masalalar boʻyicha oʻtkaziladigan majlislari va yigʻilishlarida qatnashish;

zarur hollarda, Vazirlar Mahkamasida koʻrib chiqiladigan masalalarni ishlab chiqish uchun davlat va xoʻjalik boshqaruvi organlari, mahalliy ijro etuvchi hokimiyat organlarining, ilmiy muassasalar va boshqa tashkilotlarning rahbarlari va mutaxassislarini belgilangan tartibda jalb etish, tegishli masalalar boʻyicha vaqtinchalik ishchi guruhlar tashkil etish;

zarur boʻlganda, “Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasi Qonuni va Vazirlar Mahkamasining Reglamenti va boshqa normativ-huquqiy hujjatlar talablari buzilgan holda tushgan hujjatlarni qaytarish.

Departamentning zarur materiallarni, maʼlumotlarni taqdim etish, shuningdek Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, boshqa hujjatlar loyihalarini puxta ishlab chiqish boʻyicha talablari, agar Oʻzbekiston Respublikasi Prezidenti, Oʻzbekiston Respublikasining Bosh vaziri, uning oʻrinbosarlarining va Vazirlar Mahkamasining apparati boshqaruvchisining topshiriqlarida bajarishning boshqa muddatlar belgilanmagan boʻlsa, Departament belgilagan muddatlarda bajarilishi shart.

11. Departament:

oʻziga yuklangan vazifalarning tegishli darajada va samarali bajarilishi;

Vazirlar Mahkamasiga kiritilgan hujjatlar loyihalari, takliflar va masalalarning ekspert jihatidan sifatli ishlab chiqilishini tashkil etish;

Oʻzbekiston Respublikasi qonunlari, Oʻzbekiston Respublikasi Oliy Majlisi palatalari qarorlari, Oʻzbekiston Respublikasi Prezidenti farmonlari, qarorlari va farmoyishlari, Hukumat qarorlari, farmoyishlari, Vazirlar Mahkamasi rahbariyati topshiriqlarining mutasaddilik qilinadigan davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar tomonidan oʻz vaqtida va sifatli bajarilishi yuzasidan nazoratning taʼminlanishi;

Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga, shuningdek Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq ijro intizomiga soʻzsiz rioya etilishi uchun javob beradi.

12. Departamentning tuzilmasiga Departament mudiri, shuningdek:

Investitsiya dasturlari shakllantirilishi va amalga oshirilishi monitoringi masalalari shuʼbasi;

Xorijiy investitsiyalarni jalb etish sohasida hamkorlik masalalari shuʼbasi.

Har bir shuʼba tarkibiga shuʼba mudiri, bosh va yetakchi mutaxassislar kiradi.

Departament tuzilmasi Oʻzbekiston Respublikasi Prezidenti tomonidan tasdiqlanadi.

13. Departament ishlariga departament mudiri rahbarlik qiladi.

14. Departament mudiri, shuʼbalar mudirlari va mutaxassislar belgilangan tartibda lavozimga tayinlanadi va lavozimdan ozod qilinadi.

15. Departament faoliyati “Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasi Qonuni, Vazirlar Mahkamasining Reglamentiga, Oʻzbekiston Respublikasi Vazirlar Mahkamasining Ijro etuvchi apparati toʻgʻrisidagi Nizomga, ushbu Nizomga, Vazirlar Mahkamasi Ijro etuvchi apparatida ish yuritish boʻyicha yoʻriqnomaga, Oʻzbekiston Respublikasi Prezidenti, Oʻzbekiston Respublikasi Bosh vaziri, Bosh vazir oʻrinbosarining topshiriqlariga, Vazirlar Mahkamasi apparati boshqaruvchisining buyruqlari va topshiriqlariga muvofiq, shuningdek Vazirlar Mahkamasining ish rejalari, Departamentning ish rejalari, Departament mudiri, mudir oʻrinbosarlari, shuʼba mudirlari va mutaxassislarning shaxsiy ish rejalari asosida tashkil etiladi.

Departamentning ish rejalari, Departament mudirining shaxsiy ish rejasi Vazirlar Mahkamasi apparati boshqaruvchisi bilan kelishiladi va Oʻzbekiston Respublikasi Bosh vazirining oʻrinbosari tomonidan tasdiqlanadi.

Shuʼba mudirlari va mutaxassislarning shaxsiy ish rejalari Departament mudiri tomonidan tasdiqlanadi.

Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Hukumat qarorlari va farmoyishlarining mutasaddilik qilinadigan davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlarda amalga oshirilishining tizimli monitoringini olib borish boʻyicha Departament faoliyati Vazirlar Mahkamasining ish rejasiga muvofiq kompleks oʻrganishlar asosida, shuningdek Oʻzbekiston Respublikasining Bosh vaziri, Bosh vazirining oʻrinbosari, Vazirlar Mahkamasi apparati boshqaruvchisining topshiriqlariga binoan, Vazirlar Mahkamasi, Vazirlar Mahkamasi Rayosati, Kompleksi, Departament majlislarida hisobotlarni eshitish va maʼlumotlarning tegishli bankini yuritish orqali tashkil etiladi.

16. Departament mudiri:

Departamenti bevosita rahbarlik qiladi, shuʼbalar mudirlari, mutaxassislar ishlarini tashkil qiladi hamda Departamentga yuklangan vazifalar va funksiyalarning bajarilishi uchun shaxsan javob beradi;

Departament yuritadigan sohaga oid masalalar boʻyicha Vazirlar Mahkamasiga kiritilgan takliflar va normativ-huquqiy hujjatlar loyihalarini koʻrib chiqishda davlat prinsiplariga qatʼiy rioya etilishini taʼminlaydi, ularning ishlab chiqilishini tashkil etadi va hujjatlarning tayyorlangan loyihalariga viza qoʻyadi. Tegishli normativ-huquqiy hujjatlar qabul qilingandan soʻng ularning amalga oshirilishi yuzasidan tizimli nazoratni taʼminlaydi;

respublikaning tegishli tarmoqlari, sohalari va hududlarida investitsiya loyihalarining ahvoli va natijadorligining tizimli monitoringi tashkil etilishi va maʼlumotlar banki shakllantirilishini, shuningdek muammoli masalalarni hal etishga doir amaliy chora-tadbirlar ishlab chiqilishi va amalga oshirilishini, respublika tarmoqlari va hududlarining Investitsiya dasturlarida belgilangan istiqbolli vazifalar amalga oshirilishini taʼminlaydi;

xalqaro moliya institutlari, xorijiy hukumat tashkilotlari va investorlar bilan hamkorlik dasturlarini shakllantirish va amalga oshirish, xorijiy investitsiyalar, shu jumladan toʻgʻridan toʻgʻri xorijiy investitsiyalar, kreditlar, grantlar hamda texnik koʻmaklashish mablagʻlarini jalb qilish jarayonini nazorat qilish ishlarini tashkil etadi;

Departamentning tasdiqlangan tuzilmasi va shtatlar jadvaliga, shuʼba mudirlari va mutaxassislarning kasb darajasi va amaliy malakasini oshirish, ularni ragʻbatlantirish hamda jazolash choralariga muvofiq lavozimlarga tavsiya etilayotgan nomzodlar boʻyicha taklif l arni puxta ishlab chiqadi va Vazirlar Mahkamasining Apparat boshqaruvchisi bilan kelishgan holda Kompleks rahbariga koʻrib chiqishi uchun kiritadi;

shuʼba mudirlari va mutaxassislar oʻrtasida vazifalarning taqsimlanishini, shuningdek Kompleksning yarim yillik ish rejasi loyihasini ishlab chiqadi va tasdiqlash uchun Kompleks rahbariga kiritadi, Departament shuʼbalari mudirlari va mutaxassislarining ish rejalarini tasdiqlaydi;

Vazirlar Mahkamasiga kelgan, respublika Hukumatining qarori talab etilmaydigan hujjatlarni davlat va xoʻjalik boshqaruvi tegishli organlari, mahalliy ijro etuvchi hokimiyat organlari va boshqa tashkilotlarga koʻrib chiqish uchun yuboradi;

Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri, uning oʻrinbosarlari oʻtkazadigan yigʻilishlarda, Hukumat komissiyalari va idoralararo komissiyalar, kengashlar majlislarida va Vazirlar Mahkamasi apparati boshqaruvchisi tomonidan Departament yuritadigan sohaga oid masalalar boʻyicha oʻtkaziladigan yigʻilishlarda qatnashadi;

Departament kadrlar zaxirasi shakllantirilishi va yangilanishini, kadrlar zaxirasiga kiritilgan shaxslar bilan tizimli ishlash tashkil etilishini taʼminlaydi;

Vazirlar Mahkamasi Ijro etuvchi apparatida amalda boʻlgan Yoʻriqnomaga muvofiq ishlarning yuritilishini taʼminlaydi;

chiquvchi xat-xabarlarni imzolaydi.

17. Departament mudiri vaqtinchalik boʻlmagan taqdirda uning vazifasini shuʼba mudirlari bajaradi.

18. Shuʼba mudiri:

shuʼba mutaxassislari ishlarini muvofiqlashtiradi va shuʼbaga yuklangan vazifalar va funksiyalarning bajarilishi uchun shaxsan javob beradi;

shuʼbaga biriktirilgan masalalar boʻyicha maʼlumotnoma, tahliliy, statistika va boshqa materiallar, shuningdek qonun hujjatlari va boshqa normativ-huquqiy hujjatlar loyihalarining mutaxassislar tomonidan sifatli va oʻz vaqtida tayyorlanishini tashkil etadi;

qabul qilingan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasi qarorlari va farmoyishlarini amalga oshirish boʻyicha mutaxassislar tomonidan tashkiliy chora-tadbirlar yoki nazorat rejalari tayyorlanishini, Oʻzbekiston Respublikasi Bosh vaziri yoki uning oʻrinbosari ularni tasdiqlashini muvofiqlashtiradi, erishilgan natijalarning doimiy monitoringini taʼminlaydi;

masalalarni oʻrganib chiqishni muvofiqlashtirish va Vazirlar Mahkamasi, Departamentning tegishli davr uchun ish rejalarida, shuningdek mutaxassislarning shaxsiy ish rejalarida nazarda tutilgan chora-tadbirlar amalga oshirilishini taʼminlaydi, takliflarni tanqidiy tahlil asosida departament mudiri va Bosh vazir oʻrinbosariga koʻrib chiqish uchun kiritadi;

mutaxassislar tomonidan iqtisodiyotning tegishli tarmoqlari, sohalari va sektorlari, shuningdek respublika hududlari boʻyicha tizimlashtirilgan maʼlumotlar bazasining yaratilishi va yuritilishini nazorat qiladi;

maʼlumotnoma materiallar va hujjatlar loyihalari toʻgʻrisida Departament mudiriga, shuningdek belgilangan tartibda Oʻzbekiston Respublikasi Bosh vazirining oʻrinbosariga, Vazirlar Mahkamasi apparati boshqaruvchisiga, Oʻzbekiston Respublikasi Bosh vaziriga axborot beradi;

Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri, uning oʻrinbosarlari oʻtkazadigan yigʻilishlarda, Hukumat komissiyalari hamda idoralararo komissiyalar va kengashlar majlislarida, shuʼba yuritadigan sohaga oid masalalar boʻyicha Vazirlar Mahkamasi apparati boshqaruvchisi oʻtkazadigan yigʻilishlarda qatnashadi;

Departament mudirining topshirigʻiga binoan chiquvchi xat-xabarlarni imzolaydi.

Vazirlar Mahkamasi va uning Rayosati majlislarida, Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari, Vazirlar Mahkamasi apparati boshqaruvchisi oʻtkazadigan yigʻilishlarda koʻrib chiqishga materiallar tayyorlash, shuningdek ijroda turgan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarini muhokama qilish uchun oʻziga birkitilgan masalalar boʻyicha davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar rahbarlari hamda vakillari, olimlar va mutaxassislar ishtirokida yigʻilishlar oʻtkazadi;

vazifalar taqsimotiga muvofiq boshqa funksiyalarni amalga oshiradi.

19. Departamentning bosh mutaxassisi:

takliflarning va normativ-huquqiy hujjatlar loyihalarining sifati, ishonchliligi va oʻz vaqtida tayyorlanishi, funksional vazifalarga muvofiq topshiriqlar va qabul qilingan hujjatlar bajarilishi yuzasidan nazoratni taʼminlash uchun shaxsan javob beradi;

tegishli davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar tomonidan taqdim etilgan takliflar hamda hujjatlar loyihalarini har tomonlama tahlil qiladi, ular boʻyicha zarur tahliliy materiallar va xulosalar tayyorlaydi, shuningdek Oʻzbekiston Respublikasi Vazirlar Mahkamasining Reglamentiga muvofiq ularning kelishilishini taʼminlaydi;

materiallar va hujjatlar loyihalari toʻgʻrisida Departament mudiri, shuʼba mudiriga, shuningdek belgilangan tartibda Oʻzbekiston Respublikasi Bosh vazirining oʻrinbosariga va Vazirlar Mahkamasi apparati boshqaruvchisiga axborot beradi;

qabul qilingan hujjatlar boʻyicha nazorat rejasini yoki tashkiliy chora-tadbirlarni ishlab chiqadi va tasdiqlash uchun kiritadi, davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar tomonidan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, Oʻzbekiston Respublikasi Prezidentining, Oʻzbekiston Respublikasining Bosh vaziri va uning oʻrinbosarlarining iqtisodiyotning tegishli tarmoqlari va sohalari yoki respublika hududlari boʻyicha topshiriqlari bajarilishi yuzasidan tizimli nazoratni amalga oshiradi;

tegishli funksional masalalar va hujjatlar boʻyicha tizimlashtirilgan maʼlumotlar bazasining shakllantirilishi va yuritilishini, uning muntazam yangilab turilishini tashkil etadi;

tegishli davlat va xoʻjalik boshqaruvi organlarining markaziy apparatlari tarkibiy boʻlinmalari (iqtisodiy, moliyaviy va yuridik xizmatlar), mahalliy ijro etuvchi hokimiyat organlari ishlarining ahvoli va samaradorligini doimiy asosda oʻrganadi, ularning faoliyati samaradorligini oshirish yuzasidan takliflar kiritadi;

oʻziga birkitilgan masalalar boʻyicha oʻtkaziladigan Oʻzbekiston Respublikasi Vazirlar Mahkamasi va uning Rayosati majlislari, Oʻzbekiston Respublikasining Bosh vaziri va uning oʻrinbosarlari oʻtkazadigan yigʻilishlarda, Hukumat komissiyalari va idoralararo komissiyalar hamda kengashlar majlislari, Vazirlar Mahkamasi apparati boshqaruvchisi oʻtkazadigan yigʻilishlarda belgilangan tartibda qatnashadi;

Vazirlar Mahkamasi va uning Rayosati majlislarida, Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari, Vazirlar Mahkamasi apparati boshqaruvchisi oʻtkazadigan yigʻilishlarda koʻrib chiqishga materiallar tayyorlash, shuningdek ijroda turgan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarini muhokama qilish uchun oʻziga birkitilgan masalalar boʻyicha davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar vakillari, olimlar va mutaxassislar ishtirokida yigʻilishlar oʻtkazadi;

tegishli masalalar boʻyicha yetakchi mutaxassis faoliyatini nazorat qiladi;

vazifalar taqsimotiga muvofiq boshqa funksiyalarni amalga oshiradi.

20. Departamentning yetakchi mutaxassisi:

takliflarning va normativ-huquqiy hujjatlar loyihalarining sifati, ishonchliligi va oʻz vaqtida tayyorlanishi, funksional vazifalarga muvofiq topshiriqlar va qabul qilingan hujjatlar bajarilishi yuzasidan nazoratning taʼminlanishi uchun shaxsan javob beradi;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar tomonidan taqdim etilgan takliflar va hujjatlar loyihalarini har tomonlama tahlil qiladi, ular boʻyicha zarur tahliliy materiallar va ekspert takliflarni tayyorlaydi, shuningdek Vazirlar Mahkamasi Reglamentiga muvofiq ularning kelishilishini taʼminlaydi;

materiallar va hujjatlar loyihalari toʻgʻrisida Departament mudiri, shuʼba mudiri va bosh mutaxassisga, shuningdek belgilangan tartibda Oʻzbekiston Respublikasining Bosh vaziri oʻrinbosari va Vazirlar Mahkamasi apparati boshqaruvchisiga axborot beradi;

qabul qilingan hujjatlar boʻyicha nazorat rejasini yoki tashkiliy chora-tadbirlarni ishlab chiqadi va tasdiqlash uchun kiritadi, davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar tomonidan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, Oʻzbekiston Respublikasi Prezidentining, Oʻzbekiston Respublikasining Bosh vaziri va uning oʻrinbosarlarining iqtisodiyotning tegishli tarmoqlari va sohalari yoki respublika hududlari boʻyicha topshiriqlari bajarilishi yuzasidan tizimli nazoratni amalga oshiradi;

tegishli funksional masalalar va hujjatlar boʻyicha tizimlashtirilgan maʼlumotlar bazasining shakllantirilishi va yuritilishini, muntazam yangilab turilishini tashkil etadi;

tegishli davlat va xoʻjalik boshqaruvi organlarining markaziy apparatlari tarkibiy boʻlinmalari (iqtisodiy, moliyaviy va yuridik xizmatlar), mahalliy ijro etuvchi xokimiyat organlari, boshqa organlar va tashkilotlar ishlarining ahvoli va samaradorligini doimiy asosda oʻrganadi, ularning faoliyati samaradorligini oshirish yuzasidan takliflar kiritadi;

oʻziga birkitilgan masalalar boʻyicha oʻtkaziladigan Oʻzbekiston Respublikasi Vazirlar Mahkamasi va uning Rayosati majlislari, Oʻzbekiston Respublikasining Bosh vaziri va uning oʻrinbosarlari oʻtkazadigan yigʻilishlarda, Hukumat komissiyalari va idoralararo komissiyalar hamda kengashlar majlislari, Vazirlar Mahkamasi apparati boshqaruvchisi oʻtkazadigan yigʻilishlarda belgilangan tartibda qatnashadi;

shuʼba mudiri bilan kelishgan holda davlat va xoʻjalik boshqaruvi organlari va boshqa tashkilotlar vakillari, olimlar va mutaxassislar bilan ijroda turgan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarini tayyorlash maqsadida ularni muhokama qiladi;

vazifalar taqsimotiga muvofiq boshqa funksiyalarni amalga oshiradi.

21. Inspektor Departamentda ish yuritilishini taʼminlaydi, hujjatlarning oʻtishini nazorat qiladi, hujjatlar Yigʻma jildlarining tayyorlanishini va arxivda saqlashga oʻz vaqtida berilishini taʼminlaydi, oʻziga yuklangan boshqa funksiyalarni bajaradi.