Oʻzbekiston Respublikasi rasmiy delegatsiyasining 2017-yil 25-26-oktabr kunlari Turkiya Respublikasiga davlat tashrifi ikki mamlakat ijtimoiy-siyosiy hayotida muhim voqea boʻldi, ikki tomonlama munosabatlarda yangi sahifa ochdi va oʻzaro manfaatli Oʻzbekiston — Turkiya koʻp qirrali hamkorligini rivojlantirish uchun mustahkam zamin yaratdi.

Oliy darajadagi uchrashuvlar ikki mamlakat oʻrtasidagi ishonchli munosabatlarni yanada mustahkamlashga xizmat qildi, siyosiy, savdo-iqtisodiy, transport-kommunikatsiya va madaniy-gumanitar sohalardagi aloqalarni rivojlantirishning yangi imkoniyatlari va istiqbollarini belgilab berdi.

Turkiya hukumati va ishbilarmon doiralari vakillari bilan boʻlib oʻtgan samarali muzokaralar va uchrashuvlar ishlab chiqarish, investitsiyaviy va moliyaviy-texnik hamkorlikni yanada kengaytirishning aniq yoʻnalishlarini belgilab olish, istiqbolli qoʻshma loyihalarni aniqlash imkonini berdi.

Hamkorlikning barcha sohalarida oʻzaro aloqalarni kengaytirish boʻyicha qoʻshma qarorlar muhokama qilindi va qabul qilindi. Oʻzbekiston Respublikasi Prezidenti va Turkiya Respublikasi Prezidentining Qoʻshma bayonoti, 21 ta hukumatlararo va idoralararo hujjat, shuningdek, umumiy qiymati 4 milliard dollardan ziyod boʻlgan savdo-iqtisodiy sohadagi korporativ bitimlar toʻplami imzolandi.

Turkiya Respublikasiga tashrif davomida oʻzaro munosabatlarni yanada mustahkamlash va koʻp qirrali hamkorlikni rivojlantirish boʻyicha erishilgan kelishuvlarning oʻz vaqtida va sifatli amalga oshirilishini taʼminlash, qabul qilingan majburiyatlarni soʻzsiz bajarish maqsadida:

1. Quyidagilar:

Oʻzbekiston Respublikasi Prezidentining 2017-yil 25-26-oktabr kunlari Turkiya Respublikasiga davlat tashrifi davomida imzolangan hujjatlarni amalga oshirish boʻyicha amaliy chora-tadbirlar rejasi (“Yoʻl xaritasi”) va uni amalga oshirish boʻyicha Muvofiqlashtiruvchi guruh tarkibi 1 va 1a-ilovalarga* muvofiq;

Oʻzbekiston Respublikasi Prezidentining 2017-yil 25-26-oktabr kunlari Turkiya Respublikasiga davlat tashrifi davomida imzolangan eksport shartnomalari va investitsiya bitimlarini amalga oshirish boʻyicha amaliy chora-tadbirlar rejasi (“Yoʻl xaritasi”) hamda uni amalga oshirish boʻyicha Muvofiqlashtiruvchi guruh tarkibi 2 va 2a-ilovalarga* muvofiq;

Oʻzbekiston Respublikasi bilan Turkiya Respublikasi oʻrtasida siyosiy, savdo-iqtisodiy, investitsiyaviy, moliyaviy-texnik, transport-kommunikatsiyaviy va madaniy-gumanitar hamkorlikni yanada kengaytirish boʻyicha kelishuvlarni amalga oshirish boʻyicha amaliy chora-tadbirlar rejasi (“Yoʻl xaritasi”) va uni bajarish boʻyicha Muvofiqlashtiruvchi guruh tarkibi 3 va 3a-ilovalarga* muvofiq tasdiqlansin.

2. 2017-yil 25-26-oktabr kunlari amalga oshirilgan Davlat tashrifi davomida Turkiya Respublikasi bilan erishilgan kelishuvlar va tasdiqlangan amaliy chora-tadbirlar rejalari (“Yoʻl xaritalari”) ning oʻz vaqtida va soʻzsiz amalga oshirilishini nazorat qilish boʻyicha maxsus komissiya 5-ilovaga* muvofiq tashkil etilsin.

3. Maxsus komissiya (J. Qoʻchqorov):

Turkiya Respublikasi bilan hamkorlikni yanada mustahkamlash va rivojlantirish boʻyicha erishilgan kelishuvlarni amalga oshirish bilan bogʻliq masalalarni amaliy muvofiqlashtirish, shuningdek, u bilan, shu jumladan hamkorlik boʻyicha hukumatlararo komissiyalar va boshqa ikki tomonlama maslahatlashuv mexanizmlari doirasida muntazam va samarali hamkorlikni tashkil etish;

mazkur qarorning 1 — 3-ilovalarida* nazarda tutilgan tadbirlar va loyihalarning 6-ilovaga muvofiq soʻzsiz, oʻz vaqtida va sifatli bajarilishi ustidan doimiy nazorat va tizimli monitoringni tashkil etish;

vazirliklar, idoralar va boshqa tashkilotlar rahbarlari, masʼul ijrochilar, shuningdek, muvofiqlashtiruvchi guruhlarning ushbu qaror bilan tasdiqlangan “Yoʻl xaritalari”ni soʻzsiz amalga oshirish boʻyicha ular tomonidan koʻrilayotgan amaliy chora-tadbirlar toʻgʻrisidagi hisobotlarini muntazam ravishda eshitib borish;

tasdiqlangan amaliy chora-tadbirlar rejalari (“Yoʻl xaritalari”) amalga oshirilishining borishini batafsil va batafsil koʻrib chiqish uchun har oyning 10 — 15-sanalarida masʼul vazirliklar, idoralar va xoʻjalik birlashmalari rahbarlarining, Bosh vazir oʻrinbosarlarining, shuningdek, muvofiqlashtiruvchi guruhlar, Maxsus komissiya rahbarlarining shaxsiy hisobotlari Oʻzbekiston Respublikasi Prezidenti huzurida eshitilishini tashkil etish.

4. Muvofiqlashtiruvchi guruhlar rahbarlari (S. Safoyev, A. Komilov, E. Gʻaniyev, A. Azizov) vazirliklar va idoralar bilan birgalikda:

bir hafta muddatda — ushbu qarorga 1 — 3-ilovalarga* kiritilgan loyihalar va tadbirlarni amalga oshirishning tarmoq jadvallarini ishlab chiqsin va tasdiqlash uchun Maxsus komissiyaga kiritsin;

har oyning 10-sanasiga qadar tasdiqlangan amaliy chora-tadbirlar rejalari (“Yoʻl xaritalari”) amalga oshirilishining samaradorligi va natijadorligi toʻgʻrisidagi umumlashtirilgan axborotni Maxsus komissiyaga taqdim etib borsin.

5. Oʻzbekiston Respublikasi Oliy Majlisi Senati, Oʻzbekiston Respublikasi Vazirlar Mahkamasi komplekslari rahbarlari, masʼul vazirliklar, idoralar va xoʻjalik birlashmalari bir hafta muddatda:

ushbu qarorga 1 — 3-ilovalarda* nazarda tutilgan tadbirlarning soʻzsiz va oʻz vaqtida bajarilishini taʼminlash boʻyicha batafsil reja-jadvallarni ishlab chiqish va tasdiqlash uchun ishchi yigʻilishlar oʻtkazsin;

tasdiqlangan reja-jadvallarning sifatli va oʻz vaqtida bajarilishini tashkil etish uchun doimiy faoliyat koʻrsatuvchi tezkor ishchi guruhlar tashkil etsin.

6. Oʻzbekiston Respublikasi Vazirlar Mahkamasi (J. Qoʻchqorov) bir hafta muddatda manfaatdor vazirlik va idoralar ishini yanada maqbullashtirish uchun Oʻzbekiston Respublikasi va Turkiya Respublikasi hamkorligini rivojlantirish boʻyicha ilgari tasdiqlangan Chora-tadbirlar rejalarini (“Yoʻl xaritalari”) oʻrganib chiqsin va nazoratdan chiqarib tashlash boʻyicha takliflar kiritsin.

7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov va Oʻzbekiston Respublikasi Prezidenti maslahatchisi — Ijro etuvchi apparati rahbari Z.Sh. Nizomiddinov