Toshkent shahrida “Navroʻz” bogʻini oʻz vaqtida barpo etishni amalga oshirish, shuningdek, bogʻ hududida Anxor daryosi ustidan oʻtadigan vant piyodalar koʻprigini oʻz vaqtida qurish boʻyicha ishlarni bajarish maqsadida:

1. Maʼlumot uchun kabul kilinsinki:

Oʻzbekiston Respublikasi Prezidentining “Toshkent shahrida “Navroʻz” bogʻini barpo etish” loyihasini amalga oshirishga doir chora-tadbirlar toʻgʻrisida” 2017-yil 7-avgustdagi PQ-3174-sonli qaroriga muvofiq;

“General Aviation Fuel Supplies” XK MCHJ tomonidan Anxor daryosi ustidan oʻtadigan vant piyodalar koʻprigini oʻz mablaglari hisobidan qurish va uni keyinchalik “Navroʻz bogʻi” MCHJga mulk sifatida begʻaraz topshirish toʻgʻrisidagi taklifi kelib tushdi.

2. “Toshkent shahrida “Navroʻz” bogʻini barpo etish” loyihasini amalga oshirish doirasida piyoda koʻprigini qurish boʻyicha bosh buyurtmachi, buyurtmachi va bosh pudratchi tashkilotlari hamda bosh loyihalashtirish tashkilotlari tomonidan, shu jumladan, “vaktincha olib kirish” rejimida olib kiriladigan, belgilangan tartibda tasdiqlanadigan roʻyxatlar boʻyicha respublikada ishlab chiqarilmaydigan maxsus transport vositalari va yoʻl qurilishi texnikasi, mashina va mexanizmlar, uskunalar hamda materiallar, metal prokati, ehtiyot qismlar, butlovchi buyumlar va uzellar, texnologik hujjatlar, osnastka 2020-yilning 1-yanvariga qadar bojxona toʻlovlaridan (bojxona yigʻimlaridan tashqari) ozod etilsin.

3. Oʻzbekiston Respublikasi Prezidentining “Toshkent shahrida “Navroʻz” bogʻini barpo etish” loyihasini amalga oshirishga doir chora-tadbirlar toʻgʻrisida” 2017-yil 7-avgustdagi PQ-3174-sonli qaroriga ilovaga muvofiq oʻzgartish va qoʻshimchalar kiritilsin.

4. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi O.J. Ramatov va Toshkent shahri hokimi R.J. Usmonov zimmasiga yuklansin.

1. Oʻzbekiston Respublikasi Prezidentining “Toshkent shahrida “Navroʻz” bogʻini barpo etish” loyihasini amalga oshirishga doir chora-tadbirlar toʻgʻrisida” 2017-yil 7-avgustdagi PQ-3174-sonli qarori:

a) 6-bandining ikkinchi xatboshidagi “belgilangan tartibda” soʻzlaridan keyin “, piyodalar koʻprigini qurish boʻyicha buyurtmachi etib — “General Aviation Fuel Supplies” XK MCHJ” soʻzlari qoʻshilsin;

b) 7-bandning:

birinchi xatboshidagi “Oʻzbekiston temir yoʻllari” AJ va “Navroʻz bogʻi” MCHJ” soʻzlaridan keyin “va “General Aviation Fuel Supplies” XK MCHJ” soʻzlari koʻshilsin;

ikkinchi xatboshidagi “Navroʻz bogʻi” soʻzlaridan keyin “va qurilayotgan “Navroʻz” bogʻi” hududidagi piyodalar koʻprigi” soʻzlari koʻshilsin;