Tizimli muammo | Amalga oshirish mexanizmi | Ijro muddati | Moliyalashtirish manbalari | Mas’ul ijrochilar | |
I. Madaniyat va san’at sohasida qonunchilik bazasini yanada takomillashtirish | |||||
1. | Madaniyat vazirligi tizimidagi teatrlar, muzeylar, madaniyat markazlari, konsert-tomosha, ta’lim muassasalari va boshqa muassasalarining boshqaruv, badiiy-ijodiy, yordamchi va xizmat ko‘rsatuvchi xodimlarining namunaviy shtatlarini takomillashtirish. | 1. Namunaviy shtatlarni xorijiy davlatlar tajribalari asosida qayta ko‘rib chiqish. 2. Namunaviy shtatlarga asosan tegishli muassasalarning shtatlar jadvallarini tasdiqlash. 3. Xodimlarning ko‘p yillik ish staji, toifasi, ilmiy darajasini hisobga olgan holda mehnatga haq to‘lashning differensial tizimini joriy etish bo‘yicha taklif kiritish. | 2020-yil dekabr | — | Madaniyat vazirligi (Nazarbekov), Bandlik va mehnat munosabatlari vazirligi (Husanov), Moliya vazirligi (Ishmetov) |
II. Moddiy va nomoddiy meros hamda muzeylar sohasida | |||||
2. | Muzeylarning daromad manbalarini kengaytirish maqsadida ular tomonidan tadbirkorlik faoliyatini amalga oshirish, jumladan tovarlar sotish va xizmatlar ko‘rsatishning huquqiy asoslarini belgilashga qaratilgan qonun loyihasini ishlab chiqish. | 1. Xorijiy tajriba asosida “O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi Qonun loyihasini tayyorlash. 2. Loyihani manfaatdor vazirlik va idoralar bilan kelishish. 3. Loyihani belgilangan tartibda Vazirlar Mahkamasiga taqdim etish. | 2020-yil | — | Madaniyat vazirligi (Nazarbekov), Moliya vazirligi (Ishmetov), Iqtisodiyot taraqqiyot vazirligi (Ortiqov), Fanlar akademiyasi (Yuldashev), |
3. | Hududlardagi davlat muzeylaridagi ekspozitsiyalarni zamon talablariga asosan yangilash, reekspozitsiya qilish ishlarini tashkil etish. | 1. Talab doirasida reekspozitsiya qilinadigan va xalqaro standartlar darajasida tashkil etiladigan ekspozitsiya dasturlarini shakllantirish. 2. Dastur loyihasini tegishli vazirlik va idoralar bilan kelishish. 3. Reekspozitsiya va ekspozitsiya ishlarini tashkil etishda xorijiy yetakchi mutaxassislarni jalb qilish. 4. Tashkil etilgan reekspozitsiya va ekspozitsiyalardan maxsus �lbomlar, flayerlar, bukletlar, foto, video materiallar tayyorlash. | 2020yil avgust | Muzeylarning budjetdan tashqari mablag‘lari, homiylik xayriyalari | Madaniyat vazirligi (Nazarbekov), |
4. | Milliy muzey fondini raqamlashtirish bo‘yicha chora-tadbirlarni amalga oshirish. | 2025-yilga qadar quyidagi tadbirlarni to‘liq yakunlashni nazarda tutuvchi Milliy muzey fondini raqamlashtirish bo‘yicha “yo‘l xaritasi” loyihasini ishlab chiqish va Vazirlar Mahkamasiga kiritish: har bir muzey tomonidan o‘z fondida saqlanayotgan muzey eksponatlarining elektron katalogini yaratish; “Milliy muzey fondining davlat katalogi” elektron katalogini yaratish; muzeylarning elektron kataloglari bilan Internet jahon axborot tarmog‘i orqali tanishish; Departament, muzeylar, davlat bojxona xizmati organlari va boshqa manfaatdor idoralar o‘rtasida madaniy boyliklarni muhofaza qilish bo‘yicha o‘zaro elektron axborot almashish tizimini yaratish; “virtual muzey”, “raqamli muzey” loyihalarini amalga oshirish. | 2020-yil | Madaniy meros jamg‘armasi, muzeylarning budjetdan tashqari mablag‘lari | Madaniyat vazirligi (Nazarbekov), |
5. | Toshkent shahrida O‘zbekiston tarixi davlat muzeyi uchun yangi binolar kompleksini qurish. | Quyidagilarni nazarda tutgan holda Toshkent shahrida O‘zbekiston tarixi davlat muzeyi uchun yangi binolar kompleksini qurish loyihasi bo‘yicha Vazirlar Mahkamasiga taklif kiritish: binolar kompleksida muzey eksponatlarini zarur darajada saqlash, ta’mirlash, ilmiy tadqiq etish, ko‘rgazmaga qo‘yiladigan eksponatlar ulushini bir necha barobar oshirish uchun shart-sharoitlar yaratish; binolar kompleksini Toshkent shahridagi aholi va sayyohlar eng ko‘p tashrif buyuradigan maskanlar toifasiga kiritish; binolar kompleksini qurish ishlarini har yilgi investitsiya dasturlari hisobidan moliyalashtirish. | 2020-2021-yillar | — | Toshkent shahar hokimligi (Artikxodjayev), |
6. | Madaniy meros masalalari bo‘yicha YUNESKO bilan hamkorlikda Xalqaro maslahat qo‘mitasini tashkil etish va uning faoliyatini qo‘llab-quvvatlash. | 1. Xalqaro maslahat qo‘mitasini tashkil etish bo‘yicha muzokaralar olib borish. 2. Xalqaro maslahat qo‘mitasi faoliyatini tashkil etish bo‘yicha taklif kiritish. | 2020-yil dekabr | — | Madaniyat vazirligi (Nazarbekov), YUNESKO ishlari bo‘yicha milliy kengash |
7. | “Buxoro”, “Samarqand”, “Ichan qal’a”, “Sarmishsoy”, “Shahrisabz”, “Termiz” va “Qo‘qon” davlat muzey-qo‘riqxonalari hududlarining chegarasini belgilash ishlarini yakunlash. | 1. “Buxoro”, “Samarqand”, “Ichan qal’a”, “Sarmishsoy”, “Shahrisabz”, “Termiz” va “Qo‘qon” davlat muzey-qo‘riqxonalariga beriladigan obyektlar yakuniy ro‘yxatini shakllantirish. 2. Ro‘yxatga kiritilgan obyektlarning chegaralarini aniqlash. 3. Muzey-qo‘riqxonalarning chegaralarini belgilash, tegishi hujjatlarni rasmiylashtirish. | 2020-yil sentyabr | — | Madaniyat vazirligi (Nazarbekov), “Davyergeodezkadastr” qo‘mitasi, Buxoro, Samarqand, Xorazm, Navoiy, Qashqadaryo, Surxondaryo va Farg‘ona viloyatlari hokimliklari |
8. | Toshkent arxitektura-qurilish instituti, Kamoliddin Behzod nomidagi Milliy rassomlik va dizayn instituti, O‘zbekiston milliy universitetida madaniy meros obyektlarini restavratsiya (konservatsiya) qilish bo‘yicha yo‘nalishlar tashkil etish. | 1. Qabul kvotasi bo‘yicha ehtiyojni aniqlash. 2. Davlat ta’lim standartlari, o‘quv dasturlari va maxsus rejalar ishlab chiqish va tasdiqlash. | 2020-2021o‘quv yilidan | Oliy ta’lim muassasalarining o‘z mablag‘lari | Oliy va o‘rta maxsu� ta’lim vazirligi (Madjidov), Iqtisodiyot taraqqiyot vazirligi (Ortiqov), Madaniyat vazirligi (Nazarbekov), Qurilish vazirligi (Zakirov), Badiiy akademiya (Nuridinov), Fanlar akademiyasi (Yuldashev) |
9. | O‘zbekiston madaniy merosini asrash, o‘rganish va ommalashtirish bo‘yicha butunjahon jamiyati faoliyatini qo‘llab-quvvatlash. | 1. Chora-tadbirlar rejasini ishlab chiqish. 2. Chora-tadbirlar rejasini tasdiqlash uchun Vazirlar Mahkamasiga kiritish. | 2020-yil avgust | — | Vazirlar Mahkamasi, O‘zbekiston elektron ommaviy axborot vositalari milliy assotsiatsiyasi (Abduxalikov), Madaniyat vazirligi (Nazarbekov) |
10. | Aholining keng qatlami, shuningdek, o‘quvchi-yoshlar orasida davlat muzeylarida saqlanayotgan milliy moddiy madaniy meros boyliklari, jumladan arxeologik, amaliy san’at, numizmatika, litografik kabi eksponatlarning foto va ko‘chma ko‘rgazmalari haqida targ‘ibot tadbirlarini tashkil etish. | 1. Milliy eksponatlar katalogi asosida targ‘ibot roliklarini tayyorlash. 2. Ta’lim muassasalari, korxonalar va ishlab chiqarish birlashmalarida, xizmat ko‘rsatish markazlarida targ‘ibot ishlarini tashkil etish. 3. Davlat muzeylariga jalb etilgan tashrifchilar uchun ekskursiyalar tashkil etish. 4. Tashrifchilarning ekspozitsiyalar bo‘yicha fikrlari yuzasidan bevosita va bilvosita so‘rovnomalar tashkil etish. | 2020-yil sentyabr oyidan boshlab muntazam | O‘zbekiston Respublikasi Davlat budjetidan ajratiladigan mablag‘lar doirasida, homiylik xayriyalari | Madaniyat vazirligi (Nazarbekov), Xalq ta’limi vazirligi, (Shermatov), Oliy va o‘rta maxsus ta’lim vazirligi (Madjidov) |
11. | Madaniy boyliklarni O‘zbekiston Respublikasi hududidan olib chiqish va uning hududiga olib kirish tartibini, shu jumladan ushbu sohadagi ruxsat beruvchi hujjatlarni va ularni rasmiylashtirish jarayonlari�i soddalashtirish, yakka tartibdagi tadbirkorlarga madaniy boyliklarni realizatsiya qilish faoliyati bilan shug‘ullanish huquqini berish. | 1. O‘zbekiston Respublikasining “Madaniy boyliklarning olib chiqilishi va olib kirilishi to‘g‘risida”gi Qonuniga va boshqa qonun hujjatlariga o‘zgartish va qo‘shimchalar kiritish yuzasidan xorijiy tajriba asosida takliflar tayyorlash. 2. Loyihani manfaatdor vazirlik va idoralar bilan kelishish. 3. Loyihani belgilangan tartibda Vazirlar Mahkamasiga taqdim etish. | 2020-yil | — | Madaniyat vazirligi (Nazarbekov), Davlat bojxona qo‘mitasi (Azimov), |
12. | Xalqaro Venetsiya arxitektura biyennalesida O‘zbekiston milliy pavilonini yaratish. | 1. O‘zbekiston milliy paviloni konsepsiyasini ishlab chiqish. 2. Vazirlar Mahkamasining farmoyishi loyihasini tayyorlash va Vazirlar Mahkamasiga kiritish. 3. Milliy pavilonni yaratish va biyennaleda faol ishtirok etish. | 2020-yil sentyabr | Madaniyat va san’atni rivojlantirish jamg‘armasi mablag‘lari | Madaniyat vazirligi (Nazarbekov), Tashqi ishlar vazirligi (Kamilov) |
13. | Madaniyat vazirligi tizimidagi ko‘zi ojizlar kutubxonalari faoliyatini zamonaviylashtirish. | 1. Mashhur o‘zbek va jahon adabiyoti asarlarini audiolizatsiya qilish va ularni Respublika ko‘zi ojizlar kutubxonasining internet sayti orqali aholiga taqdim etish. 2. Ko‘zi ojizlar kutubxonalari tomonidan masofaviy xizmatlar ko‘rsatishni yo‘lga qo‘yish. 3. Ko‘zi ojizlar kutubxonalarining xizmatlarini zamonaviylashtirish va ulardan foydalana olish imkoniyatini kengaytirish jarayoniga Alisher Navoiy nomidagi O‘zbekiston Milliy kutubxonasi — axborot resurs markazini keng jalb etish. | 2020-2021-yillar davomida | O‘zbekiston Respublikasi Davlat budjetidan ajratilgan mablag‘lar doirasida, Axborot-kommunikatsiya texnologiyalarini rivojlantirish jamg‘armasining grantlari, homiylik xayriyalari | Madaniyat vazirligi (Nazarbekov), Moliya vazirligi (Ishmetov), Axborot texnologiyalari va kommunikatsiyalarini rivojlantirish vazirligi (Sadikov), Axborot va ommaviy kommunikatsiyalar agentligi (Saidjonov) |
14. | O‘zbekiston muzey eksponatlari ishtirokida | 1. Hamkorlikdagi ko‘rgazma konsepsiyasini ishlab chiqish. 2. Vazirlar Mahkamasining farmoyishi loyihasini tayyorlash va manfaatdor vazirliklar va idoralar bilan kelishish. 3. Loyihani belgilangan tartibda Vazirlar Mahkamasiga kiritish. 4. Ko‘rgazmani yuqori saviyada o‘tkazish. | 2020-yil sentyabr Reja asosida | Madaniyat va san’atni rivojlantirish jamg‘armasi mablag‘lari | Madaniyat vazirligi (Nazarbekov), Tashqi ishlar vazirligi (Kamilov), Samarqand viloyati hokimligi |
III. Teatr, qo‘g‘irchoq teatri, kino, sirk, shapito va milliy an’anaviy dorbozlik san’ati sohasida | |||||
15. | Teatr, sirk, muzey, hayvonot bog‘lari va boshqa madaniyat muassasalariga o‘quvchi va talabalarni keng jalb qilish. | Barcha turdagi ta’lim muassasalari o‘quvchi va talablarini madaniyat muassasalariga muntazam tashriflarini tashkil etish. | Doimiy ravishda | — | Vazirlar Mahkamasi (Musayev), Maktabgacha ta’lim vazirligi (Shin), Xalq ta’limi vazirligi (Shermatov), Oliy va o‘rta maxsus ta’lim vazirligi (Madjidov), Madaniyat vazirligi (Nazarbekov) |
16. | Teatrlar faoliyatida marketing va reklama tizimini rivojlantirish, teatrlarga aholini jalb qilish, qiziqtirish, teatr san’ati targ‘ibotini yanada kuchaytirish. | 1. Hududlarda maxsus reklama lavhalari va pannolar, bannerlar o‘rnatish uchun maxsus joy ajratish va o‘rnatish. 2. OAV vositalarida, xususan tele-radio kanallarda teatr repertuarlari va afishalari yoritish uchun maxsus vaqtlar ajratish. 3. Teatrning budjetdan tashqari qo‘shimcha tushumlarini ko‘paytirish maqsadida har bir teatrning o‘ziga xos logotiplarini yaratish, suvenir do‘konlarini tashkil etish bo‘yicha Vazirlar Mahkamasiga taklif kiritish. 4. Teatrlarning xarajatlar smetasida marketing va reklama xizmatlari uchun xarajatlarni nazarda tutish, shartnoma asosida reklama ishlarini tashkil etish. | Doimiy ravishda 2020-yil iyun | Madaniyat vazirligi tomonidan davlat-xususiy sheriklik asosida jalb qilinadigan mablag‘lar | Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, MTRK, (Xodjayev), Madaniyat vazirligi (Nazarbekov) |
17. | Respublikamizda yangilik sifatida musiqali, drama va qo‘g‘irchoq teatrlari yo‘nalishi bo‘yicha xalqaro teatr festivalini har ikki yilda bir marta o‘tkazish bo‘yicha takliflar tayyorlash. | 1. Festival to‘g‘risida nizom loyihasini ishlab chiqish, unda davlat teatrlari va xorijiy teatrlar bilan ijodiy hamkorliklarni mustahkamlash, aholini jahonning eng namunali sara asarlaridan bahramand etish, teatrlardagi ijodiy xodimlarni sohaning yetuk xorijiy mutaxassislari bilan tajriba almashishini tashkil etishni nazarda tutish. 2. Hujjat loyihasini Vazirlar Mahkamasiga kiritish. | 2020-yil avgust | Madaniyat va san’atni rivojlantirish jamg‘armasi mablag‘lari, homiylik xayriyalari | Madaniyat vazirligi (Nazarbekov), Tashqi ishlar vazirligi, (Kamilov), Teatr arboblari uyushmasi (Axmedov) |
18. | Ko‘chma sirklarni (shapito, dorbozlar guruhlari) malakali kadrlar bilan ta’minlash. | “O‘zbek davlat sirki” davlat muassasasi va ko‘chma sirklar (shapito, dorbozlar guruhlari) xodimlarini xorijiy davlatlarning sirk yo‘nalishi bo‘yicha oliy ta’lim muassasalarida o‘qitish hamda ularning malakasini oshirish. | Doimiy ravishda | — | Madaniyat vazirligi (Nazarbekov) |
19. | Teatrlar tomonidan sahnalashtirilgan asarlar mualliflariga to‘lanadigan mualliflik haqi bo‘yicha qarzdorlikni bartaraf etish. | 1. Madaniyat vazirligining asoslantirilgan hisob-kitoblariga asosan mazkur qaror kuchga kirguniga qadar teatrlar tomonidan sahnalashtirilgan asarlar mualliflariga to‘lanadigan mualliflik haqi bo‘yicha qarzdorlikning to‘liq bartaraf etish. 2. Amalga oshirilgan ishlar natijasi bo‘yicha Vazirlar Mahkamasiga axborot kiritish. | 2020-yil | O‘zbekiston Respublikasi Davlat budjeti | Moliya vazirligi (Ishmetov), Madaniyat vazirligi (Nazarbekov) |
IV. Milliy musiqa, raqs va estrada san’ati sohasida | |||||
20. | Konsert-tomosha faoliyati ishtirokchilarining yagona onlayn portali (keyingi o‘rinlarda — Yagona portal)faoliyatini yo‘lga qo‘yish. | Yagona portal orqali litsenziyalashni nazarda tutgan holda Konsert-tomosha faoliyatini litsenziyalash bo‘yicha davlat xizmatlari ko‘rsatishning ma’muriy reglamenti loyihasini Vazirlar Mahkamasiga kiritish. Quyidagi imkoniyatlarni nazarda tutgan holda Yagona portalni yaratish: konsert-tomosha faoliyatini amalga oshirish uchun litsenziya talabgorlarini Yagona portalda onlayn tarzda, shu jumladan davlat xizmatlari markazlari yoki Yagona interaktiv davlat xizmatlari portali orqali ro‘yxatdan o‘tkazish; litsenziya olish uchun taqdim etiladigan barcha hujjatlar, shu jumladan ijrochining repertuari to‘g‘risidagi ma’lumotlar, undagi musiqa va qo‘shiqlar talabgor tomonidan Yagona portalga kiritish hamda doimiy ravishda yangilab borish; talabgorlar (litsenziatlar)ning intellektual mulk obyektlariga bo‘lgan huquqlarini kafolatlagan holda kiritilgan musiqa va qo‘shiqlarni ko‘chirib olishni istisno qilgan holda ularni eshitish; talabgorlar (litsenziatlar)ning litsenziya talablariga, shu jumladan muayyan reyting guruhiga qo‘yiladigan talablarga muvofiqligini ular tomonidan kiritilgan ma’lumotlar asosida avtomatik tarzda aniqlash; talabgor (litsenziat) tomonidan kiritilgan har bir musiqa va qo‘shiq bo‘yicha uni eshitib ko‘rgan va unga ovoz bergan foydalanuvchilar sonini onlayn hisoblab borish; talabgor (litsenziat)ning ijro mahoratiga baho berishda foydalanuvchilar tomonidan berilgan ovozlarni inobatga olish; talabgor (litsenziat) tomonidan tegishli reyting guruhi uchun belgilangan barcha talablar bajarilgan taqdirda litsenziya Yagona portal tomonidan avtomatik tarzda, maxsus rekvizitlarga ega elektron hujjat shaklida rasmiylashtirish; Yagona portalning alohida sahifasida har bir litsenziatga u tomonidan yil davomida yaratilgan yangi asarlar, ularga foydalanuvchilar tomonidan berilgan ovozlar, joylarda, xususan, olis hududlarda o‘tkazilgan konsert-tomosha dasturlari, davlat tadbirlaridagi ishtiroki, ijodiy ish staji va boshqa mezonlar bo‘yicha onlayn tarzda ball hisoblab borish; Madaniyat vazirligi tomonidan konsert-tomosha faoliyatini amalga oshirayotgan shaxslar orasidan davlat mukofotlari bilan taqdirlash uchun tavsiya etiladigan nomzodlarni tanlab olishda ularga Yagona portal orqali qo‘yilgan ballarni inobatga olish. | 2020-yil avgust sinov tariqasida — 2020-yil to‘liq ishga tushirish — 2021-yil 1-yanvar | Madaniyat vazirligi budjetdan tashqari mablag‘lari, “O‘zbekkonsert” davlat muassasasi budjetdan tashqari mablag‘lari, | Madaniyat vazirligi (Nazarbekov), manfaatdor vazirlik |
21. | Vatanga sadoqat, osoyishtalik, hayotni, millatlararo do‘stlik va hamjihatlikni targ‘ib etuvchi “Yagonasan, muqaddas Vatan!” respublika qo‘shiqlar tanlovini zamonaviy yondashuv asosida qayta ko‘rib chiqish. | 1. Tanlov Nizomini qayta ishlash. 2. Tanlovni targ‘ib etish va unga keng ommani jalb etish bo‘yicha OAVlarida hamda ijtimoiy tarmoqlarda maxsus roliklar targ‘ibotini tashkil etish. 3.Tanlovni tele-loyiha shaklida o‘tkazish. | 2020-yil iyun — avgust | Madaniyat vazirligining budjetdan tashqari mablag‘lari | Madaniyat vazirligi (Nazarbekov), Axborot va ommaviy kommunikatsiyalar agentligi (Saidjonov), MTRK (Xodjayev) |
22. | Intellektual mulk obyektlarining huquqiy himoyasiga doir sud amaliyotini umumlashtirish. | 1. Intellektual mulk obyektlarining huquqiy himoyasiga doir ishlarni ko‘rib chiqish bo‘yicha sud amaliyoti materiallarini tanqidiy tahlil qilib borish. 2. Sudlar tomonidan intellektual mulk obyektlarining huquqiy himoyasiga doir ishlarni ko‘rib chiqish amaliyoti umumlashmalarini e’lon qilib borish. | Doimiy ravishda | — | O‘zbekiston Respublikasi Oliy sudi (Kamilov) |
23. | Ommaviy-madaniy va konsert-tomosha tadbirlarini har yili tasdiqlanadigan ommaviy-madaniy va konsert-tomosha tadbirlarining kalendar rejalari asosida o‘tkazishni joriy etish. | 2021-yil 1-yanvardan boshlab quyidagi tartibni belgilovchi Ommaviy-madaniy va konsert-tomosha tadbirlarining kalendar rejalarini shakllantirish va tasdiqlash tartibi to‘g‘risidagi nizom loyihasini ishlab chiqish va Vazirlar Mahkamasiga kiritish: kalendar rejalar madaniyat organlari tomonidan boshqa tashkilotlarning takliflari asosida respublika, Qoraqalpog‘iston Respublikasi, viloyatlar, Toshkent shahri, tumanlar va shaharlar miqyosida ishlab chiqiladi; kalendar rejalar tegishlicha Vazirlar Mahkamasi, Qoraqalpog‘iston Respublikasi Vazirlar Kengashi, viloyatlar, Toshkent shahar, tumanlar va shaharlar hokimliklarining qarorlari bilan tasdiqlanadi va ularning rasmiy saytlarida e’lon qilinadi; kalendar rejalarda o‘tkaziladigan har bir davlat tadbirining nomi, o‘tkaziladigan sanasi va joyi, davlat tadbirini o‘tkazish bo‘yicha buyurtmachi, moliyalashtirish manbalari, madaniyat organlari, boshqa davlat organlari va tashkilotlarining vazifalari ko‘rsatiladi; kalendar rejalarda boshqa davlat tadbirlari bilan bir qatorda olis hududlardagi aholining madaniy hordiq olishini ta’minlashga qaratilgan konsert-tomosha dasturlari ham nazarda tutiladi, bunda ushbu dasturlarda ishtirok etuvchilarning transport, turar joy va xizmat safarlari bilan bog‘liq xarajatlar tegishli kalendar rejada nazarda tutilgan mablag‘lar doirasida, mahalliy budjetlarning qo‘shimcha manbalari, jismoniy va yuridik shaxslarning homiylik xayriyalari va qonun hujjatlarida taqiqlanmagan boshqa manbalar hisobidan qoplanadi. | 2020-yil avgust | — | Madaniyat vazirligi (Nazarbekov), Moliya vazirligi (Ishmetov), manfaatdor vazirlik |
24. | Madaniyat va san’at sohasida amalga oshirilayotgan ishlar va ommaviy, madaniy, ma’rifiy, tomosha va informatsion dasturlar yoritilishini kengaytirish. | 1. Madaniyat va san’at sohasi vazirlik va idoralari hamda davlat va nodavlat ommaviy axborot vositalari, jumladan telekanallar bilan Media-piar rejasini ishlab chiqish bo‘yicha qo‘shma hamkorlik memorandumi loyihasini ishlab chiqish. 2. Tadbirlarni tashkil etish va yoritish bo‘yicha reja ishlab chiqish va tasdiqlash. 3. Tayyorlangan madaniy-ma’rifiy va ko‘ngilochar dasturlarning sifati va mazmuni yuzasidan aholi o‘rtasida ijtimoiy tarmoqlar orqali ochiq so‘rovlar o‘tkazish. | 2021-yildan boshlab muntazam | — | Axborot va ommaviy kommunikatsiyalar agentligi (Saidjonov), EOVAMA (Abduxoliqov), Madaniyat vazirligi (Nazarbekov), Yozuvchilar uyushmasi (Sayidov), Badiiy Akademiya (Nuridinov) |
V. Madaniyat, istirohat va hayvonot bog‘lari hamda madaniyat markazlari sohasida | |||||
25. | Madaniyat markazlari uchun yangi binolar qurish, rekonstruksiya qilish, kapital ta’mirlash va jihozlash. | 1. 2021 — 2024-yillarda yangi quriladigan, rekonstruksiya qilinadigan, kapital ta’mirlanadigan va jihozlanadigan madaniyat markazlarining manzilli ro‘yxatini ishlab chiqish. 2. Manzilli ro‘yxatni tasdiqlash bo‘yicha Vazirlar Mahkamasiga taklif kiritish. | 2020-yil oktyabr | O‘zbekiston Respublikasining rivojlanish davlat dasturi doirasida markazlashtirilgan manbalar, respublika budjeti mablag‘lari, Madaniyat va san’atni rivojlantirish jamg‘armasi mablag‘lari | Madaniyat vazirligi (Nazarbekov), Iqtisodiy taraqqiyot vazirligi (Ortiqov), Qoraqalpog‘iston Respublikasi Vazi�lar Kengashi, viloyatlar va Toshkent shahar hokimlari |
VI. Ilm-fan, ta’lim, kadrlar tayyorlash va malakasini oshirish sohasida | |||||
26. | Bolalar musiqa va san’at maktablari va madaniyat markazlarini musiqa cholg‘ulari bilan ta’minlash. | 1. Maktablarning musiqa cholg‘u asboblari bilan ta’minlanganlik darajasini xatlovdan o‘tkazish. 2. Musiqa cholg‘u asboblarini sotib olish bo‘yicha buyurtmalarni shakllantirish. 3. Maktablarni musiqa cholg‘u asboblari bilan ta’minlash. | 2020-yil iyul 2020-yil sentyabr | Davlat budjeti mablag‘lari | Madaniyat vazirligi (Nazarbekov), Moliya vazirligi (Ishmetov) |
27. | Aholi, jumladan, yoshlarning ijodiy salohiyatini ro‘yobga chiqarish uchun zarur shart-sharoitlarni yaratish va kengaytirish. | 1. Madaniyat va san’atning taniqli vakillari tomonidan o‘zbek va jahon klassik adabiyotining eng noyob asarlarini keng targ‘ib qilish bo‘yicha “Kitobga muhabbat”, “Men o‘qigan asar”, “Men sevgan qahramon” kabi xeshteg, fleshbomlarni tashkil etish. 2. Taniqli madaniyat va san’at vakillarining ijtimoiy tarmoqlardagi sahifalari va kanallarida mahorat darslarini tashkil etish, onlayn muloqotlar orqali iqtidorli yoshlarni aniqlash. 3. Taniqli madaniyat va san’at vakillarining ijodiy faoliyati bilan bir qatorda, ijtimoiy tarmoqlarda yosh avlodda vatanparvarlik immunitetini mustahkamlashga qaratilgan xeshteglari va onlayn translatsiyalari muhokamasini tashkil etish. | 2020-yil iyul o�idan boshlab muntazam | — | Madaniyat vazirligi (Nazarbekov), Yozuvchilar uyushmasi (Sayidov), Badiiy akademiya (Nuridinov), Yoshlar ittifoqi (Sa’dullayev), Axborot va ommaviy kommunikatsiyalar agentligi (Saidjonov), EOVAMA (Abduxoliqov) |
28. | O‘zbekiston davlat san’at va madaniyat institutida “ommaviy madaniy tadbirlarni tashkil etish” ta’lim yo‘nalishi va ushbu yo‘nalish bo‘yicha alohida kafedra tashkil etish. | 1. Oliy ta’lim uchun davlat buyurtmasini shakllantirishda “ommaviy tadbirlarni tashkil etish” ta’lim yo‘nalishini kiritish bo‘yicha taklif tayyorlash. 2. O‘zbekiston davlat san’at va madaniyat institutining tashkiliy tuzilmasiga o‘zgartirish kiritish. | 2021/2022 o‘quv yilidan boshlab | — | Madaniyat vazirligi (Nazarbekov), Oliy va o‘rta maxsus ta’lim vazirligi (Majidov), Iqtisodiyot taraqqiyot vazirligi (Ortiqov) |
29. | Adabiy yo‘nalishlar bo‘yicha “Yilning eng yaxshi asari” respublika tanlovini o‘tkazish. | 1. Tanlov nizomini ishlab chiqish. 2. Har bir nominatsiyaga taniqli adiblar nomini berish. 3. Hay’at kengashini shakllantirish. 4. Mukofot maqsadi va mazmun-mohiyati to‘g‘risida ommaviy axborot vositalarida targ‘ibot ishlarini olib borish. 5. G‘oliblarni taqdirlash marosimini tashkil etish. | 2021-yildan boshlab muntazam | “Ijod” va “Ilxom” jamoat fondlari mablag‘lari, homiylik xayriyalari | Yozuvchilar uyushmasi (Sayidov), Fanlar akademiya�i (Yo‘ldoshev), Respublika Ma’naviyat |
31. | Madaniyat va san’at sohasida kadrlar tayyorlash tizimini takomillashtirish. | 1. Madaniyat va san’at sohasida kadrlar tayyorlash tizimini takomillashtirish, shu jumladan quyidagilarni nazarda tutgan holda Vazirlar Mahkamasiga tak?i?lar kiritish: O‘zbekiston davlat konservatoriyasi hamda O‘zbekiston davlat san’at va madaniyat instituti faoliyati samaradorligini oshirish, Yunus Rajabiy nomidagi O‘zbek milliy musiqa san’ati instituti faoliyatini tashkil etish; Alisher Navoiy nomidagi O‘zbekiston davlat akademik katta teatri faoliyatini qo‘llab-quvvatlash; “O‘zbekiston davlat sirki” davlat muassasasi hududida Respublika Estrada va sirk kolleji uchun yangi zamonaviy bino qurish. | 2020-yil | — | Madaniyat vazirligi (Nazarbekov), manfaatdor vazirlik |
VII. Madaniyat turizmi sohasida | |||||
32. | “Samarkand Half Marathon” xalqaro yarim marafonini o‘tkazish. | 1. Ishtirokchilarni xalqaro yarim marafonga jalb qilish va ro‘yxatini shakllantirish. 2. Yarim marafonni har yili o‘tkazish to‘g‘risidagi qaror loyihasini ishlab chiqish va Vazirlar Mahkamasiga kiritish. 3. Yarim marafon doirasida ta’lim va madaniyat tadbirlarini o‘tkazish. 4. Yarim marafon va g‘oliblarni taqdirlash marosimini o‘tkazish. | 2020-yil noyabr har yili | Madaniyat va san’atni rivojlantirish jamg‘armasi, Turizmni rivojlantirish davlat qo‘mitasi va metsenatlik mablag‘lari | Madaniyat vazirligi (Nazarbekov), |
33. | Xorijiy davlatlar, shu jumladan Markaziy Osiyo va Kavkaz, MDHga a’zo davlatlar orasida alohida nufuzga ega bo‘lgan, har yili o‘tkaziladigan musiqa festivallari, musiqa tanlovlarining yakuniy konsert dasturlarini O‘zbekistonda o‘tkazish. | 1. O‘zbekiston Respublikasida o‘tkazish taklif etiladigan musiqa ta�birlarini aniqlash. 2. Musiqa tadbirlarining tashkilotchilari bilan muzokaralar o‘tkazish. 3. Musiqa tadbirlarini yuqori saviyada o‘tkazilishini tashkil etish. | 2021-yildan boshlab muntazam ravishda | Tashkilotchilarning o‘z mablag‘lari, budjetdan tashqari mablag‘lar | Madaniyat vazirligi (Nazarbekov), Tashqi ishlar vazirligi (Kamilov) |
34. | Xalqaro kamer va simfonik musiqa festivalini o‘tkazish. | 1. Festival o‘tkazish konsepsiyasini ishlab chiqish. 2. Hududlarda, festival o‘tkaziladigan joylarni belgilash. 3. Festival reja jadvalini tasdiqlash va tegishli vazirlik va idoralarga yuborish. | 2021-yildan boshlab har ikki yilda bir marta | Tashkilotchilarning o‘z mablag‘lari, homiylik xayriyalari | Madaniyat vazirligi (Nazarbekov), O‘zbekiston Kom?oz?torlar va bastakorlar uyushmasi (R.Abdullayev) |
35. | O‘zbekiston san’atini xalqaro miqyosda keng targ‘ib qilishni tashkil etish hamda ijodkorlarni qo‘llab-quvvatlash maqsadida “Jahon san’ati yarmarkasi”ni tashkil etish. | 1. Yarmarkani tashkil etish bo‘yicha hujjat loyihasini ishlab chiqish. 2. Hujjat loyihasini vazirlik va idoralar bilan kelishish. 3. Yarmarkaning targ‘ibot dasturlarini amalga oshirish. 4. Yarmarkaga mahalliy va jahonga mashhur xalqaro prodyuserlarni jalb etish choralarini ko‘rish. | 2021-yil kelishuv asosida | Madaniyat homiylik xayriyalari | Madaniyat vazirligi (Nazarbekov), Tashqi ishlar vazirligi (Kamilov), Axborot va ommaviy kommunikatsiyalar agentligi (Saidjonov) |
VIII. Madaniyat vazirligi va uning hududiy bo‘linmalari hamda madaniyat | |||||
36. | Madaniyat vazirligi hududiy boshqarmalarining moddiy-texnika bazasini mustahkamlash. | 1. Bir donadan Isuzu SAZ NP 26 rusumli transport vositalarini (“Avtoklub”) xarid qilish. 2. Transport vositalarini maxsus musiqiy texnik uskunalar bilan jihozlash. 3. Transport vositalarini Qoraqalpog‘iston Respublikasi Madaniyat vazirligi, viloyatlar madaniyat boshqarmalari va Toshkent shahar madaniyat bosh boshqarmasiga operativ boshqaruv huquqi asosida berish. | 2021-yil | Mahalliy budjet mablag‘lari | Qoraqalpog‘iston Respublikasi, Buxoro, Farg‘ona, Jizzax, Xorazm, Namangan, Qashqadaryo, Samarqand, Sirdaryo, Surxondaryo, Toshkent viloyatlari va Toshkent shahar hokimliklari |
37. | Qoraqalpog‘iston Respublikasi va viloyatlarda ko‘chma sirklar (shapito, dorbozlar guruhlari) hamda hayvonot bog‘lari tashkil etish, ularning moddiy-texnika bazasini mustahkamlash. | 1. Ko‘chma sirk (shapito, dorbozlar guruhlari) hamda hayvonot bog‘larini tashkil etish bo‘yicha tashabbuskorlarni aniqlash. 2. Zamonaviy infratuzilma sharoitlariga moslashgan hayvonot bog‘larini tashkil etish uchun joy ajratish. 3. Ko‘chma sirk (shapito, dorbozlar guruhlari) hamda hayvonot bog‘lari uchun zarur moddiy-texnika va maxsus avtotransport vositalari xarid qilish. 4. Ko‘chma sirklar (shapito, dorbozlar guruhlari) hamda hayvonot bog‘lari tashkil etish ishlarini moliyalashtirish uchun Qoraqalpog‘iston Respublikasi respublika budjeti va viloyatlar budjetlaridan ajratiladigan mablag‘larning yetishmaydigan qismini O‘zbekiston Respublikasining respublika budjetidan budjet tashkilotlari obyektlarini qo‘riqlash bo‘yicha xizmatlar to‘lovi bilan bog‘liq xarajatlarni maqbullashtirish hisobidan ajratish. | 2020-2021-yillar davomida | O‘zbekiston Respublikasining Davlat budjeti mablag‘lari | Qoraqalpog‘iston Respublikasi Vazirlar Kengashi va viloyatlar hokimlari, Madaniyat vazirligi (Nazarbekov), Moliya vazirligi (Ishmetov) |
38. | Madaniyat vazirligining tashkiliy tuzilmasi takomillashtirilishi munosabati bilan avtotransport vositalarini qayta ro‘yxatdan o‘tkazish, ko‘chmas mulk obyektlari va boshqa mol-mulkka bo‘lgan huquqlarni qayta rasmiylashtirish. | 1. Qayta tashkil etilayotgan, tugatilayotgan, o‘zgartirilayotgan va boshqa tashkilotlar tizimiga o‘tkazilayotgan tashkilotlarga biriktirilgan avtotransport vositalarini tegishli yig‘imlar va boshqa to‘lovlarni undirmagan holda ichki ishlar organlarida qayta ro‘yxatdan o‘tkazish. 2. Qayta tashkil etilayotgan, tugatilayotgan, o‘zgartirilayotgan va boshqa tashkilotlar tizimiga o‘tkazilayotgan tashkilotlarga biriktirilgan ko‘chmas mulk obyektlariga va boshqa mol-mulkka bo‘lgan huquqlarni tegishli yig‘imlar va boshqa to‘lovlarni undirmagan holda qayta rasmiylashtirish. | 2020-yil oxiriga qadar | — | Ichki ishlar vazirligi (Bobojonov), Madaniyat vazirligi (Nazarbekov) Yer resurslari, geodeziya, kartografiya va davlat kadastri davlat qo‘mitasi (Abdullayev), Madaniyat vazirligi (Nazarbekov) |
39. | Madaniyat vazirligi tizimidagi muassasalarni Internet jahon axborot tarmog‘iga ulash. | Ixtisoslashtirilgan madaniyat va san’at muassasalari, bolalar musiqa va san’at maktablari, davlat teatrlari, muzeylar va ularning filiallari hamda madaniyat markazlarini Internet jahon axborot tarmog‘iga ulash, optik tolali aloqa liniyalari bilan to‘liq ta’minlash choralarini ko‘rish. | 2023-yil oxiriga qadar | O‘zbekiston Respublikasining Davlat budjeti mablag‘lari, tashkilotlarning | Madaniyat vazirligi (Nazarbekov), Axborot texnologiyalari va kommunikatsiyalarini rivojlantirish vazirligi |
O‘zbekiston Respublikasi Prezidentining Farmoni, 26.05.2020 yildagi PF-6000-son
Kuchga kirish sanasi
27.05.2020
Рус
Ўзб
O’zb
O‘zb|Рус
So‘nggi yillarda O‘zbekiston Respublikasida milliy madaniyatni yanada rivojlantirish, yangi O‘zbekistonning yangi tarixini yaratish, moddiy va nomoddiy madaniy meros durdonalarini saqlash va targ‘ib etish, xalq og‘zaki ijodiyoti va havaskorlik san’atini yanada ommalashtirish, yurtimizning jahon madaniy makoniga faol integratsiyalashuvini ta’minlash, madaniyat va san’at sohasini innovatsion rivojlantirishga qaratilgan tizimli chora-tadbirlar amalga oshirildi. Xususan:
birinchidan, O‘zbekiston Respublikasi Prezidentining 2018-yil 28-noyabrdagi PQ-4038-son qarori bilan O‘zbekiston Respublikasida milliy madaniyatni yanada rivojlantirish konsepsiyasi (keyingi o‘rinlarda — Konsepsiya) va uni amalga oshirish bo‘yicha “yo‘l xaritasi” tasdiqlandi;
ikkinchidan, madaniyat va san’at tashkilotlarining “do‘stlar klublari” faoliyatini yo‘lga qo‘yish orqali ularni har tomonlama qo‘llab-quvvatlash, moddiy-texnika bazasini mustahkamlash bo‘yicha mutlaqo yangicha samarali tizim yaratildi;
uchinchidan, muzeylar renovatsiya dasturi qabul qilindi, o‘zbek xalqining ko‘hna va betakror san’ati namunasi bo‘lgan “Xorazm lazgisi” YUNESKOning Insoniyat nomoddiy madaniy merosining reprezentativ ro‘yxatiga kiritildi;
to‘rtinchidan, madaniy meros obyektlari va san’at ashyolarini restavratsiya qilish bo‘yicha milliy maktab, shuningdek, xalq cholg‘ulari, milliy raqs, maqom yo‘nalishlarida respublika ko‘rik-tanlovlari qayta tiklandi;
beshinchidan, mamlakatimizda muntazam ravishda o‘tkaziladigan Xalqaro maqom san’ati anjumani, Xalqaro baxshichilik san’ati festivali, “Sharq taronalari” xalqaro musiqa festivali, “Buyuk ipak yo‘li” xalqaro folklor san’ati festivali hamda “Raqs sehri” xalqaro festivali tashkil etilib, o‘zbek mumtoz va folklor san’atining noyob namunalari va an’analarini hamda madaniy muloqotni yanada rivojlantirish bo‘yicha samarali tizim yo‘lga qo‘yildi.
Shu bilan birga, Konsepsiyani amalga oshirish, sohada zamonaviy axborot-kommunikatsiya texnologiyalarini joriy etish, yuqori malakali kadrlarni tayyorlash, iste’dodli yosh ijodkorlarni izlab topish va qo‘llab-quvvatlash, ta’lim muassasalarini musiqa darsliklari, notalar to‘plamlari va o‘quv-metodik adabiyotlar bilan ta’minlashning yaxlit tizimi yaratilmagan.
Aholi, ayniqsa, olis hududlarda istiqomat qiladigan fuqarolarga madaniy dam olish xizmatlari ko‘rsatish darajasini oshirish, buning uchun respublikaning barcha hududlarida teatr, muzey, ko‘chma sirk va hayvonot bog‘lari faoliyatini doimiy ravishda yo‘lga qo‘yish dolzarb vazifa bo‘lib qolmoqda.
Yuqoridagi vazifalarni samarali amalga oshirish, madaniyat va san’at sohasidagi islohotlarni jadal davom ettirish, madaniyat organlari va muassasalari faoliyatini yanada takomillashtirish, shuningdek, 2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasining ijrosini ta’minlash maqsadida:
2020 — 2021-yillarda O‘zbekiston Respublikasida madaniyat va san’atni yanada rivojlantirishga doir qo‘shimcha chora-tadbirlar dasturi 1-ilovaga muvofiq;
O‘zbekiston Respublikasida milliy madaniyatni yanada rivojlantirish konsepsiyasining 2021 — 2025-yillarga mo‘ljallangan maqsadli ko‘rsatkichlari 2-ilovaga muvofiq tasdiqlansin.
Vazirlar Mahkamasi Konsepsiyani amalga oshirish bo‘yicha “yo‘l xaritalari” va chora-tadbirlar dasturlarini qabul qilishda mazkur bandga muvofiq tasdiqlanayotgan maqsadli ko‘rsatkichlarning bajarilishini ta’minlash bo‘yicha tadbirlarni nazarda tutsin.
konsert-tomosha faoliyatini litsenziyalash, litsenziatlarning davlat reyestrini yuritish, ularning faoliyati va erishgan natijalari haqidagi axborotlarni kiritib borish Konsert-tomosha faoliyati ishtirokchilarining yagona onlayn portali orqali amalga oshiriladi;
davlat organlari va tashkilotlarining asosiy vazifa va funksiyalaridan kelib chiqib, ularning tashabbuslari bilan o‘tkaziladigan ommaviy-madaniy va konsert-tomosha tadbirlari har yili tasdiqlanadigan ommaviy-madaniy va konsert-tomosha tadbirlarining kalendar rejalari (keyingi o‘rinlarda — kalendar rejalar) asosida o‘tkaziladi;
O‘zbekiston Respublikasi Prezidenti, Vazirlar Mahkamasi hamda mahalliy davlat hokimiyati organlarining kalendar rejalarda nazarda tutilmagan davlat tadbirlarini o‘tkazishni nazarda tutuvchi qarorlarida ushbu tadbirlarni tashkil etish bo‘yicha ko‘rsatiladigan xizmatlar bo‘yicha buyurtmachilar hamda ularni moliyalashtirish manbalari ko‘rsatiladi;
konsert-tomosha faoliyatini amalga oshiruvchi shaxslar tomonidan davlat organlari va boshqa tashkilotlarning buyurtmalariga asosan ko‘rsatiladigan barcha xizmatlar yozma va haq evaziga tuziladigan shartnoma asosida taqdim etiladi, konsert-tomosha faoliyatini amalga oshiruvchi davlat muassasalari xodimlari bilan tuzilgan mehnat shartnomalaridan kelib chiqadigan majburiyatlar bundan mustasno.
3. O‘zbekiston Respublikasi Madaniyat vazirligi (keyingi o‘rinlarda — Madaniyat vazirligi) va boshqa davlat organlari tomonidan davlat tadbirlari va boshqa tadbirlarga ijodkorlar va ijrochilarning jamoatchilik asosida jalb qilinishiga yo‘l qo‘yilmasligi belgilansin.
4. Madaniyat vazirligi, Moliya vazirligi, O‘zbekiston kompozitorlari va bastakorlari uyushmasi, Maktabgacha ta’lim vazirligi va Xalq ta’limi vazirligi 2020/2021 o‘quv yilidan boshlab notalar to‘plamlari va maxsus musiqiy adabiyotlarni O‘zbekiston Respublikasining Davlat budjeti mablag‘lari hisobidan chop etilishini va ularning ta’lim muassasalariga to‘liq yetkazilishini ta’minlasin.
5. 2020-yil 1-sentabrdan boshlab davlat organlari va tashkilotlari tizimidagi konsert, madaniyat saroylari va boshqa muassasalarda to‘liq jonli ijro asosida o‘tkazilgan konsert dasturlari uchun ijara to‘lovidan 50 foiz chegirma berish tartibi joriy etilsin.
6. Madaniyat va san’at sohasi vakillarining San’atkor, ijodkor va ijrochilarning mualliflik huquqlarini himoya qilish palatasini (keyingi o‘rinlarda — Palata) tashkil etish to‘g‘risidagi tashabbuslari qo‘llab-quvvatlansin.
Oldingi tahrirga qarang.
Madaniyat vazirligi Palata faoliyatining dastlabki bosqichlarida uni qo‘llab-quvvatlash uchun 1 mlrd so‘m ajratilishini ta’minlasin.
(6-bandning uchinchi xatboshisi O‘zbekiston Respublikasi Prezidentining 2021-yil 9-dekabrdagi PQ-36-sonli qarori tahririda — Qonunchilik ma’lumotlari milliy bazasi, 09.12.2021-y., 07/21/36/1143-son)
O‘zbekiston Respublikasi Bosh vazirining o‘rinbosari B.A. Musayev, madaniyat vaziri O.A. Nazarbekov Palata hamda mulkiy huquqlarni jamoaviy asosda boshqaradigan boshqa tashkilotlar faoliyatini tashkil etishga har tomonlama ko‘maklashsin.
7. Belgilansinki, mulkiy huquqlarni jamoaviy asosda boshqaruvchi tashkilotlar ularga bevosita huquq egalari yoki ularning merosxo‘rlari tomonidan berilgan vakolatlar doirasida da’vo bilan sudga murojaat qilgan taqdirda davlat bojini to‘lash muddati kechiktirilib, bu boj keyinchalik aybdor tarafdan undirib olinadi.
8. Madaniyat vazirligi tomonidan xarid qilingan, ommaviy ijroga mo‘ljallangan dramatik, musiqali va musiqali-dramatik asarlarni 2020-yil 1-sentabrdan boshlab xususiy teatrlarda ham sahnalashtirish va ijro etishga ruxsat berilsin.
Oldingi tahrirga qarang.
Bunda, xususiy teatrlarda sahnalashtirilgan hamda ijro etilgan asarlar uchun mualliflik haqi to‘lash har yili O‘zbekiston Respublikasining Davlat budjetidan ajratiladigan mablag‘lar doirasida amalga oshirilishi belgilansin.
(8-bandning ikkinchi xatboshisi O‘zbekiston Respublikasi Prezidentining 2021-yil 9-dekabrdagi PQ-36-sonli qarori tahririda — Qonunchilik ma’lumotlari milliy bazasi, 09.12.2021-y., 07/21/36/1143-son)
9. Boy tarixi, o‘zbek milliy qo‘g‘irchoq teatri maktabining shakllanishi va rivojidagi beqiyos hissasini inobatga olib, Respublika qo‘g‘irchoq teatriga O‘zbek Milliy qo‘g‘irchoq teatri nomi berilsin.
Madaniyat vazirligi va Moliya vazirligi Navoiy, Namangan, Sirdaryo va Toshkent viloyatlari hokimliklari bilan birgalikda ikki oy muddatda ushbu viloyatlarda qo‘g‘irchoq teatrlarini tashkil etish to‘g‘risidagi Hukumat qarori loyihasini Vazirlar Mahkamasiga kiritsin.
10. O‘zbekiston Respublikasi Iqtisodiy taraqqiyot va kambag‘allikni qisqartirish vazirligi, Moliya vazirligi, Madaniyat vazirligi, Qurilish vazirligi:
O‘zbekiston Respublikasining 2021 — 2023-yillarga mo‘ljallangan ijtimoiy va ishlab chiqarish infratuzilmasini rivojlantirish dasturlarida 2021-yilda Navoiy, Namangan, Sirdaryo, Qashqadaryo, Xorazm va Toshkent viloyatlari qo‘g‘irchoq teatrlari binolarini qurish, ularga ajratilgan binolarni rekonstruksiya qilish, zamonaviy uskunalar bilan jihozlash ishlarini nazarda tutsin;
2020-yilga mo‘ljallangan ijtimoiy va ishlab chiqarish infratuzilmasini rivojlantirish dasturi doirasida maqbullashtirilgan mablag‘lar hisobidan “O‘zbek davlat sirki” davlat muassasasining bino va inshootlarini rekonstruksiya qilish, qo‘shimcha ravishda hayvonlarni saqlash xonalarini qurish hamda zamonaviy uskunalar bilan jihozlash ishlarining to‘liq moliyalashtirilishini, shuningdek qurilish, rekonstruksiya va jihozlash ishlarini joriy yil oxiriga qadar to‘liq yakuniga yetkazib, foydalanishga topshirilishini ta’minlasin.
11. Qoraqalpog‘iston Respublikasi Vazirlar Kengashi va viloyatlar hokimliklari Madaniyat vazirligi va Moliya vazirligi bilan birgalikda 2020-2021-yillar davomida Qoraqalpog‘iston Respublikasi respublika budjeti, viloyatlar budjetlari mablag‘lari hisobidan har bir hududda ko‘chma sirklar (shapito, dorbozlar guruhlari) hamda hayvonot bog‘lari tashkil etilishi va doimiy faoliyat yuritishini ta’minlasin.
ko‘chma sirklar (shapito, dorbozlar guruhlari) tomonidan o‘tkaziladigan tomosha tadbirlariga ommaviy tadbir o‘tkazish uchun ruxsatnoma va ruxsat berish xususiyatiga ega boshqa hujjatlarni olish talab etilmaydi, bunda tadbir tashkilotchilari uni o‘tkazish joyi va vaqti to‘g‘risida ichki ishlar organlarini kamida 10 kun oldin yozma ravishda xabardor qiladi;
ichki ishlar organlari, Milliy gvardiya va Favqulodda vaziyatlar vazirligi organlari ko‘chma sirklar (shapito, dorbozlar guruhlari) tomonidan o‘tkaziladigan tomosha tadbirlarida jamoat tartibi va yong‘in xavfsizligini to‘lov undirilmagan holda ta’minlaydi;
davlat organlari va tashkilotlari tizimidagi madaniyat va istirohat bog‘lari, sport inshootlari, sayilgohlar va boshqa ochiq hududlarda ko‘chma sirklar (shapito, dorbozlar guruhlari) tomonidan tomosha tadbirlari o‘tkazish uchun ijara va boshqa turdagi to‘lovlar undirilmaydi;
nomoddiy madaniy meros obyektlarini (dorboz, askiya va lapar) asrash va ulardan foydalanish faoliyati O‘zini o‘zi band qilgan fuqarolarga vaqtinchalik mehnat guvohnomalari beriladigan faoliyat (xizmatlar, ishlar) turlari ro‘yxatiga kiradi (madaniyat markazlari tarkibida faoliyat yuritayotgan shaxslar bundan mustasno) va ularning ushbu faoliyatdan olingan daromadlariga jismoniy shaxslardan olinadigan daromad solig‘i tatbiq etilmaydi.
Madaniyat vazirligi markaziy apparati tuzilmasida madaniyat muassasalari va havaskorlik san’atini rivojlantirish, sohada axborot texnologiyalarini keng joriy etish va raqamlashtirish masalalariga mas’ul vazir o‘rinbosari lavozimi joriy etilsin;
O‘zbekiston davlat konservatoriyasining “O‘zbek maqom san’ati fakulteti” hamda O‘zbekiston davlat san’at va madaniyat institutining tegishli ta’lim yo‘nalishlari va mutaxassisliklari negizida maqom ijrochiligi, baxshichilik va katta ashula yo‘nalishlari bo‘yicha kadrlar tayyorlovchi tayanch oliy ta’lim muassasasi — Yunus Rajabiy nomidagi O‘zbek milliy musiqa san’ati instituti tashkil etilsin;
Oldingi tahrirga qarang.
(13-bandning to‘rtinchi xatboshisi O‘zbekiston Respublikasi Prezidentining 2023-yil 25-dekabrdagi PF-214-sonli Farmoniga asosan chiqarilgan — Qonunchilik ma’lumotlari milliy bazasi, 29.12.2023-y., 06/23/214/0984-son)
Respublika ixtisoslashtirilgan estrada va sirk maktabi Karim Zaripov nomidagi Respublika estrada va sirk kolleji etib qayta tashkil etilsin;
V. Uspenskiy va R. Glier nomidagi Respublika ixtisoslashtirilgan musiqa akademik litseylari maktab-internatlar uchun belgilangan imtiyozlarni tatbiq qilgan holda tegishlicha V. Uspenskiy va R. Glier nomidagi Respublika ixtisoslashtirilgan musiqa maktablariga aylantirilsin.
O‘zbekiston davlat konservatoriyasi huzuridagi Iqtidorli bolalar akademik litseyi hamda Toshkent ixtisoslashtirilgan madaniyat maktabi negizida Madaniyat vazirligi tizimida Respublika musiqa va san’at kolleji tashkil etilsin;
14. 2020-yil sentyabr oyidan boshlab davlat muzeylarida har oyning birinchi yakshanbasi “ochiq eshiklar kuni” deb e’lon qilinsin.
Belgilansinki, “ochiq eshiklar kuni”da fuqarolar muzey ashyolari va muzey kolleksiyalarini kirib ko‘rish uchun davlat muzeylariga bepul kiritiladi.
15. Madaniyat vazirligi, Moliya vazirligi, Qoraqalpog‘iston Respublikasi Vazirlar Kengashi va viloyatlar hokimliklari 2020 — 2025-yillar davomida bosqichma-bosqich har bir tuman va shaharda tarix va madaniyat davlat muzeylarining filiallari shaklida o‘lkashunoslik muzeylari tashkil etilishi va O‘zbekiston Respublikasi Davlat budjeti hisobidan moliyalashtiriladigan muzeylar, ularning filial va bo‘limlari ro‘yxatiga kiritilishini ta’minlasin.
16. O‘zbekiston davlat san’at muzeyiga — san’at sohasidagi, O‘zbekiston tarixi davlat muzeyiga — madaniyat va tarix sohasidagi barcha muzeylar faoliyatini ilmiy-tadqiqot va metodik jihatdan muvofiqlashtirish, ularning ushbu yo‘nalishlardagi o‘zaro hamkorligini ta’minlash, kadrlarning ilmiy salohiyatini oshirish vazifasi yuklansin.
Madaniyat vazirligi va Fanlar akademiyasi 2021-yil 1-yanvarga qadar O‘zbekiston davlat san’at muzeyi va O‘zbekiston tarixi davlat muzeyida muzeyshunoslik, san’atshunoslik, madaniyatshunoslik yo‘nalishlarida qonun hujjatlarida belgilangan tartibda ixtisoslashtirilgan ilmiy kengashlar va ilmiy-metodik kengashlar tashkil etish choralarini ko‘rsin.
Madaniyat vazirligi Moliya vazirligi hamda Bandlik va mehnat munosabatlari vazirligi bilan birgalikda ikki oy muddatda 2021-yil 1-yanvardan boshlab muzeylarning ilmiy darajaga ega bo‘lgan xodimlarining bazaviy lavozim maoshlarini oshirish bo‘yicha Vazirlar Mahkamasiga taklif kiritsin.
17. O‘zbekiston Respublikasi Vazirlar Mahkamasi bir oy muddatda yetakchi ijodiy tashkilotlarning “do‘stlar klublari”ni tashkil etish bo‘yicha ijobiy tajribasini muzeylar sohasiga tatbiq etilishini ta’minlasin.
18. O‘zbekiston Respublikasi Oliy Majlisi palatalari, Madaniyat vazirligi, “O‘zbekkino” milliy agentligi, O‘zbekiston Badiiy akademiyasi, O‘zbekiston Yozuvchilar uyushmasi, O‘zbekiston kompozitorlari va bastakorlari uyushmasi, O‘zbekiston teatr arboblari uyushmasi, Respublika Ma’naviyat va ma’rifat markazi hamda keng jamoatchilikning madaniyat va san’atning jamiyatimiz ijtimoiy-ma’naviy hayotida tutgan o‘rnini hisobga olib, soha xodimlarini qo‘llab-quvvatlash maqsadida 15-aprel sanasini “O‘zbekiston Respublikasi madaniyat va san’at xodimlari kuni” deb e’lon qilish to‘g‘risidagi taklifi ma’qullansin.
Madaniyat vazirligi o‘n kun muddatda “O‘zbekiston Respublikasi madaniyat va san’at xodimlari kuni”ni belgilash bo‘yicha qonun loyihasini belgilangan tartibda Vazirlar Mahkamasiga kiritsin.
19. O‘zbekiston Respublikasi Prezidentining 2019-yil 14-yanvardagi “Davlat aktivlarini boshqarish, monopoliyaga qarshi kurashishni tartibga solish tizimini va kapital bozorini tubdan takomillashtirish chora-tadbirlari to‘g‘risida”gi PF-5630-son Farmoni 6-bandining “a” kichik bandi birinchi xatboshisi “davlat mulki hisoblangan moddiy madaniy merosning ko‘chmas mulk obyektlari bundan mustasno” so‘zlari bilan to‘ldirilsin.
ikki hafta muddatda O‘zbekiston Respublikasi Prezidentining “O‘zbekiston Respublikasi Madaniyat vazirligi faoliyatini takomillashtirish chora-tadbirlari to‘g‘risida”gi qarori loyihasini;
ikki oy muddatda qonun hujjatlariga ushbu Farmondan kelib chiqadigan o‘zgartirish va qo‘shimchalar to‘g‘risidagi takliflarni Vazirlar Mahkamasiga kiritsin.
21. Mazkur Farmonning ijrosini nazorat qilish O‘zbekiston Respublikasi Prezidentining maslahatchisi A.A. Abduvaxitov va O‘zbekiston Respublikasi Bosh vazirining o‘rinbosari B.A. Musayev zimmasiga yuklansin.
Oldingi tahrirga qarang.
(1-ilova O‘zbekiston Respublikasi Prezidentining 2023-yil 25-dekabrdagi PF-214-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 29.12.2023-y., 06/23/214/0984-son)