O‘zbekiston Respublikasi Prezidentining “Diniy-ma’rifiy soha faoliyatini tubdan takomillashtirish chora-tadbirlari to‘g‘risida” 2018-yil 16-apreldagi PF-5416-son Farmoniga muvofiq hamda O‘zbekiston xalqaro islom akademiyasining akademik litseyi moddiy-texnik bazasini mustahkamlash maqsadida:

1. O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita, O‘zbekiston Respublikasi Oliy va o‘rta maxsus ta’lim vazirligi, Davlat aktivlarini boshqarish agentligi hamda O‘zbekiston musulmonlari idorasining Toshkent shahar, Shayxontohur tumani, Samarqand Darboza ko‘chasi, 60-uy manzilida joylashgan Toshkent kimyo-texnologiya instituti (sobiq Toshkent mehmonxona xo‘jaligi va servis kasb-hunar kolleji) binosining 4 va 5-qavatlarini tegishli jihozlari bilan birgalikda O‘zbekiston xalqaro islom akademiyasining akademik litseyiga operativ boshqaruv huquqi asosida tekin berish to‘g‘risidagi taklifi ma’qullansin.

2. O‘zbekiston Respublikasi Oliy va o‘rta maxsus ta’lim vazirligi bir oy muddatda mazkur farmoyishning 1-bandida nazarda tutilgan obyektlarning O‘zbekiston xalqaro islom akademiyasining akademik litseyiga belgilangan tartibda topshirilishi, O‘zbekiston xalqaro islom akademiyasining akademik litsey esa ularning qabul qilib olinishini ta’minlasin.

3. Vazirlar Mahkamasining 2018-yil 18-apreldagi 303-F-son farmoyishiga ilovadan 27-pozitsiya chiqarib tashlansin.

4. Mazkur farmoyishning bajarilishini nazorat qilish Vazirlar Mahkamasining Mahalla, oila va yoshlarni qo‘llab-quvvatlash, madaniyat, ma’naviyat va jamoat tashkilotlari masalalari kotibiyatiga yuklansin.