O‘zbekiston Respublikasining “Ilm-fan va ilmiy faoliyat to‘g‘risida”gi Qonuni hamda O‘zbekiston Respublikasi Prezidentining “2019 — 2023-yillarda Mirzo Ulug‘bek nomidagi O‘zbekiston Milliy universitetida talab yuqori bo‘lgan malakali kadrlar tayyorlash tizimini tubdan takomillashtirish va ilmiy salohiyatni rivojlantirish chora-tadbirlari to‘g‘risida” 2019-yil 17-iyundagi PQ-4358-son qaroriga muvofiq, shuningdek, kadrlar salohiyatini oshirish, ilm-fan va ta’lim sohasida yuqori malakali kadrlarning bilim va tajribalarini amalda qo‘llashni moliyaviy rag‘batlantirish uchun qo‘shimcha shart-sharoitlar yaratish maqsadida Vazirlar Mahkamasi qaror qiladi:

1. Ilm-fan va ta’lim sohasidagi davlat tashkilotlarida (keyingi o‘rinlarda tashkilot deb ataladi) ilmiy-pedagogik va mehnat faoliyati bilan shug‘ullanuvchi xodimlarning lavozim maoshiga:

fan nomzodi yoki falsafa doktori (PhD) (yoki xorijiy mamlakatlarda ularga tenglashtirilgan darajalar) (keyingi o‘rinlarda falsafa doktori deb ataladi) ilmiy darajasiga ega shaxslar uchun — lavozim maoshining 30 foizigacha;

fan doktori (Doctor of Science) (yoki xorijiy mamlakatlarda unga tenglashtirilgan daraja) (keyingi o‘rinlarda fan doktori deb ataladi) ilmiy darajasiga ega shaxslar uchun — lavozim maoshining 60 foizigacha qo‘shimcha haq to‘lash tizimi joriy etilsin.

2. Ilm-fan va ta’lim sohasidagi davlat tashkilotlarida ilmiy, ilmiy-pedagogik va mehnat faoliyati bilan shug‘ullanuvchi ilmiy darajaga ega xodimlarga qo‘shimcha haq to‘lash tartibi to‘g‘risidagi nizom 1-ilovaga muvofiq tasdiqlansin.

3. Belgilansinki:

a) qo‘shimcha haq ushbu qarorga muvofiq tegishli mezonlarni bajarilishini baholash natijalari bo‘yicha hamda tarkibiy bo‘linma rahbarining ishchi komissiyaga taqdimnomasi va tashkilot kollegial organi qarori asosida har bir xodimning ilmiy-pedagogik va mehnat faoliyatiga qo‘shgan aniq hissasini hisobga olgan holda belgilanadi;

b) ushbu qaror bilan joriy etilayotgan qo‘shimcha oylik va bir martalik to‘lovlar miqdori bir oyda — falsafa doktori ilmiy darajasiga ega xodimlar uchun lavozim maoshining 30 foizidan hamda fan doktori ilmiy darajasiga ega xodimlar uchun lavozim maoshining 60 foizidan oshmasligi kerak;

v) O‘zbekiston Respublikasi Davlat budjetidan moliyalashtiriladigan ilm-fan va ta’lim sohasidagi davlat tashkilotlari xodimlariga ushbu qarorga muvofiq qo‘shimcha haq belgilanishi bilan bog‘liq xarajatlarni moliyalashtirish O‘zbekiston Respublikasi Davlat budjeti mablag‘lari hisobidan amalga oshiriladi;

g) ushbu qarorga muvofiq qo‘shimcha haq to‘lash bilan bog‘liq bo‘lgan xarajatlarni moliyalashtirish uchun O‘zbekiston Respublikasi Davlat budjeti mablag‘lari hajmini rejalashtirish falsafa doktori ilmiy darajasiga ega xodimlar lavozim maoshining 30 foizi miqdorida qo‘shimcha haq va fan doktori ilmiy darajasiga ega bo‘lgan xodimlar lavozim maoshining 60 foizi miqdoridagi qo‘shimcha haqning eng ko‘p hajmi ilmiy darajaga ega bo‘lgan xodimlarning haqiqiy sonidan kelib chiqqan holda band bo‘lgan shtat birligi soni bo‘yicha amalga oshiriladi;

4. Tashkilotning kollegial organi (keyingi o‘rinlarda — kollegial organ) ushbu Nizomga muvofiq muayyan mezonlar asosida ishchi komissiya majlisining xulosasiga ko‘ra xodimga qo‘shimcha haq miqdori va to‘lov davrini belgilash to‘g‘risida qaror qabul qiladi.

Bunda, kollegial organ xodimga belgilangan qo‘shimcha haq miqdorining to‘g‘ri belgilanishiga javobgar hisoblanadi.

5. Tizimida tashkilotlar mavjud bo‘lgan vazirlik va idoralar Innovatsion rivojlanish vazirligi bilan birgalikda:

ushbu qarorga muvofiq xodimlarga qo‘shimcha haq belgilanishining asoslanganligi, shuningdek, ularni to‘lash uchun ajratilgan mablag‘lardan maqsadli foydalanilishini doimiy nazorat qilib borsin;

har yili 25-dekabrga qadar O‘zbekiston Respublikasi Moliya vazirligiga ushbu qarorga muvofiq qo‘shimcha haq to‘lash huquqiga ega bo‘lgan xodimlarning band bo‘lgan shtat birligi soni to‘g‘risida, shuningdek, ularni to‘lash uchun ajratilgan mablag‘lar, shu jumladan, moliya yili oxirida sarf qilinmagan moliya hajmi to‘g‘risidagi ma’lumotlarni taqdim etib borsin;

bir oy muddatda manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni ushbu qarorga muvofiqlashtirsin.

7. Mazkur qarorning bajarilishini nazorat qilish O‘zbekiston Respublikasi innovatsion rivojlanish vaziri I.Yu. Abdurahmonov hamda Vazirlar Mahkamasining Telekommunikatsiyalar, IT-texnologiyalar va innovatsion faoliyatni rivojlantirish, axborot xavfsizligini ta’minlash kotibiyati zimmasiga yuklansin.

1. Ushbu Nizom ilm-fan, ta’lim va tajriba-konstruktorlik sohasidagi davlat tashkilotlarida ilmiy, ilmiy-pedagogik va mehnat faoliyati bilan shug‘ullanuvchi ilmiy darajaga ega xodimlarga (shu jumladan harbiy xizmatchilar va huquqni muhofaza qilish organlari hamda davlat sud-ekspertiza muassasalarining xodimlariga) qo‘shimcha haq to‘lash tartibini belgilaydi.

2. Ilm-fan va ta’lim sohasidagi davlat tashkilotlarining fan nomzodi yoki falsafa doktori (PhD) ilmiy darajasiga (yoki xorijiy mamlakatlarning ularga tenglashtirilgan darajasiga) yoki fan doktori (DSc) ilmiy darajasiga (yoki xorijiy mamlakatlarning unga tenglashtirilgan darajasiga) ega bo‘lgan xodimlariga asosiy ish joyi bo‘yicha ushbu Nizomga muvofiq qo‘shimcha haq belgilanadi.

3. Nizomda quyidagi asosiy tushunchalar qo‘llaniladi:

lavozim maoshi — kalendar oyi uchun muayyan murakkablikdagi mehnat (lavozim) vazifalarini bajarish uchun xodimning mehnatiga haq to‘lashning qonunchilik hujjatlariga muvofiq belgilangan miqdori (kompensatsiya, rag‘batlantirish va ijtimoiy to‘lovlar, nafaqalar va boshqa qo‘shimcha to‘lovlarni hisobga olmagan holda);

qo‘shimcha haq — xodimlar mehnatining sifati va natijadorligini rag‘batlantirish maqsadida belgilangan lavozim maoshiga nisbatan foiz hisobida belgilangan to‘lov;

bir martalik qo‘shimcha haq — amalga oshirilgan muayyan ish bo‘yicha natijaga erishilgani uchun to‘lanadigan bir martalik qo‘shimcha to‘lov;

har oylik qo‘shimcha haq — amalga oshirilgan muayyan ish bo‘yicha natijaga erishilgani uchun har oyda to‘lanadigan qo‘shimcha to‘lov;

ilm-fan va ta’lim sohasidagi davlat tashkiloti (keyingi o‘rinlarda tashkilot deb ataladi) — ustav asosida ilmiy va ta’lim faoliyati bilan shug‘ullanuvchi budjet tashkiloti yoki budjet mablag‘lari oluvchi tashkilot;

intellektual faoliyat natijasi — intellektual mulk obyekti, shu jumladan, fan, adabiyot, san’at, ijro, fonogramma, efir yoki kabel orqali namoyish etilgan ko‘rsatuvlar, ixtirolar, foydali modellar, sanoat namunalari, seleksiya yutuqlari, elektron hisoblash mashinalari uchun dasturlar, ma’lumotlar bazalari, oshkor qilinmagan ma’lumotlar, shu jumladan, ishlab chiqarish sirlari (nou-xau), tovar belgilari, firma nomlari, tovar kelib chiqqan joy nomlari va qonunchilik hujjatlarida nazarda tutilgan intellektual faoliyat natijasi.

4. Tashkilotning kollegial organi (keyingi o‘rinlarda kollegial organ deb ataladi) ushbu Nizomga muvofiq muayyan mezonlar asosida tarkibiy bo‘linma rahbarining tavsiyasiga ko‘ra xodimga qo‘shimcha haq miqdori va to‘lov davrini belgilash to‘g‘risida qaror qabul qiladi.

Tashkilot rahbari uchun ushbu Nizomga muvofiq qo‘shimcha haq belgilash yuqori turuvchi tashkilot roziligi bilan amalga oshiriladi.

Erishilgan natijalarning mezonlarga muvofiqligini baholash taqdim etilgan tasdiqlovchi hujjatlarga asosan amalga oshiriladi.

Kollegial organ qo‘shimcha haq belgilash to‘g‘risida qabul qilingan qarorning xolisligi uchun mas’ul hisoblanadi.

Tashkilotning yuqori turuvchi organlari qo‘shimcha haq belgilash bo‘yicha kollegial organlar ishini tashkil etish tartibini tasdiqlaydi.

5. Qo‘shimcha haq xodim tomonidan mazkur Nizomda ko‘rsatilgan mezonlar bo‘yicha bajargan ishlari uchun belgilanadi.

Qo‘shimcha haq to‘lashda erishilgan natijalar bir marta hisobga olinadi.

Xodimning tegishli ilmiy darajaga ega bo‘lmagan davrining faoliyat natijalari hisobga olinmaydi.

6. Qo‘shimcha haqning bir martalik yoki oylik shakli joriy yilda oxirgi 12 oy davomidagi (kalendar yil yakunlari) faoliyati natijalari tahliliga ko‘ra belgilanadi.

Qo‘shimcha oylik to‘lov belgilashning eng ko‘p muddati 12 oydan oshmasligi kerak.

Ilm-fan va ta’lim sohasidagi davlat tashkilotlarida ilmiy, ilmiy-pedagogik va mehnat faoliyati bilan shug‘ullanuvchi ilmiy darajaga ega xodim boshqa ilm-fan va ta’lim sohasidagi davlat tashkilotiga ishga o‘tgan taqdirda, unga qo‘shimcha haq belgilashda ushbu Nizomda belgilangan talablar asosida faoliyati natijalari hisobga olinadi.

7. Qo‘shimcha haq xodim asosiy lavozim bo‘yicha egallab turgan stavkasiga mutanosib ravishda har oyda hisoblanadigan bazaviy lavozim maoshiga nisbatan belgilanadi, bunda xodimning ta’til davri uchun qo‘shimcha haq to‘lov amalga oshirilmaydi.

Bunda, ushbu bandda nazarda tutilgan tartib oliy ta’lim muassasalari va ilmiy tashkilotlarning tasdiqlangan shtatlar jadvalida turuvchi asosiy ish faoliyati faqat ilmiy loyiha rahbari yoki ishtirokchisi bo‘lgan ilmiy xodimlar lavozim maoshiga nisbatan ham tatbiq etiladi.

9. Lavozim maoshiga har oylik qo‘shimcha haq xodimning faoliyati natijalari asosida quyidagicha o‘rnatilishi mumkin:

a) oliy ta’lim muassasasi elektron platformasiga o‘quv yuklamasida nazarda tutilganidan tashqari mustaqil ishlab chiqilgan va o‘quv jarayonida foydalanilayotgan o‘z o‘quv uslubiy majmualarini (modul dasturi, o‘quv kontenti, muammoli vaziyat, kazus test, video dars) joylashtirganligi uchun;

har bir majmua (modul) uchun o‘zbek yoki rus tilida, shuningdek, chet tili mutaxassisliklari bo‘yicha lavozim maoshiga nisbatan 5 foizgacha;

xorijiy tilda (til mutaxassisligidan tashqari) har bir majmua (modul) uchun lavozim maoshiga nisbatan 10 foizgacha belgilanadi.

Mazkur talab asosida umumiy qo‘shimcha haq lavozim maoshiga nisbatan bir oyda 15 foizdan oshmasligi lozim;

b) hamkor tashkilotlar bilan birgalikda ilmiy yoki laboratoriya vositalaridan keng foydalangan holda yangi o‘quv mahsulotlari (trening kurslari, uslubiy ta’minotli o‘yinlar, uslubiy qo‘llanmalar)ni ishlab chiqqani va joriy etgani uchun:

o‘zbek yoki rus tilida, shuningdek, til mutaxassisliklari bo‘yicha chet tilida har bir mahsulot (majmua) uchun lavozim maoshiga nisbatan 10 foizgacha;

xorijiy tilda (til mutaxassisliklaridan tashqari) har bir mahsulot (majmua) uchun lavozim maoshiga nisbatan 20 foizgacha belgilanadi.

Mazkur talab asosida umumiy qo‘shimcha haq lavozim maoshiga nisbatan bir oyda 30 foizdan oshmasligi lozim;

v¹) ixtisoslashgan ilmiy kengashlar huzuridagi ixtisosliklar bo‘yicha (chet tili va mutaxassislik fanlaridan) malakaviy imtihon komissiyasi hamda oliy ta’limdan keyingi ta’limning barcha shakllarida o‘qishga talabgorlarni tanlov olish uchun kirish imtihonlar va izlanuvchilarni monitoringdan o‘tkazish jarayonida komissiya (ishchi guruh) a’zosi bo‘lganligi uchun lavozim maoshiga nisbatan 5 foiz miqdorida belgilanadi.

Mazkur talab asosida umumiy qo‘shimcha haq lavozim maoshiga nisbatan bir oyda 15 foizdan oshmasligi lozim.

g) oliy ta’lim muassasalarning birinchi mingtalik (top-1000) yoki fan yo‘nalishlari bo‘yicha birinchi yuztalik (top-100) xalqaro (Quacquarelli Symonds World University Rankings, Times Nigher Education yoki Academic Ranking of World Universities) reytinglarga kirgan oliy ta’lim muassasalarining onlayn ta’lim platformalariga kiritilgan yoki sayyor shaklda o‘tkazilgan har bir ma’ruza uchun lavozim maoshiga nisbatan 15 foizgacha belgilanadi.

Mazkur talab asosida umumiy qo‘shimcha haq lavozim maoshiga nisbatan bir oyda 30 foizdan oshmasligi lozim;

g¹) davlat ilmiy dasturlari loyihalarini ko‘rib chiqadigan ilmiy-texnik kengashlarda har bir a’zolik (ishtirok etganlik) uchun lavozim maoshiga nisbatan 15 foizgacha belgilanadi.

Mazkur talab asosida umumiy qo‘shimcha haq lavozim maoshiga nisbatan bir oyda 30 foizdan oshmasligi lozim.

e) ilmiy darajalar beruvchi xorijiy ilmiy, ekspertlik, ilmiy-texnik kengashlarda a’zolik (ishtirok etish) uchun lavozim maoshiga nisbatan 30 foizgacha belgilanadi.

Mazkur talab asosida umumiy qo‘shimcha haq lavozim maoshiga nisbatan bir oyda 30 foizdan oshmasligi lozim;

z) Scopus, Web of Science indeksatsiyalangan ma’lumotlar bazalariga kirgan jurnallarda e’lon qilingan maqola (monografiya) uchun har bir muallifga lavozim maoshiga nisbatan quyidagicha belgilanadi. Bunda:

1. birinchi kvartilga (Q1) kirgan jurnallarda e’lon qilingan maqola uchun har bir muallifga lavozim maoshiga nisbatan 30 foizgacha;

2. ikkinchi kvartilga (Q2) kirgan jurnallarda e’lon qilingan maqola uchun har bir muallifga lavozim maoshiga nisbatan 20 foizgacha;

3. uchinchi kvartilga (Q3) kirgan jurnallarda e’lon qilingan maqola uchun har bir muallifga lavozim maoshiga nisbatan 15 foizgacha;

4. to‘rtinchi kvartilga (Q4) va boshqa umume’tirof etilgan indeksatsiyalangan ma’lumotlar bazalaridagi jurnallarda chop etilgan maqolalarning har bir muallifiga lavozim maoshiga nisbatan 5 foizgacha;

5. Scopus, Web of Science indeksatsiyalangan ma’lumotlar bazalarda konferensiya materiallarida e’lon qilingan har bir ma’ruza muallifiga lavozim maoshiga nisbatan 5 foizgacha;

6. mahalliy ilmiy jurnallarda chop etilgan maqola uchun tashkilot (bir nechta muallif bo‘lgan taqdirda, teng miqdorda taqsimlangan holda) lavozim maoshiga nisbatan 5 foizgacha;

7. respublikada chop etilgan yakka mualliflikdagi monografiya va qo‘lyozma uchun lavozim maoshiga nisbatan 10 foizgacha;

8. noyob qo‘lyozmalarni ilmiy muomalaga kiritgan nashr muallifiga (bir nechta muallif bo‘lgan taqdirda, teng miqdorda taqsimlangan holda) lavozim maoshiga nisbatan 10 foizgacha;

i) o‘quv jarayonida amaliy qo‘llaniladigan yoki ishlab chiqarishga joriy qilingan intellektual faoliyat natijasi hamda o‘rnatilgan tartibda ro‘yxatdan o‘tkazilgan darslik, o‘quv qo‘llanma, tadqiqotni amaliyotga joriy qilinganligi haqida markaziy davlat organlari va davlat boshqaruv organlarining dalolatnomasi borligi uchun lavozim maoshiga nisbatan 15 foizgacha miqdorida belgilanadi.

Mazkur talab asosida umumiy qo‘shimcha haq lavozim maoshiga nisbatan bir oyda 15 foizdan oshmasligi lozim.

k) har bir ixtiro va/yoki foydali modelga patent olganlik uchun muallifga (bir nechta muallif bo‘lgan taqdirda, xorijiy hammualliflar va ilmiy darajaga ega bo‘lmaganlardan tashqari, faqat ilmiy darajalilar o‘rtasida teng miqdorda taqsimlangan holda) lavozim maoshiga nisbatan belgilanadi. Bunda:

har bir ixtiroga patent (elektron hisoblash mashinalari uchun yaratilgan dasturning rasmiy ro‘yxatdan o‘tkazilganligi to‘g‘risidagi guvohnoma bundan mustasno) olganlik uchun har bir muallifga lavozim maoshiga nisbatan 20 foizgacha;

har bir foydali modelga patent (elektron hisoblash mashinalari uchun yaratilgan dasturning rasmiy ro‘yxatdan o‘tkazilganligi to‘g‘risidagi guvohnoma bundan mustasno) olganlik uchun har bir muallifga lavozim maoshiga nisbatan 15 foizgacha.

Mazkur talab asosida umumiy qo‘shimcha haq lavozim maoshiga nisbatan bir oyda 30 foizdan oshmasligi lozim;

l) ilmiy, ilmiy-ommabop jurnallar tahrir hay’ati a’zoligi uchun:

mahalliy jurnallarda lavozim maoshiga nisbatan 15 foizgacha;

xorijiy jurnallarda lavozim maoshiga nisbatan 30 foizgacha belgilanadi.

Mazkur talab asosida umumiy qo‘shimcha haq lavozim maoshiga nisbatan bir oyda 30 foizdan oshmasligi lozim.

10. Lavozim maoshiga bir martalik qo‘shimcha haq ma’lum bir davr uchun erishilgan natijalar yig‘indisidan kelib chiqqan holda yoki quyidagi zarur shartlar bajarilganda belgilanadi:

b) dissertatsiyaning o‘z vaqtida yoki muddatidan oldin himoya qilinishini ta’minlaganligi uchun:

falsafa doktorlari (PhD) ilmiy rahbarlariga lavozim maoshiga nisbatan 30 foizgacha;

fan doktorlari (DSc) ilmiy maslahatchilariga lavozim maoshiga nisbatan 60 foizgacha;

v) tashkilotning mezbon sifatida ishtirok etadigan nufuzli xalqaro konferensiyani (simpozium, davra suhbati) tashkil etganligi uchun, xodimning qo‘shgan hissasini hisobga olgan holda lavozim maoshiga nisbatan 60 foizgacha;

g) xorijiy mamlakatlarda tashkil qilingan ilmiy-pedagogik faoliyatga oid xalqaro tadbirlarda (forumlar, konferensiyalar, kongresslar, anjumanlar va boshqalar) taklifga asosan ma’ruza bilan qatnashganligiga har bir ishtiroki uchun lavozim maoshiga nisbatan 30 foizgacha;

d) xorijiy xalqaro ko‘rgazmalarda o‘zlarining ilmiy yutuqlarini ommalashtirishda rasmiy ishtirok etganligiga har bir ko‘rgazma uchun lavozim maoshiga nisbatan 30 foizgacha;

e) ixtisoslashgan xalqaro ma’lumotlar bazasiga kiritilgan har bir ilmiy nashr (monografiya, ilmiy referat, informatsion referat, uslubiy ishlanmalar, tavsiyalar, tezislar, shuningdek ilmiy konferensiya materiallari, ilmiy maqolalar, ilmiy ishlar to‘plamlari) uchun lavozim maoshiga nisbatan 30 foizgacha;

j) davlat hokimiyati va boshqaruvi organlarining murojaatiga asosan ilmiy-amaliy takliflarni tayyorlash uchun qo‘shgan hissasini hisobga olgan holda, lavozim maoshiga nisbatan 30 foizgacha.

12. Lavozim maoshiga har oylik qo‘shimcha haq xodimning faoliyati natijalari asosida quyidagicha o‘rnatilishi mumkin:

b) ilmiy darajalar beruvchi xorijiy ilmiy, ekspertlik, ilmiy-texnik kengashlarda a’zolik (ishtirok etish) uchun lavozim maoshiga nisbatan 30 foizgacha bo‘lgan miqdorda belgilanadi.

Mazkur talab asosida umumiy qo‘shimcha haq lavozim maoshiga nisbatan bir oyda 30 foizdan oshmasligi lozim;

g) Scopus, Web of Science indeksatsiyalangan ma’lumotlar bazalariga kirgan jurnallarda e’lon qilingan maqola (monografiya) uchun har bir muallifga lavozim maoshiga nisbatan quyidagicha belgilanadi. Bunda:

1. birinchi kvartilga (Q1) kirgan jurnallarda e’lon qilingan maqola uchun har bir muallifga lavozim maoshiga nisbatan 30 foizgacha;

2. ikkinchi kvartilga (Q2) kirgan jurnallarda e’lon qilingan maqola uchun har bir muallifga lavozim maoshiga nisbatan 20 foizgacha;

3. uchinchi kvartilga (Q3) kirgan jurnallarda e’lon qilingan maqola uchun har bir muallifga lavozim maoshiga nisbatan 15 foizgacha;

4. to‘rtinchi kvartilga (Q4) va boshqa umume’tirof etilgan indeksatsiyalangan ma’lumotlar bazalaridagi jurnallarda chop etilgan maqolalarning har bir muallifiga lavozim maoshiga nisbatan 5 foizgacha;

5. Scopus, Web of Science indeksatsiyalangan ma’lumotlar bazalarda konferensiya materiallarida e’lon qilingan har bir ma’ruza muallifiga lavozim maoshiga nisbatan 10 foizgacha;

6. mahalliy ilmiy jurnallarda chop etilgan maqola uchun tashkilot (bir nechta muallif bo‘lgan taqdirda, teng miqdorda taqsimlangan holda) lavozim maoshiga nisbatan 5 foizgacha;

7. respublikada chop etilgan yakka mualliflikdagi monografiya va qo‘lyozma uchun lavozim maoshiga nisbatan 10 foizgacha;

8. noyob qo‘lyozmalarni ilmiy muomalaga kiritgan nashr muallifiga (bir nechta muallif bo‘lgan taqdirda, teng miqdorda taqsimlangan holda) lavozim maoshiga nisbatan 10 foizgacha;

e) har bir ixtiro va/yoki foydali modelga patent olganlik uchun muallifga (bir nechta muallif bo‘lgan taqdirda, xorijiy hammualliflar va ilmiy darajaga ega bo‘lmaganlardan tashqari, faqat ilmiy darajalilar o‘tasida teng miqdorda taqsimlangan holda) lavozim maoshiga nisbatan belgilanadi. Bunda:

har bir ixtiroga patent (elektron hisoblash mashinalari uchun yaratilgan dasturning rasmiy ro‘yxatdan o‘tkazilganligi to‘g‘risidagi guvohnoma bundan mustasno) olganlik uchun har bir muallifga 20 foizgacha;

har bir foydali modelga patent (elektron hisoblash mashinalari uchun yaratilgan dasturning rasmiy ro‘yxatdan o‘tkazilganligi to‘g‘risidagi guvohnoma bundan mustasno) olganlik uchun har bir muallifga 15 foizgacha.

Mazkur talab asosida umumiy qo‘shimcha haq lavozim maoshiga nisbatan bir oyda 30 foizdan oshmasligi lozim;

j) ilmiy, ilmiy-ommabop jurnallar tahrir hay’ati a’zoligi uchun:

mahalliy jurnallarda lavozim maoshiga nisbatan 15 foizgacha;

xorijiy jurnallarda lavozim maoshiga nisbatan 30 foizgacha belgilanadi.

Mazkur talab asosida umumiy qo‘shimcha haq lavozim maoshiga nisbatan bir oyda 30 foizdan oshmasligi lozim;

z) xorijiy ilmiy loyihalarda ishtirok etganligi uchun:

tadqiqot guruhi a’zosi sifatida lavozim maoshiga nisbatan 15 foizgacha;

loyiha rahbari sifatida lavozim maoshiga nisbatan 30 foizgacha belgilanadi;

k) oliy ta’lim muassasalarida har bir joriy etilgan darsliklar va o‘quv qo‘llanmalar nashri uchun lavozim maoshiga nisbatan 15 foizgacha belgilanadi.

Mazkur talab asosida umumiy qo‘shimcha haq lavozim maoshiga nisbatan bir oyda 30 foizdan oshmasligi lozim;

l) yangi innovatsion korxona tashkil etganligi uchun lavozim maoshiga nisbatan 30 foizgacha belgilanadi.

m) davlat ilmiy dasturlari loyihalarini ko‘rib chiqadigan ilmiy-texnik kengashlarda har bir a’zolik (ishtirok etganlik) uchun lavozim maoshiga nisbatan 15 foizgacha belgilanadi.

Mazkur talab asosida umumiy qo‘shimcha haq lavozim maoshiga nisbatan bir oyda 30 foizdan oshmasligi lozim;

n) oliy ta’lim tashkilotlari bilan birgalikda ilmiy yoki laboratoriya vositalaridan keng foydalangan holda, yangi o‘quv mahsulotlari (trening kurslari, uslubiy ta’minotli o‘yinlar, uslubiy qo‘llanmalar)ni ishlab chiqish va joriy etishdagi ishtiroki uchun:

o‘zbek yoki rus tilida, shuningdek, til mutaxassisliklari bo‘yicha chet tilida har bir mahsulot (majmua) uchun lavozim maoshiga nisbatan 10 foizgacha;

xorijiy tilda (til mutaxassisliklaridan tashqari) har bir mahsulot (majmua) uchun lavozim maoshiga nisbatan 20 foizgacha belgilanadi.

Mazkur talab asosida umumiy qo‘shimcha haq lavozim maoshiga nisbatan bir oyda 30 foizdan oshmasligi lozim;

o) ilmiy kengashlar huzuridagi ixtisosliklar bo‘yicha (chet tili va mutaxassislik fanlaridan) malakaviy imtihon komissiyasi hamda oliy ta’limdan keyingi ta’limning barcha shakllarida o‘qishga talabgorlarni tanlab olish uchun kirish imtihonlari va izlanuvchilarni monitoringdan o‘tkazish bo‘yicha komissiya (ishchi guruh) a’zosi bo‘lganligi uchun lavozim maoshiga nisbatan 5 foizgacha miqdorda belgilanadi.

Mazkur talab asosida umumiy qo‘shimcha haq lavozim maoshiga nisbatan bir oyda 15 foizdan oshmasligi lozim.

13. Lavozim maoshiga bir martalik qo‘shimcha haq ma’lum bir davr uchun erishilgan natijalar yig‘indisidan kelib chiqqan holda yoki quyidagi zarur shartlar bajarilganda belgilanadi:

b) o‘z vaqtida yoki muddatidan oldin ilmiy daraja olish uchun tadqiqot ishini himoya qilganda:

falsafa doktori (PhD) ilmiy rahbariga himoya qilganligi to‘g‘risida dalil taqdim qilganida lavozim maoshiga nisbatan 30 foizgacha;

fan doktori (DSc) ilmiy rahbariga himoya qilganligi to‘g‘risida dalil taqdim qilganida lavozim maoshiga nisbatan 60 foizgacha;

g) tashkilotning mezbon sifatida ishtirok etadigan xalqaro konferensiyani (simpozium, davra suhbati) tashkil etganligi uchun, xodimning qo‘shgan hissasini hisobga olgan holda lavozim maoshiga nisbatan 50 foizgacha olti oyda bir marta;

d) xorijiy mamlakatlarda tashkil qilingan xalqaro ilmiy, ilmiy-texnikaviy va boshqa ilmiy-ma’rifiy tadbirlarda (forumlar, konferensiyalar, kongresslar, anjumanlar, va boshqalar) taklifga asosan ma’ruza bilan qatnashganligiga, har bir ishtiroki uchun lavozim maoshiga nisbatan 30 foizgacha;

e) xorijiy xalqaro ko‘rgazmalarda o‘zlarining ilmiy yutuqlarini ommalashtirishda rasmiy ishtirok etganligiga har bir ko‘rgazma uchun lavozim maoshiga nisbatan 50 foizgacha;

j) nufuzli xalqaro ma’lumotlar bazasiga kiritilgan har bir tadqiqot natijasi uchun lavozim maoshiga nisbatan 30 foizgacha;

z) davlat boshqaruv organlarining murojaatiga asosan ilmiy-amaliy takliflarni tayyorlash uchun qo‘shgan hissasini hisobga olgan holda, lavozim maoshiga nisbatan 30 foizgacha.

14. Lavozim maoshiga har oylik qo‘shimcha haq xodimning faoliyati natijalari asosida quyidagicha o‘rnatilishi mumkin:

a) yoshlarni tarbiyalashga oid har bir ishlab chiqilgan va amaliyotga joriy qilingan ilmiy-metodik qo‘llanma, ilmiy-tahliliy uslub (yondashuv)lar uchun lavozim maoshiga nisbatan 30 foizgacha;

b) ta’lim va tarbiya sohasida tegishli tashkilot bilan bog‘liq ilmiy maqola (monografiya) nashr qilganligi uchun:

jurnalning darajasi va muhimligidan kelib chiqqan holda milliy ilmiy jurnallardagi nashr uchun lavozim maoshiga nisbatan 15 foizgacha;

xalqaro jurnallarda e’lon qilingan har bir maqola (monografiya) uchun mualliflarga lavozim maoshiga nisbatan 30 foizgacha belgilanadi.

Mazkur bandning barcha kichik bandlari asosida har oylik qo‘shimcha haq lavozim maoshiga nisbatan bir oyda falsafa doktori (PhD)ga 30 foiz va fan doktori (DSc)ga 60 foizdan oshmasligi lozim.

15. Lavozim maoshiga bir martalik qo‘shimcha haq ma’lum bir davr uchun erishilgan natijalar yig‘indisidan kelib chiqqan holda yoki zarur shartlar bajarilganda belgilanadi:

a) fan olimpiadalari g‘oliblarini tayyorlagani uchun lavozim maoshiga nisbatan:

tuman va viloyat miqyosdagi natijalar uchun 15 foizgacha;

respublika miqyosdagi natijalar uchun 20 foizgacha;

xalqaro miqyosdagi natijalar uchun 30 foizgacha;

b) zamonaviy o‘quv-ko‘rgazmalarni yaratganligi uchun 10 foizgacha;

v) noan’anaviy yo‘nalishdagi (robototexnika, mental arifmetika va boshqalar) o‘quv mashg‘ulotlarini tashkil qilganiligi uchun 30 foizgacha;

g) o‘quvchilarda tadbirkorlik ko‘nikmalarini shakllantirishga qo‘shgan hissasi uchun 20 foizgacha.

16. Lavozim maoshiga har oylik qo‘shimcha haq xodimning faoliyati natijalari asosida quyidagicha o‘rnatilishi mumkin:

a) maktab yoshigacha bo‘lgan bolalarni tarbiyalashga oid har bir ishlab chiqilgan va amaliyotga joriy qilingan ilmiy-metodik qo‘llanma, ilmiy-tahliliy uslub (yondashuv)lar uchun lavozim maoshiga nisbatan 30 foizgacha;

b) ta’lim va tarbiya sohasida tegishli tashkilot bilan bog‘liq ilmiy maqola (monografiya) nashr qilganligi uchun:

jurnalning darajasi va muhimligidan kelib chiqqan holda milliy ilmiy jurnallardagi nashr uchun lavozim maoshiga nisbatan 15 foizgacha;

xalqaro jurnallarda e’lon qilingan har bir maqola (monografiya) uchun mualliflarga lavozim maoshiga nisbatan 30 foizgacha belgilanadi.

Mazkur bandning barcha kichik bandlari asosida har oylik qo‘shimcha haq lavozim maoshiga nisbatan bir oyda falsafa doktori (PhD)ga 30 foiz va fan doktori (DSc)ga 60 foizdan oshmasligi lozim.

17. Lavozim maoshiga bir martalik qo‘shimcha haq ma’lum bir davr uchun erishilgan natijalar yig‘indisidan kelib chiqqan holda yoki quyidagi zarur shartlar bajarilganda belgilanadi:

a) ko‘rik tanlovlardagi ishtiroki uchun lavozim maoshiga nisbatan:

tuman va viloyat miqyosdagi natijalar uchun 15 foizgacha;

respublika miqyosdagi natijalar uchun 20 foizgacha;

b) o‘yin tamoyiliga asoslangan zamonaviy mashg‘ulotlarni tashkil qilganligi uchun 15 foizgacha;

v) tarbiyalanuvchilarni ilm-fanga qiziqishini oshirishga qo‘shgan hissasi uchun 20 foizgacha.

17¹. Qo‘shimcha haq olish huquqiga ega bo‘lgan xodimlarning arizalarini umumlashtirish va kollegial organ yig‘ilishida ko‘rib chiqish uchun hujjatlarni tayyorlash bo‘yicha ishchi komissiya tarkibi har yili dekabr oyida Kollegial organ qarori bilan kamida yetti kishidan iborat etib tasdiqlanadi.

17². Ishchi komissiya tarkibiga oliy ta’lim muassasalari uchun ilmiy va innovatsiyalar bo‘yicha prorektor (filial direktori o‘rinbosari), ilmiy tashkilotlar uchun direktorning ilm-fan bo‘yicha o‘rinbosari, bunday lavozim bo‘lmaganida ilmiy kotib, o‘rta maxsus, kasb-hunar va umumiy o‘rta ta’lim tashkilotlari uchun direktorning o‘quv ishlari bo‘yicha o‘rinbosari, maktabgacha ta’lim muassasalari uchun bosh uslubchi rahbarlik qiladi.

17³. Tashkilotlar ishchi komissiya huquqlari va javobgarligi, faoliyatini tashkil etish tartibini tasdiqlaydi.

18. Tashkilot tomonidan qo‘shimcha haq belgilash uchun budjet mablag‘lari hajmini rejalashtirish ilmiy darajali xodimlarga shtat birligi sonidan kelib chiqib, qo‘shimcha haqning eng ko‘p miqdorida belgilanadi:

falsafa doktori (PhD) yoki fan nomzodi ilmiy darajasi (yoki shunga tenglashtirilgan xorijiy davlatlar darajasi)ga ega xodimlarning lavozim maoshiga nisbatan 30 foizgacha;

fan doktori (PhD) ilmiy darajasi (yoki shunga tenglashtirilgan xorijiy davlatlar darajasi)ga ega xodimlarning lavozim maoshiga nisbatan 60 foizgacha.

Mazkur qo‘shimcha haqni moliyalashtirish ilmiy darajali xodimlarning haqiqiy shtat birligi sonidan kelib chiqqan holda amalga oshiriladi.

19. Xodimlarga qo‘shimcha haqni belgilash bilan bog‘liq xarajatlar shtat jadvalida alohida aks ettiriladi va tashkilotning xarajatlar smetasida alohida modda bilan budjet klassifikatsiyasi xarajatlarida nazarda tutiladi.

20. Tashkilot ushbu nizomga mos ravishda, majburiy tartibda budjet tashkilotlarini rivojlantirish jamg‘armasiga kelib tushadigan va undan sarflanadigan pul mablag‘larini alohida hisobini yuritadi.

21. Ushbu Nizom bo‘yicha ajratiladigan pul mablag‘larining maqsadli, samarali va oqilona ishlatilishi, shuningdek, qo‘shimcha haq miqdori asoslangan va to‘g‘ri hisoblanishi hamda belgilanishi uchun tashkilot rahbari shaxsan javobgar hisoblanadi.

22. Mazkur Nizom talablari asosida qo‘shimcha haq to‘lash qo‘shimcha har oylik va bir martalik to‘lovlar miqdori bir oyda fan nomzodi yoki falsafa doktori (PhD) (yoki xorijiy mamlakatlarda ularga tenglashtirilgan) ilmiy darajasiga ega bo‘lgan xodimlar uchun lavozim maoshining 30 foizidan hamda fan doktori (DSc) (yoki xorijiy mamlakatlarda unga tenglashtirilgan daraja) ilmiy darajasiga ega bo‘lgan xodimlar uchun lavozim maoshining 60 foizidan oshmasligi kerak.

23. Ushbu Nizom talablarini buzilishida aybdor shaxslar qonunchilik hujjatlarida belgilangan tartibda javobgar bo‘ladilar.

24. Tizimida tashkilotlar mavjud bo‘lgan vazirlik va idoralar Innovatsion rivojlanish vazirligi bilan birgalikda qonun doirasida tashkilot kollegial organlarning qo‘shimcha haq miqdorini o‘rnatishni tashkil qilishi ustidan nazorat qiladi.

24¹. Ushbu Nizom doktoranturada tahsil olayotgan shaxslarga nisbatan tatbiq etilmaydi.

25. Ushbu Nizomni qo‘llashda yuzaga keladigan nizolar qonunchilik hujjatlarida belgilangan tartibda hal etiladi.

26. Davlat boshqaruvi organlari va boshqa tashkilotlarda faoliyat yurituvchi ilmiy darajaga ega xodimlarga qonunchilikda belgilangan tartibda budjetdan tashqari mablag‘lar hisobidan qo‘shimcha haq to‘lanishi mumkin. Bunda qo‘shimcha haq belgilash talablari (mezonlari) davlat boshqaruvi organlari va boshqa tashkilotlar faoliyatining asosiy xususiyatlaridan kelib chiqqan holda ularning kollegial organi qarori bilan tasdiqlanadi.

Akademik, tashkiliy-boshqaruv va moliyaviy mustaqillik berilgan oliy ta’lim muassasalarida ilmiy, ilmiy-pedagogik va mehnat faoliyati bilan shug‘ullanuvchi ilmiy darajaga ega xodimlarga ushbu tashkilotlarning budjetdan tashqari mablag‘lari hisobidan ham qo‘shimcha haq to‘lanishi mumkin.

Bunda, qo‘shimcha haq belgilash talablari (mezonlari) ushbu tashkilotlarning kuzatuv kengashlari qarori bilan belgilanadi.