O‘zbekiston Respublikasi Prezidentining “O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish to‘g‘risida” 2019-yil 23-maydagi PF-5728-son Farmonining ijrosini ta’minlash, shuningdek, fermer, dehqon xo‘jaliklari va tomorqa yer egalarini moliyaviy qo‘llab-quvvatlash samaradorligini oshirish, “Tomorqa xizmati” mas’uliyati cheklangan jamiyatlarining moddiy-texnik bazasini mustahkamlash maqsadida Vazirlar Mahkamasi qaror qiladi:
1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
2. Mazkur qarorning bajarilishini nazorat qilish O‘zbekiston Respublikasi Bosh vazirining agrar va oziq-ovqat sohalarini rivojlantirish masalalari bo‘yicha maslahatchisi A.D. Vaxabov hamda O‘zbekiston fermer, dehqon xo‘jaliklari va tomorqa yer egalari kengashi raisi A.A. Xaitov zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining 2016-yil 7-oktabrdagi 336-son qarori (O‘zbekiston Respublikasi QT, 2016-y., 10-son, 89-modda) bilan tasdiqlangan Rahbarlari xodimlarni Toshkent shahri va Toshkent viloyatida doimiy propiska qilish to‘g‘risida iltimosnoma kiritishi mumkin bo‘lgan davlat hokimiyati organlari, davlat va xo‘jalik boshqaruvi organlari, respublika ahamiyatiga molik boshqa davlat tashkilotlari ro‘yxati quyidagi mazmundagi 72-band bilan to‘ldirilsin:
2. Vazirlar Mahkamasining “O‘zbekiston fermer, dehqon xo‘jaliklari va tomorqa yer egalari kengashi huzuridagi Fermer dehqon xo‘jaliklari va tomorqa yer egalarini qo‘llab-quvvatlash jamg‘armasi faoliyatini tashkil etish to‘g‘risida” 2018-yil 7-iyundagi 433-son qarorida:
“Tomorqa xizmati” MChJlarning ustav fondlarida Jamg‘arma mablag‘lari hisobiga shakllantiriladigan ulush nomidan O‘zbekiston fermer, dehqon xo‘jaliklari va tomorqa yer egalari kengashi, hududiy fermer, dehqon xo‘jaliklari va tomorqa yer egalari kengashlari yoki Jamg‘arma ishtirokchi bo‘lishi mumkin;
hududiy fermer, dehqon xo‘jaliklari va tomorqa yer egalari kengashlari raislari “Tomorqa xizmati” MChJ ustav fondidagi ulushlarning samarali boshqarilishi uchun shaxsan mas’ul hisoblanadi;
Jamg‘arma ijrochi direktori lavozimiga ko‘ra, O‘zbekiston fermer, dehqon xo‘jaliklari va tomorqa yer egalari kengashi raisining o‘rinbosari hisoblanadi, Jamg‘armaning hududiy vakillari hududiy fermer, dehqon xo‘jaliklari va tomorqa yer egalari kengashlari raislari o‘rinbosarlariga tenglashtiriladi;
Jamg‘arma tomonidan fermer, dehqon xo‘jaliklari va tomorqa yer egalariga, shuningdek. “Tomorqa xizmati” MChJlarga qishloq xo‘jaligi texnikasi, texnologiyalari, asbob-uskunalar hamda tayyor intensiv bog‘ va tokzorlar hamda issiqxonalarni lizingga berish tartibi Jamg‘arma Vasiylik kengashi tomonidan tasdiqlanadi.”
b) 1-ilovaning birinchi xatboshisidagi “Mirzayev Z.T. — O‘zbekiston Respublikasi Bosh vazirining o‘rinbosari, Kengash raisi” so‘zlari “Vaxabov A.D. — O‘zbekiston Respublikasi Bosh vazirining agrar va oziq-ovqat sohalarini rivojlantirish masalalari bo‘yicha maslahatchisi, Kengash raisi” so‘zlari bilan almashtirilsin.
*** Bo‘lim boshlig‘i bir vaqtning o‘zida Jamg‘arma ijro etuvchi direktori o‘rinbosari hisoblanadi.”.
“fermer, dehqon xo‘jaliklari va tomorqa yer egalari, shuningdek, “Tomorqa xizmati” MChJlarni Jamg‘arma mablag‘lari hisobidan qonunchilikda belgilangan tartibda qishloq xo‘jaligi texnikasi, texnologiyalari, asbob-uskunalar hamda tayyor intensiv bog‘ va tokzorlar hamda issiqxonalar bilan ta’minlash bo‘yicha lizing faoliyatini amalga oshirish”;
ikkinchi — o‘ninchi xatboshilar tegishli ravishda uchinchi — o‘n birinchi xatboshlar deb hisoblansin;
“11. Jamg‘arma ijro etuvchi direktori va xodimlarini moddiy rag‘batlantirish Jamg‘arma Vasiylik kengashi tomonidan tasdiqlanadigan Jamg‘arma xodimlarini moddiy rag‘batlantirish to‘g‘risidagi nizomga asosan Jamg‘arma mablag‘lari hisobidan amalga oshiriladi”;
13-banddagi “budjetdan tashqari Rivojlanish va moddiy rag‘batlantirish fondi to‘g‘risidagi” so‘zlari “Jamg‘arma xodimlarini moddiy rag‘batlantirish to‘g‘risidagi” so‘zlari bilan almashtirilsin;
“16. Jamg‘arma mablag‘lari Jamg‘armaning tijorat banklarida ochiladigan hisob raqamlarida jamlanadi”;
“Mikrokreditbank” ATB, “Agrobank” ATB hamda O‘zbekiston Respublikasi AT Xalq bankiga mablag‘larni “Tomorqa xizmati” MChJlarga kredit ajratish uchun resurs sifatida 2 yil muddatga, shu jumladan 6 oylik imtiyozli davr bilan O‘zbekiston Respublikasi Markaziy banki qayta moliyalash stavkasining 50 foizi miqdoridagi foiz stavkasida yillik 2 foizlik bank marjasini hisobga olgan holda taqdim etishga;
xalqaro moliya institutlaridan olingan grantlar hisobiga fermer, dehqon xo‘jaliklari va tomorqa yer egalariga, shuningdek, “Tomorqa xizmati” MChJlarga grantlar ajratishga;
fermer, dehqon xo‘jaliklari va tomorqa yer egalari, “Tomorqa xizmati” MChJlarni qonun hujjatlarida nazarda tutilgan tartibda qishloq xo‘jaligi texnikasi, texnologiyalari va asbob-uskunalar, tayyor intensiv bog‘ va tokzorlar hamda issiqxonalar bilan ta’minlash bo‘yicha lizing faoliyatini amalga oshirishga”;
yettinchi xatboshidagi “Tomorqa xizmati” MChJlar, qishloq xo‘jaligi sohasidagi boshqa” so‘zlari “qishloq xo‘jaligi sohasidagi” so‘zlari bilan almashtirilsin;
o‘ninchi xatboshidagi “rivojlantirishga investitsiyalarni jalb qilish hamda innovatsion loyihalarni amalga oshirish” so‘zlari “rivojlantirishga, qonun hujjatlarida nazarda tutilgan innovatsion va boshqa loyihalarni amalga oshirishga investitsiyalarni jalb qilish” so‘zlari bilan almashtirilsin;
“Jamg‘arma tomonidan tijorat banklariga resurslar ajratish bo‘yicha bosh kelishuvda ushbu mablag‘lar “Mikrokreditbank” ATB, “Agrobank” ATB xamda O‘zbekiston Respublikasi AT Xalq banki tomonidan ushbu mablag‘lar “Tomorqa xizmati” MChJlarga kredit ajratish uchun resurslar sifatida 2 yil muddatga, shu jumladan 6 oylik imtiyozli davr bilan O‘zbekiston Respublikasi Markaziy banki qayta moliyalash stavkasining 50 foizi miqdoridagi foiz stavkasida yillik 2 foizlik bank marjasini hisobga olgan holda ishlatilishi alohida kelishib olinadi”;
22-banddagi “kelishilgan” so‘zi “kelishilganligini tasdiqlovchi axborot ko‘rsatilgan” so‘zlari bilan almashtirilsin;
“25. Tijorat banki foydalanilmagan va muddatidan oldin qaytarilgan, shuningdek, maqsadsiz ishlatilgan mablag‘larni Jamg‘arma hisobraqamiga qaytarishga majbur.
Agar qarz oluvchi — tomorqa yer egalari kredit olishdan bosh tortgan taqdirda, buyurtmanoma kiritgan tijorat banki tomonidan Jamg‘arma bilan kelishilgan holda ajratilgan resurslar boshqa tomorqa yer egalariga rasmiylashtirilishi mumkin”.
3. Vazirlar Mahkamasining “2019-2020-yillarda suv ta’minoti og‘ir bo‘lgan hududlardagi aholi tomorqalariga suv yetkazib berish uchun sug‘orish quduqlarini qazishga doir chora-tadbirlar to‘g‘risida” 2018-yil 14-dekabrdagi 1019-son qarorida:
a) 1-band “tomorqa yer egalari” so‘zlaridan so‘ng “Tomorqa xizmati” MChJga” so‘zlari bilan to‘ldirilsin;
ikkinchi xatboshi “tomorqa yer egalari” so‘zlaridan so‘ng “Tomorqa xizmati” MChJlarga” so‘zlari bilan to‘ldirilsin;
“Jamg‘arma Dasturga kiritilgan tumanlardagi fermer, dehqon xo‘jaliklari va tomorqa yer egalariga, shuningdek, “Tomorqa xizmati” MChJlarga burg‘ulash uskunalari xarid qilish, quduq qazish hamda mavjud quduqlarni ta’mirlash uchun mablag‘ ajratishi mumkin”;
nomlanishi “tomorqa yer egalariga” so‘zlaridan so‘ng “Tomorqa xizmati” MChJlarga” so‘zlari bilan to‘ldirilsin;