Idoraviy normativ-huquqiy hujjatlarni davlat reyestridan chiqarish boʻyicha 2019-yil 5-sentabrdagi xulosaga muvofiq hamda Oʻzbekiston Respublikasining “Normativ-huquqiy hujjatlar toʻgʻrisida”gi Qonuni, Oʻzbekiston Respublikasi Prezidentining 2018-yil 13-apreldagi PQ-3666-son “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi, Oʻzbekiston Respublikasi Vazirlar Mahkamasining 1997-yil 9-oktabrdagi 469-son “Vazirliklar, davlat qoʻmitalari va idoralar meʼyoriy hujjatlarining qonuniyligini taʼminlash chora-tadbirlari toʻgʻrisida”gi hamda 2000-yil 19-maydagi 197-son “Vazirliklar, davlat qoʻmitalari va idoralarning meʼyoriy hujjatlarini qabul qilish tartibini takomillashtirish toʻgʻrisida”gi qarorlariga asosan, buyuraman:

1. “Qishloq joylarda namunaviy loyihalar boʻyicha yakka tartibdagi uy-joylar qurish uchun tashqi muhandislik kommunikatsiyalariga ulanish imkoniyati boʻlgan sugʻorilmaydigan hamda unumdorligi past qishloq xoʻjaligi yer uchastkalarini aniqlash qoidalarini tasdiqlash toʻgʻrisida”gi qaror (roʻyxat raqami 2464, 2013-yil 3-iyun) Idoraviy normativ-huquqiy hujjatlarning davlat reyestridan chiqarish yuzasidan Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2019-yil 27-avgustdagi 04-05-6463-son, Qishloq xoʻjaligi vazirligining 2019-yil 8-avgustdagi 02/027-1660-son, Suv xoʻjaligi vazirligining 2019-yil 5-avgustdagi 01/15-5737-son va Qurilish vazirligining 2019-yil 21-avgustdagi 6193/15-08-son xatlari maʼlumot uchun qabul qilinsin.

2. Quyidagilar Idoraviy normativ-huquqiy hujjatlarning davlat reyestridan chiqarilsin:

Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Qishloq va suv xoʻjaligi vazirligi va Davlat arxitektura va qurilish qoʻmitasining 2013-yil 20-maydagi 10, 6/1, 2-son “Qishloq joylarda namunaviy loyihalar boʻyicha yakka tartibdagi uy-joylar qurish uchun tashqi muhandislik kommunikatsiyalariga ulanish imkoniyati boʻlgan sugʻorilmaydigan hamda unumdorligi past qishloq xoʻjaligi yer uchastkalarini aniqlash qoidalarini tasdiqlash toʻgʻrisida”gi qarori (roʻyxat raqami 2464, 2013-yil 3-iyun);

Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Qishloq va suv xoʻjaligi vazirligi va Davlat arxitektura va qurilish qoʻmitasining 2017-yil 20-iyuldagi 4, 38, 3-son “Qishloq joylarda namunaviy loyihalar boʻyicha yakka tartibdagi uy-joylar qurish uchun tashqi muhandislik kommunikatsiyalariga ulanish imkoniyati boʻlgan sugʻorilmaydigan hamda unumdorligi past qishloq xoʻjaligi yer uchastkalarini aniqlash qoidalarining 3-bandiga oʻzgartirish kiritish haqida”gi qarori (roʻyxat raqami 2464-1, 2017-yil 2-avgust).

3. Mazkur buyruq davlat roʻyxatidan oʻtkazilsin va bu haqda Idoraviy normativ-huquqiy hujjatlarning davlat reyestriga tegishli yozuv kiritilsin.

4. Qonun hujjatlarini tahlil qilish va turkumlash boshqarmasi ushbu idoraviy normativ-huquqiy hujjatni “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da hamda Oʻzbekiston Respublikasi Qonun hujjatlari maʼlumotlari milliy bazasida eʼlon qilinishini taʼminlasin.

5. Mazkur buyruq rasmiy eʼlon qilingan kundan eʼtiboran kuchga kiradi.