Oʻzbekiston Respublikasi Prezidentining 2018-yil 5-sentabrdagi “Xalq taʼlimi tizimiga boshqaruvning yangi tamoyillarini joriy etish chora-tadbirlari toʻgʻrisida”gi PQ-3931-son va 2019-yil 17-iyundagi “2019/2020 oʻquv yilida Oʻzbekiston Respublikasining oliy taʼlim muassasalariga oʻqishga qabul qilishning davlat buyurtmasi parametrlari toʻgʻrisida”gi PQ-4359-son qarorlariga muvofiq, shuningdek, Axborot texnologiyalarini ishlab chiqish va joriy qilishni qoʻllab-quvvatlash boʻyicha “Mirzo Ulugbek Innovation Center” innovatsiya markazi faoliyatini yanada rivojlantirish, import qilinadigan dori vositalari va tibbiyot buyumlarining sotib olish qiymatini shakllantirish tartibini takomillashtirish, aholini sifatli va arzon farmatsevtika mahsulotlari bilan taʼminlash, respublika tibbiyot muassasalarining moddiy-texnika bazasini mustahkamlash maqsadida:

1. Oʻzbekiston Respublikasi Prezidentining ayrim hujjatlariga 1-ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin.

3. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

1. Oʻzbekiston Respublikasi Prezidentining 2017-yil 30-iyundagi “Respublikada axborot texnologiyalari sohasini rivojlantirish uchun shart-sharoitlarni tubdan yaxshilash chora-tadbirlari toʻgʻrisida”gi PF-5099-son Farmonida:

a) 4-bandda:

beshinchi xatboshidagi “toʻgʻrisidagi qarorlarni qabul qiladi” soʻzlari “tartibini belgilaydi” soʻzlari bilan almashtirilsin;

quyidagi mazmundagi oltinchi xatboshi bilan toʻldirilsin:

“Innovatsiya markazi rezidentlariga ularning loyihalarini davlat darajasida, shu jumladan davlat-xususiy sheriklik orqali ilgari surishda koʻmaklashadi”;

oltinchi xatboshi yettinchi xatboshi deb hisoblansin;

b) quyidagi mazmundagi 6¹-band bilan toʻldirilsin:

“6¹. Oʻzbekiston Respublikasi Davlat statistika qoʻmitasi Oʻzbekiston Respublikasi Prezidenti huzuridagi Loyiha boshqaruvi milliy agentligi bilan birgalikda Innovatsiya markazi rezidentlari tomonidan amalga oshirilayotgan faoliyatini samarali nazorat qilish maqsadida Innovatsiya markazi rezidentlari uchun maxsus Iqtisodiy faoliyat turlari umumdavlat tasniflagichini belgilangan tartibda tasdiqlasin va joriy etsin.

Belgilansinki, Oʻzbekiston Respublikasi Davlat statistika qoʻmitasi Oʻzbekiston Respublikasi Prezidenti huzuridagi Loyiha boshqaruvi milliy agentligining taqdimnomasiga asosan, zarur hollarda, Innovatsiya markazi rezidentlari uchun Iqtisodiy faoliyat turlari umumdavlat tasniflagichiga oʻzgartirish va qoʻshimchalar kiritadi”.

2. Oʻzbekiston Respublikasi Prezidentining 2012-yil 31-maydagi “Oʻzbekiston Respublikasi Qurolli Kuchlari safida muddatli harbiy xizmatni oʻtab boʻlgan fuqarolarga imtiyozlar tizimini takomillashtirishga oid qoʻshimcha chora-tadbirlar toʻgʻrisida”gi PQ-1765-son qarori 1-bandi quyidagi tahrirda bayon etilsin:

“1. 2019/2020 oʻquv yilidan boshlab shunday tartib oʻrnatilsinki, unga muvofiq:

Oʻzbekiston Respublikasi Qurolli Kuchlari safida muddatli harbiy xizmatni oʻtab, harbiy qismlar qoʻmondonligining tegishli tavsiyanomalariga ega boʻlgan fuqarolar respublikaning oliy harbiy taʼlim muassasalaridagi tegishli taʼlim yoʻnalishlariga oʻqishga kirishda test sinovlari natijalariga koʻra toʻplagan ballarining 50 foizi miqdorida qoʻshimcha ball shaklidagi imtiyozga ega boʻladilar;

Oʻzbekiston Respublikasi Qurolli Kuchlari safida muddatli harbiy xizmatni oʻtab, harbiy qismlar qoʻmondonligining tegishli tavsiyanomalariga ega boʻlgan abituriyentlarni respublikaning oliy taʼlim muassasalari (oliy harbiy taʼlim muassasalari bundan mustasno) bakalavriatiga oʻqishga kirishi uchun tegishli oʻquv yiliga tasdiqlanadigan oliy taʼlim muassasalariga qabul parametrlaridan tashqari alohida qabul koʻrsatkichlari ajratiladi va ular ushbu koʻrsatkichlar doirasida tanlovda ishtirok etish huquqiga ega boʻladilar;

Oʻzbekiston Respublikasi Qurolli Kuchlari safida muddatli harbiy xizmatni oʻtab boʻlgan fuqarolarga harbiy qismlarning qoʻmondonligi tomonidan oliy taʼlim muassasalariga kirish uchun berilgan tavsiyanomalar, ular berilgan sanadan boshlab, uch yil mobaynida amal qiladi”.

3. Oʻzbekiston Respublikasi Prezidentining 2012-yil 10-dekabrdagi “Chet tillarni oʻrganish tizimini yanada takomillashtirish chora-tadbirlari toʻgʻrisida”gi PQ-1875-son qarori 1-bandida:

toʻrtinchi xatboshi quyidagi tahrirda bayon etilsin:

“umumiy oʻrta va oʻrta maxsus taʼlim muassasalarining oʻquvchilari va oʻqituvchilarini chet tillar boʻyicha darsliklar va oʻquv-metodik majmualar bilan taʼminlash, ularni qayta nashr etish boʻyicha belgilangan muddatlarga rioya qilgan holda Oʻzbekiston Respublikasi Davlat budjeti mablagʻlari va Oʻzbekiston Respublikasi Xalq taʼlimi vazirligi huzuridagi Respublika maqsadli kitob jamgʻarmasining aylanma mablagʻlari hisobidan amalga oshiriladi”;

quyidagi mazmundagi xatboshi bilan toʻldirilsin:

“Bunda umumiy oʻrta va oʻrta maxsus taʼlim muassasalarining ijtimoiy yordamga muhtoj oilalardan boʻlgan oʻquvchilari hamda umumiy oʻrta va oʻrta maxsus taʼlim muassasalarining oʻqituvchilari uchun chet tillar boʻyicha darsliklar va oʻquv-metodik majmualarni nashr etish va yetkazib berish bepul asosda Oʻzbekiston Respublikasi Davlat budjeti mablagʻlari hisobidan, umumiy oʻrta va oʻrta maxsus taʼlim muassasalarini ijara tizimi asosida chet tillar boʻyicha darsliklar va oʻquv-metodik majmualar bilan taʼminlash esa Oʻzbekiston Respublikasi Xalq taʼlimi vazirligi huzuridagi Respublika maqsadli kitob jamgʻarmasining mablagʻlari hisobidan amalga oshiriladi”.

4. Oʻzbekiston Respublikasi Prezidentining 2016-yil 31-oktabrdagi PQ-2647-son qarori bilan tasdiqlangan Dori-darmon vositalari va tibbiyot buyumlari narxini tartibga solish toʻgʻrisidagi nizomning rus tilidagi matni 5-bandi quyidagi tahrirda bayon etilsin:

“5. Pokupnaya stoimost dlya importiruyemix lekarstvennix sredstv i izdeliy meditsinskogo naznacheniya slujit bazoy dlya ustanovleniya reguliruyemoy seni na importiruyemuyu produksiyu v sootvetstvii s nastoyashim Polojeniyem.

Pokupnaya stoimost opredelyayetsya po sleduyushey formule:

S — pokupnaya stoimost importirovannix lekarstvennix sredstv i izdeliy meditsinskogo naznacheniya;

Ks — kontraktnaya stoimost importirovannix lekarstvennix sredstv i izdeliy meditsinskogo naznacheniya, opredelennaya isxodya iz kursa Sentralnogo banka Respubliki Uzbekistan na datu zapolneniya gruzovoy tamojennoy deklaratsii;

T — tamojennie plateji, rasschitannie po kursu Sentralnogo banka Respubliki Uzbekistan v ustanovlennom poryadke;

Pr. — prochiye rasxodi, svyazannie s pokupkoy tovara, kotorie formiruyutsya v sootvetstvii s punktami 1.1 i 1.2 Polojeniya o sostave zatrat po proizvodstvu i realizatsii produksii (rabot, uslug) i poryadke formirovaniya finansovix rezultatov, utverjdennogo postanovleniyem Kabineta Ministrov ot 5-fevralya 1999 goda № 54”.

5. Oʻzbekiston Respublikasi Prezidentining 2016-yil 2-noyabrdagi “2016 — 2020-yillarda Oʻzbekistonda onalik va bolalikni muhofaza qilish tizimini yanada takomillashtirish chora-tadbirlari toʻgʻrisida”gi PQ-2650-son qarorida:

a) 1-bandda:

uchinchi xatboshidagi “40” raqami “46” raqami bilan almashtirilsin;

beshinchi xatboshidagi “retinal kameralardan” soʻzlari “binokulyar peshona oftalmoskoplari, peshona diod lazer-koagulyatorlari, A/V skanerlaridan” soʻzlari bilan almashtirilsin;

b) 1-ilovada:

5-pozitsiyada:

“Chora-tadbirlar nomi” ustuni quyidagi tahrirda bayon etilsin:

“Respublika perinatal markazi, Qoraqalpogʻiston Respublikasi hududiy perinatal markazi va viloyatlar perinatal markazlarini chala tugʻilgan chaqaloqlar uchun toʻplamida koʻz qovogʻini kengaytirgich va ilgaklar boʻlgan binokulyar peshona oftalmoskoplari bilan jihozlash, Respublika perinatal markazi, Qoraqalpogʻiston Respublikasi hududiy perinatal markazi, Fargʻona, Samarqand, Surxondaryo, Navoiy, Sirdaryo viloyatlari perinatal markazlarini peshona diod lazer-koagulyatorlari bilan va Respublika perinatal markazi, Qoraqalpogʻiston Respublikasi hududiy perinatal markazi, Fargʻona, Samarqand, Surxondaryo va Navoiy viloyatlari perinatal markazlarini A/V skanerlari bilan jihozlash”;

“Hisoblangan miqdor” ustuni quyidagi tahrirda bayon etilsin:

“toʻplamida koʻz qovogʻini kengaytirgich va ilgaklar (30 dona) boʻlgan 14 ta binokulyar peshona oftalmoskopi, 7 dona peshona diod lazer-koagulyatori va 6 ta A/V skaneri”;

7-pozitsiyada:

“Chora-tadbirlar nomi” ustuni quyidagi tahrirda bayon etilsin:

“Onalar oʻlimining oldini olish maqsadida tugʻruqdan keyingi davrda qon ketishini shoshilinch toʻxtatish uchun qon quyulishining plazma faktorlari preparatlari (protrombin komplekslari) bilan taʼminlash”;

“Hisoblangan miqdor” ustuni quyidagi tahrirda bayon etilsin:

“17,5 ming doza protrombin komplekslari”.

7. Oʻzbekiston Respublikasi Prezidentining 2018-yil 30-sentabrdagi “Maktabgacha taʼlim tizimini boshqarishni takomillashtirish chora-tadbirlari toʻgʻrisida”gi PQ-3955-son qarorida:

1-bandning “a” kichik bandi oʻz kuchini yoʻqotgan deb topilsin;

1-ilovaning “Axborot va pedagogika texnologiyalari innovatsion markazi” blokidagi “Axborot va pedagogika texnologiyalari innovatsion markazi” soʻzlari “Axborot va pedagogika texnologiyalari innovatsion markazi” MCHJ” soʻzlari bilan almashtirilsin;

3-ilovaning 18 va 19-pozitsiyalari chiqarib tashlansin.

1. Oʻzbekiston Respublikasi Prezidentining 2011-yil 20-maydagi “Oʻzbekiston Respublikasi Prezidentining ayrim hujjatlariga oʻzgartishlar kiritish toʻgʻrisida”gi PF-4309-son Farmoni.

3. Oʻzbekiston Respublikasi Prezidentining 2009-yil 22-dekabrdagi “Oʻzbekiston Respublikasining 2010-yilgi asosiy makroiqtisodiy koʻrsatkichlari va Davlat budjeti parametrlari toʻgʻrisida”gi PQ-1245-son qaroriga 31-ilovaning 2-bandi.

4. Oʻzbekiston Respublikasi Prezidentining 2011-yil 30-dekabrdagi “Oʻzbekiston Respublikasining 2012-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-1675-son qaroriga 33-ilovaning 1-bandi.

5. Oʻzbekiston Respublikasi Prezidentining 2013-yil 17-maydagi “Oʻzbekiston Respublikasi Prezidentining baʼzi qarorlariga oʻzgartish va qoʻshimchalar kiritish toʻgʻrisida”gi PQ-1967-son qaroriga ilovaning 2-bandi.