O‘zbekiston Respublikasi Prezidentining 2019-yil 17-yanvardagi PF-5635-son Farmoni bilan tasdiqlangan “2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid davlat dasturi” ijrosini ta’minlash maqsadida Vazirlar Mahkamasi qaror qiladi:

1. Vazirlar Mahkamasining 2006-yil 16-oktabrdagi 215-son qarori (O‘zbekiston Respublikasi QXT, 2016-y., 42-son, 417-modda) bilan tasdiqlangan Davlat korxonalari to‘g‘risidagi nizomga ilovaga muvofiq o‘zgartirish va qo‘shimcha kiritilsin.

2. Davlat soliq qo‘mitasi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — moliya vaziri J.A. Qo‘chqorov va O‘zbekiston Respublikasi Davlat soliq qo‘mitasi raisi B.A. Musayev zimmasiga yuklansin.

13-bandiga quyidagi mazmundagi xatboshi qo‘shilsin:

“davlat unitar korxonalarining yillik yig‘ilishi yil tugaganidan keyin olti oydan kechiktirmay o‘tkazilishi va davlat budjetiga ajratmalarni sof foydani taqsimlash to‘g‘risidagi qaror qabul qilingan sanadan 60 kundan kechiktirmay to‘lash”.

14-bandning uchinchi xatboshi quyidagi tahrirda bayon etilsin:

“davlat korxonasining o‘z faoliyatidan olingan daromadlari, shuningdek, davlat korxonalarining boshqa jamiyat ustav fondidagi ulushi bo‘yicha dividend”.