Oʻzbekiston Respublikasining “Auditorlik faoliyati toʻgʻrisida”gi Qonuni, Oʻzbekiston Respublikasi Prezidentining 2018-yil 19-sentabrdagi PQ-3946-son “Oʻzbekiston Respublikasida auditorlik faoliyatini yanada rivojlantirish chora-tadbirlari toʻgʻrisida”gi va 2019-yil 5-fevraldagi PQ-4160-son “Jahon banki va Xalqaro moliya korporatsiyasining “Biznes yuritish” yillik hisobotida Oʻzbekiston Respublikasining reytingini yaxshilashga doir qoʻshimcha chora-tadbirlar toʻgʻrisida”gi qarorlariga muvofiq buyuraman:

1. Oʻzbekiston Respublikasi moliya vazirining 2013-yil 9-sentabrdagi 83-son “Auditorlik faoliyati toʻgʻrisidagi maʼlumot shakli va uni toʻldirish qoidalarini tasdiqlash haqida”gi buyrugʻiga (roʻyxat raqami 2515, 2013-yil 9-oktabr) (Oʻzbekiston Respublikasi qonun hujjatlari toʻplami, 2013-y., 41-son, 553-modda) ilovaga muvofiq oʻzgartirish va qoʻshimchalar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 1-ilovada:

a) “Litsenziya turi, raqami va berilgan sanasi” satridan “turi,” degan soʻz chiqarib tashlansin;

“Telefon/faks, e-mail” satridagi “/faks, e-mail” degan soʻzlar “, elektron manzil, veb-sayt” degan soʻzlar bilan almashtirilsin;

b) I bobdan 03, 04 va 07-satrlar chiqarib tashlansin;

v) IV bob qoʻyidagi mazmundagi 27¹-satr bilan toʻldirilsin:

g) VI bob qoʻyidagi tahrirda bayon etilsin:

d) “M.Oʻ. (muhr mavjud boʻlgan taqdirda)” degan soʻzlar chiqarib tashlansin.

2. Qoidalarda:

a) 1 va 2-bandlar quyidagi tahrirda bayon etilsin:

“1. Auditorlik tashkilotlari tomonidan Auditorlik faoliyati toʻgʻrisidagi maʼlumotni (bundan buyon Maʼlumot deb yuritiladi) taqdim etish auditorlik faoliyatini amalga oshirishda litsenziya talablari va shartlaridan biri hisoblanadi.

2. Maʼlumot 31-dekabr holatiga Oʻzbekiston Respublikasi Moliya vazirligiga bevosita, ularning olinganligi toʻgʻrisidagi bildirishnoma bilan pochta yoki elektron aloqasi vositasi orqali hisobot yilidan keyingi yilning 20-yanvarigacha taqdim etiladi. III — VI boblarning koʻrsatkichlari 31-dekabr holatiga yil boshidan boshlab ortib boruvchi yakun bilan toʻldiriladi.”;

b) 4-bandda:

toʻrtinchi xatboshi quyidagi tahrirda bayon etilsin:

“Litsenziya raqami va berilgan sanasi” satrida olingan litsenziyaning sanasi va raqami koʻrsatiladi;”;

oʻninchi xatboshi quyidagi tahrirda bayon etilsin:

“Telefon, elektron manzil, veb-sayt” satrida auditorlik tashkilotining aloqa telefoni raqami, elektron pochta manzili va veb-sayti (mavjud boʻlsa) koʻrsatiladi.”;

v) 6-banddan “va auditorlik tashkilotining muhri bilan (muhr mavjud boʻlgan taqdirda) tasdiqlanadi” degan soʻzlar chiqarib tashlansin;

g) 10-bandda:

toʻrtinchi va beshinchi xatboshilar chiqarib tashlansin;

oltinchi — toʻqqizinchi xatboshilar tegishli ravishda toʻrtinchi — yettinchi xatboshilar deb hisoblansin;

oltinchi va yettinchi xatboshilar chiqarib tashlansin;

d) 13-bandning birinchi xatboshisi quyidagi tahrirda bayon etilsin:

“13. “Hisobot yilining 31-dekabr holatiga auditorlar toʻgʻrisida maʼlumot (shtatdagi va fuqarolik-huquqiy tusdagi shartnomalar boʻyicha jalb qilinganlar)” jadvalida auditorning familiyasi, ismi va otasining ismi (1-ustun), uning ishga qabul qilinganligi, auditor lavozimiga oʻtkazilganligi haqidagi buyruqning raqami va sanasi (2-ustun), auditor malaka sertifikatining raqami va berilgan sanasi (3-ustun), malaka oshirish kursini tamomlaganligi toʻgʻrisidagi guvohnomaning raqami va sanasi (4-ustun), mavjud boʻlganda xalqaro buxgalter sertifikati boʻyicha maʼlumotlar (nomi, raqami va sanasi) (5-ustun) koʻrsatiladi.”;

e) 24-band quyidagi mazmundagi xatboshilar bilan toʻldirilsin:

“27¹-satrning (20, 21, 22, 23, 24, 25, 26, 27 satrlardan tashqari) 3 va 4-ustunlarida mos ravishda hisobot yili yakuni boʻyicha quyidagi shartlardan bir vaqtning oʻzida ikkitasiga javob bergan tijorat tashkilotlari boʻyicha koʻrsatilgan xizmatlar soni va summasi koʻrsatiladi:

aktivlarning balans qiymati eng kam ish haqining 100 ming barobar miqdoridan ortiq boʻlsa;

mahsulotlarni (ishlarni, xizmatlarni) realizatsiya qilishdan tushum eng kam ish haqining 200 ming barobar miqdoridan ortiq boʻlsa;

xodimlarning oʻrtacha yillik soni 100 kishidan ortiq boʻlsa.”.