O‘zbekiston Respublikasi Prezidentining “O‘zbekiston Respublikasi fuqarosining xorijga chiqish biometrik pasportini rasmiylashtirish va berish tizimini yaratish hamda O‘zbekiston Respublikasi biometrik pasport tizimini modernizatsiya qilishga doir qo‘shimcha chora-tadbirlar to‘g‘risida” 2018-yil 26-dekabrdagi PQ-4079-son qarori ijrosini ta’minlash yuzasidan, shuningdek biometrik hujjatlarni ishlab chiqarish bilan bog‘liq xarajatlarni qoplash maqsadida Vazirlar Mahkamasi qaror qiladi:

1. Vazirlar Mahkamasining “O‘zbekiston Respublikasi fuqarolariga biometrik pasportlar va fuqaroligi bo‘lmagan shaxslarga biometrik harakatlanish hujjatlari berganlik uchun tushayotgan mablag‘lardan foydalanish mexanizmini takomillashtirish chora-tadbirlari to‘g‘risida” 2011-yil 6-apreldagi 104-son qaroriga ilovaga muvofiq qo‘shimchalar kiritilsin.

2. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — moliya vaziri J.A. Qo‘chqorov zimmasiga yuklansin.

1. Qarorning nomidagi “O‘zbekiston Respublikasi fuqarolariga biometrik pasportlar” so‘zlaridan keyin “, O‘zbekiston Respublikasi fuqarolariga xorijga chiqish biometrik pasportlari” so‘zlari qo‘shilsin.

2. 1-bandda:

a) “a” kichik bandidagi “O‘zbekiston Respublikasi fuqarolariga biometrik pasportlar” so‘zlaridan keyin “, O‘zbekiston Respublikasi fuqarolariga xorijga chiqish biometrik pasportlari” so‘zlari qo‘shilsin;

b) “b” kichik bandining ikkinchi xatboshidagi “biometrik pasportlar” so‘zlaridan keyin “, xorijga chiqish biometrik pasportlari” so‘zlari qo‘shilsin.