Oʻzbekiston Respublikasi Vazirlar Mahkamasining “Ugom-Chotqol davlat biosfera rezervatini tashkil etish toʻgʻrisida” 2018-yil 16-maydagi 367-son qarori ijrosini taʼminlash yuzasidan Vazirlar Mahkamasi qaror qiladi:

Quyidagilar

Ugom-Chotqol davlat biosfera rezervati toʻgʻrisidagi nizom 1-ilovaga muvofiq;

Ugom-Chotqol davlat biosfera rezervatining chegarasi va uning bufer zonasi tavsifi 2-ilovaga muvofiq tasdiqlansin.

2. Belgilab qoʻyilsinki:

biosfera rezervatining bufer zonasi qoʻriqxona uchastkasining butun perimetri boʻyicha joylashgan;

biosfera rezervati hududiga kiritilmagan bufer zonasi yerlari ushbu hududda joylashgan yer egalari va yerdan foydalanuvchilar tasarrufida qoladi;

bufer zonasida maxsus qoʻriqlash rejimi oʻrnatiladi.

3. Oʻzbekiston Respublikasi Fanlar akademiyasi davlat biosfera rezervatida:

ilmiy va metodik rahbarlik qilishni va ilmiy tadqiqotlar muvofiqlashtirilishini;

tanazzulga uchragan ekotizimlarni reabilitatsiya qilishga, tuproq va suvni saqlash, tabiiy resurslardan barqaror foydalanishni taʼminlashga yoʻnaltirilgan fundamintal, amaliy va fanlararo tadqiqotlar oʻtkazilishini;

oʻsimlik va hayvonot dunyosi obyektlari hisobi yuritilishini, meteorologik va gidrologik kuzatishlar, ekologik va ijtimoiy-iqtisodiy tusdagi maʼlumotlar toʻplanishini, atrof-muhit ifloslanishga taʼsir oʻrganilishini;

biologik xilma-xillikni baholash sohasida usullar va yondoshuvlar ishlab chiqilishini, test sinovidan oʻtkazilishini va monitoring olib borilishini, zarur chora-tadbirlar koʻrilishini taʼminlasin.

4. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi “Oʻzbekiston temir yoʻllari” AJ bilan birgalikda kadastr hujjatlarini ushbu qarorga muvofiqlashtirsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ raisi A.J. Ramatov zimmasiga yuklansin.

1. Ugom-Chotqol davlat biosfera rezervati (keyingi oʻrinlarda biosfera rezervati deb ataladi) tabiatdan barqaror foydalanish, ijtimoiy-iqtisodiy rivojlanish, madaniy va tabiiy boyliklarni muhofaza qilish maqsadida Toshkent viloyatining togʻli va togʻoldi hududlarining biologik xilma-xilligi saqlanishini taʼminlashga moʻljallangan yer va suv ekologiya tizimlarini oʻz ichiga oluvchi qoʻriqlanadigan tabiiy hudud hisoblanadi.

2. Biosfera rezervatining rasmiy nomi:

davlat tilida — Ugom-Chotqol davlat biosfera rezervati;

rus tilida — Ugam-Chatkalskiy gosudarstvenniy biosferniy rezervat;

ingliz tilida — Ugam-Shatkal State Biosphere Reserve.

3. Biosfera rezervatining hududi doimiy foydalanish uchun biosfera rezervatiga ajratilgan biosfera rezervati yer uchastkalari chegaralarida joylashgan.

4. Biosfera rezervatining “Boshqizilsoy” qoʻriqxona hududi YUNESKOning Butunjahon tabiiy merosi maqomiga ega boʻlgan va Butunjahon biosfera rezervatlari tarmogʻiga kiritilgan qoʻriqxona zonasi hisoblanadi.

5. Biosferer rezervati hududi transport infrakstrukturasi qurilishi, turar joylar hamda ishlab chiqarish binolari va inshootlarini joylashtirish rejalari va dasturlarini, yer tuzish va tumanni rejalashtirish sxemalarini, shuningdek, tabiiy resurslarni muhofaza qilish va ulardan foydalanish rejalarini ishlab chiqishda hisobga olinadi.

6. Biosfera rezervati hududida zonalashtirishga muvofiq tabiiy obyektlar va komplekslardan foydalanish va ularni muhofaza qilishning turli xil rejimi belgilanadi.

Qoʻriqxona zonasiga qoʻshni boʻlgan yer egalari, yerdan foydalanuvchilar va ijaraga oluvchilarning suvdan foydalanishini tashkil etish uchun biosfera hududi yer uchastkalarida sugʻorish xonalari mavjud boʻlishini taʼminlash uchun belgilangan tartibda servitutlar belgilanadi.

7. Biosfera rezervati oʻz faoliyatini tabiatdan foydalanuvchilar, yerdan foydalanuvchilar va yer egalari bilan munosabatlarni tartibga soluvchi Oʻzbekiston Respublikasining yer toʻgʻrisidagi qonunlariga va boshqa normativ-huquqiy hujjatlarga, shuningdek, ushbu Nizomga muvofiq amalga oshiradi va oʻz hududida joylashgan boshqa yerdan foydalanuvchilar va ijaraga oluvchilar, fuqarolarning oʻzini oʻzi boshqarish organlari bilan oʻzaro hamkorlik qiladi.

8. Biosfera rezervati atrof tabiiy muhitning global monitoringida ishtirok etadi.

9. Biosfera rezervati togʻ va togʻoldi oʻrmonlari va landshaftlarini, togʻoldi va togʻ ekotizimlarining oʻsimlik va hayvonot dunyosi vakillarini, shu jumladan, togʻoldi va togʻ tizimlarining nodir va yoʻqolib borayotgan oʻsimlik va hayvonot dunyosi vakillarini, boshqa tabiiy obyektlarni va biosfera rezervati hududi uchun xarakterli boʻlgan majmualarni saqlab qolish va tiklash, ekologik muhitni yaxshilash, tabiiy resurslardan barqaror foydalanishni taʼminlash va aholining ijtimoiy farovonligi, madaniy va tabiiy meros obyektlarini saqlash, tabiiy jarayonlarni oʻrganish, turizm, taʼlim, oʻqitish, maʼrifat va tarbiyaning har xil turlarini rivojlantirishga koʻmaklashish maqsadida tashkil etilgan.

10. Quyidagilar biosfera rezervatining vazifalari hisoblanadi:

mintaqaning tabiiy va madaniy merosini saqlash;

biologik xilma-xillikni saqlash va tiklash;

landshaftlarni muhofaza qilish va tiklash;

tabiiy resurslardan ekologik yoʻnaltirilgan barqaror foydalanish mexanizmlarini yaratish;

fundamental va amaliy ilmiy tadqiqotlar olib borish;

atrof tabiiy muhit monitoringini olib borish, biosfera rezervati hududini ijtimoiy-iqtisodiy rivojlantirish;

biosfera rezervatini boshqarishning turli sohalariga mahalliy aholini, nodavlat notijorat tashkilotlarni jalb etish;

ekologik maʼrifat va taʼlim olib borish;

aholining xabardorligi va ekologik ongi darajasini oshirish;

turizmning har xil turlarini tashkil etish va rivojlantirish.

11. Davlat biosfera rezervati “Oʻzbekiston temir yoʻllari” AJ yurituvidagi yuridik shaxs maqomi bilan unitar korxona shaklida tashkil etiladi.

12. Quyidagilar koʻrsatib oʻtilgan vazifalarga muvofiq biosfera rezervatining asosiy funksiyalari hisoblanadi:

togʻ va togʻoldi oʻrmonlarining biologik xilma-xilligini, shu jumladan, oʻsimlik va hayvonlarning nodir va yoʻqolib borayotgan turlarini saqlab qolish va tiklash ishlarini tashkil etish;

togʻ va togʻoldi ekotizimlarining tabiiy resurslarini muhofaza qilish, takror koʻpaytirish, tiklash va foydalanish rejimlarini taʼminlashda yerdan foydalanuvchilar va ijaraga oluvchilarga koʻmaklashish;

biologik xilma-xillikni rivojlantirish boʻyicha namoyish qilinadigan loyihalarni amalga oshirish;

tabiiy landshaft tuzilmalarni muhofaza qilish, saqlab qolish va ekotizimlar, togʻ va togʻoldi oʻrmonlarining biologik va genetik xilma-xilligi turlari yaxlitligi sohasida ilmiy faoliyatni amalga oshirish;

atrof tabiiy muhit, tabiatdan foydalanuvchilar, nodavlat notijorat va ilmiy tashkilotlarni jalb etgan holda biosfera hududini ijtimoiy-iqtisodiy rivojlantirish monitoringini olib borish, turizm faoliyatining har xil turlarini tashkil etish va rivojlantirish;

tabiatdan foydalanish va hududni ijtimoiy-iqtisodiy rivojlantirish masalalari boʻyicha ekologik ahamiyatli qarorlarni qabul qilishga mahalliy aholini jalb etish mexanizmlarini ishlab chiqish;

ekologik maʼrifatni amalga oshirish, aholining ekologik taʼlimiga va ekologik tarbiyasiga koʻmaklashish;

biosfera rezervati faoliyati va uning biologik xilma-xillikni saqlab qolish va barqaror ijtimoiy-iqtisodiy rivojlantirish boʻyicha tajribasi toʻgʻrisidagi axborotni yoyish;

qonun hujjatlariga muvofiq boshqa funksiyalarni amalga oshirish.

13. Biosfera rezervati Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga, shuningdek, banklarda hisob raqamlariga, shu jumladan, xorijiy valyutadagi hisob raqamlariga ega.

14. Biosfera rezervati oʻz ramzlariga — bayroqlar, vimpellar, emblemalar va boshqalarga ega boʻlish huquqiga ega.

Biosfera rezervati hududidagi tabiiy va tarixiy-madaniy majmualar va obyektlarning tasviridan, shuningdek, boshqa tashkilotlar va jismoniy shaxslar bilan uning nomlari va ramzlaridan foydalangan holda bosma mahsulotlar va boshqa mahsulotlarni, xalq isteʼmoli tovarlarini ishlab chiqarish faqat biosfera rezervati bilan tuzilgan shartnomalar asosida amalga oshiriladi.

15. Biosfera rezervatini boshqarish “Oʻzbekiston temir yoʻllari” AJ tomonidan amalga oshiriladi.

“Oʻzbekiston temir yoʻllari” AJ:

biosfera rezervatini uning vazifalari va funksiyalarini amalga oshirish uchun zarur boʻlgan mol-mulk bilan taʼminlaydi;

daromadlar va xarajatlar smetalarini, shuningdek, biosfera rezervatining moliya-xoʻjalik faoliyati toʻgʻrisidagi hisobotni tasdiqlaydi;

biosfera rezervati tomonidan koʻrsatiladigan xizmatlar roʻyxatini va ularning qiymatini belgilangan tartibda tasdiqlaydi;

biosfera rezervatining daromadlar va xarajatlar smetasini tasdiqlaydi;

zarurat boʻlganda shtat jadvaliga xodimlarning belgilangan umumiy soni doirasida belgilangan tartibda oʻzgartirishlar kiritadi;

biosfera rezervatining ramzlarini tasdiqlaydi;

qonun hujjatlariga va ushbu Nizomga muvofiq boshqa vakolatlarni amalga oshiradi.

16. Direktor va uning oʻrinbosarlari biosfera rezervatiga bevosita rahbarlik qiladi, ular biosfera rezervati faoliyati tashkil etilishi uchun javob beradilar.

17. Biosfera rezervatining direktori, direktor oʻrinbosarlari “Oʻzbekiston temir yoʻllari” AJ rahbariyati tomonidan lavozimga tayinlanadilar va lavozimdan ozod qilinadilar.

18. Biosfera rezervati direktori qonun hujjatlari va ushbu Nizom asosida ish koʻrib biosfera rezervatiga umumiy rahbarlik qiladi.

Biosfera rezervati direktori:

biosfera rezervatining mablagʻlari va mol-mulkini tasarruf etadi;

biosfera rezervati xodimlari bilan mehnat shartnomalari tuzadi va ularni toʻxtatadi;

xoʻjalik shartnomalari tuzadi va ularning bajarilishini tashkil etadi;

biosfera rezervati nomidan bank muassasalarida moliyaviy operatsiyalarni sodir etadi;

davlat organlari va boshqa tashkilotlarda biosfera rezervatining manfaatlarini ifodalaydi.

Biosfera rezervati direktori biosfera rezervatining qoʻriqxona va boshqa zonalari rejimi taʼminlanishi, mol-mulk saqlanishi, davlat statistikasi va boshqa hisobotlar oʻz vaqtida taqdim etilishi, hisobotlar va boshqa zarur hujjatlar YUNESKOga oʻz vaqtida taqdim etilishi, moliyaviy, shartnomaviy va mehnat intizomiga rioya etilishi uchun javob beradi.

19. Direktorning fan va ekologik maʼrifat boʻyicha oʻrinbosari:

ilmiy-tadqiqot faoliyati tashkil etilishi va olib borilishi, atrof tabiiy muhit monitoringi olib borilishi;

biosfera rezervati hududi ijtimoiy va iqtisodiy rivojlantirish rivojlanishi;

barqaror rivojlantirishni rejalashtirish tashkil etilishi;

biosfera rezervatining rekreatsion va turistik faoliyati taʼminlanishi;

ekologik maʼrifat va taʼlim tashkil etilishi va amalga oshirilishi uchun javob beradi.

20. Direktorning qoʻriqlash boʻyicha oʻrinbosari:

biosfera rezervati qoʻriqlanishini, shu jumladan, yongʻin xavfsizligini tashkil etish;

qurol-yarogʻ, oʻq-dorilar saqlanishi taʼminlanishi, ular toʻgʻri olib yurilishi va qoʻllanilishi, formali kiyim-bosh, aloqa vositalari, maxsus aslaha-anjom va asbob-uskunalar va boshqa texnika saqlanishi;

tabiatni muhofaza qilish toʻgʻrisidagi qonun hujjatlari buzilishi holatlari boʻyicha materiallar rasmiylashtirilishi, koʻrib chiqilishi va zarurat boʻlganda ular aybdor shaxslarni javobgarlikka tortish uchun belgilangan tartibda sud-tergov organlariga yuborilishi;

biosfera rezervatini muhofaza qilish xodimlariga nisbatan maʼmuriy javobgarlik choralari toʻgʻri qoʻllanilishi uchun javob beradi.

21. Biosfera rezervatida:

biosfera rezervati zonalarining chegaralari va oʻlchamlarini oʻzgartirish;

biosfera rezervatining bufer va oʻtish zonalari hududida tabiatan foydalanishga va boshqa faoliyatga cheklovlar belgilash yoki ularni olib tashlash;

biosfera rezervati hududiga tegishli boʻlgan tabiiy resurslarni muhofaza qilish va ulardan foydalanish boʻyicha rejalar va dasturlar, yer tuzish sxemalari va tumanni rejalashtirish loyihalari;

biosfera rezervati faoliyat koʻrsatishining boshqa masalalari boʻyicha tavsiyalarni koʻrib chiqish va ishlab chiqish uchun Muvofiqlashtiruvchi kengash tashkil etiladi.

Yuqorida koʻrsatib oʻtilgan masalalar boʻyicha qaror Muvofiqlashtiruvchi kengashda koʻrib chiqilganidan keyin qabul qilinadi.

Muvofiqlashtiruvchi kengash tarkibiga biosfera rezervati, hududida biosfera rezervati joylashgan mahalliy davlat hokimiyati organlari, fuqarolarning oʻzini oʻzi boshqarish organlari mutaxassislari, shuningdek, ilmiy tashkilotlar va nodavlat notijorat tashkilotlari vakillari kiradi.

Muvofiqlashtiruvchi kengashning shaxsiy tarkibi, shuningdek, u toʻgʻrisidagi Nizom “Oʻzbekiston temir yoʻllari” AJ tomonidan tasdiqlanadi.

22. Biosfera rezervati toʻgʻrisidagi asosiy maʼlumotlar biosfera rezervatining pasportida mavjud boʻladi. Pasportga kiritilgan maʼlumotlar roʻyxati va ularni yuritish tartibi qonun hujjatlari bilan belgilanadi.

23. Biosfera rezervatini moliyalashtirish boshqaruv rejalari asosida taʼminlanadi. Boshqaruv rejalarining mazmuni, ularni ishlab chiqish va tasdiqlash tartibi belgilangan tartibda belgilanadi.

24. Biosfera rezervati atrof tabiiy muhit monitoringini olib borish va muhofaza qilinadigan tabiiy hududlar davlat kadastrini yuritish uchun zarur boʻlgan maʼlumotlarni belgilangan tartibda Oʻzbekiston Respublikasi Ekologiya va atrof-muhitni muhofaza qilish davlat qoʻmitasi organlariga, shuningdek, atrof tabiiy muhitning fon monitoringi maʼlumotlarini — Oʻzbekiston Respublikasi Favqulodda vaziyatlar vazirligi huzuridagi Gidrometeorologiya xizmati markaziga taqdim etadi.

25. Biosfera rezervatida qarorlarni kollegial qabul qilish uchun jamoatchilik asosida ish koʻradigan boshqa maslahat organlari tashkil etilishi mumkin.

26. Biosfera rezervati zonalarini muhofaza qilish rejimiga rioya etilishi, atrof muhit monitoringi olib borilishi, tabiiy va madaniy meros saqlanishi, geologik xilma-xillik tiklanishi, biosfera rezervati samarali boshqarilishi, tabiiy resurslardan oqilona foydalanilishi ustidan davlat nazorati Oʻzbekiston Respublikasi Ekologiya va atrof-muhitni muhofaza qilish davlat qoʻmitasi tomonidan amalga oshiriladi.

27. Biosfera rezervati hududi 42952,8 gektarni tashkil etadi va biosfera rezervatiga doimiy foydalanish uchun berilgan yer uchastkalarida joylashgan.

Maqsadlar va vazifalarni amalga oshirish uchun biosfera rezervati hududida qoʻriqxona, bufer va oʻtish zonasi ajratiladi.

28. Qoʻriqxona zona 11018,0 gektarni tashkil etadi va alohida qoʻriqlanadigan rejimli zona hisoblanadi. Qoʻriqxona zona tabiiy obyektlar va majmualarni saqlab qolish, ilmiy tadqiqotlar va monitoring olib borish uchun moʻljallangan.

Biosfera rezervatining qoʻriqxona zonasi hududida qonun hujjatlariga muvofiq davlat qoʻriqxonalari rejimi oʻrnatiladi.

29. Bufer zona (qoʻriqxona zonasi perimetri boʻylab 1000 m.) 5197,6 gektarni tashkil etadi, undan 1183,6 ga yer Ohangaron, Boʻstonliq va Parkent tumanlari yerlari, ular biosfera rezervati hududiga kirmaydi va tabiiy obyektlar va majmualarni saqlash, takror koʻpaytirish va tiklash uchun moʻljallangan. Bufer zonada shunday rejim oʻrnatilganki, unga muvofiq yerlar oʻrmonni tiklash, eroziyaga qarshi togʻ yonbagʻirlarini mustahkamlash, har xil oʻsimliklar va hayvonlarni koʻpaytirish boʻyicha pitomniklar, yovvoyi hayvonlarni oziqlantirish uchun ozuqa dalalari tashkil etish, turistik faoliyatni rivojlantirish maqsadida foydalanish uchun yoki ijaraga berilishi mumkin.

30. Oʻtish zonasi 27920,8 gektarni tashkil etadi va tabiiy obyektlarga va biosfera rezervati majmualariga zarar yetkazmaydigan xoʻjalik faoliyatini va boshqa faoliyatni amalga oshirish uchun moʻljallangan. Oʻtish zonasi yerlari yaylovlarni melioratsiyalash, oʻrmonlarni tiklash, dorivor va texnik oʻsimliklar yetishtirish boʻyicha plantatsiyalar tashkil etish, mollarni oʻtlatish, pichan oʻrish, rekreatsion va turistik faoliyatni rivojlantirish uchun foydalanishga yoki ijaraga berilishi mumkin.

31. Biosfera rezervati hududi yoki zonalari oʻlchamlari va chegaralarini oʻzgartirish belgilangan tartibda Oʻzbekiston Respublikasi Vazirlar Mahkamasi tomonidan amalga oshiriladi.

32. Qoʻriqxona zonada har qanday xoʻjalik faoliyati va boshqa faoliyat taqiqlanadi, ilmiy tadqiqotlar, atrof tabiiy muhit monitoringi bundan mustasno. Biosfera rezervati xodimlari hisoblanmagan shaxslarning qoʻriqxonada boʻlishiga faqat biosfera rezervati rahbariyatining yozma ruxsati bilan yoʻl qoʻyiladi.

33. Bufer zonada:

oʻrmonlarni tiklash, eroziyaga qarshi togʻ yonbagʻirlarini mustahkamlash, belgilangan tartibda pichan oʻrish uchun foydalanishga yoki ijaraga berishga;

har xil oʻsimliklar va hayvonlarni koʻpaytirish, yovvoyi hayvonlarni oziqlantirish uchun ozuqa dalalari boʻyicha pitomniklar va volyerlar tashkil etishga;

rekreatsion va turistik faoliyatni rivojlantirishga, shu jumladan, mineral suvlar va dorivor resurslardan foydalanishga;

turistik faoliyatni rivojlantirish uchun yengillashtirilgan tipdagi binolar va inshootlar qurishga;

biosfera rezervati xodimlari uchun qonun hujjatlarida belgilangan tartibda xizmat binolari va turar joy binolari qurishga, mutaxassislarni tayyorlash va qayta tayyorlashga;

belgilangan tartibda dorivor va ozuqabop oʻsimliklarni yigʻishga;

atrof tabiiy muhit monitoringini olib borishga va ekotizimlar oʻzgarishi ustidan nazorat qilishga;

ilmiy tadqiqotlar olib borishga, mutaxassislarni oʻqitish va tayyorlashga;

biologik xilma-xillik obyektlarini tiklash va muhofaza qilish boʻyicha faoliyatga;

oʻrmonlarni muhofaza qilishga, tiklashga va muhofaza qilishga yoʻnaltirilgan oʻrmon xoʻjaligi faoliyatini amalga oshirishga, asalari uyalarini oʻrnatishga;

sanitariya jihatidan kesishga, parvarish qilish uchun kesishga, shox-shabbalar va qurib qolgan daraxtlarni yigʻishga;

ekologik maʼrifatni amalga oshirishga, namoyish qiluvchi uchastkalarni, yangi texnologiyalar markazlarini tashkil etishga va tabiatdan foydalanishni boshqarish boʻyicha taʼlim beruvchi dasturlarni amalga oshirishga;

yongʻinga qarshi tadbirlarni amalga oshirishga;

veterinariya va sanitariya profilaktika tadbirlarini oʻtkazishga ruxsat beriladi.

34. Oʻtish zonasida muhofaza qilinadigan obyektlar va majmualarga zarar yetkazmaydigan ishlab chiqarish faoliyatining har xil turlariga yoʻl qoʻyiladi. Oʻtish zonasida qishloq xoʻjaligi va boshqa ishlab chiqarish obyektlari, shuningdek, ekologik yoʻnaltirilgan texnologiyalarni puxta ishlash (shu jumladan, cheklangan ov qilish va baliqchilik) uchun tajriba uchastkalari, shuningdek, bufer zonada ruxsat berilgan faoliyatning barcha turlari joylashtiriladi.

35. Biosfera rezervatining ilmiy-tadqiqot faoliyati tabiiy jarayonlar va hodisalarni asosli oʻrganishga, shuningdek, hududni ijtimoiy-iqtisodiy rivojlantirishga yoʻnaltirilgan.

36. Biosfera rezervati hududida atrof tabiiy muhitning doimiy monitoringi, shuningdek, iqtisodiy va ijtimoiy parametrlar monitoringi olib boriladi. Monitoring natijalaridan biosfera rezervatini boshqarish rejalarini tuzish, uning hududini ijtimoiy-iqtisodiy rivojlantirish prognozlari, biosfera rezervatlari xalqaro tarmogʻida global monitoring olib borish uchun foydalaniladi.

37. Quyidagilar ilmiy tadqiqotlar va monitoring olib borishning vazifalari hisoblanadi:

fundamental va amaliy tadqiqotlar, shu jumladan, lokal muammolarni hal etishga yoʻnaltirilgan fundamental va amaliy tadqiqotlar, ijtimoiy va tabiiy fanlarini birlashtiruvchi fanlararo tadqiqotlar, shuningdek, tanazzulga uchragan ekotizimlarni reabilitatsiya qilishga, tuproq va suvni saqlashga, tabiiy resurslardan barqaror foydalanishga yoʻnaltirilgan tadqiqotlar olib borish;

oʻsimlik va hayvonot dunyosi obyektlari hisobini yuritish, meteorologik va gidrologik kuzatishlar, ekologik va ijtimoiy-iqtisodiy tusdagi maʼlumotlarni toʻplash, ifloslantiruvchi moddalarning atrof tabiiy muhit va insonga taʼsirini oʻrganish;

biologik xilma-xillikni baholash va monitoring olib borish sohasida usullar va yondashuvlarni ishlab chiqish va test sinovidan oʻtkazish;

ilmiy tadqiqotlar va monitoring natijalaridan oqilona foydalanish maqsadida maʼlumotlarni boshqarishning funksional tizimini yaratish;

inson faoliyatining tabiiy ekotizimlar va majmualarga zararli taʼsirini kamaytirishning eng yangi texnologiyalarini joriy etish.

38. Ilmiy faoliyat va monitoring olib borishga ilmiy muassasalar, shu jumladan, xorijiy mamlakatlarning ilmiy muassasalari, shuningdek, alohida olimlar jalb etiladi. Ilmiy muassasalar va alohida olimlar biosfera rezervati rahbariyati bilan kelishuv boʻyicha oʻz dasturlari boʻyicha ilmiy faoliyatni amalga oshirishlari mumkin.

39. Biosfera rezervatining Oʻzbekiston Respublikasi Davlat budjeti hamda Ekologiya va atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlari hisobiga olingan ilmiy-tadqiqot faoliyati natijalari biosfera rezervatining mulki hisoblanadi. Yuridik va jismoniy shaxslarning mablagʻlari hisobidan olingan ilmiy-tadqiqot faoliyati natijalariga mulk huquqi biosfera rezervati bilan koʻrsatib oʻtilgan shaxslar oʻrtasida tuzilgan shartnomalar bilan belgilanadi. Biosfera rezervati ilmiy-tadqiqot faoliyatining barcha natijalaridan bepul foydalanadi.

40. Ilmiy-tadqiqot ishlarini olib borish uchun biosfera rezervati oʻz hududida ilmiy fondlar omborlariga, dala bazalari va kordonlarga ega boʻlishi kerak. Biosfera rezervatining ilmiy fondlari muddatsiz saqlanishi kerak.

41. Biosfera rezervatida metodik rahbarlik qilish va ilmiy tadqiqotlarni muvofiqlashtirish Oʻzbekiston Respublikasi Fanlar akademiyasi tomonidan amalga oshiriladi.

42. Biosfera rezervatida Ilmiy kengash tashkil etiladi. Ilmiy kengash toʻgʻrisidagi nizom va uning shaxsiy tarkibi Oʻzbekiston Respublikasi Fanlar akademiyasining taqdimnomasi boʻyicha biosfera rezervati rahbariyati tomonidan tasdiqlanadi.

43. Biosfera rezervati oʻzining ilmiy asarlari eʼlon qilinishini taʼminlaydi va oʻzining bosma nashrlariga ega boʻlishi mumkin.

44. Biosfera rezervati jamoatchilikni xabardor qilishni va biosfera rezervatiga nisbatan qarorlar qabul qilishda uning ishtirokini taʼminlaydi.

Biosfera rezervatini boshqarishga aholini jalb etish maqsadida fuqarolarning oʻzini oʻzi boshqarish organlari, nodavlat notijorat tashkilotlar vakillaridan, shuningdek, fuqarolardan “Oʻzbekiston temir yoʻllari” AJning qarori bilan Muvofiqlashtiruvchi kengash tashkil etiladi. Muvofiqlashtiruvchi kengashning biosfera rezervati hududida yashaydigan aholining manfaatlariga daxl qiladigan tavsiyalari biosfera rezervati rahbariyati tomonidan qabul qilinishi mumkin.

45. Biosfera rezervatida jamoatchilikni xabardor qilish uchun axborot markazlari tashkil etiladi. Axborot markazlarida aholining ekologik maʼrifati va taʼlimi boʻyicha tadbirlar oʻtkaziladi, Ushbu markazlarda biosfera rezervati, uning tabiiy tavsiflari, zonalashtirish toʻgʻrisidagi umumiy axborot saqlanadi.

Axborot markazlaridagi ish biosfera rezervati xodimlari hamda nodavlat notijorat tashkilotlar tomonidan amalga oshiriladi.

46. Biosfera rezervatini qoʻriqlash biosfera rezervatini qoʻriqlash xodimlari tomonidan amalga oshiriladi, ular:

rezervat hududidagi shaxslarning hujjatlarini tekshirish;

shaxsan koʻzdan kechirish, ashyolar va transport vositalarini koʻzdan kechirish;

maʼmuriy huquqbuzarlik toʻgʻrisida bayonnomalar tuzish, fuqarolarni, transport va mexanik vositalarni maʼmuriy ushlash, ashyolar, hujjatlar, huquqbuzarliklarni sodir etish qurollarini, shuningdek, qoidabuzarlik holatlari aniqlanganda tabiatdan noqonuniy foydalanish mahsulotlarini olib qoʻyish, maʼmuriy jazo choralarini qoʻllash, tabiiy obyektlarga (oʻsimlik va hayvonot dunyosi obyektlariga), ekotizimlar va landshaftlarga yetkazilgan zararni qoplash boʻyicha daʼvo talablari taqdim etish;

materiallarni aybdorlarni javobgarlikka tortish uchun tegishli organlarga yuborish;

biosfera rezervati rejimi buzilgan holda amalga oshiriladigan tabiatdan foydalanish, xoʻjalik faoliyati va boshqa faoliyat toʻgʻrisida tegishli instansiyalarga xabar berish;

qonun hujjatlariga muvofiq boshqa vakolatlarni amalga oshirish huquqiga ega.

47. Biosfera rezervatini qoʻriqlash xodimlariga xizmat vazifalarini ado etishda oʻqotar qurolni belgilangan tartibda taqib yurishga ruxsat beriladi. Biosfera rezervatini qoʻriqlash xodimlari oʻz xizmat vazifalarini ado etishda belgilangan tartibda oʻqotar quroldan va maxsus vositalardan (kishanlar, rezina tayoqlar, koʻzdan yosh oqizuvchi gaz, transport vositalarini majburiy toʻxtatish qurilmalari) qoʻllash, shuningdek, xizmat itlaridan foydalanishga ruxsat beriladi.

Oʻqotar qurolni va maxsus vositalarni sotib olish, saqlash, taqib yurish va qoʻllashga ruxsatnoma olish belgilangan tartibda amalga oshiriladi.

48. Biosfera rezervatini qoʻriqlash xodimlari ekologiya va atrof-muhitni muhofaza qilish boʻyicha organlar davlat inspektorlarining barcha huquqlari va imtiyozlaridan foydalanadilar.

Direktor va direktorning qoʻriqlash boʻyicha oʻrinbosari katta davlat inspektorlariga, qoʻriqlash xodimlari esa — ekologiya va atrof muhit muhofazasi boʻyicha davlat inspektorlariga tenglashtiriladi.

49. Biosfera rezervatini qoʻriqlash xodimlari Oʻzbekiston Respublikasi Prezidentining “Oʻzbekiston Respublikasi vazirliklari, idoralari va tashkilotlarining formali kiyim-boshini ishlab chiqish, standartlashtirish, tasdiqlash va tayyorlash mexanizmlarini tartibga solish chora-tadbirlari toʻgʻrisida” 2017-yil 27-fevraldagi PQ-2800-son qaroriga muvofiq maxsus formali kiyim-bosh bilan taʼminlanadilar.

Biosfera rezervatini qoʻriqlash xodimlari huquqbuzarliklarning oldini olish va ularga qarshi kurashish uchun qonun hujjatlarida belgilangan tartibda huquqni muhofaza qilish organlari bilan oʻzaro hamkorlikda tadbirlar oʻtkazadilar.

50. Biosfera rezervati hududini qoʻriqlashga ekologik va atrof muhit muzofazasi boʻyicha jamoatchi inspektorlar jalb etilishi mumkin.

51. Tabiatni muhofaza qilish obyektlarini saqlash yuzasidan biosfera rezervati xodimlari faoliyatini va ularning moddiy manfaatdorligini oshirish, tabiiy resurslardan oqilona foydalanish va ularni tiklash maqsadida baland togʻli sharoitlarda ishlaydigan xodimlarga dengiz sathidan balandligi darajasiga qarab moddiy ragʻbatlantirish tadbirlari amalga oshiriladi va oylik lavozim maoshiga:

1500 — 1700 metr — 1,1;

1701 — 2000 metr — 1,15;

2001 — 3000 metr — 1,3;

3001 metrdan baland — 1,4 miqdorida qoʻshimcha koeffitsiyentlar belgilanadi.

Biosfera rezervati xodimlarini maxsus qoʻllab-quvvatlash va ular mehnati samaradorligini oshirish uchun har oyda transport xarajatlariga eng kam oylik ish haqining bir baravari miqdorida va ovqatlanish xarajatlari uchun — eng kam oylik ish haqining ikki baravari miqdorida toʻlovlar amalga oshiriladi.

Davlat biosfera rezervati xodimlarini ragʻbatlantirishga va ijtimoiy qoʻllab-quvvatlashga yoʻnaltirilgan barcha toʻlovlarni moliyalashtirish Oʻzbekiston Respublikasi Davlat budjetidan tashqari moliyalashtirishning barcha manbalari hisobiga amalga oshiriladi.

52. Biosfera rezervatiga operativ boshqaruv huquqi bilan berilgan binolar, inshootlar, asbob-uskunalar, pul mablagʻlari biosfera rezervatining mol-mulki hisoblanadi.

53. Biosfera rezervati:

Oʻzbekiston Respublikasi Davlat budjeti mablagʻlari;

“Oʻzbekiston temir yoʻllari” AJ mablagʻlari;

Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlari;

ilmiy-tadqiqot, tabiatni muhofaza qilish, reklama-noshirlik va maʼrifiy faoliyatdan olingan daromadlar;

qoʻriqlanadigan tabiiy hududlarga yetkazilgan zararni qoplash hisobiga tushumlar;

qoʻriqlanadigan tabiiy hududlar rejimi buzilganligi uchun undiriladigan jarima summalari;

musodara qilingan ov va baliqchilik qurollarini, noqonuniy olingan mahsulotlarni sotishdan olingan summalar;

yuridik va jismoniy shaxslarning xayriya ehsonlari;

qonun hujjatlarida taqiqlanmagan boshqa tushumlar hisobiga moliyalashtiriladi.

Biosfera rezervati oʻz mablagʻlarini “Oʻzbekiston temir yoʻllari” AJ tomonidan tasdiqlanadigan daromadlar va xarajatlar smetalariga muvofiq mustaqil tasarruf etadi.

54. Biosfera rezervati qonun hujjatlariga muvofiq amalga oshiriladigan faoliyatning hisobi va hisobotini yuritadi.

55. Biosfera rezervati faoliyati ustidan qonun hujjatlariga muvofiq vakolatli davlat organlari nazorat qiladilar.

56. Biosfera rezervatini tugatish va qayta tashkil etish qonun hujjatlarida belgilangan tartibda amalga oshiriladi.

1) Toshkent viloyatining Ohangaron, Parkent va Boʻstonliq tumanlari hududida joylashgan Ugom-Chotqol davlat biosfera rezervati maʼmuriy chegarasining tavsifi.

Ugom-Chotqol davlat biosfera rezervati chegarasini aniqlash uchun Toshkent viloyatining Parkent va Boʻstonliq tumanlari tutashib ketadigan Nurekotasoyning yuqori qismidagi 1-boshlangʻich nuqta qabul qilingan.

1-nuktadan chegara Parkent va Boʻstonliq tumanlarining maʼmuriy chegarasi chizigʻi boʻylab sharqiy yoʻnalishda oʻng tomondan 445 metr masofada 2-nuqtagacha davom etadi.

2-nuqtadan chegara shimoliy-sharqiy yoʻnalishda Parkent va Boʻstonliq tumanlari chegara chizigʻi boʻylab togʻ tizmasi boʻyicha 1105 metr masofada, soʻngra sharqiy yoʻnalishda 205 metr masofada 3-nuqtagacha davom etadi.

3-nuqtadan chegara janubiy-sharqiy yoʻnalishda Boʻstonliq tumani chegarasi chizigʻi boʻylab Abulqashqa togʻ tizmasi boʻyicha 920 metr masofada 4-nuqtagacha davom etadi.

4-nuqtadan chegara shimoliy-sharqiy yoʻnalishda Boʻstonliq tumani chegarasi chizigʻi boʻylab Abulqashqa togʻ tizmasi boʻyicha 1960 metr masofada, soʻngra sharqiy yoʻnalishi boʻyicha 1530 metr masofada Boʻstonliq tumani chegarasi chizigʻi boʻylab 5-nuqtagacha davom etadi.

5-nuqtadan chegara janubiy-sharqiy yoʻnalishda Abulqashqa togʻ tizmasi boʻyicha 290 metr masofada 6-nuqtagacha davom etadi.

6-nuktadan chegara janubiy yoʻnalishda Boʻstonliq tumani chegarasi chizigʻi boʻylab Mingjilgʻa togʻ tizmasining oʻng tomoni boʻyicha 1180 metr masofada, soʻngra janubiy-gʻarbiy yoʻnalishda 1205 metr masofada, soʻngra janubiy-sharqiy yoʻnalishda 3346 metr, soʻngra janubiy-gʻarbiy yoʻnalishda 1714 metr, soʻngra janubiy yoʻnalishda 3940 metr masofada va Berkotasoyning yuqori qismigacha 7-nuqtagacha davom etadi.

7-nuqtadan chegara janubiy-gʻarbiy yoʻnalishda Boʻstonliq tumani chegarasi chizigʻi boʻylab Mingjilgʻa togʻ tizmasining oʻng tomoni boʻyicha 2571 metr masofada 8-nuqtagacha davom etadi.

8-nuqtadan chegara gʻarbiy yoʻnalishda Boʻstonliq tumani chegarasi chizigʻi boʻylab Oqqoʻl togʻ tizmasi boʻyicha 972 metr masofada 9-nuqtagacha davom etadi.

9-nuqtadan chegara Parkent va Boʻstonliq tumanlari oʻrtasidagi maʼmuriy chegara chizigʻi boʻylab shimoliy-gʻarb yoʻnalishida, Oqqoʻl togʻ tizmasi boʻyicha 1295 metr masofada 10-nuqtagacha davom etadi.

10-nuqtadan chegara janubiy-gʻarbiy yoʻnalishda 698 metr masofada, soʻngra Boʻstonliq tumani maʼmuriy chegarasi bilan kesishgunigacha janubiy yoʻnalishda Taksoy boshlanishida 1680 metr masofada 11-nuqtagacha davom etadi.

11-nuqtadan chegara janubiy-gʻarbiy yoʻnalishda Parkent va Boʻstonliq tumanlari maʼmuriy chegarasi chizigʻigacha 1695 metr masofada, soʻngra ushbu yoʻnalishda Parkent va Boʻstonliq tumanlari oʻrtasidagi maʼmuriy chegara chizigʻi boʻyicha, Charqtov togʻ tizmasi boʻyicha 3670 metr masofada, Maydontol togʻ choʻqqisi va Boʻstonliq tumanining Gijal qishlogʻi boʻylab va Oqsoqota soyi bilan kesishgunigacha 12-nuqtagacha davom etadi.

12-nuqtadan chegara janubiy yoʻnalishda Parkent va Boʻstonliq tumanlari maʼmuriy chegarasi chizigʻi, Qizilnuri togʻ tizmasi boʻylab Parkentsoyning yuqori qismigacha 7250 metr masofada, soʻngra janubiy-sharqiy yoʻnalishda 1340 metr masofagacha va keyin Parkent va Ohangaron tumanlari maʼmuriy chegarasi kesishgunigacha 13-nuqtagacha davom etadi.

13-nuqtadan chegara janubiy yoʻnalishda Parkent va Ohangaron tumanlarining maʼmuriy chegarasi chizigʻi, Qizilnuri togʻ tizmasi boʻylab 890 metr masofada, soʻngra janubiy-sharqiy yoʻnalishda 470 metr masofada, soʻngra janubiy-gʻarbiy yoʻnalishda 405 metr masofada, keyin janubiy yoʻnalishda 500 metr masofada, soʻngra janubiy-gʻarbiy yoʻnalishda 290 metr masofada, soʻngra janubiy-sharqiy yoʻnalishda Qizilnur togʻ tizmasi boʻylab 705 metr masofada, soʻngra janubiy yoʻnalishda 480 metr masofada va Qoʻrgʻontosh togʻ tizmasigacha 14-nuqtagacha davom etadi.

14-nuqtadan chegara janubiy-sharqiy yoʻnalishda Boʻstonliq tumanining Qoʻrgʻontosh togʻ tizmasi boʻylab 1485 metr masofada 15-nuqtagacha davom etadi.

15-nuktadan chegara janubiy-gʻarbiy yoʻnalishda Qoʻrgʻontosh togʻ tizmasi boʻylab 430 metr masofada, soʻngra janubiy yoʻnalishda 3185 metr masofada 16-nuqtagacha davom etadi.

16-nuqtadan chegara sharqiy yoʻnalishda Qoʻrgʻontosh togʻ tizmasi boʻylab 290 metr masofada, soʻngra janubiy-sharqiy yoʻnalishda 465 metr masofada 17-nuqtagacha davom etadi.

17-nuqtadan chegara janubiy-gʻarbiy yoʻnalishda Xoʻroz oʻlgan togʻ tizmasigacha 2960 metr masofada, soʻngra ushbu yoʻnalishda Deishxonsoyning yuqori qismidan oʻtib 7210 metr masofada 18-nuqtagacha davom etadi.

18-nuqtadan chegara janubiy yoʻnalishda, Paraliksoyning yuqori qismidan oʻtib 4410 metr masofada 19-nuqtagacha davom etadi.

19-nuqtadan chegara janubiy-gʻarbiy yoʻnalishida, Ayamamaydiqsoyning yuqori qismidan oʻtib 3610 metr masofada 20-nuqtagacha davom etadi.

20-nuqtadan chegara janubiy-gʻarbiy yoʻnalishda Qoraqiya togʻ tizmasi boʻylab 1830 metr masofaga davom etadi.

21-nuqtadan chegara shimoliy-gʻarbiy yoʻnalishda 1151 metr masofada “Jartosh-Nurobod-Shavvozsoy” yangi avtomobil yoʻli kesishmasigacha 22-nuqtagacha davom etadi.

22-nuqtadan chegara shimoliy-sharqiy yoʻnalishda 940 metr masofada 23-nuqtagacha davom etadi.

23-nuqtadan chegara shimoliy-gʻarbiy yoʻnalishda 3977 metr masofada 24-nuqtagacha davom etadi.

24-nuqtadan chegara shimoliy-sharqiy yoʻnalishda Ohangaron-Parkent tumanlarining maʼmuriy chegaralari kesishgan joygacha 780 metr masofada 25-nuqtagacha davom etadi.

25-nuqtadan chegara shimoliy yoʻnalishda 440 metr masofada 26-nuqtagacha davom etadi.

26-nuqtadan chegara shimoliy-sharqiy yoʻnalishda 490 metr masofada oʻtadi, 27-nuqtada Ohangaron-Parkent tumanlari maʼmuriy chegaralari kesishgan joygacha davom etadi.

27-nuqtadan chegara shimoliy-gʻarbiy yoʻnalishda Parkent tumani hududida 1210 metr masofada 28-nuqtagacha davom etadi.

28-nuqtadan chegara shimoliy yoʻnalishda 360 metr masofada 29-nuqtagacha davom etadi.

29-nuqtadan chegara shimoliy-gʻarbiy yoʻnalishda Chovlisoy bilan yoʻllar kesishgunigacha oʻtadi va soʻngra Shovvozsoy uchastkasining 19-postiga olib boruvchi yoʻlni kesib oʻtadi, 1810 metr masofada 30-nuqtada Jiydalisoy bilan kesishgan joyigacha.

30-nuqtadan chegara shimoliy yoʻnalishda 1535 metr masofada Jiydalisoy bilan kesishgungacha 31-nuqtagacha davom etadi.

31-nuqtadan chegara shimoliy-sharqiy yoʻnalishda qoʻriqxona hududida Nevich qishlogʻi va Sarasuyun tepaligi oʻrtasida yoʻl kesishgungacha 1670 metr masofada 32-nuqtagacha davom etadi.

32-nuqtadan chegara shimoliy yoʻnalishda Parkent tumani hududidagi Opanbuloqsoy bulogʻi bilan kesishgungacha 1524 metr masofada 33-nuqtagacha davom etadi.

33-nuqtadan chegara shimoliy-sharqiy yoʻnalishda Boshqizilsoy bilan kesishgungacha 806 metr masofada 34-nuqtagacha davom etadi.

34-nuqtadan chegara shimoliy yoʻnalishda Parkent tumani hududidagi Shavzuxurdsoyning oʻng tomoni boʻylab 400 metr masofada 35-nuqtagacha davom etadi.

35-nuqtadan chegara shimoliy-sharqiy yoʻnalishda Shavzuxurdsoyning oʻng tomoni boʻylab 970 metr masofada 36-nuqtagacha davom etadi.

36-nuqtadan chegara shimoliy-sharqiy yoʻnalishda Avastakte togʻ tizmasi tomonidan 970 metr masofada 37-nuqtagacha davom etadi.

37-nuqtadan chegara shimoliy yoʻnalishda Avastakte togʻ tizmasigacha 1040 metr masofada 38-nuqtagacha davom etadi.

38-nuqtadan chegara janubiy-gʻarbiy yoʻnalishda 2310 metr masofada 39-nuqtagacha davom etadi.

39-nuqtadan chegara shimoliy-sharqiy yoʻnalishda 595 metr masofada 40-nuqtagacha davom etadi.

40-nuqtadan chegara shimoliy-gʻarbiy yoʻnalishda 623 metr masofada 41-nuqtagacha davom etadi.

41-nuqtadan chegara janubiy-sharqiy yoʻnalishda 285 metr masofada 42-nuqtagacha davom etadi.

42-nuqtadan chegara sharqiy yoʻnalishda Avastakte togʻ tizmasigacha 1010 metr masofada 43-nuqtagacha davom etadi.

43-nuqtadan chegara shimoliy yoʻnalishda Qaragashlisoyni kesib oʻtib, 1320 metr masofada 44-nuqtagacha davom etadi.

44-nuqtadan chegara sharqiy yoʻnalishda 1775 metr masofada 45-nuqtagacha davom etadi.

45-nuqtadan chegara shimoliy-gʻarbiy yoʻnalishda 1330 metr masofada 46-nuqtagacha davom etadi.

46-nuqtadan chegara shimoliy-sharqiy yoʻnalishda 650 metr masofada 47-nuqtagacha davom etadi.

47-nuqtadan chegara shimoliy yoʻnalishda 910 metr masofada 48-nuqtagacha davom etadi.

48-nuqtadan chegara gʻarbiy yoʻnalishda 2330 metr masofada 49-nuqtagacha davom etadi.

49-nuqtadan chegara shimoliy-sharqiy yoʻnalishda, Soʻqoqsoyni kesib oʻtib, 2340 metr masofada 50-nuqtagacha davom etadi.

50-nuqtadan chegara shimoliy yoʻnalishda 120 metr masofada oʻtadi, soʻngra shimoliy-sharqiy yoʻnalishda 1595 metr masofada 51-nuqtagacha davom etadi.

51-nuqtadan chegara shimoliy yoʻnalishda Tudaksoy va Zarkentsoylarni kesib oʻtib, 2 990 metr masofada 52-nuqtagacha davom etadi.

52-nuqtadan chegara shimoliy-gʻarbiy yoʻnalishda Burivatsoyni kesib oʻtib, 510 metr masofada oʻtadi, soʻngra shimoliy yoʻnalishda 505 metr masofada 53-nuqtagacha davom etadi.

53-nuqtadan chegara sharqiy Parkentsoyni kesib oʻtib shimoliy yoʻnalishda 2190 metr masofada 54-nuqtagacha davom etadi.

54-nuqtadan chegara shimoliy yoʻnalishda 1140 metr masofada 55-nuqtagacha davom etadi.

55-nuqtadan chegara shimoliy yoʻnalishda 1235 metr masofada oʻtadi, soʻngra shimoliy-sharqiy yoʻnalishda 1150 metr masofada 56-nuqtagacha davom etadi.

56-nuqtadan chegara sharqiy yoʻnalishda Uchtosh togʻ tizmasi boʻylab 1225 metr masofada 57-nuqtagacha davom etadi.

57-nuqtadan chegara shimoliy yoʻnalishda Oltinbelsoyni kesib oʻtib 1005 metr masofada 58-nuqtagacha davom etadi.

58-nuqtadan chegara sharqiy yoʻnalishda 780 metr masofada oʻtadi, soʻngra janubiy-sharqiy yoʻnalishda 825 metr masofada, soʻngra janubiy yoʻnalishda 410 metr masofada 59-nuqtagacha davom etadi.

59-nuqtadan chegara shimoliy-sharqiy yoʻnalishda Parkent tumani hududidagi Gulbogʻ massivining bir qismi bilan kesishgunigacha 1684 metr masofada 60-nuqtagacha davom etadi.

60-nuqtadan chegara Maydontol togʻ yoʻli — Boʻstonliq tumanining Gidjal qishlogʻi, Qashqasoy, Oqsoqotasoyni kesib oʻtib 4075 metr masofada 61-nuqtagacha davom etadi.

61-nuqtadan chegara shimoliy-sharqiy yoʻnalishda 275 metr masofada oʻtadi, soʻngra shimoliy yoʻnalishda 2370 metr masofada 62-nuqtagacha davom etadi.

62-nuqtadan chegara shimoliy-sharqiy yoʻnalishda 1070 metr masofada 63-nuqtagacha davom etadi.

63-nuqtadan chegara janubiy-sharqiy yoʻnalishda 640 metr masofada 64-nuqtagacha davom etadi.

64-nuqtadan chegara Novashaksoyni kesib oʻtib shimoliy yoʻnalishda 2774 metr masofada 65-nuqtagacha davom etadi.

65-nuqtadan chegara Qoʻrgʻontepasoy va Berkota soylarini kesib oʻtib shimoliy-sharqiy yoʻnalishda 2405 metr masofada 66-nuqtagacha davom etadi.

66-nuqtadan chegara Nurekotasoyni kesib oʻtib shimoliy yoʻnalishda 265 metr masofada oʻtadi, soʻngra shimoliy-sharqiy yoʻnalishda 316 metr masofada, soʻngra shimoliy-sharqiy yoʻnalishda 1180 metr masofada, soʻngra shimoliy-sharqiy yoʻnalishda 140 metr masofada 67-nuqtagacha davom etadi.

67-nuqtadan chegara sharqiy yoʻnalishda 402 metr masofada 68-nuqtagacha davom etadi.

68-nuqtadan chegara Nurekotasoyni kesib oʻtib shimoliy-sharqiy yoʻnalishda 586 metr masofada oʻtadi, soʻngra shimoliy yoʻnalishda 870 metr masofada 69-nuqtagacha davom etadi.

69-nuqtadan chegara shimoliy-gʻarbiy yoʻnalishda 370 metr masofada 70-nuqtagacha davom etadi.

70-nuqtadan chegara shimoliy-gʻarbiy yoʻnalishda 1100 metr masofada oʻtadi, Parkent va Boʻstonliq tumanlari maʼmuriy chegaralari chizigʻi kesishgan joyda 1-nuqtaga tutashadi.

2) Ugom-Chotqol davlat biosfera rezervatining “Boshqizilsoy” qoʻriqxona uchastkasining bufer zonasi tavsifi.

Ugom-Chotqol davlat biosfera rezervatining Boshqizilsoy qoʻriqxona uchastkasining bufer zonasi chegarasini aniqlash uchun Toshkent viloyatining Parkent va Boʻstonliq tumanlari maʼmuriy chegarasi chizigʻiga tutashib ketadigan Qizilnur togʻida joylashgan 1-boshlangʻich nuqta qabul qilingan.

1-nuktadan chegara janubiy-sharqiy yoʻnalishda oʻtadi va Boshqizilsoy qoʻriqxona uchastkasining tashqi perimetri boʻyicha 1000 metr kenglikdagi yer uchastkasini oʻz ichiga oladi. Boshqizilsoy qoʻriqxona uchastkasi bufer zona sifatida belgilangan. Soʻngra Parkent va Ohangaron tumanlari maʼmuriy chegaralari chiziqlari oʻrtasida joylashgan Qizilnur togʻ tizmasining oʻng tomoni boʻylab 1344 metr masofada Parkent va Ohangaron tumanlari maʼmuriy chegarasi chizigʻiga tutashadigan 2-nuqtagacha davom etadi.

2-nuqtadan chegara Parkent va Ohangaron tumanlarining maʼmuriy chegarasi oʻrtasida joylashgan Qizilnur togʻ tizmasining oʻng tomoni boʻylab janubiy yoʻnalishda 893 metr masofada Boshqizilsoyning yuqori qismida joylashgan 3-nuqtagacha davom etadi.

3-nuqtadan chegara Parkent va Ohangaron tumanlarining maʼmuriy chegarasi oʻrtasida joylashgan Qizilnur togʻ tizmasining togʻ tizmasining oʻng tomoni boʻylab 466 metr masofada 4-nuqtagacha davom etadi.

4-nuqtadan chegara janubiy-sharqiy yoʻnalishda Parkent va Ohangaron tumanlari maʼmuriy chegarasi chizigʻi boʻylab 404 metr masofada Qizilnur togʻ tizmasida joylashgan 5-nuqtagacha davom etadi.

5-nuqtadan chegara janubiy yoʻnalishda Parkent va Ohangaron tumanlari maʼmuriy chegarasi chizigʻi boʻylab, Qizilnur togʻ tizmasi boʻyicha 500 metr masofada 6-nuqtagacha davom etadi.

6-nuktadan chegara janubiy-gʻarbiy yoʻnalishda Parkent va Ohangaron tumanlari maʼmuriy chegarasi chizigʻi boʻylab 293 metr masofada oʻtadi va Qizilnur togʻ tizmasida joylashgan 7-nuqtagacha davom etadi.

7-nuqtadan chegara Qizilnur togʻ tizmasida joylashgan janubiy-sharqiy yoʻnalishda Parkent va Ohangaron tumanlarining maʼmuriy chegarasi chizigʻi boʻylab 710 metr masofada 8-nuqtagacha davom etadi.

8-nuqtadan chegara janubiy yoʻnalishda Qizilnur togʻ tizmasi orqali Parkent va Ohangaron tumanlari maʼmuriy chegarasi chizigʻi boʻylab 480 metr masofada Qoʻrgʻontosh togʻ tizmasida joylashgan 9-nuqtagacha davom etadi.

9-nuqtadan chegara janubiy-gʻarbiy yoʻnalishda Qoʻrgʻontosh togʻ tizmi orqali Parkent va Ohangaron tumanlari maʼmuriy chegarasi chizigʻi boʻylab 3610 metr masofada 10-nuqtagacha davom etadi.

Chegaraning sharqiy tomonida 5090 metr masofada 1 — 9-nuqtalar oʻrtasida Ohangaron va Boʻstonliq tumanlari davlat yer zaxirasi yerlarida joylashgan Boshqizilsoy qoʻriqxona uchastkasining bufer zonasi belgilangan.

10-nuqtadan chegara Oqkantogʻ togʻ tizmasining oʻng tomoni boʻylab Parkent va Ohangaron tumanlarining maʼmuriy chegaralari oʻrtasida 2240 metr masofada Taksoy bilan kesishgungacha 11-nuqtagacha davom etadi.

11-nuqtadan chegara Parkent va Ohangaron tumanlarining maʼmuriy chegaralari oʻrtasida Oqkantogʻ tizmasining oʻng tomoni boʻylab 1407 metr masofada 12-nuqtagacha davom etadi.

12-nuqtadan chegara janubiy yoʻnalishda Parkent va Ohangaron tumanlarining maʼmuriy chegaralari oʻrtasida Katta Takali togʻ tizmasining oʻng tomoni boʻylab 670 metr masofada oʻtadi va 13-nuqtagacha davom etadi.

13-nuqtadan chegara gʻarbiy yoʻnalishda Parkent va Ohangaron tumanlarining maʼmuriy chegaralari oʻrtasidagi Katta Takali togʻ tizmasining oʻng tomoni boʻylab 1060 metr masofada 14-nuqtagacha davom etadi.

14-nuqtadan chegara janubiy-gʻarbiy yoʻnalishda Parkent va Ohangaron tumanlarining maʼmuriy chegaralari oʻrtasida Katta Takali togʻ tizmasining togʻ yoʻlini boʻylab 2420 metr masofada 15-nuqtagacha davom etadi.

15-nuktadan chegara Parkent va Ohangaron tumanlarining maʼmuriy chegaralari oʻrtasida Kichik Takali togʻ tizmasi boʻylab 720 metr masofada 16-nuqtagacha davom etadi.

16-nuqtadan chegara janubiy-sharqiy yoʻnalishda Kichik Taqali togʻ tizmasining yuqori qismi orqali, Parkent va Ohangaron tumanlarining maʼmuriy chegaralari oʻrtasidan 1380 metr masofada 17-nuqtagacha davom etadi.

17-nuqtadan chegara janubiy-gʻarbiy yoʻnalishda Parkent va Ohangaron tumanlarining maʼmuriy chegaralari oʻrtasidagi Sarasuyun togʻ tizmasi boʻylab 530 metr masofada Noksoy tepaligigacha 18-nuqtagacha davom etadi.

18-nuqtadan chegara janubiy-gʻarbiy yoʻnalishda Parkent va Ohangaron tumanlarining maʼmuriy chegaralari oʻrtasidagi Sarasuyun togʻ tizmasining Noksoy tepaligi boʻylab 790 metr masofada 19-nuqtagacha davom etadi.

19-nuqtadan chegara gʻarbiy yoʻnalishda Parkent va Ohangaron tumanlarining maʼmuriy chegaralari oʻrtasidagi Sarasuyun togʻ tizmasi boʻylab 1730 metr masofada 20-nuqtagacha davom etadi.

20-nuqtadan chegara shimoliy-gʻarbiy yoʻnalishda Parkent tumani hududidagi Gavxonasoy va Chavlisoyning yuqori qismi boʻylab 500 metr masofada 21-nuqtagacha davom etadi.

21-nuqtadan chegara gʻarbiy yoʻnalishda Parkent tumani hududidagi Chavlisoy togʻ choʻqqisining yuqori qismi oʻng tomoni boʻylab 960 metr masofada 22-nuqtagacha davom etadi.

22-nuqtadan chegara shimoliy-gʻarbiy yoʻnalishda Parkent tumani hududidagi Chavlisoy togʻ choʻqqisining yuqori qismi oʻng tomoni boʻylab 3110 metr masofada 23-nuqtagacha davom etadi.

Qoʻriqxona chegarasining 20 — 23-nuqtalarining tashqi tomonidan boshlab 459 ga yer maydoni Boshliqsoy qoʻriqxona uchastkasining bufer zonasi sifatida belgilangan.

23-nuqtadan chegara Parkent tumani hududidagi shimoliy yoʻnalishda Opanbuloqsoy bilan kesishgungacha 1527 metr masofada 24-nuqtagacha davom etadi.

24-nuqtadan chegara shimoliy-sharqiy yoʻnalishda Boshqizilsoy bilan kesishgungacha 810 metr masofada 25-nuqtagacha davom etadi.

25-nuqtadan chegara shimoliy yoʻnalishda Parkent tumani hududidagi Shavzuxurdsoyning oʻng tomoni boʻylab 400 metr masofada 26-nuqtagacha davom etadi.

26-nuqtadan chegara shimoliy-sharqiy yoʻnalishda Avastakte togʻ tizmasi boʻylab 970 metr masofada 27-nuqtagacha davom etadi.

27-nuqtadan chegara shimoliy-sharqiy yoʻnalishda 980 metr masofada oʻtadi, soʻngra shimoliy yoʻnalish boʻyicha Avastakte togʻ tizmasigacha 1040 metr masofada 28-nuqtagacha davom etadi.

23 — 28-nuqtalarning tashqi tomonidan qoʻriqxona chegarasi Parkent tumani davlat yer zaxirasi yerlarida bufer zona sifatida belgilangan.

28-nuqtadan chegara shimoliy-sharqiy yoʻnalishda Suvoshgan tepaligi boʻylab 4980 metr masofada 29-nuqtagacha davom etadi.

29-nuqtadan chegara shimoliy yoʻnalishda Parkent tumani hududidagi Oqtosh togʻ tizimi boʻylab 1675 metr masofada 30-nuqtagacha davom etadi.

30-nuqtadan chegara sharqiy yoʻnalishda Oqtosh togʻ tizimi boʻylab 1458 metr masofada 31-nuqtagacha davom etadi.

31-nuqtadan chegara shimoliy-sharqiy yoʻnalishda Oqtosh togʻ tizimi boʻylab 2360 metr masofada 32-nuqtagacha davom etadi.

32-nuqtadan chegara Parkent tumani hududidagi Xavli togʻ tizmasidan 472 metr masofada oʻtadi, soʻngra sharqiy yoʻnalishda 717 metr masofada 33-nuqtagacha davom etadi.

33-nuqtadan chegara sharqiy yoʻnalishda Parkent tumanidagi Xavli togʻ tizmasi boʻylab 1890 metr masofada 34-nuqtagacha davom etadi.

34-nuqtadan chegara shimoliy-sharqiy yoʻnalishda 750 metr masofada 35-nuqtagacha davom etadi.

35-nuqtadan chegara shimoliy-gʻarbiy yoʻnalishda 930 metr masofada 36-nuqtagacha davom etadi.

36-nuqtadan chegara shimoliy-sharqiy yoʻnalishda Qizilnur togʻ tizmasi orqali Parkentsoy bilan kesishgungacha 688 metr masofada 37-nuqtagacha davom etadi.

37-nuqtadan chegara shimoliy-gʻarbiy yoʻnalishda Qizilnur togʻ tizmasi orqali 200 metr masofada 38-nuqtagacha davom etadi.

38-nuqtadan chegara shimoliy sharqiy yoʻnalishda Qizilnur togʻ tizmasi boʻylab 514 metr masofada 39-nuqtagacha davom etadi.

39-nuqtadan chegara shimoliy-sharqiy yoʻnalishda Qizilnur togʻ tizmasi orqali 1230 metr masofada oʻtadi va 1-boshlangʻich nuqtaga tutashadi.