“O‘zbekiston Respublikasi Davlat xavfsizlik xizmati to‘g‘risida”gi Qonun va O‘zbekiston Respublikasi Prezidentining 2017-yil 10-apreldagi PF-5005-son “Ichki ishlar organlarining faoliyati samaradorligini tubdan oshirish, jamoat tartibini, fuqarolar huquqlari, erkinliklari va qonuniy manfaatlarini ishonchli himoya qilishni ta’minlashda ularning mas’uliyatini kuchaytirish chora-tadbirlari to‘g‘risida”gi Farmoniga asosan O‘zbekiston Respublikasi Tashqi ishlar vazirligi, Ichki ishlar vazirligi, Sog‘liqni saqlash vazirligi, Adliya vazirligi, Davlat xavfsizlik xizmati, Davlat bojxona qo‘mitasi qaror qiladi:

1. O‘zbekiston Respublikasi Tashqi ishlar vazirligi, Ichki ishlar vazirligi, Sog‘liqni saqlash vazirligi, Adliya vazirligi, Milliy xavfsizlik xizmati va Davlat bojxona qo‘mitasining 2011-yil 27-sentabrdagi 3, 9, 20, 24, 15914, 01-02/12-18-son qarori (ro‘yxat raqami 2269, 2011-yil 27-sentabr) (O‘zbekiston Respublikasi qonun hujjatlari to‘plami, 2011-y., 39-son, 407-modda) bilan tasdiqlangan Xorijiy davlat hududida vafot etgan shaxsni O‘zbekiston Respublikasi hududida dafn etishda ko‘maklashish tartibi haqidagi nizomga ilovaga muvofiq o‘zgartirishlar kiritilsin.

2. Mazkur qaror rasmiy e’lon qilingan kundan e’tiboran kuchga kiradi.

1. 16-bandning ikkinchi xatboshisidagi “Kirish-chiqish va fuqarolikni rasmiylashtirish boshqarmasiga” degan so‘zlar “Migratsiya va fuqarolikni rasmiylashtirish bosh boshqarmasiga” degan so‘zlar bilan almashtirilsin.

2. 43-banddagi “Milliy” degan so‘z “Davlat” degan so‘z bilan almashtirilsin.

3. Mazkur o‘zgartirishlar “O‘zbekiston havo yo‘llari” milliy aviakompaniyasi, “O‘zbekiston temir yo‘llari” AJ va O‘zbekiston avtomobil transporti agentligi bilan kelishilgan.